المساعد الشخصي الرقمي

مشاهدة النسخة كاملة : تجربتي مع المشروع الوطني للتدريب والتوظيف في البحرين



ساحرة الكون
01/01/2007, 06:41 PM
شوفوا قلة الادب


مرحبا عرايس شو اخباركم

اعتقد ان معظمكم سمع عن المشروع الوطني للتدريب والتوظيف في البحرين ، اني اليوم جاية انقل لكم تجربتي مع المشروع

في البداية رحت سجلت للمشروع ......... انزين صار تقيم ومقابلة ونجحت فيهم

بعدين قالوا لي راح نعرض عليك ثلاث وظائف خلال اسبوع ........ اتصل لي واحد من وزارة العمل وعرض علي وظيفة في مكان ..... و سألني شنو تلبسين ( عباية رأس ) أ, ( عباية كتف ( بالطو ) وهل البس غطاء الوجه ( بالعامية بوشية ) ............................. ********************وهذا غير سوالفهم اذا رحنا الى الوزارة يقولون لنا روحوا الى المركز التابع لكم .............. وغيرها من السوالف كل واحد يقول كلام نقيض الثاني ، واحد قال ان التدريب حق دورة .......... انلغى والثاني يقول التسجيل له ما زال مستمر ...............

ساحرة الكون
06/01/2007, 12:55 AM
معقولة عرايس ولا رد ، الى هذا الدرجة الموضوع ما يستاهل ، والله انا مااستاهل احد يرد علي وينكم ، ليش مطنشيني

jeenan
06/01/2007, 11:37 AM
افاااااا عليج...ما عاش من ينطشج حبوبة..

الله يعينج يا اختي...

صارت المقابلات سطحية..

بس عشان تشوفوننا اننا سوينا مقابلة... ولا احد نجح

الا اذا كنت تلسين مرصص ومطلع شعرج ومصبغ على الموضة

تلقيين الوضيفة هي تركض وراج مش انتي ترركضين وراها..

لكن لما تكون البنت متغطية وساترة يقولون تخلف ولا احد يوضفها

اونه عشان المراجعين والزباين....

والله حالة....

ساحرة الكون
06/01/2007, 07:11 PM
مشكورة اختي jeenan والله محد غيرك عبرني ولله الباقي بس يطالعون الموضوع ويغلقونة كانهم شايفين بعبع حشا موب موضوع وحدة بحرينية والله بس ترودن على سوالف المكياجو غيرها

Nahlah
06/01/2007, 07:31 PM
الله يعينك إختي

Cute_Barbie
06/01/2007, 09:54 PM
اختي الله يعينج ترا الحال من بعضه .. عندنا في الامارات نفس الحالة .. محظوظة اللي تشتغل .. حتى في سالفة العباية يدققون هاليومين صعب المتغطية اتحصل شغل .. والله يعيننا على يلسة البيت

الدانـــــه
07/01/2007, 01:21 AM
http://www.3roos.com/up4/floral5f.gif

هلا وغلا

أختي الغاليه ساحرة الكون

الحال من بعضه انا هالشهر بكمل سنه من قدمت في هالمشروع

ولا حس ولا خبر وقدمت امتحان وسوا لي مقابله وكل شي تمام

ولهذا يومج مافي شي جديد

وكل ما اتصل لهم او اروح اراجعهم كالعاده

(( مافي وظايف حالياً تناسب مؤهلاتج )) :sad:

وصدقت أختي جنان لو نروح لهم سفور والمكياج فل

ونتميع بالكلام معاهم وعندنا واسطه جان من زمان توظفنا بس خليها على الله

والله كريم :shy:

والله يوفقج ويسهل لج امورج ان شاء الله

أختج الدانـــــــه

http://www.3roos.com/up4/floral5e.gif

اام الهنوف
07/01/2007, 02:36 AM
اي والله اختي الله يعينج والله يعوض صبرج خير ان شاء الله والله هذا اللي انشوفه المستتره مالها شغل والكاشخه لها هذي الدنيا لكن الصبر مفتاح الفرج باذن الله

رذاذ الورد
07/01/2007, 03:21 AM
الله يعينكم خواتي
وبإذن الله تُفرج

.

