المساعد الشخصي الرقمي

مشاهدة النسخة كاملة : ~*¤ô§ô¤*~ دردشة جمالية مع بنـ ـ ـ ـات عروس (11 ) مع أختنا ( ....... ) ~*¤ô§ô¤*~



مسزز غموضة
24/01/2007, 02:47 PM
بسم الله الرحمن الرحيم

نواصل خواتي دردشاتنا مع خبيرات بنات عروس الله يخليهم ويحفظهم ،

ودردشتنا راح تكون مع الخبيـــرة

~*¤ô§ô¤*~ روح_الــورد ~*¤ô§ô¤*~

من خلال هالدردشة راح نتعرف أكثر علىاختنا روح _ الورد وعلى تجاربها وخبراتها وعلى أفضل المنتجات

اللي جربتها وعلى أسوء ما جربته ،

طبعاً هالدردشة ما تحلى إلا بوجودكم وحضوركم ومشاركاتكم ،

فاهلا وســـــــــــــــــــــهل ا بالجميع :)

روح_ الورد
24/01/2007, 02:59 PM
السلام عليكم ورحمـة الله وبركاتــة ،،

إختـي الغالية مسزز غمـوضـة ،، حبيت أشـكرج على حروفج الرائعـة أسعدتني وأثلجت صدري

بحق ولا يسعنـي هنـا سوى أن أشكر كل من أعطت حرفاً أو ساهمت بفائدة ولو بسيطــة ،،

وكـان لها الأثـر الكبيـر في خدمــة البنـات في كـل أنحاء الوطـن العـربي ،،

وجـودكم يسعدني ،، وحضوركم أخواتي للسؤال أو مجـرد الإطلاع على الدردشـة يزيدني شرفاً

بارك الله هذه الوجوه الطيـبه ،، وأتمنى أن أكون عند حسن الظـن ،،


إختكم ،، روح_ الورد

أم حميد 2000
24/01/2007, 03:22 PM
السلام عليكم
مسزز غموضة ما شاء الله عليج اختيارج موفق للغالية روح الورد
يلا روح اتريي منى الاسئلة الدسمة
لانه ذوقج باختيارج للمكياج وااااااااااااايد يعيبنى
ويكفى يالغلا الروح المرحة والطيبة الى فيج
والله يوفقج ان شاء الله

مسزز غموضة
24/01/2007, 04:01 PM
تسلمين حبيبتي

اختي روووووووح منورتنا

واختي ام حميييييييييييد منورة والله

انا نزلت الموضوع فقــط

وانا اشكر بدوري الاخت مجــــــــــد لانها عزمت اختنا روح لمشاركتنا الدردشة ولبت النداء بارك الله فيها
ونعم الاختيار
والله يوفق الجميع

روح_ الورد
24/01/2007, 04:37 PM
أم حميـد ،،


تسلمين يا الغاليـة ،، وأنـا حاظرة لأي سؤال في خاطرج ،،

والطيبـه منج وفيج حبوبه ،، نحن بنـات زايــد :shy:


مسزز غمـوضـة ،،

أشكرج وأشكـر الأخت مجـد على هذه الثقــة ،، وأتمنى أكون جديرة فيهـا

lora18
24/01/2007, 05:19 PM
ونعممممممممممممممممممم الاختيار

ياهلا وسهلا بغاليتنا روح الورد

من المتميزات في المنتدى ماشاء الله عليها

وذوقها لايعلى عليه

(f)

روح الغاليه سؤال صغنون بغيت اعرف عطورج الفرنسيه والعربيه او الخلطات المفضله عندج<<<<<<< وحده تقدر العطور من قلب:D

هذا اللي على بالي الحين

بس اذا تذكرت اي سؤال راجعه لج:shy:

روح_ الورد
24/01/2007, 05:46 PM
ونعممممممممممممممممممم الاختيار

ياهلا وسهلا بغاليتنا روح الورد

من المتميزات في المنتدى ماشاء الله عليها

وذوقها لايعلى عليه

(f)

روح الغاليه سؤال صغنون بغيت اعرف عطورج الفرنسيه والعربيه او الخلطات المفضله عندج<<<<<<< وحده تقدر العطور من قلب:D

هذا اللي على بالي الحين

بس اذا تذكرت اي سؤال راجعه لج:shy:


هلا الغاليـة لورا ،،
تسلمين والله ،، وإنتي المميزة ماشاءء الله عليج ،،
بالنسبه للسؤال ،،

عطوري غريبـة شوي أحب كل ما هو مميز ،، وأحاول إني أدور عطر غيـر عن اللي أشمهم في
خواتـي وربيعاتي ،، أحب العطور اللي على عنـبر يعني شوي روايح ثقيـله ،، إذا رحت باريس
غاليري يدوخـون منـي حاطه عيني على عطورج يا لورا بس أنتظر وأقول غاليين وايـد يوم بعرس
بخذهم الحين مالهم داعــي ،،

كذلك حبيت وايـد عطور ميكاليـف تحسين صدق إنج مميزة ومحد شراتج ،، عطري المفضل غاردينيا
من شانيل ،، وفي كذا عـطر أحب يكون عندي،، عطور annick goutal ،، كوكو مودمازيل ،، بويم من لانكوم ،،برادا ،، سينمــا ،، كارتيـر ،، جادور ،، روز من لانكـوم ،، وايـد لو بعد لج ،،

بالنسبــة للخلطات ،، أحب دهن العود وكذا خلطـه من ياس والقرشي ،، وكذلك أحب أعطر العبايا والشيل بعطر من القرشي ما تم حد ما سألني عنه ،،

أحـب العود العادي وأخذه من أجمل والرصاصي وتفوح ريحـته وايـد يذكرني بالعيـد :shy: والعزايـم
وأحب العود المعطر من القرشي ،، وفي كذا دخـون تسويه لنـا حرمـه ،،

http://www.jooodi.org/uploads/2e1f5a1b3d.jpg (http://go.3roos.com/frZzrlTQoKy)

عاشقه الدوحه
24/01/2007, 07:43 PM
احلى دردشه يامسزز غموضه

زين ما خترتوووووووووووووو

اخترتو ام الذوق والاحساس والطيبه >>>>> شوي واسويها اغنيه لوووول

وربي من غلاتج وطيب اخلاقج وذوقج الي مايعلى عليه ابد ياروح الورد

انتظري مني الاسئله الدسمه قريب

ومرحبا مليار

عاشقه الدوحه

:shy:

روح_ الورد
24/01/2007, 09:57 PM
احلى دردشه يامسزز غموضه

زين ما خترتوووووووووووووو

اخترتو ام الذوق والاحساس والطيبه >>>>> شوي واسويها اغنيه لوووول

وربي من غلاتج وطيب اخلاقج وذوقج الي مايعلى عليه ابد ياروح الورد

انتظري مني الاسئله الدسمه قريب

ومرحبا مليار

عاشقه الدوحه

:shy:


هلا وغلا ،،
تسلمين والله يا عاشقـة ،، أستحي عاد بس ،، والله من ذوقج يا عاشقـة وطيب أصلج ،،
وأنتظــر الأسئله بفارغ الصـبر،، ومرحبا ألف ومليون وملاييين ،،

مسزز غموضة
25/01/2007, 12:28 AM
هلا روروي حبيبتي :bigsmile:


شخبارك يالغلا :shy:
حبوبة انا اسئلتي انا غير فيشن طبعا :bigsmile:

نبدا مع المكياج:
- خلطتك بالتالي : الشدو - الروج - البودرة - الاساس - الكحل او الاي لاينر - البلاشر
كيف يعني ..؟؟ المقصود بسؤالي طريقتج الاساسية في وضع كل واحد فيهم مثلا البودرة دايما تخلطيهم مع بودرة ثانية ولا تكتفين مع وحده
الروج تحبي تخلطيه مع الالوان ثانية

يعني بالمعني الفصييييييييييييييييييييي ييييح تحبي الخلط :bigsmile:

الحين - احب اسئلك طقوسك اليومية
- من كريمات العناية بالليل والنهار والصباح

- مكياجك الصباحي والمسائي حاليا؟؟ شو هي ؟
- الالوان الي تحبيها بها الوقت وخاصة الشتاء وشو الي ماسكة عليه من روج مثلا وبودرة والخ ؟؟

في درجك شو ارخص شي تحبيه وتشتريه وشو سره معاج
وشو اغلى شي عندج وما تستغنين عنه وكلاهما لما يخصلوا تشترين منهم؟؟


الحين جينا للعطر والروائح الفواحة :bigsmile:

طريقة تعطيرك للتالي :
- جسمك ...
-شعرك....
- عبايتك وشيلتك
-ملابسك

واكييييييييد بيطلعوا الف سؤال ثانين :cool2:

بس انتظرينا (r)

اسفة طولت عليـــــــــــــــــــج :sad:

موفقة يا رب دووووووووووم

عاشقه الدوحه
25/01/2007, 12:56 AM
اسالتي بجيبها لج على دفعات عشان ما ثقل عليج حبيبتي

1) شنو نوع السكراب الي تستخدمينه للوجه وكم مره تستخدمينه في الاسبوع ؟ وشو احسن ماركه حسيتي انها فادتج ؟؟

2) وايضا سؤالي الثاني عن افضل نوع لسكراب الجسم وكم مره تستخدمينه ؟؟

3) افضل كريم مرطب استخدمتيه ؟

وسلامتج فديتج

عاشقه الدوحه

حكاية
25/01/2007, 02:21 AM
مرحبا اختي روح_ الورد
أشوفج متميزة باختياراتج للمكياج
فحبيت أسأل شو أحسن ماركة تستخدمينها لإزالة المكياج

والله يوفقج ويهنيج

أم حميد 2000
25/01/2007, 10:03 AM
السلام عليكم
هلا روح الورد
بغيت اسألج الغالية عن افضل كريمات للعناية بالبشرة من حيث الترطيب ؟
وشو افضل ماركة عندج للارواج طبعا بعد ماك ادريبج متيمة بهالماركة
واحلى لون عندج ودوم تآخذينه اذا خلص ؟ وممكن صورته ؟ وحدة ملقوفة تموت بالارواج
وشو رايج بكريمات لامير ووين يبيعونها بدبي ؟
وسلامتج الغالية

cotton_candy
25/01/2007, 01:40 PM
اختيااااار موفق!!

وانا عندي كم سؤال حق غاليتناا,, بس مسزز غموضه سرقت نص اسئلتي ههههه
ماعليه مسموحه يا غموضه

شو ماركتج المفضله؟

كيف اتعلمتي الميك اب؟

شو اكثر شئ الناس يسئلونج عنه... يعني ايشادو روج وعطور؟

كيف تعتين ابشرتج؟ وشو لون ونوع بشرتج؟

شو الوانج المفضله؟

شو احلى فاونديشن تستخدمينه؟

شو الشئ اللي ما تستغنين عنه؟ مسكرا؟ روج؟ الخ....

نجمة الليل
25/01/2007, 10:41 PM
هلا وغلا اختي روح الرود نورت الدردشه :)

وسؤالي لج ..

شنو أحلى العطور وافضلها عندج :)

ومن اي ماركه وبالاسم ؟

توتة الأمورة
25/01/2007, 10:52 PM
ماشاء الله اختيار موفق

وإن شاء الله نستفيد من الموضوع

ومشكورين

روح_ الورد
26/01/2007, 12:19 AM
هلا روروي حبيبتي :bigsmile:


شخبارك يالغلا :shy:
حبوبة انا اسئلتي انا غير فيشن طبعا :bigsmile:

نبدا مع المكياج:
- خلطتك بالتالي : الشدو - الروج - البودرة - الاساس - الكحل او الاي لاينر - البلاشر
كيف يعني ..؟؟ المقصود بسؤالي طريقتج الاساسية في وضع كل واحد فيهم مثلا البودرة دايما تخلطيهم مع بودرة ثانية ولا تكتفين مع وحده
الروج تحبي تخلطيه مع الالوان ثانية

يعني بالمعني الفصييييييييييييييييييييي ييييح تحبي الخلط :bigsmile:

الحين - احب اسئلك طقوسك اليومية
- من كريمات العناية بالليل والنهار والصباح

- مكياجك الصباحي والمسائي حاليا؟؟ شو هي ؟
- الالوان الي تحبيها بها الوقت وخاصة الشتاء وشو الي ماسكة عليه من روج مثلا وبودرة والخ ؟؟

في درجك شو ارخص شي تحبيه وتشتريه وشو سره معاج
وشو اغلى شي عندج وما تستغنين عنه وكلاهما لما يخصلوا تشترين منهم؟؟


الحين جينا للعطر والروائح الفواحة :bigsmile:

طريقة تعطيرك للتالي :
- جسمك ...
-شعرك....
- عبايتك وشيلتك
-ملابسك

واكييييييييد بيطلعوا الف سؤال ثانين :cool2:

بس انتظرينا (r)

اسفة طولت عليـــــــــــــــــــج :sad:

موفقة يا رب دووووووووووم


هلا ملايين بمسزز الغاليـة ،، آسفه ع التأخيـر بس إنشغلت شوي ،، وتأمرين أمر في أي سؤال

السؤال الأول ،،

بالنسبـة للخلط فهمت عليج ،، ونادرا بصراحـة إذا خلطت لونين أو درجتين ،، لكن في الفاونديشن
الوضع أكيد يختلف أحب أخلط درجات فاتحـه مع ثانيـه غامجــة ،، البودرة أحب أحط بودرة ديفينورا الذهبيه وأحط فوقها ضربات خفيفه من بودرة مـاك ،، الأي شدو ما أحب الدمج أبدددد
أحب أحط لون واحد بس يمكن لإن عيوني يناسبها اللون الواحد بس ،، الأرواج إممم أحب أحط التحديد وأملأ شفايفي بالتحديد ع الجوانب وأحط درجات فاتحــة وبالريشـة أمزج اللونين ،،
شفتي كيف أحب الشئ البسيـط ،،

السؤال الثاني
بخصوص كريمات الصباح والليل ،، في الدوام أحب أحط كريم خفيف وايـد وغير دهني وفي نفس الوقت يكون كريم إشـراق مثل بيوتي فلاش من كلاريينس وايـد أحبه ها الكريم ،، وطبعاُ أنوع بين
فتـرة والثانيه ،، كذلك أحط كريم من نيتروجينـا خفيف وايد وما تحسين بملسمـه ،، وبخصوص كريمات الليل بشرتي دهنيه وما أحب أحط عليها شئ تجيني فترات أحط عليها كريم كلينك للبشرة
الدهنيه حلو يمتص شو الدهون ،، وحاطه عيني على كريم كلارينس شفته عن الأخت روح البحرين

مكياجي الصباحي ،، بسيط جداً ما أحب الواحد الثقيل ابددد لإن ويهي طفولي وناعم ما يناسبه الثقيل ،، أكتفي بكريم الإشراق وبودرة ،، وجلوس ،، وكحل داخل العين أحبه يكون ملون،،
والماسكرا نادر ما أحطها الصبح ،، أما الأيام الثانيه إذا طالعه مكان أو سايرة حفلـة أو عندنـا ضيوف ،، أحب اللللون البنفسجي بشكل فضيع ويناسبني ها اللون بصورة كبيرة ،، أحط الفاونديشن طبعا والبودرة والبلاشر ،، بس اللي لين الحين ما تأقلمت وياه كحل العيون اللي برااا
أبددد ما يناسبني ما أدري ليش ،، ما أحب تخطيط العيون من فوق وتحت أحس يكبرني ،،

أرخص شئ إشتريتــه بلاشـر لوريـال ،، وأموت عليه يعطي لمعه حلوووة وايـد للخدود ،، بس
بعده ما خلص ،، كذلك عندي روج من بودي شوب لونه لحمي من المجموعات القديمه كنت كذا مره أشتريـه بس الحين خلاص تغير الستاند كامل وما في نفس الدرجـة ،،

أغلى شئ في درجـي ،، الماكيـاج اللي كل ما أفتح الدرج أتذكر كل بنـات عروس وأقول في خاطري يا حليل البنات ويا حليل سوالفنــا ،،

السؤال الثالث ،،

كنت فضيعــه في تعطير الجسم بالكريمات المعطرة لكن الحين خففت شوي ،، لإني حسيت إن جسمي بدأ يتحسس ،، أرطبه بزيت الأطفال ،، والبودرة ،، والحين خذت المسك وكأني حطيت كل
العـطور على جسمي ،،

شعري أستخدمت له كذا مره عطر أنجل ،، عطر كوكو مودمازيل ،، وناويـة أخذهم من جديد ،،

العبايا والشيـل ،، حاطه كل طقم بالكرتون حقهم وكاتبه ورقه شكل الطقم علشان ما أتلخبط فيهم
وأعطرهم وأدخنهم بين فترة والثانيه ،، ولاحظـي إذا كنتي طالعه مكان وعطرتي ودخنتي العباة والشيله وبعدين رجعتيهم مكانهم صدقيني تبقى ريحـــه العطر ثابتــــه لفترة طويــلة ،،

ملابــسي ،،

أشتري من لايف ستايل الورق المعطر ،، وأحط تحت الملابس وأحيانا أحط المدخـن في الكبت ،، بس أخاف لا يحترق كل شئ ،، وأطلعــه بســرعة ،، ومرات تجي فيني أمسك أي عطر وأرشه كل اللي في الكبت وأسكره ،، ويوم أفتحه إمممممممممممممم روعــة ،، بالإضافـة حاطه ورد مجفف داخل الكبت وأعطره دوم ،،


نحن في الإنتظـار ،، بمزيــد من الأسئلــة الممتعــه من المشرفـة // مسزز غمـوضــة

روح_ الورد
26/01/2007, 01:55 AM
اسالتي بجيبها لج على دفعات عشان ما ثقل عليج حبيبتي

1) شنو نوع السكراب الي تستخدمينه للوجه وكم مره تستخدمينه في الاسبوع ؟ وشو احسن ماركه حسيتي انها فادتج ؟؟

2) وايضا سؤالي الثاني عن افضل نوع لسكراب الجسم وكم مره تستخدمينه ؟؟

3) افضل كريم مرطب استخدمتيه ؟

وسلامتج فديتج

عاشقه الدوحه


هلا عاشقـه ،،
خذي راحتج حبـوبه ،،

1) أستخدم سكراب لانكوم لإنه خفيف وايـد على البشـرة وخاصه إذا بشـرتي حساسه / دهنيه ،، وأستخدمــه مرتين في الأسبوع ،، وسكراب لانكوم الأفضل خفيف وايــد ،،

http://www.jooodi.org/uploads/2f689f89bb.jpg

2) أستخدمت سكراب بودي شوب وزيـن ،، كذلك سكراب كلينك بعد أوكي ،، بس الأفضل بالنسبه لي سكراب كلارينس الصراحــة وايـد حبيته ،، وشوفي في مجـلة الجميله من أفضل المبيعات وينصحون فيه دايماً ،،

http://www.jooodi.org/uploads/d7ccc54254.jpg

3) بالنسبه الكريم المرطب ،، أستخدم بيوتي فلاش من كلارينس وايـد مرتاحـة عليه ،،

وحاظريـن الغاليـة لأي إستفسـار

روح_ الورد
26/01/2007, 02:10 AM
مرحبا اختي روح_ الورد
أشوفج متميزة باختياراتج للمكياج
فحبيت أسأل شو أحسن ماركة تستخدمينها لإزالة المكياج

والله يوفقج ويهنيج

هلا إختي حكـايـة ،،

تسلمين والله هذا من ذوقج ،،

أحسن ماركـة لإزاله الماكيـاج ،، إستخدمت بصراحـة كذا ماركـة ،، جربت ماك المناديل روعـة
بس بعدين قلت حرام غاليين يعني في بديل أرخص وأفضل ،،

كذلك المناديل من جونسن ،، الزيت من ميك آب فور إيفر ،، كلينك روعــة وما عليه كلام وهذه صورته ،،

http://www.jooodi.org/uploads/e93ccf1698.jpg

وهذا فور إيـفر ،،

http://www.jooodi.org/uploads/658114b9e9.jpg

وهنـا كم منتج بعد وايـد أوكـي ،،

http://www.jooodi.org/uploads/1d600466e6.jpg

روح_ الورد
26/01/2007, 02:39 AM
السلام عليكم
هلا روح الورد
بغيت اسألج الغالية عن افضل كريمات للعناية بالبشرة من حيث الترطيب ؟
وشو افضل ماركة عندج للارواج طبعا بعد ماك ادريبج متيمة بهالماركة
واحلى لون عندج ودوم تآخذينه اذا خلص ؟ وممكن صورته ؟ وحدة ملقوفة تموت بالارواج
وشو رايج بكريمات لامير ووين يبيعونها بدبي ؟
وسلامتج الغالية


هلا أم حميد ،، شحالج الغاليه ربج بخـير،، يا مرحبا السـاع ،،

ذكرت للأخت مسزز غموضـه كريمـات العنايـة اللي أستخدمهم ،،

الأرواج ،،

أكيـد أحب مـاك ،، وجيرلان ،، ديــور ،، هلينا روبنشتاين،،

هنـا صور للدرجـات اللي أحبهم وايـد،، اللي في النص أموت عليـه وما لقيت مثلـه جديم ،،

http://www.jooodi.org/uploads/aa82af58fd.jpg

درجات ماك أحبهم كلهم ،،

http://www.jooodi.org/uploads/b355bffb4e.jpg

أحب ها الدرجات من شانيل ،، ومـن مـاك ،، والعـلبه اللي أموت عليها ولمتيد مافي مجال تنزل هذه

http://www.jooodi.org/uploads/76a5f708fe.jpg

http://www.jooodi.org/uploads/e8a5514c5d.jpg

أدري بنات فضيحـه ها الصورة بس شسوي لازم تشوفون العلبه اللي أحبها ،،

http://www.jooodi.org/uploads/fa6857e8cb.jpg

هلينا روبنشتايــن ،، أموت ها اللونين ،،

http://www.jooodi.org/uploads/aa40a49480.jpg

وفي روج من بودي شوب خذته 3 مرات بس للأسف ما عندي صورته ،، ومب موجود حالياً

و ماركـة لامـيرأنـا متولعـة فيهــا ودي أجـرب شئ من عندهم ،، اللي أعـرفــه إن منتجات البشرة

وايـد زينــه ،،

روح_ الورد
26/01/2007, 02:59 AM
اختيااااار موفق!!

وانا عندي كم سؤال حق غاليتناا,, بس مسزز غموضه سرقت نص اسئلتي ههههه
ماعليه مسموحه يا غموضه

شو ماركتج المفضله؟

كيف اتعلمتي الميك اب؟

شو اكثر شئ الناس يسئلونج عنه... يعني ايشادو روج وعطور؟

كيف تعتين ابشرتج؟ وشو لون ونوع بشرتج؟

شو الوانج المفضله؟

شو احلى فاونديشن تستخدمينه؟

شو الشئ اللي ما تستغنين عنه؟ مسكرا؟ روج؟ الخ....

هلا الغاليـة ،، يسعدني تشريفج لـي في الدردشـة ،،

ماركتـي المفضـلة ،، من الماكيـاج

نـارس ،، مـاك ،، جيرلان ،، ميك آب فور إيـفر،،

كيف تعلمت الماكيـاج ؟؟

إممم بعدني والله أجهل طرق أساسيـه في فن التجميل ،، اقولج بصراحـه ماكياج العيون ما أتقنه أبدد ،، لكن الباقي الحمد الله ما أقولج وايـد اوكي لالا ،، بس زينـه ،، مب نحـول :gum:

وأول روج خذته كان عمري 15 سنـه من كلارينس وأذكر إنه أحمر فاقع يلوع الجبد ،، وكان بلمعـه

يا حبنا للأحمر قبل والذكيـه أنا التحديد لازم يكون غامج وااااااااااااع ،،

بعدين عاد تطورنـا شوي وخذنـا ألوان غامجـه وبالتدريج وصلنا لهذا المستوى،، على حسب الموضة عاد ،، لكن فعلاً ما في مثل الألوان الفاتحـه حلوة على البنـات ،،

أكثر شئ يسألوني عنه الناس ،، لون الروج اللحمي ،، والعطور خاصه إني أرش على شيلتي 3 عطور فرنسيه + دهن العود + أتدخـن بعود القرشي ،،

بشرتي دهنيه حساسه ،، تحمر بسـرعـة ،، أحيانا أرش الماي عليها بس ،، وأحيانا أنظفها بالمنظفات اللي عندي ،، الحين أجرب بودي شوب وناسبني ،،

ألواني المفضـله في الماكيـاج ،،

البنفسجي هذا توب ،، وإنتوا يا بنات عروس حببتوني في اللون البني بعد ما كنت أكرهه ،،

الوردي ،، الأسود حلو على العين ،، الأخضر عشقي ها اللون ،، الحين أحاول أحب الرمادي ،،

أحلى فاونديشن من جيرلان وايـد خفيف وناعم ديفينورا غني عن التعريف ،، وأحب فور إيفر

للتغطيات وحق الأعراس والحفلات ،، وعندي ماك السبراي أحبه لإنه خفيف وايـد ،،

إمم بصراحـة أقدر أستغنى عن الماكياج كله ،، لإني مب من النوع اللي يحط وايـد رغم ها المكياج كله ،، أحب البساطـة ،، أحب الماكياج الخفيف ،، وما عندي شئ مهم ما أقدر أستغنى عنه ،،

حبيت أحط لج صور بعض الأي شدو اللي أحبهم ،، وحياج الغاليـة ،،

http://www.jooodi.org/uploads/6e0ea37afb.jpg

http://www.jooodi.org/uploads/0e2f188ad5.jpg

http://www.jooodi.org/uploads/aaeabb4856.jpg

روح_ الورد
26/01/2007, 03:11 AM
هلا وغلا اختي روح الرود نورت الدردشه :)

وسؤالي لج ..

شنو أحلى العطور وافضلها عندج :)

ومن اي ماركه وبالاسم ؟


هلا الغاليـة نجمـه الليل ،، يا مرحبا وسهلا ،، نورت الدردشــه بحضورج ،،

أمـا الجواب لسؤالج فهو بالصـور أكيـــد ،، إضافه للعطور اللي حطيتهن عند مسزز غموضة،،

هنـا البـاقي ،، ولـ نجمـــة الليل

http://www.jooodi.org/uploads/b7363a2a62.jpg

http://www.jooodi.org/uploads/833dc8ef59.jpg

http://www.jooodi.org/uploads/e63c72afb3.jpg

روح_ الورد
26/01/2007, 03:14 AM
ماشاء الله اختيار موفق

وإن شاء الله نستفيد من الموضوع

ومشكورين


تسلمين إختي توتــه ،،

أتمنى الإفادة للجميع ،،

أم حميد 2000
26/01/2007, 08:41 AM
روح الغالية مشكووووووووووووورة فديتج
تعبتج وياي
بس للاسف الصور مب ظاهرة عندى قهههههههههههههههههههر

أنا الشوق
26/01/2007, 09:13 AM
يعطيج العافيه روح
وفعلا انتي ذوق
مع انا الصور مب طالعه عندي وانقهرت وايد
بس الموضوع روووعه ومشكووورة مسزز غموضه

عنود الغيد
26/01/2007, 07:04 PM
ياسلااااااااام :shy:

تستاهل روح_ الورد الإستضافه :clap:

لأن خاطري أتعرف عليها من قريب أكثر :shy:

تسجيل حضووور & متاااابعه

وإن شا الله لي عوووده

اول مارد الليله من بيت خالتي :shy:

امممطططخ خ خ :gum:

وجدان الشوق
26/01/2007, 07:12 PM
مرحبا


والله الموضوع شيق وحلوو

ومتاابعه من المواضيع والاجزااء السااابقه





ومشالله روح الورد عضوه متألقه باسلوبها وخبرتهااا




بس حبيت اسألج بخصوصج بشرتج هل فيها اثار للحبوب واذا اي شلون تعتنين فيها من هالشي اللي متعب الكل؟

@أميرة الجوري@
26/01/2007, 07:58 PM
ونعم الاختيار

عنود الغيد
28/01/2007, 12:28 AM
السلام عليكم

انا رديت ومعاي كم سؤال عالمااااشي :shy:

س: حبيت أعرف أسرارج من ناحية العنايه بالشعر؟ سواء يوميه أو اسبوعيه؟
وايش هي البرودكتس اللي تستخدمينها؟ و وشهو ستايل شعراتج؟

س2: شنهي الخلطه اللي ماتقدرين تستغنين عنها في عنايتج بالجسم؟

س3: وياريت تعطينا ملخص لعنايتج بنفسج من كل الجوانب.. شعر .. بشره ..جسم !!!

وبثثثث هذا اللي عندني لحد الحين (f)

وليف القلب
28/01/2007, 01:27 AM
اول شئ حبيت ارحب باختي روح الورد
ماشالله البنات ماخلو لنا اسئله اللي ببالي انسئلت.
وللاسف الصور ماطلعت لي

روح_ الورد
28/01/2007, 09:29 PM
السلام عليكم ورحمـة الله وبركاتــة ،،

هلا أخواتي الغاليـات ،، إعذرونــي على عدم ظهور الصور ،، عندي مشكـله في مواقع

التحمـيــل ،، ما أدري عن السبب ،، أول ما تنحـل المشكـله أوعدكم أحط لكم الصور

من أول وجديد ،، سامحـوني والله مستحيـه منكــم :sad:

روح_ الورد
28/01/2007, 10:44 PM
الصور من جديد ،،

سكراب الوجـة ناعم وايـد ،، مع القناع للبشـرة الدهنيــة ،،

http://www.alsowr.com/get-1-2007-dp3kdr4r.jpg (http://go.3roos.com/5Nq7dlrUCVs)

سكراب للجسم من كلارينس أحلى سكراب إستخدمتـه ،،

http://www.alsowr.com/get-1-2007-7cg7ru30.jpg (http://go.3roos.com/5Nq7dlrUCVs)

بعض الكريمات المرطبـه اللي أحب إستخدمهم ،، وبيوتي فلاش من كلارينس وايـد زين،،

http://www.alsowr.com/get-1-2007-7i0jm8qc.jpg (http://go.3roos.com/5Nq7dlrUCVs)

منظف للماكيـاج من فور إيـفر ،،

http://www.alsowr.com/get-1-2007-dq9dmcr2.jpg (http://go.3roos.com/5Nq7dlrUCVs)

صور لبعض العـطور اللي أحبهن ،، عندي وايــد بس بحطهم على دفعات ،،

http://www.alsowr.com/get-1-2007-dn37nvmj.jpg (http://go.3roos.com/5Nq7dlrUCVs)

http://www.alsowr.com/get-1-2007-sab8qotj.jpg (http://go.3roos.com/5Nq7dlrUCVs)

بعض ألوان الشدوهـات اللي أحب الألوان فيهم ،،

http://www.alsowr.com/get-1-2007-kb72u4wk.jpg (http://go.3roos.com/5Nq7dlrUCVs)

http://www.alsowr.com/get-1-2007-1ha23owf.jpg (http://go.3roos.com/5Nq7dlrUCVs)

http://www.alsowr.com/get-1-2007-0qdkz5qa.jpg (http://go.3roos.com/5Nq7dlrUCVs)

http://www.alsowr.com/get-1-2007-ppkjo69u.jpg (http://go.3roos.com/5Nq7dlrUCVs)

http://www.alsowr.com/get-1-2007-jgeltjk1.jpg (http://go.3roos.com/5Nq7dlrUCVs)

الحين الأرواج اللي أحبهم

وطبعاً أكيد كل أرواج مـاك ،،

http://www.alsowr.com/get-1-2007-qwjvs71q.jpg (http://go.3roos.com/5Nq7dlrUCVs)

الأرواج من ماركات مخلتفـة ،، وحطيتهم كلهم لإني إنقهرت إن الصور ما طلعت قبل ،،

http://www.alsowr.com/get-1-2007-k4c5s828.jpg (http://go.3roos.com/5Nq7dlrUCVs)

روح_ الورد
28/01/2007, 11:05 PM
مرحبا


والله الموضوع شيق وحلوو

ومتاابعه من المواضيع والاجزااء السااابقه





ومشالله روح الورد عضوه متألقه باسلوبها وخبرتهااا




بس حبيت اسألج بخصوصج بشرتج هل فيها اثار للحبوب واذا اي شلون تعتنين فيها من هالشي اللي متعب الكل؟


هلا الغاليـه ،، إسمحيلي تأخرت عليج في الرد ،، بخصوص بشرتي ،، الحمد اللله ما فيها ولا أثر

للحبوب ،، ونادر إذا طلعت لي حبه ،، وما فيني أكيد آثار للحبوب ،، بشرتي دهنيه وحساسه في

الوقت نفسـه ،، ووترا أفضل البشرات الدهنيه لإنها ما تصيبها التجاعيـد بسرعـة ،،

عادي بكل بساطـة إذا مليت من الصابون أغسل ويهي بماي بس وأحط البيلنغ والماسكـات

بين فترة والثانيـه ،، وأروح الصالون كذلك بين فترة وفتره علشان التنظـيف العميق ،،

وصار لي فترة ما حطيت قناع طبيعي على ويهي ،،

نجمة الليل
28/01/2007, 11:07 PM
هلا الغاليـة نجمـه الليل ،، يا مرحبا وسهلا ،، نورت الدردشــه بحضورج ،،

أمـا الجواب لسؤالج فهو بالصـور أكيـــد ،، إضافه للعطور اللي حطيتهن عند مسزز غموضة،،

هنـا البـاقي ،، ولـ نجمـــة الليل

http://www.jooodi.org/uploads/b7363a2a62.jpg

http://www.jooodi.org/uploads/833dc8ef59.jpg

http://www.jooodi.org/uploads/e63c72afb3.jpg



تسلميين وذووق والله :shy:

روح_ الورد
28/01/2007, 11:32 PM
السلام عليكم

انا رديت ومعاي كم سؤال عالمااااشي :shy:

س: حبيت أعرف أسرارج من ناحية العنايه بالشعر؟ سواء يوميه أو اسبوعيه؟
وايش هي البرودكتس اللي تستخدمينها؟ و وشهو ستايل شعراتج؟

س2: شنهي الخلطه اللي ماتقدرين تستغنين عنها في عنايتج بالجسم؟

س3: وياريت تعطينا ملخص لعنايتج بنفسج من كل الجوانب.. شعر .. بشره ..جسم !!!

وبثثثث هذا اللي عندني لحد الحين (f)


هلا وغلا عنـود ،،

تقولين عيبتج وايـد أمبـونها ،، ههههه ،، فالج طيب عيل خلاص ما برمسج إلا إماراتي بدوي

بس إذا ما فهمتي علي مالي خص،،

بخصوص أسئلتج ،،

شعري يا طويـلة العمر ،، طويل وايـد ونـاعم بصورة فضيـعه ،، وخفيف وايـد ،، بس أمي ما تخليني

أقصـه ،، دهنـي وأعانـي من خفتـه وخاصه من فوق ،، وأحاول أعالجـه بأمبولات من فيتشي

سألت الدكتورة عنهم قالت إنهم الأفضـل ،، وخذت لي شامبو طبي ومكيف ، مشكلتي ما أحب

أحط الزيوت على شـعري ،، أحبه دوم نظيـف فيني وسواس يبوج النـظافـة ،، ولا أسوي أي

خلـطات ،، وتصدقين عمري ما صبغت شعري ،، بس أحط له حناءء وأبدع في خلطات الحناء

حتى مره لقيت سريلاك جدامي وحطيته في خلطه الحناء هههههه،، أشوف شعري طلع لونه عجيب

أدري مقصـره وايـد في الناحيـة بس مالي بارض ،، قلت لج ما بترجم تراني ،،

تبين ملخص بعد ،، أسميه ماطلع ملخص عند روح أخافني أطلع برااا الموضوع ،،

بشـرتي ،، دهنيه حساسه الحمد الله ما فيها عيوب وصافيـه ،، أحب الماسكات وايـد ،، الحين

مستمره على كريم لهالات العيون من كلينك والحمد الله مرتاحه عليه ،، إممم شو بعد ،، هيه أحب

أروح الصالون أسوي تنظيف بشـرة ،، مرات أرقد وهم يسوون لي :gum: ،،


الجسم ،، أحب مقشرات الجسم وايـد ،، أحب أسوي مساج لجسمي ،، يوم حسيت إني متنت شوي

خذت كريم للسولاليت يخفف الخطوط البيضـاءء وأي شئ زيادة وهو من لوريـال ،، عند مسسزز مثله

أحب كريمـات الصدر ،، والبطـن ،، والكريمات المعطرة والحليب السبراي من شانيل ،، والزيوت

العطريـه للجسم أمووووت عليـها عند كذا ماركـة من تايلنـد وماليـزيـا ،، أحب أروح أعدل أظافري

في الصالون ،، وأسوي لهم المناكير الفرنسي ،، وأحلللى شئ البديكيور يجنن تحسين إنج

نظيـفه وايـد ،، إممم شو تبين بعد يا عنـود ،، باجر شكلي ركيييض للصالون ،،

روح_ الورد
29/01/2007, 12:33 AM
كـل الأخوات الغاليـات ،،


ألـف شكــر على تشريفكن لـي في الدردشـة ،،

حاظرة لأي سؤال ،،

أحبــكم في الله ،،

المتزنة
29/01/2007, 05:08 AM
اهليييييييييين روح الورد صرااااااااااحه يهبل ذوقك خاصه انك تحبين اللوك ا لهادي :shy:

