المساعد الشخصي الرقمي

مشاهدة النسخة كاملة : ردوو علي الله يخليكم



عيز حد يروضني
04/04/2007, 10:09 PM
:sad: السلام عليكم ورحمه الله وبركاته

انا حامل وكنت راجعه من الجامعه واتصلت في زوجي قلت له انا تعبانه واحس بدوخه مادري شفيني...تخيلو شقالي اول مره يسوي جذي قالي: انزين شسوي لج انا ماتحملت قلت له انا اسفه اني اتصلت وسكرت التلفون..
لما رجعت البيت شفاني منبطحه الا يقول انتي ياهل تسكين التلفون في ويهي ومادري شنو عصب ومشى انا قعدت اصيح وهو كان تحت وانا ماقدرت انزل حدي مصخنه اتصلت له قلت له ليش ماصعدت لي تتطمن علي قالي انا حتى لو بتعطيني السين بمشي ما بهتم اهم شي اني اؤدي واجباتي المهمه تجاهك....


قولو لي شسوي؟]

غاردينيا
04/04/2007, 10:55 PM
لا حول ولا قوة الا بالله

اختي عادي بتحداكي كل الاخوات الموجودات في موقع عروس تعرضو لنفس موقفك وان اختلف السبب

انا الحمدو لله متهنية مع زوجي بس بيصير هذا الموقف كثير معاي ومعاكي ومع غيري

براي الخاص عادي انتي الي استعجلتي وسكرتي الخط شي طبيعي يقلك انا ايش اسويلك

صدقيني كل الرجال نفس الشي

انا معك انها الزوجة بتحب تلاقي اهتمام كثير من الزوج بس الزوج عنده الامر عادي


اختي تعوذي من الشيطان والله يشفيكي ويهدي سركم

في ناس مشاكلهم اكبر من هيك

عيز حد يروضني
04/04/2007, 10:59 PM
ماقصرتي اختي وجزاج الله خير وردج ريحني كثير

مشكووووووره

أحـ!!..عاشقة ومعشوقة..!!ـبك
04/04/2007, 11:14 PM
صج قهر ..
المفروض مايسوي جذي .. ولا يتكلم معاج ابهالطريقه ..

بس بعد يمكن كان تعبان .. أو عنده مشكله صايره ..

بس إن شاء الله يجي لج ويراضيج .. ويحس فيج ..

والله يوفقكم حبيبتي ..

shmashm
05/04/2007, 12:27 AM
انا اسفه علي رايى بس لازم اقوله
انا اسفه كمان مره بس لو كان حصل معايا الموقف ده وانا حامل وفي الشارع لوحدى كان جوزى قالي اجلسي في اى مكان وانا اجي اخدك بالسياره ولو حتي عنده مليون شغل
بس ما دام حصل معاكي كده كلميه براحه قوليله يا حبيبي انا اسفه اني قلت في وجهك الخط لكن انا زوجتك حبيبتك والي جايى دا ابنك حبيبك انا مش زعلانه منك بس لو اتصلت بيك تاني ارجوك ساعدني لاني محتاجالك ولا اقدر اعيش بدون مساعتدك ووجودك جانبي
وربنا يهديه لكي ويقومك بالف سلامه من الولاده امين

rدلوعة باباتها
05/04/2007, 01:12 PM
فدييتج


يمكن ريلج يكون من النوع الي يخلوو من العواطف شوي .. يعني في ازوااج .... يمتازون بالحنان

و يحبون يشاركون زوجاتهم في كل شي ... و في ازواج لهم عقلية الي المهم انا ماقصر في حقها من مصار

من مصاريف و شرب و كل و لبس ... يمكن زوجج يكون من هل نوعييه ... الي يظن كل هل حركات من الزواجات ... حركات دلع يوم تيي تفضفض لريلها او تعال يبني و ودني ...

انا ماعرف شنو شخصيته ولا انططباعه بس من الي كتبتيع انتي حسيته من النوع الي بس يركز على الواجبات الزوجيه بس
الواجبات الزوجيه بس .... يعني تخلو من الصراحة و المناقشات و السوالف و الى آخره


الي عليج تسوينه الحين انج ماتتوقعين منه وايد قد ماتحاولين انتي تغيرينه ... مع العشرة كلشي يصير ..

يصير .. لانكم بتاخذون من انطباعات بعض .. انتي بتاخذين من ططبعه شوي و اهو بعد .. بس شوي شوي

شوي شو ي و كل الي عليج رحابه الصدر بس ..


الحيين وقفي تتوقعين منه و ابتدي عوديييه على شي معين .. يعني ابتدي انتي بادري في الكلام معاه
معاه بس باسلوب يخلو من العتاب ... ابتدي انتي سولفي عرضي عليه تطلعين معاه .. يعني كسبيه كصديق اول .. علشان شوي شوي يتعود على نوع شخصيتج ... لانه مع الوقت لين يتعود اهو بروحه بتلاقينه ياخذ من طبعج شوي
طبعج شوي من ناحية الاهتمام ... الاسلوب ... كلشي ...


الريال على قولتهم نفس الياهل مل ماتعودينه يتعود ... لكن اسلوبج كان غلط فديتج .. انج تصكين التلفون
التلفون في ويهها و تصيحين من غير ماتوضحينله ... جي بتعطينه انطباع انج دلوعة و ماتنعطين ويه ..
ويه صح؟؟ الريايل غير عن البنات في هل امور فدييتج من جي لازم نعودهم علينا علشان يعرفون ي
يتعاملون معانا .... و صدقيني مع العشرة و الوقت بيتغيير انتوا توكم في بدايه حياتكم!!


الله يوفقج انشالله و يهدي ريلج!!

