المساعد الشخصي الرقمي

مشاهدة النسخة كاملة : مشكلة مكدرتني حييييييييييييييييل



*أم القمر*
05/09/2007, 06:52 PM
السلام عليكم...


أهلين بنات ,, شحوالكم ؟؟ إن شاء الله بخير ومبروك عليكم رمضان الله يبلغنا إياه جميع إن شاء الله ,, المهم بغيت أقولكم معاناة وحده مع إختها وأصحاب السؤ وإن شاء الله نلقالها حل سوا لأني مالقيت صراحه وراسي عورني من التفكير....المهم,,السالفه ومافيها في وحده طاحت بالتلفون وغيره وكان في وحده دايم تعاونها وتقولها إن اييه لازم الوحده تعيش حياتها ليه تخلين بخاطرك إطلعي كلمي سوي الي تبين هاذي حياتك ولازم تنبسطين (البنت الي تعاونها أكبر منها لكن لاتخاف ربها ولاأحد) المهم مصير البنت حست إن الي تسويه كله غلط وتابت ورجعت لربها والحمدلله , البنت ربي وفقها وتزوجت وابتعدت عن الرفيقة السيئة وحتى علاقتهم أبد مو مثل أول ,, المهم مرت السنين وكبرت اخت البنت التايبه و وصلت سن المراهقه وفجأه رجعت البنت السيئة في حياتهم !!!! وجلست على راس البنت المراهقه وحشته أفكار واطيه وحقيره وسوت معاها نفس ماسوت مع إختها لكن بطريقه أسوء لأن البنت هاذي مراهقه وصغيره وعقلها أصغر (تعرفون بنات هالأيام كل مالهم يصغرون) وجلست تحرضها على اختها وتقولها إنها تكرهها وإن هي عاشت حياتها وسووت إلي براسها وألحين قاعدتلك وإنها ماتبيها ترتاح بحياتها ولا تعيش حياتها مع العلم إن البنت السيئة عمرها ضعف عمر البنت المراهقه !!!! والله إن إختها عجزت تبعد بينهم مو قادرة للأن المراهقة عجبها وضع الحرية وقلة الأدب الي صايره و اختها خايفه إنها تطيحها بالشرب والدخان والله أعلم كم عندها من الفساد ,, البنت السيئة أهلها مايدرون عنها لو تنام بره البيت ماعرفوا عنها وصديقتي من جد تعبت تقول عجزت أدور حل أطلع هالبنت من حياتنا هي ترجع أو المراهقة تروح لها مافي حل إلا إن هالبنت تختفي عن وجه الأرض أو إنها تموت !!!!! فرجاااااااااء بنات دوروا لنا حل ترى هالبنت لا تعرف رب ولا حساب والله أتكلم جد إكتشفنا إنها ملحدة وكل فترة لها دين بس المهم إنه مو الإسلام ولا صلاة ولا صيام وكل يوم مع واحد أو وحده !!!! وشرب ودخان وأفلام دعاره !! الله يكافينا الشر ويهدي بناتنا ويحفظهم ,, البنت هاذي ضايعه بس مانبيها تضيع هالبنت المراهقه الي من جد تأثرت فيها بشكل مايتصور...رجاااااااااااااا ااااااااء ساعدونا بالحل قبل لا تضيع البنت وتخرب أكثر....

CATS_ANGEL
05/09/2007, 07:03 PM
مرحبا

مشكلتك فيها شي ناقص و هو أهل البنت المراهقة ما ذكرتي عنهم شي بغض النظر عن اهل البنت السيئة وين دور الاهل في هالموضوع ما عندهم فكرة مين بنتهم عم تخالط صحيح الاخت ما عندها سلطة كبيرة على اختها بس في الام و الاب أو الاخ الاكبر اذا فعلا بتهمها اختها لازم تخبر اهلها حتى لو زعلت منها اختها المراهقة في النهاية بتعرف انو لمصلحتها و بصراحة ما الها الا اهلها هم يلي بإيدهم يعملو شي اذا فعلا خايفين على المراهقة و ما بتنفع العواطف بهيك موضوع

بتمنى اني ساعدتك و لو بشي بسيط

wispy girl
05/09/2007, 07:23 PM
والله خليها تخبر اهلها..عشان يبعدون البنت عن اختك..وبعدين يتابعوها..وانتي انصحي اختك..واقفي جنبها..والله يسر اموركم يارب.

خيال ملاك
05/09/2007, 07:35 PM
الصراحة فتحت الموضوع وما قدرت أقرأه الخط جداً متعب..

كـوـويتيـه صعبه
05/09/2007, 08:02 PM
حبيبتـي لازم لازم أهلها يدورن وتكون تحت عيونهم ومراقبتهم


واذا تدخل احد كبير من العايله مثل ابوها او اخوها اهم اللي لازم يوقفون بوجه البنت الفساده


لانهم يخربون بنتهم شرفهم وعرضهم


والله يستر عليها يـآرب

*Sweet @nGel*
05/09/2007, 08:35 PM
هلا حبيبتي

عاااااد وين اهلهاا !!!

مثل ما قالو البنات للاهل دور جدا مهم بمثل هالمشاكل

انصحووها حاولوو ترجعونها للطريق المستقيم

بس ابي اسألك شلون تابت اختهاااا الكبيره؟؟

يمكن السبب الي خلى اختها تتووب يساعدها

و الله يهديها ويستر عليها ويحفظها يا رب

آخر العنقوود
05/09/2007, 08:38 PM
الله يهديها ويهدي جميع بنات المسلميـــــــــن

العيون العسلى
05/09/2007, 08:45 PM
:9_28:



الله يهديهــا ويهدى كل مسلم ومسلمة



:9_28:

SHREEFA
05/09/2007, 09:04 PM
اول شي اوقف هالبنت الكبيره الضايعه اوقف في وجهها واطردها من بيتي وماعاد اشوفها مره ثانيه
والبنت المراهقة اوقفها عند حدها واراقبها واخوفها من عقاب رب العالمين وامنعها منعا باتا بالارتباط بالانسانه الضايعه
والخطأ خطأ اختها شلون ردت علاقتها مع مثل هالاشكال هذي ....؟؟؟

والله يستر علينا ويهديهم ويصلحهم


دمتم سالمين
اختكم شريفة

سعودية أصلية
05/09/2007, 09:31 PM
والله خليها تخبر اهلها..عشان يبعدون البنت عن اختك..وبعدين يتابعوها..وانتي انصحي اختك..واقفي جنبها..والله يسر اموركم يارب.

دندون الحضرى
06/09/2007, 05:24 AM
يا حبيبتى كل الاعضاء على نفس السؤال وين الاهل وليش يدخلون وحدة كدة على بناتهم

اسيل!
06/09/2007, 09:36 AM
بلغي عنها الشرطهبانها ماتقرب من هدي البنت
وانها سيئه والله يعينكم عليها

Boo0ooBle
06/09/2007, 09:46 AM
والله ياختى كل بنت لازم تتزوج والبنت تخاف على سمعتها فإذا ذكرتولها الزواج وانها ممكن تنخطب والريال دايمآ يبحث عن البنت اللي سمعتها زينه بتخاف وبتنتبه ان اللى تسويه غلط ممكن يخرب عليها حياتها,,,

*أم القمر*
06/09/2007, 07:14 PM
السلام عليكم...

مشكورين يابنات على ردودكم,,,أول حاجه البنت إلي اهتدت كانت هدايتها من رب العالمين سبحانه (إنك لاتهدي من أحببت ولكن الله يهدي من يشاء) والحمدلله ألحين ربها أهم شي بحياتها,,,ثاني حاجه أهل البنت المراهقه الأم مسكينه مريضه والوالد ممكن يتهور وتطيح المشكلة على راس الأم المريضه,,,ثالث حاجه البنت الفاسده للأسف تصير من أهلهم ومحد قادر يتكلم معاها لأنها من جد(للأسف) مو متربيه !!! الله يعجل زوالها من حياتهم يالله ياكريم وإحنا على أبواب شهره المبارك يالله يربطها مع الشياطين ويرد كيدها في نحرها يالله ياربي إنك تهد كل إلي تبنيه هالبنت من فساد الله يكشف كذبها وزورها قدام الناس وإن كان لها هداية فالله يهديها بس يفك الناس من شرها يالله رب العرش العظيم ياجبار يارحمن يارحيم ياغفور ياشكور ياحليم ياقادر يامالك الملك سبحاااااااااانه الحي القيوم الذي إن قال كن فيكون...