المساعد الشخصي الرقمي

مشاهدة النسخة كاملة : انا والاحترام وزوجي



Romanciah
16/03/2007, 07:01 PM
السلام عليكم


شحالكن بنات


عندي مشكله و خلاص وصلت حدي من هالمشكله اللي دايم تتكرر مع زوجي


اول شي لا يحترم مشاعري ولا قراراتي و دايم يتصرف باشيائي الخاصه و يعطيها لمنو ما يريد بدون استأذان

ثاني شي امه انا احترمها وايد واحبها والله و بروحها دايم تقول اني من دخلت عندهم البيت ما زعلتها او عليت صوتي عليها لكن زوجي دايم يحسسني اني صغيره جدامها و يتعمد انه يبين محبة امه اكثر عني انا ما اعترض والله يبين كثر مايريد بس لا يصغرني او يطلب اشيا انا ما اقدر اسويها لكن بعد مفروض يقدر مشاعري انا بعد حتى في ظروف المرض وغيره ما يقدر




فوق كل هذا ما يحب يعتذر انا زعلانه منه لانه اتصرف بغرض لي واعطاه اخته و زعلت وهو عارف اني زعلانه ومع هذا يحاول انه يبوسني و يحضني و يضحك ويسولف ولا كأنه صاير شي ودايم يكابر انا للحين ما كلمته من بعد هالسالفه و مب عارفه كيف اخليه يسمعه الكلام و يعترف انه هالشي غلط

مناجاة
16/03/2007, 07:22 PM
أختي العزيزة أنا صح ما معاي خبرة في هالسوالف
بس من رأيي ..
لازم تبينين له وجهة نظرك ، والمفروض يحترمك
لأنك قبل ما تكوني زوجته أنت إنسانة

والقضية ما أشياء هو ياخذها منك بدون إذن
القضية أنه ما معطي لرأيك أي قيمة

بس انتي ما وضحتي من متى صاير لكم متزوجين
بس حاسة من كلامك أنكم عرايس جداد

يمكن هو يسوي ذي الحركات لأنه بعده ما فاهم شو معنى زواج
أو فاهم الزواج بطريقة خطأ


أحس أنك محتاجة كلام من بنات متزوجات
أنا لسة عالدرب حتى ما أعرف فيه شئ

أتمنى يساعدوك
مشكلتك تحتاج اهتمام من العرايس


ويا رب يساعدونك

برائة طفولة
16/03/2007, 09:51 PM
الصراحة راحة صارحييه باللي يدور بخاطرك كله بهدوء وان شاء الله بيتفهم لانه باين انه يحبك بس يكابر

الله يسخره لك ويسخرك له بالتوفيق حبيبتي

ســوار
16/03/2007, 10:52 PM
واجهيه واقعدي معه وكلميه بصراحه...العتب غسيل القلوب اهم شي انك تكلميه بهدوء من غير تجريح وان شاءلله ربي يصلح حالك ويوفقكم

وعوووده
16/03/2007, 11:53 PM
حبيبتي فعلا واجهيه فهميه ان ممتلكاتك الشخصية ماله اي حق انه يتصرف فيهم لو كان لأمه لان هالشي من حقك

لاااااااااااااااازم تصارحينه ولابيتمادى (((يبوسك يحضنك بعدي عنه))))

هاي خرابيط الرجال لانهم عارفين ان مشاعرنا مرهفة ويحاول انه ينسيك بس بعد واجهيه عشان مايتعودها

تقبلي اسلوبي بس انا ترى لما اعلق على مشكلة ما احب اخذ الجانب العاطفي منها,,,,,,,,


اختك في الله وعووودهـ

!بنونه!
16/03/2007, 11:54 PM
وين المصارحه أختي ؟؟؟



والله مافي أحسن من هالحل لا الزعل ولا غيره بيحسسه بشي لأنه بالأساس حاس بالغلط



بس مايبي يبين لج وصااااارحيه بكل هدوء وخبريه بالأخطاء اللي ماتحبينها بتصرفه



والله يوفقج بحياتج الزوجيه يارب على خير وهدى وسعاااااده

alshegra
17/03/2007, 01:26 AM
الله يوفقك اختي وينولك اللي فيه الخير ان شالله انتي حاولي تكبري عقلك معاه وقوليله انك تتضايقي لما يتصرف فمدخراتك الشخصيه بدون اذنه وفي موضوع انه يصغرك جدام امه لا تاخذي هالموضوع في حساسيه بالعكس خذيها فضحكه وكبري عقلك ولا تهتمين انه يتصرف معاك عادي وايد ناس يكون فيهم كبرياء ما يقدرون يعتذرون بالذات الرجال يمكن هو صعب انه يعتذر لكن حركاته لما يلمك ويبوسك ويكلمك عادي تدل على محبته لك انتي لاتخلين هالاشياء تخرب بينكم والله لايجي زعل ابدا .

Romanciah
17/03/2007, 01:44 PM
ان شاء لله بحاول اصارحه واشوف لين بيوصل لانه فعلا يحب يكابر وقت يشوفني زعلانه زعل وينام بغرفه ثانيه بس ما بكلمه لحد ما اي ويكلمني ولو خذ الموضوع شهر:angry:

أم سليمان
17/03/2007, 02:35 PM
اختي قبل كل شي لاتبينين له انك ماتبين تعطين اخته لاااااا انتي بيني انك رافضه المبدأ انك ماتبين يتصرف
في اشيائك الخاصه ...ومافي احلى من المصارحه بس اختاري الوقت المناسب وبدون تعصيب

جنات2001
17/03/2007, 02:59 PM
الله يوفقك اختي وينولك اللي فيه الخير ان شالله انتي حاولي تكبري عقلك معاه وقوليله انك تتضايقي لما يتصرف فمدخراتك الشخصيه بدون اذنه وفي موضوع انه يصغرك جدام امه لا تاخذي هالموضوع في حساسيه بالعكس خذيها فضحكه وكبري عقلك ولا تهتمين انه يتصرف معاك عادي وايد ناس يكون فيهم كبرياء ما يقدرون يعتذرون بالذات الرجال يمكن هو صعب انه يعتذر لكن حركاته لما يلمك ويبوسك ويكلمك عادي تدل على محبته لك انتي لاتخلين هالاشياء تخرب بينكم والله لايجي زعل ابدا .صح كلامج ياalshegraوانا معاج في الي تقولينه :up:
وبعدين يابنات لاتحرضون الابنيه على زوجها وطقو حديث الرسول صلى الله عليه وسلم (فل تقل خيرا او لتصمت) وانشا الله ماحد يزعل:sad:

Romanciah
17/03/2007, 09:52 PM
ان شاء الله مافي زعل بس احاول اصلح الغلط بدون نرفزه وعسى خير وابشركم

baby wife
19/03/2007, 09:01 AM
allaha ysamhek , inti endk joz bradeki itha zelti bdl ma tzali mnah ifrahi lana bda ybsetek ana jozee bokth mni wma bradenee law adal toll omri zalana