غرام القلب
05/04/2007, 01:23 PM
صدقه يعني شو يسوي؟ هههه
السموحه.... بس طبع الرجال كذا ما يهتمون ذاك الزود.. و إنتي عارفه إنك حامل و طالعة من الجامعه يعني اكيد من الإرهاق و التعب مايبيلها تقوليله تعبانه مادري شو فيني... كان رجعتي البيت و خذتي حمام دافي و اكلتي و بيروح عنك التعب...

أكبر غلط إن الوحده تسكر الخط في وجه الرجال يا ناس في شي إسمه "احترام" مرت عليكم هالكلمة من قبل؟ الإحترام واجب بين كل الناس و مافي حد يرضى إنك تقفلي الخط حتى لو كانت أقرب خواتك اكيد راح تعصب فمابالك بزوجك؟؟

عيييييييييب والله عيييييييييييييييييييييييي يييييييييييييييب

bint babate
05/04/2007, 01:58 PM
يمكن يكون شي مضايقنه وغيض عليج.. ومعظم الرياييل يشوفون تعب زوجاتهم في الحمل دلع.. او انه
مثل زوجي يتنرفز علي اذا شافني متعبه نفسي بس بدون مايقول لي..
ومثل ماقالوا الخوات انت غلطتي يوم سكرتي الخط في ويهه.. لوانج اتاسفتي له وعطيتيه فرصة يرد عليج اعتقد انه كان بيلوم نفسه بيتاسف..
الريال دايما همه شغله يوم يكون في الشغل.. اصبري عليه لين يرجع البيت ويريح شوي وبعدين قولي له اللي عندج بسدوم ابتدي بسؤالج عنه وعن اللي صار معاه في الشغل.. علميه تشاركينه في كل شي وشي شوي بيتعلم منج..
صدقيني يااختي انا كنت اتصل بزوجي في الدوام واقول له (اشتقت لك) يرد علي(والله فاضيه) تخيلي!! بس الحين يحترق اذا مر اليوم وما اتصلت به..
ادري انج محتاجه له لحنانه وانت حامل اكثر من اي وقت ثاني بس حطي له اكثر من عذر وفكري قبل ماتتصرفين معاه اي تصرف كيف بتكون ردة فعلج لو كنت مكانه..

والله يوفقكم

bint babate
05/04/2007, 02:00 PM
يمكن يكون شي مضايقنه وغيض عليج.. ومعظم الرياييل يشوفون تعب زوجاتهم في الحمل دلع.. او انه
مثل زوجي يتنرفز علي اذا شافني متعبه نفسي بس بدون مايقول لي..
ومثل ماقالوا الخوات انت غلطتي يوم سكرتي الخط في ويهه.. لوانج اتاسفتي له وعطيتيه فرصة يرد عليج اعتقد انه كان بيلوم نفسه بيتاسف..
الريال دايما همه شغله يوم يكون في الشغل.. اصبري عليه لين يرجع البيت ويريح شوي وبعدين قولي له اللي عندج بسدوم ابتدي بسؤالج عنه وعن اللي صار معاه في الشغل.. علميه تشاركينه في كل شي وشي شوي بيتعلم منج..
صدقيني يااختي انا كنت اتصل بزوجي في الدوام واقول له (اشتقت لك) يرد علي(والله فاضيه) تخيلي!! بس الحين يحترق اذا مر اليوم وما اتصلت به..
ادري انج محتاجه له لحنانه وانت حامل اكثر من اي وقت ثاني بس حطي له اكثر من عذر وفكري قبل ماتتصرفين معاه اي تصرف كيف بتكون ردة فعلج لو كنت مكانه..

والله يوفقكم

عيز حد يروضني
06/04/2007, 11:22 PM
اول شي اشكر اللي ردو عليي ردود بمنتهى الاحترام واللي جرحتني بكلمه (عيب والله عيب)
اعتقد مثل ماانتي بنت ناس انا بنت ناس واعرف السبب ولكن انا كنت معصبه وماقدرت اسيطر على نفسي وتصرفت هالتصرف البني ادم خطاء وخير الخطاؤؤن التوابون

والحمدالله زوجي اعتذرلي وانا اعتذرت له في نفس الوقت وبين الزوج والزوجه مايطول الزعل خصوصا انه يحبني وايد وانا احبه اكثر بس انا كنت متنرفزه وهو كان تعبان وبس الحمدالله انتهى الموضوع والله يخليه لي ويخليني له واشكركم مره ثانيه على ردودكم:shy:

أحـ!!..عاشقة ومعشوقة..!!ـبك
07/04/2007, 12:43 AM
الــــــــــحمد لله .. :)

والله لايجيب الزعل بيــــــنكم ..

ღرومانسيةღ
07/04/2007, 12:52 AM
اول شي اشكر اللي ردو عليي ردود بمنتهى الاحترام واللي جرحتني بكلمه (عيب والله عيب)
اعتقد مثل ماانتي بنت ناس انا بنت ناس واعرف السبب ولكن انا كنت معصبه وماقدرت اسيطر على نفسي وتصرفت هالتصرف البني ادم خطاء وخير الخطاؤؤن التوابون

والحمدالله زوجي اعتذرلي وانا اعتذرت له في نفس الوقت وبين الزوج والزوجه مايطول الزعل خصوصا انه يحبني وايد وانا احبه اكثر بس انا كنت متنرفزه وهو كان تعبان وبس الحمدالله انتهى الموضوع والله يخليه لي ويخليني له واشكركم مره ثانيه على ردودكم:shy:


انا كنت بكتب لج اكيد هو تعبان لانج مصدومه من هالحركة الجديدة وكنت عارفة انه موقاصد:)

على كلٍ مبروك الصلحة والله يبعد عنكم الزعــل ويهنيكم يارب

ღرومانسيةღ