المساعد الشخصي الرقمي

مشاهدة النسخة كاملة : عرسي جريب وانا اخر من يعلم!!!



بنت فاضيه
15/10/2006, 06:59 PM
مرحبا خواتي شحالكن .؟

انا عندي ربيعتيه الروح بالروح عندها مشكله

ويوم عرفت اني مشتركه فمنتدى عروس قالتلي بليز كتبي السالفه وابا البنات يساعدني

لنه بنات عروس مايقصرن (مدحتنا هههههه)

تقول البنيه على لسانها :



انا بنيه بدش الواحد وعشرين جريب ..اخر هالشهر

من اسبوع تقريبا زارنا خالي (هوه هب خالي خليص هوه ريل خاليته بس نسميه خالي ))وخطبني لولده وابويه وايد يعز خالي ويحترمه

ونحن كلنا نحبه ونحترمه

ابويه وافق مبدئيا <<ماعرفت اكتبها مادري صح والا لا

لين احين كل شي تمام

بس عندي مشكلتين

المشكله الاولى انهم يبون العرس فشهر واحد الياي (يعني ماشي باقي غير شهرين تقريبا )

المشكله الثانيه انه اخو خطيبي وخطيبي ناوين يعرسون فيوم واحد وانا ماريد :angry:

شوه رايكن بنات ؟؟

انا احس انه من حقي ليلة بروحي ماريد حد يشاركني فيها لو وافقت

وبعدين ماشي وقت اتزهب فيه الا شهرين :sad:

شوه الحل؟

بليز بنات لاتردني و لي عندها حل تقولي


مادري اوافق واخلي العرس عادي فيه عروستين والا اردهم اذا ماوافقوا

مع العلم انه لي خاطبيني له كامل من جميع النواحي والكامل الله

محتاره بليز ساعدوني







صراحه يابنات انا نصحتها انها ماترفض الريال عسب شي سخيف في نظري

والا شوه رايكن انتن ؟

بتساعدنها والا :shy:

كريستالة قطر
15/10/2006, 07:52 PM
بنت فاضيه

أول شي بالمبارك عليها والفال لج لو مب معرسه ..

وأنتي تقدرين تقولين حق أمج تقنع أبوج لو مثلا يخلون العرس في الربيع حتى لو يعرسون الاثنين مع بعض ..

خلي امج تكلم خالتج وتقول لها ألحين مابنحصل حجز للفندق ولا البنت بيمديها تسوي شي تدرون موسم أعياد وووو يعني حجج تقنع ..

ومثل ماقالت الريال ماينعفاف دامه كامل والكامل الله ..

وإن شاء الله يقتنعون إن شاء الله ..

@هدهد@
15/10/2006, 08:07 PM
مبروووووووووووووووووووووو وك
الله يكملهم بالسعادة والهناء

انا حصل معايا نفس الشي يعني شي مررة متعب وقلق ولا تقدر تجهز
لوتقدري خلي الفرح يتاخر شوي لشهر صفر علي الاقل
عشان تقدر تجهز نفسها (بس الله يسهلها من عندة )


بس انا الحمد الله ربنا سهلها معايا بس مرررررررررة تعبت
الين ما الاقي الي في بالي
والي يناسبني


يلا الله يوفقكم جميعا

تحياتي
@هدهد@

Bahrain _Queen
15/10/2006, 09:47 PM
انا مستعيلة سامحيني بس بدعي ليها الله يوفقها يارب دنيا وآخرة ويسعدها للخير..

نور عيوني
15/10/2006, 09:47 PM
بالعكس حبيبتي خلي الفرحه فرحتين ومره وحده الله يبارك لكم فيها
وشـــــدي حيلك وتجهزي وخذي الضروريات حبيبتي راح يكفيك الوقت ان شاء الله

مافي سبب مقنع للرفض واهم مافي الحياه الزوجيه الزوج واخلاقه وتعامله والباقي كله مظاهر وايام وراح تمشي والكل ينساها....عادي اختي توكلي وخلي نظرتك اكبر من كذا

والله يوفقك ويسعدك (f)

اسيرة قلبه
15/10/2006, 10:34 PM
http://www.3roos.com/up3/asoorah.gif


الله يعينها من جد

نصيحتي لها دام االرجال زين لاترده لكن تحاول تقنع اهلها انهم يأجلون الزواج شوي

وسالفة العرسين مالها الا الأمر الواقع لأن هالشي ماعتقد بتقدر تقنع اهل المعرس بالرفض

والله يوفقها ان شاء الله ويسهل عليها

بس خليها من الحين تروح تخلص اشغالها كثر ماتقدر وتسوي لها جدول تنظم وقتها عشان يمديها بدال مايضيع الوقت تدور حلول للتأجيل



http://www.3roos.com/up3/asoorahe.gif





ان الجميع مسافرون (احجزوا مكانكم من الآن) (http://www.3roos.com/forums/showthread.php?p=2766660#post2766660)

تـــجــــمع لبنات التقويم (اللي حاطين تقوووووويم اسنان) (http://www.3roos.com/forums/showthread.php?t=197798)

طريقة السينامووووووون وبالصووور (http://www.3roos.com/forums/showthread.php?t=201575)

http://www.3roos.com/up3/mosabaga1.gif (http://www.3roos.com/forums/showthread.php?t=203108)

فشكولة العين
15/10/2006, 11:15 PM
شوفي حبي
اذا كان الريال زين وما يعيبه شي وافقي عليه لأنج مابتحصلين رياييل زينين في هالزمن ولا تلتفتين لهالامور لانج بتقنعينه باللي تبينه ايام الملجة وما اعتقد انه راح يردج واذا سواها اصبري عليه وفهميه انها بتستوي مرة في العمر حبيبتي هونيها وبتهون

القلب المعطاء
15/10/2006, 11:39 PM
الف مبرووووووووووك

لا ترده على اشياء عاديه

يعني حرام ترد معرس بالمواصفات عشان اشياء صغيره

ممكن انها تحاول تقولهم ياجلون الزواج لانه مايكفيها الوقت

واذا مارضوا عادي تحاول تاخذالاشياء المهمه وبعد الزواج تكمل الباقي

اما بالنسبه انهم عروسين مافيها شئ

وبرضوا ممكن تكلم اهلها بالهانقطه

بس اهم شئ ماتفكر انها ترده

ولا تكبر الموضوع وهو عادي

وتتناقش مع اهلها بكل هدوء ومع المعرس

والله يوفقهم

نسرونة
15/10/2006, 11:43 PM
مو فاهمة يعني ليش الشهرين قلال
ب 10 ايام ممكن تجهز
ما تسويها سالفة
بالنسبة للعرسين انا لو مكانها ما بقول لأ ليش؟؟؟؟؟؟؟؟؟؟؟؟؟؟؟
لانهم راح يزعلو اهلو و هم على بالهم فرحتين بيوم وتحد
خليهم يفرحو الله يحميلهم اولادهم
مو مستاهل الموضوع اصلا

business_girl
15/10/2006, 11:43 PM
انا الصراحه أءيد فكرة عرسين بنفس اليوم

عالاقل توفرون في المصاريف اللي مالها داعي .. وخاصه هالأيام كل شي نار

وبالتفاهم ترتبون كيف يكون العرس

والله يوفقها ان شاءالله

ليتني عرفتك
15/10/2006, 11:58 PM
انا اشوفها عادي فديتج خليها تسير دبي وفي اسبوعين وهي مخلصه تزهيب اول شي تفصل عبي وشيل وكمن كندوره لنه يبالهن وقت وبعدين تشتري عطورات ومكياج وغيره وغيره وخلي الفرحه فرحتين وخليها تتفق ويا البنت الثانيه يسوون حركات في العرس والكوشه والطاولات والتوزيعات عشان يطلع كامل مكمل والله يهنيها يارب وسلمي عليها

ROSE3ROOS
16/10/2006, 12:04 AM
اختي العزيزه قوليلها وعلى لساني انه المعرس مابياخذ ثنين انتي عروس وهي عروس واذا الريال كامل والكمال لله ليش تردينه علشان هالشكليات الي مالها قيمة والله يوفقها .

الماسية 2004
16/10/2006, 03:47 AM
أنا رايي من رايهم صج ما يكفي بس أبدي أول بأول وحطي قائمة بالضروريات وبعدين الباقي

دلوعه قطريه
16/10/2006, 10:28 AM
بصراحه

انا من رايي انها توافق بشرط

ان يكون لها عرس بروحها

حلاة الوحده تفرح بعرسها وتكون ملكة هاليوم بروحها

كلش ماتخيل اعرس ومعاي حد

بعدين شلون بالنسبه لحفلة الحريم؟

عروستين ومعرسين على نفس الكوش ؟ احس السالفه فوضى وماتصير الا بالافلام المصريه

وبالنسبه للتجهيزات هي ممكن تلحق تجهز بسرعه عالاقل الاشيا الضروريه

وترى الموضوع راجع لها هي شخصيا وقناعاتها

قلب صافي
16/10/2006, 10:39 AM
الله يبارك لها ان شاءالله و يوفقها

و اذكر اني حضرت عرس ربيعتي و كانت مع زوجة أخو ريلها

يعني الأخوان تزوجوا في نفس اليوم

و بالعكس كان العرس مرتب و الصالة كبيرة

و الصراحة كانت كل عروسة في كوشة .. بطريقة وايد مرتبه و حلوة

بس اذكر اني كنت يالسة في الجهة الغلط لانه ربيعتي كانت الصوب الثاني !

و ان شاءالله نسمع الاخبار الحلوة قريب :)

Um_3boody
16/10/2006, 10:47 AM
الله يبارك لها انشاء الله

تشوف ضروف الريال الي خاطبها اذا الاهل حابين فرحتين في يوم واحد وخطيبج بعد يبي يعرس مع اخووه وافقي تراها ماتفرق ولا تنسين تحضير نفسج حق الزواج راح تكون اسهل لان تعب الي بيصير لج بروحج حق القاعه ومستلزماتها راح يخف عليج

وبالنسبه حق انج تجهزين نفسج تراها في مده كفايه وممكن تاخذين الضروريات وبعد العرس ممكن تتشرين مع زوجج ولاتنسين بيكون معاج وبتاخذين رايه وبتعرفين الاشيه الي تعجبها وبتلبسين الشي السي متاكده انه يحبه

الله يسهل امورك حبيبتي وبنت فاضيه مانسيتج الله يعطيج العافيه

المبتسمه للحياة
16/10/2006, 10:49 AM
ألف ألف مبروك وإن شاالله يمون ابن حلال ويستاهلك يارب.

أنا بنصحك إنك ما ترفضي العريس لإنو لو إنتي بتعرفين الشخص وااايد أحسن من إنه يتقدملك واحد ما تعرفين عنه شي وفي الآخر يطلع لا يمح الله واحد مش زين.

وبالنسبة للعرس والله ما ترفضي بالعكس والله راح يطلع عرسك فنان والكل راح يتكلم عنه لإنه أنا أحد الأعراس اللي فيها عروسين.

أما بالنسبة للوقت فأنا الحمد لله بنت مكتوب كتابي وراح اتزوج إن شالله في شهر واحد يعني مثلك وفي وقت إن شالله لو من ألحين تبدإين تجهزين حالك

Ms. Achiever
16/10/2006, 11:04 AM
اهم شي لا ترفض الريال ..

واذا عالعرس والزهبة .. خليها تتفاهم بين الاهل ويحاولون يأجلون اشوي

المبتسمه للحياة
16/10/2006, 11:28 AM
ألف ألف مبروك وإن شاالله يكون ابن حلال ويستاهلك يارب.

أنا بنصحك إنك ما ترفضي العريس لإنو لو إنتي بتعرفين الشخص وااايد أحسن من إنه يتقدملك واحد ما تعرفين عنه شي وفي الآخر يطلع لا سمح الله واحد مش زين.

وبالنسبة للعرس والله ما ترفضي بالعكس والله راح يطلع عرسك فنان والكل راح يتكلم عنه لإنه أنا أحب الأعراس اللي فيها عروسين.

أما بالنسبة للوقت فأنا الحمد لله بنت مكتوب كتابي وراح اتزوج إن شالله في شهر واحد يعني مثلك وفي وقت إن شالله لو من ألحين تبدإين تجهزين حالك وإن شا الله الله يوفقك وييسر أمورك يارب:clap: :clap: :clap: :shy: :shy: :shy:

:salam:

ماسة
16/10/2006, 12:16 PM
انا نصيحتي مدام الريال كامل وما فيه شي

ماله داعي الرفض

وفي نظري ممكن الوحدة تزهب في شهر بعد وعندج من عقب العيد شهر 11و 12 وخلي كل خواتج وربعج يساعدونج


وااايد افكار ها الايام لدخلة عروسين

والله يوفقج

al 3zezh
16/10/2006, 12:41 PM
الله يوفقها و قولي لها لو اترتب امورها صدقيني راح اتخلص كل شي خلال شهرين و بتتفيج حق عمرها و قولي لها حطي لسته بالي تباه و خلي خواتها يساعدونها و لا زم ما تتكاسل يعني كل يوم اتسوي شي والله يسهل عليها واذا الريال زين الموضوع ما يحتاج التأجيل


واذا هي تبي ليله روحها الصراحه من حقها وخليها تقنع ريلها وان شاء الله يرضى وهم شكلهم يبون يخسرون مرة وحدة والتكلفةاتكون اقل

الله يوفقها وييسر امورها وعقبالنا يا رب يارب يارب

بياعة الورد
16/10/2006, 03:47 PM
السلام على الجميع....... وعيدكم مبارك مقدما( ولو إنه معورني قلبي على رمضان")......
أختي العزيزة توكلي على الله وتزوجي فخير البر عاجله....... والتجهز تقدرين تخلصين المهم منه وبعدين شوي شوي. ترى دامج عروس جديدة على طول بتلقين نفسج في تجهز دايم من اجل التغيير والتجديد...... الله يبارك لج ويوفقج

فاتنة العرب
16/10/2006, 04:01 PM
الله يبارك لها مقدما

و انا بصراحة اقول الافضل انها توافق دام الريال زين ماله داعي ترفض كلها ليله وحده و بتعدي

و دمتم سالمين:shy:

بياعة الورد
16/10/2006, 04:23 PM
السلام عليكم... وعيدكم مبارك قبل الجميع
كم رأيي أختي العزيزة إنج تتوكلين على الله وخير البر عاجله
خلصي اللي تقدرين عليه وترى دامج عروس جديدة فانتي على طول راح تتجهزين للتغيير والتجديد
الله يبارك لج ويوفقج

feedback
16/10/2006, 05:55 PM
ما عندي شي ازيده ما شاء الله البنات ما قصروا


احسن اتسير اتجهز عمرها من اللحين يا حيه باقي شهرين مو اسبوعين يعني في وقت

الله يسهل عليها يارب ويوفقهاااااااااااا........وعق بالي وعقبال كل البنات ان شاء الله

خالة سارة
16/10/2006, 09:56 PM
مبروك العرس وداما العريس زين ليش ترفضى

نوووسهUAE
16/10/2006, 10:22 PM
عادي شهرين تكفي للتجهيزات

انا بنت عمتي انخطبت شهر خمسة وعرست شهر سبعة


ومبرووووووووووك مقدماا

فتاة رأس الخيمة
17/10/2006, 02:39 AM
توكلي على الله أختي ،،، دام الموضوع جذيـــــــــه

ولا يهمج بتخلصين امورج كلها تمااام

بس نظمي شغلج

خلي اللي يبا تفصيل قبل

وفكري بالفستان واحجزي الصالون والتصور من الحين

وخلصي لبسج كله ،، وخذيها تسوق في تسوووق

وما في أحلى من الشوووبنج

واشتري وافرحي واسعدي

وكشخي في عمرج وتعدلي

وبتمر الايام والله بيرزقج بالسعاااااده ان شاء الله

وحي الفيروز
17/10/2006, 04:15 AM
ماعندي كلام ازيده فالبنات الله يخليهم كفوا وووفوا
والكل مشترك بنفس الراي
بالمبارك ان شاء الله

سوسو نكد
17/10/2006, 05:51 AM
حبيبتي انتي لا ترفضي الرجال مشان اسباب ما بتستاهل..يمكن لا سمح الله الله يبعتلك واحد تستمر خطبتك فيه سنين ويعملك عرس لوحدك بس يطلع مش منيح..ومادام هيدا شب منيح وبتعرفوه فمافي مشكلة لو تتجهزي بشهرين..في ناس بتتجهز بيومين... وبالنسبة انك بدك عرس ليلة لوحدك فعادي ممكن تقوليلون انا بدي عرس لوحدي واذا ما في امكانية ارضي بالنصيب ... ما فيا شي واصلا العرس مجرد واجهة اجتماعية وما بعرف ليش دايما منلحق المظاهر ومننسى انو العرس للاشهار مو اكتر ..والف مبروك حبييبتي :)

alfajer _alb3ed
18/10/2006, 10:51 AM
خالتي تحدد عرسها و تجهزت في اسبوعين بس الحين هي عندها شهرين...شي وقت...خليها تتوكل على الله...وتوافق...