المساعد الشخصي الرقمي

مشاهدة النسخة كاملة : شلون اقوول لبنت عمي انج مريضة بــ ...........



عالية المقام
29/03/2007, 02:34 PM
:pain: السلام عليكم ورحمة الله وبركاته
شخباركم بنااااااات؟؟؟

مشكلتي ويا بنت عمي ... هي بعد صديقتي في سني وكل يووم نتلاقى .... ونطلع مع بعض وكل شيي ... حلووووووووو
بس المشكله تكمن في (((((((((((((((( رائحة الفم ))))))))))))))))))))))) لا اله الا الله ....:pain: ....ماقدر اوصفه يابنات .... المشكله انا اسكت طبعا بس خواتي يقولون لي شلون مستحمله :sad: وبنات عمتي بعد وايد متضايقين من هالشي ... انا بحثت بالنت ولقيت ان اسباب الريحه نوعين وهي من هالنوع الثاني
: أسباب مرضية داخلية :


وهذا يعني أنه لا علاقة للفم بالبخر حتى مع التنظيف تبقى الرائحة وهي قوية وهذا يعود لأسباب مرضية بحته ينبغي مراجعة طبيب الأسنان والباطنية من أجلها ومنها على سبيل المثال
أمراض الكبد والجهازالهظمي : وخصوصا امراض المعدة وهذا ناتج من التخمة وتكدس الطعام على الطعام مما يطلق هذه السموم في الرئة وتخرج هذه الروائح من الفم . أو مع العرق وتكون رائحته نتنة جدا .
وهي فعلا عندها المعده وممنوعه من اشياء وايد مثل شاي الحليب وغيراته .....
بنات والله والله ينكسر قلبي عليها ... وهي تاكل العلج(العلكه) والمفروض ان الشخص الطبيعي لو اكل مثل هالشي ماتطلع منه ريحه صح ؟؟؟ .. هي مسكينه وهي تعلج العلج الرريحه تظهر ....:pain: ... وفي السياره مانقدر نسكر النوافذ لان الريحه قويه بسبب النسم ...
الكل متأذي بس ماعرف شلون افيدها ......... واختي تقوول لي الله لايقوله ان شاءالله .. اذا تزوجت ماعتقد بتتم مده طويله لانه الريال بيتأذى من الريحه ...:sad: ساعدووني يابناااااااااااااات

مسامحه طولت عليكم بس متأكده اني بحصل الرد منكم :sad:

انتظركم .........
عالية المقام

الحلم الضايع
29/03/2007, 02:42 PM
هلا اختي ماحبيت اقره الموضوع وما ارد عليج بس الصراحه هذي يبيلها جرأه ومحد اكيد يقدر يقول لها في ويها جذي بس ماقول الا الله يعينكم ويشفيها بس معقوله محد قالها من اهلها ولا صديقاتها ولا حتى الاطفال ساعات يحرجوون واهمه مايحسوووون:angry:

بنت العز شامسيه
29/03/2007, 02:46 PM
اختي معقوله هي ماانتبهت على نفسها..لازم حد يتكلم لانها جذه مريضه..بس اظن احسن وحده المفروض تكلمها امها او اختها العوده اذا كان عندها لانها ممكن تتحسس من اي شخص ثاني
الموضوع يباله جرأه..

الجوري 84
29/03/2007, 02:54 PM
اممممممممممممم مادري والله

بس ماقلتي لنا هي تدري بهالشي ولالا ..؟ يعني تشم وحاسه بالريحه ..؟

قعدي على يوم معاها وسوي نفسج تقرين المواضيع اللي بالنت

ودخلي على الموضوع اللي فييه حلول لـ مشكلة بنت عمج .. يمكن هي ماتعرف الاسباب ولا تعرف الحل و تستحي تقوووول لج أو لغيرج ..؟

خليها تقعد جنبج وأقري بصوت عالي و ركزي على الاسباب وخليها تتجنبها
وأذكري الحلول يمكن تفيدها ..,

أو أذكري لها أي وحده من معارفكم أو رفيجاتج .. قولي أن ريحتها دوووم حلوه
وأبي أصير مثلها تعالي يا فلانه خلينا نصير أحسن منها و ندور حلول ..,

هذا اللي عندي الحين .,
وان شاااااء الله البنات يفيدونج أكثر .,
وتنحل مشكلة بنت عمج .,

29/03/2007, 03:05 PM
الله يشفيها ان شاء الله

بس اعتقد لازم تراااجع الدكتور بالنسبه للرائحة

لانه يمكن يشخصلها شي للمعدة ورائحة الفم

اكيد انتي كتبتي المشكلة لانج تحاتينها

ف لله يديم بينكم الود والمحبه :)

القلب المعطاء
29/03/2007, 03:17 PM
اختي
اكيد انها تعرف المشكله ومتاذيه بس مالقت من يشجها والدليل انها تاكل علك حتى مااحد يشم الريحه

اذا انتي تحبينها ودايم تطلعين معها

فيه حلين على حسب اللي تشوفينه مناسب

الاول
انك تقعدين معها وبمكان هادئ وتقولين لها باقولك شئ بس اتمنى انك ماتزعلي مني او تفهمي غلط ونتصارح مع بعض لاني لو مااحبك كان ماكلمتك بهالموضوع وانتي بنت عمي اختي واغلا وفهميها باسلوب حلو وشجعيها على انها تتعالج واستمري معها بالعلاج
وقولي هالشئ سر مااحد راح يعرفه الاا انا وانتي بس


الثاني
تقولين لاحد من اخواتها اللي قريب منها ينحصها او يرحون يعالجونها

هذا لمصلحتها بكره كيف تتزوج وحتى هي نفسها بتتعقد لان الكل بينفر منها

فلا تخلينها كذا لازم تتجرأون عليها لمصلحتها

حتى لو تضايقة بكره راح تشكركم

والله يشفيها

عالية المقام
29/03/2007, 03:23 PM
تسلمون على الرد .... بس انا ماعندي الجراه واخاف اخسرها لين صارحتها

ليدي بيرد
29/03/2007, 04:05 PM
:qaq: مشكله والله

مناجاة
29/03/2007, 04:18 PM
من رأيي تنصحينها بينك وبينها قولي لها أبي مصلحتك وهي أكيد مهما زعلت بتتفهمك
حرام ساكتين عنها .. لو فعلا خايفة عليها كلميها
وشجعيها تروح للدكتورة وتاخذ الدوا

***أمـــــــاســـــــي***
29/03/2007, 04:24 PM
عمري الصديقه الحقيقيه هي اللي تساعد صديقتها لما تكون عندها مشكله وماعليش ماتزعلين أنت ماأنت صديقه لأنكي سمحتي لغيرك يعلقون ويتريقون عليها ساعديها خلي عندك جرءه نبهيها أنت ماأنت ناصحتها بشي يضرها أنت تبين لها الخير هذا مرض ويحتاج العلاج صدقين يمكن الموقف هذا ماراح تنساه منك وراح تثني عليكي وتشكرك على هاذا الشي .
وإذا سكتي فاأنت مجرمه والله يوفقك.................................}

alshegra
29/03/2007, 06:41 PM
اكيد هي تعرف مشكلتها بس مالقت الحل او ما فكرت تروح عند دكتوره يمكن هي تجرب اشياء التنظيف العاديه والعلكه وما نفعت معها ومصارحتها فهالموضوع صعبه لكن انتي كلميها مره قوليلها مثلا انا بسوي تبييض حق اسناني او اي شي من هالنوع وشوفي هي شبتقول يعني تكلموعن اشياء تنظيف الاسنان وانتي روحي عند الدكتوره لو ما تبيين تسويين تبييض سوي تنظيف عادي او اي شي ويمكن هي يجي على بالها تسوي شي في اسنانها وتحل المشكله وخلي الطبيب يقولها عن هالشي عن الرائحه وكيفيه علاجها ويشرح هالشي فصوره عامه يعني قوليله يتكبم جدامها بدون اخبارها انك قلتيله هاي ممكن يكون حل وبنت عمك تنحل مشكلتها لان المصارحه المباشره قد تكون صعبه واخبار احد من قريباتها ممكن يقولونها انه انتم قلتولهم عن الموضوع فبتحس في حاله نفسيه سيئه امامهم وبتتضايق.

رفاعية و النعم
29/03/2007, 06:54 PM
و الله الصراحه مشكله
حاولي انج تكتبين لها في ورقه و تخلينها في شنطتها او اي مكان و لين قرتها اكيد بتحاول انها تعالج روحها ... لان الصراحه حرام جذي الكل راح ينفر منها و حتى مثلا لو كانت تشتغل او فالمدرسه او لين بتتزوج

شمس حياته
29/03/2007, 07:05 PM
عزيزتي عالية مبين عليج انه صج تهتمين في مصلحة بنت عمج و بالفعل هاي مشكلة صعبة لانه
الناس يعتبرون رائحة الفم تعكس النظافة الشخصية وطبعا هاشي صحيح
انا اقولج صارحيها ولاتخافين لو هي تعرف مصلحتها بتكون ممنونة لج طول العمر لانج انقدتيها
من كلام الناس اللي ما يرحم وفي ناس مايخافون الله و بيخلونها سالفتهم
مثلا ابدي وقوليلها خلينا نروح ويا بعض نسوي تنظيف اسنان عند الدكتور ولا تقوليلي ما بيفيد
صدقيني التنظيف بيقلل من الريحة حتى لو الاسباب داخلية وانشاءالله الله يشفيها

الظاهريه
29/03/2007, 07:06 PM
هلا أختي شخبارج أن شاء الله بخير الصراحه هذا الموضوع مار علية في وحده من زميلاتى فيها ريحة حلج قوية والصراحه هيه فيها المعدة ولثتها تعبانه ودايما تاكل علوج بس مع حركة العلج تطلع الريحة نفس بنت عمج .
الصراحه محد تجرأ وقال لها بس أنا كلمتها من باب أنه يافلانه أنتى مريضة فيج شي فردت علية ليش فقلت لها بقول لج شي بس لاتزعلين مني فخبرتها وقالت والله أنا أسوي معجون وكل شي بس هذا من معدتها و قلت لها أحسن تروحين تعالجين لانه البنات يشردون من ريحت حلجج وحليلها يوم تتكلم تحط أيدها بس مع العلاج خفت الريحه

صاحبة السمو الملكي
29/03/2007, 07:20 PM
بالعكس عادي انتو قريبين من بعض عادي تقولون لبعض

تصدقين انا الاسبوع اللي فات طالعه مع صاحباتي بيت اول مره نروحه

اول ما دخلنا كنا 4 قلت حق وحده منهم عندك علكه لأن ما اكلت واخاف فمي فيه ريحه

كنا لسه لابسين النقاب قالت ماعندها

واول ما جلسنا مع بعض قلت حق وحده منهم انا بتكلم وانتي شمي فيني ريحه والا لا

قالت اوكي

وبعدها مافي ريحه :shy:

وهي شعرها كان منفوش فقلت لها غطي شعرش ترى مو مستشور زين

وقالت لي الحمد لله قلتي لي قبل لا يشوفوني اهل البنت كذا

يعني عادي المفروض انتي اللي تقولي لها وما تخلي احد يتضايق منها

اصلا لو احد ثاني قال لها يمكن تضاق بس انتي اكيد مطيحه الميانه وياها

غاردينيا
29/03/2007, 07:47 PM
انا براي انك تكوني صريحة معاها بعرف انها صعبة بس بما انك انتي الوحيدة الي

بتتقربي منها صارحيها بشكل حلو وانك بدك في الاخير مصلحتها وباسلوب حلو

ما يبين انك متنفرة منها وهيا صدقيني مش رايحة تزعل منك لما تنحل مشكلتها

بالعكس رايحة تشكرك لانك ساعدتيها

والله يقويكي ويكون معك ويشفيها مسكينة

تَنْثُرُ الكَونَ عِطرَاً
30/03/2007, 01:47 AM
واخاف اخسرها لين صارحتها

ليه تخسريها اختى

بالعكس انتِ تنقذيها من نفور الناس منها

وانما الدين النصيحة والتناصح بين الأخوة :)

noonaah
30/03/2007, 04:25 PM
حبيبتي انا الحل بنظري انج تروحين للدكتور وتشرحين له حالتها واذا ممكن في علاج متوفر بدون الحاجه انها تروح بنفسها....وتعطينه لاحد من اهلها لانه اهما اكييد يدرون بمشكلتها وبدون لايقولون انه انتي اللي يايبته وانشالله افدتج ويعينها

مشتاقة لقطر
30/03/2007, 04:31 PM
الله يعينها


بس مثل ما قالو ممكن اليوم تزعل عليج بكرة تشكرج

مها العروس
30/03/2007, 04:48 PM
انا بقول لج اقتراحي وعساه يفيدج

اختي خبرج حنا البنات نحب نروح ونسوي الشغلات مثل يعضنا وانتي مثل ما قلتي اهي صديقتج يعني بتحب اتسوي مثلج

تكلمي معاها قولي انج بتروحين لدكتور اسنان لتنظيف اسنانج واشرايها تروح معاج للتشجيع وتنظف اسنانها اهي بعد وحاولي تضعطين عليها لين ما توافق يمكن بعدين تقل الريحه وتكون افضل

وباذن الله تنجل مشكلتها

Miss JO
30/03/2007, 06:53 PM
أنا من رأيي انو حرام لازم تدري لأن حتى هي اكيد ماتبغى يكون هذا الشي فيها..
يعني مثلا: ممكن تروحين لأمها وتكلمين امها على جنب وتقولين لها السالفه وانك ماحبيتي تقولي للبنت بنفسك عشان ماتحرجينها او تضايقينها وانها هذي امها ستر وغطا عليها ومارح تنحرج من امها عرفتي
يعني احسن حل تقولين لأمها وهي توصل لبنتها بدون انتي ماتدخلين بالسالفه
او اختها او اي شخص معها بالبيت لأنها بتكون متعوده عليهم اكثر ومارح تنحرج مره
والله يشفيها ويعافيها

أنا الشوق
30/03/2007, 09:27 PM
انا رايي من راي البنات
انتي لازم تقولين لها ولو ان السالفه بتكون واااااااااااااااااااااايد صعبه
بس هالشي فيه مصلحتها وهي ممكن تنجرح وتتضايق وهذا شي طبيعي بس انتي لازم تبينين لها انج ماسويتي هالشي الا عشان مصلحتها
وترى الاسلوب اللي تييبين لها السالفه فيه وااايد مهم

وبعد قصة الدكتور حلوه انا على طول فكرت فيها وشفت البنات بعد ذكروها
روحوا انتو مع بعض وانتي سوي لج تنظيف او شي وهي معاج والدكتور بيكلمها عن السالفه واذا ماكنتي حابه انها تنحرج جدامج ممكن تطلعين من الحجره بعذر عندج مكالمه أو بتروحين الحمام
وبس بعدين هي بتحس بروحها وبتتعالج ان شاء الله
لان ممكن تكون مب حاسه بروحها

سمراءالسودان
31/03/2007, 03:55 AM
اوه من جد ورطه انا من رايي تتجراي وتوقولين لها احيانا الاحظ عليك كدا يمكن عشان المعده ويلا ندور حل <<<<<<<مره بكل بساطه هههههههههههههههه

النضره
31/03/2007, 07:53 AM
ليــه ماترسلين لها رسالة بالايميل تنصحينها فيه .. واكتبي فيها من مجهول

وبكذا ماراح تحرجينها ابدا لانها ماتعرف من مين هالايميل

وبكذا راح تبحث عن حلول لرائحة فمها


والله يشفي بنت عمك

**ام يارا**
31/03/2007, 09:23 AM
انتي اختي تقولين انه صديقتك المقربه
انتي لازم الي تكلميها عن موضوعها وبالعكس اذاا مها قالت لها حتزعل وبتقول هم اكيد من زمان يشوفين الشي هاذا فيني ولا يتكلمون وبكذا بتنحرج اكثر واكثر
فان انصحك اختي انك انتي الي تقولين لها مشكلتها وتساعدينها
والله بعينك

وَجَعّْ البَوُح
31/03/2007, 09:25 AM
والله انا نفسج زميلتي مدري شلون اقولها وبنات خلاتي يالله وربي استحمل بقووه

الله يهديهم بس ليش مايعالجون
:(

عالية المقام
02/04/2007, 09:14 AM
مشكوووووووووووورين يابنات على اهتمامكم بالموضووع ... واشكر كل من تعب وكتب لي حل .. وانااا صادتني ضروف منعتني من اني ادخل المنتدى هاليومين بس والله ماخاب ظني فيكم يابنات المنتدى ... دخلت وشفت الحلوول اللي تبرد اليوف ...:clap:


حبيت اخص بالرد الى الاخت ** امــــــاسي**


عمري الصديقه الحقيقيه هي اللي تساعد صديقتها لما تكون عندها مشكله وماعليش ماتزعلين أنت ماأنت صديقه لأنكي سمحتي لغيرك يعلقون ويتريقون عليها ساعديها خلي عندك جرءه نبهيها أنت ماأنت ناصحتها بشي يضرها أنت تبين لها الخير هذا مرض ويحتاج العلاج صدقين يمكن الموقف هذا ماراح تنساه منك وراح تثني عليكي وتشكرك على هاذا الشي .
وإذا سكتي فاأنت مجرمه والله يوفقك.................................}

والله انا ماكتبت مشكلة صديقتي الا وانا خايفه عليها وانا سمحت للاخوات انهم يساعدوني مب يعلقون او يتريقون عليها مثل ماتفضلتي وكتبتي ... والله والدليل انج وحده من اللي كتبو حل للمشكله والمفروض يكون اسلوبج افضل من جذي لان انا فعلا في مشكله وكاتبه هالشي في ركن القضايا والحلوووووووووووووووووول شوفي فووق :angry: .. وخواتي البقيه كفوو ووفوو .. ومب محتاجه لتعليقج اذا تبين تسمين الحل تعليق ..:down:

بس الاغلبيه قالوو حل دكتور الاسنان :think: .. وباذن الله راح اجرب هالحل باقرب وقت ممكن .. لان الحمدلله من فتره قصيره فتحو بمنطقتنا مستشفى جديد وفيه قسم الاسنان:bigsmile: وباقول لها فرصه ناخذ موعد .. الله لايحرمني منكم ياخواتي.
. تحياتي عالية المقام:up:

عذب القوافي
02/04/2007, 09:28 AM
ماشاء الله على البنات

كفوا ووفوا

انا ادري الموقف محرج حيل

واكيد هي بتحسس منه

بس لازم لازم تعالج

طيب انتي كتبي لها على ورقة وبالطباعة طبعا

عشان ما تميز خط يدك

وكتبي لها بأسلوب يبتدي اولا بـــ المدح

انها انسانة رائعة ووووو

ثم انها محتاجة لعلاج بسيط جدا وذل خوفا على صحتك

اولا وآخرا

دون ذكر لما تتزوجين يمكن ينفر منك الزوج <<<<لا مو وقته

وتذييل الرسالة بأني وايد احبك وتأكدي من سرية الموضوع

وحطي الرساله بطريقة تصل إليها قبل اي احد وفوقها قطعه شوكولاه
او وردة

وشوفي ردة فعلها

انا متأكدة انها راح تتقبل الفكرةوتتحسن حالتها,,,,

عالية المقام
02/04/2007, 09:34 AM
عذب القوافي ..... مشكوره حبيبتي على الرد .. بس مشكلتها انها حساسة .. يعني عارفه رده فعلها شبتكون لو سويت اللي قلتيلي عنه .. بتصييح وبتنطوي ..الله يقدرني على مساعدتها ومشكوره يالغلا...:shy:

chocolah
02/04/2007, 09:37 AM
صراحة اختي هو الموضوع ممكن يكون محرج اشوي
بس انا رايي من راي بنت العز الشامسية
لازم حد يكون قريب منها يكلها
عشان مصلحتها
وبالتوفيق

