المساعد الشخصي الرقمي

مشاهدة النسخة كاملة : اريد نصيحة الكل



حايرا
23/02/2003, 08:31 PM
السلام عليكم
ابصراحه عندي مشكله وما عرفت كيف احلها فاتمنى انكم اتساعدوني وتعطوني رايكم
المشكله مب صايره لي المشكله اتخص شخص عزيز علي
بدة مشكلته يوم حب بنت وشكل اهله رفضوها او شي جي المهم صارت مشاكل بينه وبين اهلها وكان يومها ما يتعدا ال 19 سنه وابوه زعل عليه وايد وحرم على امه اتكلمه ووخواته واخوانه بعد .. المهم الولد طلع من البيت وكمل حياته بعيد عن هله واشتغل في منطقه ثانيه عنهم واستقر على انه كان دايمن يحاول يسأل عنهم ويتقرب وبعد مده من صدمته باهله ومن البنت اللي حبها لانه الكل اتخلى عنه مرض وصار فيه مرض مزمن
المهم تم يحاول يتعالج وما في اي فايده .. مرت السنين وهو يحاول ويا اهله وهم ولا موجودين يمكن زادة سالفته هذي عن خمس اسنين وهو لين الحين يعاني من نفس المشكله لكن بمرور الوقت زادة السالفه لانه زاد عليه المرض ومارام يكمل في الشغل فاستغال والحين حياته كلها في المستشفيات .. كانت له انسانه جريبه منه وهي عمته بس هي حرمه كبيره ومن بعد ما زاد عليه المرض قطع عنها لانه يخاف عليها للعلم انها ما اتعرف بمرضه ومحد يدري الا قليل منهم وهم الحين ما يعرفون انه حالته زادت .. يعني بالمخصر فقد كل شي
اهله
صحته
وظيفته
وحتى البنت اللي حبها
كلللللللل شي

اتمنى القى الحل عندكم .. واريد اراء الكل
ولا تنسونا بدعواكم

الصمت الحزين
23/02/2003, 08:57 PM
مسالخير

اهم شي انه لازم يحاول يرجع لأهله ويسترجع حنانهم واهتمام امه ولو انه يرسلها احد يبلغها انه مريض لأنه قلب الأم رحيم واتوقع انها ما حتتخلى عنه .. المهم انه لا يعاند ويعتبرها مسألة كبرياء
وبكذا خطوة خطوة بيسترجع عائلته
وباهتمامهم انشالله تتحسن صحته
..
..
الله يهين الجميع انشالله

حايرا
24/02/2003, 08:04 PM
افا ما هقيتها منكم وينكم الله يهديكم 20 قارء وبس شخص رد علي .. وهذا وانا طالبه راي الكل :rolleyes:

الصمت الحزين تسلمين ع ردج بس في شي لازم ينعرف انه ما يريد يقول لاهله انه مرضه زايد عليه لانه يخاف عليهم و بعد ابوه سافر برع البلاد من فتره للعلاج .. والام ما بيدها شي لانه الابو شكله حالف عليها بالطلاق اذا كلمته
بليز ساعدوني بس لا اتقولولي يحاول يرد لاهله لانه له تقرين خمس سنين وهو يحاول

اريد اراءكم لو سمحتوا .. اراء الكل من بنات وشباب
اتريا ردودكم

الام الحنون
25/02/2003, 12:13 AM
مهما بلغ الانسان من مراتب او عنفوان الشباب او السلطة او حتى الجاه .. فلن يستغني عن الوالدين ... كيف صبر هذا الشاب بعيداً عن الجنة كيف تحمل هذا ,, الم يعقل بان الجنة تحت اقدام الامهات الم يعرف ذلك سبحان الله ,,,, ماهو سبب الخلاف الذي بينه وبين ابواه مجرد اختلاف في الرأي وليكن ! :( استغرب من الذين يفضلون العيش بعيداً عن والديهم والرسول صلى الله عليه وسلم عندما اتى شخص يطلب الجهاد سأله الديك ابوان قال : نعم قال: ففيهما فجاهد ...
ليس له الحل الا الجهاد ؟؟ الجهاد فيهما يجاهد نفسه على احترامهما وتحملهما وطاعتهما .. ... الاب لن يطرده إن اتى اليه نادم عما حصل منه ،،، لن يقسوى عليه صدقيني سيفرحون بعودته وان كان مريض يصلهم وان قطعاه ...وماحصل من والده كانت لحظة غضب الشيطان كان يرويه ويقسي كلامه ولن يستطيع ان يقسي قلبه على ولده ان شاء الله تعالى ...اصلح الله حاله اللهم آمين ...

حايرا
28/02/2003, 12:32 AM
الام الحنون مشكوره على تواجدج .. بس هو تقريبا خمس اسنين يحاول يتقرب ويعتذر ويروحلهم بس لا حياه لمن تنادي .. امه انسانه راضخه للواقه اتحب ولدها بس ما تقدر اتسوي شي .. لانه ابوه غضبان عليه وهي مابيدها شي .. كم حاولوا ويا الابو بس ما وافق .. حتى اخوانه ممنوعين من الكلام وياه .. وهو يحاول يبتعد عنهم لانه يخاف ان ابوه يزعل على اخوانه ان عرف انهم يكلمونه .. اتخيلي حتى في المناسبات اللي اتصيرلهم هو ما يعرف الا بالصدفه ومن حد من ربعه .. يسمع انه اخوه بيتزوج او انه اخته انخطبت او ما شابه هاي الامور .. مرضه مدمرنه من الخاطر وماعنده اي حد يساعده .. يسافر ويسوي عمليات ويرد واهله ولا عندهم اي خبر
والله اني احس انه ها الانسان يالس يتحمل اشياء فوق طاقته .. خلاص انتها
وانا مجرد متفرجا ما اقدر اسوي اي شي .. يوم سئلتني وحده من قريباته عنه قلت ما اعرف لانه محلفني اني ما اخبر حد من هله .. قولولي شو بيدي اسوي كيف اساعده او كيف اخليه يساعد عمره :confused:

الجوهرة
28/02/2003, 08:39 PM
السلام عليكم،
أختي الحايرة ، المشكلة شكلها فيها حلقة مفقوده!!! والله أعلم،
يعني اهو قاعد يحاول خمس سنين بس شنهي المشكله!!!!!
عشان حب بنت وخلا أهله عشانها؟ وانتِ تقولين تخلت عنه بعد،،، يعني ماتزوجها؟؟
طيب ووين عمامه وخواله والا حد كبير من هله أو قبيلته!!!
على الأقل رجال الدعوة في منطقته والا أي حد متدين عنده اسلوب يأثر على هله 00
مع التمنيات له بالشفاء والصبر الجميل وربي يعينه ويعين الجميع على هالدنيا،
دعواتكم لنا ولكل صاحب ابتلاء مهما كان،
وشكرا