المساعد الشخصي الرقمي

مشاهدة النسخة كاملة : صديقتها تبغى اتزوجها ؟؟؟؟؟



العنقاء
13/03/2003, 10:59 AM
سلام الله عليكم ورحمة الله وبركاته

حبيباتى لى صديقة تشتغل مدرسة وعمري تقريبا الحين 35 او أكثر الله ما رادلها الزواج لين ألحين وعندها صديقات وااايد مقربات منها له وحده منهم وااايد صديقتها واتعرفها عد
إتفاجأت :rolleyes:في يوم من الأيام بالهصديقة اتفاتحها في موضوع تزويجها من زوجها بصراحة صديقتى انصدمت من هالكلام وانربط إلسانها ما عرفت بشو اترد ويوم سألتها عن السبب قالتلها

انه هذي الحرمة مصابه بالخبيث الله ايعافينا منه وعندها عيال اتخاف عليهم وهي اتعرف انه عمرها ما بقى منه شي لانها خلاص في المراحل الأخيره من المرض وتتمنى من الله انه صديقتى اتوافق على هالزواج لانها واثقه نتها ومن حنانها وانها ما بتلاقى وحده مثلها
المهم صديقتى رافضة الفكره نهائيا ومب قادره تتخيل هالشي انا نصحتها بالإستخاره يمكن ربي رايدلها هالخير والاجر في اليهال
ما أدري شو رايكم هي رافضه من ناحية انها هذي صديقتها وياها في نفس المدرسه يعنى شى عاطفى اللى مانعنها
انتوووا شورايكم خبرونى ؟؟:)

جروح البنفسج
13/03/2003, 11:13 AM
صحيح الموقف صعب عليها ومحرج ... بس اذا كانت صديقتها خايفة على عيالها وحابه تضمن الهم زوجة أب حنونه وتراعيهم وخاصة اذا كانت صديقة امهم فهذا معناته ان اهمهم انسانه عاقله وتفكر بحكمة وتعرف ان زوجها مابيتم بدون زواج بعدها لذلك فكرت بالحل الصحيح وهو اختيار زوجة لزوجها وأم حنونه لابنائها
نصيحتي للاخت الموافقه على الزواج ولكن بعد وفاة صديقتها مراعاة لشعورها ... لان حتى لو كان هذا القرار قرار الام الا انه صعب عليها تشوف زوجها يتزوج صديقتها في حياتها ...
هذا رأي والله يوفق الجميع



عاشقة البدر

مراسيل
13/03/2003, 10:34 PM
انا رايي من راي عاشقة البدر .. انها توافق على الزواج بشرط انه يكون بعد وفاتها ............. والشي الاهم ان لازم الام المريضه الله يشفيها تعلم عيالها بقرارها وهو تزويج ابوهم بصديقتها .. حتى لا يحدث سوء فهم .. ويظن الاطفال ان صديقة امهم خائنه ... ثم لا تنسى الاستخاره ...

والله يوفق الجميع

الزعيمه
13/03/2003, 10:54 PM
الصراحه انا من رايي انها توافق على الزواج لكن قبل ماتوافق تروح وتيلس مع عيال صديقتها تشوف هل هي تقدر انها تربيهم وتقدر تتحمل مسؤوليتهم او لا لانها لو ماكانت تقدر فحرام تظلمهم
وبعدين لو حست في ميول بينها وبين العيال فتتكلم مع صديقتها عن اخلاق زوجها واذا كان زين فالله يوفقها
وبالعكس هي تنسى الناحيه العاطفيه وتفكر في الموضوع من الناحيه الانسانيه وانها بتسوي خير في صديقتها وعيالها
وهذا هو رايي

العنقاء
14/03/2003, 09:45 AM
مشكورات خواتى عاشقة البدر ، مراسل ، الزعيمة :)

على ردودكم الطيبه وأكيد بنقلها رااايكم وإنشالله الله يكتبلها الخير ويا هذا الريااال إذا كان من نصيبها(a)

Cafe latte
19/03/2003, 09:17 PM
:confused: :( الاستخارة

أحلى صدفة
19/03/2003, 10:22 PM
السلام عليكم ..

ما شاء الله على هذه الصداقة ..

(كل نفس ذائقة الموت) ..

وهاي الانسان مب عارفة متى بتموت يمكن ترتاح لما بتشوف انها اطمنة على عيالها ...

بصراحة لو بكون بمكانها بوافق بس علشان خاطرها وخاطر عيالها وبحالو اكسب الاطفال بوجود امهم احسن ..


والله موقف صعب ولكن مأجورة ان شاء الله لا تنسين الثواب من عند الله ..


ويمكن هذا نصيبك ...


(قل لن يصيبنا الا ما كتب الله لنا)

العنقاء
20/03/2003, 01:22 AM
:rolleyes::rolleyes::rolleyes:

بنات خبرتكم عن الحرمة المرضه بالخبيث ( الله ايعافينا واللى طلبت من صديقتها انها اتوافق على الزواج من زوجها عشان تتطمن على عيالها عندها والصديقه طلبت مهله للتفكير


اتخيلوا يابنات شوووووووو سواااااااا زوج هذي الحرمة المريضه

حرمتة مسكينه سارت اتعالج في ألمانيا وهو حبايبي ما صدق خبر وسااااااااااااار واتزوج له حرمة ثانيه :mad:يختى على إخلاص الرياييل المسكينه ادور له حرمةوهو من وراها متزوج
وعقب ما ردت من السفر قالتله أنا أبغى ازوجك صديقتى وحده زينه وانته اتعرف اخوانها وانا بطمن على عيالى وياها اتخيلو شو قالها
والله وبكل وقاحه قال ( أنا اتزوجت يوم كنت انتى مسافره انا سرت شهر العسل ورديت قبل رجوعج من العلاج بكم يوم ) اتخيلوووووووووووووو:mad:
حتى ما صبر عليها الفقيره خلاص يعنى الدنيا بطير
يختى هذا طبع الريااييل ( الناس ايعزونه في حرمته وهو ايدور حرمة ايديه من المعزيات ) :mad

حايرا
20/03/2003, 01:53 AM
ليش الرياييل جي :mad:
والله لو ماتت حرمته اليوم بالباجر يروح ويتزوج عليها بس ليش الحرمه تيلس في العده؟؟
والله ريالنا ما يستاهلون الا انه يوم يموت بالباجر تاخذ غيره
هذيل الرياييل ما ايون الا بالعين الحمرا :mad: :mad:
اصبري عليه باخذه وبترياه يموت وبالباجر باخذ غيره :p

العنقاء
20/03/2003, 02:01 AM
اووووووووف
ياحايرا ثرج وااايد شاله في خاطرج عليه يختى هذي طبيعة الرياييل ايفكرون بعقولهم والعواطف ما تاخذ منهم ويااايد يعنى الريال وين مت اتكون راحته بيسيرلها وما بيعتم بغيره والاغلبيه منهم جذيه أنا ما أعمم يعنى شو بيستوى عليه لو صبر عليها عشان على الأقل اتحس انه ايحبها زعلان عليها يذكر عشرتها وطيبتها وياه كيف يختى هالريال اتجرد من المشاعر لهالدرجه :mad:

اتعرفين امى اتقول دوووم ( الريال يوم ايونه ايعزونه في جرمته ايقول انا مب هامنى العزا انا منو بيبات ويايه اليوم ) طبعا هذي مقوله قدينه يتناقلونها الحريم واللى ادل على انه الريال مافيه وفا مثل الحرمة فى بعضم فيهم بس الأغلبيه لا يعنى الاغلبيه من الحريم يوم ايموتون رياييلهم ايكرسون حياتهم لعيالهم وينسون نفسهم خوفا على هالعيال ووفا للزوج بس الرييال لا ومب كلهم مثل ما أقول دووم

عهد
20/03/2003, 11:30 PM
ما أقول غير انه اسميه مب ريال ..؟؟ ما يعرف شي اسمه وفا وعشره ..

نــورة
20/03/2003, 11:53 PM
وعليه مسكينه :confused: :confused: :confused:

عورت قلبي :(

وله المشاعر
22/03/2003, 04:22 PM
الاخ المراقب السلام عليكم ورحمه الله وبركاته
انا من اشد المعجبات بهذا المنتدى ولكن لي ملاحظه بسيطه ومهمه في نفس الوقت وهى الحرص على لغتنا العربيه عند الكتابه فمثلا لا نكتب رييايل بل تكتب الرجال .......هذه واحده من الملاحظات ارجو اخذها بعين الاعتبار .........ودمتم