المساعد الشخصي الرقمي

مشاهدة النسخة كاملة : طرق لتزين ألبومات الصور



مرح
19/02/2003, 01:25 AM
السلام عليكم ورحمة الله و بركاته

صباح الخير لداخلين في الصباح و مساء الخير للداخلين في المساء

ندخل في مو ضوعنا و هو الكثير منا لديه ألبوم يحتفض بصوره فيه هذا أذا مو الكل و يش شرايكم نتبادل طرق لتزين هذه الألبومات ليزداد جمالها أنا عندي بعض الطرق بعطيكم هذي الطريقة اللي أتمنى تعجبكم و بعدين بشوف طرقكم أنتون أتمنى أن أرى التفاعل منكن أخواتي
الطريقة تحتاج الى مقادير في البداية

المقادير:ورق A4 أبيض
نسكافيه مذوب في ماء ماء دافيء
وعاء كبير تحطين فيه النسكافيه

الطريقة..
تحطين الورقة وهي مفرودة في النسكافيه.. تطلعينها وتطوينها بإيدك بس بلطف عشان ما تتقطع..
افرديها مرة ثانية وحطيها في النسكافيه..
نشفيها شوي بإيدك وهي مفرودة طبعا و حطيها في الشمس..

بعد ما تنشف الأوراق.. بيكون لونها بني فاتح مثل ورق المخطوطات القديمة.. إذا تحبين تضيفين لها شوية لمعة.. أكويها..

أنصحك تستخدمين ورق مقوى بني تستخدمينه كخلفية للصورة.. قصي الأطراف بالمقص المشرشر ولصقي عليها الصورة ولصقيها على ورق النسكافيه.. ممكن تسوين العكس.. قصي ورق النسكافيه بحجم يناسب إطار الصورة واحرقي الأطراف.. لصقي عليها الصورة وحطيها على خلفية بنية..

إذا حبيتي تطبعين عليها.. حطيها في الطابعة.. واختاري لون الخط بني أو ذهبي.. و اضيفي صور صغيرة مثل قلوب أو أوراق شجر... وزعيها على الصفحة..
واطبعي الكلام اللي تحبينه.

وبعدين حطيها في الألبوم

واتمنى ان يعجبكم الموضوع و اشوف أبداعتكم

تحياتي أختكم مرح

مرح
19/02/2003, 03:03 PM
:confused: معقولة ما حد رد علي في الموضوع أكيد ما عجبكم

حوااااء
19/02/2003, 05:42 PM
تسلمين اختي على الطريقه;)

بس كيف نطويها ما فهمت عليج يعني انربعها ولا نقرفصها ولا شو؟



اختج في الله
حوااااء

ضياء القمر
19/02/2003, 06:48 PM
مشكورة أختي شكل الطريقة روعة:)







بس و ضحي أكثر لأني ما فهمتا للأسف:(






مع تحياتي لك
____________

http://216.40.249.192/mysmilies/kao/otn/pbunny.gif

حسـاسّـــــه
19/02/2003, 08:14 PM
تجنن الفكره..بجربه..
يعطيك العافيه

مرح
21/02/2003, 12:50 AM
مرااااحب

أهلين أختي حواء تطويها يعني تحطين نهاية الورقة على بدايتها و بعدين بتصير قسمين يمين و يسار و اسمحلي يمكن ما عرفت أوصلش المعلومة بالشكل الصحيح:o

مرحبا أختي ضياء القمر و العفو بس تبين أوضح لش أي نقطة في الطريقة:)

أهلين أختي حساسة الله يعافيك بس أذا عندك طريقة أنت بعد شاركينا بها :)

تحياتي لكم -مرح-

أم عدول
13/12/2004, 02:58 AM
السلام عليكم ورحمة الله وبركاته
تسلمين على المشاركة الرائعة
ربي يعطيكِ ألف عافية ... ويزيدكِ من علمه
لا تحرمينا من جديدكِ

تقبلي تحياتي
ام عدول