المساعد الشخصي الرقمي

مشاهدة النسخة كاملة : اختي ............. تغار وتحسدني ماالحل؟؟؟؟



حب الحياه
01/07/2007, 12:04 AM
السلام عليكم ورحمه الله وبركاته

كيف الحال ..... انا اول مره اشارك في هذا المكان لكن انا لي مشاركات كثيره في قسم الحمل والولاده ماريد اطول عليكم ..... مشكلتي اختي الكبيره احنا بنتين واخو واحد كلنا الحمد لله متزوجين اول واحد تزوج هو اخوي وعنده بنت والثانيه اختي صار لها 3 سنوات ماحملت وعقب انا تزوجت ولي اللحين سنتين وانا اللحين حامل في الشهر السابع الحمد لله المشكله ان اختي تغار جدا جدا مني ومش عارفه ليش الحل راح اكتب القصه وابي منكم الحل اختي يوم يوم لها رجال اخوي رفض للانه اجنبي بس اه تزوج تقدم تتقدم ه لكن بدون موافقه اخوي ومحد حضر الا انا وامي والاهل اخوي منع زيارت الرجال حق امي وهو اللحين مايقدر يدخل البيت الا اذا كان اخوي محد او مسافر واختي ماتكلم اخوي للانه مايحب زوجها ولا يريد يكلمه وصار لهم اكثر من 3 سنوات على الحال مايتكلمون عقب انا انخطبت من واحد من البلد بعد سوال اخوي عنه وافق وتزوجته والكل حضر واخوي بعد هذي الحركه خلت اختي شوي تشيل علي للان زوجي يقدر يدخل البيت وزوجها لا بعدين اللي زادها علي خبر الحمل خلاها تكره ان تكلمني وانا اليوم لي 7 شهور لكن عمرها ماسألتني شخبار الحمل معاي ولما اكلمها عن الحمل تغير الموضوع ولما تكلمها امي عني ليش ماتسال عن اختها الصغيره تقول يعني هي الوحيده اللي حملت في هذي الدنيا ولما تسمع حد يتكلم عني تكش ويتغير وجهها ومش عاوزه تحضر يوم الولاده ويوم سمعت ان خالتي راح توقف معاي لين ماطلع عصبت على امي وسمعتها كلام مو حلو ............. مش عارفه شنو انا اسوي وارجوا منكم الرد .... اختكم حب الحياه:sad:

الماسية 2004
01/07/2007, 01:49 AM
أولا: ألف مبروك على الحمل والله يتمملج على خير
ثانيا: الغيرة بسبب الحمل شي طبيعي بين الحريم مب بين الخوات عادهني الله يعينك(بين حريم الأخوان خاصة) وهذي عن تجربة واقعية فما بالك بين أختين والله يهديها آآآآآمين
بالعكس تقربي مها وأدعيلها أن الله يوفقها وتحمل وتجيب توائم
ثالثا: أصري على أنها تجي يوم ولادتك وإذا ما رضت قولي راح أزعل منك
هذا إلي عندي
تحياتي
الماسية 20004

ღ الينبوعه ღ
01/07/2007, 02:15 AM
الله يرزقها بذرية حبيبتي حتى تكون سعيدة وما تغار ويحفظج انتي من الحسد والغيرة ويصلح بينكم

العائدات
01/07/2007, 03:45 AM
الله المستعان وانت ماذنبك؟؟؟

ادعي لها يمكن يحن قلبها عليك

وبعدين هذي مو اسمها غيرة

هي تحس بنقص علشان كذا ماتبيكم تتكلمون عن هالموضوع قدامها

خلاص لاتضايقونها

الله يوفقكم جميع

ياحلوك حلواه
01/07/2007, 06:05 AM
مرحبا ياقلبي
والله انا ماعندي ذيك الخبرة بالنصايح بس رح اقولك من واقع تجربه

والله ياقلبي الغيرة مافي مفر منها لا من خوات ولا من غيرهم
شوفي اختك صار لها كذا موقف واولهم ان اخوها ماحضر زواجها
وثانيهم انها لسى ما حملت ربي يرزقها وكل محروم
فلذلك يا اختي رح يكون قلبها مجروح وخاصه ان هذي المشاكل من شي قريب لها وهو اخوها الوحيد والحمــــــــل اللي اكيد كل وحده تزوجت ودها تحمل
واللي خلى الغيرة عندها تشتعل طبعا وقفة اخوك معك بزواجك عكس زواجها
وحملك قبلها مع انها هي اللي متزوجه قبل
(( اللي ابيه منك ياحبيبتي شفتي النفس اللي يدخل ويطلع شلون قريب من الانسان !!!!!
ابيك تكونين لاختك مثل نفسهااا وتوقفين معها ولا تجيبين طاري حملك ابد ولاتبينين انك فرحانه بالحمل قدااااامهااااااااا أبدددد ))
ادري بتقولين انا وش ذنبي ما افرح بحملي صح !!
افرحي ياقلبي بس مو قدام اختك
وحاولي تقنعين اخوك يتصالح معها ويزورهااااا وبيني لها انك قاعده تسعين بالصلح علشان انك تموتين فيهااا
وكل يوووم ادعي لها بالليل ان ربي يرزقهااااا الذريه

والله ياعمري مع اني مو متزوجه بس اكثر شي احسه يذبح المره ان تشوف اقرب الناس لها حملت وهي الى الان
وحطي نفسك محلها ورح تعرفين

وترى مو بس اختك كذا وربي كل انسان فيه غيره
والا ماكان صرنا مسلمين
بس تتفاوت من ناس لناس

اتمنى اني اوصلت لك اللي ودي اوصله

وآسفه على الإطاله
والله يصلح مابينكم

دعوووووووواتك لي بالهداية والزوج الصالح
اختك ياحلوي حلواااه

حزن المفارق
01/07/2007, 10:38 AM
السلام عليكم ورحمة الله وبركاته

عزيزتي.. المسألة مو مسألة غيره وحقد..
أختك لما قارنت وضعها مع وضعك لقت أن وضعك أفضل بكثيــــــــر من وضعها فكان هذا الشي سبب لضيقها.. فهي تحاول تبعد عن نفسها الضيق بالابتعاد عنك لأنها وباعتقادها أن أنتي سبب ضيقها وطبعا مو هذا الصح..
و أسلوبها الحالي ناتج كرد فعل من موقف أخوك معها ومع زوجها فإذا رجع أخوك لطبيعته معها بتنسى كل شي وبترجع مثل ماكانت من الأول..
أنتي حاولي تتقربين منها وتصالحينها مع أخوك لأن مهما كان أنتوا أخوان ومالكم غير بعض.. وإذا تقربت منكم وعاشت بينكم بدون حساسيات وفي جو بعيـــــــــد عن أزواجكم وحسستوها بحبكم لها وأهتمامكم فيها بتحس بحلاوة وجود الأخوة وبتحاول تغير أسلوبها حتى تحافظ على هالجو الحلو اللي تعيشه معكم..
والله يهديها ويصلح بينكم..

ســالــي
01/07/2007, 11:51 AM
السلام عليكم ورحمة الله وبركاته

اللي يصير شيء طبيعي
بالعكس حبيبتي انتي المفروض ماتفتحي موضوع الحمل قدامها لأنك عارفه هالموضوع بيجرحها وهيا بتتمنى تحمل
وكمان يعني مش ضروري تحضر يوم ولادتك لأن اكيد هالشي حيأثر على نفسيتها

هاي اختك لازم تراعي شعورها واكيد هيا بتحبك لكن كل الناس عندهم خصلة الغيره بالذات اذا كانوا يتمنوا شيء وهالشيء مش بأيدهم
الله يفرج هم اختك قريب وتحمل يارب ويرزقها بالذريه والخلف الصالح

ويفرج همك وهمي وهموم جميع المسلمين

تحياتي
سالي

rose_rose7788
01/07/2007, 12:05 PM
حرام عليك لا تظلمينها هذا شعور طبيعي ....


حاولي تدعين لها جدامها عشان تستانس وفهميها انه كل شي قسمه ونصيب وان شاء الله رب العالمين ما بيحرمها من هاي النعمه بس خليها ترضي امها واخوها وامورها ان شاء الله بتتيسر .... وانتي صبريها حبوبة .. وانصحيها ويلسي معاها فهميها عدل .... ما فيها شي اذا انتي اصغر قوليلها انكم من دم واحد مستحيل تفترقوووون .. ويعني من هل الكلام الحلو ... حسسيسها انج معاها .... لانها مسكينه تكسر الخاطر .... لانها الكبيرة وبعدها .... بس انتي صبريها وواسيها وان شاء الله الدور عليها .....


روووووووووووز

حب الحياه
01/07/2007, 03:13 PM
مشكورين خواتي على هذا الكلام الحلو وانا راح احاول اني اتقرب منها مع اني حاسه ان هذا من عاشر المستحيلات بس الله يقدرني عليها ....

rدلوعة باباتها
02/07/2007, 02:24 PM
الخوات كففوا ووفو ...

و صح ... هي تبتعد لانها ماتبي تضايف نفسها اكثر عن جي .... انشالله مع الوقت اخوج بيرضه على ريلها و بيرد كلشي عادي و انشالله هي بعد تحمل .. و بتشوفينها بترد طبيعية ... بس هي لانه في وضع حساس شوي ..