المساعد الشخصي الرقمي

مشاهدة النسخة كاملة : وين نروح .. وشنو نسوي ..؟؟؟



احترت في اسمي
20/11/2006, 04:36 AM
السلام عليكم

اشلونكم

بنات انا رايحة الحج ان شاء الله

ادعولنا الله يسهل علينا ويتقبل حجتنا

(( واي دعوه ترا حاضرين ))

المهم بغيت وحدة رايحة الحج تكتب لي بالترتيب من اول يوم لاخر يوم وين بنروح وشنو بنسوي
لان انا وهلي اول مرة بنروح

وبكون شاكرة لكم ..

وطبعا من عندي بدعي كل البنات يرزقون بالزوج الصالح والذرية الصالحة ...

اسيرة قلبه
20/11/2006, 05:42 AM
http://www.3roos.com/up3/asoorah.gif


هلا حبيبتي

ماشاء الله تبارك الله

انا بقول لك وش سوينا بالضبط

اول شي طبعا بعد ما مرينا على الميقات واحرمنا رحنا لمكه وطفنا وسعينا بعدين رحنا لمنى و قعدنا فيها ويوم عرفات رحنا لها وقعدنا فيها ولازم نطلع منها قبل غروب الشمس ونتجه لمزدلفه لكن للأسف عشان الزحمه الفضيعه ماطلعنا الا بعد ماغابت الشمس ورحنا لمزدلفه وقعدنا فيها الين الساعه 3 الفجر تقريبا واخذنا طبعا الحجر من هناك ورجعنا لمنى

يوم الرمي رحنا ومشينا وهلكناااااااااااا مشي وصلت بموت من رجولي واخرتها مارميت للأسف وكلت اخوي عني لأنهم حذرونا قالوا ننصحكم ماتدخلون كان فيها ضغط كبير واموات واااااجد وسيارات الاسعاف رايحه جايه

وبالنسبه لطواف الافاضه اجلناه مع طواف الوداع وطبعا يجوز

لكن انا بنصحك بشغلات ياليت تحطينها حلق بإذنك انا صار خاطري اعيد حجتي من الاخطاء اللي فيها

اولا مارميت الحجر خصوصا هذي اول حجه لي
ثاني شي بتنا بمكه بعد طواف الوداع وهذا اكبر غلط

ادعي لي يالغاليه من كل قلبك ان الله يفرج همي وكربتي ويسهل امري ويناولني مرادي


http://www.3roos.com/up3/asoorahe.gif

روبا
20/11/2006, 05:54 AM
السلام عليكم ورحمة الله وبركاته
الله يتمملكم الحج على خييير ان شاء الله ويكتبلكم الحج هذي السنة وتكونوا من المقبوليين بإذنه تعالى .

اختي العزيزة بما انك رايحة تحجيين لازم تكونيين مسجلة بحملات الحج التابعة لمؤسسات الطوافة والأشخاص الي مسؤوليين عن حملتكم راح يتكفلون فيكم من اول ما توصلون الى ان ينتهي الحج فلا تشيلين هم شي

سحائب الخير
20/11/2006, 06:10 AM
وعليكم السلام ورحمة الله وبركاته
اسأل الله تعالى أن ييسر أمركم
عزيزتي هنا ستجدين كل ما تحتاجين معرفته عن الحج :
http://go.3roos.com/h5gj0GAFXYH
وهنا عروض بالبوربوينت عن مناسك الحج خطوة خطوة :
http://go.3roos.com/WRGLnE2RYLz

وفقكِ الله

احترت في اسمي
20/11/2006, 04:12 PM
مكشورين وااااااااااااايد وجزاكم الله كل خير

اي انا مسجله بحمله
بس ودي اعرف كل شي مااكون مسبهه :)

كم يوم نقعد بمنى ومزدلفه
وصج بمنى لازم مانتسبح ؟؟!!!

الجوري4_8
16/12/2006, 12:46 AM
حبيبتي انتي مع اي حمله

احترت في اسمي
16/12/2006, 12:57 AM
مع حملة حاتم للحج والعمرة

أنا الشوق
16/12/2006, 01:00 AM
السلام عليكم
اعتقد ان اللي في الحمله لازم بيقولون لكم كل شي وبيوزعون كتيبات بالاشيا اللي تسوونها
انا في جم مره رحت العمره كانوا يشغلون لنا فيديو ويوزعون كتيبات وعندهم مرشدين يعني ماشالله مو مقصرين في شي
ولا تحاتين وتقبل الله حجتكم
ولاتنسين الدعوات :shy:

ياارب أعرس
16/12/2006, 06:35 AM
الله ييسر لكم يالغاليه ان شاء الله وييسر النا ويسهل علينا ونوصل بالسلامه ويتقبل منا ....
أختي الحمله توزع كتيبات ونحن عطونا والحمدلله حفظت كل شي لأنه سهل بس الواحد يوم يسمع المناسك يقول كثيره بس ان شاء الله ميسره ... والشرح الي حطته سحائب الخير يوضح كل شي ...
وصج بمنى لازم مانتسبح ؟؟!!!..... هههههههههه انا بعد سألتهم هذا السؤال ... قالولي كيف تتسبحون وبنكون في مخيمات ....

سحائب الخير
16/12/2006, 07:34 AM
أخواتي الحبيبات
أي سؤال فقهي يتعلق بالحج أو بغيره
أرجو أن يوجه للمشائخ جزاهم الله خيرا في ركن الفتاوى
وفقكنّ الله