المساعد الشخصي الرقمي

مشاهدة النسخة كاملة : منو جربت تشد بطنها بحزام بعد الولادة؟



واثقة من نفسي
31/10/2007, 06:17 PM
السلام عليكم..

شلونكم يابنات..

أبي أسأل كل اللي جرب يشد بطنه بعد الولادة شنو النتيجة اللي شافتها بعد النفاس وهل اهو فعلا يخفف من حجم وترهل البطن..وبعد جم يوم من الولادة لازم اشد بطني..وشنو نوع الحزام اللي لازم نستخدمه..لاني اسمع كلام واجد من الحريم ولا ادري الصحيح منها..

لاحد يبخل علينا بتجربته..بانتظاركم

انجي قطر
01/11/2007, 03:21 AM
انا لبست streach قطني وراص عالبطن هو كان عالارداف والبطن
وكان مريحني وماسك جسمي ولبسته من اول يوم وارتحت من النتيجه وطبعا رياضة المشي بعد الاربعين لها دور بعد
وبالتوفيق

الــــــــــود
01/11/2007, 04:22 AM
السلام عليكم ... انا والله سمعت من صديقه لي استخدمت شماغ زوجها ( الغتره ) لفتها على بطنها اذا ماكفت وحده تقدرين بالثانيه

Blossoms
01/11/2007, 04:47 AM
والله انا ماجربت لكن هالمرة باذن الله ناوية اجرب

alzanbaq
01/11/2007, 06:34 AM
انا جربت الف غتره ع بطني .. نتيجتها حلووووه مره .. بس مشكلتها

يبي لج كل شوي تعدلينها كل ماتحركت من مكانها .. يعني تصير موب ثابته ..

واثقة من نفسي
01/11/2007, 08:27 PM
مشكورين خواتي على الردود..بس متى لازم اربط بطني بعد الولادة بكم يوم؟!

وغير الغترة منو ربط بطنه بشيء ثاني لاني احس الغترة مو عملية..

قطرية24
01/11/2007, 09:43 PM
انا البس مشد لزق
ما ادري احس ان مافي فايده بس نلبسه عل وعسى

new_mother_of2
02/11/2007, 06:32 PM
اختى انا الدكتور قال لصديقتى تلف بطنها بعد الولاده باسبوع بس هيا كانت والده قيصريه ...وقربتى اللى ولدت طبيعى لفت قطعه قماش بعد الولاده على طول

نا را
02/11/2007, 06:47 PM
البنات يتكلمون عن المشد الاندنوسي..

وسواء هو أو أي نوع من المشدات لازم تلبسينه من 3 يوم بعد الولادة لمدة لا تقل عن شهرين دون خلع إلا وقت الاستحمام..صديقتي سوت هالحركة ولا حظت الفرق ما شاء الله..

Blossoms
03/11/2007, 02:03 AM
انا لاني عندي فتق في السرة الدكتورة نصحتني الف بطني عقب الولادة على طول بقطعة قماش لمدة شهرين ماتنشال الا وقت الحمام بحيث انها تكون مريحة عند الجلوس

لكن انا شريت لي مشد من سيتي بلازا وناوية اجربه

عذاري...
06/11/2007, 12:13 AM
انا اول مرة حمل لي

وشريت المشد الاندونيسي وان شاء الله اجربه

بس ما اعرف بعد كم من الولادة استخدمه؟؟

والرياضة بعد كم من الولادة نمارسها؟؟

new_mother_of2
06/11/2007, 05:05 PM
ممكن اعرف ايه هو المشد الاندونيسى ؟؟؟؟

ام التووت
08/11/2007, 03:45 AM
انا بعد شريت المشد الاندنوسي وان شاء الله يفيد لان اول ولاده لي ان شاء الله ومادري شسالفه خخخخ

العصفوره11
08/12/2007, 03:07 AM
من المشد الاندونيسي

**ام يارا**
09/12/2007, 07:18 AM
انا احط الربطه بعد الولاده بيووم يعني وانا رايحه البيت من المستشفى

وماانزله الى وقت الحمام الله يكرمكم

انا استعمل المشد الاندونيسي وجدااااااااااا ممتاز وعملي في اللبس واذا تبغي نتائج كوووويسه لاتشربين الموويه البارده ...............

حرمـ الغـالي
09/12/2007, 08:58 AM
و منكمـ نستفيد

^_*

انا بعد هذا أولـ حمل لي

تسلمين اختي ( واثقه من نفسي ) على طرح الموضوع

=)

ريحانة القلوب
09/12/2007, 11:07 AM
انا بعد شريت المشد الأندونيسي وناوية أجربة بعد أسبوع من الولاده

marshmellow
10/12/2007, 08:25 AM
مرحباا..

شريت مشد من الصالون الازرق يجي شورت لين تحت الصدر....

وخذيت من شيكو مشد لزقه للبطن

Faddoo
11/12/2007, 04:06 PM
طيب من وين الاقي هذا المشد الاندونيسي؟ يعني هو متوفر بالصيدليات ولا وين؟

**ام يارا**
13/12/2007, 09:21 AM
حبيبتي Faddoo

مداام انتي من الرياااض اكيد في بقالة اندونيسيه عندكم واكيد حااتلاقي فيها حااكمل معااكي على الخااااص

R e e m
14/12/2007, 02:35 AM
انا ناويه باذن الله استعمل المشد الاندونيسي

موكالوكا
16/12/2007, 05:34 AM
أنا اشتريت المشد الأندونيسي بس مترددة اربط في المستشفى والا لما ارجع البيت؟؟؟؟

دلوعة 88
19/12/2007, 04:47 PM
ومنكم نستفيد...........

هذا اول حمل لي ...

وان شاء الله بربط بطني لان اختيه ما ربطت بطنها والين الحين مترهل ....معنها والده من خمس شهور وهو اول حمل الها بس ما ربطت شي من العيازه !!

rose_257
22/12/2007, 08:28 PM
وانا بعد اول حمل لى وان شاء الله راح اربط بطني بالمشد الاندونسي

الخدامه قالت لى اربطي بس اربعين يوم وقت السبوح اشيله وارد احطه وبعدها لازم نتابع نظام غذائي ونبتعد عن الغازات البيسي وعقب 6 شهور رياضه بس الرياضه الخفيفه

والله يهوووون علينا ونرد رشاقات مثل قبل يااااااااااارب

nawarah911
07/01/2008, 08:58 PM
اختي rose من وين خذتي المشد الاندنوسي

ام حمودي555
07/01/2008, 11:32 PM
بنات البحرين من وين خذيتو المشد الاندونيسي

سويتي كتكووته
08/01/2008, 03:02 AM
السلام عليكم ..
حبايبي المشد الاندونسي هو عباره عن 10 امتار من الخام الاندونيسي .. يلف حول البطن ويثبت بجلاب ( دبابيس ) كبيره .. ويشد على البطن .. انا عن نفسي بصراحه مااشوف ان المشد الاندونيسي عملي لاسباب : يبي احد يلفه عليج .. ماتقدرين تلفينه بروحج .. لازم مساعده .
ويقطع النفس لان 10 امتار وااااااايد تلفينها على بطنج .
انا بشتري مشد عادي من محلات قمصان النوم ويكون فيه حدايد عشان مايلين مع البطن .. وهذا رايي انا
وربي يهون على الكل

ج ـودي
10/01/2008, 01:25 AM
المشد الاندوسي افضل شي

بعثره محبره
14/01/2008, 12:00 PM
بنات من سمعت عن مشد الساونا ؟؟

فيه ناس يمدحونه ..

نجوووووحة
22/01/2008, 08:40 PM
أهم شي الرياضه لالالالالالالالالالالالال الالالالالالاتهملونها
هي أساس شد البطن

**ام الوليد**
23/01/2008, 03:49 AM
من وين خذتيو المشد الاندنوسي
انا من شرق الرياض دلونى على اقرب مكان مع السعر لاني سمعت انه غالى يعني 1500 واكثر
اختى بطنها كبيره جدا مع انها والده صار لها شهرين هل ينفعها الان
الله يسلمك على الموضوع

ندى الورد
23/01/2008, 04:30 AM
مشكلت الرياضه يبلها استمرار اذا تركتيها ترجعين زي اول

بس ربي يعين اختي تقول مو مرريح ابدا المشد الاندونيسي مثل الشماغ مو ثابت

اذا تحركتي يالله من يربطه لك شغلانه

ruru
22/02/2008, 03:11 AM
حبيبتي تلقينه في البقالات الاندونيسيه
ومن ألي لاعب عليك وقايل لك أنه ب1500 تراه ب50 ريال
أنا شايفته في بقاله أندونيسيه بس ما أذكر وين

اوراق الخريف2
22/02/2008, 04:17 AM
المشد الاندنسي كويس

مها999
24/02/2008, 08:55 PM
وين مكان المحلات الاندونيسية بالرياض

بليز بنات ردو ضروري

ام احــمــد
25/02/2008, 03:05 PM
اخواتي العزيزات
انتو قلتو ما تشيلون المشد الا وقت الاستحمام
طيب ووقت النوم انا اتوقع انه ما يصلح ولا ايش رايكم
انا بكريه وتوني في اول اسبوع من الرابع
لكن حبيت استفسر .....
ارق تحيه

حكايه المطر
25/02/2008, 06:14 PM
وين مكان المحلات الاندونيسية بالرياض

بليز بنات ردو ضروري

انا حصلت المشد الاندونيسي في اسواق البديعه مول محل قمصان نوم في الدور الثانى بصراحه شكله حلو مو زي الي يقولون البنات يعنى بيكون ثابت على بطنك مارح يتحرك

حكايه المطر
25/02/2008, 06:16 PM
اخواتي العزيزات
انتو قلتو ما تشيلون المشد الا وقت الاستحمام
طيب ووقت النوم انا اتوقع انه ما يصلح ولا ايش رايكم
انا بكريه وتوني في اول اسبوع من الرابع
لكن حبيت استفسر .....
ارق تحيه

المشد ياحبيبتى تلبسينه من اول ماتولدين ولا تفصخينه الا اذا جيتى تتسبحين بس حتى وقت النوم لازم يكون عليك طبعا هذا الكلام من تجربتى

c_candy_girl
25/02/2008, 08:43 PM
انزين بنات الامارات حد يعرف وين احصل ها المشد في الامارات و اذا تعرفون حد في المنتدى يبيعه و يوصلي ايه دلوني جزاكم الله خير... بس عادي تلبسينه بعد القيصريه؟ ان شاء الله ... ربي يسهل علي و اولد طبيعي... مشكورات بنات على المعلومات

ام علي الطباخة
26/02/2008, 12:15 AM
ساعدوني من وينه يشترون هذا المشد من اي محلات

ركايز
26/02/2008, 05:05 PM
والله انا جربت المشد بالولاده الاولى بس ماهوبشكل مستمر بس والله مفيد والحين يمدحون المشد الاندونيسي بس مادري وين ينباع بالشرقيه ابغاه قبل الولاده هذي

warm
26/02/2008, 05:33 PM
شد البطن وايد زين وكانت جداتنا يربطون بطنهم بالغتره او اي قماش بعد الولاده مباشرة
وظلت اخواتي يستخدمونه بس لما شغالتنا الاندنوسيه قالت الى اختي وهي حامل عن حزام يستخدمونه في اندنوسيا وايد زين والنتيجه مضمووونه والصراحه كلامها كان عدل لما استخدمته اختي الحين بطنها مع ضهرها ولا كأنها حامل قبل والحين باخذه من عندها الى عقب ولادتي ان شاء الله

وسمعت عن وحده تبيعه في الرفاع وصديقه اختي اشترت لها واحد بس ما ادري مثل الي جابته شغالتنا او لاء

قصة حب!
04/03/2008, 03:58 PM
انا بشتري مشد عادي من محلات قمصان النوم ويكون فيه حدايد عشان مايلين مع البطن .. وهذا رايي انا




أختي أنا جربت هذا النوع من المشدات (بوحديد/بلاستيك)، لمنطقة البطن واستعملته عشان ما يخترب بطني بسبب قعدت الكرسي، الصراحة سبب لي ألم في معدتي مع أني كنت ماخذة أكبر من المقاس إلي أحتاجه، وحسيت بعد فترة بأنه يكتم على نفسي...

قصة حب!
04/03/2008, 04:11 PM
صح أنا بعد أبغي منه،،، من وين أقدر أشتريه في الإمارات

&كلي جروح&
18/04/2008, 08:47 PM
بليز بنات ردولي وين الاقيه انا من السعوديه محافظة الدوادمي

حيــاة
19/04/2008, 12:37 AM
اختي انا جربت المشد الاندونيسي في الاربعين وبصراحه مافادني ابددددددددددد
بالعكس يزهق ويجيب الحر وغير مريح.
ووحده من زميلاتي قالت لها دكتورة اجنبيه انا استغرب منكم يالسعوديات تحطون المشدات على بطونكم بعد الولادة وهذا اكبر خطأ لانكم تمنعون الحركة الطبيعيه للرحم عشان يرجع لوضعه الطبيعي بالعكس انتم تشدونه فيترهل ولايرجع لوضعه الطبيعي.. بس نصحتها بالرياضه والرضاعه الطبيعيه والغذاء الجيد.