ساحرة الكون
07/01/2007, 04:33 PM
مشكورين خواتي

الحين رديتون الي روحي واعتباري في المنتدى موب قبل ما عبرني

مشكورين جميعا على الرد

ولكن شو اقول حسبي الله ونعم الوكيل عليهم يقطعون زرق الواحد بسبة الواسطات والدلع

kuzama
07/01/2007, 08:12 PM
يا بنت الحلال لا تشكي لي ابكي لك:(
الحين عندنا الشهادات شكلية بس اسم ان معك بكالوريوس او دورات ودبلومات ،،
اهم شي الكم من الشهادات اللي معك ،، أذكر قدمت على وظيفة قالوا لازم يصير معك شهادة دبلوم
سنتين مو سنه عشان تاخذين الوظيفة مع انها اصلا الوظيفة ما تحتاج شهادة دبلوم !
والواسطات خوذي وخليييييييي،،
الله يعين بسسسسسس،، الوظيفة رزق من الله ماهي بيد الموظفين و علالتهم !!
الله يوفقنا ياااااارب
ويفكنا من قعدة البيييييييييت

الملكة سـ
07/01/2007, 09:15 PM
الله يوفقج ويوفق الجميع

لاتضاييقين في غيرج وايد مو بس في البحرين

أختي عندها ماجستير رياضيات ( ماشاء الله تبارك الرحمن ) وهذه جالسة في البيت بدون شغل وقدمت على وظايف بس ماكو فايدة

الله يوفق الجميع

ساحرة الكون
09/01/2007, 02:12 AM
شكرا خواتي على الرد

الله يعطيكم العافية

بنت أبووووها
09/01/2007, 04:08 AM
أخواتي ترا الحال من بعضة

والوضايف صارت شي مستحيل ..

بالنسبة للأخوات اللي يقولون إن السافرات لهم

نصيب في الوضايف أكثر من المحجبات ..

أنا أقول لهن.. ولا يهمك أختي لها الدنيا ولك الأخرة ..

شو بتفيد الوضيفة يوم الحساب والجزاء ..

الدنيا دار عبووووور للآخرة .. وهناك النعيم الحقيقي..

أسأل الله لي وللمسلمين عامة جنة عرضها السموات والأرض ..

أختي ملكة سـ أعتقد فهمت قصدك .. وكأني أعرف دولتك ..



التوفيق بيد الله وحده ..

ساحرة الكون
09/01/2007, 03:50 PM
شكرا على الرد اختي بنت أبووووها وعلى المرور

الريم العيناوية
10/01/2007, 01:38 AM
الخير عندنا وعندكم الغالية
الله يعين

أنا الشوق
10/01/2007, 02:09 AM
بسم الله الرحمن الرحيم
"ومن يتق الله يجعل له مخرجا ويرزقه من حيث لا يحتسب"

انا هذا اللي دايم امشي عليه وترى كل شي يصير لج فهو في مصلحتج

" وعسى أن تكرهوا شيئا وهو خير لكم وعسى أن تحبوا شيئا وهو شر لكم ، والله يعلم وأنتم لا تعلمون"

تحياتي

ساحرة الكون
10/01/2007, 04:39 PM
شكرا اختي الريم العيناوية و انا الشوق على الرد

حنونة معكم
10/01/2007, 05:01 PM
قولك حتى ما تزعلين الامر عادي طنشي انا عندي ماجستير وكدا شهادة في التسيير الاداري والتجارة الدولية والكمبيوتر لغات مرة اشتغلت في شركة اجنبية ما كملت تسع ايام قالي مدير شؤون الموظفين البالطو الي انت لابساه طويل فار دمي ما حسيت الا بقوله خلاص بكره اجي لابسة مايوه مع العلم انه شغلنا الزبون ما يشوفنا نكلمه بس عبر اتصال من الكمبيوتر اصلا نكلم اروبيين الي اعترض كان عربي مسلم
في الاخير اتخدت قرار شوفي لك اي شي تعمليه حرة نفسك ابتديت مشروع صغير الحمد لله ماشي الحال ولا في حد يقول محجبة ولا شي حرة نفسي

ساحرة الكون
12/01/2007, 02:18 AM
شكرا اختى حنونة معكم على الرد يعطيك العافيه

صاحبة السمو الملكي
12/01/2007, 02:41 AM
الله يعينك اختي ويوفقك وتلاقين وظيفه

نـــورهم
13/01/2007, 03:46 AM
احنا فالسعوديه ماعندنا هالحركات لانه اصلن ماعندنا وظايف

والله يعين هالنوعيات واجد الله لايبلانا

بومباتو
13/01/2007, 03:57 AM
الله يفرجها عليكى يااختى ان شاء الله يرزقك بالشغل المناسب يارب
ماتزعلى لعله خير وربنا يوفقك

ساحرة الكون
13/01/2007, 12:56 PM
شكرا للاخوات

صاحبة السمو الملكي

نورهم

بومباتو


شكرا على الرد

دمعة حزينه
13/01/2007, 01:12 PM
الله يعينج يا أختي
وإنشا الله تحصلين لج وظيفة

ساحرة الكون
13/01/2007, 09:36 PM
شكرا اختي دمعة حزينه على الرد :shy:

حياة الامارات
14/01/2007, 09:36 AM
لاحول ولاقوة الا بالله العلى العظيم

ساحرة الكون
14/01/2007, 05:18 PM
شكرا اختي uae life على الرد

parpi
14/01/2007, 05:57 PM
معلش ياجميل متزعليش نفسك والله الكل بقى كده وألى يحزن ان احنا بلاد مسلمه وبيتعمل فينا كده يعنى جت من المسلمين تخيلو ان مره اتحكالى من وحده صحبتى فى الجامعه ان كان فيه تدريب تبع الجامعه فدخل الدكتور عشان يختار ألى هيتدربو راح عمل ايه؟؟

بتحلف انو قسم البنات ألى قعدين نصفين نص على جنب ألى هما المحجبات والنص الثانى ألى معرين وقال دول ألى هيتدربو تخيلو؟ والمشكله انو مسلم يعنى مالوش عزر

بنتي حبيبتي
14/01/2007, 06:52 PM
اختي انا مسجلة في المشروع وصارلي 3 سنوات قاعدة في البيت مع ان شهادتي بكالوريوس كمبيوتر وعطوني مقابلة بشركة اجنبية واول ماشافني المدير تغيرت ملامحة لاني منقبة وانا اصلا ماتناسبني الشغلة والمشرووووع فاااااااااااااااااااااااا ااشل

ساحرة الكون
15/01/2007, 05:19 PM
شكرا خواتي parpi
و بنتي حبيبتي على الرد

وحبيت اقول لك اختي بنتي حبيبتي اني معاك ان المشروع فاشل عجل في مقابلات يسونها بالغة الانجليزية ، ويجبون وحده شكله موب بحريبينه حق المقابلة ، والمصيبة مو بس كذا ، يحضرون 10 أو 15 وحدة حق نفس الوظيفة ، ومايختارون الا وحده منهم ، وبعد دوامييين ومافي مواصلات


الله يعين شباب وبنات البحرين

تراهم آخرتهم راح يجنون من الفقر والتمييييز والواسطات

@كلي دلع@
29/12/2008, 11:48 PM
الغاليه الحال من بعضه نفس عندنا كله مقصه......

اخذو الاوراق وسوينا الامتحانات وتمينا يوم كامل واخر شي لا حس ولاخبر كل فتره يتصلون توظفتو ولا لا ويعرضون وظايف ولا مره يتصلون والله بيانات ناقصه ونبا نكملها وهكذا اليييييييييييين اليوم واليين باحر..

يوم استوت مقابله قالي والله ممكن اسأل سؤال خارج المقابله انتي ليش متنقبه هههه والله شي يضحك شو معنات هذا واخر شي قبلو بنات غيري الحمدلله ع كل حال هذا حال الدنيا تمشي بالمقلوب....

الأيـام
01/01/2009, 02:36 PM
الحمد لله ما مريت بالهشي ..

واسمع وااااايد ناس استفادوا من المشروع

بالعكس وتدربوا ودرسوا عندهم

ألــ أمـ ــل ـــم
02/01/2009, 12:43 AM
انة الي سمعه عنهم توظفوا كله دفعات قديمة اول ما بدا المشروع بس مال الحين ما جفت وحدة توظفت ....وانة منهم انة توني مقدمة من 3 اشهر رحت مقابلة وحدة ورفضوني ويأست منهم وضايفهم مثلهم وبطقين الطريق مقابلة اخر شيء ما بقبلونج


الله كريم بس الله يفتح لنا باب الرزق

بحرينية_حلوة
18/01/2009, 03:34 PM
انا أقول اختي خلي عنج هالمشروع و اعتمدي على روحج .. قدمي ال cv مالج اون لاين حق كل الشركات اللي تعرفينهم و روحي انتي بعد بروحج قدمي في شركات ..

و بصراحة انا مو مع كلام الخوات 100% .. كا انا الحمدلله متحجبه و لا عاقني الحجاب عن الشغل و مثلي وايد بنات .. و بدون زعل المظهر المرتب و الأنيق واجب في الشغل .. بعد ما يصير الوحده تداوم ( بدفة راس ) !! أصلا كلش وضعها بيكون مو مريح لا بتعرف تشتغل ولا تتحرك بحرية .. و عن ( عباية الكتف ) في نس اعرفهم يشتغلون بها بس طبعا على حسب موقع الوظيفة .. ما يصير موظفة رسبشن تلبس دفه او عبايه !!! او وحده تتعامل مع عملاء في بنك أو أي شركة تلبس دفة !!! يعني الشغل بعد له أناقته .. ما أقول تخلي عن حجابج او احتشامج بالعككككككككس .. لبسي ثياب محتشمة بحجابج !! ما فيها شي ، اصلا وضعج بيكون اريح في الشغل .

بسمة أطفالي
19/01/2009, 08:12 PM
خلص هالمشروع ولا شفنا نتيجة

لآليء البحرين
19/01/2009, 08:44 PM
خلص هالمشروع ولا شفنا نتيجة


اختي من يقول خلص !!!؟؟؟؟ ما خلص بس ماوراه فايده

من رحت ليهم ستة أشهر لكن الحمدلله ما انعرضت علي ولا وظيفة يا دافع البله

الحجة ان مال البكلاريوس صعب يحصلون ليهم وظايف

وبعد بصراحه ما خليت مكان الا وديت السي في ليه مرا ت بالايميل او واجد وديتهم بنفسي لكن الحمدلله والشكر ينادوني لمقابلات بس ما يردون علي بعد يمكن بعد لان ما عندي خبره كفايه

يله الحمدلله على كل حال

shaima83
19/01/2009, 08:47 PM
كعاده اروح اراجع لكن انصدمت انهم سكوا ملفي مره ثالثه وانا انتظر بس اخر تأمين خلاص http://bahrainevents.com/forum/images/smilies/standard/ranting.gif بدون سالفه كانت إلي ارجع لها محد رحت لوحده ثانيه شنو سجلتني رافضه الوظيفه

مارفضتها انها ما تناسبني يعني اشوف المواظفات في صالون انا لا اهش ولا انش ماتناسبني هشغله http://bahrainevents.com/forum/images/smilies/standard/blink.gif سيده صكت ملفي كل اسبوع احاول اروح كل شهر اخر شي سكيتوا

مره اولى ما قالتوا لي راجعي كنت انخذيت اروح ما قلت شي ما قالوا لنا نظامهم

ثاني شي صاديني ظرف قمت كل شهر اروح مره ماكنت ادري بعد انسك

ثالث مره جذي ماطلعت من مكتب معصبه ابوي راح يزفها يقول لهم ايب لكم وحده ماجسيتر نفس السالفه يعني مالهم ضمير بس بلاش يسكون ملفات و ياكلون بيزات الناس

قلت لهم ما احتاج لها هل 120 دينار انا غنيه عنهم من اول يوم من مشروع مسجله يلحين مافي شي عدل يا كيشر اوكي انا امينه بس اخاف على فلوس
سكرتيره حلو بس لازم اتدرب قبل ما انقبل ماقلت شي
انا ادري او اشرف ع موظفات لا مايناسبي http://bahrainevents.com/forum/images/smilies/standard/blink.gif


مشروع فاشل صراحه لا ثانوي ولا جامعينين محصلين شي عدل

smilly
20/01/2009, 01:19 AM
السلام عليكم ورحمة الله

يااختي كلنا في الهوى سوى

الحال من بعضو

اللي توهم متخرجين او اللي من فترة

الله يسهلها

وربج كريم

fate88
20/01/2009, 05:33 AM
الله كريم خيو :(

لآليء البحرين
20/01/2009, 08:00 AM
الحمدلله على كل حال

.: نبض قلبه :.
20/01/2009, 02:33 PM
افاااااا عليج...ما عاش من ينطشج حبوبة..

الله يعينج يا اختي...

صارت المقابلات سطحية..

بس عشان تشوفوننا اننا سوينا مقابلة... ولا احد نجح

الا اذا كنت تلسين مرصص ومطلع شعرج ومصبغ على الموضة

تلقيين الوضيفة هي تركض وراج مش انتي ترركضين وراها..

لكن لما تكون البنت متغطية وساترة يقولون تخلف ولا احد يوضفها

اونه عشان المراجعين والزباين....

والله حالة....


مثل اللي كنت بقوله بالضبط والله !!

الله يفرجها علينا !

دمـعـة
20/01/2009, 05:09 PM
اني كنت اروح لهم كل اسبوع
لمدة 6 أشهر

وعقب الستة أشهر سألتني اللي أراجعها : اوقفوا عنش البيزات؟ قلت لها هالشهر يمكن آخر شي
بعدين سألتها: والحين؟ بتحولونا على مكان غير او بتسوون لنا شي؟
تقول لي ماادري>>> عجل من اللي يدري؟

ومنها مارحت لهم>>> وقفوا الـ 150 وبس مابروح هههههههههه

ولا مرة رشحوني لوظيفة
البطاقة اللي عطوني اياها انشحنت وكلها "لا يوجد شواغر" هههههههه

غريبـه
20/01/2009, 10:23 PM
ترى الوزاره "وزاره العمل أقصد" كل واحد ما يدري عن الثاني!!


كل واحد يمشي على هواه،، كل واحد ليه قانون خاص يمشي عليه!!

أني أخذت التدريب اللي عقب الدراسه هناك،، وشفت الا شفته وتحسفت اني قبلته،، لأني طلعت من المولد بلا حمص على ما يقولون وما استفدت ولا 1%

هذا غير الاخلاق الزينه الا عندهم،، ههههههه سبحان الله كلهم يمشون على خط واحد في هالسالفه،، مادري يعدون بعض لو ويش السالفه،، هذا الا ما قدرت استنتجه طول ما أني هناك
×××××××

أمن عن التعطــّل

أني سجلت في الاسبوع الاخير من شهر 12 وطبعاً طافتني التسجيل من وقت بسبب شي اني فهمته غير ههههه

والحين اراجعهم اسبوعياً واليوم ثالث زياره ميدانيه ليي هناك،، وكالعاده لا يوجد شاغر بس الزين اني لما اروح ما اتعطل لانه كل مره اروح ما يكون في ناس وااجد،، وبصراحه بعد مو معتمده عليهم أطرش مني مناك

لو ما الحاجه انچان البيت أريح ليي،، بس يالله الحمدلله على كل شي

روعــــــــــة
23/01/2009, 02:59 AM
اصلا الا في المشروع مساكين حالهم حالنا .. توظيفهم مؤقت.. ومثل ما يقولون عبد مأمور ..

لا مشروع ولا وزارة ولا شي ... خلاص عذاري سقت البعيد وخلت القريب واندثرت وانتهينا ..

والا انكتب علينا هو .... خيرنا لغيـرنا ..

^_^دلع^_^
09/07/2010, 12:24 AM
:/


الموضوع قديم بس وانا ابحث بالنت وصلت للمنتدى


>> ودي اثير هالنقطة من يديد


شرايكم؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟



لاني ابي اقدم اوراقي في دورة التدقيق المحاسبي :/ واحس خفت بسبب هالموضوع << اصلا ممكن تروح علي :/

ساحرة الكون
22/09/2010, 08:53 PM
يالله تفاعلوا رغم اني كاتبه الموضوع من 2007 الحين حنا 2010 يالله علشان دلع بس شنو التطورات في وزارة العمل ويا العاطلين