المساعد الشخصي الرقمي

مشاهدة النسخة كاملة : والله إني طيوبه وماسويت لهم شي !!!



*أم القمر*
16/11/2006, 11:48 AM
السلام عليكم...
بنات أنا عندي مشكله من زمان مضايقتني بس دايم اتوقع انها تنتهي تطلع من جديد وتتوسع الدائره...مشكلتي ان عندي من قرايبي بنت عمي ماتطيقني من ربي مع ان عمري ماسويت لها حاجه ومالي ذيك العلاقه معاها بس تألف من عندها والمصيبه ان العالم تصدقها !!! يعني و ربي وربي إن مالي أي احتكاك فيها الا بالمناسبات أو بالصدفه , تروح فجأه تقول لأحد من قرايبي شفتوا ايش قالتلي ؟؟!! و كلام جامد مره وصلت لعمتي وصارت مشكله كبيره !! واختها الكبيره معاها بالسالفه لما تجي تقولها كلام تروح تماشيها مع انها أكبر مننا بحوالي 6 سنين أو أكثر !! يعني حاجه تضايق :sad: وإذا ماتكفي هاذي المصيبه في وحده ثانيه نفس شي ماتتقبلني تروح تسوي لي حركات بايخه وطناز وتحرش مع اني ماأسوي حاجه أبد !!! والله إن هالسالفه تأثر على نفسيتي ومدري وش اسوي لأن الدائره كل مالها تكبر ويزيدون الناس الي يقلبون علي من كلام البنت الأولى حتى البنت الثانيه كم مره تتحرش علي من كلام قالته البنت الأولى !! بليز شوفو لي حل يا بنات لأن نفسيتي تعبت وأنا والله مو ناقصه يعني الي فيني كافيني....


انتظر ردودكم..

الجوهرة
16/11/2006, 12:10 PM
حبيبتي الحين للأسف الناس قل دينها والحين زمن العجايب اللي الناس تصدق الكاذب وتكذب الصادق

قال رسول الله صلى الله عليه وسلم : سيأتي على الناس سنوات خداعات يصدق فيها الكاذب ويكذب فيها الصادق ويؤتمن فيها الخائن ويخون فيها الأمين وينطق فيها الرويبضه 00,قالواوماالرويبضه يارسول الله ؟؟ قال : التافه يتكلم فى أمر العامه"0



اكيد انتِ احلى منهم أو ادين أو أغنى

هذا كيد البنات والحريم وسوالفهم

الحقران يقطع المصران

بس لاتسكتين اخذي حقك ودافعي عن نفسك

وعليك بالدعاء والله يرد كيدهم في نحرهم

همسة ملاك !
16/11/2006, 12:37 PM
دواء الكلب سفهة
والله يجزيها بافعالها
اللهم ابعدعنها شر من يؤذيها

[line][line]
(( يسعدني مشاركتكم في))
[COLOR="Red"] :.::دورةحياة بلا أغاني لها احلى المعاني ::.: (http://www.3roos.com/forums/showthread.php?t=211372)[/COLOR

دوحة الجميع
16/11/2006, 12:41 PM
حبيبتي الحين للأسف الناس قل دينها والحين زمن العجايب اللي الناس تصدق الكاذب وتكذب الصادق

قال رسول الله صلى الله عليه وسلم : سيأتي على الناس سنوات خداعات يصدق فيها الكاذب ويكذب فيها الصادق ويؤتمن فيها الخائن ويخون فيها الأمين وينطق فيها الرويبضه 00,قالواوماالرويبضه يارسول الله ؟؟ قال : التافه يتكلم فى أمر العامه"0



اكيد انتِ احلى منهم أو ادين أو أغنى

هذا كيد البنات والحريم وسوالفهم

الحقران يقطع المصران

بس لاتسكتين اخذي حقك ودافعي عن نفسك

وعليك بالدعاء والله يرد كيدهم في نحرهم

جزاج الله خير على المشاركة الحلوة
وانا مع اختي الجوهرة اكيد فيج شئ هم فاقدينه سواء جمال ولا دين ولا مال وهذا الشئ مايزيدج الا تواضع ومن تواضع لله رفعه ، كبري عقلج وخليهم بتفاهاتهم لما يشبعون ومصير الناس تعرف مين الصادق ومين الكذاب واحتسب الأجر المهم ردي الاساءة بالاحسان وهم في النهاية ارحامج لاتقطعينهم وزيدي المعاملة الطيبة حبتين...

