المساعد الشخصي الرقمي

مشاهدة النسخة كاملة : احسه بعده بداخلي ..



غــرور
04/11/2006, 11:06 AM
السلام عليكم ورحمة الله وبركاته ..





بعد ما ضاقت علي الدنيا من كل صوب .. ما لقيت بعد الله .. غيركم ..

الله شاهد .. الله شاهد .. انا كيف نفسيتي محطمة .. ومدمرة ..

ييتكم اليوم بعد ما انتهت البارحه قصة حب عشتها انا اختكم اللي عمري 19 وييتكم عشان تلوموني وتجرحوني لأني استاهل ..

لأني خاينه .. خنت ربي .. اهلي .. ربعي .. نفسي .. عشان انسان ما يستاهل .. يسبني ويجرحني صح يحبني لكن بطريقته المريضه ..

والله يا بنات .. وبدون ما اذكر لكم تفاصيل قصتي معاه ..

للحظه هاي احسه يسكن فيني .. واحسه يوم طلع من حياتي خذا قلبي معاه وبدون اي مبالغة ..

عرفته بس شهرين .. بس شهرين .. وجلب حياتي فوق وتحت ..

جبرني على نفسه ومالقيت حد يخلصني منه .. وشوي شوي تعلقت فيه ..

لين اخر يوم كلمته فيه .. كنت استحي منه .. كان يكره هالشي فيني يبيني جريئة .. كنت اتحراه ييبني اكون واثقه لكن اكتشفت اشيا ثانيه ..

اضطريت ادخل شخص عشان يطلع من حياتي .. لأني ما عدت ابي هاي الحياة السرية اللي كنت اعيشها معاه ..

لأني اشتقت لله سبحانه وتعالى واشتقت للحياة النظيفة ..

برغم إنها كانت فترة قصيرة حسيتها نقطة تغيير كبيرة في حياتي ..

والله يا خواتي احس بالحنين له بمعنى الكلمة .. لأني اول ما افتح عيوني الصبح اشتاق له .. واشتاق لحسه لمى ينادي اسمي .. حبيت اسمي منه .. والله مستحيه وانا اقول هالكلام بس والله هاي مشاعري اللي ابا اتخلص منها .. لأنه ما يستاهل ..

تدرون .. من اسمع بيت شعر حب .. اتذكره .. ومن اسمع طاري الزواج اللي ما كنت افكر فيه حتى .. اتخيل نفسي معاه ..

و من يقولون لي عقبالج .. اتخيله لمى يدخل بيتنا يطلب ايدي من ابوي واهلي ..

والله يا بنات احسه بعده بداخلي .. برغم كل اللي سمعته منه امس .. اظل احبه ..

لكن من ترك شيئا لله عوضه الله خيرا منه ..

والله يا بنات كنت ما اتمنى اعيش اي تجربة حب ولا اي قصة كنت ابا زوجي يكون اول انسان في حياتي ..

واليوم احس نفسي ما استاهل انسان نظيف لأني حبيت قبله ..

اعرف الموضوع متخربط لكن هذا بسبب مشاعري المشوشه .. اعذروني ولكن والله جني فقدت حد من اهلي ..


ما كتبت هالموضوع إلا لأني اباكم تمسكون بيدي وتطلعوني بعد الله سبحانه من اللي انا فيه .. وتدعون لي انساه .. واعيش حياتي بكل هدوء مثل ما كانت قبل .. راضيه اهلي وقبلهم ربي ..

يمكن وايد سمعنا عبارة " جسد بلا روح " .. وانا اليوم امثل هالعبارة ..

ادري البعض بيجرحني لكن والله ما عندي اي اعتراض .. واللي بتقولونه قولوه .. بس لا تخلوني بروحي ..




اختكم ..

بكبك
04/11/2006, 11:21 AM
اختي انتي بعدش صغيرة على هالخرابيط .......... وهذا كله سببه النظرة لازم تعفين نظرش
عن اي حد غريب حتى لو كلمش المفروض ماتعطينه وجه لان لو سويتي العكس راح تتعلقين به
والله العالم عن نيته اللي اكيد كلها شر ولا تحاولين تدافعين عنه لانه لو رجال صدق كان خطبش من
اهلش بس هو مافيه خير يبغى يتسلى فيش ويتخلص منش

ولا تتوقعين انه بيسأل عنش تدرين ليه لانه بيقول هذي مااضمنّها زي ماضحت بأهلها عشاني
هم بتضحي بي عشان غيري .....


استغفري ربش وادعيه يعوضك بالرجال الكفو .... مو من اشباه الرجال

واشغلي نفسك بحاجه تنسيك وتعرفي على صديقة تكون معينة لش في السراء والضراء

غلا عمـــــري
04/11/2006, 11:28 AM
..

ما شاء الله على اسلوبج .. والله حسيت انج تتكلمين من قلبج .. بس تعتقدين يستاهل ؟؟

دامه ما احترمج ولا قدرج وانتي حبيبته ... بيحترمج وانتي زوجتــه ..؟

صدقيني كثير من البنات مروا في حالتج .. بس من افترقوا عن الشخص اللي يحبونه راحوا لغيره .. بس انتي ما شاء الله عليج على قولتج ( لأني اشتقت لله سبحانه وتعالى واشتقت للحياة النظيفة ) كبرتي في عيني ..

حبيبتي اعتبريهااا ذكرى في حياتج وانتهت ... وادعي ربج يعوضج باللي تتمنيه وتستاهلين حبه .. وربج ما ينسى عبااده :)

لي رجعــه

اسيرة قلبه
04/11/2006, 11:29 AM
http://www.3roos.com/up3/asoorah.gif



لاحول ولاقوة الا بالله

اسأل الله العظيم ان يهديك ويثبتك على طاعته

اختي الحبيبه

اتمنى تحطين براسك شغله وحده عشان ماتضعفين صدقيني الشباب همهم شي واحد مهما اختلفت اساليبهم وبالنهايه مستحيل ياخذك يا انه بيتعذر بأهله او من هالاسطوانات المكرره

لذلك ماعتقد اللي مريتي فيه حب وجعلك ماتحبينه ولاحتى تحبين طاريه ومهما حاول يتواصل معك

لاتعطينه اي مجال طيعيني بكره بتندمين وللمعلوميه لايغرك اذا حاول وحاول وحاول يكلمك معناته انه يحبك لااااا يالغاليه هذا اسلوبهم لأن عندهم قناعه (كثر الدق يفك اللحام مع البنت)

وما ييأسون ابدددددددا لأنهم عارفين ان البنت بتخض لهم بأي لحظه

وكلي امرك لربك وصدقيني بتعيش بسلام وربي بيعينك

وتعوذي من الشيطان كل مايجي فبالك

وكل كلمه كتبتيها اتمنى ماتفكرين فيها ابد

واحفظي الله يحفظك

وتذكري ان هالشي معصيه وماحد يضمن عمره ولاقدر الله الوحده ماتت بس شلون تقابل ربها !!!!!!


http://www.3roos.com/up3/asoorahe.gif

غلا عمـــــري
04/11/2006, 11:31 AM
..

ما شاء الله على اسلوبج .. والله حسيت انج تتكلمين من قلبج .. بس تعتقدين هالشخص يستاهل ؟؟

دامه ما احترمج ولا قدرج وانتي حبيبته ... بيحترمج وانتي زوجتــه ..؟

صدقيني كثير من البنات مروا في حالتج .. بس من افترقوا عن الشخص اللي يحبونه راحوا لغيره .. بس انتي ما شاء الله عليج على قولتج ( لأني اشتقت لله سبحانه وتعالى واشتقت للحياة النظيفة ) كبرتي في عيني ..

حبيبتي اعتبريهااا ذكرى في حياتج وانتهت ... وادعي ربج يعوضج باللي تتمنيه وتستاهلين حبه .. وربج ما ينسى عبااده :) ..وان شاء الله بيعوضج بأحسن منه

لي رجعــه

شمعه جلاس قطر
04/11/2006, 11:39 AM
ربي يحميج ويكملج بعقلج
تصرفج صح مليون في الميه .. بس الخوف من الشوق .. امانه عليج لا تستسلمين لمشاعرج
ومن تحنين له او تشتاقين له تعوذي من الشيطان واقري لج كم سوره من القران الكريم .. وتذكري عقاب ربج .. ولو ان ابوج او اخوانج او حتى اي واحد من هلج عمج خالج عيالهم .. لو اكتشفوا هالشي .. او شافوج تكلمينه او طلع حد منهم يعرفه .. وتكلم عنج .. اشلون بتكون صورتج .. وفضيحتج


عزيزتي .. استمري على اللي انتي فيه .. وخلج اكثر صلابه وربي يمسح على قلبج ويعوضج خير بزوج يصونج .. ويداري مشاعرج


يحميج ربي من كل شر .. ويعمي عنج عيون الشياطين

غــرور
04/11/2006, 11:51 AM
وقفتكم كم تسوى والله ..

.
.


اختي بكبك ..

والله اختي انا ما افكر ارجع له .. ولا حتى افكر ادافع عنه ..

ادري اني صغيره عشان جي ابا انساه ..

اباكم تدعون لي .. وتوقفون معاي ..

لأن الإنسان يضعف بروحه .. ويبا اخوان يشدون من ازره ويعينونه ..

لا تتحرين إني خذت رقمه من الشارع حشى عليه .. انا وربي شاهد بنت ملتزمه بالحجاب الشرعي ومحترمه نفسي وغاضه بصري الحمدلله ولا لي اي تجارب او تعامل مع الرجال اللي حولي وابتعد عن هالشيء كثر ما اقدر ومحد يتجرا يرقمني وغيره وانا تركته من نفسي لأني تعبت وخفت من الله سبحانه ..

اشكرج كل الشكر على تواجدج .. ولا تنسيني من دعواتج ..



اختي غلا عمري ..

ما تدرين كيف كلامج حسيته دخل قلبي والله ..

لا والله يا اختي ما يستاهل .. عشان جيه ابا انساه ..

كل وقتي افكر فيه .. شو يسوي .. زعلان ولا متضايق .. شبعان ولا يوعان ..

يفكر فيني ولا خلاص نساني ..

اول ما اقوم الصبح تنترس عيوني بالدموع لأني والله تعودت إنه هو اللي يوعيني من الرقاد ..

بس خلاص ابا احط حد لتفكيري فيه واليوم انا ابا ارجع مثل ما كنت واحسن بوايد ..

وابا اعدل علاقتي بربي واهلي وربعي ..

انتظر عودتج بكل شوق ..

لج مني كل التقدير على تواجدج يا بنت بلادي .. وشكرا لأنج خذتي من وقتج عشان تساعدين اختج .. ربي يجعل وقفتج في ميزان حسناتج .. ولا تنسيني من دعواتج ..



اختي اسيره قلبي ..

الشيء اللي يخليني اكره نفسي .. اني اعرف إني ما يستاهل تفكيري فيه ..

وصح كلامج هو ما يفرق عن غيره .. واهدافه ما تفرق عنهم ابد .. بس يفكرون بشي واحد .. وانا مستحيل افرط بشرفي وشرف اهلي ..

والله صدقج .. اللي كان يخوفني إني لو مت وانا اكلمه كيف بجابل ربي .. وانا اعصيه ليل ونهار مع هالإنسان الجذاب ..

جزاج الله كل خير لأنج شاركتي اختج همها .. ولا تنسيني من دعواتج ابد ..


شمعة جلاس قطر ..

اللهم آمين وياج يالغلا ..

يعلني فداج يالغاليه .. كلامج والله بلسم عالقلب .. ما تدرين كيف ارتحت من كلامج ..

والله كلمتج هزتني .. ( امانه عليج لا تستسلمين لمشاعرج ) .. حسيتها عطتني بعض القوة اللي كنت اباها ..

والله يا اختي انا مب ناويه استسلم لمشاعري عشان جيه اباكم وياي .. وما ابي افضح هلي بين العرب والناس ولا ودي ادق بروسهم الارض عشان جذه تركته ..

يزاج الله كل خير اختي .. ودخيلج دخيلج ادعي لاختج في صلاتج ولا تنسينها ..

هدوية
04/11/2006, 12:09 PM
هاى every one

والله يا اختى اللى انتى قاعدة تمرين فية الحين ما لة اسم الا ( لعب عيال )
صدقيني هذا مو حب هذا شي اسمة اهتمام زايد او اعجاب وانبهار ، بس حب ؟؟ انا كلش ما اعتقد الحب تدعمة عدة مقومات منها التفاهم ، الاحترام ، الاخلاص ، الصدق ، الوفاء ، التفاني ، المودة .

كل هذي الاحاسيس والعواطف ما اعتقد انة مداج تحسين وتشعرين فيها بشهرين هذي احاسيس تتولد مع العشرة مو بين يوم وليلة

كلنا مرينا بقصص حب في فترة مراهقتنا وكبرنا ونسينا وتزوجنا والحين كل ما ذكرنا الماضي قعدنا نضحك ونقول صج كان لعب يهال

وفا زايد
04/11/2006, 12:19 PM
هلا حبيبتي غرور .. ويامرحبا الساع بعضوتنا الجديدة
في البداية .. أحب أهنيج على الخطوة اللي اتخذتيها واللي تدل على كبر عقلج وتفكيرج رغم صغر سنج نسبيا
ومثل ماقلتي حبيبتي من ترك شيئا لله عوضه الله خيرا منه .. فلا تندمين أبدا على قرار تركك له .. وما أعتقد انه يستاهل كل هالحزن عليه.. صحيح يمكن صعبة في البداية عليج هالشيء .. بس كل ما أقنعتي نفسج انه انسان مايستاهل ابدا وانه من هالشباب اللي كل همه يلعب على اي بنت خاصة لو كانت هذي اول تجربة لها .. وصدقيني هو يتلاعب على قد مايقدر بس عشان يخلي الوحدة تحس انه ما يكذب عليها.. لكن اقول الحمد لله انج تنبهتي لهالشيء قبل مايفوت الأوان وتخسرين أكثر وأكثر.. احمدي الله انه خلصج منه وبينلج حقيقته والحمد لله خرجت من هالتجربة واللي أشوفه قوية ..ومعافية.. مؤمنة.. تخاف ربها وتحب أهلها.. وتخاف على سمعتها..وهذا بحد ذاته نعمة كبيرة ان الواحد يحس بغلطته ويندم عليها .. وهذي رحمة من رب العالمين.. فاحمدي الله حبيبتي و شيلي كل هالأحاسيس من قلبج واعرفي ان ربي وياج .. واعرفي ان الله يقبل توبة العبد .. فما أجمل ان نعرف خطأنا وما نتمادى فيه ونرجع لرب العالمين نادمين نطلب المغفرة والعون منه فهو اكرم الأكرمين..
ولاتقولين انج طلعتي من هالتجربة " روح بلا جسد" .. لا حبيبتي بالعكس الحين ردتلج الروح .. لأنج انتبهتي للي كنتي فيه..
ويمكن تحسين بهالشيء لأنه توج طالعة من هالتجربة .. كلها كم يوم وتردين أحسن من أول .. بايمانج ودعائج المستمر .. وصلي قيام الليل وناجي رب العالمين وادعيه انه يخفف عنج ويعوضج بالزوج الصالح .. وانت بعدج صغيرة ياعمري..فانتبهي على حياتج ودراستج واشغلي وقتج ويا أهلج وبلي ينفعج
تحياتي لعضوتنا الصغيرة .. الكبيرة في حكمتها وعقلها .. فلا تخذلينا لأننا نتوقع الأحسن منج ..وهذا اللي حسينا من أسلوبج الواعي.. أسأل الله العلي القدير أن يزيل همك ويخفف عنك وينير دربك ويرزقك الخير والحلال دوما

أختج.. وفا زايد

الجرح الدامي
04/11/2006, 12:28 PM
على فكره الله يحيج لاتج انتي انسانه الضمير بعده صاحي وياج ،وانا اهنيج من كل قلبي.

واتمنى ما تضعفين تحت اي ظرف وتعودين له لانه ببساطه ما بستاهلج ويحاول يلعب بيج لا باي شيء ما بنيته الزواج

والله بثبتج على الطاعه وطمنيتا عليج والله يوفقج

مياسة
04/11/2006, 12:38 PM
ماعرف شو اقولج

بس خلي قلبج قوي

ولا تتعلقين في حد الا اللي بيي من باب بيتكم

لان اللي من الدريشه لاتتوقعين انه ياي يبى خير وشي شريف


الله يقوي قلبج ان شاء الله

العروس سوسو
04/11/2006, 12:42 PM
حبيبتي الحب مو عيب ولا حرام ولا ذنب خاصة الحب ايلي مثل حبك لانك ما تعديتي الحدود وتركتي هالشخص لما شفتيه غير جاد ويحب اللعب

حبيبتي الحالة ايلي انت فيها اسمها الحب الاول

والحب الاول بكون جارف وداااااااااااااايما نهايته الفشل

وبكون عادة بدون وعي ولا تفكير ولا تخطيط مسبق

انا \اقول هالكلام من تجربة شخصية ، حبيت شخص وانا في عمر 18 وتركته بعد اني اكتشفت انه يحب يلعب بس ....... وهذه حال معظم صديقاتي مع الحب الاول .......

ولما صرت 24 حبيت شخص آخر وهو خطيبي الآن وخطبني اول ما تصارحنا بالحب

وشتان بين هذا وذاك والله اسب نفسي واقول كيف وليش وعلى شو كنت احب هذاك الشخص !!!

صدقيني سن المراهقة بخلي الشخص بدون تفكير وبكون اختياره متهور

ان شاء الله لما بتصيري 23 او 24 رح تفهمي كلامي

وانت صغيرة على الحب :)

غــرور
04/11/2006, 04:35 PM
بنات فديتكم بس ابي اوضح نقطة .. حسيت فيه بنات يتحروني برجع له .. انا ما اوصف مشاعري إلا عشان اثبت لكم إني صدق احتاج وقفتكم معاي وإني صدق احتاج دعواتكم ..

صدقوني برغم كل الشوق اللي يعتصرني انا ما افكر حتى مجرد التفكير إني ارجع له ..

ادري إني يمكن ابالغ ف مشاعري وإنهم للبعض " مجرد " شهرين .. ويمكن هاي مجرد تجربة عابرة ..

لكن قلبي ما عرف غيره .. وكانت عندي ظروف وهو الوحيد اللي وقف معاي .. عشان جي انا متأثرة وايد بغيابه .. وفاقدتنه وايد ..

و ما انكر إني طول اليوم افكر فيه .. وفي كلامه .. وفي اسلوبه .. مع إنه كله جذب في جذب .. وكلام في كلام ..

وما انكر إني كل ما اقول كلمة اتذكره و اشتاق له وايد وايد .. وعيوني تنترس بالدموع لكن مو بيدي إني متعلقة فيه لكن بيدي إني ما ارجع له ..

صدقوني صدقوني والله ما ابي ارجع له ما ابي .. اباكم تشدون علي وتنازعوني وتحذروني وتدعون لي .. ابي طاعة ربي وابي راحة ضميري ..

كلامي مب مفهوم لكن والله ما اعرف شو اقول .. صدق انا تعبانه .. وندمانه إني دخلت في هاي التجربة المره بمعنى الكلمة ..

ادري كلامي مليان تناقض بس لا تلوموني ..

والسموحه لأني وايد اتكلم واشتكي .. هاي اول مره افتح قلبي لـ حد .. لأني مشتته وابا حد يساعدني ..



اختي .. هدوية ..

والله يا اختي ادري هم مجرد شهرين .. بس ما تعرفين هالإنسان كيف سكن في داخلي .. والله مستحيه من كلامي بس هاللي احس فيه ..

تدرين اختي كنت كله ساكته واسمعه وهو يتكلم .. فـ تعودت عليه وتعلقت فيه ..

وحتى مره سافر وكان ما يقدر يتصل فيني وايد ..

بعد الصلاة يلست على السيادة .. وقعدت اصيح .. والكل يتحرا إني مريضه وتعبانه .. بس ما كان فيني شي إلا إني كنت ابا اسمعه وهو يتكلم ..

انا ما اقول هالكلام عشان تتحرين إني ابا ارجع له .. اقول هالكلام عشان ابين لكم انا شكثر متعلقة فيه وانا شكثر اباكم تدعون لي انساه ..

يزاج الله كل خير هدوية وكلامج صح والله .. والله يرزقني النسيان يا رب .. والله يشغلني بدراستي واهلي ..



اختي .. وفا زايد ..

حيالله بنت بلادي ..

كلامج كم يسوى والله .. تسلم يمناج اللي خطت هالكلام .. وصدق إنج بلسم ع القلب يالغاليه ..

( ولاتقولين انج طلعتي من هالتجربة " روح بلا جسد" .. لا حبيبتي بالعكس الحين ردتلج الروح .. لأنج انتبهتي للي كنتي فيه.. )
صادقه والله يا بنت زايد ..
ما تدرين كيف ارتحت من كلامج اللي يحسسني إني اقدر ارجع اقوى واقوى .. وإن هالتجربة ما بتكسرني ولكن بتقوي عودي ..
وبتخليني حذره اكثر ..
يزاج الله كل خير والله يحفظ بنات المسلمين من وهم الحب ..
اشكرج كل الشكر على ردج اللي حسيته من اخت تخاف على اختها وتحب لها الخير ..
حسيتج اختي من ابوي وامي والله .. تسلمين الغاليه ..


ام زايد ..
ما تدرين كيف أتألم لمى اقرا كلمة يتسلى ولا كلمة يلعب فيج .. بس هذا الواقع ..
عيشني في حلم ولازم اصحى منه ..
يزاج الله كل خير والله يحفظج من كل شر وسوء ..


مياسة ..
صدقتي .. والله ..
يزاج الله كل خير ..
كلهم جذابين يدخلون بإسم الزواج ويطلعون من حياتنا بأعذارهم الغبية ..
الحمدلله طردته من حياتي لأنه ما يستاهل يكون جزء منها ..
ومشاعري مصيرها تندفن بين مشاغل الحياة اليومية ..

العروس سوسو ..
الحب مب عيب لو كان على سنة الله ورسوله ..
وانا كنت ولازلت مؤمنة بهالشيء .. بس كنت عايشه في حلم ..
الله يحفظج لـ زوجج ويديم عليكم الحب يا رب .. وعقبال ما نشوف ثمرة حبكم ..


ما قصرتوا والله وعذرا ادري إني وايد ارمس ............

نوووسهUAE
04/11/2006, 06:34 PM
الله يبتج على الطريق القويم ويبعد عنك الشر
ويغنيك بحلاله عن حرامه


والله يوفقج

وداومي على الادعية خاصة وقت السجود

وحاولي تصومين كل اثنين وخميس


وبصراحة اهنيج على رجاحة عقلك

صلصوحه
04/11/2006, 07:01 PM
عيبني اسلوبج في الكلام ماشاء الله

والله يستر عليج في الدنيا والآخره

والله يهديج ويهدينا ...

انتي خطيتي اكبــــــــــــــــــــــ ـــر خطوه وهو انج قطعتيه خلاص

باقي انج تنسينه ادري انه صعب

بس يتنسينه مع الايام خليج وايد ويا ربيعاتج وصدقيني بتنسينه...


الله يوفق الجميــع

ماسة دبي
04/11/2006, 07:15 PM
السلام عليكم و رحمة الله و بركاته

ماشاء الله عليج خطوتي خطوه كبيره إستمري عليها مع الايام بتنسين بقربج من رب العالمين و من تحسين بالضيج كوني ويا الأهل و إلا كلمي صديقاتج بعدها بتشوفين نفسج قمتي

عزيزتي الحياه تجارب بس ما إنخليها تأثر علينا

الله يوفقج دايما و يستر عليج

بحرينية أصل
05/11/2006, 12:05 AM
بسم الله عليش يالغاليه عن جد عورتي قلبي بس الحمدلله الحمدلله انج عرفتي الصح مو نفس بعض الناس يتمون لج بالسنين انتي بس شهرين وعرفتي كل شي

والهداية نعمه يالغالية وانتي تبين طاعة ربج تبين اخرتج ماتبين دنياج وهذا اهم شي

((اتمنى من الخالق عز وجل ان يسدد خطاك ويمنحك الثقه والنسيان ))

وجربي يالغالية حب الله تراه اعمق واغلى واطهر حب في الدنيا هذا الحب اللي مافي جذب ولا خداع

خلج قريبة من رب العالمين وماراح تحسين بأي اشتياق للشخص

غــرور
05/11/2006, 04:11 PM
نوووسه

اللهم آمين الغاليه ..

جزاج الله كل خير اختي ..

ونصيحتج بحطها بعيوني ..

غــرور
05/11/2006, 04:14 PM
o_dmo3_o

فدييييييييييييييييتج والله الغاليه ..

ما تدرين رسالتج كيف كان لها اثر كبير كبييير وايد علي ..

ولا تعتبرين ( وهالكلام اوجهه لأخت ثانيه ارسلت لي فديتها ) .. عدم ردي عليها تجاهل مني .. لا حشى والله .. بس خاصية الرسائل عندي لازلت غير قادرة على استخدامها كوني عضوه يديده ..

اتمنى لج كل خير وتوفيق .. واول ما اقدر ارسل رسايل صدقيني بتكونين إنتي من الاوائل اللي برسلهم رساله ..

غــرور
05/11/2006, 04:17 PM
صلصوحه ..

تدرين صح كلامج النسيان صعب مع إنه ما يستاهل كل هالحزن والكآبة عليه و إن شاء الله ربي بيعوضني خير .. وانا اعتبر هالمشاعر والتعب تكفير للخطأ اللي خطيته في حق ربي ثم نفسي ثم اهلي ..


مشكوره على تواجدج وبإذن الله بنساه وبنسى اليوم اللي عرفته فيه ..

غــرور
05/11/2006, 04:18 PM
ماسة دبي


يزاج الله كل خير .. تدرين انا من عرفته كرهت اللمه واليلسة مع الربع .. ومن اليوم رجعت ايلس وياهم مثل قبل ..

شكراً على تواجدج ..

غــرور
05/11/2006, 04:19 PM
خنفورة





اللهم آمين .. وياج الغاليه ..

يا سلام عليج يا خنفورة صادقه والله .. مافي اعظم واجمل واحلى واطهر من حب الله .. والحب في الله ..

يزاج الله كل خير ..

غــرور
05/11/2006, 04:23 PM
وقفتكم معاي تعني لي الكثير الكثير ..

وكلامكم .. ولو حتى سطر واحد يعطيني الدافع والقوة اللي افتقرها في هالوقت ..

يمكن البعض معصب علي .. والبعض يشوف المشكلة صغيره ..

لكن صدقوني ... عمرها مشاكل القلب ما كانت بيد الإنسان .. وعمرها ما كانت صغيره ..

بس اودعكم وعد .. إني ما ارجع له لو صار ما صار ..

واوعدكم إني احافظ على نظافة قلبي من وهم الحب ..

شكراً على ردودكم .. واحس بإحساس غريب .. غريب لكنه حلو وعذب ..

يمكن حلاوة التوبة والرجوع لله .. ما استشعرتها إلا اليوم ..

الحمدلله .. الحمدلله على كل حال ..

والله يعوضنا خير ..



عذراً على افكاري المشوشة .. لكن مالي غيركم خواتي حبيباتي ..

حبيبة حمو
05/11/2006, 10:24 PM
الله يكون بعونك ومن ترك شيئا لله عوضه الله بخيرا منه

والحركه اللي اقدمتي عليها صدقيني تدل على اخلاقك المحترمه ورزانت عقلك.... وعليكي باالدعاء

لله بخير منه

تعبت جدا
06/11/2006, 02:24 AM
البنات ما قصروا
الله يحمي كل البنات .... واللله يبارك لك ويوفقك ويساعدك في ازمتك النفسيه هذه

MaNalOoH
06/11/2006, 02:55 AM
أنا مريت بهالتجربة بس مختلفة شوي ..:sad: .. و كانت حالتي مثلج ... كنت احبه لدرجة كنت اقول حق اللي اعرفهم هالانسان اعبده عباده ..كنت اموووت فييه بس طبعا هو غرضه شي ثاني ... عشان جذيه تركني انا تيننت تخبلت ... ليل نهار بجي و صياح ... و كنت اترجاه و اذل عمري عشانه اقوله خلني خدامة عندك بس لا تتركني .. و هو كان يسبني و يجرحني و يقولي حجي وايد (( هو لعاب)) و كنت اتصل و يبند و اطرش فلان عشان يصلح بينا ابد ماكو فايدة ..... تميت فترة طويله على هالحالة .... يمكن 5 شهوور و شوي شوي تغيرت ...حاولت اشغل عمري عشان انساه ...و صج نسيته و شلته من تفكيري نهائيا ...... سبحان الله هو الحين يحاول يتصل و انا بو لباس !!!:clap:




الحمدلله انج اتخذتي هالخطوة ...
فديتج انتي بعدج صغيرة حاولي تشغلين عمرج بأي شي .... لا تقعدين بروحج ابدا ..اطلعي مع ربيعاتج ... . في البداية بتحسين بصعوبة بس و الله بترتاحين في النهاية ....فكري في دراستج و خططي لمستقبلج .... . لا تنسين الدعاااااااااااااااء
...

أزهارالمدينة
06/11/2006, 03:10 AM
الله يهدي قلبك

وان شاء الله طالما انك اعترفتي بغلطك

اكيد ربي بيهديك ويصلح حالك

بس تمي على صلاة الليل والدعاء والاستغفار

زهرة الليمون79
06/11/2006, 03:36 AM
أختي العزيزة ..مثل ما قلتي ارجعي لله سبحانه وتعالى وحدة قادر يخلصك من اللي انتي فيه وصدقيني حب هذا الانسان ما هو إلا مضيعة لوقتك وضغط على أعصابك وخوف منه انه يتكلم أو ياذيك والحب اللي من هذا النوع مو حب وصدقيني حبيبتي انه كل الشباب بحبوا يتسلوا ويلعبوا بعواطف البنات اللي في عمرك .. ارجعي لله سبحانه وتعالى وصدقيني مع الأيام راح تنسي والله يوفقك ويبعدك عن طريق الضياع .

دلوعه قطريه
06/11/2006, 05:11 AM
حبيبتي كلنا معاج

لاتخافين وحاولي تهدين

انتي سويتي الشي الصح

طبيعي تكون مشاعرج ملخبطه وافكارج مشوشه

الحمدلله انج انهيتي هالعلاقه قبل ماتتورطين معاه وتتعلقين فيه اكثر

احسن شي تسوينه الحين انج تغيرين رقمج عشان مايحاول يوصل لج

وانتي لاتضعفين وتكلمينه مهما اشتقتي ومهما تعذبتي تحملي تحملي

لين تتعودين على بعده مثل ماتعودتي على قربه

al 3zezh
06/11/2006, 07:24 AM
الله يسعدج و يعوضج بالي احسن منه و يحترمج و يقدرج يارب

الصراحة هو انسان ما يستاهل كل الي اتسوين عشانه وانا معاج

يا الغاليه و ادري انج تعبانه وااااااااااااااايد .......بس حطي في بالج شي واحد

انه ما يستاهلج ..........ما يستاهلج .......................ما يستاهلج

صدقيني والله حاسه فيج ..........والله يسعدج و يرزقج ان شاء الله الي يقدرج

و يحطج فوق راسه و في عيونه و اي شي يا الغاليه انا حاضرة و فالج طيب

و اتقربي من الله سبحانه بقيام الليل والدعاء و الصيام و صدقيني ربي

كريم و لطيف وماراح يخيب ظنج ..............تعجبيني يا شجاعة .........

ربي يحفظج و يسهل عليج امورج يارب...............

اللهم يالطيف فرج عليها كربتها و استر عليها ياكريم و ارزقها بالزوج الصالح يا رزاق

ريحانه0
06/11/2006, 12:23 PM
حبيبتي غرور

المرحله اللي انتي فيها اقول لك بكل صراحه ستكون لك صعبه ومره وتسبب لك البكاء

بل اعرف ماتمرين به تحبين الجلوس لوحدك لايهمك جو اسرتك بل تفضلين الجلوس حتى تفكري به

لكن توبتك وعتابك لنفسك وكتابتك للموضوع خطوه فتاه نادمه صادقه

غرور صديقتي كانت مثلك هي لم تكلمه بل كانت تراه فقط وتعلت به مستواها الدراسي انخفض حالتها تحزن لا اكل ولاشي لدرجه انها تتمنى الخروج من هذه الدوامه وتقول مستحيل لاني حبيته من كل قلبي

بعدها تركت الاغاني رمت المجلات لانها كانت كل متقرا شعر تسمع اغنيه تذكرته وضلت في حزن عميق

التجأت لربها وسارت تبكي وتدعي
حتى عندما تاتي السيره تقوم لاتحاول ان تعطي نفسها مجال سارت تخرج من غرفتها حتى لايذكرها الشيطان

بعدج عناااااااااااااااء طويل الان اقسم بربي انها نسيته لم تعد تذكر الحب والله اني اقول لها سبحان ربي

كيف كنتي وكيف اصبحتي

بل انها تدعي ربي يرزقها الزوج الصالح

نسيتها سيرته لم تعد تهزها بل اصبح شي عادي

انتي ياغرور اعتبريها فتره وعدت نعم غلطتي لكن لاتحكي لأحد وانسي وتناسي وادعي

لانه هذا الحب لايرتضيه ربي بل انك احببتيه فوق المعقول تذكري ربي والرسول هل يرتضونه

عيشي حياتك ولاتستسلمي لشيطان انظري لمستقبلك امامك المستقبل زاهر فلا تقفي عند المسمى بالحب لانه غير شريف وعسى ربي يرزقك الزوج الذي تخلصي الحب له

والسموحه طولت عليك ياعمري000

منبع الروح
06/11/2006, 12:38 PM
انسيه حبيبتي ترى ما يستاهل

اعتقد هو كان لعاب ولانج انتي بنت متربيه والحمدلله وما طلعتي مثل هو اللي يبيها

احمدي ربج ان علاقتكم ما وصلت اكثر من شهرين

ومحد يقدر يلومج عزيزتي

تقربي لله سبحانه واقعدي مع اهلج واذا تقدرين غيري رقمج

والله يوفقج ويرزقج بالذريه الصصالحه يااااااااااااااارب

عذب القوافي
06/11/2006, 01:23 PM
والله حراااااام عليك

تجرحين قلبك النظيف إلي عمرة 19 سنه بس

هذا عمر الدراسة وتخطيط المستقبل

تركي عنك هالأمور

حبي هلك وناسك

حبي دراستك

والله يوفقك

وفا زايد
07/11/2006, 07:34 AM
مرحبا حبيبتي غرور ..
رديت للمرة الثانية .. بس هالمرة مب عشان أواسيج .. وأرفع من همتج
لأني حسيت من آخر رد .. انج والحمد لله تغيرت نفسيتج وايد وللأحسن طبعا مثل ما توقعت من حبيبتي غرور
:clap: :clap: :clap:
صح اني ما أعرفج أختي .. بس من يوم ما قريت مشكلتج .. وعشت ويا كلماتج
تمنيتلج الخير من كل قلبي .. ما أدري حسيت من أسلوبج ومن طريقتك الواعية الناضجة
انج انسانة غير .. ما تهزها مثل هالمواقف .. ولا تأثر في شخصيتها ..
بالعكس بتعلمها شي جديد .. وبتمنحها ثقة فوق الثقة ..
لاشعوريا لقيت نفسي تفاعلت وياج .. بالكلام والنصيحة .. وتميت والله أدعيلج في صلاتي

بس الحين ..
أحمد الله لأني حسيتج هالمرة أحسن بوايد ..
وهذا العشم في بنت بلادي
طمنيني عليج الغالية دوم .. وتأكدي ما بنساج من الدعاء ان شاء الله
(w) (w) (w)
مع حبي .. أختج وفا زايد

al 3zezh
07/11/2006, 07:48 AM
مرحبا الغاليه غرور:salam: :salam:


شخبارج طمنينا عليج و صدقيني كلنا معاج

حبيبي .......الله يفرج كربتج و يسعدج يارب

قلب الفجيره
07/11/2006, 11:41 AM
الله يحفظج ...

وكنا معاج ...

غــرور
07/11/2006, 03:19 PM
اعتذر حبيباتي لأني قطعت عنكم ..

بس تدرون ظروف الدراسة ..

فديتكم والله




o_dmo3_o ..

علني فداج يالغلا ..

من عيوني فديتج برد عليج اول ما تتفعل عندي الخاصية ..

والسموحه منج ع التأخير ..

تسلمين على تواصلج اللي يسعدني " من الأعماق " ..

غــرور
07/11/2006, 03:20 PM
حبيبة حمو


الله يثبتنا يارب ويديمنا على درب الهداية ..

اتمنى إنج ما تنسين اختج غرور من دعائج حبيبتي ..

وشاكره لج ردج من كل قلبي ..

غــرور
07/11/2006, 03:21 PM
حبيبة حمو


الله يثبتنا يارب ويديمنا على درب الهداية ..

اتمنى يالغاليه إنج ما تنسين اختج غرور من دعائج ..

وشاكره لج ردج من كل قلبي ..

غــرور
07/11/2006, 03:23 PM
MaNalOoH


فديتج والله .. الله يعوضج خير يا رب ..

تسلمين على ردج ومشاركتج بتجربتج مع ال.. تعني لي الكثير ..

الله يحفظج يالغاليه ويديمج على درب الهداية ..

اتمنى لج كل التوفيق لمى يحب الرحمن ويرضى ..

غــرور
07/11/2006, 03:26 PM
أزهار المدينة ..


آمين يارب .. وياج الغاليه ..

يزاج الله كل خير على ردج وتفاعلج ..

والله يحميج ويحفظج من كل شر وسوء ..

غــرور
07/11/2006, 03:29 PM
زهرة الليمون 79


والله يالغاليه ما تدرين انا كيف اتقطع من داخلي لمى اسمع كلمة يلعب ..

ولا يتسلى .. احس عمري غير غيييييير .. واكره نفسي وخيانتي لربي واهلي ..

وما تدرين كيف الندم يقطعني عاللي سويته ..

الله يغفر لنا جميعاً .. ويعينا على طاعته ويجنبا معصيته ..



تسلمين على ردج .. وحضورج اسعدني ..

غــرور
07/11/2006, 03:32 PM
دلوعه قطرية ..


والله يالغاليه لو اموووووووت اموت واتقطع من الشوق ما بدق له ولا بكلمه ولا حتى برسله مسج ..

ولو ياني وطلب نرجع والله والله والله بصد عنه ولا جنه في قلبي شي صوبه ..

صدقيني اللي احسه فيه اكبر من المشاعر اللي اكنها له ..

انا فرطت في اهلي لمى دخلت هالعلاقة والعذاب النفسي اللي اعيشه نعمة من ربي عشان اكفر به اللي جنيته في حق ربي واهلي ..


تسلمين على ردج فديتج ولا تنسيني من دعواتج ..

غــرور
07/11/2006, 03:34 PM
سوري بنات بكمل ردي عليكم بعدين ..

آسفه حبيباتي والله .. واوعدكم بردي جريب بإذن الله وبخبركم بكل اللي احسه ..



محبتكم من الاعماق ..

الغـــلا كله
07/11/2006, 04:03 PM
فديتج والله حاسه فيج يالغلاااا ..

الله يصبرج ويريج قلبج ..

سهاير2006
07/11/2006, 07:46 PM
السلام عليكم

بصراحه اختي غرور والله كنت حاسه فيك

وانتي تتكلمين حسيت اني انا الي اتكلم ....

وصفتي لي الشعور الي كنت احسه لما افترقت عن الشاب الي كنت اكلمه ...

والسبب الي خلاني افترق عنه هو لاني وانا معاه كرهت نفسي لاني عارفه ان الي اسويه غلط ... وان طول عمري انصح صديقاتي وآخرتها انا اسوي هالشي !!!

والحمدلله الحين بديت ارجع إلى طريق المستقيم ... ما تتصورين وشلون بتحسين براحه نفسيه لما تحسين انك رجعتي الانسانه العفيفه و الي تخاف من ربها

عالعموم ... اختي ولايهمك ...... كل وحده لما تفترق عن الشخص الي تحبه حتى لو كانت علاقتهم ما استمرت كثير ... لازم انها تتأثر بهاذي التجربه

ولكن لابد انك بتنسينه ... اهم شي لا يلعب الشيطان براسك وتفكرين ترسلين له حتى لو مسج او اي شي ...... لان اي حركه تسوينها يمكن ترجعين تحنين له وتكلمينه مره ثانية.

والله يعوضك بالمستقبل بالزوج الصالح الي يصونك ويسترك ... والله يوفقك في حياتك العلمية والعملية آمين يا رب العالمين

بيانسيهq8
07/11/2006, 08:04 PM
انزين انتي ما قلتي شلون عرفتيه وليش تركتيه وشلون ضرج ؟

وانتي شسويتي عشان تقولين عن نفسج خاينه وما تستاهلين واحد نظيف لانج حبيته قبله؟؟

اختي كلامج جنه خواطر

واذا المشكله انج ما تقدرين تشيلينه من بالج
هذا شي طبيعي
لانج تحبينه
مع الوقت اكيد بيخف هالحب وبتنسينه

smora
07/11/2006, 08:21 PM
الله يسبرك ويصبرنى انا كمان والله انا حسه بيكى لانى تقريبا قصتنا واحدة


يارب يعوضنا خير ويفرحنا جميعا ويبعد الحزن والهم عنا امين يارب

Miss.Uae
08/11/2006, 03:45 PM
و عليكم السلام و رحمــة اللـه و بركـاتــه


غـرور

أحييج على صراحتـج وموقفج الشجاع مـع نفســج:clap:

اللـه يثبتج ويـرزقــج باللي أحســن منـــه يـارب

المهم لا تحـاولين ترجعين له ولا تتذكـريـنــه بالمــره حتى التفكير لا تفكرين فيــه

وإذا عندج أشياء تذكرج فيه صور ، مسجات أي شي تخلصي منهم سوي لـه دليت من كل حياتج

وإذا على مشـاعـرج وأشـواقج صدقيني مـع الأيام بتنسينــه

أهم شي قربي من رب العالميــن وكثري من الدعـاء والإستغفــار و سمعي محاضرات دينيــه

صدقيني هاي الأشياء بتسـاعـــدج وايــد :)

ونحن ما بننساج بالدعاء إن شاء الله

و اللـه يثبتج ويوفقــج

ولا تنسين تطمنينا عليــج

غــرور
08/11/2006, 09:45 PM
يزاكم الله كل خير خواتي .. والله انكم ما قصرتوا ..

اشكركم من كل كل كل كل قلبي على نصايحكم وردودكم اللي تفرحني وتحسسني إن عندي خوات يخافون علي ويحبون لي الخير ..


انا مثل ما وعدتكم ما بحاول اكلمه ولاشيء ولا برد عليه ..

صدقوني لمى كتبت الموضوع ما كنت حاسه بمشكلتي .. وكانت مشاعري متبلده شوي ..

بس اللحين احس نفسي صدق اعاني لكن اعاني وفي نفس الوقت فرحانه والله فرحانه ..

مافي احلى من الحياة النظيفه ..

طول اليوم احاول افكر فيه واشغل نفسي لكن بالليل ما اقدر وكل شوي افز من نومي اتذكر كلامه وخطط " مستقبلنا " ويا بعض أتالم من الخاطر لمى تيي في بالي هاللحظات واحن احن لوقفته معاي وقت ضيقي لمى ينادي اسمي ويقولي لا تصيحين انا معاج .. كلام والله كلام .. بس مثل ما قلت لكم انا مستانسه في نفس الوقت واحس ربي انعم علي عشان جيه هاللي امر فيه إن شاء الله يكون تكفير للي كنت اسويه .. لو اتم سنين على هالحال والله نعمة من ربي ..



ادري إني متناقضة .. استحملوني ..

اشكركم لأنكم بالفعل خوات وعذرا لاني اتاخر بردي عليكم لكن ظروف الدراسة تأخرني ..


اختكم ..

جوجوالاموره
08/11/2006, 10:10 PM
الله يثبتنا وياج يارب على الدين والحق :)

عذاري...
09/11/2006, 03:27 AM
اختي محد له الحق انه يجرحك منا احنا بنات المنتدى لان من كان منا بلا خطيئة فليرميك بحجر

حسيت بكل كلمة قلتيها

ومتاكدة ان كل الكلام اللي قلتيه طالع من قلبج لانه بلا شك دخل قلوبنا كلنا

اختي اول شي اهنيج على اسلوبج الرائع في التعبير عن كشاعرك بالكتابة

وثانيا تذكري ان هناك خالق في هذا الكون يعوضنا عن كل شيء

اختي العمر قدامج طويل

وما راح اقول ان اللي عشتيه خرابيط

لانها تجربتج الاولى واللي راح تترك اثر في نفسك وخبرة الى نهاية عمرج الطويل

اختي تذكري ان من تذكر الله فلن يخذله

عشان جذي اقول لج امسكي القرآن واقراي فيه الى ان تحسين ان كل كلمة فيه دخلت مسام جسمج

ابتعدي عن الوحدة

خالطي اهلج

عندي وايد كلام لج يالغالية وقلبي معاج

وتذكري ان انا هنا اختج وممكن تلاقيني عونج اذا حسيتي بضيقة انا وكل الاخوات في المنتدى

فقط تذكري الله ثم الله ثم الله

رووح الورد
09/11/2006, 08:49 AM
مرحبا الغالية
الصراحة يوم قريت اللي انتي كاتبتنه حسيت اني فنفس مكانج.
بس شوفي انتي قررتي والحين ما بقى لج الا الذكرى.
والله بدعي لج انج تنسينه فاقرب وقت بس صدقيني هالشعور بس بتحسينه الحين لان الموضوع توه صاير.
مثل الموت اول شي يبدا كبير بس عقب الواحد ينسى.
قرارج فعلا صح .
موفقه الغالية

فطامي ***
10/11/2006, 02:02 AM
السلام عليكم ,, الله بيعوضج إن شاء الله بإنسان شريف يحبج .. لا تفكرين هذا الشيطان يحب يزين المعصية خذيها مني كلمة أول ما تتذكرينه اتذكري إنج إذا تزوجتينه بيحطم حياتج ببنت ثانية يغايظج فيها أول ما تتذكرينيه اتذكري عيال أبو ماسائل عنهم يفكر في النساء أول ما تحطي راسج على المخدة قولي أعوذ بالله الحمد لله الذي أنجاني من إنسان كان سيدمر حياتي وحياة أبنائي ,, والله تعالى يقبل التوبة عن عباده فاخلصي النية في العزم على عدم العودة

وحي الفيروز
10/11/2006, 02:38 AM
الضربة الي ماتكسر ظهرك تقويك
وكلنا نغلط ولكن الغلط انك تستمري في الغلط
بس اشوف قدامي بنت عمرها 19 و تفكيرها اكبر ينم عن شخصية واعية
استمري حبيبتي على تقربك من الله فهو المعين
وأكيد بتظلي تفكري فيه فترة لين تنسيه لأن ابليس الله يلعنه يحاول يجمل لنا الأخطاء عشان نقع فيها ونستمر فيها
لكن انا متأكدة انك قوية الإيمان وبتنتصري على الشيطان
والله يهدي جميع البنات مثل ماهداك
وبما انك وحدة حافظت على شرفها فأكيد تستاهلي اشرف الرجال ,, فالله يرزقك بالزوج الصالح الي يستر عليك


موفقة يارب

غــرور
10/11/2006, 10:03 AM
جوجوالاموره

وياج عزيزتي جوجو ..

شاكره لج مرورج الغلا ..





ام شجاع ..

كلامج دخل قلبي والله يا ام شجاع ..

تدرين انا من يومي احب الكتابة .. بس من سمعت رايه باللي اكتبه عفت الكتابة ..

شكرا على ردج اللي حسيته من قلبج يا ام شجاع ..

الله يحفظج يالغاليه واشكرج من اعماقي على ردج ..




روح الورد ..

صدقج الهم يبدى كبير ولكنه يصغر .. الله يصغره بعيوني اكثر واكثر ..

يزاج الله كل خير يا روح الورد ..

وربي يحفظج من كل شر ويرزقج كل اللي ف بالج يا رب ..



فطامي ..

والله يا فطامي جنج كنتي وياي .. ما يحتاي اذكر التفاصيل .. بس والله كلامج صح ..

يزاج الله كل خير والله يحفظج ..



وحي الفيروز ..

الله عليج يالغاليه .. كلامج عسل والله ..

يزاج الله كل خير والله يديمج ويبقيج ..





محبتكم ...

شمعه جلاس قطر
10/11/2006, 10:58 AM
شخبارج غرور ..
عساج على القوة حبيبتي .. ها طمنينا عليج
الشاهد ربي اني ادعي لج .. كل ما اذكر

ربي يبعد عنج كل ماتكره نفسج .. وطمنينا ..

مهيريه
10/11/2006, 12:11 PM
الغاليه اختي غرور
اولا اهنيج على الخطوه الى اتخذتيها و ربي يصبرج ويعوضج عوض الخير ان شاء الله. انا اتخذت نفس خطوج ويوم تتكلمين احس كانج تتكلمين بلساني بس انا ظروفي غير. لي رجعه ان شاء الله اشرحلج ظروفي ان شاء الله.

قمر21
10/11/2006, 04:36 PM
هلا اختي الله يعينج

حنونة معكم
10/11/2006, 06:07 PM
عزيزتي .لي مدة طويلة ماكتبت شي في المنتدى لظروف مريت بيها ولانشغالاتي الكثيرة لكن لما قريت موضوعك اصريت اني اكتب لك لاني حسيت فيك في نفس الوقت حتى اقولك اني مريت بنفس تجربتك لكن كانت اكثر قساوة الاهم انه عشت بعدها قصة حب رائعة ولله الحمد مع الانسان الي هو ان زوجي
عزيزتي انا مثلك بس موشهرين كان ثلاث سنوات لشخص من عائلة كان اول حب في حياتي كنت اشوف فرحة عمري فيه وقفت بجنبه الين توفق في دراسته بعدماكان ما يعرف الا الرسوب سنة بعد الثانية واقول الخطبة هده بنختمها بزواج لكن اختي الي حصل يوم الرجال بعد ما جنى اول ثمار النجاح قالي مع السلامة
حسيت حياتي انتهت رميت ماجستير وما اهتميت وظليت سنة في بيتنا ابكي على اطلال قلت خلاص انتهيت لكن والله لا بعد الليل فيه نور الفجر
وتعرفت على شخص ثاني الي هو زوجي الجين والله بحبه موت وهو يموت فيني ما بقى من القصة الاولى الا الدكرى ولما ادكر اهله يجيني هو في بالي للسبب بسيط اقول والله الحمد لله الله فكني منه لو ظليت معاه كنت مت من القهر واحمد الله انه انعم علي بزوج فيه كل الصفات الي اتمناها
اقولك الكلام هدا عن تجربة حتى تقتنعين انه الحب هو الي يدخل لقلبك السعادة مش الي يخلي حياتك حزن يعني لا تستسلمي له راح يعوضك الله اكيد الي احسن منه وتصيري تقولين والله الله انقدني من اول احسن شي انك ما ربطت حياتك بيه
اتمنى لك والله من كل قلبي الزوج والحبيب الي تحلمين فيه




ملاحظة الحب اجمل احساس وانت تستاهلين تعيشين الشعور هدا راح تعيشينه يارب ان شاء الله مع حبيبك وزوجك الله يكرمك بيه يارب

ملاك الورد
11/11/2006, 11:39 AM
اشغلي نفسج بالقران والدعاء والصلاة

هالامور كفيلة انها تنسيج هالانسان

وتذكري انج جوهرة مصونه وغاليه

فلا تفقدين بريقج ومكانتج ..

ريحانه0
16/11/2006, 02:07 AM
هاااااااااااااا كيف العسوله اليوم وكيف الدراسه

عيشي حياتك وبين اهلك لأن اذا تزوجتي بتفقدينهم ولاتضعين ولا لحظه بينهم

وان شاء الله استفدتي من قصه صديقتي

وتحياتي لك00

<فجر جديد>
18/11/2006, 01:47 AM
مســــــــــــاء الورد
حبيبتي انا ما الومك
انتِ انثى واي انثى عندها مشاعر و عاطفة
وانت صدقتيه ... هذا الشيء غصب عنكِ
ومو انتِ اول ولا اخر وحده كثير قبلك
وهاذي مو نهاية الدنيا .... العمر قدامك وانتِ توك
صغيرة

وان شاء الله بكرة الله يرزقك بالانسان اللي يحبك
<<<<والله غفور رحيم سبحانه ارحم من الام بولدها>>>>
بس الحين حطي في بالك هذا ماضي وراح واللي
يبيعني برخيص ابيعه بتراب
عمري ما افكر في واحد حقير نذل مثله
بس اتمنى انه يكون هذا درس بحياتك
واتمنى انك تتقبلين كلامي لني احس
انك والله مثل اختي

<فجر جديد>

مياسة
18/11/2006, 05:17 PM
الله يثبتج عزيزتي

ويرزقج بولد الحلال اللي يستاهلج