حبووووبه كل الاسئله سألوها البنات ماخلوو لي شي بس حبيت اسئلك سؤال

وهو اذا سافرتي لتتمسوحين :gum: ((( سيااااحه )) يعني هل تحافظين على بشرتج يعني تاخذين كل منتجات العنايه بالبشره والمكياج ؟؟ ياليت تقولين ايش تاخذين للعنايه بالبشره والمكياج ؟؟ :shy:


ومشكوووره حبوبه مقدماااا ياااهل الذوووق انتي (f)

elegant_QR
29/01/2007, 03:27 PM
هلا فيج روح الورد

ماقصرتي جاوبتي على اسئلة البنات واستفدت من خبرتج

بس عندي لج سؤال

كريم السليولايت من رويال الي تستخدمينه .. حسيتي بنتايجه او لا

وشنو اسمه بالضبط وياريت صورته ويسلمووووووو

روح_ الورد
29/01/2007, 04:05 PM
اهليييييييييين روح الورد صرااااااااااحه يهبل ذوقك خاصه انك تحبين اللوك ا لهادي :shy:

حبووووبه كل الاسئله سألوها البنات ماخلوو لي شي بس حبيت اسئلك سؤال

وهو اذا سافرتي لتتمسوحين :gum: ((( سيااااحه )) يعني هل تحافظين على بشرتج يعني تاخذين كل منتجات العنايه بالبشره والمكياج ؟؟ ياليت تقولين ايش تاخذين للعنايه بالبشره والمكياج ؟؟ :shy:


ومشكوووره حبوبه مقدماااا ياااهل الذوووق انتي (f)


تسلمين يا المتـزنه ،،

الذوق منج وفيج حبوبـة ،،

من سنتين ما سافرت برااااا الخليج ،، بس طبعاً كل سنـة السعوديـة ،، وما أخذ وياي في السفر

إلا العبوات الصغيرة اللي تجي هدايـا ،، يعني السامبلز ويكفون وايـد ،، يعني ما يأخذون مساحـة

وجيه ما تتلعوزين ويا العلب الكبيرة ،، حتى الشدو والأرواج أخذ علبه وحده فيها الألوان اللي

أدري راح أستخدمها بكثـرة ،، أحب أخذ الماسكـات اللي تجي في شرائح صغيره ،، عمليه وايـد

وبعدين ما أحب بصراحـه أتبرج وايـد في الماكيـاج خاصـة إذا كنت مسافرة شئ بسيط جداً ،،

عنود الغيد
30/01/2007, 07:43 AM
روح_ الورد

ياحلااااااة هالرمسه!!
ذكرتيني بوحده عسل زوجة ولد عمنا من عندكم!!
هي اتحجى وانا عيوني ماغير امبققه!! >> قايله جذيه @@
مندهشه من طريقتها الحلوه بالكلام!! :shy:

<< يعني تراني افهم عليييييج!!
ما شي مشاكل!!! :shy:

وثانكس على رحابة صدرج
وإجابااااتج الحلوه (f)

روح_ الورد
30/01/2007, 11:45 PM
هلا فيج روح الورد

ماقصرتي جاوبتي على اسئلة البنات واستفدت من خبرتج

بس عندي لج سؤال

كريم السليولايت من رويال الي تستخدمينه .. حسيتي بنتايجه او لا

وشنو اسمه بالضبط وياريت صورته ويسلمووووووو


هلا الغاليـة ،،

حياج والله ،،

بصراحـه الكريم حسيت فيه إن أدى مفعولـه لفتره بسيطـه بس وبعدين ما أدري كأنها رجعت

الخطوط البيضاءء ،، يمكن ما أستخدمـته لفترة طويـله ،، بس جربيه عسى يفيدج ،،


http://www.jooodi.org/uploads/7935c98492.jpg

ام سعيد77
01/02/2007, 02:56 AM
الغالية روح متابعة لج وماشاء الله يعيبني ذوقج في الميكب اب والعطور ..
ماادري اذا سالوج هالسؤال لاني اللحين شوية مسطلة شو احسن انواع البلاشرات عندج ؟؟

lora18
02/02/2007, 03:49 AM
تسلمين الغاليه عالرد

والله يعطيج العافيه ماقصرتي مع البنات

والف مبروووووووووك على الكاس يستاهلون عيال زايد الخير

(f)

كشه محترقه
02/02/2007, 03:32 PM
حبيبيتي بغيت اسأل عن بيس احطه قبل المكياج ويكون خاص للبشره الدهنيه الله يخليج لبغيه ضروروي لاتنسين سؤالي وانتظر الاجابه

عيني تحبك
02/02/2007, 05:04 PM
مهشاء الله الموضوع حلو واغراضك ياروح حلوه عليك بألف عافيه انشالله...انا شفت عطر شدني كان نفسه علبتين على يسار ألوووور ممكن اعرف شنو هالعطر وكيف ريحته

مسزز غموضة
04/02/2007, 08:07 PM
اشكر اختي الغالية

روح _ الورد للمشاركة الفعالة والي ما قصرت ابدا واعطت وقتها لتشاركنا الموضوع

وفعلا لمسنا منها العفوية والتميز

الله يوفقك واشكر الجميع

وانتظرووا معنا العضوة التالية

:shy: