المساعد الشخصي الرقمي

مشاهدة النسخة كاملة : الحزينة ودوروا لي حل عاجل



غرياف بوظبي
28/02/2007, 10:02 AM
السلام عليكم ورحمة الله وبركاته
بصراحة انا عندي مشكلة واصلة للطلاق ارجوكم ساعدوني لاني بصراحة معنوياتي في الارض
انا مزوجة من خمس سنوات وعندي بنتين وريلى امه هندية اوكي وانا ساكنة في شقة وهي ساكنة بيت بنتها المتزوجة
المهم سالفتي طول الخمس سنوات ريلي يضربني واحيانا ينزلني في الشار ع وانا دايما اصبر واحتسب الاجر من الله من اسبوع طلع النا بيت هو يريد ايب امه عدنا في يالبيت تسكن لانها مطلقة وانا رفضت هاي الشي لانها امه راعية مشاكل وسوت مشاكل قبل مع حرمة ولده الثاني وخلته يطلع ويسكن بلايجار ودايما اتحسين انها تتدخل في ما يعنيها وانا رفضت هاي الشي عسب انا مااريد المشاكل وريلي الحين استوي يعاملني احسن عسب ارضى ان امه تسكن بس قبل ما يعاملني عدل
وانا الحين طلبت الطلاق اذا هي بتسكن معانا وانا مول ما اطيقها خبرت اهلي وبعد اهلى رفضوا انها تسكن معاي وبعدين انا احب الخصوصية وايد واحب اكون عايشة روحي بعيد عن المشاكل
الحين انا شو اشوي هل موقفي صح والا غلط والله الليل انا ما ارقد من زود ما افكر وهو مول ما يرمسنس طول الوقت في البيت اليديد مع امه
الله يخيلكم ردوا عليا بسرعة عسب ارتاح من الموضوع لاني حتى الاكل ما اكل

غرياف بوظبي
28/02/2007, 10:36 AM
عنبو محد رد عليا وانا اقول لكم تعبانة وانتظر اراكم كنت اتوقع انكم ما راح تتخلون عني بش شفت محد رد ولو كلمة على العموم يزاكم اللخ خير وبظل بحزني

ღ هـ العيـون ـوى ღ
28/02/2007, 10:38 AM
هلا عزيزتي
بصراحة اشوف تفكيرك صح
احسن عن المشاكل انها ما تسكن وياكم

صمت الامل
28/02/2007, 10:42 AM
لو انا مكانك مستحيل ارضى..
اصري على موقفج,,واقنعيه بكل هدوء وبدون عصبية

بنت الرافدين
28/02/2007, 10:43 AM
ياعيني الله يعينج ويصبرج


صراحة انا اشوف انها احسن ماتسكن معاكم,,, بس عاد هون يجي دورج في انج كيف تخليه يفهم رايج من غير مايعصب

يعني اجلسي معاه خبريه وجهه نظرج بهدوء وليش انتي ماتبين امه تجلس معاكم ,,وانه افضل لج وله عشان تبعدون عن المشاكل ووجع الراس,,,
وبجيه بتكون حياتكم احلى واحسن الكم ولبناتج,,,


الله يصبرج ويهدي بالج ويسخر زوجج لج,,,

عليج بالدعاء والصبر

ريم81
28/02/2007, 10:49 AM
يا أختي أنتي معاكي كل الحق في ان تطلبي سكن لك لوحدك

و لكن الحياه الزوجيه ما تمشي بالعناد

هو سيعند و قد يحصل طلاق لا سمح الله

الحل انك ترضي انها تسكن معاكم بشروط مثلا لو بيتك صغير قوليله ودينا بيت اكبر و أريد مثلا شغاله لي لوحدي

امك ما تدخل بخصوصياتي

و هكذا بهدوء و رواق و بدون عصببيه

الرجال يا أختي ما يجون بالعصبيه و ياما الوحده فينا تدخل في مشاكل مع زوجها من هالنوع

مو معقوله كل شوي تقوله طلاق

هذا بالنسبه لموضوع أمه

اما بالنسبه لضربك فهذا غريب هو ليش يضربك ؟؟؟؟ و هل هالشي كثير؟؟؟

طيب هل انتي شايفه انه في خصال كويسه تستاهل انك تتحملي و تعيشي معاه

في النهايه الله يصبرك و يسخره لك ان شاء الله

طلوع الفجر
28/02/2007, 12:17 PM
اذا راعية مشاكل اصري على موقفج واذا عندها بنات خليها تروح تسكن عند وحدة منهم افضل بس لا تخلين هالموضوع يكون سبب للطلاق لانج بتكونين خسرانة من الصوبين

عيون وليد
28/02/2007, 01:05 PM
طيب لو ماعاشت مع ولدها وين تبي تروح ؟؟

اذا عندها مكان ثاني تروحه اصري على موقفك

لو ماعندها غير ولدهاااا هذا بما ان الثاني مافيه خير لا والله اشوف زوجك معه حق لان ذي بالاخير امه

انصحك بصلاة الاستخاره رسولنا اللهم صلي وسلم عليه قال ماخاب من استخار

اهدي وفكري بعقل وفكري اذا كبرتي وسرت مثل سن ام زوجك وولدك رفض انك تسكنين معه ومالك مكان ثاني تروحينه عشان المدام ماتزعل ... شوفي وش موقفك

فكري بعقل وخافي الله عشان ربي يحنن قلب زوجك عليك .

الله يختار لك الي فيه الخير اختي .

*عربية*
28/02/2007, 01:09 PM
حبيبتي
حاولي انك ماتخسري بيتك وعيالك
وتكسبي ود زوجك وأمه بأي طريقه
حببيها فنفسك,, اهديها شي
قوليلها كلمه حلوه وبينيلها انك تحبيها وانها بمقام والدتك

يعني سوي المستحيل ونفس الوقت
كلمي زوجك بهدوء وبدون عصبيه ,, قوليله انك ماعندك مانع من وجودها
والبيت بيتها أي وقت لكنك تتمني انكم تكونوا بروحكم لأنك تخافي من المشاكل مثل اللي صار لحرمة أخوه ......

العصبيه خليها بعييييييييد
لأنها ماتجيب غير النتايج السلبيه وعوار الراس...

أما بسبب ضربه لك فهذا الشي غريب صراحه!!


صلي صلاة قيام الليل وادعي ربك بكثره
بقلب صادق فالدعوة مستجابة باذن الله وخاصة ان كانت بأسمائه الحسنى...
بالاضافه كثري من الاستغفار في كل وقت

والله ييسرلك أمورك ويسعدك دوم يارب

ღ روح الحب ღ
02/03/2007, 04:43 PM
حبيبتي اول شي انتي غلطانة لانج سكتي على ضربه لج و معاملته الزفت