الحمدلله والصلاة والسلام على رسول الله وعلى آهل واصحابه أجمعين

صلصوحه
16/11/2006, 01:16 PM
احقريهن ترا الحقران يقطع المصران

والظاهر انهن غيرانات منج عشان كذيه اتشوفين الحركات البايخه

خليج احسن عنهن

والله يوفقج يارب

أنا الشوق
16/11/2006, 01:36 PM
والله كلام البنات صح
انا بعد وايد تصيدني مواقف جذي من بنات عماتي
وانا دايما في بالي هم ماسووا جذي الا وحاسين ان عندي شي ناقصهم ومنقهرين
بس حبيبتي عليج بالحقران ولايهمونج وعلى الكلام اللي يطلعونه عليج الله بياخذ حقج لج باذن الله
بس انتي عليج بالصبر

rدلوعة باباتها
16/11/2006, 06:00 PM
رايي من راي الاخوات

اسيرة قلبه
16/11/2006, 07:50 PM
حبيبتي الحين للأسف الناس قل دينها والحين زمن العجايب اللي الناس تصدق الكاذب وتكذب الصادق

قال رسول الله صلى الله عليه وسلم : سيأتي على الناس سنوات خداعات يصدق فيها الكاذب ويكذب فيها الصادق ويؤتمن فيها الخائن ويخون فيها الأمين وينطق فيها الرويبضه 00,قالواوماالرويبضه يارسول الله ؟؟ قال : التافه يتكلم فى أمر العامه"0



اكيد انتِ احلى منهم أو ادين أو أغنى

هذا كيد البنات والحريم وسوالفهم

الحقران يقطع المصران

بس لاتسكتين اخذي حقك ودافعي عن نفسك

وعليك بالدعاء والله يرد كيدهم في نحرهم

100%

ام غسق
16/11/2006, 10:17 PM
احقريهن ترا الحقران يقطع المصران
لا تكلمينهم ولا تردين عليهم وكلي امرج للي خالقنااا هو ياخذ بحقج باذن الله

أم نصرال11
17/11/2006, 01:31 AM
حبيبتي كلام أختي جوهره صح 100% وأكيد هم غيرانين من شي نفس سالفتي مع بنات خالتي أنا ما سويت لهم أي شي والله شهيد على رمستي بس هم يطلعون عني رمسات من دون سبب وعلى فكره كانو يرمسون عني بوايد أشياء ماكنت اسويها والحين كل هالعيوب طلعت فيهم والله يوم يضرب بعصا مالها صوت والله يكون بعون الجميع وهالزمن حبيبتي مافي حد يحب حد كل واحد نفسي نفسي

فيء
17/11/2006, 01:36 AM
يالغالية طنشي و لا كأنك سمعتي شي وعامليهم بالحسنى

واضح انهم غيرانات .. في ناس كذا .. الغيرة عمت قلوبهم

وحاولي تثبتين عكس كلامهم بالأفعال مو بالكلام

يعني لا تقعدين تدافعين عن نفسك قدام اللي مصدقهم أو تعطيهم أهمية

بس خليك انتي الأحسن واتصرفي على عكس اللي يقولونه .. حتى مع بنت عمك نفسها

خليك طيوبة وياها و لا كأنك سمعتي أي شي

والحق بالنهاية يظهر .. ومصيرهم تنكشف حركاتهم

أتمنالك التوفيق حبيبتي

:)

خشوع
17/11/2006, 02:35 AM
والله يااختي الغاليه انا فجاة بنات عمتي اقلبوووو علي وصارو يتحرشون ويطالعوني بنظرات غريبـــه وانا ماأدري شالسالفه

عقب اكتشفت انهم غيرانين من لن جدتي تمدحني جدامهم اهي وعمامي ودايماً يمدحون ديني واخلاقي وانا والله العظيم عمري ما ضايقتهم صرااااحه بناااات انا نفسيتي تعبت منهم حيـــــل وما ني عارفه شسوي بس انا دايماً ادعي هذا الدعاء وفعلاص عجيب

اللهم اسخر جنود الرض وملائكة السماء والعبيد والحديد والقلوب القاسي والعبيد العاصيه

والله يكافيج شررررهم يا أختي ووالله لو اقوووولج شيسون لي انج تهون عليييج مصيبتج

سحر2005
17/11/2006, 02:38 AM
الحقران يقطع المصران
بس سسسسسسسسسسسسسسسسسستحبل اتنازل عن حقي

#روحـ مغليها#
17/11/2006, 02:59 AM
الله يكون في عونك
مثل ماقالو الخوات الحقران يقطع المصران
واذا عقولهم ناقصه خلي عقلك اكبر

Doll*FaCe
17/11/2006, 03:15 AM
صدقيني الغاليه انا اعاني من نفس مشكلتج ..
مشكلة لاجاتج الزله من اقرب الناااااااااااس !!
لكن ماعليج الا الدعاء والتوكل على الله .,.. لان الظالم مرده ياخذ جزاه
ودوم قولي حسبنا الله وهو نعم الوكيل ..
اكيد غيرانين ولو مب غيرانه ماقالت كل هالكلاااااااام
لكن ربج فوووق ويعلم بكل شي صاير وضدقيني بالاخير ربج ياخذ حقج..
وان شاء الله أجـــــــر وتكفيــر ذنــوب ..
مالج الا حاجتين
الصبر والدعاء..!
{ إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ }
والله يكون بعونج حبيبتي

%أم يزيد%
17/11/2006, 03:23 AM
أخية هذا ابتلاء فاصبري وابشري لأنكِ ستوفين أجرك من الله تعالى بغير حســــــــــاب...

ودعوة المظلوم مستجابة يقول تعالى بالحديث القدسي: (وعزتي وجلالي لأنصرنك ولو بعد حين)..

واحتسبي الأجر..وتذكري أن أكثر الناس ابتلاءاً الأنبياء ثم الأمثل فالأمثل...

واكثري من الاستغفار..أسأل الله أن يشرح صدركِ ويزيل همكِ...

*أم القمر*
18/11/2006, 04:49 PM
السلام عليكم...

مشكورين يا خواتي...بس من ناحية انهم يغارون ماأظن لأنهم حالتهم الماديه أحسن وأزواجهم مدلعينهم وكل الي يبونه يتنفذ وأهل أزواجهم يعاملونهم أحسن معامله ومن الناحيه الجماليه وحده منهم أحلى مني وهي الي حاطه دوبها ودوبي الي هي الأولى ,, يعني يغارون مني ليه ؟؟ يعني أنا عكس حياتهم من الناحيه الماديه والزوجيه والطلبات وأهل الزوج...ومعاملتي لهم فيها زياده طيبه لأني أعرف إن في حاجه في نفسهم علي ومع هذا مستمرين في الي يحصل....والي يضايقني أكثر إن على راحتهم في حياتهم الشخصيه منغصين علي حياتي...:sad:

الجرح الدامي
18/11/2006, 05:20 PM
الحقران يقطع المصران

ام أحلى طفلين
18/11/2006, 10:17 PM
من كلامك عرفت السبب وهو أنهم يغارون منك غيرة شديدةوالدليل تأليف القصص الكاذبة
والحل عامليهم عادي وبالطيب حتى مايصدقونهم الناس واحذري منهم
واسالي مجرب ولاتسألي طبيب والله يصبرك

أم أحلى طفلين

بحرينية أصل
18/11/2006, 10:36 PM
الحقران يقطع المصران والناس اللي تتقلب من غير سبب مانحتاجها في حياتها