المساعد الشخصي الرقمي

مشاهدة النسخة كاملة : .. معلمه سوف تستقيل!!!!!!!!!!!!!!!الرجاء عدم الاهمال



يا رب تفرجها
14/04/2003, 02:15 PM
السلاااااااام عليكم ..
اشتركت في هالمنتدى طمعا في طيبتكم وحبكم للمساعده .. فا اتمنى ماتخيبون ظني ولا ظن صديقتي الي طرحت عليها فكرت اني أعرض مشكلتها في المنتدى ...
هي مدرسة رياضيات ... عمرها 23 سنه .. جديده على التدريس.. واول ما دخلت عالم التدريس على طول ثانوي ..ولم يسبق لها تجربة المرحله المتوسطه أو الابتدائيه ... المهم هي طبعها هادي مره . ورقيقه .. وماتحب التدريس .. ولا تقدر تختار وظيفه غيرها بحكم أن الاهل مافي غير مدرسه .. ومايتقبلون وظيفه ثانيه .. وهي برضو مو مقتنعه بوظيفه غير التدريس للفتاه ... المهم هي مشكلتها انها مرات محتاره في اشياء كثيره ... هل المعاناه الي تشوفها في هذه المهنه مرتبط في المرحله الدراسيه الي تدرسها .. .. المهم ومرات تحس العيب بالماده لانها دسمه مره .. وتحتاج الى جهد وتعب .. وشرح مية مره .. والي يفهم والي مايفهم .. وخلاص هي اكدت لي انها ما عاد تقدر تتحمل.... المطلوب الحين انها تبي الحل .؟؟؟؟؟؟؟ هل تترك وظيفتها وتجلس في البيت .. علما ان بيتهم ما يشجع على الجلسه فيه ...يعني فيه هم وغم .. والحمدلله على كل حال ... وهل تغير المرحله وتنتقل الى مرحله اقل؟؟؟؟؟؟؟؟؟؟؟؟؟؟؟؟ يعني ابتدائي .. او متوسط...والا الكرف وراها وراها وين ماراحت سبة هذه الماده المنحوسه .. ((على حد قولها .))))))) المهم الله يخليكم لا تهملون الرساله وردو عليها .. لازم تحدد مصيرها في ذا اليومين.. يعني محتاجه الرد ضروري .... كل يوم تسألني وش تسوي .. حتى نفسيتها تعبانه مره .. كأنها تروح تتعذب وتجي ... والله حالتها حاله ....تحلف لي انها اذا استمرت يمكن يصير لها شي ...كما انها تتمنى تدعولها بالزوج الصاح قريبا عشان تفتك من المدرسه ... يارب ارزقها وارزقني وارزق الجميع بالزوج الصالح .. امين ............... فا انا انتظر الرد

الماضي الجميل
14/04/2003, 02:34 PM
انا اشوف انها ماتستقيل صعب بعد كل هذا التعب والمجهود
وفكرة انها تحول مدرسة ابتدائي حلوه لان تدريس الابتدائي اسهل شويه يبغى لهم صبر بس كثير من زميلاتي كانو مدرسات ثانوي وحولوا ابتدائي
بسبب صعوبة التعامل مع بنات الثانوي
وصعوبة مناهجهم
الله يوفقها ويوفق الجميع

يا رب تفرجها
14/04/2003, 02:40 PM
مشكوره اختي فتاة المروج على الرد .. بس حبيت اعرف بنات الابتدائي مايطفرون .. يعني من ناحية الفهم ... والمشاغبه لان تعرفين الاصغر سنا كثيري الحركه .. لان هي ماعندها فكره اذا التعامل والشرح مع بنات بلابتدائي راح يريحها او لا ...

سمبوسة2
14/04/2003, 02:42 PM
يارب تفرجها اهلا سهلا فيك بالنسبه لصديقتك الافضل تنقل للمرحله الابتدائيه بيكون اريح لها كثير من الثانوي ولاتفكر تترك وظيفتها
خاصه اذا حكوميه مش خاصه لان ماأحد حاصل له وظيفه في ها الوقت
والله يفرجها انشاء الله
ويوفقكم انتي ويا ها با لزوج الصالح يارب ;) ;) ;)

