المساعد الشخصي الرقمي

مشاهدة النسخة كاملة : قطريه عندها مشرووع وتبي مساعتدكم بافكاركم وشوركم !!



Umm Rawan
04/09/2007, 11:27 AM
السلام عليكم ورحمة الله وبركاته


اشلونكم بنات

انا عندي مشروع
بس محتاجه فيه خياطين او خياطات في الدوحه

قلت افيد الي يتعلمون خياطه من العوائل الفقيره في الهلال الاحمر وغيره ... واعطيهم مبلغ رمزي على كل قطعه .. والقطع كلها بسيطه قطنيات مب فساتين سهره او شئ جذيه...
لكن اطمعوا فيني وقالوا يبون نسبه ارباح 40%

مع ان الخامات وكل شئ علي انا .. واهم بس طق طق طق بالمكينه ...
على الاقل اربحهم وياي ويدخل لهم مابين 30 إلى 60 ريال للقطعه الوحده!!

فقلت اشوف حل بديل ...
ما ابي اجيب خياطات .. لان سالفه الافامه واحاتيهم وكذا...

ولو جبت هنود .. اخاف ابتلش معاهم ...

قلت اسأل اهل الخبره إذا وحده منكم عندها محل تخيط وتبيع فيه تفيدني او شئ ؟!!!

او تعرفون وحده محتاجه تخيط؟!!

انا حلوة
04/09/2007, 12:14 PM
تدرين سالفتي مثلك

انا ادور خياط عشان تفصيل الجلابيات الخاصة الي اسوق لها و الموديلات موجودة و الخام امره سهل

لكن الخياط مشكله

انزين اذا بيتك كبير نوعا ما
جيبي لك خياطة و حطيها في غرفة وتكونين مجهزة المكينه و الطاوله لها و هي تخيط لك في الغرفه نفسها و يا ريت تكون ملحق عشان الفكة

أم ياسين العسل
04/09/2007, 02:12 PM
والله كان نفسى اساعدك فعلا بس معنديش اى خبره

Umm Rawan
05/09/2007, 09:49 AM
ان الحلوه

لا والله بيتي صغير انا بروحي محتاجه غرف زياده !!!!

انا افكر اشوف اي وحده تبي لمشروعها خياطين.. انا وياها نتقاسمهم... والرواتب النص بالنص !!! او شئ جذيه

.................................

اسيره حنانه

شكلاا على المرور

^_^

Umm Rawan
07/09/2007, 05:25 PM
انا في انتظار آرائكم المفيده

^_^

Umm Rawan
09/09/2007, 09:56 PM
بنات محد ممكن يساعدني؟

ربي غفرانك
09/09/2007, 10:22 PM
كان بودي افيدك
بس ما عندي حل
الله يوفقك , حطي اعلان في الجريده

Umm Rawan
10/09/2007, 08:45 AM
تسلمين على مرورج ام الغالي

^_^

فراشة82
03/10/2007, 08:40 PM
لج حل وسط ...تشاركي مع وحده في المشروع والتكاليف بالنص...وبالنسبة للعمال جيبي هنديين اشتغلوا من قبل في الخياطة...واعتقد هذا حل سريع ومناسب...وبالنسبة للهنود يا كثرهم...

فراشة بوظبي
04/10/2007, 12:48 AM
نفس المشكلة تواجهني لبدء مشروع في بالي

بس لاحظت ان وايد حريم يتعاملون مع خياييط معينين دوم في تجارتهم والخياط يسويلها سعر خاص

فبشوف اي خياط عادي بس شغله نظيف عشان مايطمع فيني


وممكن تطبقين هالشي واذا توسعتي تجيبينلج خياطه للبيت

دلــ دبي ـــع
04/10/2007, 01:35 AM
صبــاح الورد؛

حبوبهـ تقدرينـ تتفقينـ مع أحد محلاتـ الخييايطـ؛ وتتفقينـ معاهـ على نسبهـ معينهـ؛

والفايدهـ لكمـ انتوا الاثنينـ؛ انتيـ بتستفيدينـ بدون وجع الايجاراتـ والعمالـ؛

وهو راح يزيد دخلهـ من الطلبياتـ اللي عندجـ؛

انا اشوفـ هذا انسبـ حل؛ ودوريـ اكثر من خياطـ؛

اذا ما اتفقتيـ مع واحد منهمـ؛

وموفقهـ بإذن الله يا قلبيــ؛؛

رسيس الليل
05/10/2007, 03:14 AM
انا بعد الافكار توديني وتجيبني ومادري اشلون انفذ
الله يكون بالعون

qtr-dream
07/10/2007, 11:49 AM
هلا أختي ممكن اقترح عليج انج تبدتين من صغير حطي إعلان في الجريدة انج تبين وحدة تخيط ( في واايد في البيوت بس مايقدرون يطلعون ) واتفقي معاها وانتي تعطينها الأغراض وهي تشتغل في بيتها ولما تخلص انتي اعرضيهم للبيع او مثل ماأنتي مخططة لمشروعج ومنها تستفيدين وتفودين إن شالله اكون ساعدتج

fire lily
07/10/2007, 01:23 PM
اول شي بالتوفيق اختي


انا ماعندي خبره بس البلاد مليانه من العوايل الاسيويه


اسالي اكيد بتلاقين نسوان يبون يشتغلون فبيوتهم

اتوقع بتلاقين باكستانيات


بس لازم حد من جنسيتهم يسال لج وانتي بعدين تعطينه فلوس او تكرمينه

qazal11
23/10/2007, 03:21 AM
ام روان من قطر


انا بعد هم من قطر وعندى هوايه تصميم موديلادت الجلابيات واحب اصمم مشكله كلها ابي اسوي وهم مشكلتى خياااااااااااااااط انا قلت مالي الا اتعامل مع خياط لى جنب بيتنا احسن



وانا ابي وحده تساعدنى بالافكار جلابيات

ريم_قطر
02/11/2007, 03:32 AM
انا من رايي انج تجيبين الخياط من بلاده احسن لج
لان اللي في الدوحه خلاااااااااص اغتنوا ويبون معاشات قويه
انتي جيبيه وزيدي معاشه شوي وخليه يسكن برع في اي سكن
بطلع لج ارخص من اللي في الدوحه
يعني عطيه بدل سكن :)

الله يوفقج الغاليه

قطــــر الزيــــن
02/11/2007, 11:51 PM
تبين نصيحتي
لا تتشاركين مع اي احد لان المشالكل كثيره من الشراكه
افتحي المشروع لحالج

واستخيري والله الموفق

ant
03/11/2007, 10:24 PM
الشراكة شرباكة مثل مايقولون ..بس ممكن انج اتجيبين خباطة مرة و تخلينها مع غرفة الخدم و تحطين لج بزاوية البيت او في احد الغرف ماكينة خياطة وطاولة خياطين و تشتغل عليهم ..وبالبركة

Umalanood
05/11/2007, 07:40 PM
هلا يا ام روان.. ليش ما تفكري تشتغلي باكسسوارات الأعراس وتغليف الهدايا والورود.. صدقيني أفضل من الخياطين ووجع الراس معاهم.. وشغلك ما راح يكون بالمواسم..

أختك / أم العنود
الدوحة

Um.Abdullah
09/11/2007, 03:15 PM
اختي انا عندي طموح في بدء مشروع مثلج وفي فكرة في راسي ودي اسويها
اذا تبيني ابتدي في المشروع وياج ما عندي مانع والأرباح تكون بالنص
انا قلت لصديقتي أني ببتدي وياها بس مو غلط نكون مجموعة كبيرة علشان نقدر نمشي الأمور بطريقة أسهل
راسليني عالخاص اذا تبينا نشتغل سوا :up:
والله يوفقج

%Ju$T Me%
12/11/2007, 04:25 AM
ان شاءالله تلاقين اللي تتمنينه يارب

وربي يوفقج و يرزقج ان شاءالله


:)

أم خالد123
02/01/2008, 10:12 PM
لا تجيبين خياطه في البيت نصيحه
انا سمعت عن وحدة جابت خياطة فلبينية وسكنتها ملحق ، دخلت رياييل البيت يوم طلعو الاهل ،بتسويلج سوالف الله يكرهم .
بس مادري هالسالفة من زمان *********
احسنلج وحده مسلمه تأمنين عليها ولا شوفيلج وحده عربية تسكن مع اهلهلها مقيمه تجيلج دوام في مشغل في البيت.

myCuteShop
05/01/2008, 02:53 PM
الله يوفق الجميع يارب

وتعاملي مع مشغل احسن

^_^

نجله
16/01/2008, 06:37 PM
هلاحبيبتي رايي انك تبدين مشروعك مع نفس الناس اللي شرطوا عليك النسبه بس لمده معينه الى انك تجمعين مبلغ يسمح لك انك تقدرين تجيبين عماله او انك تخليك مع بنات البلد لان لو حسبتي الاستقدام والتذكره والسكن وغيره للعماله بيطلع عليك دبل اللي بتعطينه لبنت البلد
الله يوفقك:wink: