المساعد الشخصي الرقمي

مشاهدة النسخة كاملة : خاص لبنات الدمام



عاشقة بلادها
08/09/2007, 01:18 AM
هلا خواتي..ياليت بنات الدمام تساعدوني..بغيت أعرف محلات الاثاث عندكم وعناوينهم لان الاسبوع الجاي باروح انشاءالله..بلييييييييييييي يييييز بالسرعه الممكنه

عبير الخيال
08/09/2007, 01:29 AM
عندك طريق الخبر فيه محلات راقيه زي العبدالطيف والعامر وعالم الروائع وكذا محل انتي مري وراح تشوفين
عندك الدمام قدام الاسواق الدوليه محلات تفصيل كنبات وفيه محلات ثانيه اثاث الطاووس والعبدالطيف بعد وفيه محلات مطابخ
وعندك شارع الاماره فيه محلات ثريات واناره واطقم مطابخ
وعندك جنب مكتبق العبيكان على الكورنيش مفروشانت العمر مره راقيه وفيه بعد اقمشة الستاير والتنجيد الفخمه عندك بو سبيت والجديعي والقثمي كلهم عند الاوبروي الجديعي جنب جرير على طول والقثمي قدام الاوبروي وبوسبيت قدام كنتاكي وهارديز
اذا تبغين اقمشه رخيصه وجودتها كويسه عندك شارع الخزان هذا الشارع فيه كل شي خاص بادوات التنجيد مت القماش الى الاكسسوارات
ان شالله اكون افدتك واهلا وسهلا فيج في بلادك الثانيه السعوديه واذا كني جايه عن طريق الحسا مري على العامر اللي هناك بضاعتهم حلوه اهي قريبه من مستوصف الهدا وبصراحه ما اعرف اسم الشارع سامحيني بس ادخلي موقع قوقل للخرايط وشوفيه

سمرر
08/09/2007, 02:34 AM
عشوووقه عندنا بتجي حيااااااااااج يالغلااااا والدمام راح تنوووووووووور بوجودج ياحلوه
عندج محل هوم سنتر مسوي تخفيضاات الحين فرصتج واغراضهم رووعه وعندج المخازن الاولى للاثاث خيااااال
ومثل ماقالت حبوبه عبير الخيااال وصفها ادق مني لاني مااعرف اسامي الشوارع السموحه حبوووبه والخبر بعد فيها
محلات الانصاري هذي هاي هاي اغراضهم شي شي والسموحه يالغلاااا هذا الي عندي

عاشقة بلادها
08/09/2007, 01:03 PM
تسلمووووووووووون لي يابنات الدمام مشكووووووورين على مساعدتكم ودياركم منوووووره بوجودكم أكيــــــــــــــد

تسبيحات
08/09/2007, 06:10 PM
ماشاء الله البنات ماقصرو وقالو اللي بقوله
بس نسيوا مفروشات عبد الواحد والله خيال وكمان العصفور بحي النخيل على شارع الملك عبد العزيز