النجم الساطع
14/04/2003, 04:08 PM
أنا رأي من راي فتاة المروج 0وصدقيني التدريس مهنة متعبة جدا خصوصا في المرحلة الثانوية 0وأنصحك واقول حراااااااام السنين الي ضاعت من عمرك في الدراسة تروح هباء 0 ولو مرة ضاقت فيك حولي ابتدائي الحمل حيكون اخف عليك أو حولي إدارية مثلا مراقبة بس حتدفعي ضريبة وهية إن المعاش حينخفض شوي 0
المهم تدورين راحة بالك0 و قبل ماتقدمي على أي خطوة أستخيري الله
وأحب اقول إن جلسة البيت المستمرة تجيب الطفش 0في المدرسة على الاقل تغيير جو
لااااااااااااااا تتسرعي

وصلي لها ها الكلام مع الشكر وشجعيها

نحوالمعالي
15/04/2003, 04:23 AM
أخواتي الطيبات ..أنا مدرسه سابقه ...وأعرف معاناة الأخت...وأقول أن مهنة التدريس جميله وممتعه وفيا عطاء بلا حدود ..وهي مسئوليه أمام الله وأمام الأجيال التي نربيها..ونغرس في عقولها وتتأثر بنا بالسب والأيجاب .ومن ذلك أرى أن فاقد الشيء لا يعطيع ..وكم عانينا ونحن طابات من معامات ..أقصد مدرسات؟؟؟أعتقد في فرق كبير بين الكلمتين(معلم /مدرس)فالثانيه مهنة أو وظيفه ..أما الأولى فرساله ورساله ساميه وراقيه....وتحتاج نيه وبذل ...وليس كره وملل .وما دامت الأخت كارهه الماده فكيف ستحببها للطالبات.....وفاقد الشيء لا .....يعطيه.....؟؟؟؟؟؟؟

سماهر
15/04/2003, 11:48 AM
مرحبا

المشكله من الاساس مثل ما تقولين انها كارهه للتدريس

واذا كان قصدها من حيث التعب فتقدر انها تدرس المرحله

الابتدائيه لانها اسهل لان الانتقال من مرحلة التخرج الى تدريس المرحله

الثانويه اعتقد انه امر صعب مب بس عليها على اي وحده

اول شئ انصحها بانها تحول للمرحله الابتدائيه وتشوف الوضع

بس المهم انها تحاول ان تتكيف مع مهنة التدريس

يا رب تفرجها
15/04/2003, 01:17 PM
أخواتي . سمبوسه .. النجم الساطع .. نحو المعالي ... سماهر ... مشكورين .. وماقصرتو .. الله يوفق الجميع انشا الله....

الام الحنون
16/04/2003, 02:01 AM
التدريس رساله تبليغ علم وان كان علم رياضيات فعليها تبليغ الرساله بنفس مخلصه وصادقه ...
هل هي تشتكي من الماده ؟؟
ام انها في مكان بعيد عن منطقتها اي متغربه مثلاً ؟
ام انها تسهر الليل ولاتنام تروح مواصله ليس لها صحه وخلق في اعطاء الماده وهي بهذه الحاله السيئه ....؟؟؟؟
هذه تسائلات لابد من الجواب عليها من قبل نفس المعلمة حتى تعرف ماهو
يضايقها بالضبط وتبحث عن وجود حلول وان كانت مؤقته لحين وجود حل جذري للمشكلة ... والله المستعان ...

princes
17/04/2003, 10:25 AM
أختي العزيزة

اخذة مهنتة التدريس انها مهنة حـلوة وعتبري الطالبات انهم خوتــكي وسوف تحبينها اكيد لان احسن موقع عمل الى المرة هي التدريس بنسبه في نظرة والله الموفق الى الجميع .:D

يا رب تفرجها
18/04/2003, 01:41 PM
الام الحنون ... مشكوره اختي على الرد .. بس مشكلتها في الطالبات ,, بانها قريبه من سنهم كثير .... ويعصبون فيها ... تعرفين حركات بنات الثانوي مالها داعي ,, يعني قلق بأم عينه ..

اما بالنسبه للماده فهي تحبها ولا كيف تخصصتها .. وهي تحب منهج الثانوي اكثر من الابتدائي .. يعني تورطت .. يا هم الطالبات او هم المنهج ..وهي تخاف انا لا حولت ابتدائي يكون طالبات الابتدائي حركين و تعرفين مادة الرياضيات يبيلها تركيز .

الاخت princess مشكوره ... وصدقتي احسن مكان للمره التدريس .. بس تعب :confused: