المساعد الشخصي الرقمي

مشاهدة النسخة كاملة : بليييييز ساعدوني عن لندن...



عروسة بس بدري
14/08/2007, 07:21 AM
السلام عليكم ورحمة الله وبركاتة...
كيفكم بنات ان شاء الله بخير؟بنات حبيابي انا يوم السبت ان شاء الله رايحة لندن
وانام مو اول مررة اروح لها انا رحت لها وانا صغيرة...بس طبعا ما اذكر:21_207::balloons:
فنفسي تقولون لي على الاماكن اللي هناك غير الهايد بارك وغير البيج بين
ابغى صراحة اسواق شعبية ومحلات وناسة :poster_dev:وكمان نفسي اسالكم عن الجو في اوقست كيف يصير؟
يالييييييييييييييييييت يابنات تردون علي بسسسسرعة وفي اقرب وقت الله يخليكم...
تحياتي المعطرة لكم:9_33::9_33::flower:

:: بسكوتي :: اذلك ::
14/08/2007, 10:41 AM
والله يا الغالية ما اعرف لندن وينها فيه

ما اقدر اقول إلا تررررروحين وترجعين بالسلامه
لبلدك الغالي



دمتي بخير

عروسة بس بدري
14/08/2007, 06:26 PM
مشكورة حبيتي على المرور ويسلمووو

رتاج 1
14/08/2007, 08:04 PM
الجو الحين بارد اعتقد خلص الصيف و الاسواق والاسعار مناسبه

الموناليزا
18/08/2007, 08:05 AM
ان شاءا لله تروحين وتردين بالسلامه

حبيتبي بلندن الاسواق الشعبيه الي هناك هي مثل شربربوش وسوق السبت وسوق الاحد

سوق السبت بنهاية شارع اجواردرود وسوق الاحد ياباص تروحين له او تاكسي لانه شوي بعيد عن هالشارع

الاماكن الي تقديرين تروحين لها ( متحف الشمع ) والله الجو من داخل حلو واكيد بتستمتعين فيه

عندج ( لندن آي ) يعني عين لندن روحي واركبي وبتشوفين كل لندن منها

ولاتنسين تزورين قصرالملكه وصوري جنب الشرطي شي حلو والله

وعندج مكتب بشارع اجوارد رود ناسيه اسمه يوديج رحلات خارج لندن فعلا الرحلات تجنن هي تبتدي في الاغلب من الساعه 8 لين 11 بالليل بس صدق متعه ،، وانتي تشوفين الريف الانجليزي على الطريق

من هالرحلات الحلوه الي انا رحتها ( سفاري بارك ) وهي حديقة الحيوانات المفتوحه ،، وعندج بعد (( آلتون تور )) مدينة ألعاب كبييييييييييييييييييره من كبرها ماراح تلحقين تلعبين بكل الالعاب وفي هالمدينة تلفريك ،، وعندج (( ثورب بارك )) بعد مدينة ألعاب وحلوه

وفي غير من هالرحلات الخارجية ،، ترى حرام توصلين لندن وماتطلعين خارجها

اتمنى لج رحله سعيده واني ماكون تاخرت عليج

بدور الليل
20/08/2007, 05:16 AM
الموناليزا قالت اغلب الاشياء

عندك متاحف ثانية مثل (لندن دنجن) <<يخوف اذا عندك عيال لا تاخذينهم
و فيه (ساينس ميوزيم) اللي هو المتحف العلمي.. طبعا متحف الشمع لازم تروحينه اللي هو (مدام توسوز واكس ووركس)
روحي (البرت هول) و فيه المتحف اللي فيه مجوهرات الملكة (الصراحة شي روعة) بس نسيت اسمه

اما بالنسبة للتسوق عندك اوكسفورد ستريت و نايتس بريج كلها محلات و بالنسبة للماركات روحي (اولد بوند ستريت) و فيه شارع يتقاطع مع نايتس بريدج (بعد هارفي نيكولز روحي يسار و امشي طوالي) راح يجيك على اليمين و اليسار ماركات كثير مثل: فندي و ديور و قوتشي و فالنتينو و بوتشي و دولشي اند قابانا......الخ

وبالنسبة للاكل من المطاعم اللي لازم تروحيها (سارا سترو) <<بس لا تدخلين الحمام ابد ما ودك تشوفينه و لا تروحين في الليل
و فيه مطعم لبناني انا اعشقة اسمه (بيت الدين) <<نروح لندن عشان ناكل لبناني خخخخ
و عندك مطعم ايراني باجور رود بس نسيت اسمه لكن هو صغير مرة ((دايم محمد المازم فيه)) خخخخ
و عندك (سوب) اللي في نايتس بريدج هو مطعم شوربات......اذا تبين مطاعم زيادة انا بالخدمة

و بما انك سعودية و لسى ما فتح كريسبي كريم عندنا طبعا طبعا لازم تروحين تاكلين دونات من كريسبي كريم نوع (اوريجنال قليزد) تلاقينه بهارودز و سلفرجز

و السينمات فيه وحدة عند تقاطع اوكسفورد مع اجوار رود و فيه 4 في لستر سكوير و وحدة في بيكاديلي سيركس

اي شي ثاني انا بالخدمة