المساعد الشخصي الرقمي

مشاهدة النسخة كاملة : ابى رايكم حبايبي ( تصميم الشقة )



شموع الامل
16/03/2003, 05:19 PM
(u)السلام على اهل الكرام

حبيت اخذ رايكم حبايبى فى شقتى وكيف اسويها بحيث اخليها حلوه مره
اول شى

هى نصف جاهزه بس مو عاجبتنى بالمره التصميم فاشل:confused: لان اهل زوجى هم اللى عاملينها

والمساحه مو كبيره صغيره وودى اكبرها وادخل عليها تغيرات لا تحصى

لان المطبخ بجوار غرفه النوم ولا توجد لدى صاله سوى ممر وغرفه اخرى كبيره

انا ودى افتح الشقه على بعضها يعنى ودى تكون عندى صاله والمطبخ افتحه على الصاله واغير موقع المطبخ

والغرفه الثانيه بعد افتحها على الصاله

ابى رايكم والله محتاره كيف اسويها واخليها شقه تجننن

ابى رايكم فى الاثاث و الاصباخ وكل شى وطبعا انا ابيها بدون فرش سراميك :s

ياليت ما تبخلون على باارائكم واقتراحاتكم النيره والحلوه مثلكم(u)


يعطيكم الف عافيه

نور الهدى
16/03/2003, 07:17 PM
السلام عليكم

هلا فيكِ أختى العزيزة

أنتِ الحين عندك غرفتين وممر ومطبخ

غرفة كبيرة وغرفة النوم

ما عندك صاله الممر عبارة عن صاله صح

هذا الي فهمت

لأن الشقة صغير أفضل أنك تعملي فيها ألون

يعنى غرفة النوم لون والغرفة الكبيرة الى راح تفتحى

وتعمليها صاله لون

طبعاً المطبخ أفضا ايكون من الألمنيوم

حتى سقف المطبخ من الألمنيوم

اذا كان المطبخ صغير حاولى انك لما تعملى ديكور المطبخ بسيط

حطى مكان الى الفرن في وسط كبت الأوانى
وايكون على شكل L

ما قلتى الصاله اشلون راح اتصير

اشلون الجدار عندك في الصالة

حاولى أن في الصاله ما ايكون فيها أبواب كثير علشان يسهل

وضع الأثاث

أشلون شكل النوافذ في الصالة

شموع الامل
17/03/2003, 02:34 AM
الف الف الف شكر لك اختى نور الهدى يعطيش الف الف عافيه

بس الصاله الجميله حقتى:confused: مافيها شباك بالمره هو ممر ولا ضيق بعد انا ودى اغيرها وودى اقترح على زوجى انه يدخل لى غرفه جنب شقتى مايستخدموها ودى ادخلها فى الشقه واغيرها من فوق الين تحت

يعنى انتى اختى شايفه موقع المطبخ مزبوط جنب غرفه النوم بالظبط:confused:

ان شاء الله الله يقدرنى انى اغير موقع المطبغ والمطبخ الحالى افتحه على ها الممر الضيق وها الممر الضيق ينفتح على الغرفه اللى عندى والجزء اللى بادخله باعمله مطبخ وايضا بافتحه

واشكرش انش نبهتينى انى اعمل كل غرفه بلون بيعطى الشقه شكل ورونق حلو
:cool:

ويالله اخواتى الباقيات عطونى ايضا اقتراحاتكم
ويعطيش الف الف الف الف الف عافيه اختى نور الهدى على ردك الاكثر من رائع

خلاصة الورد
28/10/2010, 10:48 PM
اختي شموع الامل ياليت ترسمين لنا مخطط ولو بسيط عن شكل الشقه بالمقاسات عشان اقدر انفعك وافيدك انشاالله والله يوفقك ويسعدك وانشاالله عقبال ماتسكنين القصر يارب

نايس جيرل
02/11/2010, 07:31 PM
والله حاولت افهم على شرحك ما فهمت

ياريت لو تصوري البيت لا تستحي بالعكس كل ما كانت في صور كل ما اتسهل علينا وساعدناكِ باكثر من فكره ..

وبعدين اذا البيت عموما مساحته صغيره الافضل لكي الاثاث المودرن لانه ماياخد مساحات كبيره ويعتمد على البسااطه ..

ومتطور واغلب الناس بيوتها اثاث تقليدي مو مودرن ..