المساعد الشخصي الرقمي

مشاهدة النسخة كاملة : هل أقبل بهذا الشرط ؟؟؟



بنت_الغربية
15/10/2006, 05:31 AM
بسم الله الرحمن الرحيم .. و الصلاة و السلام على سيدنا محمد و على آله و صحبه أجمعين ..

السلااااااام عليكم .. و صباحكم خير ..انا اعرف هالمنتدى من 3 سنين .. بس كنت متابعه ( زائره ) .. هالمره سجلت لاني فعلا محتاجه نصايحكم .. أنا طالبة جامعية .. و الحمد الله اتخرجت بمعدل حلو . و اتلقيت عروض شغل وايده .. بس للأسف عندهم شرط وحيد .. و هو " خلع النقاب " :angry: انا وحده ساكنه بمنطقه كلها عادات و تقاليد .. انا لو اشتغلت بدون ما اتغشى او اتنقب بياكلوني الناس بلسانهم .. وصراحه انا ضروفي صعبه شويه و لازم أشتغل .. انتو شو رايكم ؟؟ هل أوافق على هالشرط .. او اتم في البيت لا شغل و لا مشغله .. :sad:

وعندي طلب ثاني بعد .. بنات بوظبي او المنطقة الغربية .. يا ليت لو اتخبروني بأماكن شغل اتوظف منقبات و ما يكون فيها اختلاط و ايد .. و سامحوني اذا كلفت عليكم .. ادعولي اتوفق ..
انتظر نصايحكم

دهن_الــــورد
15/10/2006, 05:41 AM
اول شي ......دوري في الاماكن الي يقبلون فيها نقاب ...اذا ما لقيتي وانتي صج محتايه هالشغل..اسالي شيخ وصلي استخاره.واستفتي قلبك.....اما اذا ما كنتي محتايه فيلستج في البيت الله بيعوضج عنها خير . ان شاء الله.تتزوجين واحد مقتدر يريح من الشغل وبلاويه...

ليــــــالي
15/10/2006, 05:47 AM
اختي صدقيني 00 من ترك شيئا لله عوضه الله خيرا منه 00
هذا كل اللي اقدر افيد فيه 00 وربي يووفقك حبيبتي0

ad girl
15/10/2006, 05:59 AM
بنت الغربية

أول مره اعرف ان مانعين النقاب عندكم..

المهم ما علينا .. في بوظبي سلمج الله عندج شركات البترول (أدنوك وشركاتها) مب مانعين النقاب فيها ولا أظن بيمنعون -على ذمة واحد من كبار المدراء-. مممم عندج مكتب الشيخة فاطمه مادري اذا ممنوع فيه النقاب بس مافيه اختلاط يعني الحريم قسم والرياييل قسم.


ووين بعد ويييييييين



وفي المرور احيد في بنات يداومن منقبات ولا سمعت انهم منعوه.


الهيئات؟ مممم قالولي عن وحده داومت في الهيئة الصحيه اول يوم بويها وثاني يوم يت منقبه استحت من الرياييل وما سمعت انهم قالولها عقيه

انا ما قد سمعت ان في مكان شغل في ا بوظبي مانع شي على البنات إلا القيادة العامة للشرطه مانعين المكياج والعطور نهائياُ هههه

بنت_الغربية
15/10/2006, 07:11 AM
دهن الورد .. يعني افداج حبيبتي .. تسلمين لي على مرورج ..
ليالي .. مشكوره عزيزتي على النصيحه والله يجعلها في ميزان حسناتج ان شاء الله ..
ad_ girl فديت روحج حبوبه .. تسلمين على الرد .. بس عندي تعليق .. نحن النقاب هب ممنوع عندنا .. بس انا متخرجه من جامعه زايد بتخصص اعلام و تسويق من سنه تقريبا .. وااااااااايد وظايف حصلتها اتناسب تخصصي و تضمن لي مستقبل حلو .. بس عيبها انها محتايه وحده فري شوي .. انا كنت مقدمه اوراقي في سوق بوظبي للأوراق الماليه .. و البنوك بشكل عام .. حتى قدمت في أدنوك " في قسم تسويق على ماظن " حتى سوولي مقابله و قالوا نبا وحده اتكون فري شوي .. تسقبل الوفد وتسوي بريزنتيشن و فوق هذا تحضر حفلات الغدا و العشاء .. انا اعتذرت عن الوظيفه .. والبنوك مثل ما اتعرفون ما يقبلون موظفات منقبات .. المؤسسات الحكوميه مايوظفون الجامعيين بسرعه .. يبون ثانويه عامه .. عاد مب معقوله اشتغل براتب و مميزات ثانويه وانا عندي شهاده جامعيه .. عنبو أتعب و أتعب .. واخرتها على راتب ثانويه ؟؟؟ مب حرام 4 سنين دراسه و اخرتها هذا نصيبي ؟ .. اللهم لا اعتراض .. .. مشكورين يا جماعه على ردودكم الطيبه .. والله يكثر من أمثالكم :)

اسيرة قلبه
15/10/2006, 07:53 AM
http://www.3roos.com/up3/asoorah.gif


هلا حبيبتي

اولا غريبه شلون الحكومي يوظفون الثانوية والجامعيين لا عكس الناس

وبعدين معقوله الامارات يطلبون هالطلب !! دوله اسلاميه خليجيه تطلب كذا

انا مب مستوعبه

شلون الحين الكل يتهجم على الغرب انهم ينزعون حجاب المسلمين وذولي عشان عمل دنيوي يطلبون خلع النقاب

نصيحتي لك يالغاليه

اذا تبين التوفيق من ربك وتيسير الامور

ارفضي هالطلب

خلي الدنيا تضيق بك ولاتضيق بك اخرتك وقبرك

الدنيا والله العظيم مب نافعتنا ,, حنا نعمل لآخرتنا

خذيها مني ادعي ربك وان شاء الله بتتسهل عليك وان مالقيتها بوظيفة بتلقينها بشي ثاني

وبتذكرين كلامي :)

الله يوفقك يارب



http://www.3roos.com/up3/asoorahe.gif





ان الجميع مسافرون (احجزوا مكانكم من الآن) (http://www.3roos.com/forums/showthread.php?p=2766660#post2766660)

تـــجــــمع لبنات التقويم (اللي حاطين تقوووووويم اسنان) (http://www.3roos.com/forums/showthread.php?t=197798)

طريقة السينامووووووون وبالصووور (http://www.3roos.com/forums/showthread.php?t=201575)

http://www.3roos.com/up3/mosabaga1.gif (http://www.3roos.com/forums/showthread.php?t=203108)

al 3zezh
15/10/2006, 08:06 AM
الله يوفقج وان شاء الله البنات يفيدونج

ِ

فشفاشه
15/10/2006, 08:13 AM
انصحك بعدم خلعه
وهذا اختبار انتي مهب اشد من الي يتعرضون لتعذيب ومتمسكين بدينهم واذا اتني متنقبه عشان الناس لا يهمونك بس اذا متنقبه لله كيف تسالينا خليك ثابته انتي اصبري وان شاء الله فرج ربي قريب
وان شاء الله بندعي لك من قلوبنا انك تلاقين شغل احسن من هذا والله يخلف عليك

Aryam
15/10/2006, 09:12 AM
بالنسبة لتوظيف حملة الثانوية أكثر من الجامعيين، اسمحي لي معلومة خطأ، لكنها منتشرة وايد بين الناس....الحالة هذي تنطبق على بعض الوظائف مثل موظفي الاستقبال، خدمة العملاء، السكرتارية.......
أما الوظائف الأخرى تتطلب المؤهل والتخصص والخبرة بعد في بعض الأماكن....

بالنسبة للنقاب، حبيت أوضح للبنات أن الموضوع مو قانون في البلد،،، لكن كل مدير ومزاجة، معظمهم ما يقولونها صراحة، لكن إذا شافوا وقت المقابلة أن الوحدة منقبة يستبعدونها....وفي اللي يقولونها كاش......
وبعض الأماكن تاخذها من جهة أمنية لأن فعلا في ناس الله يسامحهم يستغلون النقاب بطريقة خطأ...

بالنسبة لج أختي استخيري والله ييسر اللي فيه الخير....
بصراحة أنا يتني فرصة في مكان زين بس حد يشتغل في المكان خبرني أنهم ما ياخذون منقبات، من نفسي عفت المكان وما قدمت فيه......

بنت_الغربية
15/10/2006, 01:17 PM
أسيره قلبه .. مشكوره على مرورج حبيبتي .. أما عن سالفة تفضيل الثانوي على الجامعي .. هذي انا ما كنت أعرفها .. بس يوم كنت أراجع الدوائر الحكوميه هم كانو يقولون لي ان اللي عندهم مؤهل ثانوي رواتبهم أقل و ما اتكلف مثل الجامعيين .. و انتي مثل ماتعرفين الدوائر الحكوميه مايبالها تخصص و شغلهم روتيني اي واحد ممكن يسويه .. عشان جيه الافضلية للي عندهم ثانويه ... هذا الشي عرفته من موظف في قسم التوظيف باحدى الدوائر الحكومية .. ومشكووووره مره ثانيه على تعليقج ..

al 3azezh تسلمين على مرورج يا حلوه ..

فشفاشه .. الله يثبتنا ان شاء الله .. و يزاج الله خير ..

Aryam .. النقطه الأولى ناقشتها ^__^ . ... النقطه الثانيه اللي تتكلم عن النقاب و انه مب قانون في البلاد .. اسمحيلي أختي انتي وين كنتي يوم استوت زوبعه يوم اتكلموا عن قانون منع النقاب ؟؟؟ اللي متنقبات في البلديه رفعوا شكوى .. واللي يشغلون في الماي و الكهرباء نفس الشي .. والدنيا اعتفست فوق تحت .. واتكلمت فيه الجرايد و المجلات .. و المنتديات الاماراتيه ممزوره مناقشات في هالموضوع .. هو أساسا مب قانون في البلاد .. بس تم تطبيقه على بعض الأقسام .. أنا أشكرج على الرد فديتج والله يجعلها في ميزان حسناتج .. أشكر جميع اللي ردوا على الموضوع و يزاكم الله خير .. عيدكم مبارك مقدما ^__^

مجنونة زماني
15/10/2006, 01:36 PM
تبون الصراحه انا مع منع النقاب و ضده يعني وايد سوالف طلعت من اللي يستغلن النقاب بشكل سيئ

بس ان ايلج عرض تستقبلين الناس و غداء و عشاء وين يبون يطلبون لهم من الدول الثانيه احسن

وبعدين اختي وايد شي وظايف حتى في البنوك اقسام نسائيه .. و ما يحتاي اصلن تلبسين النقاب لان حتى عمال النظافه حريم .. و في كل شي قسم للحريم ان كان في الشرطه ولا البلديه

بس بصراحه انتي ماخذه تخصص و انتي تعرفين شو فيه و شو ما فيه .. اكيد ما بيعينونج مدرسه ..

و اكيد انتي تعرفين الاماكن اللي بياخذونج و طبيعه عملهم .. و دوم ريلي يقولي اوصخ مجال الاعلام ..

على كل حال الله يوفقج و تلاقين وظيفه تناسبج ...

حــيره
15/10/2006, 01:37 PM
انا من وجهه نظري تدورين لج مكان مناسب لج , يعني لا توافقين على هذا الطلب يعني دوري لج في مدرسه تكونين فيها معلمه . يعني هاذلين يبغونج تخلعين النقاب بعدها ما تدرين شنو بيطلبون منج

اليازيــة
15/10/2006, 02:09 PM
أختي ما عليج منهم يوم يقولون لج انهم يبون ثانوية عامة .......... لنه يوم اتيهم صاحبة الثانوية يبون جامعية ويوم اتيهم الجامعية يبون الثانوية مثل ما قالوا لج ( واللي يبونه الواسطة واحيانا حظ الشخص نفسه يلعب دور )

ولو تشوفين الحين التخصصات بجهة ومجال العمل بجهة أخرى ( هنيه الشخص نفسه يقول شو فايدة دراستي الجامعية اللهم بس الراتب يكون أعلى واحيانا يشتغل براتب ثانوية وهو جامعي )


وبالنسبة للنقاب الكل يعرف الاستغلال السيء لاستخدامه عسب جي منعوه في بعض المؤسسات ومب الكل للمصلحة العامة


وبالاخير ماقول الا الله يوفق الجمييييييييييع يااااااااااااارب وييسر لج أمرج وأمرنا ويرزقج ويرزقنا جميعا الوظيفة اللي تناسبنا ان شاءالله

SHREEFA
15/10/2006, 02:49 PM
الصراحة انصدمت من طلبهم
بالامارات ويرفضون النقاب
لاحول ولاقوة الا بالله
مالج شغل بالناس
وعليج برب الناس
ومن ترك شيئا لله عوضه الله خيرا

دوري وظيفه اخرى ووفقك رب العباد


دمتم سالمين
اختكم شريفة

بنت_الغربية
15/10/2006, 07:35 PM
مجنونه زماني ..مشكوره عزيزتي على الرد .. سالفه الأقسام النسائية في البنوك هذي مطبقة فقط في البنوك الاسلامية .. وماشي شواغر عندهم زحمههههه .. اما البنوك الغير الاسلامية .. لا يغرج كلامهم اونه قسم سيدات و قسم للرجال .. يوم يستوي زحمه عند الرياييل اكون ملزومه أسير عندهم و أساعدهم .. و طبعا من دون نقاب .. حسبي الله ونعم الوكيل ..

حيره .. تسلمين على ردج الحلو يا حلوه ^__^ ..

اليازيه .. يسلم لي مرورج الطيب ..

sherefa مشكوره |ختي على الرد ..

مشكورين على دعواتكم الطيبه .. و ان شاء الله يوم بشتغل في مكان اوكيه ببشركم ^__^

hodhod123
16/10/2006, 01:59 AM
حبيبتي تمسكي بنقابك
النقاب تفضل من المرأة على الله
نيالك متفضلة على الله مين زيك؟
بعدين الله هو اللي بيرزق مو الناس
و رزقك راح تاخديه راح تاخديه
تمسكي بالنقاب مش عشان الناس و العادات و التقاليد
لا تمسكي فيه عشان الله الله و بس
ربنا يرزقك يا رب من حيث لا تعلمين
و يفتحلك ابواب الرزق و الخير
استودعكي الله الذي لا تضيع ودائعه

خالة سارة
17/10/2006, 01:05 PM
استخارى وان شاء الله بسهل امورك

بيانسيهq8
17/10/2006, 03:33 PM
هلا اختي

في بعض الوظائف ما يبيلها موظفات متنقبات
راح يكون الشغل والتعامل مع الناس صعب شوي

اختي انتي دوري وظائف يقبلون فيها المنقبات
واذا ما لقيتي تركي النقاب

لا عيب ولا حرام
والنقاب اصلاً مو فرض ... والله ورسوله مو مطالبنا فيه كمسلمات

شفيها اذا طلعتي بعبايتج والشيله ؟ ماراح ينقص شي من احتشامج وتمسكج بدينج

واذا السالفه سالفة عادات وتقاليد هذا شي ثاني

بس بصراحه انا شخصياً ما ارتاح بالتعامل مع المنقبات ( مع احترامي لهم طبعاً )
لاني ما اعرف تعابير وجههم لمن اكلمهم او اشوفهم وما اميزهم عن بعض

شلون بالشغل لمن يتعاملون مع الناس ؟؟! اكيد بيلاقون الطرفين صعووبه

نوووسهUAE
17/10/2006, 08:32 PM
الله يرزقج بالوظيفه المناسبه


بس اهم انج ماتفكرين بالناس والعادات والتقاليد بالنسبة للنقاب
يعني اهم شيء حطي في بالج النقاب لابستنه توجيها لاوامر دينية وليس للناس