المساعد الشخصي الرقمي

مشاهدة النسخة كاملة : جاني عريس ...ابي رايكم ساعدوني



نوره مساعد
11/06/2007, 02:12 AM
السلام عليكم ورحمة الله وبركاته

ماابي الف وادور
سادوني بسرعه الله يخليكم ابي رايكم

جاني عريس وابي ادخل عليه عشان يشوفني
وش رايكم احط مكياج انا وجهي فيه حبوب واثار باينه :sad:

بس باللأساس ماتبان ؟؟؟

وش رايكم اطلع له بالكحل والروج او اخليه يشوفها تعرفون بعضهم مايرضون بالحبوب

واخاف اني اكون غشيته إذا بالأساس:sad:

وكمان ابي رأيكم البس كعب كبير ولا صغير لأني قصيرة
طولي 147

elegant_QR
11/06/2007, 02:22 AM
بالنسبه لكريم الاساس اذا الحبوب شئ بسيط حطي

والكعب اصلا انتي مو طويله يعني حتى لو لبستي كعب مابتصيرين طويله

وممكن تلبسين كعب وسط

*درب المحبه*
11/06/2007, 02:30 AM
اممم الاساس
مادري اذا تحسين ان صج في فرق بالاساس وبدونه لاتحطين او حطي شي خفيييف

اما الكعب لاتلبسينه
لانج بتتوترين ويمكن الكعب يتعلج بطرف العباية اوالسجاد
اسألي مجربه ولا تسألين حكيم

خلج ناعمه بس بعقل

والله يوفقج

fozya
11/06/2007, 02:31 AM
اول مره يشوفك فيها راخ تأثر فيه كثير لو شافك حلوه راح يترسخ هالشي في ذهنه وبعدها مهما شافك راح يقول في نفسه هي حلوه ...يعني حبيبتي اول انطباع مهم..تكشخي عدل بس لا تحطين عدسات لانه هذا يمكن يكون فيه غش

"دلع"
11/06/2007, 02:41 AM
انا في رأيي تحطين أساس بس مش كثير واذا حطيتي روج امسحيه بحيث يبقى اثره
وبالنسبه للكعب عادي البسي بس مايكون طويل مرة
على فكرة انا وانتي طولنا واحد بس انا اطول بسانتي هههه

بالتوفيق عيوني

..M!ss-P!nk..
11/06/2007, 03:31 AM
حطي ميك اب نعوم مره ولا تكثرين كريم اساس

ماراح يدقق بحبوبك

وتوكلي على الله

الله يوفقك

::

ماسه حساسه
11/06/2007, 03:38 AM
انا في رأيي تحطين أساس بس مش كثير واذا حطيتي روج امسحيه بحيث يبقى اثره
وبالنسبه للكعب عادي البسي بس مايكون طويل مرة


الانطباع الأول مهمممممممممممممم :9_33:

بالتوفيق اختي وطمنينا عليك :B_wink:

ايونه
11/06/2007, 05:25 AM
البسي لبس ناعم وحطي روج وكحل واساس خفيف
الله يوفقك

طلوع الفجر
11/06/2007, 07:56 AM
حطيه اشياء خفيفة بس عشان تظهر جمالج ولا تكثرين عشان تبينين حلوة والله يوفقج

عالية المقام
11/06/2007, 08:08 AM
انا عن نفسي حطيت كريم اساس هادي وروج خفيف وكحل ... ومالبست كعب ولا شي هههه قعدت حافيه ... مايبين من العبايه اصلا هههه .... وانا لاني <<<<<< قولو ماشاءالله ...:Z_cool_c: طولي 165

والله يوفقج ويسعدج واذا كان من نصيبج بتاخذينه لان النصيب مايأثر عليه لا حبوب ولا قصر ولا غيره :smile:
لو نصيبج معاه بيجوفج ملااااااااااااااك ...
:eyelove:
والله يهنيج.....

Qtr Girl
11/06/2007, 09:24 AM
بصراحة انا حطيت ميك اب بس شي بسيط

ولبست كعب بس بعد بسيط وكان شكلي وايد حلو بالبساطه

يعني لاتبالغين بالميك أب ولا إنج تطلعين لهم ساحره ههههههههههههه

امزح لاتزعلين

الله يوفقج ويهنيج ويسخره لج

*قمر*
11/06/2007, 09:34 AM
يا قلبي عليكي اولا مبروك

ثانيا بنات عمي يوم شفتهم حطوا مكياج خفيف

يعني من كحل ومسكارا وملمع شفايف وحده فيهم لبست عدسات

والحمد لله كلهم مشيت افراحهم ومبسوطين

والله يتمم عليكي يا عسل انا ما اشوف فيها شيء

خصوصا انك حتعلجيها مو

اسيل!
11/06/2007, 11:00 AM
[نا يوم جا خطيبي امي تهاوشني وتقول لي حطي ميك اب وانا ابكي:sad: واقول لها والله ماحط ولا شئ لاني توني خلصت الثانويه واحس عمري باقي صغيره على الزواج :B_wink:الحمد لله على كل حال بس انتبهي لايكون قدامك شئ ولا طاوله ولا مكبوب على السراميك ماي وتزحلقين:2_106: قدام خطيبك ياويلي الله يستر وحده جا زوجها يبغى يشوفها من الربشه:sad: طالعت في الارض وهي تمشي وتعرقلت في تكايه ما انتبهت لها :confused:وللاسف ابوها احرجها وقال ماتشوفين سار وجها الوان قوس قزح وبعد ماتزوجها زوجها كل شوي يعلق عليها ويقلها وراك متصربعه الله يعينها على التعليق وخليك خجوله امامه والله يتمم لك الخير. .:D_smil1:

نبض قلبي
11/06/2007, 11:47 AM
حطي اساس عشان تخفين الاثار

وحطي كحل وروج خفيف

وخليك طبيعيه مو لازم كعب

الي يبيك بيحب كل شي فيك

والف مـــــــــبروك ا

غدير البريئة
11/06/2007, 12:44 PM
هلا اختي لاتعرسين العرس مهوب زين
بتعذبين نصحية لاتعرسين

همسات القلب
11/06/2007, 12:51 PM
اول شي مبروك مقدما..
نصيحتي تشترين خافي العيوب( الكوركتر) فالعلبه نفسها عدة الوان .. انت اختاري الاخضر لانه يخفي الحبوب والاحمرار طبعا قبله حطي اساس كريمي طبيييييييييعي خفيف وحطي الكوركتر الاخضر على منطقة الحبوب حطي شوية بلاشر للتمويه ومنها البلاشر يبين ويهج كأنه مورد طبيعي مع قلوس خفيف وردي وكحل ناعم مموه .. بتطلعين كيوت ونعوم وطبيعيييييييييه ..

بالتوفيق انشالله

bj3a
11/06/2007, 01:32 PM
امممممممممممم

خلي كل شي خفيف .. لا تبالغين

نوره مساعد
11/06/2007, 03:10 PM
بصراحه فرحتوني بردودكم
الله يجزاكم كل خير وريزقكم الزوج الصالح واللي تزوجوا الذرية الصالحه وانا معكم

بس اللي لاحظته كلكم تقولون حطي ميك اب

طيب اخاف بعد العرس إذا شاف الحبوب والأثار يقولي انا ماشفتها يعني ليش تلعبين علي وتخفين العيب اللي فيك
انتي عارفه ان الوجه الصافي غيييييييييييييييييييييير
عن اللي فيه حبوب وهو طبعا مارح يشوفني بالمكياج اكيييد في البيت لاء عشان كذا ماودي احط
اخاف

وش رايكم ؟؟؟؟؟؟؟؟؟

Nooufy
11/06/2007, 07:38 PM
انا من رأي حطي اساس وبلاشر خفيييييييييييييييف وكحل وقلوس والبسي كعب وسط وانتي لازم قبل الزواج تعالجين الحبوب واثارها عشان ماتكوني غشيتيه وزي ماقالوا هو رح تعلق فيه الصوره الاولى الي شافك فيها يعني خليك مرررررررررررررررررره حلوه البسي احلا لبس واحلا ميك اب واحلا كعب واحلى ساعه و حلق و اسوارا.......................... الخ يعني تكششششششششششششخيي.

ღ الينبوعه ღ
11/06/2007, 08:10 PM
حبيبتي شوفي اريد اكولج شي انا ما اكولج لاتخلين لا بالعكس خلي ميك اب وكحلة بس خليج طبيعية لان هو راح بعدين يشوفوج وانتي طبيعية يعني البسي حلو عادي بحدود وميكاج خفيف جدا حبيبتي وخلي يشوفج وانتي طبيعية اكشخي بس بحدود حبيبتي والله يقدم الي بي الخير

master_student_2006
12/06/2007, 11:40 AM
و الله انا من راي لا تحطين ميك اب و لاشي خصوصا اول زياره انا لما خطبت ما حطيت بوجهي
شي لا كحل و لا ميك اب و لاشي حتى يشوفني على طبيعتي و ما لبست كعب عالي و الحمد لله ربنا تمم على خير و
بعد الخطوبه صرت احط ميك اب و كحل و مسكاره و كل شي بخاطري مرات خفيف و مرات
كاني رايحه حفله حسب مزاجي و الله يتمم لك على خير و يسهل امورك طمنينا عليك حبيبتي
بانتظار خبر حلو عنك

إشـــــــراق
16/06/2007, 03:15 AM
انا طولي زيك وناوية ادخل بدون كعب مع ان خطيبي طويييييييييييل 186 سم .. بالله كم طول خطيبك ؟ واسيني لاني متعقدة من طوله ..

kitkit
28/06/2007, 11:02 AM
طمنينا اختي شو صار معاج؟؟
بعدين ليش انتي تدخلين عليه؟
ليش ما تجلسين في مجلس وهو وابوج يدخلون؟
بتكونيين يالسة وما بيبين عليج التوتر :)

شامة العز
28/06/2007, 11:46 AM
الله وناسة شعووووووووووووووووووور حلو ان الوحده ازهب عرمها للرؤية الشرعية واتمون مشتطه ومتحمسة لأنها بتم من أحلى الذكريات في حياة كل بنت
ربنا يسعدج ويهنيج ويتمملج على خير ويجمع بينكم بالخير والبركة ويرزقكم الذرية الصالحة اللهم آمييييييييييييييييييييييي ييييييييين

أما بالنسبة لراي سوي اللي يريحج إذا اتشوفين عمرج مرتاحة بإنج تتعدلين اتوكلي وإذا مترددة لا تحطين لأن الأهم من ها كلة اليقين بإن الزواج رضا وقبول لا المكياج بيحدد ولا الجحل ولا الجعب!!!!!!!!!!!!
الزواج يا عزيزتي رضا وقبول.......
وكما قال الشافعي في احد ابياته
عين الرضا عن كل عيب كليلة.............
شدي الهمة والتوكل على الله واليقين كثري من الدعاء وخاصة دعاء الإستخارة حتى وقت الرؤية وهو داخل عليج رددي الدعاء وصدقيني راح تتسهل الامور وعليج بآية الكرسي لانها اتهدي النفس في مثل هاذي المواقف
ولا تنسين الارواح جنود مجندة من تآلف منها تحاب ومن تنافر منها تكاره!!!!!!!!!!
وكل شي في الدنيا قسمة ونصيب؟؟؟مب روج وجحل وكلوووووووووووووووسLooooooooooo oooool:2_106:
ومبروك الغاليه وعقبالي يارب ادعيلي:1_3:
السموحه منج
شامة العز

عروس الغبيراء
28/06/2007, 07:47 PM
الله يوفقج ويسعدج واذا كان من نصيبج بتاخذينه لان النصيب مايأثر عليه لا حبوب ولا قصر ولا غيره
لو نصيبج معاه بيجوفج ملااااااااااااااك

الغلا55
29/06/2007, 01:11 AM
ربي يوفقج .... ويستر عليج ...

arabian night
29/06/2007, 06:55 PM
بالنسبة لي ما أأيد الميك اب في المقابلة أبداً
كوني على طبيعتج أحسن
إلا إذا بتحطين لج فاونديشن خفيف كلش:D_smil1:
والزواج قسمة ونصيب يالغالية

عيني ترف
29/06/2007, 08:47 PM
.

حبيبتي حطي مكياااج خفيف جدا

دودو1
26/09/2007, 01:03 AM
ممكن تحطى ميك اب خفيييييف جدا بحيث انك ما تكونى مبهرجه زياده عن اللزوم وتكونى رقيقه وان شاء اله ربنا يوفقك

Prof_Nona
26/09/2007, 01:10 AM
اول مره يشوفك فيها راخ تأثر فيه كثير لو شافك حلوه راح يترسخ هالشي في ذهنه وبعدها مهما شافك راح يقول في نفسه هي حلوه ...يعني حبيبتي اول انطباع مهم..تكشخي عدل بس لا تحطين عدسات لانه هذا يمكن يكون فيه غش