المساعد الشخصي الرقمي

مشاهدة النسخة كاملة : الدموع مغرقه ويهي ،،قولولي شسوي؟؟



روح 22
15/11/2006, 09:15 AM
مرحبااااا بناااااااااات عراااااااااااايس متزوجااااااااااااااات أمهااااااااااااات

انا متضايجه وماعرف لي متى بظل هالضيجه فيني ،، المهم اني اكتب لاي حد لو انه الموضوع مايستاهل في نظر غيري بس عندي دامه مضايجني اكيد يستاهل.. انا صار لي متزوجه سنتين ولين هاليوم مب قادره اتأقلم على العيشه في بيت اهل زوجي مع العلم انه بيت اهل زوجي مافيه غيري انا وعمتي وزوجي واخوانه اثنين اصغار بس مايلسون في البيت،، عندي طفله صغيره ،، بس انا كنت متعوده في بيت اهلي على اللمه والطلعه والضحك والسوالف مع خواتي وخواني بس لما عرست انعدم هالشي في بيت زوجي لانه ماعندي حد في البيت اعاني من وحده قاتله للغاية مب قادره اتعود على العيشه صرت عصبية نكدية كريهه ما انطاق وريلي عارف اللي فيني ويحاول يعوضني عن هالشي بس مب قادر لاني انا تربيت على اللمه وسط اهلي ،، :sad: دايما اتمنى اني ماعرست واكره الساعه اللي عرست فيها :sad: احاول اعود نفسي بس كيف ؟؟؟ مع من اتكلم مع من اضحك مع من اطلع وادخل؟؟:confused: زوجي يطلع معاي وايسولف معاي بس انا مفتقده والله حنان الاهل اللي مايعوضه اي حنان في هالدنيا مفتقده خواني وخواتي ابوي وامي :sad: ،، قولولي شسوي انصحوني؟؟ لاني تعبت؟؟ احاول اشغل نفسي في اي شي اطبخ انظف اكنس بس الحزن في خاطري في كل لحظه ودقيقه وثانيه ،، ولما اكلم اهلي لازم اسكر والدموع مغرقه ويهي :confused:

قلب الفجيره
15/11/2006, 10:35 AM
الله يعينج اختي
حاولي تشغلين وقتج ويا بنتج
خلي اهلج يزورونج ...
روحي بالويكند اقعدي عندهم

^^روز^^
15/11/2006, 11:10 AM
اختي انتي بديرة واهلك بديرة يعني

حبيبتي مها كان الزواج سنة الحياه

الدنيا مثل ماتعطي تاخذ بعد

يعني اذا زوجج يحاول يعوضج انتي بعد حاولي تشغلين وقتج معاه

وزوري اهلج بين فترة والثانيه تغيرين جو

بس لاتحسسينه انه مقصر معاج


اذا ام زوجج زينه احسبيها مثل امج وسولفي معاها وضحكي معاها

وسعي صدرج وذا يجونها جيرانها اجلسي معاهم غيري جو

واذا تبين تشغلين نفسج اكثر سجلي في معهد او ادرسي اي شي

الله يفرجها عليج وعلينا ان شاءالله

Um_3boody
15/11/2006, 11:53 AM
لازم ياحبيبتي تتاقلمين مو عشان شي عشااا بنتج وريلج الي يحبج
واذا علي اللمه روحي سيري عند هلج غيري علي نفسك الجوو ولاتشغلين نفسج في شي مثل هذي السالفه

smsm78
15/11/2006, 12:19 PM
يا اختي روح 22:
انا معاج ان الاهل ما يتعوضون مهما وش صار، بس هذي حياتج ولازم تتعودين عليها، من كلامج انه ريلج ما مقصر معاج ويحاول يأقلمج مع اهله بس انتي شم متقبله الوضع...
انا مثلج: مستحيييييييييييل ما اكلم امي كل يوم، مسسسسسسسستحيل ما ازورها بالبيت ، اذا انا ما رحت بيت اهلي او كلمتهم ، هم يزوروني بالبيت، انا ما تتخيلين كيف احب شئ اسمه اهلي، اموت لو ما تواصلت معاهم، لدرجة اني الحين ساكنة في بيت اجار صبرت عليه وانه يلوع بالجبد، بس كفاية ان الجدار بالجدار مع بيت اهلي، اي وقت اروح والله حتى ولو الساعة 2 بالليل اروح، اروح اي وقت، الحمد لله ريلي متقبل ان علاقتي باهلي وايد وايد قوية، حتى صار مثلي ما يستغنى عنهم، الحين قاعدة اشتري اثاث بيتي الجديد ، صح فرحانة في بيتي بس زعلانة اني بفارق اهلي وانا معاهم 24 ساعة، و خواتي ما راح يقصورن ولا ريلي بيودوني لبيت اهلي اي وقت، احنا لمة 24 ساعة، يا في بيت اهلي يا في بيت اختي يا عند مرت اوي يعني ما عندنا كل ثنتين او 3 يقعدون بروحهم ، انا حاسة فيج وحاسة بالكلام اللي تقولينه لأني انا احس انش مفتقده هالشئ، بس حاولي تتأقلمين ، ريلج ما منعج انج تزورينهم، بالعكس يحليله يحاول يساعدج..
والله يبرد قلبج انشاء الله ولا يحرمج من اهلج
http://www.br2h.com/up/uploads/5371fa9a66.gif

ماروكووو
15/11/2006, 12:34 PM
الغاليه ليش انتي معقده نفسج ومكبره الموضوع ؟؟؟؟ بالعكس البنت مالها الا بيتها وزوجها ... انتي كان لازم بالبدايه تكونين عارفه انه الزواج يعني خلاص بتبتعدين عن اهلج وناسج وما بتشوفينهم كل يوم وكل ساعه نفس قبل ؟؟؟ الغريبه انج لما اتكلميهم تسكرين عنهم ...؟؟ انزين ليش ؟ بالعكس انتي مو الوحيده بالعالم اللي تزوجت واغتربت عن اهلها ... الناس كلهم جيه بالعكس انا اشوف انه الوحده تتصل وتسولف ويا اهلها وتزورهم بين الوقت والثاني بسمالها الا الرده لزوجها وبيتها وعيالها ... خلاص حبيبتي لازم تتاقلمين لانه مافيه غير ها الحل يعني شو بتسوين بتتركين زوجج وعيالج وبتروحين لهلج ؟؟؟ لا طبعا يعني مافيه غير تتعودين وتحاولين ولا تقولين ما اقدر بالعكس انتي قدها ... يمكن انتي لانج مو قاعده في بيت بروحج حاسه انج غريبه بس حتى في بيت اهل زوجج انتي اقعدي وياهم انتي سوي الجو اللي يناسبج اعزمي اهلج مره انتي عندهم ومره اهم عندج يعني سوي اللي تبينه بس بطريقه ثانيه وتناسب اهلج واهله وتناسبج
وما دام زوجج زين وياج ويحبج وياحاول يخفف عنج فلازم تساعدينه انه يشغل وقتج وتفكيرج ..
انتي ليش مثلا ما تروحين اسبوع عند اهلج زياره تخيلي مار اح تشتاقبين لزوجج وبيتج؟؟؟ والله انا بموت ما اتحمل فراقهم صح انه سوالف اهلي حلوه وخواتي ماليين علي الدنيا بس ما اقدر انا الحين زوجه ريال لازم مردي لزوجي وبيتي ما لي حس بالدنيا من غيرهم ... انتي حاااااولي ومحاولتج ان شاء الله بنتيجه لانه بكل الاحوال مالج الا زوجج وعيالج وبيتج والله يخليهم لج ويخلي اهلج وما تنحرمين منهم

الجرح الدامي
15/11/2006, 01:08 PM
الله يعينج اختي
حاولي تشغلين وقتج ويا بنتج واذا بتج صغيره يعني ما عندها روضه او مدرسه خلي ريلج يوديج مده بيت اهلح وترتاحين معاهم شوي

مدري وش اسمي
15/11/2006, 01:12 PM
انا اقول لو تدورين لك وظيفه اي شي مو مهم مرتبها بقدر اهميه راحتك يالغاليه
يعني بتكونين مشغوله حيل
مثلا الصباح في الدوام والظهر ترجعين تعبانه تحطين راسك وتنامين والعصر مع عمتك ام زوجك وبتنشغلين في بيتك وبيروح عليك الوقت

wispy girl
15/11/2006, 02:13 PM
اختي كل بنت مصيرها الزواج وان شاء الله باجر تكون اللمه في بنتج وياريلج وعيالج بس خلي بالج طويل واصبري الصبر مفتاح الفرج

روح 22
15/11/2006, 02:17 PM
قلب الفجيرة ،،، روز،،،، نورره ،،، روعة دبي ،،،ماروكوو ،،، أم زايد ،،، مدري وش اسمي،،

اشكركم من كل قلبي والله يخليكم لأحبابكم وبصراحه انا كنت محتاجه اطلع اللي في خاطري لاي حد ،، وانتوا ماشاء الله ماقصرتوا معاي،،

روعة دبي: كلامج عسل ويريح القلب وتسلمين على النصيحه الغالية
قلب الفجيرة : ماقول غير الله يريح قلبج مثل ماريحتي قلبي بكلامج الطيب
مارووكو: كلامج وايد شدني وبإذن الله ماراح اخيب ظنج
أم زايد: انا اروح عند اهلي بس لانه بعيد وايد فما يقدر ريلي يوديني دايماً
مدري وش اسمي: انا احاول ادور لي شغله مع اني خريجة جامعة بس الحمدلله على كل حال
نورره: مشكوووره على المرووور

ولكم مني احلى تحية............

روح 22
15/11/2006, 02:30 PM
الله يسمع منج اختي (انسه فله)
وتسلمين على المروووووووووور

Nouvelle Vie
15/11/2006, 04:03 PM
حبيبتي لا تخسرين زوجج وبنتج عشان هالسبب كلنا كنا متعودين على شي ويوم اتزوجنا صار شي ثاني. انا نفس وضعج بس الحمدلله مب مضيقة على نفسي ولا على زوجي اتصل في خواتي باليوم يمكن خمس مرات واسير اقعد عندهم في الويكند واستانس وارجع مع ريلي عند اهله يعني انتي بيدج تسعدين نفسج او اتضيقين على عمرج وريلج

اتمنى لج كل خير

اسيرة قلبه
15/11/2006, 11:52 PM
http://www.3roos.com/up3/asoorah.gif


هلا حبيبتي
الله يطمن قلبك ويريحك بالك
انا مادري هل انتي ساكنه بمدينة غير مدينة اهلك والا كيف ؟؟
على العموم الحمد لله التلفونات تقرب البعيد واذا هم بنفس ديرتك روحي لهم زيارة بالويك اند
وهم يزورونك ونصيحتي لك لاتوضحين لزوجك انك متضايقه على طول عشان مايزعل ويحس انه ما ملى عينك او اهله مقصرين معك




http://www.3roos.com/up3/asoorahe.gif

شمعه جلاس قطر
15/11/2006, 11:57 PM
ربي يعينج .. انا بسكن مع امي في نفس الفريج ان شا الله وعلى ذلك لازال الخوف من المستقبل مخوفني
دعواتكم

ربي يحميكم

بحرينية أصل
16/11/2006, 12:08 AM
دائما احنا البنات مانقدر نبتعد عن حضن اهلنا خصوصا انا لما تزوجت مع ان بيت اهل زوجي مايبعد عن بيتنا وايد يعني بالسيارة 10 دقايق بس طلعت وانا اصيييح يوم حفلة زواجنا قضيته بالصياح مابي اطلع من حجرتي ولا من عند اهلي بس صرت ازورهم والحين تاقلمت على بيت عمي وصرت ماحب اروح بيت اهلي وايد ههههههه لان الدراسه والبيت ماخذين وقتي

انتي يالغاليه وايده متعلقه باهلج من جذي مو قادرة تتعودين على الحياة الهادئة اللي في بيت عمج بس دام زوجج قاعد يعوضج ومايقصر معاج حاولي ماتزعلينه لانه مايستاهل منج الا انج تفرحين قلبه مثل مايحاول يخليج مستانسه

نوووسهUAE
16/11/2006, 12:40 AM
واايد بنات نفس حالاتج والله يصبركم

عذاري...
16/11/2006, 02:38 AM
اختي ليش ما تحاولين تلاقين لج وظيفة حتى تشغلين نفسج؟؟؟

مدللة
16/11/2006, 08:24 AM
انا اتغربت وسافرت استراليا ويا زوجي وعرفت شو يعني البعد عن الاهل تعذبت وتعلمت الكثير وابغي افيدج حبيبتي

أولا وقبل كل شي تفاءلي وخلج دايما سعيده مبتسمه راضيه يا سلااااااااام كم يسوى الرضا

ثانيا احمدي الله انج ترومين تشوفينهم حتى لو بالاسبوع مره هذي نعمه وايدات محرومات منها

ثالثا اشغلي وقتج بالتقرب من الله بالعباده بالصلاه والقرااااان...صدقيني الله بيباركلج وبتلقين الوظيفه المناسبه

في اشيا ثانيه اشغلي وقتج بالطبخ واعداد ما لذ وطاب ... القراءه ....دخول منتديات مفيده...واتعرفي على الجيران

رابعا الرجل يكره المرأه العبوس..بيتحمل ومصيره يمل لا توصلينه لهالحاله لانه اهم شي زوجج واهم شي رضاه


صدقيني وفي المقام الاول النفسيه دايما قولي انا سعيده وراضيه بحياتي وماني ملانه ولا متضايقه انا هالشي تعلمته لاني من كثر الملل اللي كنت اعانيه بالغربه صرت عبوس نكديه كثيره البكاء ومقصره بحق زوجي اللي كان يحاول يرضيني بكل وسيله بس الحمدلله ربيعتي عطتني هالنصايح ودلتني على موقع الحصن النفسي ادخليه بالنت وصدقيني وايد بترتاحين

اتمنالج السعاده وطمنينا عليج

روح 22
16/11/2006, 10:54 AM
الله لايحرمني من نصايحكم وردوكم الجميلة اللي تخلي الواحد يتفائل ويصير عنده طموح بحياته
اشكركم والله من كل قلبي والله لايحرمني منكم ياخواتي فعلاً ارتحت وايد لما قريت ردوكم والله يخليكم لي يا احلى بنات ولايحرمكم من حبايبكم يارب
اختكم روووووووووووووووح

halloola68lb
11/12/2006, 03:41 PM
عزيزتي... حنان الأهل صح ما يتعوض... ولكن وبما أن زوجك كويس معك، حاولي تردي له الجميل وخلي علاقتك بأهله جيدة جدا. يعني اعتبري عمتك زي أمك، وعمك زي والدك. اخرجي مع عمتك للسوق واطبخي معها. سولفي مع عمك. والله يخليلك بنتك أكيد رح تاخد معظم وقتك. زوري أهلك كلما سنحت الفرصة. وطبعا اقضي وقت كبير مع زوجك. ادعي صديقاتك لمنزل عمك. يعني الحمدلله رزقك بزوج محب والولد والأهل... لا تتحسري على شي واحمدي الله على كل شيء
الله يوفق

alshegra
11/12/2006, 05:55 PM
اختي الغاليه انا بعد اشوغ انك لازم تتأقلين مع الوضع الجديد وفي نفس الوقت تكملي علاقتك مع اهلك وتكلمينهم وتزورنهم زوجك متفهم وهاي شي مساعد هاي سنه الحياه على كل حال كل شي فيها يتغير .

*داانة البحرين*
11/12/2006, 06:29 PM
هلا اختي روووووووووووح

بس حبيت اشارككم في لموضوع واحب اقولج قولي الحمدلله غيرج

في غربه بعيد عن داره واهله مافي حتى ريحة هله لا وفوق ذي

مشاكل مع خوات او اخوان الزوج الحمدلله لا تخلين الملل يسيطر

على حياتج الي الف وحده تتمناها لا عوار راس ولا هم كفايه عندج

ريحة هلج يعني في ديرتج وهذي رايي والله يوفقج ويسعدج

توتى وشيكو
11/12/2006, 06:39 PM
اختى العزيزة الاهل بالنسبه للبنت بيكونوا كل حاجه بتتعلق بيهم وبتحبهم وليها معاهم ذكريات كتيره وحلوة بس انا ليا رأى ان البنت فى بيت اهلها زى فرع الشجرة وابوها وامها جزور الشجره وفى بيت جوزها بتكون هى اساس الشجرة وبيتها مملكتها وليها دور كبير جدا فى بيتها وكتير مننا بيضحى عشان بيته وحرام تنكدى على جوزك لانه مالوش زمب ومع الوقت هيزهق فبلاش تجيبى الهم على بيتك بايدك واحمدى ربك انك بتشوفى اهلك لما تحبى انا مثلا بعشق اهلى وخصوصا ماما لكن بشوفهم كل سنه فى الاجازة هما متغربين فى بلد وانا فى التانيه فقولى الحمد لله فى ناس اسوء منى وعايشين او بمعنى اصح متعايشين مع الوضع

اللؤلؤة الثمينة
11/12/2006, 07:16 PM
اختي
أسأل الله ان يفرج همك و يجعل لك من كل هم فرجا ومن كل ضيق مخرجا
احمدي الله ان زوجك طيب القلب انظري لمن هم ادنى منك لمن زوجها يضربها ليل نهار مثلا او يشتمها فالحمدلله ان زوجك يحبك الله لا يغير عليكم
انا مريت بتجربة مثلك كنت كل يوم ابكي لكن الحمد لله الله رزقني ولدين لم كبرو بدأت حياتي ترجع لي زوجي كثير الاسفار و لدي الاول عمرة 7 والثاني 5 و الحين ادور علوقت اللي اروق في و امارس هواياتي صدقيني كلهم كانو ينصحوني لم يكبرو اولادك رح تنشغلي
يعدين اقترح عليكي تدوري عمل مدرسة مثلا خذي بنتك معاك في الحضانة رح تغيري جو وتشوفي الناس و بتتحسن نفسيتك كثير و بعدين على الاقل تجي في الليل تنامي من التعب و لا يكون عندك فرصة تجيكي هواجس الشيطان
واكثري من الاستغفار والدعاء فإن فيه الفرج و سرور القلب ولكن صدقيني اذا كانت هذه مشكلتك فهي محلولة بإذن الله