المساعد الشخصي الرقمي

مشاهدة النسخة كاملة : فكرة مشروع وابي رايكم ومشورتكم



ريـــم البــوادي
23/08/2007, 05:03 PM
بسم الله الرحمن الرحيم
السلام عليكم ورحمة الله وبركاته
راح ادخل في الموضوع على طول
انا عندي فكرة مشروع بس متردده فيه مادري اذا الفكره ناجحه او ما تنفع ياليت تفيدوني وما تبخلون علي برايكم
شفو بما ان هالايام التجاره الماشيه هي تجارة العقارات وانا ماعندي السيوله الكافيه لهالمشروع ففكرت اني افتح مكتب عقاري يمارس الشغلات العاديه مثل الوساطه او الدلاله وزياده على ذلك بسوي صندوق استثماري على قدي وافتح باب المشاركه للي راس مالهم صغير زي حلاتي ويكون راس مال محدد بجذي يكبر راس المال واقدر ادخل في السوق والارباح توزع بالتساوي كل ثلاث او اربع اشهر وكل التعاملات بتكون باسم المكتب واوفر كل الضمانات اللي تضمن حق الزبون وحقي بأوراق مصدقه من المحكمه وتكون في تقارير شهريه لكل من حط فلوسه معاي عن الارباح اللي وصل لها
ها قولو لي اشرايكم
انتظر الردود :21_209:
انشاء الله محد يطنش:whistling:
:8875:

مجرد سرااب
23/08/2007, 06:42 PM
الصراحه انا اشوفها فكره حلوه ..

والحلو فيها المشاركه و خصوصا اذا عندج مثلا خبره في هالمجال وواثقه من الارباح و جذي ..

والله يوفقج ان شاء الله ويوسع عليج و يفتح لج ابواب الرزق آآآمين

وانا مع الفكره مع ان ما عندي اي خبره و لكن اتمنى ان البنات يفيدونج ..

انا داشه اشجعج على الفكره بارك الله فيج و الله يبارك لج هالمشروع و يلاقي النجاح

آآآآآآآآآمين

:)

المؤمنة دائما
23/08/2007, 07:34 PM
فكرة حلوةةة

بالتويفق اختي

فطًامي
23/08/2007, 09:23 PM
بصراحه لو بديتي أنا بكون أول وحده معاج ..
يقولون تجارة العقار احسن شئ هالايام...

فطًامي
23/08/2007, 09:29 PM
بصراحه لو بديتي أنا بكون أول وحده معاج ..
يقولون تجارة العقار احسن شئ هالايام...

مجرد سرااب
23/08/2007, 09:54 PM
بس سؤال هو انتي تبين مشاركه من بانت المنتدى مثلا و الا من برع المنتدى ؟

لو من بنات المنتدى شكلي بشارك احم احم ^_^

وموفقه يا غناتي
:)

ريـــم البــوادي
23/08/2007, 10:28 PM
تسلمون حبيباتي على الردود والله شجعتوني بس بعد ابي آراء اكثر
اختي فطامي انشاء الله لين بديت المشروع اول وحده انتي راح اقولج
مجرد سراب من المنتدى ومن برى المنتدى وانشاء الله لين بديت بخبرج وعلى فكره المشروع بيكون في قطر
بس لازم اسوي دراسه للمشروع قبل واسأل عن كيفية فتح الصندوق ويتصدق من الجهات الرسميه
يالله يابنات نبي تفاعل اكثر

ام فيصل 80
23/08/2007, 10:31 PM
صراحه فكره حلوه وايد

واذا بديتي انا بشارك معاج

لاتنسيني

وموفقه يارب

عنود المهيري
23/08/2007, 10:39 PM
صراااحه فكره حلووه وانا رااح اكوون معااج بس انتي درسي المشرووع وسألي عنه واخبرينا بنتايج اول باول

وانشالله رااح انكوون معااج ,.................وبالتوفييج الغاليه ...واول ما تخلصين كل شي خبرينااا بس كل شي اتسوينه

اكتبيه عندج عشاان ما تنسيين شي حتى ولو شي بسيط اكتبيه عاان ما تتخربطيين وشغلج يكوون ماشي

ريـــم البــوادي
23/08/2007, 11:20 PM
ام فيصل
عنود المهيري
شكرا لكم حبيباتي
ولا يهمكم اكيد انه راح اعلن في المنتدى لمى ابدى المشروع

‏احلى من العسل
23/08/2007, 11:58 PM
بالتوفيق ان شاء الله

بشارك وياج ان شاء الله

مجرد سرااب
24/08/2007, 04:40 PM
اتمنى من رب العالمين انه يوفقج و يفتحها عليج آآآمين

وان شاء الله المشروع يلاقي النجاح ونشارك معاج ^_^

الله يرضى عليج ان شاء الله :)

ريـــم البــوادي
24/08/2007, 06:36 PM
احلى من العسل
تسلمين عمري

مجرد سراب
مشكوره يا عمري على الدعوه
وجزاج الله خير
الله يوفقنا جميعا انشاء الله

ريـــم البــوادي
25/08/2007, 11:59 AM
شدعوه يعني هالتطنيش
كلمه ولو جبر خاطر
ترى كسر الخواطر شين

حيرانه في اسمها
25/08/2007, 12:37 PM
الفكره حلوه بس لازم تسوين دراسه للموضوع زين ما زين لان على حسب علمي العقارات تبا مبالغ مو هينه

وان شاء الله ربي يوفقج واذا لنا نصيب بنشارك معاج

شامسية1988
25/08/2007, 03:25 PM
والله حلوة الفكرة

^_^ خصوصا انه في ضمان يعني الواحد يرتاح لهالشئ

انزين سوي لي مكان ههههه بشترك وياج

ريـــم البــوادي
26/08/2007, 12:15 PM
حيرانه في اسمها
هلا حبيبتي
اكيد انا ماراح اخطي خطوه الا ودارستها هذاذ غير آرائكم اللي نستفيد منها


تسلمين على المرور

ريـــم البــوادي
26/08/2007, 12:16 PM
شامسية1988
هلا الغاليه
ولا يهمج اول ما افتح المشروح بحجز لج مكان

صلفة
26/08/2007, 08:31 PM
موفقه اختي مثل شو الضمانات

::عيون دبي::
28/08/2007, 11:11 AM
بصرااااااااااحه المشروووووووووووووووووووو ووع فكرته من فتره في بالي ويالسه اجمع معلومات عن الموضوع واذا انت حابه نتعاون وانا ابغي اشاااااااااارك وياج

سيدة الإمتياز
29/08/2007, 04:13 AM
اختي العزيزة الاستثمار في العقارات مب راس مال بس تبالها خبرة وعلاقات كبيرة وخاصة انه في السوق منافسين

وايد بس انتي لازم تتميزين بشيء خاص لج بالنسبه للبيع والشراء ولازم يكون لج علاقات مكثفة من الدرجه الاولى

حبيت افيدج لاني تاجرة عقارات من 6 سنوات وافهم فيها 100%واتمنى التوفيق للجميع..........والسموحة

الرومانكيه
29/08/2007, 01:50 PM
ربى يوفقك يارب

الرومانكيه
29/08/2007, 01:51 PM
وتلاقى الخير

ريـــم البــوادي
05/09/2007, 12:49 PM
صلفه
حبيبتي الضمان بيكون عقد بيني وبين الزبون والعقد بينكتب عندمحامي وفيه شروط تضمن حقي وحق الزبونه

ريـــم البــوادي
05/09/2007, 12:51 PM
عيون دبي
تسلمين الغاليه
انشاء الله بفكر في عرضج

ريـــم البــوادي
05/09/2007, 12:52 PM
سيدة الامتياز
شكرا لج عزيزتي على الإفاده
وانشاء الله اذا بديت في المشروع نبي نستفيد من خبرتج
وتسلمين على المرور

ريـــم البــوادي
05/09/2007, 12:53 PM
الرومانكيه
تسلمين حبيبتي على المرور والدعوه
ويارب يوفقج انشاء الله وتلاقي الخير وين ما تروحي

رسيس الليل
05/10/2007, 03:34 AM
والله العقار مرتفع حيييييييييييييييييييييييي ييل
الله يوفقك

hamida
01/11/2007, 09:08 AM
الله يوفقج ان شاء الله و يفتح لج ابواب الرزق ان شاء الله

hamida
13/11/2007, 12:18 AM
فكرة حلوةةة

بالتويفق اختي

ريـــم البــوادي
14/11/2007, 10:37 AM
مشكوره اختي حميده الله يوقفنا جميع
بس احس الموضوع صار صعب خصوصا هالايام العقار ثابت لامرتفع ولا نازل