المساعد الشخصي الرقمي

مشاهدة النسخة كاملة : تايهه..ومحتاايه مساااعده :( بلييييز



visitor
05/11/2006, 05:39 PM
مرحبااا

بنات انا مخطووبه وعرسي باذن الله بيكون فالصيف هذااا .. بس من قالولي

وانااا دايم افكر وبالي مشغول ومتشتته افكاري .. والمشكله لازم ارفع معدلي ودراستي هالكورس

صعبه وايد .. دايم افكر كيف اكون حلوه وكيف اضعف لين الصيف رغم اني مب دووبه بس ماازره

ودوووم مخليه في بالي اني ماا بعييبه واخاااف يقووول شي رغم انه هو اللي اختاارني وشاافني

اياام المدرسه وعنده صورتي <<< من اهلي ..

بعدني ما ملجت واحتمال اني فالملجه بشووفه بس داايم افكر كيف بكسبه كيف بتعامل ويااه وكيف وكيف

وبعد مخليه في بالي ان حرمه اخوووه حلوووووه وايد واسلوووب مااشااء الله عليها وانا خاايفه من المقاارنه .. لان عندنا العيايز يقارنن

واحيانا اخاااف من اختياااري لاني انا وياااه نفس العمر بس هو اكبر عني بشهوور ..

بس اللي مخليني مقتنعه طووول فتره الخطبه وما غير رااايه وبالعكس اكثر متمسك فيه

واناا اخااااف بعد هالتمسك وحبه لي اني اقصر في حقه ...


وفي نفس الوقت افكر في دراااستي مب رايمه اركز عليه امتحانات واحس شي اسمه حفظ انحذف من قايمتي ...

واحس بصدااع دايم والسبب هالشي ... مب عااارفه صدق تايهه ..


امي تقولي البنت تفرح بعرسها مب اتم جيييه مكتئبه ودووم تقولي حمدي ربج انه هو اللي يبااج ويحبج ( الحمد الله والله يخليه لي )

بس والله يااا بنات مدري شووو بلاني .. الافكار توديني وتييبني واحس اني تايهه ..

ميــــــــس
05/11/2006, 08:07 PM
يا حلوة يا بطرانة

أول شيء

ألف ألف ألف مبروووووووووووك

والله يتمم على خير


وأقول

ترى كالأفكار إلي في راسك وساوس

يعني مدام شافك واختارك ليش قلقانة ..... وش جابرة عليكي غذا ما عجبتيه


بعدين الكل هنا ومن خلال تجربتهم يقولون إن الجمال مش كل شيء


أنا أشوف انك مادام من الحين شايله همه وودك راحته
وأنك تكونين الأولى في حياته

فهذه بشارة خير

لأنك اكيد بتتفانين في تحقيق حياة حلووووووووووة وسعيدة باذن الله



حبيبتي

هوني على نفسك وعيشي ايام الملكة بسعادة ومتعة
وحتى أيام الدراسة

مولا زم كل شيء 100%

بصراحة لأيام الدراسة لذتها حتى لو ماجبنا مجموعة <<<<<<<< ترى مو معناته اني خائبة

في كثير اشياء أهم من التحصيل الدراسي احنا نهملها

منها المرح والسعادة والأفكار العفوية والجميلة



غاليتي يا أحلى بطرانة


وصيتي


عيشي هالفترة


الملكة

والدراسة


بكل المتع إلي فيها

وخلي بكرة لبكرة
وكل شيء بأمر الله

...

ريحانه0
06/11/2006, 12:41 PM
مبروووووووووووك يالله عقبال ماشوفي في قسم الافكار تبين تسوين مفاجئه له ههههههههه


ياعمري لاتخلين يشطان يشتت افكارك لا عادي خلي اسلوبك حلو تكسبين زوجك وامه بعد ومرت اخوه خلي لسانك يقطر عسل

ومرحه وفرفوشه ولاتشيلين هم فكري الحين بفستان ملكتك واللون ولاتبينين غيرتك من مرت اخوه بالعكس انتي بتكونين العروس والاهتمام كله من صب عليك والعيون بعد فلذلك خليك بطبيعتك بنوته نعومه دلوعه لان هذا كل يحبه الرجل

ودايم ادعي انه ربي يسهلك الزواج من ناحيه الفستان والتسريحه والمكياج والله انا دايم كنت ادعي

والحمدلله تيسرت وطلعت اهبل مع انه دايم المكياج مايطلع حلو علي

يالله ياعسل طولت عليك بس الحمدلله انتي ماعندك مشكله بس نصيحتي لك لاتنكدين على نفسك وعيش يكل فتره الخطوبه والملكه والزواج لانه بتسير ذكريات وتقولين فين كان عقلي ليه ماسويت كذا

السموحه ياقمر000

دمووعة..
06/11/2006, 12:50 PM
ألف ألف مبروووووووووووك... عقبال ما نرقص بعرسج يا رب

امممم الله يهنيج يا رب ولا تخربين على روحج ودراستج وأكيد راح يستانس اكثر منج يوم انج تهتمين بالدراسة ولو المجموع مب اوووكي ... بالتوفيق يا رب


لا تنسين تعزمينا ^_^

اسيرة قلبه
06/11/2006, 12:50 PM
http://www.3roos.com/up3/asoorah.gif



هدي حبيبتي وتعوذي من الشيطان ودامه هو اللي اختارك هذي اكبر شي يخليك واثقه من نفسك

واثق الخطى يمشي ملكا :)

خليك واثقه من نفسه وطبيعيه جدا وحطي فبالك اذا شتتي افكارك وفكرتي بهالشكل كذا بتخسرين

لكن حطي فبالك انك اذا صرتي عادي ريلاكس والامور بنظرتك ماشيه تمام بإذن الله الواحد الأحد بتشوفين كل شي متيسر

هي كل الدعوه قناعة ذاتيه وتمشي الامور ,, اقتنعي بكل شي وابعدي عنك اي شي يعكر مزاجك ويضيق صدرك

ولاتسنين تكثرين من الاستغفار والاذكار

وربي يسهل عليك

وحطي بالك لدراستك وانها هي اللي بتنفعك اكثر واكثر


http://www.3roos.com/up3/asoorahe.gif

مسزز غموضة
06/11/2006, 11:54 PM
عزيزتي الف الف الف مبرووووووووووووووك


تعوذي من ابليس وتوكلي على ربك صدقيني مو لازم حد يقارنك بحد اهم شي لك الستايل وررقتك واناقتك الخاصة فيكي والي يقارنك مالك خص فيه الاهم زوجك واذا حبك واختارك من البنات اكيييد من شي حبه فيش وهو بساطتك وهذه واضحة من كلامك ونعومتك حبوبة


النصيحة انا مثلج في شي لما يكدرني او استعد صح ما متزوجة بس اذا وراج عرس حد من الاهل

وقبل كذا شهر تشوفي صفحات تخطيط للعرس نفسه

حاولي تكتبي دايما الي تريديه ترتبيه وكل نقطه

وشوفي الشهااااااااااااااااااااا اااااااااااااااده اهم شي بحياتك تساوي حياتك مع الشخص
لانها سلاح فركزي وركزي الف مرة بدرستك

بالتوفيق :shy:
حببوبة عندي لج فكرة

خالة سارة
06/11/2006, 11:57 PM
انتى قسمى وقتك بين المذاكرة علشان لازام تنجحى فى اخر السنة
وفى نفس الوقت اعملى رياضة وان شاء الله وزنك يخف وتطلعى احلى عروس

سكون
07/11/2006, 12:00 AM
الله يوفقج ويسعدج معاه
فكري بدراستج الحين عشان تتخرجين وما يشغلج شي عنه وكل شي بوقته حلو

feedback
07/11/2006, 12:06 AM
مبررررررررررررررررررررررر رررررررررررررررررروك


لا تحاتين فديتج بالعكس خلي ها الشي دافع لدراستج واكيد اهو بيستانس اذا درى انج اوكي فهالشي

واذا بديتي توسوسين قومي صلي ركعتين وتعوذي من ابليس وان شاء الله ربي بيسهل امرج وكل اللي تتمنينه بيستوي دخيلج ركزي عالدراسه هذي سلاح في يدج باجر .............ما تدرين الدنيا غداره ومحد ظامن عمره..........