المساعد الشخصي الرقمي

مشاهدة النسخة كاملة : مــا هــو أقــدم شــيء لــديــك ؟؟؟؟



بثينه
13/03/2007, 07:42 PM
بسم الله الرحمن الرحيم

طبيعي كل واحد فينا يمتلك شي أو بالاحرى يحتفظ بشي جديم وقلبه ما يطاوعه يفرّه أو يسويله دلييييييييت

سمعتوا المثــل اللي يقول ...

من لا ذكــرى له .. لا احســاس معه ...

والمطلوب من كل عضو وعضوه يكتبون لنا الاشياء اللي يحتفظون فيها ويا حبذا مع الصور..

عشان نشوف الفرق بين البنات والشباب ..ههه


وأنا عن نفســي عندي أشــياء واااااااااااااااااااااااا اااااااايده ....

بس للأسف هي مب عندي أحين ( في بيت أهلي ) .. والا كنت بصورها حقكم بالمره ..

المهم أغلب الاشياءاللي عندي ..

1- مكينه خياطه ( لعبه صغيره ) أهدوني اياها في المدرسه لاني كنت متفوقه >> يوم كان عمري 8 سنوات
2- صوري وشهاداتي طبعا ...
3- شباصه وقلم رصاص أهدتني اياها معلمتي في الصف الاول >> كنت يايبه درجات كامله في الامتحان ..
4- قلم بلونين أرزق وأحمر أهداني اياه عمي يوم كان راجع من السفر .. وكان أول قلم حبر أمسكه بايدي وصج فرحت فيه .. أعتقد يوم كان عمري 10 سنوات ..
5- ميداليه خشبيه منحوته باسمي .. هديه من صديقه أيام الصف السادس .. من مصر ..
6- ملابس عروستي الجميله .. ههههه
7- ورود مجففه ورسائل وبطاقات وبوسترات وتحف ودباديب من صديقات المدرسه والجامعه ..
8- دفاتر ذكرياتي .. يمكن خمس دفاتر أكتب فيهم خواطري وأشعاري ..
9- عقود وسلاسل بحروفي .. كلها اهداء من ربيعاتي ..
10- خاتم ذهب من الوالده ربي يحفظها ويطول في عمرها .. من السعوديه أيام ما سارت الحج كان عمري 12 سنه ... وهذا صج أغلــى هديه على قــلبي ... لانه من أمي الله يخليها ..
11- سناره للصيد كان الوالد ربي يحفظه مشتري لكل واحد فينا سناره ونسير نصيد وياه .. :poster_de
12- ساعه وشنطه وجوتي من زوجي أيام الخطوبه .. يعني مر عليها تقريبا 7 سنوات ..


يا الله عاااد جني مصختها .. و ذكــرياتي ما بتخلص لاني انسانه أحتفظ بكل شي .. حتى لو جيس كاكاو حد هداني اياه بحتفظ فيه .. :icon15:



يا الله خبــــــــــــــروني انتوا في شو محتفظيـن ...؟؟؟؟

دلوعة أهلي
13/03/2007, 09:05 PM
مشكوره فديتج ع الموضوع:clap:
عاد انا عكسج مو كل شي احتفظ فيه:sad:
بس بقولج عن بنت خالتي :shy:
مره كانت تراوينا ذكرياتها
ومن بين الذكريات رسايل و هدايا واشياء واااايد
بس اللي لفت نظري (حلاو مصاص) ما ادري كم سنه وهي محتفظه فيها<<<لو أكلها أحد بييه تسمم هههههههههههه

i!Baby Pink!i
13/03/2007, 11:33 PM
انا احتفظ بورده كانت اول هديه لعيد ميلادي يوم كان عمري 16 سنه هداني اياها زوجي
بس لو طلعتها من مكانها وصورتها بتتكسر اسمحولي :(