المساعد الشخصي الرقمي

مشاهدة النسخة كاملة : :(



without name
03/04/2003, 11:30 PM
السلام عليكم ورحمه الله وبركاته ...

اخباركم بنات .. شو علومكم ان شالله بخير

حبيت اقول لكم شي صار لي ...انه انا تعرفت على واحد عن طريق النت اوكي حبيته وحبني وووالخ .... المهم كلمته على التيلفون بس انا ما كنت ابي العلاقه تتطور للكلام بالتيلفون ... لاني ما كنت مقتنعه بهالشي واعرف انه غلط .... انا خليته اليوم يعني صارت مشكله بيني وبينه وقلت له ينساني لانه هذا انسب حل ... ماادري اذا صح اللي سويته ولا لا ... بس انا خايفه عليه وايد لانه كل ما حاولت ابعد عنه شوي يمرض الريال وينخفض ماادري ينخفض ولا يرتفع ضغطه المهم يصير مريض لدرجه ما تتصورن ... قولوا لي شو اسوي وياه ...بس انا ماابي استمر وياه على هالشي لاني والله متضايقه وكارهه حياتي من اللي سويته فياريت تقولون لي كلام يريحني وبعد قولوا لي شو اقول له عشان ينساني بالمره وبعد ماابي يصير له شي بسببي

MeMo
04/04/2003, 02:12 AM
ليش انتي شفتي يرتفع ولا ينخفض ضغطه؟؟؟
بس كلام في التلفون اكيد يمثل عليج
خليه يولي ما منه فايده
تنسينه الحين احسن انج تنسينه عقب سنوات بعد ما تكوني تعلقتي فيه اكثر

without name
04/04/2003, 02:41 PM
Thanx Memo
عالرد ... بس انا حاسه انه صادق باللي يقوله .. و الله العالم ... يالله الله يوفقه في حياته ..وان شالله انساه

توته الصغيرونة
04/04/2003, 04:57 PM
هلا ..

:(

طبعا الحين الي صار صار .. وهو غلط وانتي عارفة هالشئ :D كل ابن ادم خطّاء وخير الخطائين التوابون ... يعني يا صديقتي لازم تتركي هالشخص فورا ولو كان من جد هو يمرض عادي مصيره ينسى الزمن كفيل بحل اعقد المشكلات ... اتركيه اسمعي نصيحتي .. لو يحبك من جد كان اتقدم علطول وخطبك من اهلك .. :D واتمنى لك السعادة دوما :)


تحياتي

مــزاج

سماهر
05/04/2003, 12:27 AM
مرحبا

اقول اختي ما عليج منه تراه يقص عليج

والمشكله انه البنت وايد عاطفيه يعني الولد يمثل عليها وهي تصدقه

نصيحتي ليج ما عليج منه

واصلا انتي من البدايه غلطتي يوم تعرفتي عليه وكلمتينه

والحين لازم تصلحين هذا الغلط

ولا تسوين ليه سالفه وتبين الصراحه لا يغرج كلامه

اسمحيلي اذا كانت طريقتي قاسيه في الرد

وهذا كله لحرصي ولخوفي على البنت اللي تطيح في مثل هذي

المواقف لازم يكون فيه حد يوعيها وينصحها قبل الموضوع ما يطور

وتذكري شئ انه لو كان صدق يحبج لو اتقدم وخطبج من اهلج

فالريال الزين يتقدم للبنت من الباب مب من الدريشه

وانتي طبعا فاهمه علي

والسموحه مره ثانيه

MeMo
05/04/2003, 01:33 AM
without name
والله يا اختي اني ابي مصلحتج واخاف عليج مثل اختي
والله هالشباب مستعدين ايينون القمر لج بس عشان يطيحون البنات
والله اسمع اخوي يقول لي انه يبجون بجي جدام البنت بس عشان يكسر خاطرها وتكلمه
ولا اللي اييبلها فلوس وهدايا
يعني مثلا لو وحده يهديها واحد طقم بعشرين الف راح تصدق انه يحبها
بس الشباب ما تهمهم الماده بس المهم يحصلون اللي يبونه في البنت


لكن ممكن يكون الشاب اللي تعرفتي عليه صادق بس مع ذلك لازم تاخذين احتباطاتج وتاخذين حذرج
على الاقل تحطين نسبة 1 % انه جذاب
وعشان تقطعين الشك باليقين انه يتقدم لج ولا فالاحسن انه ينساج
وبعدين هو مب مصغير عشان يتعذر بتكوين نفسه ولا هو بنت عشان بتعذر انه نخطوب من يوم هو صغير حق بنت عمه
لاتصدين اي عذر له
المفروض هو ريال وهو قراره بايده مب بايد اهله

والله انا حاسه فيج
انتي عطيته خيارين بس
يا اما يتقدم او ينسى


والله يوفقج وطمنينا عليج

واحسن شي تسويه عطيه الوصله مالت هالموضوع عشان يقرا الردود ويحس على دمه شوي

without name
05/04/2003, 08:59 AM
مــزاج...شكرا اختي على ردج وان شالله انا بنساه وهو بينساني وانا نادمه على اللي سويته

سماهر.. شكرا اختي على كلامج وحتى لو قاسي بس مثل ما قلتي انتي لحرصج وخوفج على البنت ..وصراحه انا كنت ابي احد يكلمني ويقول لي وينصحني والحمدلله حصلت حد ينصحني بس ان شالله ماراح ارد للي كان و الله يثبتني

MeMo...شكرا اختي لانج تبين مصلحتي بس تعتقدين انه اذا تقدم لي ما بيتم يسوي لي سالفه يعني على الثقه وجي لاني دوم افكر في هالشي انا والله ما كلمت غيره ولا راح اكلم ان شالله ... بس انه هو بيكون فاقد شي اسمه ثقه وصراحه بيقول هذي مو صريحه وغيره وانا صراحه ماابي اكون في موقف جي ..لاني ضعيفه الشخصيه ومااعرف ادافع عن عمري حتى لو انا صح عشان جي ابعد وانسى هو احسن حل .. ومشكوره اختي

nrlove4ever
08/04/2003, 11:25 PM
شو عرفج إنه مب كله تمثيل و بعدين كله غلط في انت و لا التلفون لو تبين الصدق. بعدين لو هو يحبج صدق و يمرض نفس ما تقولين قوليله يخطبج من أهلج و شوفي ردت فعله و بعدين إنت عندج حرية الإختيار توافقين عليه و لا ترفضينه.
تحياتي

ميليا
09/04/2003, 02:21 PM
اهلين اختي....................

اشوى ان تركتيه وان شاء الله تنسينه................

بس اقول لك لما كلمتيه مادريتي ان كان هو بيجي ويخطبك..............

ولا كان .........بس لعب ولهو...............وبعدين تتركو بعض..........

على كل حال اللي فااااات مااااات ...................والحمدلله انك تداركتي حالك قبل مايفوت الاوان..............

واستغفر الله على كل حال...........:) :) :)