المساعد الشخصي الرقمي

مشاهدة النسخة كاملة : صديقتي سبب همي ...



عهد
09/03/2003, 12:14 PM
السلام عليكم والرحمه ...

مشكلتي في أعز صديقاتي ... ما اعرف كيف اوصف علاقتي معاها .. ما ادري .. يعني نحن من4 سنوات كنا مع بعض وما زلنا وطبعا الواحد ما يدوم على حاله ولا زم يتغير لكن .. هي تغيرها بدرجه فظيعه .. زاد يوم عن يوم .. احترت معاها ... ما ادري أنا شو بالنسباله عدوه ولا صديقه .. أكيد بتستغربون من سالفتي .. مشكلتي كلما ابعد ادور عني .. وكلما اجرب اتسير ... ما ادري كيف اتعاملني .. دايمن لازم تتظارب يوميا .. انا احاول اغير السالفه .. احول قد ما اقدر ارمسها واتفاهم معاها .. وكل ما اسوي جي تتمصخر عليه .. اتقولي انتي اتي اتسوين عمرج شخصية بأسلوبج هذه لكن انتي مالج شخصية .. المهم .. احترت انا وياهاااا .. صدقوني من اتعرفت عليها وعمري ما غلطت عليها .. هي مثل اختي وأكثر .. لكنها الله يسامحهااااا تغلطت في حقي وسوت أشياء ثانيه .. وبالأخير أنا ارد لهاااا واعتذر منها بالرغم انها هي الغلطانه .. الكل نصحني ابتعد عنها .. لكن ما ادري شو إلي يخيليني انسى إلي اتسويه وارد مره ثانيه لها جنه ما صار شي ولا استوى .. وحده من ارباعتي قالت لي .. انتي من كثر هالتعامل وياها زادت عن حدها وقامت تغلطت عليج .. حاولت كمن مره إني اهدها .. لكن سبحان الله اشوفها جدامي وتتصل .. لكن كلما احاول اقترب منها اتسير وتبتعد لوو بعدت انا عنها ادورني .. اتعاملني بأساليب فظيعه .. اريد الحل .. ؟؟

سيدة الثلج
09/03/2003, 12:23 PM
خيرهم من بدأ السلام,,,, بس انته عوديتها انها تغلط عليج و ما تعتذر لج
علشان جه كبر راسها ,,,,

بس مهما كان اربيعتج ,,,, واختج في نفس الوقت ,,, انتي بس ادعيلها
بالهداية ,,, عسى ربي يهديها انشاء الله واتعرف انها غلطانه في التعامل
مع الغير ,,, واتغير من اسلوبها معاج,,,,

و تسلمين

الجوهرة
09/03/2003, 10:32 PM
الغاليه / عهد:
طبعا مثل ماقالت أختنا العزيزه / سيدة الثلج، خيرهما من يبدأ بالسلام،
لكن نلتمس العذر إن لم يكن هناك تعدي وتكرار،
والذي أراه أن بعض الشخصيات مريضه والعياذ بالله أعانها الله على أنفسها،
فلذا كما قلتِ أنتِ تحاولين ولكِ أربع سنوات،
أختي الحبيبة/ لايصبر انسان على آخر وهو يذله هكذا، وأنتِ ذكرتِ بأنها تعرف قيمتك عند البعد عنها،
فلذا خففي من التصاقك بها، اختاري غيرها ، مارسي هوايات مفيده، فهذا سوف يشغلكِ عنها،
وادعي الله أن يخلصك من حبها العنيف وتعلقكِ بها،
فالنبي عليه الصلاة والسلام قال: لاينبغي للمسلم أن يذل نفسه،قالوا وكيف يذل نفسه يارسول الله؟
قال : أن يكلف نفسه مالايطيق،

فلاشئ غاليتي يجبرك على التحمل والضغط النفسي،

عليكِ بالدعاء لكِ ولها ولنا بالخيـــــر،،، مع التمنيات لكِ بالصحبة الصالحه0

عهد
10/03/2003, 07:58 AM
تسلمين والله عالرد .. وابصراحه أنا ليل نهار ادعيلهااا .. وانشالله تتغير مثل ما قلتي ..

عهد
10/03/2003, 08:01 AM
الجوهرة

أختى إلي امصبرني هو أني اتعودت عليها .. يعني عندي أمل اكبير انها تتغير .. لكن لين الحينه ما لاحظت أي شي .. وصح مثل ما قلتي يمكن أنا اشيويه ذاله عمري .. بس بحاول أتخذ ابنصيحتك .. وتسلمين يا الغالية عالرد إلي اسعدني ..

bonbona
10/03/2003, 12:47 PM
أبتعدى عنها وهى بترد
فأحنا دايما نقول فى الامارات اذا سويتيلها سالفة بتركب على راسج
طنشيها ودعيلها بالهداية

عهد
10/03/2003, 01:14 PM
bonbona


يمكن جذا بعد هو يكون الحل .. صدقتي ولاحظت هالشي من يوم انا كنت اطنش وهي اتسبني وانا آخذها على قولتهم بروح رياضية .. ودريت بألخير انه هالأسلوب وهالطيبه الزايده وهالروح الريايضة ما تنفع .. يعني بعطيج مثال .. لازم انا اتصل ابها دوم .. وهي موليه ما تنشد ولو ما نشدت اتقول لي انتي وينج وما ادري شو .. ويوم اقول لها انتي ليش ما تنشدين اتقول لي ما عندي وقت ؟؟؟ بعد هالموقف شو رايج انتي !!!!

Bathoon
10/03/2003, 01:31 PM
Siater just be nice whatever happenes BUT REMEMBER U HAVE TO ALSO PROVE UR PERSONALATY:mad: But in a way that she feels sorry for every single pain she coused to u...:D

And may Allah help u
and "yehdeehaa" all the best:cool:


ur
sis
BathoOona

bonbona
11/03/2003, 12:33 PM
وأنا كان يصير معى نفس الشئ أسألهم ليش ما تتصلون يقولون لى والله أنت فيج الخير
عاد شو سويت أعطيهم فرصة ثانية وأقولهم ok مرة ثانية أنتظر تلفونج
واذا ما أتصلوا أطنش
واذا اتصلو أو قابلتهم وسألو أقولهم
عاد ما فينى خير خلص الى عندى وأنا أعطى الفرصة مرتين للشخص لا أكثر

سر1ب
12/03/2003, 11:23 AM
هلا فيك عزيزتي .... عهد

عزيزتي ... القلب لايبقى فارغاً إذا لم يمتلىء بحب الله وحب مناجاته سوف

يمتلىء بحب الدنيا ومافيها من اللهوا وللعب ونقضي الساعات الطويلة

ونحن لانشعر بها ، لكن لو صلينا أو قرأنا قرآن لبضع دقائق نجدها طويلة .

وانت عزيزتي عهد لقد تعلق قلبك بصديقتك حتى أصبحت أكبر همك ولايهنأ

لكِ بال إلا برضاها ، والخوف من يكون حبك لها وصل الى درجة العشق

والتعلق بغير الله وهو من أنواع الشرك "شرك المحبة ".

عزيزتي ..عهد

أحمدي الله إنها تغير ت عليك لِيُخَلِصك الله من حبها وما أنت فيه من تعلق

بها ، أنا عارفة إنه صعب عليك ونفسيتك سوف تتعب لكن سوف يزول ذلك

مع مرور الأيام .وعليك بالدعاء بأن يُخلصكِ الله من حبها وبعد ها تكون

بالنسبة لك مثل أي صديقة وليس معنى كلامي ان تقطعيها أبد .

عهد
12/03/2003, 12:35 PM
Bathoon

تسلمين اختي عالتواصل والكلام الحلو ..

عهد
12/03/2003, 12:38 PM
سر1ب

تسلمين اختي عالنصيحه .. وكلامج مقنع وما قصرتي والله