عالية المقام
02/04/2007, 09:52 AM
الله كريم:sad:

ديفا
02/04/2007, 11:20 AM
يابنت الحلال حطي نفسج مكانها .. هل ودج احد يقولج وإلا تقعدين جذيه والكل يعقر فيج أنا أفضل أنج تدورين فالنت على مسببات هالمرض وتطبعينها لها وتروحين معاها على جنب وتصارحينها وتقولين لها اول انا لو ما احبج واعز كان ماقلت لج وانا ابي مصلحتج ترا انتي عندج مشكله كذا و كذا ومسببات هالمشكله ممكن تكون من هالاسباب اللي بالورقه اقريها وانا مستعده اساعدج واروح معاج لدكتور من غير ما احد يعرف .. عشان ماتنحرج .. وبس أو قولي لأختها اكيد اختها لاحظت هالشيء وعطيها لورقه وهي بدبر راسها وبتواجها .. وبس :)

عالية المقام
03/04/2007, 08:26 AM
ديفااا .... انا استحي والله :sad: ...بس انشاءالله اتجرأ واقول لها عن فكرة تنظيف الاسنان وان شاءالله تتقبلها لان انا بكون ويااها
بيني وبينكم هي واااااااايد تحب تقلدني ... بطريقه لبسي واكلي وكل شي ...والله يقدرني وان شاءالله تقلدني بهالشي بعد ههه

رومنسية قطر
03/04/2007, 11:30 AM
حبيبتي مو انتي صديقتها لازم تصارحينها بطريقة دبلوماسية وطريقة سلسة بس بينج وبينها بينيلها انج انتي بس اللي ملاحظة مو الكل وانشاء الله بتتقبل

**ام عبادي القمر**
03/04/2007, 05:20 PM
الله يشافيها

عالية المقام
04/04/2007, 08:17 AM
امين ... ومشكورين خواتي

عالية المقام
04/04/2007, 08:21 AM
امين ... ومشكورين خواتي:sad:

أحـ!!..عاشقة ومعشوقة..!!ـبك
05/04/2007, 01:06 AM
الله يشافيها ..

ويعطيج العافيه لانج تبين تساعدينها ..
وفيج الخير ..

بس مثل ماقالت وحده من الأخوات ..
تطرشين لها إيميل من مجهول ..

بس مدام قلتي إنها حساسه ..
فشوي صعبه عليها ..

لله يوفقج ووفقها .. ويشفيها ..:)

ღ الينبوعه ღ
05/04/2007, 01:23 AM
حبيبتي عدها فطريات بلفم وبلعكس انتي اذا صدك تحبينها لازم تصارحينها من كثر حرصج وحبج لها احسن من يجي واحد غريب ويكول لها

عالية المقام
05/04/2007, 08:57 AM
:shy: بحاااول ان شاءالله هالاسبوع اني امهد الطريج وناخذ موعد بأقرب فرصه ممكنه في العياده .. والله يعطيكم العافيه :clap:

أماراتيه وكيفي
06/04/2007, 06:25 PM
حبيبتي انا مع الاخت الي قالت انج تفتحين الموضوع عالنت وتقرين المشكله يمكن هي عقب تتشجع وتسالج عن اسباب هاي الرائحه وشو علاجها سبحان الله ساعديها وتحياتي

wispy girl
06/04/2007, 06:30 PM
حبيبتي أحسن حل سألي دكتور عن حالتها وان شاء الله في علاج>>>>>>>>>>>>>وبعدين قوليلها تروح اتعالج وان شاء الله مع العلاج بيروح والطب في تطور دايم ماشاء الله>>>>>>>>>>>>>وطمنينا عليها:)

صلصوحه
06/04/2007, 09:33 PM
موضوع حساس الصراحه...

الله يعينج

لوزوجوز
06/04/2007, 11:52 PM
والله ما ادري

q8.q8
07/04/2007, 03:18 AM
سلام

صج الموضوع حساس لكن لازم تحصلين طريقة حلوة بدون ما تنجرح وتنحرج فيها

وبما انج قلتي انها تحب تقلدج قولي لها عن غسول حلو توج شريتيه وشريتي لها واحد عشان تشوفون النتايج مع بعض

واذا ما نفع معاها روحوا مع بعض لتنظيف الأسنان

واتمنى انج ما تقولين لها مباشرة لأنها حساسة وراح يظل هالموقف في بالها على طول

اذا ما نفعت هالطريقتين خبريني وانا اقولج عن طرق ثانية

اتابعج لنهاية المشكلة

ميس_الريم
07/04/2007, 03:41 AM
اهلين اختي اعرف وحده من صديقاتي وهي اللي قالت لنا عن مشكلتها واحنا كنا في البدايه كنا نشم بس لما قالت لنا ساعدناها معنويا وراحت للاطباء وطلع تحاليلها سليمه مايعرفون من ايش وساعات تكون من اللثه بس رفعة مستوى نظافة فمها من خلال تفريش الاسنان اكثر من 3 مرات باليوم واستعمال غسول الفم يوميا 3 مرات باليوم وخيط الاسنان اللي ينظف مابين الاسنان يوميا تستخدمه وتحاول ترطب فمها بين الوجبات بفواكه وعصيرات لانها لطيفه على المعده وخفيفه وتستخدم العلكه الطبيه بدون السكر وبالفعل لاحضنا انو تقل الرائحه وتقل كل مره الحمد لله
وغالبا مانشمها منها ابدا

عندي حل لك قولي لها انو انتي تعانين من رائحة فمك هاليومين وتقولين لها ابروح للطبيب لانهم يقولون من كذا وكذا وكذا فراح تقولك وانا برضوا

ميس_الريم
07/04/2007, 03:44 AM
او حل ثاني

استخدمي عندها الغسول وخليها تشوفك وانتي تنظفين اسنانك بالخيط يوميا وخليها تشوف كيف اسلوبك باعتنائك باسنانك وراح تقلدك لاشعوريا وروحي نظفي اسنانك عند الطبيب حتى تروح معاك مثل ماقالت الاخت لانو تنظفيها من الجير كل 3 اشهر مهم للجميع وخصة لها

مسكينه لانها ماتشم ريحتها الا اذا قالها احد


وبالتوفيق ياعسل

شونيز
07/04/2007, 05:22 AM
الله يوفقك ويعينك والله مهمه صعبه
لكن عندي حل انا ادايم اطبقها دايما
اني اجلس اسولف عادي وبعدين اقول تشمين شيء فيقولون لا ارد اقول مادري احس هلايام يطلع مني ريحه الظاهر فيني قولون لازم اروح الطبيب يشوف معدتي
او اقول تعطري دايما وتبخري واعتني بنفسك وطالعي المظره وتبسمي وقولي خاطري اروح طبيب الاسنان بس محد راح وياي لان لازم انظف اسناني ومشيها عليها ويارب يساعدك
على فكره فيه في الصيدليه حبه صغيره تنبلع مثل العلوج تطهر المعده والاسنان جربيها

عالية المقام
08/04/2007, 09:38 AM
مشكوووووووورين على اهتمامكم بالموضوع واالله فرحتووني بردودكم اللي تبرد القلب
وحبيت اخص بالرد


q8.q8 ..مشكووووره لاهتمامج فديتج وراح اجرب طرقج وبخبرج اذا صار شي
ميس -الريم .. مشكوره على الحلوول والافكار الروعه
شونيز : بغيت اعرف شنو اسم هالحبه ؟ واكون شاكره لج

:clap:

هادئة ومميزة
08/04/2007, 10:02 AM
حاولي انك تقولين لها دام انك قريبه منها

وقولي لها عن الكبسولات هذي مع السبري والمعجون من نفس الماركه

AIR-LIFT CAPSULES

http://www.airlift.es/images/imgg-capsulas.jpg

AIR-LIFT SPRAY

http://www.airlift.es/images/imgg-spray.jpg

وموجودين بالصيدليه ,, قولي لها تشتريهم وراح تستفيد ان شاء الله لان الكبسولات هذي تقتل البكتريا الموجوده في المعده والمسببه للرائحه الكريهه والسبري لمنطقة الفم بعد ..

عالية المقام
08/04/2007, 10:17 AM
تسلمييييييييييييييييييييي ييييييييييييييييييين يالغلا والله لايحرمني منكم جمييييييييعا

الـحورالعين
12/04/2007, 07:28 PM
اختي والله شي حلو هالاحساس وهالمشاعر ,, بس انا رائي من رائ البنات روحي للدكتور واهو يعالجها بطريقه غير مباشرة:shy:

أسماء زكي الدين
14/04/2007, 11:13 PM
اممممممممممممم مادري والله

بس ماقلتي لنا هي تدري بهالشي ولالا ..؟ يعني تشم وحاسه بالريحه ..؟

قعدي على يوم معاها وسوي نفسج تقرين المواضيع اللي بالنت

ودخلي على الموضوع اللي فييه حلول لـ مشكلة بنت عمج .. يمكن هي ماتعرف الاسباب ولا تعرف الحل و تستحي تقوووول لج أو لغيرج ..؟

خليها تقعد جنبج وأقري بصوت عالي و ركزي على الاسباب وخليها تتجنبها
وأذكري الحلول يمكن تفيدها ..,

أو أذكري لها أي وحده من معارفكم أو رفيجاتج .. قولي أن ريحتها دوووم حلوه
وأبي أصير مثلها تعالي يا فلانه خلينا نصير أحسن منها و ندور حلول ..,

هذا اللي عندي الحين .,
وان شاااااء الله البنات يفيدونج أكثر .,
وتنحل مشكلة بنت عمج .,



رد ممتاااااااااااااااااااااا ااااااذ ... لكن بلاها من الجزء الأخير راح تفهم المسكينة ... هي بتبذل مجهود بدليل إنك قلتي إنها دايما تمضغ علكة ... لكنها مش فاهمة إن الموضوع مش موضوع أسنان ...

حوره
15/04/2007, 10:37 PM
السلام عليكم

قولي لها من كم يوم احس ان ريحه حلجي خايسه وبطني يعورني شكلي بسير الدكتور وقولي لها احس وانا اكل لبان نفس الشي الريحه تطلع يعني ما في فايده شو رايج اتين ويايه وصدقيني بتتشجع وبتي وياج

مسكينه والله تكسر الخاطر

l-o-n-a
15/04/2007, 11:30 PM
من رأيي خبريه..

يعني بما انها عارفة المشكلة وبما انكم اصحاب المفروض يكون عادي...

قولي لها انا عرفت شو سبب مشكلتك مثلا...

وانصحيها تعمل فحوصات علشان تتأكد وتعرف السبب الحقيقي...

وادا لاقيتي حلول اطبعيها كلها من النت واعطيها لها..


الله يوفقك حبيبتي ويشفي بنت عمك ان شاء الله..


مع تحياتي...

عالية المقام
16/04/2007, 08:57 AM
تسلموون حبايبي ........... بس عندي خبر مو حلووو ...:sad:

او يعني تقدرون تقولون خرب علي حل المستشفى .......... وهو ان اختي من جم يوم راحت للمركز اللي عند بيتنا وسألتهم عن عياده الاسنان اللي بالمركز ...... قالو لها ان هالعياده بالذات صاكينها وبيفتحونها عقب فتره ........:confused:
بس انا هالاياام حاسه بشي ....:qaq: :qaq: ... الريحه خفت منها واااايد ..... يمكن بدرجه 50% ... قلت يمكن دخلت المنتدى وشافت لانها تدخل هني وتعرف اسمي هني... والله مو عارفه شالسالفه!!!!!!!:pain: