المساعد الشخصي الرقمي

مشاهدة النسخة كاملة : اين العراقيات



الصفحات : [1] 2 3 4 5 6

نجمة السهارى
24/10/2007, 07:05 PM
السلام عليكم ورحمة الله وباركته

حبيت اشارك في هذا القسم عجبني كثير

الصراحه انا مو مغتربه انا داخل الوطن الحمد لله رغم الظروف الصعبه
حبيت اتفاعل في هذا القسم مع المغتربات اخواتي العراقيات لتخفيف عنهم الغربه ونذكر ايام وطنا الغالي الله يرجعله الامان والسلام
واحب أحي جميع اخواتي من كل دول العالم العربي

اختكم في الله
نجمة السهارى

دلوعه امها و ابوها
24/10/2007, 07:51 PM
حياك الله اختي نجمة السهاري طمنينا شلون الاوضاع عندكم الله يخفف همكم يا رب

نجمة السهارى
24/10/2007, 07:57 PM
اهلا بيج يادلوعه وشكرا على مرورك اختي الغاليه
الوضع في العراق الحمد لله يتحسن وان شاء الله احسن واحسن

اختي دلوعه انتي من وين

ROSE3ROOS
24/10/2007, 07:59 PM
حياج الله نجمةانتي من وين؟؟

دلوعه امها و ابوها
24/10/2007, 08:02 PM
حبيبتي انا من الكويت

نجمة السهارى
24/10/2007, 08:02 PM
حياج الله روز انا من بغداد وانتي ؟

نجمة السهارى
24/10/2007, 08:04 PM
ياهلا بيج دلوعه وبعرايس الكويت كولهم وحياج الله حبيبتي

ROSE3ROOS
24/10/2007, 08:42 PM
دلوعه حيااااااااااااااااالله اهل الكويت واهل العراق وانا من الثنين

عمامي بالبصرة وخوالي بالكويت .

أحلى وطن العراق
26/10/2007, 09:56 PM
حبيبتي انا من الكويت

من الكويت !!

معقوله؟

طيب ليش مغتربه .. يعني اللي اعرفه ان هل الكويت ماعدهم مشاكل ...

أحلى وطن العراق
26/10/2007, 09:58 PM
نورتي غاليتي وياهلا ومرحبا والله يخفف عنكم في بلدي العراق الجريح وان شاء الله تتحسن الاوضاع وترجع بغداد لسابق عهدها ..

حياك الله بينا

اختك ام ساره من الدنمارك

ღ الينبوعه ღ
27/10/2007, 12:06 PM
هلا والله باحلى لمة في العالم واهل العراق والدنيا كلها واهل الكويت فديتكم
نورتو قسم المغتربات
انا عرقية الكل يعرف من البصرة اعيش في المانيا
ويمكن راح اسافر بلاد ثانية واغترب مرة ثانية هههههه تعودت عادي

نجمة السهارى
28/10/2007, 11:21 AM
هلا والله ينبوعه ونورتي وربي يوفقج في سفرج الجديد

نجمة السهارى

ღ الينبوعه ღ
29/10/2007, 11:28 AM
تسلمين حبيبتي ويوفقج يارب

زهراء القلوب
09/11/2007, 03:36 AM
السلام عليكم
اني عراقية وعايشة بالنرويج واحب اتعرف عليجن اذا ماكو مانع

ღ الينبوعه ღ
12/11/2007, 10:34 AM
حياج الله حبيبتي نورتي القسم يا وردتنا

دلوعه امها و ابوها
12/11/2007, 12:04 PM
اختي اي انا من الكويت و مغتربه مع زوجي

الـــــــرومانســــــيه
12/11/2007, 12:05 PM
هلا اختي الكريمه نجمه السهاري
اشكرج لانج جمعتينا
وانا اختكم دلفين عراقيه واعيش بالسويد

ام احمد2003
12/11/2007, 02:54 PM
هلا فيج اختي نجمه السهاري وانا من البصره

ishtar
15/11/2007, 08:48 PM
hi how you doing am ishtar from iraq and live in america i wanted to greet you all i like [3roos[ so much
long live one iraq
best wishes for you all

kmkm
06/12/2007, 12:27 PM
مراحب بكل المغتربات وخاصة العراقيات اني عراقية عايشة بمصر

ღ الينبوعه ღ
06/12/2007, 01:24 PM
اهلا بيج حبيبتي نورتي القسم

ينبوع العراق
06/12/2007, 10:33 PM
السلام عليكم خواتي العراقيات والعربيات اني عراقيه عايشه بمصر واحب اتعرف عليكم

ام عمـار
07/12/2007, 03:21 AM
و انا كمان عراقية عايشة بالدنمارك

بس مو شايفة العراق ابدا

بنت الرافدين1
07/12/2007, 03:59 AM
هلووووو
شلونكم بنات بلادي:21_140:
اني عراقية
مغتربة في كندا حبيت انظم وياكم
تقبلو مروري:flower::flower:

ღ الينبوعه ღ
07/12/2007, 12:23 PM
نورتو والله يا ورود العراق جميعا انا عراقية طلعت من العراق سنة 2000 عشت بهواية دول ومن 7 سنين اعيش في المانيا

yazahra
07/12/2007, 02:00 PM
اهلا بكل العراقيين اينما كانوا انة ام ايه من الدنمارك

ريام
07/12/2007, 03:46 PM
انا من العراق وحيالله اهلنه بالعراق وخارجه والله كريم يعود العراق لسابق عهدهونفرح بيه انشالله ونتجمع تحت رايته واحنه فرحانين

ليالي البدري
09/12/2007, 06:05 PM
السلام عليكم
حيا العراق واهل العراق وتراب العراق وكل نسمة هوا تهب بالعراق هنيئا لمن يأكل من تمر العراق يارب تحفظ بلدي وترجع كل المهجرين لان ماكو مثل العراق يارب تجعل لقاءنا بالاهل قريب وتجعل موعدنا الصبح أليس الصبح بقريب

ام زوزو
09/12/2007, 09:59 PM
:21_103:احيج نجمة السهارى يا عراقية يا وردة انا عراقية بس مغتربة فى كندا

أحلى وطن العراق
09/12/2007, 11:01 PM
ماشاء الله هوايه عراقيات وياي بالمنتدى اول ماسجلت كانوا شبه معدوميييييييييييييييييييي يييين اللهم زيد وباااااااااارك

تحياتي للجميع

بنت الرافدين1
09/12/2007, 11:48 PM
السلام عليكم
حيا العراق واهل العراق وتراب العراق وكل نسمة هوا تهب بالعراق هنيئا لمن يأكل من تمر العراق يارب تحفظ بلدي وترجع كل المهجرين لان ماكو مثل العراق يارب تجعل لقاءنا بالاهل قريب وتجعل موعدنا الصبح أليس الصبح بقريب


الهي آميــــن

B6aa
10/12/2007, 01:08 AM
انا بعد من الدنماررررررررررررررررررر رك

ahlameye
10/12/2007, 09:45 PM
حيا الله بلاد الرافدين وحماها وحمه اهلها وناسها واخواني واخواتي الي ببغداد محروس ياعراق من شمالك لجنوبك واللهم زيل هل غمه من هل امه العريقة ..... :wavetowel2::wavetowel2::wavetowel2::wavetowel2::w avetowel2:

bebe5
11/12/2007, 02:52 PM
basmallhalrhmanalrhem ane sarle 30 sana baslsa ahen ela habebe al iraqensha allh rabe yusalemalbladmenkol soa

amen ya rab al almenyoslem ahl al iraq

بزونه عراقيه
22/12/2007, 01:48 AM
السلام عليكم شلونكم يا حبيباتي منورين المنتدى ولو المنتدى منور بأهله واباقي الموجودين اني عراقيه وفرحت شفت عراقيات ويايه بلمنتدى ومن مختلف الدول ومشكوره عيوني على طرحج للموضوع الاكثر من رائع انا عراقيه مقيمه في القاهره وينج كمكم وينبوع العراق يمكن هم مقيمات بمصر ارجو التعرف عليكم اهلي ياعراقيين ياناس ياطيبين خلونا نعيش اخوان انسان ويحب انسان ونلم شمل البعيدين تحياتي لكل عراقيه

bebe5
22/12/2007, 06:35 PM
eshloncomeyonebnataliraq
anemenorlado
esmeomather

marhbabnate
anemenorlando
bashabataslem

ahlameye
24/12/2007, 10:56 PM
وين العراقيات يالله حركو هذا القسم وخلي كل واحدة تعطينه اخبارها ونعطيها اخبارنا حتى نتعرف على بعض اكثر ..... باجرنبدأ الحجي اوكي

بنت الرافدين1
28/12/2007, 03:58 AM
هلو بنات شلونكم

هاي وينكم اشو ماكو

ايكووو 2007
04/01/2008, 11:50 PM
السلام عليكم
شلونكم حبيباتي
اني بعدني بالعراق بس بالشمال
بس حاسه بغربه لاني مو بغداد الحبيبه الي عشت بيهه وانا تركتها لاني اتزوجت وصارلي تقريبا سنه واكثر مشايفتهاااا بس مشتاقه لبغداد مووووت بنات كل وحده تكول هي بيا منطقه جانت بغداد حتى نتذكر ايام زمان
اني كنت عايشه بحي المهندسين

الـــــــرومانســــــيه
04/01/2008, 11:50 PM
هلو خواتي شلونكم ان شاء الله تكونون بخير
شخباركم ما شاء الله عددنا كبر والحمد لله

ايكووو 2007
05/01/2008, 03:02 PM
:shy:

ahlameye
07/01/2008, 01:16 PM
حي الله العراق واهل العراق وين ما يكونون]

رونق الحياة 2008
07/01/2008, 06:19 PM
انا عراقية من بغداد
مغتربة في السويد منذ سنتين
وين العراقيات

الشموس30
07/01/2008, 11:41 PM
اني عراقيه مغتربه من سنه تقريبا بالامارات

بنت الرافدين1
08/01/2008, 12:01 AM
[/COLOR]

الـــــــرومانســــــيه هلو خواتي شلونكم ان شاء الله تكونون بخير
شخباركم ما شاء الله عددنا كبر والحمد لله
هله والله حبيبتي
احنة بخير مادام الطيبين بخير

بنت الرافدين1
08/01/2008, 12:07 AM
انا عراقية من بغداد
مغتربة في السويد منذ سنتين
وين العراقيات


هله والله حبيبتي
اهلاووسهلا بيج يااهلي ياطيبين وين مكنتو

بنت الرافدين1
08/01/2008, 12:08 AM
اني عراقيه مغتربه من سنه تقريبا بالامارات


هله والله حبيبتي
اهلاووسهلا بيج يااهلي ياطيبين وين مكنتو
شلونج اخبارج

الـــــــرومانســــــيه
08/01/2008, 12:24 AM
(f)
[/COLOR]

هله والله حبيبتي
احنة بخير مادام الطيبين بخير
(f)(f)(y) هلا حبيبتي ان شاء الله دومكم بخير والله يحفظ العراق واهله اااااااااااامين

love4ali
10/01/2008, 08:46 PM
هلا والله بنات تصدقون عاد انا اول مرة افكر ادردش مع البنات مع انو تواجدي غالبا بهالقسم بس اتفرج على لديكورات وافكار احيانا اجربهة واحيانا لا ."

اني ريم من العراق الغالي مغتربة الي 10 سنين تقريبا عمري الحينة 18 سنة مواليد 1989-2-5
اني تكدرون تكولون علية مثل ابن بطوطة هههههههههه عشت بالاردن 30 يوم وبسوريا 19 يوم وبلبنان 6 سنين ."
وهاي اخر شي اجيت لاستراليا صارلي بيهة سنتين وكم شهر اخذنة الجنسية من فترة يعني تقريبا 4 اشهر برمضان اخذناهة بدايتة ."
يعني الغربة صعبة شلالون متكون بس متحمليهة وتعودنة عليهة اشو الواحد داخل وطنه مخترب وخارجة مغترب بس اصعب شي الواحد يغترب داخل وطنه ."
اني مااذكر شي بالعراق يعنيقليل كلش اذكر منطقتنة او محافظتنة اني من محافضة ديالى بس الصراحة ما اعرف اي شي عن العراق ."
وحتة لهجتي لبنانية من اجيت لاستراليا يلا تعلم تعراقي من بض المنتديات العراقية والعراقيين اللي هنا باستراليا ."
ان شاء الله اول مرة راح اروح للعراق هذي السنة بشهر الثالث يعني بعد شهرين ادعولي بنات ."
لان وراية عملية واني طلعت من العراق على مود هالعملية كالولي متنجح الى بالخارج ومن وراهة تغربنة ."
وحان الوقت اروح للعراق قبل ما اسويهة ازور اهل البيت عليهم السلام ومن ارجع ان شاء الله اسويهة بس ادعولي ."
والله خايفة كلش وما ادري شنو المكتوبلي ."
هاي نبذة عن حياتي يمكن طولت عليكم شوي ههههههههههه

نجمة الفرات
11/01/2008, 06:07 PM
اختي العزيزة الحمد لله انتو بخير وان شاء الله دائما العراق بخير والله مشتاقين للعراق اني عايشة بدبي واتمنى ارجع للعراق مداعرف اندمج بغير ناس احسهم بعيدين عني الناس كلهة متغيرة طول نهاري وحدي بالبيت ماعرف شسوي حتى اغير نمط حياتي ان شاء الله يتحسن وضع العراق ويستتم الامن حتى نرجع لان تعبنا

نجمة الفرات
11/01/2008, 07:11 PM
احيي كل العراقيات اني صارلي اربع سنين متغربة عن العراق جنت ساكنة بالكرادة واهلي بعدهم بالعراق اني اتزوجت وطلعت ومكدر زوجي يرجع للعراق لان هوة مو عراقي اتمنى ارجع

بزونه عراقيه
14/01/2008, 02:33 AM
اهلا بيج نجمه وانا ايضا كنت من سكنت الكراده وتاركه الوطن منذ 4 سنوات

alrufaieya
17/01/2008, 11:55 AM
الله يسمع منج يا ام سارة ونرجع كلنا للعراق يا ربيييييييييييييييي شكد مشتاقة للعراق آني هم مغتربة بالامارات والله يا ام سارة كلش متعبتنا الغربة الله كريم انشاء الله يرجع الامارن وكلنا نرجع بجاه شهر محرم يا رب

ديالة
20/01/2008, 03:17 AM
اني بعد هم متغربة صارلي تلث اشهر بس كاني صارلي تلث سنين الغربة جدا صعبة وخاصة انه اني في بلد اجنبي الله يعينا ويصبرنا عل فراك الاهل والاحبة وعل البعد عن الوطن ويسلم وطنا من كل اذى ويرجع الامان وكنا نرجع للوطن انشاء الله

suher
30/01/2008, 08:23 PM
السلام عليكم

سلامي لكل العراقيات
:87457:
آني هم عراقيه مقيمه بهولاندا
واحب اتعرف بيكم

زهراء القلوب
11/02/2008, 04:19 AM
السلام عليكم شلونكم حبيباتي ان شاء الله بخير
صار فترة ما داخلة هاي الصفحة
طبعا اني عرفت نفسي سابقا باني عراقية ومقيمة بالنرويج
صارلي 10 سنين متغربة والصيف الفات رحت للعراق الحمد لله
والوضع متحسن وان شاء الله للاحسن بعد بعون الله سبحانه واهل البيت ع
والنشامى من ابناء الوطن

دموع العراق10
11/02/2008, 02:24 PM
انا عراقيه 17 سنه غربه دارت بي الدنيا دوراتها زرت كل بلدان العالم تقريبا بس تعبت ومن سنه جئت الن لندن بس هم مو استقرار راح ادور بلد ثاني على ما يستقر بلدي الحبيب كلما اروح بلد احس فيها غربه اكثر من البلد الثاني

zozo.h
14/02/2008, 12:52 AM
مرحبا حبايب


يبدو اني اقدم مغتربه

لاني مواليد دمشق وعمري 31 سنه

يعني 31 سنه خارج الوطن

احبكم كلكم

zozo.h
14/02/2008, 12:55 AM
هلا والله بنات تصدقون عاد انا اول مرة افكر ادردش مع البنات مع انو تواجدي غالبا بهالقسم بس اتفرج على لديكورات وافكار احيانا اجربهة واحيانا لا ."

اني ريم من العراق الغالي مغتربة الي 10 سنين تقريبا عمري الحينة 18 سنة مواليد 1989-2-5
اني تكدرون تكولون علية مثل ابن بطوطة هههههههههه عشت بالاردن 30 يوم وبسوريا 19 يوم وبلبنان 6 سنين ."
وهاي اخر شي اجيت لاستراليا صارلي بيهة سنتين وكم شهر اخذنة الجنسية من فترة يعني تقريبا 4 اشهر برمضان اخذناهة بدايتة ."
يعني الغربة صعبة شلالون متكون بس متحمليهة وتعودنة عليهة اشو الواحد داخل وطنه مخترب وخارجة مغترب بس اصعب شي الواحد يغترب داخل وطنه ."
اني مااذكر شي بالعراق يعنيقليل كلش اذكر منطقتنة او محافظتنة اني من محافضة ديالى بس الصراحة ما اعرف اي شي عن العراق ."
وحتة لهجتي لبنانية من اجيت لاستراليا يلا تعلم تعراقي من بض المنتديات العراقية والعراقيين اللي هنا باستراليا ."
ان شاء الله اول مرة راح اروح للعراق هذي السنة بشهر الثالث يعني بعد شهرين ادعولي بنات ."
لان وراية عملية واني طلعت من العراق على مود هالعملية كالولي متنجح الى بالخارج ومن وراهة تغربنة ."
وحان الوقت اروح للعراق قبل ما اسويهة ازور اهل البيت عليهم السلام ومن ارجع ان شاء الله اسويهة بس ادعولي ."
والله خايفة كلش وما ادري شنو المكتوبلي ."
هاي نبذة عن حياتي يمكن طولت عليكم شوي ههههههههههه

حبيبتي ريم

اتمنى انك تسوين العمليه بنجاح

والله يعافي كل مريض يالله

الاسلمية
14/02/2008, 12:13 PM
السلام عليكم ورحمة الله

هلااااااااااااااا بنااااااااااااااااااااااا اات شلووووووووونكم ؟؟

انا من سكان جنوووب العراااااق ويسمونا بالجنوب بالنجادة كوننا اصولنا نجدية من نجد

وحاليا مو بالعرااااااااااااق مهجريييييييييييين وتخيلوا حتى املاكنا مانقدر نبيعها والله المستعان انا بسوريا حاليا ,,

والله دخت جنسيتي عراقية وكلي عراقية بس الناس مدري شبلاها قال اصلنا من نجد صرنا مو من العرااااق

اه يالقهر وين كنا ووين صرنا الله يرجع العراق لاهله يارب ,,

فرررحت يابنات بووجودكم ويارب تكونوا بخير واحب اتعرف على الاخوووات ... والله يحفظكم ,,

الاسلمية
14/02/2008, 12:18 PM
السلام عليكم شلونكم حبيباتي ان شاء الله بخير
صار فترة ما داخلة هاي الصفحة
طبعا اني عرفت نفسي سابقا باني عراقية ومقيمة بالنرويج
صارلي 10 سنين متغربة والصيف الفات رحت للعراق الحمد لله
والوضع متحسن وان شاء الله للاحسن بعد بعون الله سبحانه واهل البيت ع
والنشامى من ابناء الوطن


هلا اختي حياج الله

بس نرجو الانتباه الى ماحددته بالاحمر بعون الله وحده ,,

,, اهل البيت ( رضي الله عنهم ) كيف يساعدونك ؟؟ هم ميتين ؟؟

عذرا ان خرجت عن صلب الموضوع ولكن الدين نصيحة ,, واهل التوحيد لازم يراعون كل كلمة تقال

طالما نطقوا بـ لا اله الا الله ,,, العون يستمد من الله وحده .
اللهم نسألك الثبات حتى الممات

zozo.h
15/02/2008, 12:48 AM
يله بنات وينكم


شنو القضيه مشغولات بالغربه ؟

الاسلمية
15/02/2008, 07:47 AM
هلا اختي زوووزو

انا موووجودة وبعد ساكنة سوووريا


حياج الله ,,, وتشرفنا بيكم كلكم ..

saraa hazim
15/02/2008, 03:05 PM
انا سارة من العراق مغتربة اعيش في برطانية حبيت اشارك

zozo.h
15/02/2008, 03:44 PM
هلا اختي زوووزو

انا موووجودة وبعد ساكنة سوووريا


حياج الله ,,, وتشرفنا بيكم كلكم ..


تسلمين هلا بيج اني بالامين بالشام
انتي وين ؟

الاسلمية
16/02/2008, 06:57 AM
السلااااااااااام عليكم ورحمة الله
هلااااااااااا اختنا ساااارة حياج الله ياهلا ومرحبا نورتي شلونج وشلون بريطانيا ؟؟
نسأل الله ان تكوني بخير ومبسوطة ومرتااااحة يارب ,,


اهلا اختي زوزو وحياج الله

انا بعد ساكنة بالشام بس من صوووب ببيلا والسيدة والمخيم بهذيج المناطق

المهم والله فررررحت انو انتي ساكنة بدمشق بعد والله شي طييب

شلونج ؟؟ وشلون الغرررربة وياج ؟؟ وشنو هذي الايام وي البرد شمسوين ؟؟

البرررررد مكسرني والله احس ولااقدر اتحرك مااحب الشتاااااااء والله المستعان

وبنات العراق مدري وينهم يلا نشوف همتكم ادخلوووا شاركوا نريد نشاط

ماصدقت خبررر شفت جمعتكم الطيبة الله يحفظكم يارب .

zozo.h
16/02/2008, 03:39 PM
اييييييييييي


البرد هلكنه


بس انيمتعوده

كل عمري هنا بعد (:

zozo.h
16/02/2008, 03:40 PM
انا سارة من العراق مغتربة اعيش في برطانية حبيت اشارك


هلاو سارة


شلونج واخبارك

وشلون الغربه وياكم ؟

الله يسهلها علينه وعليكم


سارة لو سمحتي اريد مساعدتك

لاني دااتعلم لغه انكليزيه
ومحتاجه احد اتحدث وياه حتى امارس اللغه

اذا تكدرين تساعديني او تعرفين احد او رابط لا تبخلين علينه


ومشكورة الج

zozo.h
17/02/2008, 12:51 AM
اهلا اختي زوزو وحياج الله

انا بعد ساكنة بالشام بس من صوووب ببيلا والسيدة والمخيم بهذيج المناطق

.


حبيبتي شلون السيده والمخيم

كل وحده بمكان
ههههههههههه

زهراء القلوب
19/02/2008, 02:51 AM
هلا اختي حياج الله

بس نرجو الانتباه الى ماحددته بالاحمر بعون الله وحده ,,

,, اهل البيت ( رضي الله عنهم ) كيف يساعدونك ؟؟ هم ميتين ؟؟

عذرا ان خرجت عن صلب الموضوع ولكن الدين نصيحة ,, واهل التوحيد لازم يراعون كل كلمة تقال

طالما نطقوا بـ لا اله الا الله ,,, العون يستمد من الله وحده .
اللهم نسألك الثبات حتى الممات


عزيزتي هذا المكان ليس للنقاش الديني واذا اردت ذلك فانا على اتم الاستعداد عن طريق
البريد ....كما احب ان انوه بانه لا يقال لاهل البيت رضي الله عنهم بل ( عليهم السلام) لانه ذكر بالقرآن ولم نأتي به من عندنا .

نسألكم الدعاء

العنود london
19/02/2008, 03:04 AM
اختكم العنود من لندن حابة اشارك معكم
:X_hell1::21_209:

غدير الطائي
19/02/2008, 07:12 PM
اهلا بنات شلونكم اخباركم اني دائما ادخل منتديات عروس اول مره ادخل على منتدى المغتربات وهذي اول مشاركه الي في موضوعك عزيزتي نجمه السهارى اني طبعا من بغداد وان شالله نعود الى مدينتنه الغاليه بغداد ووطنه الغاي العراق تحياتي للجميع

بزونه عراقيه
19/02/2008, 07:52 PM
هلا والله هلا بلغاليه هلا بغدير انتي وين ساكنه الحين

عسليه بغداديه
20/02/2008, 12:00 PM
هلا بزونه جوعيه شلونج اخبارج شلونكم يا بنات العراق اني عراقيه مغتربه من سنتين وان شالله ارجع للعراق بصراحه مايملا عيني غير بغداد اني من سكنه حي العدل في بغداد وتعرفون شلون كان حي راقي وهاديء واليوم صار حي مرعب ويخوف لا قوه الا بالله العلي العظيم الصبر مفتاح الفرج والمؤمن مبتلا ان شاءالله الله يفرج عالعراقيين ونشوفكم بالعراق الغالي امين يا رب العالمين

zozo.h
21/02/2008, 11:01 PM
هلا بكل خواتي

شمسويات وردة

محبوبة بلدها
24/02/2008, 02:11 AM
انا بعد انضم وياكم انا عراقية مغتربة بالسويد ,,,,وحيكام الله بنات العراق الحبيب وبنات الوطن العربي

zozo.h
25/02/2008, 10:37 PM
هلا بيج محبوبه

عسليه بغداديه
29/02/2008, 07:22 PM
اي زوزوzozo شكو ماكو اخباركم ان شالله مرتاحين بسوريه يله يا عراقيات لمو الشمل هنا ادخلووووووووووووتحياتي

رونق الحياة 2008
06/03/2008, 02:38 AM
انا معاكم انا ساكنة بلسويد

بغدادية
06/03/2008, 03:44 AM
السلام عليكم
انا معكم انا صارلي قريب 7 سنوات خارج العراق
4 ونص منهم بماليزيا و سنة ونص الان بكندا
الحمدلله على كل حال

zozo.h
06/03/2008, 09:42 PM
هلااااااووو بكل الحلوات:15: العراقيات(f) المغتربات :confused:

هلا عسوله بغداديه:1_8:

شرايج بالجو الحلو هلايام:21_195:

الربيع عالابواب:21_213:
والزهور بكل مكان
:encore:


مال نطلع سفرة والله
:drive1:

الشمس دافيه والهوى يخبل
:21_102:

وناخذ ويانه امممممممم :21_177:

تمن ودجاج
:21_93:

وطرشي وكولا
ههههههههه
:wavetowel2:
ونركص ونغني طول الطريق
:whistling:

عسليه بغداديه
09/03/2008, 04:10 PM
هلو حياتيzozo شلونج اخبارج اي والله الجو جميل وشاعري بعد هوه الربيع احلى الفصول طبعا ان شالله انروح سفره واني عليه الدولمه ووووووووووووووووووالزلاطه مو السلطه زلاطه وشنو رايج انغني اغنيه يا سايقنه دوس دوس حته نحصلك عروس (ويسايق السياره بيب بيب)دنشوف بعد منو حيشاركنه بالسفره يله يا بنات عليهه

زهراء القلوب
10/03/2008, 01:58 AM
هلووووو بنات شلونجن وشخبارجن ,,,,,ممكن اروح وياجن بالسفرة :D

بنات يا ريت تحجن باللهجة العراقية لان ماكو احلى منها .

Sephoraholic
10/03/2008, 05:59 PM
بناااااااااات شنو هاااااي؟؟؟؟؟؟...سفرات و ونسة و دولمة......شي ماااااااا يتفوووووتتتت

اقدر اجي معاكم؟؟؟؟؟؟؟

اش ما تردون اجيب.....تراني من الموصل (بس عايشه بامريكا).....

الاااااا سامعين عن اكل الموصل و طيبته <<< ما يخالف...مشوها ليا...شايفه نفسي...خخخخخخخخ

و وين باقي البنات؟؟؟؟....لا يكون خافن لان صار بيها سالفة طبخ و زناخة؟؟؟؟؟؟...خخخخخخخ

mervet
10/03/2008, 06:36 PM
واني هم اريد اجي عفية لانو صدك الجو يخبل ومال انروح سفرة لمدينة الالعاب :tongue:
ونركب بسكة الموت وسفينة نوح ونعيط باعلى صوت هيييييييييييييييييييييييي يييي:wink:

zozo.h
10/03/2008, 09:21 PM
هلااااااااا

اي يله جهزن الاكل
اكول الجنط للسفرة
ههههههههه

اني اعتذر اذا لهجتي مو تمام :gum:

لان زوجي سعودي
واني 30 سنة بسوريا :21_164:

بعد ماعرف شلون اعدل لهجتي العراقيه:21_133::21_186:


المهم خلونه بالسفرة

اي عسولة :21_103:

يا شوفير دوس دوس
الله يبعتلك عروس

بيضه وشقرة من طرطوس
ما بتاكل الا مكدوس
:poster_war:
هههههههههه

منو عدها مخطط للسفرة خلي تحطه
ههههههه
والله عندي صورة كلش حلوة اليوم صورتها
اتبين الجو الجميل هالايام
:21_86:
:21_88:
ان شاء الله قريبا ارفعها للنت

zozo.h
10/03/2008, 09:24 PM
ام الموصل حبيبتي

يله وين قائمة الاكل اللذيذ

كبه وما كبه وكلشي موجود بالثلاجه
هههههههههه

وجاء الربيع

http://www.moq3.com/img/17012008/PyX78079.jpg

عسليه بغداديه
11/03/2008, 12:11 AM
يمعودات تره اني اليوم رجلي اتسوكلي للدولمه جابلي السلك والشجر والبيتنجان والبصل بس ظلت باجر ان شالله الفهه واطبخها وينهه المصلاويه جيبيلنه كبه برغل وكرزات بالطريق انكرزززززززززز وعاشت ايدج يا زوزو عالصوره الروعه وياهو التجي هله بيهه وجدر الدولمه يوسع من الحبيبات 100 بس عاد تره السفره بس الجن والجهالجن مو تجيبن وياجن ارجولتجن انريد ناخذ راحتنه نسولف نغني وكلما اتصير المه اكبر تحله سفرتنه يالله هلا بيجن 100 هلا

عسليه بغداديه
11/03/2008, 12:19 AM
:X_hell1:يسايق:wavetowel2: السياره :drive1: دوس دوس (x)واكف حبيبي:shy: ومنتضر واني :wavetowel2:عليهههههههههه :21_209:محتاره:1_8::wavetowel2:

Sephoraholic
11/03/2008, 12:44 AM
زوزو...الصورة تخخخخبببببللللللل عيوني...صدق سوريا حلوة هيج؟؟؟؟؟

بغدادية.....تدللين انتي و الحبيبات كلهن.....عليا الكبه...مال برغل و مال تمن....و وياها صحن زنود الست من اللي يريده خاطرج...و اكيد الكرزات ظمن القائمة....معقوله تصير لمه بلا كرزات؟؟؟؟؟

اما من ناحية الجهال و الازواج...فا اني راح اخذ رااااااااحتي عيوني...اختج ما عدها لازوج و لا جهال..يعني الونسة راح تصير بفلس عندي...خخخخخ

بقى سؤال بس.....منو عدها دنبك؟؟؟؟..خل تجيبه معاها....لووووول

لااااااااااااازم نوفر آلات موسيقية حتى سايقنا يتحمس...و يدوس الخاطر العروس...كع كع كع

و بعد طلب <<<<<<<<<<<<< خربتها و قامت تتأمر الاخت

خل وحدة منجن يالحلوات تجيب معاها سفن اب او سينالكو...ماااااا تكمل السفرة العراقية بدووون حبيبين الشعب هذولا...ههههه

zozo.h
11/03/2008, 12:45 AM
عفيه عفيه عسليه

لعد اجي الف وياج الدولمه

حتى تكفي للكل


وهاي غير اغنيه حلوة يا سايق السياره دوس دوس

عسليه بغداديه
11/03/2008, 12:37 PM
:Y_hi_3:عيوني شكو عليج لا جهال ولا رجال صدك تتونسين بالسفره:wink:(y) بس ان شالله تتزوجين:15: عن قريب وتنربطين مثلنه(y):B_wink: وبالنسبه للكبه من هسه عاشت ايدج عاد المصلا ويين والنعم اكلاتهم تخبووووللللللل:Za_thanx: :21_140: 000بس اكلج تره اني ماعندي دنبك دنشوف منيه راح ادبرنيا :think:00اكلج فد شي موصليه طبعا اني بالصيف المضى شفت عائله موصليه جايين للاذقيه سفره بس شنو ماشاء الله ذوق واخلاق:Z_cool_c: وكلش حبيتهم وتركو عندي انطباع كلش حلو عالمصلاويين (احسن ناس)000 ايييييييييييي نرجع السفرتنه اني اذكرت(r) العلج والحب شمسي قمر (تره الكرزات :sm2441: بجفه وحب شمسي قمر بجفه ) هذني هم عليه بعد شتريدن يدللن :sm113:الحبيبات 00والله شكلج موصليه هيه سوريه حلوه بس الموصل مو قاصره وكل العراق حلو واحلى من كل بلدان العالم بعينه بس كون يرجع:cry: مثل الاول وكل سفراتنه بي ان شاء الله:yes: (يوم الجزيره بغداد السياحيه:9_28: ويوم نروح المدينه الحبانيه السياحيه:21_88: ويوم المدينه الالعاب الجبيره ويوم بالزوراء خوب المصايف بالشمال سكتي وخليهه:21_178: )ااااااااااه ه ه ه ه ه الله كريم :21_112:

عسليه بغداديه
11/03/2008, 12:47 PM
والله زوزو ياريت تجين:21_104: تلفين ويايه تعرفين الجدر جبير ويكسر الظهر:sad: (وكوم التعاونت ما ذلت) هاي الاغنيه مال:21_176: مي اكرم:21_8: المطربه:21_209: العراقيه شبيج مسامعتهه:sm215: قديمه

ross1
11/03/2008, 01:12 PM
سلام بنات
ممكن انضم الكم و اضوجكم شوية لآن اني اصلآ ضايجة
:(

عسليه بغداديه
11/03/2008, 01:51 PM
هلو بيج روز حبيبتي عليمن ضايجه يمكن اذا نعرف :qaq:انخفف الضوجه عنج واذا تجين السفرتنه 100% تتونسين:yes: بعد سفره عراقيه وعندج لحساب :21_93:يمعوده الدنيه متسوه:21_11: خليهه على الله:21_213: 00

7ora_81
11/03/2008, 02:09 PM
بنات اني وياكم اريد اروح بس اني راح اجيب وياية التنس والطوبة اشو مذكرتوهة واذا تريدون اكل كولولي اني شطبخ اشو انتو ممقصرات جايبات كلشي
ههههههههه
ان شاء الله نتونس


:groupwave:

عسليه بغداديه
11/03/2008, 02:23 PM
اي والله ذكرتينه التهينه ابطنه :essen: ونسينه:21_133: 00وهلالالالالالالالالالالا لالالالا بيج حبيبه 100%:8875: هلا يالللله:sa31::87457: كل متصير لمه:balloons: تصير احله:Zd_bye_3:

رونق الحياة 2008
11/03/2008, 05:32 PM
اني ام اريد اروح وياجن للسفرة
شجيب

Sephoraholic
11/03/2008, 07:02 PM
:Y_hi_3:عيوني شكو عليج لا جهال ولا رجال صدك تتونسين بالسفره:wink:(y) بس ان شالله تتزوجين:15: عن قريب وتنربطين مثلنه(y):B_wink: وبالنسبه للكبه من هسه عاشت ايدج عاد المصلا ويين والنعم اكلاتهم تخبووووللللللل:Za_thanx: :21_140: 000بس اكلج تره اني ماعندي دنبك دنشوف منيه راح ادبرنيا :think:00اكلج فد شي موصليه طبعا اني بالصيف المضى شفت عائله موصليه جايين للاذقيه سفره بس شنو ماشاء الله ذوق واخلاق:Z_cool_c: وكلش حبيتهم وتركو عندي انطباع كلش حلو عالمصلاويين (احسن ناس)000 ايييييييييييي نرجع السفرتنه اني اذكرت(r) العلج والحب شمسي قمر (تره الكرزات :sm2441: بجفه وحب شمسي قمر بجفه ) هذني هم عليه بعد شتريدن يدللن :sm113:الحبيبات 00والله شكلج موصليه هيه سوريه حلوه
بس الموصل مو قاصره وكل العراق حلو واحلى من كل بلدان العالم بعينه بس كون يرجع:cry: مثل الاول وكل سفراتنه بي ان شاء الله:yes: (يوم الجزيره بغداد السياحيه:9_28: ويوم نروح المدينه الحبانيه السياحيه:21_88: ويوم المدينه الالعاب الجبيره ويوم بالزوراء خوب المصايف بالشمال سكتي وخليهه:21_178: )ااااااااااه ه ه ه ه ه الله كريم :21_112:



:o تسلميييييييين على كلامج العسسسل حبيبتي...و الله دمعت عيوني من ذكرتي العراق...ارووووحله فدوة...الله يفرج عالعراق و العراقيين قريبا...يااااا رب...بجاااااه سيد المرسلين
بعدين تعااااالي....اشوفج متحمسه تدعيلي اتزوج و انربط بسرعه...لييييش؟؟؟...حتى تروح مني السفرات؟؟؟؟...ترى بعدين تنحرمين من حصتج بزنود الست :tongue: <<<< بان المستخبي...خخخخ




[color="#CC0099"]والله زوزو ياريت تجين:21_104: تلفين ويايه تعرفين الجدر جبير ويكسر الظهر:sad: (وكوم التعاونت ما ذلت) هاي الاغنيه مال:21_176: مي اكرم:21_8: المطربه:21_209: العراقيه شبيج مسامعتهه:sm215: قديمه [/
color]



لو مو معروفه اني دواااااايه و افجر المخ من الدوي جان اني بعد جيت و لفيت معاكم...بس اخاف الهيكم و اطفركم و تاليتها تهفون جدر الدولمة براسي...و الكل ينحرم من الدولمه...ههههههه




سلام بنات
ممكن انضم الكم و اضوجكم شوية لآن اني اصلآ ضايجة
:(



شنو هااااااي عيوني...تريدينا نزعل منج من اولها؟؟؟؟؟...شنو اضوجكم؟؟؟...يا الف هلا و مرحبا بيج...و اذا ضايجه حبيبتي...فضفضي النا..احنا هنا خوات و البعض...اخذي راحتج...الله يبعد عنج الهم و الضوجه ان شاء الله




بنات اني وياكم اريد اروح بس اني راح اجيب وياية التنس والطوبة اشو مذكرتوهة واذا تريدون اكل كولولي اني شطبخ اشو انتو ممقصرات جايبات كلشي
ههههههههه
ان شاء الله نتونس



:groupwave:
و الله انج فلللللله...نسينا الطوبه و السوالف هذي...عراقيات و يريدن يطلعن سفرة...جهزن الاكل و كل شي غيره انسى...هههههه...و حبيبتي جيبي جاااااي...و يكون ابو الهيل...و لا تنسين الاستكانات...عاد جايج شلونه؟؟؟؟..حلو؟؟؟؟




اني ام اريد اروح وياجن للسفرة
شجيب



هلا حبيبه.....شوفي شنو رأيج تجيبين شي يصير مشويات....نسينا المشويات
و عندج دنبك؟؟؟..جيبيه اذا عندج واحد <<<<<< البنت جلبت بالدنبك جنها محرومه دق و

ردح...خخخخ


و الله صارت السالفه حمااااااس...وين الباقيات؟؟؟...شدن حيلجن و تعالن يلا!!!!!!

zozo.h
11/03/2008, 07:16 PM
هلاااااااااااااوووووووووو و


وي وي وي

انريد نلعب محيبس

نسوي فريقين ونشوف منو اليغلب


رووووووز

ماكو شي اسمه ضوجه بالسفرة

انريد ننسى كل الهموم
ونقضيها ضحك بضحك ولعب وفرفشه
هههههه

عسليه بغداديه
11/03/2008, 08:28 PM
لالالالالالا:eek2:لالالالالا لالالا يمعوده موصليه انتي من تزوجين:21_186: راح اتزيدين حصتي بزنود:wink: الست بعد شلج بالسفرات:wink: ولو راح اطلع عينج:21_218: لالالالالاوالله جذب حيات البنيه هم حلوه لا مسؤليه ولا جهال ودوخه بس هاي سنه الحياه وان شالله فد ولد عراقي شهمي ونشم كليبه طيب يكون من نصيبج:87457: تستاهلين كل خير يالله ملاك هلالالالالابيج منريد انكلفج بس كباب ومنقله وفحم ونشيش ونشوي اذا متصير:21_201: زحمه عليج

Sephoraholic
11/03/2008, 09:49 PM
هلاااااااااااااوووووووووو و


وي وي وي

انريد نلعب محيبس

نسوي فريقين ونشوف منو اليغلب


رووووووز

ماكو شي اسمه ضوجه بالسفرة

انريد ننسى كل الهموم
ونقضيها ضحك بضحك ولعب وفرفشه
هههههه

زوزووووووو....اني من فريقج....يلا...و انتي الكابتن مال الفريق دام انتي جبتي الفكرة <<<<< متأثرة بأسود الرافدين
منو ويانا؟؟؟؟....بغداديه...انتي ويانا...لو تريدين فريق الج؟؟؟؟


لالالالالالا:eek2:لالالالالا لالالا يمعوده موصليه انتي من تزوجين:21_186: راح اتزيدين حصتي بزنود:wink: الست بعد شلج بالسفرات:wink: ولو راح اطلع عينج:21_218: لالالالالاوالله جذب حيات البنيه هم حلوه لا مسؤليه ولا جهال ودوخه بس هاي سنه الحياه وان شالله فد ولد عراقي شهمي ونشم كليبه طيب يكون من نصيبج:87457: تستاهلين كل خير يالله ملاك هلالالالالابيج منريد انكلفج بس كباب ومنقله وفحم ونشيش ونشوي اذا متصير:21_201: زحمه عليج

:o...خجلتيني بدعوتج لي...:o...هوا النشمي الطيوب موجود..بس تراه نص عراقي..هههههههه.. (امه عراقيه و ابوه سعودي)..بس عسى الله يكتب النا ننهي مشاكلنا و نجتمع اببيت واحد :o <<<<< عجبتها السالفه و طمعت..قامت تلمح الدعوات اكثر (a)...خخخخخ
و حبيبتي انتي حصتج تزيد و تزيد و تزيد و مخصوصه لج بزواج و بدونه...فدوة و الله (f)

رونق الحياة 2008
11/03/2008, 11:35 PM
هلا حبيبه.....شوفي شنو رأيج تجيبين شي يصير مشويات....نسينا المشويات
و عندج دنبك؟؟؟..جيبيه اذا عندج واحد <<<<<< البنت جلبت بالدنبك جنها محرومه دق و

ردح...خخخخ




هههههههههه
ماعندي دنبك للاسف
والدجاج الشوي علية اتفقنا
اكولجن نسينا الشامية
راح اجيبها اني
اتفقنا

عسليه بغداديه
11/03/2008, 11:38 PM
لالالالا اني الخصم واريد وحده ويايه بالفريق حتى ناخذ المحبس (هلعضمتين بالهلعضمتين جيبيييي)00000شكرا حب عالزنود الست لعد راح ادعيلج مفرعه وبالسطح حتى توصل بسرعه هههههههه

عسليه بغداديه
11/03/2008, 11:46 PM
يمعوده ملاك تصيرين بفريقي مال المحيبس وعاشت ايدج عالشاميه بس الدنبك ظل

رونق الحياة 2008
11/03/2008, 11:55 PM
اصير وياج بالفريق

Sephoraholic
12/03/2008, 03:57 AM
هلا حبيبه.....شوفي شنو رأيج تجيبين شي يصير مشويات....نسينا المشويات
و عندج دنبك؟؟؟..جيبيه اذا عندج واحد <<<<<< البنت جلبت بالدنبك جنها محرومه دق و

ردح...خخخخ




[FONT="Comic Sans MS"]هههههههههه
ماعندي دنبك للاسف
والدجاج الشوي علية اتفقنا
اكولجن نسينا الشامية
راح اجيبها اني
اتفقنا[/
FONT]

(y)(y)(y) كللللش زين...اني امووووووت عالشا100 (تذكرين بالعراق يكتبوها هيجي؟؟؟؟...هههههه)..خلاص اتفقنا...شهيتيني الدجاااااج...و بعد ماكو دنبك؟؟؟؟...شنو جارته هسه؟؟؟؟...شنسوي؟؟؟


لالالالا اني الخصم واريد وحده ويايه بالفريق حتى ناخذ المحبس (هلعضمتين بالهلعضمتين جيبيييي)00000شكرا حب عالزنود الست لعد راح ادعيلج مفرعه وبالسطح حتى توصل بسرعه هههههههه

ههههههههههههههههه و اللة متت من الضحك...اني لو ادري زنود الست هيجي تجيب حماس و نتايج...جان فتحت فرن لزنود الست و وزعت للناس بلاش مع ورقة تشرح تفاصيل الدعاء مع كيفية القيام بذلك..و رقم يتصلون عليه بعد الدعاء..حتى نتأكد ما راحت الزنود بلااااش :cool:<<<<< ضاربة عدها فيوزااااات البنت...هههههه (6)
......و خلاص صرتي انتي و ملاك فريق....بس مادري الكابتن مالتي وين :ss:..مختفية صار الها يومين

zozo.h
12/03/2008, 12:57 PM
(y)(y)(y)
......و خلاص صرتي انتي و ملاك فريق....بس مادري الكابتن مالتي وين :ss:..مختفية صار الها يومين


اني هنا

ههههههههه

وياكم اني دا اشوف شنو قصة الشا100
ههههههه

مادارت لي اول شي
لان مارايحه لعراق اني :ss:

اكول شنو رايكم نحول سفرتنه للعراق ؟ :D

عسليه بغداديه
12/03/2008, 01:24 PM
اوكي ملاك اني وياج بفريق بس شو البنات العراقيات ماعرف وين صايرين بعد نريد الفريق يكمل 000000000موصليه00000هاي خوش خطه مالتج مال زنود الست بس تره اتطلعين كسسسسسسسررررر00000زوزو هيه هم هيج ان شالله انتي فصلي واحنه نلبس وين متودينه حاضرين انتي صاحبه الفكره وانشالله وره هالسفره نروح على الاثار والحضاره الموجوده بالعراق والله زوزو عمرج خساره مشايفه العراق بس ان شالله تروحين وتشبعين منه 0000000يا بنات كم وحده منكم رايحه المدينه بابل الاثريه (من عجائب الدنيا السبع ) في محافظه بابل في العراق كامله بشوارعهه والابنيه مالتهه اشهر شي ء بيهه (بوابه بابل )( واسد بابل )000وعندي صور شخصيه يمهه وان شالله بعدين ادخل ونسولف على(حصن الاخيضر )ايضا بالعراق واني شايفته وانتو عرفونه على الي شايفي او تعرفو موجود بالعراق من( اثار ومناطق عريقه من عراقه العراق)

عسليه بغداديه
12/03/2008, 01:26 PM
هله زوزو هاي اني وياج دنصفح الموضوع سويه اكلج اني مواليد 1977 يمكن انتي بكدي مو بالله

zozo.h
12/03/2008, 04:14 PM
COLOR="RoyalBlue"]اوووووه حرامات مانتبهت انك موجودة بنفس الوقت

اي مواليدي 77 مثلك
ههههههه

صدفه حلوة والله

على ذكر الاثار والمناطق يلي زرناها
اني رايحه لبنان والامارات ويارب يارب اروح يم زوجي بالسعوديه

بسوريا بعد فترة اريد اروح لبصرى
وراح اجيب صور الرحله حتى انشوفها كلنه

وهلا بيج عسوله
ياليت اني وياج بنفس المدينه جان صرنه اصدقاء و زيارات
ههههههه[/COLOR]

عسليه بغداديه
12/03/2008, 08:03 PM
هااااااااا حزرت انتي بكدي زين يا شهر اني 1\11 \1977 0000اي والله حرامات انتي مو يمي اكلج يعني هوه زوجك هسه بالسعوديه اني اتصورت انو انتي زايره السعوديه وكلت انيالهه شايفه بيت الله وقبر الرسول بس اذا رحتي اندعيلنه ما اوصيج وان شالله تروحين عن قريب والله اني مرايحه بس المصر وهسه بسوريه بس بالعراق مخالين مكان مرايحي اي اكمل عن حصن الاخيضر (طبعا هوه مثل القلعه كلششش كبير وقديم وكله غرف ودهاليزززز وابراج للمراقبه حته يحصنو من الاعداء بعد هوه اسمه الحصن واعتقد صاير على طريق كربلا ونمر بطريقنا اله بمنطقه (عين تمر) اذكر نزلنه يم عين تجري بالماء وتغدينا وهناك كلهه عيون ماء طبيعيه وبارده 00اكول اشو موصليه اليوم ماكو00والله يا بنات اني كلش افرح بتواصلكم بهلموضوع 000000000

zozo.h
12/03/2008, 08:14 PM
هلاااااو عسلية
اني مواليد دمشق 15\5\1977

يعني اني اكبر منك ب 6 شهور تقريبا ههههههههه

ياليت يجي يوم ونزور الحصن الاخيضر

وشكرا لدعائك لي
الله يجمع شملي مع زوجي بحق الحبيب محمد المصطفى

وان شاء الله يكتب لي ازوره اندعيلك هناك باذن الله

والله يكتب لج الحج وزيارة الرسول بحق الحبيب محمد عليه وعلى اله افضل الصلاة والسلام

اما بالنسبة للموصليخ فماادري اليوم صدك ماكو الله يجعل المانع خير
يجوز مشغولة بدراستها

همسة : اني هم افرح بالتواصل بهذا الموضوع

عسليه بغداديه
12/03/2008, 08:51 PM
هلا زوزو هاي انتي اكبر مني اي والله 00000لا بس مو خوش خبرانتي بمكان وزوجك بمكان انشالله يجمع شملكم باقرب وقت امين يا رب العالمين000 زين عندج اطفال لو بعدج عروس 00000 اكلج زوزو هاي مدري الموصليه اتزوجت ومعزمتنه ؟ بالعرس 000 جماله تكولللللللل انطيكم ازنود الست هيه مبين بالسفره هم مراح تجي 0000خل نشوف الموصليه يا مواليد اكيد اصغر من عدنه مو يابه 0000زين حته ملاك هم اليوم ماكو وان شالله المانع خيررررررر بنات

zozo.h
12/03/2008, 10:03 PM
هههههههههه

لا لا اني معقودة بعدنه ما تزوجنه

والموصليه احسا اصغر من عدنه بهواي فد 7 سنوات عالاقل

معقولة تزوجت وما عزمتنه ؟
ههههههههه
يمكن زنود الست وزعتها بحفلة الزواج

بنات ملاكو وموصليه الامورة هاي وينجن ؟


عسولة كم طفل عندج ؟

عسليه بغداديه
12/03/2008, 10:57 PM
هلوووووووو زوزو ها انتي بعدج عروس يله ان شالله يتمم بخير 0000اني عندي بنات 2 وحده عمر(5 )سنوات والاخ (4 )سنوات وماخذه استراحه دوخوني علما كبرووووو 0000000 يالله بنات تعالو مو تاخرنه عالسفره يمعودات وينجن 0000000والله شكلج زوزو اذا ميبينن راح تنلغي السفره غير 00وكاعدين ونتحلم بلاكلات والعب وتالي محد ميجي

zozo.h
13/03/2008, 03:05 PM
الله يسلمج ويسمع منك وشكرا لدعواتك والله محتاجه هوايا دعاء

والله يخلي بناتك صلوات على محمد وال بيت محمد

اي عسليه لا السفرة ما تنلغى هههههههههه

نطلع انيوياج واخواتي وبناتك ههههههههه
شنسوي اذا ميجن

هيلانة
13/03/2008, 03:17 PM
والله هاي الفكرة كلش حلوة يا زوزو واجت بوكتها
اتسمحولي اجي وياكم واني راح اجيب الحصيرة زين

رونق الحياة 2008
13/03/2008, 03:26 PM
هلوووو بنات اشلونكم ان شاء الله بخير
خير سمعت طاري عرس منو معرس وما عازمنا

هيلانة
13/03/2008, 03:27 PM
الصراحة اللي عجبني بهاي السفرة اكثر شي خفة دم المشاركات مبين راح نتونس هواي اي صحيح نسيت اذكركم دبرتو سيارة لو بعد

hadeel dove
13/03/2008, 03:40 PM
هلو بنات اني عراقيه مغتربه بدوله الامارات وقبلها جنت بمصر مزوجه وعندي اولاد اثنين واني من بغداد الحبيبه دخلت وشفت لمتكم الحلوه وحبيت ان اكون وياكم واتمن اتعرف عليكم كلكم وخصوصا البنات الي مو جودات بلامارات لان اني وحدي وما اعرف احد وحطك روحي من الغربه والوحده تقبلوا تحياتي

عسليه بغداديه
13/03/2008, 04:44 PM
هلو حبيبتي هيلانه يمعوده العراقيات دمهن عسل مصفى (y)برغم( الهضم :confused:والضيم) الي ابلدنه بس اكلج تره احنه محضرنه سياره مو غير دنشوف العدد00000 حبي زوزو اني عد عيناج ادعيلج احنه مو زين ناطين للسعودي مريه :wink:احنه بناتنه الولدنه منطلعهن بس اذا خوش ولد ميخالف وهاي هم هوسه عراقيه (بت الشيخ لابن الشيخ جبناهه هاي الرادهه وهاي التمناهه كلللليش:D)هههههههههه 000000000حبيبتي عراقيه بلامارت انتي ادخلي الموقعنه تعاي ويانه بالسفره ان شالله متشعرين بالغربه (اي والله صدك بنات احنه شكد انصادق سوريات وعربيات بس من نتعرف بعراقيه كلش يرتاحلهه قلبنه:15: عبالك منعدنه وبينه مع العلم السوريات والله حبابات بس سبحان الله

Sephoraholic
13/03/2008, 05:57 PM
رججججججججججععععععتتتتتتتت :21_159: <<<<<< وحدة مكيييييفه :poster_dev:

اولا...آسفه اني ما جنت موجودة البارحة..جان عندي امتحان رياضيات و اني ما شاء الله مخي مسلك بهالمادة <<<<<<<<<الما شاء الله عليش لعد؟؟؟ :ss::ss::ss:

فا قعدت اكلت كتاب الرياضيات اكل من الدراسة :21_235:...بس دخلت اضيف رد الاخت جانت محتاجة مني شي...الموووووووووووووووهم

تصدقن عاد؟؟؟....اشتاقيت الكن وحدة وحدة و الله :9_28:

ثانيا....عسوووووله شنو هاي مال ماكو سفرة؟؟؟...البنات كلهن محضرات غراضهن و اني متونسة صار لي سنين ما طالعه سفرة ويا عراقيات...:cry:

و حبيبتي ملاك..ماحد عرس..هذي بس عسوله الوردة عدها خطة دا تفتح السيرة
(r)..تفاول لي يعني :sa23:..مو بالله عسلية؟؟؟ :B_wink:...

فا يعني..ما عرست بعد..الموضوع هذا ووووووووووووووييييييييينن ننننننن بعد <<<<<< صبرن شوفن شلون راح تجلحها على روحها بهيج حجي :sm215:....

و تراجن اول المعزومات اذا بدأ البت فالموضوع <<<<< مسلسل مكسيكي صار خخخخ :tv_horror:...

و الما تجي ازعل منها...اريد زواج عراقي على اصووووووووله ترررررررررى :sm240::wavetowel2::sm240::wavetowel2::sm240:

ثالثا <<<< لا بعد ما خلصت دوي :8884:...

اني يمكن اصغرجن هنا...قبل شهر بالضبط صار عمري 22 :o..اني مواليد 12-02-1986...

و حبيبتي زوزو الله يتمم لج على خير و يكتب لج الهنا و الذرية الصالحة...بس ما قلتيييي للييييي...زوجج من وين بالسعودية؟؟؟..يجوز نصير جيران فد يووووم :21_195:...

و عندي ملاحظة على شي...اشبيهم السعوديين عالعراقيات؟؟؟...هذي انتي ما شاء الله متزوجه سعودي...صديقاتي اثنين متزوجات سعوديين..و اني شبه مخطوبة السعودي.............ليييييييييي ؟؟؟ <<<<<< ترى تعرف ليش بس دا تغشم :21_218:

و عسلية....الله يخليلج اولادج و يجعلهم من البارين و الصالحين...يااااااااااا رررررربببببببببب

هيلانه حبيبتي...هلا بيج...نشيلج بعيونا...و شلون فاتتنا الحصيرة؟؟؟؟..نسينااااااااه ا...تسلمين يا قلبي...لو ما انتي جان اضطرينا نحط الجدور بحضوننا...اما السيارة :drive1:...فا احنا حضرنا اغاني للسايق..بس ما حضرنا سيارة :bigsmile:...من ناحيتي..مااااا يهمني...لو طنبر غاز يجره حصان..هم اجي...المهم عندي احظى بلمتجن الحلوة :21_21:

كلش كلش...ااااااااااني اعرف اسوق...مستعدة الف جراوية و اصير سايق السفرة :21_213::D_smil1:

ولازم نخفف على بعض بالسوالف حبيبتي...و الله ملييييييينه من الجدية و القهر و المآسي

هديل لوف....يا هلا و مرحبا بيج عيوني....يا رييييييييييييت جنت بالامارات جان تشرفت بالتعرف عليج....بس اني وييييييييييين...بامريكاااا ااااااا :(....بس ما يمنع اني اكون بمثابة اختج...و اذا تحتاجين شي..امانة لا تترددين تطلبين او تسألين

بالنسبة للعراق...منو منجن زايرة الموصل قبل؟؟؟؟..احنا عدنا الشلالات..و غابات الموصل..و قبر النبي يونس قربانه..اتذكرهم زين...

اني شايفة بغداد..اتذكر ابويه جان ياخذنا معاه لان شغله هناك..و ننزل بفندق المنصور..و بعدين اروح مع جدتي الله يرحمها و امي نزور الكاظم و نتغدى و هيج...شققققققد جنت اتونس..

و شايفه بعد دهوك..و زاخو..و اربيل..و السليمانية...احلااااهم السليمانية...بنات و الله تخخخخخخببببببللللللللل...ش ال العراق بشكل عام عبالك جنة من الطبيعه الحلوة اللي بيه..سبحان الله :1_81:

و بس...ما شايفه الجنوب ابد :(...بس ماما و بابا ما شاء الله فارين العراق كلللللللله تقريبا :no:

المهم...دوختجن بالحجي...فا راح انسحب...لا تتفركش السفرة من ورى الدوي مالتي...خخخخ :sa24::pain:

:Zd_bye_3::8875:

Sephoraholic
13/03/2008, 06:05 PM
هلو حبيبتي هيلانه يمعوده العراقيات دمهن عسل مصفى (y)برغم( الهضم :confused:والضيم) الي ابلدنه بس اكلج تره احنه محضرنه سياره مو غير دنشوف العدد00000 حبي زوزو اني عد عيناج ادعيلج احنه مو زين ناطين للسعودي مريه :wink:احنه بناتنه الولدنه منطلعهن بس اذا خوش ولد ميخالف وهاي هم هوسه عراقيه (بت الشيخ لابن الشيخ جبناهه هاي الرادهه وهاي التمناهه كلللليش:D)هههههههههه 000000000حبيبتي عراقيه بلامارت انتي ادخلي الموقعنه تعاي ويانه بالسفره ان شالله متشعرين بالغربه (اي والله صدك بنات احنه شكد انصادق سوريات وعربيات بس من نتعرف بعراقيه كلش يرتاحلهه قلبنه:15: عبالك منعدنه وبينه مع العلم السوريات والله حبابات بس سبحان الله

اممممممموتتتتتتت عالهوسه هذي..ذكرتني بعرس صديقتي..شغلوها...:poster_kewlpics:

و الله ما عرفت انج متحيزة الشبابنه الهالدرجة :shy:...

و كلامج على العراقيات درر..قسم بالله..اشما يكون...ماحد يعوض عن العراقية كصديقة :87457:

و اني اطوعت الكم..قلت الهيلانه اذ ماكو سايق..اني اسوق :poster_baaa:...بس فعلا خل نعرف جم وحدة راح تجي و بعدين نختار السيارة :cool2:

zozo.h
13/03/2008, 07:03 PM
والله هاي الفكرة كلش حلوة يا زوزو واجت بوكتها
اتسمحولي اجي وياكم واني راح اجيب الحصيرة زين

هههههه


هلااوووووو هيلانة
نورتي المنتدى بانضمامك اله

اي طبعا نتمنى تجين ويانه
السفرة مو حلوة بدونك


واهم شي الحصيرة لعد وين نكعد ؟
عالتربان ؟

ههههههههههه

عسليه بغداديه
13/03/2008, 10:20 PM
هلالالالالالالالالا موصليه يمعوده ظل بالنه عليج هاي انتي طالبه عفيه ادرسي زين محد يفيدج ان شالله تنجحين 000000000 ها بنات اني لفيته الجدر الدولمه وتحضرت يالله عليهه 000000000

zozo.h
13/03/2008, 11:14 PM
واني شنو عليه لازم احضره ؟؟؟؟

هههههههههه

اي التمن والدجاج


عيني موصليه اني راح استاجر باص يكفي الكل وانت سوقيه

واني اساعدك هم اني اعرف اسوق هههههه

وهيلانه هم بعد من جديد طلعت ليسن سياقه

يله اتحضرو السفرة بعد يومين
يوم السبت حتى لاناس اتكول احد ولا ناس اتكول جمعه
هههههههههههه

لو شنو رايكم ؟

احنه ديمقراطيين

zozo.h
13/03/2008, 11:16 PM
هدووووووووله هلا بيج

وتنورين السفرة والمنتدى
ههههههههه

ღ الينبوعه ღ
13/03/2008, 11:52 PM
يا هلا والله بكل الموجودات
شلونكم وشخباركم عساكم بخير
اني رجعت اليوم وان شاء الله راح اكون متواجده وياكم على طول
يالله منو موجوده بالمنتدى خلي تجي ادردش وياي

عسليه بغداديه
14/03/2008, 01:01 AM
اي زوزو عليهه السبت :z_clap:(ديمقراطيين ) بس دقيقه خل ناخذ العدد (زوزو _واني _وموصليه _وملاك_وهديل_وهيلانه_والمشر فه مالتنه الينبوعه هم ناخذهه على حسابنه وحمدالله:21_104::no::no: عالسلامه )خوما نسيت احد ذكروني 00000000000000اي موصليه نكمل حديثنه عالعراق اني جايه للموصل كم مره بس كنت صغيره ماذكر كلش تعرفين قبل ال1990 وراها صار حصار على العراق وبعد موصلنه للشمال مع انو كنه كل صيف هناك اي والله شمال العراق جنه الجبال والشلالات والمناظر:9_33:000000000 اي وبغداد بيهه المتاحف حلوه المتحف الوطني والمتحف البغدادي كلش حلو وفندق المنصور اني اتزوجت بي والله ذكرتينه:tears: بالذي مضى 0000000ان شاء الله اذا يتحسن الامان ونرجع ازور الكاظم ونندعيلج باب الحوايج الله يكظي حاجتج00:wavey:

بزونه عراقيه
14/03/2008, 01:19 AM
السلام عليكم شلونكم بنات اني عضوه اود الانتماء الى السفره واريد اغير جو واحجزولي مكان بلتاتا ويلا يسايقنا الورد هسه يوصلنا ويرد واني اجيبلكم الجبس والنساتل والمصاص وتحيه خاصه لعسليه بغداديه والموصليه وزوزو والى باقي البنات وشتريدون اني حاضره

هيلانة
14/03/2008, 02:53 AM
مرحباحبيبات اني اليوم عندي ضيفة مرت حماي وحجيتلها على سفرتنا وتحضيراتنا وهواي عجبها تجي ويانة وخاصة من سمعت بالدولمةواني صراحة انحرجت وماكدرت مااعزمها فلتنسون احسبو حسابها بالسيارة ها صحيح ترة مرة حماية تكول ترمز الي عليها وبعد شتريدون ترة هي حاضرةحبيبي زوزوشلون اخليكم تكعدون على التربان واني موجودة مو عيب

محبوبة بلدها
14/03/2008, 03:22 AM
سلام بنات والله ماشاءالله على النشاط الحلو حبيت اعزم نفسي وياكم وراح اجيب وياي الكبة والبيبسي والله من زمان ماطالعين هيج سفرة ,,,,,,,,اكلجن انتن ناسيات شي مهم مو عيب ما نعزم اللي جمعتنه بهذا الموضوع وهي الاخت نجمة السهاري ولو ما هيه جان ما طلعنه سفرة,,,, يلا وين العراقيات اشو بعد السيارة فارغة

zozo.h
14/03/2008, 01:29 PM
هلاااااووووو

:X_hell1:


مرحباحبيبات اني اليوم عندي ضيفة مرت حماي
اوكي هيلانه
انتي ومرت حماج على الراس
هلا بيجن هلا
:sa31:

اذا تسمحون لي
راح اجهز قائمة باسماء المشاركات بالسفرة
:deal:

عسلية بغداديه

موصلاويه (7abeebat_S )

زهراء القلوب

mervet

ross1

7ora_81


ملاك الرحمان

هيلانة ومرت حماها

hadeel dove

بزونة عراقيه

محبوبة بلدها

واني زوزو

العدد الكلي 13

وكل وحدة وياها جهالها طبعا المزوجات

:groupwave:
ماشاء الله ههههههه

عسليه بغداديه
14/03/2008, 01:39 PM
هلالالالالالالالالا:X_hell1: بيج محبوبه بلدهه 00وهلا بنجمه السهاره ويانه وعلى حسابنه هيه مشرفه القسم الينبوعه 0000000000000 بزونه عراقيه 100 :21_104:هله بيج وتحيه خاصه الج حبي شكرا عالنساتل 0000000 اكلج زوزو اني اليوم الجو يمي كلششششششششش مطر وبرق:sad: ورع 0000اني بحلب يمكم بالشام هم مغيمه 00اليوم جمعه وباجر السبت كون اتصحي 000000وتطلع الشميسه:21_102: :wavey:

zozo.h
14/03/2008, 02:27 PM
اييييييييييي


طول الليل مطر

واليوم هوى عالي وبارد

بس شوي تصحي ومرات تغيم

اذا السبت مو صحو ناجل السفرة هههههه

عسليه بغداديه
14/03/2008, 03:42 PM
هلووووووووووو:21_104:شلونكم بنات هاااااااااااااااا زوزو يعني عدكم هم مطر لعد خل نشوف الانواء الجويه بلكي السبت مصحيه:21_213: يللللللله بزونه عراقيه هاي وينج دتعاي دنسولف عالسفره والله بنات سفرتنه ذكرتني:think:لما جنه نروح (السلمان بك) في العراق من المناطق الاثريه احلى شي بيهه (طاق كسرى) وهوه بناء ضخم على شكل قوس وحوله حدايق واشجار والعوائل العراقيه تجيب الاكل والمشاوي وتتونس :JUMP: تره ماكو مثل العراقيين باللمات والسفرات والونسه :yahoo:اييييييييي طبعا هاي من صور العراق القديم:sm229: بعد الله يستر من صور العراق الجديد:bomb::dontknow: (الخيره فيما اختاره الله )

zozo.h
14/03/2008, 05:39 PM
عسوله حبيبتي انتي حجيج احلا من اي سفرة

خصوصا من توصفين المناطق السياحيه بالعراق

ان شاء الله الصورة المستقبليه تكون افضل بكثير من صورة هالايام

zozo.h
14/03/2008, 05:55 PM
اي بنات شنو صار بفريقين المحيبس ؟

:sm229:


اني وموصلاويه :winner_second_h4h_a
وهم ويايه هيلانه ومرت حماها :up:
ههههههههههه

يله عسوله شوفي منو بفريقج ؟؟؟؟:gum:

سلامي

ღ الينبوعه ღ
14/03/2008, 06:07 PM
مرحباااااااااااا بنات شلونكم اخباركم ان شاء الله بخير
الحمد لله يعني اني معزومه وياكم
بس ما كلتولي شنو اجيب وياي بس ههههههه
ان شاء الله نسوي هاي الكعده بالعراق ونجتمع كلنا يارب
قولللللللو امين

هيلانة
14/03/2008, 06:10 PM
اي والله ياعسلية ماكو ترة مثل العراقييين باللمات والونسات بس هاي مو خوش خبريةتكولون مطر ورعد وبرد شنو يعني راح تاجلوها

عسليه بغداديه
14/03/2008, 07:02 PM
والله شكلج هيلانه :think:بعد بلكي يطلع قوس قزح :21_213:بس انتو باجر تحضروووووو يعني كلكم تدخلون على هلصفحه:BOUNCE8: حتى ناخذ العدد من الصبح ونتوكل على الله مثل مكتلكم انروح سفره للعراق يالله واني الدليل السياحي مالتكم بس كون ميلاكونه علاسين ويعلسونه بالطريق :cry: وتطلع السفره فتل علينه :21_131: هههههههههههههههههههه اي انروح للشمال مو ووووووووو اي للمصايف:9_33: كولو ان شاءلله
بس خل يكمل العدد باجر وبحيل الله نتوكل مو تاخذكم النوووووووووومه :21_161::angry: وحضرو الاكل:essen: :21_91:والغراض 0000000000000000ها زوزو صدك عاجبج كلامي عن مناطق العراق لعد زين اني عبالي مدوختكم 0000000بس زوزو شوفيلنه سايق حليوووووو(r):D_smil1: وكون عرف 000

zozo.h
14/03/2008, 07:08 PM
ليش السايق عسوله

مو كتلج اني والموصلاويه هيلانه كلياتنه نتساعد ونسوق
:drive1:
نعتمد على روحنه
هههههههههه

منريد زلم :21_11:

احنه خوات رجال
:poster_war:

:poster_kewlpics:

عسليه بغداديه
14/03/2008, 07:16 PM
اي زوزو فريقي بالمحيبس اني كلت ملاك بس شو اختفت مدري وين يروحن:angry: 00000 واريد :think:بزونه عراقيه ومحبوبه بلدهه وياهوووووووو التجي هلا بيهه بس عاد مو يخصرن ويفشلني

عسليه بغداديه
14/03/2008, 07:25 PM
ها زوزو يله لعد خوش ناخذ راحتنه شنسوي بالزلم اوووووووووووووووووويييييي يييي

هيلانة
14/03/2008, 07:43 PM
(a)ومونستنا بكلامج عن الوطن الحبيب :15:بس اخاف بعد السفرة مانشوفج ونسمع حجيج خل اناجلها لعد فد اسبوع:Dحتى تعرفينا زين ببلدنا الحبيباي والله يا عسليةحجيج مثل اسمج عسل

هيلانة
14/03/2008, 07:48 PM
(y)شنو رايكم تخلون السفرة اهنا عندي بالشارقة ترة الجو هم حلو ويخبل يم البحيرةهاا انتظر ردكم

غدير الطائي
14/03/2008, 07:49 PM
هلو بنات شلونكم هاي شنو سمعت عدكم سفرة لعد ليش ما عزمتوني :confused:يالله مو مشكلة اني اعزم نفسي وراح اجيبلكم جدر برياني يخبل بلطريقة العراقية:tongue:والله عفية عليج عسلية سويتلنة سفرة ضايجين خل نغير جو بس ما ادري نجيب الاطفال ويانة لو نعوفهم يم ابوهم:wink:

عسليه بغداديه
14/03/2008, 09:50 PM
هلالالالالالالالا:21_104: غدورررر بيج وبجهالج :21_95:يمعوده مو صار اسبوع دنصيح وانبح حسنه :durr:سفره 000000سفره 000000سفره انتن ماكوووو الله يستر عليجن000000000 وعفي عالبرياني:sm2441::21_92: 00000 بس تره مو اني صاحبه السفره هاي زوزو الله ينطيهه :87457:000000000000000000000اكلج هيلانه بكيفكم وين متردون نروح واني متنحرمون مني يمعوده شعندي شغل عمل:gum: كلسا وفاتحه النت عالموضوع والله اشتاقلجن

هيلانة
14/03/2008, 10:07 PM
(f) هلا بيج حبيبة غديروعاشت ايدج على البرياني ولو مانريد انزحمج صار الاكل هواي بس يلة احنة هم نحب الاكل اي اكول ترةجهالج كلهم جيبيهم لا تخلين ولا واحد خطية خل يغيرون جو شوية بس ابوهم ممنوع لانو هاي السفرة مابيها زلم احنا اتفقنا انخليهم بالبيت حتى ناخذ راحتنا شوية اييييييييي لعد شلون نريد نغني وندك دنبك وناكل كرزات وبعدين نلعب طوبة هااا صحيح عندج دنبك ترة الحبيبات لهسة مادبرنة :wink::wink::wink:

هيلانة
14/03/2008, 10:12 PM
(y):wink:الحاضرة تعلم الغايبةيابنات ترة اني بفريق زوزو مال المحيبس زين

رونق الحياة 2008
14/03/2008, 11:24 PM
يا خووواتي اشلونكم ان شاء الله بخير
ها اشوكت قررتن السفرة
عسلية اني وياج لا تقلقين

عسليه بغداديه
14/03/2008, 11:24 PM
:up::up:اي هيلانه اوكي والله صدك والدنبكككك شلون ؟؟؟؟؟؟؟؟؟ بس اني فريقي مال محيبس مختفي 000اعرف نفسي هسه اخسرررررررررررررر

zozo.h
14/03/2008, 11:55 PM
(f) هلا بيج حبيبة غديروعاشت ايدج على البرياني ولو مانريد انزحمج صار الاكل هواي بس يلة احنة هم نحب الاكل

هيلااااااااااانه
هاي شنو مو اخاف على رشاقتج اني

بعدج تحبين الاكل :21_93:

يقين كلشي ميبقى بثلاجتكم من تجوعين
:21_21:
ههههههههههه
:21_181:

Sephoraholic
14/03/2008, 11:57 PM
دنبك؟؟؟؟

منو قال دنبك؟؟؟؟

<<<<<<< وحدة حلمانه بالدنابك

بنااااااااات...........و اخيرا جاني الفرج.....خلصت امتحانات التيرم بالجامعه و بدت عطلتي لمدة اسبوعين

هلهلن.....ككككككككككككللللل لللللللووووووووووووووولش شششششششششششششش

و الله انقهرت اليوم كل شوية ادخل من كمبيوتر القاعه...بس ما اقدر ارد لان ما بيه عربي...و الاستاذ النحس ما خله احد يطلع الا الكل خلص....خلصت روحه سليمه...الحمدالله ما راح اشوف خلقته الجلحة من اليوم و رايح...جان قاعد النا ركبة و نص...ما ادري ليش حاقد

المووووووووهم....

يعني بالي صاااااافي للسفرة و صار عدنا هوايا ناس.....يعني زادت الوناسة....ما تدرون بنات اشقد اني فرحانة بحماس الكل....

و اني مع اختي هيلانه...الجهال جيبوهم...خل هما بعد يتونسون...خطية و الله...انمسكهم طوبة و لا حبل و نقو الهم روحوا لعبوا بس صيروا عقال...و نقدر نبلصهم بجم مصيصة و لا جكليتايه بعدين..ما راح يضوجونا...بس اللي تريد تحصل فرصة تنتقم من ابو الشباب و اطلع الويك اند من خشمه و تخلي الجهال عنده فا هذي بكيفها...هههههههه

و تراني عند تطوعي...اصير الكم سايق...بس بشرط....تغنولي اغاني مثل اي سايق ثاني...بس اخاف من شي واحد..اخاف انطرب معاكم و يضرب معايا فيوز حماس...و اقوم اطق اصبع و اردح...و الباص يروح بيها....
زوزو و هيلانه....من يجي دوري خليكم قريبات....تحسبا الهيج فيوز...خخخخخ

و بما انه ماكو دنبك لي هسه....قررت اجيب مسجل و سيدي هات...تردون اغاني عراقية..تركية..عربية...خليجي ..كردية...منوعات؟؟؟؟؟...اش ما تردون عندي...اسمع كل شي

و اخيرا و ليس اخرا....يا الف هلا و مرحبا بكل اللي جن جديد......ودنا نصير كثار...حتى تحلى لمتنه و اطول وناستنه

Sephoraholic
15/03/2008, 12:03 AM
هيلااااااااااانه
هاي شنو مو اخاف على رشاقتج اني

بعدج تحبين الاكل :21_93:

يقين كلشي ميبقى بثلاجتكم من تجوعين
:21_21:
ههههههههههه
:21_181:

ههههههههههههههههههههههااا ااااااااااااااااااااااييي يي

زوزو حبيبتي.......خلي التعليقات ورى السفرة...ستري علينا يمعوده..لا تروح علينا

ترى هيلانه راح تجيب الحصيرة..............ترى بعدين مصيرنا الترباااااااااااااان

هيلانه عيوني.....ترى اني مااااااااااااالي شغل بزوزو.......اي....ترى اني مو من جماعتها <<<<<<< الخوف و مااااااااااا يسوي

ايكووو 2007
15/03/2008, 12:20 AM
بنااااات اني هم وياكم واذا السفره للشمال كلكم معزومين يمي بس السايق شوفوله مكان:tongue: واكيد راح نتونس منتظرتكم لمو اكبرعدد

هيلانة
15/03/2008, 12:28 AM
:)[SIZE="6"]شكرا الج يازوزو اني ادري بيج تخافين على رشاقتي بس مو راح نلعب رياضة بعدها :wink:

Sephoraholic
15/03/2008, 12:34 AM
بنااااات اني هم وياكم واذا السفره للشمال كلكم معزومين يمي بس السايق شوفوله مكان:tongue: واكيد راح نتونس منتظرتكم لمو اكبرعدد

يا هلا و مرحبا عيوني......و ترى عدنا بدال السايق ثلاثة :wink:
يعني سالفة السايق محلوووووولة :D

زوزو لازم تعد اشقد صرنا مرة ثانية....خل نعرف يا حجم باص نحتاج

عسليه بغداديه
15/03/2008, 03:18 AM
اييييي يمعوده ملاك همزين اجيتي مو اني دادور على فريقي:21_210: مال المحيبس 000000كككككككككللللللللللللي يييييشششششششششششش خوش موصليه خلصتي امتحانات :clap::ok: بهلمناسبه حضرتلج دبه طرشي تلوك الهلحلك 0000:21_91: يله وين فريقي بعد الباقيات وينهن :angry::angry:00000مدري وين يروحن:mad_argue:؟؟؟؟؟

عسليه بغداديه
15/03/2008, 11:53 AM
:21_165:صبااااااااااااااااااا اااااااااااح الخيرررررررررررررر:21_210: هلووووووو بنات يله0:JUMP:00يله 000يله0:JUMP:0يله:JUMP:000 اليوم الجو شمس:21_86:(طلعت الشميسه :21_159:على قبر عيشه 00عيشه بنت الباشه تلعب بالخرخاشه)0000يله دخلووو سجلو حضور دنلم العدد حوديكم للمصايف بشمال العراق 000 وهيلانه تودينه للشارقه تره تفوتك(pafr_80) اذا فاتني شي عالمصايف انتي عوووودين كملي خوششششش:smile: 00000يالله اني متحضره :cool2:خوب من الصبح واول وحده سجلت الحضورررررر:wavetowel2::wavetowel2::wav etowel2::wavetowel2: واني منتضرتكم خوش حتى:yahoo::yahoo: نروح للسفر ه

hadeel dove
15/03/2008, 12:28 PM
هلو بنات شلونكم ياله اني وياكم بسفره بس ترى هااااااااااا بسياره اني اكعد بل اخير مو دكولون محجوز ومدري شنو والي جيب الدنبك تكعد يمي ومكتولي شسويلكم اكل لا بعدني ما اعرف كل وحده من البنوات شراح اسوي وراح احضرلكم الريشه والمضارب مالتها وراح اجيبلكم خيمه زغيره الم بيها الجهال كلهم

صدك هسه السفره وين بشمال العراق لو بشارقه

وعلا فكره هيلانه اني هم ساكنه بشارقه

hadeel dove
15/03/2008, 12:31 PM
وطبعا بنات اني اشكركم على ترحيبكم الحلو حسستوني كانهوا اني مو جديده وياااااااااااااااله خلوني اعرفكم اكثر واكثر


واما فريق المحيبس ترى العب محيبس زين وانتو بيافريق تخلوني خلوني واستغلوا مواهبي بل محيبس

عسليه بغداديه
15/03/2008, 12:39 PM
عفيه بهدوله الورده كاعده من الصبح 00000عيني وين متردين اكعدي اني ليكدام يم السواق هديل انتي بفريقيييييييييييييييييي اوكي عليهه0000

hadeel dove
15/03/2008, 12:43 PM
عسليه قلب عليهم والا نخصرهم صينيه البقلاوه والزلابيه

عسليه بغداديه
15/03/2008, 01:07 PM
ماشي حب:8875: هدوله بس خل نكمل :88774:باقي فريقنا:deal: (ملاك وبزونه عراقيه ووووووووممممممممم غدير الطائي) مدري وين يصيرننننننننننن:think::think::think :

ღ الينبوعه ღ
15/03/2008, 01:09 PM
صبااااااااااااااح الخير شلونكم بنات
يالله انا بعد وياكم سجلوني مو تنسوني ترى افخخكم هههههههههههههههههههههه
ما كلتولي شنو اجيب وياي هههههههه

zozo.h
15/03/2008, 01:50 PM
يو يو يو

اسفه تاخرت شوية

وينكم ؟؟

اخاف رحتو

ههههههههههه

اني السياق وين ترحون هههههه

zozo.h
15/03/2008, 02:05 PM
اني وهيلانه ومصلاوية ناخذ الكراسي الكدام


يعني السايق ومساعديه

بس طبعا كلسى تكوم وحده تشارككم الغنى والمرح
هههههههههه

واكول هيلانه وينج ووين مرت حماج

يله بنات لازم تجتمعن

هيلانة
15/03/2008, 02:16 PM
:wink:عفية عفية اوكفو انتظروني اني هم اتاخرت بس ميخالف اني معذورة لانو هاي الحصيرة طلعت صغيرة ماتكفينا فرحت لجارتي وتوسلت بيه حتى تطيني حصيرتها همات وخطية ماقصرت بس ماعزمتها:tongue: جهالها وكحين هسة يضوجونة ويطلعون السفرة من خشمنة

zozo.h
15/03/2008, 02:21 PM
ههههههههههههههههه

زين هيلانه اذا التاخر علمود الخصيرة فمو مشكله
المهم جبتيها اخر شي

((اكول اشو صرت اشوفك هنا وبالماسنجر ماكو

تعالي اريدج لشي مهم))
ههههههههههههه

عسليه بغداديه
15/03/2008, 02:29 PM
هلا هلا هلا هلا هلا هلا هلا لا:21_112: عيني هيلانه همزين معزمتيهه (اني صايرتلي عقده من الجهالللللل:groupwave:) وموصليه لعد وينهه شووووووووفي :angry:دومهه متاخره:sm229: مو حتحرك السياره 0000 وينجننننن 0000000000000 اكلج زوزو خوب اليوم شلون جووووووو يخبووووووولللل(راح اتخبل) شلون شمس حلوه ربيع:9_28::21_213::21_159:

هيلانة
15/03/2008, 02:37 PM
[SIZE="5"]اكول موصلية ترة اني خايفة من سياقتج :eek:اشو تكولين يضرب عندج فيوز ومافيوز والباص يروح بيها يامعودة ويانة جهال (x)(x)(x)(x) والمشكلة اني هم مثلج بالعجل يطكن فيوزي اخاف من حماسي اكوم اشاقة وياج واغمضلج عيونج:cool: واكلج حزري منو اني وانسة انتي دة تسوقين :eek: احسن شي خل نشوف زوزو بلكي هي اعقل منة[(y)/SIZE]

zozo.h
15/03/2008, 02:38 PM
اي والله الجو اليوم يجنن

وهم لتنسين احنه نروح لشمال العراق

هناك الجو بعد احلا

يا حبيبي يا وطني

zozo.h
15/03/2008, 02:40 PM
ههههههههههه

هيلانه هاي عسليه بغداديه

مو موصليه

موصليه تلكيها هسى تركض ورى البروفيسور بالكليه

عاد لا تنسى موعد السفرة

zozo.h
15/03/2008, 02:41 PM
هيلانه ضللي بين قوسين فوووووووووووووق

هيلانة
15/03/2008, 02:50 PM
ترة اني جبت وياية كاميرة شلون كاميرة تخبل:Dشوفوها(p)اي لعد شلون هاي سفرتنا من العمر لازم نصور كلشي بيها وبعدين نطي لكل وحدة نسخة(g)اذا فد يوم ضاك خلكهة خل تذكر يوم سفرتنا وونستنة:)

عسليه بغداديه
15/03/2008, 02:57 PM
"هذا شلون حجي هيلانه يمعوده هيه سياقه لو لعب جهال:21_30: (بله احنه عقال مخابيل خالين هيلانه وموصليه:21_179: يسوقن)يمعودات انتن مساعدات زوزو هيه (الا سطه):drive1: 000000000000000لابله يا بروفيسوررررررر لعد والسفره (صدك كذب)

هيلانة
15/03/2008, 03:02 PM
:tongue:اكول بنات شامين اللي اني شامتة لو اني متوهمةريحة طبخ تجنن:tongue::tongue::tongue:

zozo.h
15/03/2008, 03:04 PM
هههههههههه

اي اي

اني الاسطه

وعهدير البوسطه

كانت طلعتنه

من ضيعة هيلانه

على ضيعة عسليه

وتذكرتك يا عليا

وتذكرتك يا موصليه
هههههههه

ويخرب بيت عيونك يا
عليا شو حلوييييييييييين


ههههههههه

zozo.h
15/03/2008, 03:05 PM
:tongue:اكول بنات شامين اللي اني شامتة لو اني متوهمةريحة طبخ تجنن:tongue::tongue::tongue:

ههههههههههه
هيلانه
هههههههه

اي طبخ التمن والددجاج هياته الجدر مفتوح

يله تعالي ضوكي

بس مو تخلصيه
اعرفج من تاكلين شلون
ههههههههههههههه

هيلانة
15/03/2008, 03:20 PM
اكول هدولة حبيبة اشو اليوم عدنا حارة بالشارقة:( احنة مشغلين المكيف اليوم:ss: خلينا اليوم مانجيبهم لهنا وبعدين ياكلن راسنا يكولن وين جبتونا ماوين جبتونا :wink:خليها وراهن و على كولتهن هو اكو احلى من العراق وجو العراق:)(f):)(f)

hadeel dove
15/03/2008, 03:30 PM
اي والله يا هيلانه ياقلبي اليوم حاره :cool:والشمس قويه خلي اروح وياهم ونشوفنه شلال حلو من شلالات العراق ونطبش بل ماي وصدك جنه جنه جنه جنه يا وطنه تذكرون هاي الاغنيه بنات:15::15:

هيلانة
15/03/2008, 03:30 PM
(i)الله الله عليج يازوزو على هل الصوت الحلو يخبل:eek: ليش ما تشتركين بستار اكاديمي(*) ولا مطبك الدجاج يخبل بعد اكثر واكثر:tongue::tongue: الله يخليلنياج ولا يحرمنا منج ومن افكارج ومن طبخج ومن صوتج(f)(f)

hadeel dove
15/03/2008, 03:39 PM
اكول يابه يا بنوات منو جابنه ترمز الجاي لو نسيتوا ترى وره هذا الاكل الطيب لازم واحد يشربله فد استكان جاي والله لو مهيل :tongue::tongue:

zozo.h
15/03/2008, 03:39 PM
اييييييييييييييييي

ذكرتيني بهالغنيه الحلوة يا هدوله الحلوة:1_42:

جنه جنه جنه

بغداد يا وطنه
:21_209:
ويييييييييي


هيلانه يا عمري :21_195:
خجلتيني بكلامك الحو والله :21_218:
هههههههه

zozo.h
15/03/2008, 03:44 PM
اي هدوله مرت حمه هيلانه
جابت وياها ترامز الجاي ابو الهيل
(c)(c)(c)(c)

هي اربع لهيلانه ولهدولة ولعسلهي والي

تفضلووو


:21_104:
اكو عنية لكاظم يجيب بيها جاي ابو الهيل
منو يذكرها بالله ؟؟؟

يله حتى اغنيها لكم
ههههههههه

zozo.h
15/03/2008, 03:46 PM
عسليه وين اختفيتي ؟؟؟؟

hadeel dove
15/03/2008, 03:47 PM
زوزو قلب يمكن الاغنيه مال ما عندي الماس وذهب

عسليه بغداديه
15/03/2008, 03:47 PM
شنووووووووووووو هاي لك زوزو اليوم دتغني وطاربه:thumbs: الله يا بنات شلون سفره حلوه والاكل يخبل يله تعالن دنكلب الدولمه 00000000000اكلج شنسوي:21_11: بالجاي نسينااااااااا والله خل نشتري كولا لو ميرنده يله هيلانه روحي انتي:21_103: وهديل جيبولنه على:21_213::flower::wavetowel2::wavetowel2::wav etowel2: العدد

hadeel dove
15/03/2008, 03:51 PM
عسليه صدك جذب مو تدللين قلب هسه اروح اني وهيلانه وانجيبلج الكولا والميرنده وباردات ونجيبلكم وياها علج لان ضروري وره هذا الاكل الطيب والكل اكلت حد ما تنكوا

هيلانة
15/03/2008, 03:51 PM
(x)اكول بنات اللي تعرف هاي الاغنية خل تغني وياية والجهال كلهم يصفكون (x)(x)(x)(x)(x)(x)ياعشقنا فرحة الطير ليرد لعشوشة عصافير :)يا عشقنا وللبيادير العنب ونحوشة عناقيد :15:ياعشقنا :15: رايحين رايحين نشوف اهلنا شلونهم والله مشتاقين مشتاقين للون عيونهم :15::15: كاعنة فضة وذهب واحنا شذره (f)(f) وشحلات العمر لو ضاع بعمرها :15::15:يا عشقنا :15:يا عشقنا:15: يا عشقنا:15::15:

عسليه بغداديه
15/03/2008, 03:54 PM
اني موجوده زوزو بس ملتهيه داطعم جهالي (والله من صدك)هههههههههههههه اي سولفن يحبيبات هااااااااااااا خوش اكو جاي لعد صبولي

zozo.h
15/03/2008, 03:54 PM
واااااااااااااااااااااو
واواا واو او


هاي شنو هيلانه

صدك جذب
وين ضامه هالاباداعات كلها ؟؟؟؟
ههههههههههه

عاشو عاشو عاشو

hadeel dove
15/03/2008, 03:55 PM
هيلانه قلب اني مسامعتها بس كلماتها اتخبلللللللللللللللللللل روعه هاي منين سامعتها والله صدك مشتاقين نشوف اهلنا ونشوف لون عيونهم :confused::confused::confused:

zozo.h
15/03/2008, 03:56 PM
خلي اكوم اركص هجع
وهجع وهجع
هههههههههه

كومي نهز ركبه هيلانه
ههههههههه

zozo.h
15/03/2008, 03:57 PM
هيلانه
خواتي كلهن متعجبات على هالغنيه الحلوة


عسوله وكليهم شوي شوي ليغصون

الف هنى على قلبهم ان شاء الله

ويله بعد الاكل انريد الكل يكوم يركص
ههههههههههه

عسليه بغداديه
15/03/2008, 03:59 PM
الله هيلانه دمعت عيونا من هلاغنيه شذكرج بيهه ههههههههههههههههههه تخبل والله على كعدت الجاي ذكرتوني اغنيه (مرينه بيكم حمد 00واحنه بقطار اليل وسمعنه دك اكهوه وشمينه 00 ريحه هيل يااااااااااااااا ريل (يعني قطار ) صيح بقهر صيحه حزن يار يل 0000000الخ)يله كلوحده تغنيلنه من هاي الاغاني العراقيه الاصيله

عسليه بغداديه
15/03/2008, 04:05 PM
لالالالالالالالالالالالال الالالالالالا اليوم زوزو مو طبيعيه(r):21_131: ابد انو ب ركص وهجع ههههههههههههههههههههه اويلي الله :21_133::wavetowel2::wavetowel2:يلله هاكم علوووووجه وزعو:gum::gum:

هيلانة
15/03/2008, 04:08 PM
اكول بنات لا تنسون ترة زوزو عروس(f) لازم نكفللها جم كفلة عراقية من هاي اللي يعجبها قلبها ترة هم خطية تعبت من الركص والهجع :wink: وعروسنة خوش عروس تسوة الذهب والفلوس كلللللللليييييييييييييييي ييشششششششش يا :15::15::15: لا تخرب كذيلتها تراها مدللة وعزيزة اخوتها كللللليييييييش(f)(f)هدولة حبيبتي شلون ما سامعتيها:o هاي من اغانينا الحلوة القديمة مالت اهلنا هو اكو احلى من اغانينا بالعالم كلة:)

zozo.h
15/03/2008, 04:09 PM
اكول بنات

من يا طريق انروح هسى ؟؟؟

http://www.bakhdida.net/Nisreen/CIMG2816.gif

عسليه بغداديه
15/03/2008, 04:13 PM
يا بنات اسمعوااااااااااا احنه عزمنه الينبوعه ويانه حتى تثبتلنه الموضوع باعتبار (احنه عراقيات ومتغربات حتى منحس بالغربه والكأأأأبه ) شتكووووووووووووولون

zozo.h
15/03/2008, 04:14 PM
هيلانه
ههههههههههه

مو بعد مااعرف اسوق من الخجل

هههههههههههه

اكول وصلنه مكان كلش بالشمال

منو دليلنه السياحي يكول احنه وين ؟؟

http://www.bakhdida.net/Nisreen/CIMG2828.gif

هنا راح ننزل نرتاح شوية
http://www.bakhdida.net/Nisreen/CIMG2855.gif

zozo.h
15/03/2008, 04:17 PM
ياليت يتثبت

خاصه انه سفرة موثقه بالصور
هههههههه

عسليه بغداديه
15/03/2008, 04:17 PM
اي زوزو شنو هالابداع هاي الصوره تخبل لدهوك لدهوك :shy:لالالالالالالالالالالا الالا هاي اغنيه يا عشقنا قديمه ومن احلى اغاني العراقيين والله عاشت ايدكم :clap::D_smil1:

hadeel dove
15/03/2008, 04:19 PM
ميت اهلين وسهلين بالينبوعه ياله بنات سولها ماعون اكل زين وكثروا من الدولمه والبرياني وياها قوطيه ميرنده من هاي البارده بس قلب ينبوعه اهم شي تثبتينه الموضوع يمعوده ترى انضيع

zozo.h
15/03/2008, 04:20 PM
اريد اكعد ورجليه بالماي مثل هذولي

هههههههههه

http://www.bakhdida.net/Nisreen/CIMG2879.gif

هيلانة
15/03/2008, 04:20 PM
اكول عسلية شبي الجاي العراقي المخدر اطيب جاي (c)(c)لعد ليش كل شوية دازتنا اني وهديل ندور عل الكولا والعلج مو اني جايبتلكم علج بستج لو هسة بعد مايعجبكم :wink: ايييييي زوزو شمدريج اني اعرف اهز رقبة :oوالله عد عيناج لهز رقبة وجتف مو تدللين غالية والطلب رخيص:D

hadeel dove
15/03/2008, 04:21 PM
بنات وين الركيه دنخليها تبرد بماي الشلال بس خلو عينكم عليها لتروح تنخمط :D:D

zozo.h
15/03/2008, 04:21 PM
لتضيعون باص السفرة

شوفو وين صفيته

حتى لا وحده تضيع

واحنا لو نبقى كلنه سوية وويه بعض احسن
حتى ما احد يضيع



http://www.bakhdida.net/Nisreen/CIMG2882.gif

zozo.h
15/03/2008, 04:27 PM
يله بنات وين صرتن ؟؟؟؟


كيفتن بالماي ؟

ههههههههه

هدوله حنروح هسى لهذا الشلال علمود خوش انطبش
ههههههههههه

http://www.iraqws.com/upload/gallery/1817122992.jpg

hadeel dove
15/03/2008, 04:27 PM
هيلانه قلب شبيج عسليه تريد علج ابو نفاخه وانت جايبتلها علج بستج لعد شلون نسوي نفاخات ونطكطك:D:D:D

hadeel dove
15/03/2008, 04:31 PM
اي زوزو حبيبتي اموت اني على التطبش عد عيناج بطه وخلوها بل ماي شيطلعني حتى الاكل اكله واني بل ماي


زوزو حبي هذا شلال كلي علي بيك واني عدي صوره يمه

هيلانة
15/03/2008, 04:35 PM
اي عاشت ايدج يازوزو الوردة (f)تعبناج ويانة:15: يلة يابنات نزلو لعبو بالماي ترة بارد كلش لا يستبردون جهالكم ديرو بالكم :eek:واني هم يا ينبوعة راح اطيج مكاني بالسيارة يم الشباك طول الطريق:wink: حتى تتونسين زين وتشوفبن هل المناظر الخلابة وما يفوتج شي بس هااااااااااااااااااا مو تنسين اثبتيلنا الموضوع(y)(y)

عسليه بغداديه
15/03/2008, 04:35 PM
ياااااااااااااا بنات اليوم منخلى مصيف منروحله (مصيف سولاف وووووووسرسنك وووووشقلاوه وشلالات على كلي بك) بس سايقنه ورده شنو هاي زوزو تتبدعين لج عيني بوسيلي خواتج يخبلن

zozo.h
15/03/2008, 04:40 PM
السلام عليكم

اني اختها الصغيرة لزوزو


حبيت اسلم عليكم

و الله ما شاء الله مسوين موضوع غير شكل


و السفرة احلى و احلى بعد


طبعا اني متابعه الموضوع اول باول


يالله اشوفكم على خير


باااااااااااي


سلامي للجميع

عسليه بغداديه
15/03/2008, 04:43 PM
اكولجن لملمن الاكل خل نروح نلعب بالماي طلعو الكرزات يللللللله هلا هلا هلا :clap::9_33: اي عيوني ينبوعه شلونج اخبارج :ok::ok: على طول انريد سفرات من هاي دثبتيلنه عيوني :21_112::21_213:شدكولين :Za_thanx:

zozo.h
15/03/2008, 04:43 PM
وين شفتي خواتي عسليه هههههههه

ترى هاي صور عشاوائيه مو صدك اني واهلي
هههه

هع هع هع

خواتي يمي يقرن الموضوع وفرحانات بالسفرة وبخفة دمكم

zozo.h
15/03/2008, 04:46 PM
بنات شوفن هالمنظر اشكد حلوووووووووو


http://www.iraqws.com/upload/gallery/1704162267.jpg

عسليه بغداديه
15/03/2008, 04:47 PM
هلا باخت زوزو عيني:21_104: العراقيات امبدعات بوجود الورد زوزو (وج زوزو حسافه ماعندي اخو جان مطلعتج غيررررر للعراقي )وين راحو عنج هذوله الله :mf_seehearspeak:عماهم :21_157: انتي دره

zozo.h
15/03/2008, 04:48 PM
يله هسى وين تحبون تكون محطتنه الثانيه ؟؟؟؟


ترى ممنوع اكل الكرزات بالباص
ههههههههههه

لو تدرون
خلص اكلو التردوه

ماكو شي ممنوع

انريد نتونس اليوم آخر وناسه

zozo.h
15/03/2008, 04:54 PM
هلا باخت زوزو عيني:21_104: العراقيات امبدعات بوجود الورد زوزو (وج زوزو حسافه ماعندي اخو جان مطلعتج غيررررر للعراقي )وين راحو عنج هذوله الله :mf_seehearspeak:عماهم :21_157: انتي دره

هههههههههههه
هسى يزعل حبيبي

عسوله الوردة
ترى الطيور على امثالها تقع

وزوجي وردة مال الله

اسالي هيلانه تعرفه زين
ههههههههههه

ترى هي من الاهل :cool:

Sephoraholic
15/03/2008, 04:59 PM
نسيتووووووووووووووووووووو ووووووووونننننننننننننننن ننننييييييييييييييييييي


عسلية قسم......اذا ما خليتيلي دولمة و طرشي هسه اتمدد قدام الباص و ما اخليكم تتحركون و افشلكم قدام خلق الله

زوزوووووووو.......لا تاخذين دوري بالسياقة ترى اتناحس معاج...........بس لا تخلين هيلانه تقرب مني...تقول لي اغمض عيونج و ما ادري شنو.......و هيا تدري اني عندي فيوزات

لا يكون خلصتوا التمن و البرياني و الكرزات بعد؟؟؟؟؟؟؟؟؟؟




تدرون شلون.............






خلاص....علية و عليكم...........................راح اتمدد قدام الباص!!!!!!!!!!!!!!!!!


هااااااااااا............ماحد راح يحرك من هنا!!!!!!!!!!!!!!!

هيلانة
15/03/2008, 05:01 PM
هلا ومية هلا بخوات زوزو الحبيبات :wink:نورتو سفرتنا وبيجن خير وادللن اطلبن واتمنن وهاي بوسات الجن:15::15::15::15:

عسليه بغداديه
15/03/2008, 05:02 PM
لا زوزو يمعوده دخل انكرزززززززززز شخصرانين 0000000انتي وين متردين ودينه 0000000 اي والله اكيد زوزو انتي دره وهوه هم مثلج دره (الطيبون للطيبات ) هيلانه هسه تستبردين كافي بالمي تلعبن

zozo.h
15/03/2008, 05:04 PM
هلااااااااااااااااااا

هسى حلوت السفرة

اجت موصليه الورررررررردة

يله تعاي سوقي ويايه تعبت
هههههههههه

اريد اكوم اركص بالباص
هههههههه

عسليه بغداديه
15/03/2008, 05:05 PM
هلالالالالالالالالالالالا مو صليه دكومي عيوني منا العلم 0000000مو عيب يااااااااا شنسويلج اذا انتي ملتهيه ويه البروفيسورررررررررر ديله بقينالج خير من الله

هيلانة
15/03/2008, 05:07 PM
اي والله يازوزو خطيبج مثلج وردة مال الله(f) وشايف خير ومستاهلها (i)امة راضية علية(i)

عسليه بغداديه
15/03/2008, 05:09 PM
هلا:dd: زو زو دخل نعلك :21_131:اغنيه (نجوى كرم ) لو ما تكذب لو لو لو 00000مايبقى في حبك لو بالسهره بتجاملني بغيابك بدللني لووووووووو لو ما تكذب لو )يمكن:sm179: غلطت:8875:(r)

Sephoraholic
15/03/2008, 05:10 PM
ها؟؟؟؟؟؟؟

ركص؟؟؟؟؟؟؟

هيلانه؟؟؟؟؟؟؟؟؟؟

هيلانه عيوني وينج؟؟؟؟؟........هذي ملتهية بالماي مادري شبيها عليه!!!!!!!!!!

تعالي تعالي.....تعالي ساعدي زوزو تعبت من السياقة....

اريد اروح اررررررررككككككككصصصصصصصص

و صب لي من ايدك ماي ورد.....عطرك يخليني انسعد!!!!!!!!

روح روح روح.....هلا هلا هلا هلا هلا

عسلية صفقي اشبييييييييجججج.........شبعتي و قمتي تغفين!!!!!!!!

هيلانة
15/03/2008, 05:14 PM
"]شنو هاي موصلية فشلتينا:rolleyes: دكومي من كدام الباص الناس كامت تصيح بفرنك الفرجة:tongue:كومي عفية لا تطلع السفرة من خشمنا وشتريدين يصير (y)[/SIZE]

zozo.h
15/03/2008, 05:18 PM
موصليه وردة
معقوله نا كلو ننساج

هاي حصتج عندي

http://atbak.freeservers.com/images/maindish3.JPG

برياني
http://www.khellan.com/up/uploads/77a92cdef7.jpg

طرشي
http://www.al-q.com/modules/img_upload/cache/files/torshy_khodaar__17_.jpg

كرزات
http://www2.0zz0.com/2007/05/21/14/83674198.jpg

عصير على اناناس واني اموت على الاناناس

http://www.al-wfa.com/vb/imgcache/1184714176_bc1a77d4519316affd5149d9022c1cf8.jpg

فواكه

http://www.thbthbat.com/vb/up_load/3_01182780953.jpg

هيلانة
15/03/2008, 05:19 PM
هاي شبيجن شو عفتني وحدي بالماي وينجن]:confused:

عسليه بغداديه
15/03/2008, 05:21 PM
لالالاعيني شنو كمت اغفي :21_211:يلله داصفك :21_211:دكعدي اكلي اول شو جيتي ركض عالردح يالله هدول:B_wink: دكي عيني دكي هلا هلا :clap::clap:اني مو عيني عالجهال ميكعدون ثبروني :groupwave:

hadeel dove
15/03/2008, 05:31 PM
عسليه ياله حبيبه طووطو ططو ردح ردح شعر شعرهجع واجه البنه يبويه لالالالا لاله ولك من علمك ركص الهج والهجع

عسليه بغداديه
15/03/2008, 05:32 PM
تعاي هيلانه تيركصن البنات انتي هم هاج ربطتي شديهه وركصيلنه شرقي دنغنيلج عوفي الماي عاد

Sephoraholic
15/03/2008, 05:32 PM
ترى اني الخطرج قمت عسول......

اريد اركص من فرحتي بنهاية التيرم.......ز

يمممه قرصتني العقربه

يمه قرصتني العقربه

يا يمه لو شفتيها.....سبحان المسويها

هلللللللللااااااااااااااا ااااااااااا <<<<<<< اخخخسسسسسس يا ام الذوق التعبان

hadeel dove
15/03/2008, 05:32 PM
هيلانه قلب دتعالي شويه ركصي ويانه واخذيلج فد هزه وبعدين نرجع نطبش

Sephoraholic
15/03/2008, 05:36 PM
وووووخخخخخخخرررررنننننننن ن شوية!!!!!!!!!!!!!!!1


زوزو جايبت لي اكل.............حسام الرسام منوا؟؟؟؟؟؟؟؟؟؟؟؟؟؟؟؟؟؟؟؟؟ ؟


الللللللللللللللللللللللل للللللللله


زوزو عيني عاشت ايديج........يا بخت اهل السعودية بيج :wink:


هيلانه.......ززاخذي مكاني بالرقص لا اجي اطلعج من الماي بالقوة!!!!!!

Sephoraholic
15/03/2008, 05:37 PM
هدووووووووووووووووووول...... .............يلا

ايدج بيدي.........

خل نروح نجيب هيلانه!!!!!!!

يلا!!!!!

hadeel dove
15/03/2008, 05:39 PM
هيلانه صدك جذب يمعوده دعوفي الماي وتعالي مو الكل كامت تردح ردح

وشلون ردحج يعماره هيج وهيج وشلون ردحج يالبصره وهيج وهيج


شعر شعر هلا هلا هلا

ههههههههههههههههههههه

hadeel dove
15/03/2008, 05:40 PM
ياله قلبي ميفيد وياها الا نجرها جر من الماي كوه وج عيني دكولين بطه ومصدكت شافت الماي

عسليه بغداديه
15/03/2008, 05:40 PM
ههههههههههههههههههههههههه هههه:dd::dd: شنو هالمواهب:ok::ok: بنات هدول (واجلبنك:whistling: ) وموصليه (العقربه:whistling: ) ذكرتينه بحسام جنه ناسسسسسسسسي مع انو خوش اغاني علي

zozo.h
15/03/2008, 05:43 PM
ههههههههههه

الف عافيه مصلاويه حبيبتي

يله جهزو نفسكم وكملو ركص بالباص

راح نتحرك نحو بغداد

بغداااااااااااااااااد
وهل خلق الله مثلك بالدنيا اجمعها

zozo.h
15/03/2008, 05:45 PM
bfar_80

موجوده حبيبتي ؟

داناخذ تفقد
خاف ننسى احد ونتحرك

عسليه بغداديه
15/03/2008, 05:45 PM
ااااااااااااااخخخخخخخخخخخ خ يابه راح اموت من الضحك :21_131:ها هدول انوب ردح العماره ههههههههههههههههههههههههه ههههههههههههههههههههههههه ههههههههههههههههههههههههه هههه يربي هاي هيلانه شلون جلبت بالمي شنو مشايفه :dontknow:شلال مو راح الطم على راسي وج دتعاي :mad2:

هيلانة
15/03/2008, 05:45 PM
:confused:يووووووووووووووووووو وو ياريت ما جبت الجهال وياية:rolleyes: شوفوا اتزحلكو بالماي وتبلللو:( يله منين اجيبلهم هدوم هسة اني :mad:راح ادور من منا بلكي الكيلهم بسسسسسسسسسسسسسسس هاااااااااااااااااااااااا ااااااا مو تسون شي انتظرني لمن ارجع حبابات (f) اكول زوزو اني ترة هم راح اروح اتمدد كد\ام الباص وافضحجن هذا الاكل وين جنتي ضامتي هااااااا :eek:اشو اني ماخليت جدر يعتب علية كل شوية مطببة راسي افد جدر:tongue: بس يلة ميخالف بالعافية عليج موصلية ولاتنسيني حبيبة بقيلي ترة اني بعدني ما بلشت الرجيم زين(o)

Sephoraholic
15/03/2008, 05:46 PM
بنااااااااااااااااااااااا اااااااات.......

عندي فكرة...............توها جتني <<<<<<<<< من ورى اكل زوزو الوردة :D:D:D

شنو رايجن اسبوع الجاي نطلع نتسسسسسووووووووووووق؟؟؟؟؟ ؟

نشتري هدوم و مكياج الصيف....و نشوف اذا زوزو محتاجة شي من جهازها

و نسوي النا لوكات جديدي.....شو رايكن؟؟؟؟؟؟ <<<<< اللبناني منين طلع؟؟؟؟ :ss::rolleyes::ss::rolleyes::ss:

عسسسسسووووووووول......جهالج يردون يروحون مع هيلانه عالماي <<<<< تريد تحرض حتى هيلانه تخاف و تجي

zozo.h
15/03/2008, 05:46 PM
لو نمر عالموصل اول
؟ ؟؟؟


ها شتكولون ؟

hadeel dove
15/03/2008, 05:48 PM
هيلانه شفتي همزين مجبنه البنات هنا للشارقه دشوفين الجو رطوبه وضباب يمعوده جان كرعوا راسنننننا

ولا يهمج قلب اني انطيج هدوم لجهال اني جايبه ويايه احتياط جنطه شكبرها هدوم