المفروض من الاول حاطين االنقاط ع الحروف و انتي انسانة لج مشاعر و احاسيس مب لعبة عسب يسويبج اللي يبغيه
و اسمحيلي و لا تزعلين الريال اللي يضرب اي حرمة مب ريال و ناقص رجولة لانه ما رام على الرياييل و قام ايمد ايده على الحريم و انتي المفروض من اول مرة مد ايده عليج فيها ما تسكتين لانه مثل ما هو له حقوق انتي بعد لج حقوق و مب اقل عنه و الله و غلاه هالكلمة لو انا مكانج عادي ادخله السجن .. كيف اصلا تحملتيه كل هالسنين و انجبتي منه دام شخصيته جذي .. و رجاء محد يعصب و يتفلسف علي لاني اقول الحق و لو كانت رفضت هالشي من اول مرة ما كان تندمت الحين على هالحياة و لا سهرت الليل تفكر في حياتها و عيالها و طلاقها ..
و انا ما قريت راي البنات .. بس حبيبتي ريال مثل ذي ما ينطاق و العيشة و ياه صعبة و دام يبغي امه تعيش وياه يعني المشاكل بتزيد و بدال لا تكفخين مرة بتتكفخين مليون مرة بسبته و بسبة امه ام المشاكل فعسب جذي حبيبتي لو تقدرين تتحملين مسؤولية عيالج """ اطلبي الطلاق""""
لانه حتى لو ما سكن امه وياج بيتم طول عمره يذلج و يهينج و امه تشيشه عليج لانه حضرته و لد امه و حسب منطقه هو دام ما ييتي بالطيب بتين بالعصا و بيراويج الويل لين ما توافقين و في الحالتين نار
لو وافقتي تعيش وياكم بتاذيج و لو رفضتي بتاذيج
الله يعينج حبيبتي .. و لا تزعلين مني فديتج بس صدق صدق دمعت عيوني عليج و على حالتج لاني حطيت نفسي مكانج و صدقيني حرام تدفنين عمرج و شبابج ويا انسان ما يقدر العشرة و لا يعرف شو يعني زواج و لا يقدر حقوقج و مافيه اي نوع من الانسانية و الدليل انه يخليج في الشارع و مافي ريال كامل الرجولة يسوي هالشي

طولت عليج و لو تميت ارمس لين باجر ما بخلص بس اباج تتمسكين بحقج و لا تخلينه مرة ثانية يمد ايده عليج

اختج
روح الحب

ابتسامة طفل
03/03/2007, 07:25 PM
حبيبتي

لو ما عندها مكان ثاني خليها تسكن وياج

ترا هذي امه

لكن اذا تروم تيلس عند حد من عيالها غيره

يكون خير وبركه

رايقــــة
04/03/2007, 04:03 AM
اول شي بصراحة ... انتي رضيتي وصبرتي ....
وكان يضربج .... مع ان لو وحده غيرج مارضت ...

على هالصبر وعندج بنتين .. الحين تبين تتطلقين ؟؟؟

هي لين الحين ماسكنت عندج ولا شفتي خيرها من شرهااا

بلعكس يمكن تكووون فرصة لج انج تكسبين زوجج وتخلينه يحبج
اذا خليتي امه تحبج

انتي حاولي تراضينهااا ...... ولا تزعلين منهااا

ترى الاكباار كل شي يطلع منهم ... ويقطون كلام
بس احيانا مايقصدوون

شوفي انتي جربي .. قعديهااا عندج ....
وعطيهاااا ... وهاديهاا .. وكل شي تنقصي لها منه

ووديهاا معاج لين تروحين وتطلعين
وحتى لو ماتبينها تطلع معاااج
قولي لها يما انا بطلع بروح عرس .. بس ماعندي بطاقة حقج ولا كان وديج معاااي
ولا يما انا بطلع مع صديقاااتي عزميني بس برجع من وقت مابتاخر عليج ولا بخليج بروحج

واحسن لج ماتخلين بناااتج عند الخدامة ولا بروحهم في البيت
عندهم ام ريلج معااهم

حاولي تراضينها

اشدراج يمكن وجودها خيره عندج في البيت عشان تكون حياااتج حلوه مع زوجج؟؟

بعدين هاااذي امه حبيبتي ...
ماله بد منهااا .......

مايصير تقولين له لاتجيب امك وانتي لين الحين ماشفتي منها شي

ومايصير يخليها عند نسيبه والحين بيصير عنده بيت

شوووفي اذا هوو ماقتنع .. ويبي يجيبهااا
خلاص جربي ان تكووون معاااج ..
والله بيسهل عليج

ولي صااارت مشاااكل بينكم ذيك الحزة خل ترجع حق بنتهااااا

واشدراج يمكن يقوولها تعااالي عندنا وهي تقول تطلع ماتبي بتم عند بنتهاااا



تعوذي من الشيطااان