المساعد الشخصي الرقمي

مشاهدة النسخة كاملة : مشكلة....وتبي حل..



شادن
17/03/2002, 09:40 AM
السلام عليكم ورحمة الله وبركاته...

الأحبة....

مشكلتي..إن بريدي مو راضي يفتح...

يعني الحين عندي 90 رسالة....ولما أفتح البريد تطلع صفحة بيضااااء..

ما أدري وش السبب...

إللي يعرف لا يبخل علي بالحل...ومشكور سلفا....

أختكم / شـــــادن

البندر
19/03/2002, 12:53 AM
هلا اختي شادن ... احتمال يكون البروكسي .. حاولي بالبروكسي وان شاء الله يضبط معاك ..ترى الشبكة بالسعودية رديئة هاليومين والله يعين ان شاء الله ولك تحياتي


اخوك البندر

شادن
22/03/2002, 12:04 AM
مشكور أخوي وما قصرت...

بس بصراااااحة....

ولا تضحك علي...

أنا مو عارفة وشو البروكسي....اسمع به...

بس ما أعرف من وين أجيبه ... وكيف استخدمه...

أخوي ...

أنا جربت أفتح بريدي من جهاز ثاني وفتح معي وبسهولة....

ليش بس جهازي إللي يحتاج بروكسي.....

ياليت توضح لي....فضلا لاااااا أمرا..

أختك المزعجة / شادن

البندر
22/03/2002, 12:47 AM
لا ازعاج ولا شيء ...

الشغلة يبي لها شرح شوي طويل .. بس بسأل بالاول المتصفح اللي هو الاكسبلور EXPLORES عربي والا انجليزي ...

بعدها راح اعلمك عل كل شيء


لك تحياتي


اخوك البندر

شادن
22/03/2002, 01:05 AM
أخوي البندر...
المتصفح عندي عربي...

شادن..

البندر
22/03/2002, 10:27 AM
اول شيء تروحين للمتصفح وتضغطين عليه بالفاره يمين واختاري اخر كلمة بالقائمة اللي تطلع ... بعدها يفتح مربع ..أختاري اتصال ...

طالعي فوق في كم مربع اختاري خيارات واعتقد الثالث .. راح يفتح لك مربع جديد دوري بالكلمات بتلقين هالكلمة proxy

شوفيه نفس اشتراكك فمثلاً شركة اثير ...

تكتبين proxy.atheer.net.sa والمنفذ 8080 وكل شركة انترنت لها


وهالكلام هذا مكتوب بالبطاقة اللي تشترينها حق الاشتراك

واذا ماتعرفين البروكسي حق الشركة عطيني اسم الشركة وانا راح ادرج لك البروكسي واتصل بالشركة بنفسي وحاضرين اختي


اتمنى اكون افدتك ولك تحياتي

ولاتستحين ابداً من السؤال فاأنا تحت الخدمة


اخوك البندر

شادن
25/03/2002, 07:07 PM
ألف ...شكر لك أخوي البندر....

اخوي...
سويت إللي قلت عليه... لكن لقيت البروكسي والمنفذ مكتوبين...

ومع ذلك مو راضي يفتح..

وش المشكلة الحين؟؟؟؟!!!!..

...شــــــــــــــــــــــ ادن...

البندر
26/03/2002, 12:14 PM
هلا اختي ... وش هو اشتراكك بالاساس ... انسخي لي البروكسي او اكتبيه مع المنفذ ...حتى اتأكد منه ... ولك تحياتي


اخوك البندر

شادن
26/03/2002, 02:29 PM
أخوي البندر....

هذا البروكسي proxy.saudionline.com.sa
وهذا المنفذ 8080

شـــــــــــــادن

البندر
26/03/2002, 03:25 PM
هلا اختي شادن ....

من افشل الشركات السعودية هي شركة سعودي اون لاين ... ووالله اني ماوجدت شركة في سؤء خدماتها ... شركة تعبت بمحاوله ان اشغل اشتراكي بها ... فاشلة بما تحمله الكلمة ... انصحك بأي شركة من ضمن الـ 29 شركة الاخرى في السعودية ... وثقي تماماً بأن متأكد من كلامي ...ولم اقل هذا الشيء الا من واقع تجربة ... كدت ان افقد ثقتي بجميع الشركات الآخرى ... ولك تحياتي


اخوك البندر

شادن
28/03/2002, 01:05 AM
ألف شكر ....أخوي البندر....لتعاونك ... وطولة بالك...

والله يوفقك دنيا وأخرى...

ولك مني كل التقدير والإحترام..

أختك / شادن