المساعد الشخصي الرقمي

مشاهدة النسخة كاملة : زوجي فشلني ويا أهله وأنا بريئة



*~جميلة~*
13/10/2006, 01:41 AM
سلام عليكم يا بنات
أنا اليوم صار لي موقف :(

في بيت أخ زوجي نروح نتفطر كل يوم.. واليوم الأخوات كلهم جاءوا..
المهم: أمس كانت السلطة مخلصة، فقالت زوجة أخ زوجي لزوجي يجيب معاه سلطة..
وهو راح شراها اليوم الصبح وأنا كنت نايمــة للساعة 2 الظهر لأني ما نمت أصلاً إلا الساعـة 9 الصبح..
المهم جاء وكلمني الظاهر وأني نايمة عن أنه جاب السلطة وحطاها في مطبخ بيت عمي(أني ساكنه فوق بيت عمي) بس أني كنت نايمة وما سمعت أصلاً!!
المهم رحت المغرب بيت أخ زوجي حق الفطور... ولمن جلسنا جاء زوجي وسأل عن السلطة، قالت زوجة أخوه: ما جبت سلطة وأني موصتنك من أمس. وهو مرة وحده عصب عليي جدامهم كلهم! وقال ليش ما جبتيها؟
قلت ليه: ما أدري إن فيه.. قال أنا قايل لش.. قلت ليه متى قلت ليي؟ قال يوم حضرتش نايمه!! وهالكلام جدامهم كلهم.. كان أسلوبه عنيف ومحرج وأنا كنت منحرجه وأحاول أبرء نفسي... المهم ما قدرت استحمل حسيت بغصه ومو قادرة آكل.. وقمت ورجعت مباشرة لشقتي وزوجة أخوه قامت تناديني وأنا مو قادرة أدور لها لأني أبكي

شسوي يا بنات ؟؟ أنا من الفطور للحين أصيح وأنام لأني منصدمه لأني مو قاصرة من هموم الدنيا.. كلحين وحده من أخواته تجي تواسيني وأنا مو قادرة حاسه أني ما لي كرامة وزوجي ما قصر أهاني بما فيه الكفايه!:sad:

حاســة الدنيا سوده في عيني.. والله مو قاصرة .. مو كافي اني أحاتي الحمل ومو كافي إني كلما رحت مكان حق يوظفوني كله ما في جانس مع إني ماخذه أصعب التخصصات بالجامعه وشهادة بكالوريس...

تعبتني هادنيا اللي ما اتخلي الواحد... والله حاسه بضيق.. وحاسه أني أبغي أموت... الموت جديه والله جديه بيجي.. فليش هالعذاب فهالدنيا؟ يا ريت أموووت والله أني تعبااااانه...

يا رب لا تخليني لعبادك ...... يا رب رحمتك

*~جميلة~*
13/10/2006, 01:56 AM
يا رب لا أحب اليأس أو الاستسلام لكن ظروفي كلها ضدي أحس الحياة تبغضني وتحيرني في تدبير أمري وحدي أحس بالغصة التي لا يمكنني أن أفضفض لأحد عنها أحس بالهواء ينقص حولي كلما مر يوما علي..
أحس بالوحدة أحس أن لا صاحب لي أحس إني منبوذة ولا أدري لما. تعبت يا ربي وفهمت أن الدنيا ليست بسعادتي ولكني مقصرة في ديني، لذا أخاف أن أكون ممن قلت عنهم في كتابك العزيز(لهم في الدنيا خزي ولهم في الآخرة عذاب النار) يا ربي توجهت لك فلا تردني الهي لجأت لك فلا تخيبني
من لي غيرك؟ لا أحد
فيا رب لا تحرمني من رحمتك ولا تتركني لخلقك فقد تعبت منهم ومن أنانيتهم . تعبت من استضعافهم لي فارفعني وقوني ولا تجعل الدنيا همي وقربني إليك ولا تطيل عمري إن كنت للمعاصي والذنوب عبدةُ
ربي فلا تجعل وحدتي بين الناس وغربتي بين أهلي هماً لي بل اشغلني عنهم بذكرك واجعل صلاتي ودعاي هو صديقي ورفيقي حتى تختارني لديك
ربي فاغفر ذنوبي واجعلني عن المعاصي مبتعدة وعن مغريات هذه الدنيا لاهية بذكرك ومتوجهة لوجهك الكريم وأياديك الرحيمة وعطفك الكبير
ربي إن كان عذابي في الدنيا تطهيراً لمعاصي فأنا راضية ولكن يا ربي الهمني صبراً من عندك ولا تجعل اليأس يسري في نفسي الضعيفة واجعلني قوية سخر لي ما يجعلني من عبادك التقاة الراضين
ربي فلا تتركني


استغفرك ربي وأتوب إليك

دانة المغرب
13/10/2006, 02:00 AM
اختي هدي نفسك شوي

اكيد هو كان معصب ساعتها

انشا ءالله بيجي ويراضيك

*~جميلة~*
13/10/2006, 02:07 AM
دانة المغرب.. ما أظن يجي يراضيني..
بالعكس لمن شافني أصيـح ما أهتم.. وقال لي بدل ما أنتي جالسه اهني بلا معني قومي طلعي روحي المحاضرة! (بصيغة مو لطيفة)

وقبل اشوي اتصل يسألني إذا اتسحرت .. وقلت ليه شبعانه (مع أني ما اتفطرت شي) وقال اوكي وسكر السماعه

في ذمتكم هي حاله:( مالي حظ بهالدنيــا:(:(:(

اسيرة قلبه
13/10/2006, 02:30 AM
http://www.3roos.com/up3/asoorah.gif


يا حبيبتي ياقلبي لاتزعلين نفسك

حاسه فيك وربي

ياليت تبينين لزوجك زعلك

واذا قال شي او يللا نروح نفطر قولي انت احرجتني قدامهم ليه تسوي كذا شلون تبيني اروح لهم

مالي وجه

خليه يراضيك ويحس بغلطته الله يسامحه

قولي ماتسوى علينا سلطه تفشلني عشانها

والله يرزقك بالذريه الصالحه بهالليلة الفضيله يارب وصدقيني مارح انساك من الدعاء بإذن الله




http://www.3roos.com/up3/asoorahe.gif





ان الجميع مسافرون (احجزوا مكانكم من الآن) (http://www.3roos.com/forums/showthread.php?p=2766660#post2766660)

تـــجــــمع لبنات التقويم (اللي حاطين تقوووووويم اسنان) (http://www.3roos.com/forums/showthread.php?t=197798)

طريقة السينامووووووون وبالصووور (http://www.3roos.com/forums/showthread.php?t=201575)

parpi
13/10/2006, 02:35 AM
حبيبتى والله هو مهتم بيكى والدليل انو سأل علكى اتسحرتى ولا لآ لو انتى مش هماه فعلا مكنشى سأل عنك ز هو شويه كدة وهيروق وهيصلحك هو تلقى اتحرج من مرات اخو وهى موصياه فتنرفز متزعليش انتى بس صدقينى شويه وهيصلحك بس الرجال كرمتهم ديما زى مبنقول فى مصر <بتنقح عليهم> وخصوصا فى الاعتراف بخطئهم

شما العيناويه
13/10/2006, 02:59 AM
مرحبا اختي الله يسامحه بس المهم انتي بيني زعلج وخليه يحس بغلطته ويراضيج يوم اتشوفينه صيحتي ترا دمعه الحرمه ماتهون ع الريال

امراتيه
13/10/2006, 02:59 AM
حبيبتي هدي اعصابج ولا تضايقين عمرك

هو كان صايم وما تعررفين الشيطان اللعين

انتي كوني احسن عنه وبينيله انك مب زعلانه منه بس لما تهدا الامور كلمي قوليله ليش جي سوه وانه هو كلمك وانتي نايمه يعني ما صحاج من نومج

والله
يبعد عنكم كل شر امين

*~جميلة~*
13/10/2006, 03:06 AM
http://www.3roos.com/up3/asoorah.gif


يا حبيبتي ياقلبي لاتزعلين نفسك

حاسه فيك وربي

ياليت تبينين لزوجك زعلك

واذا قال شي او يللا نروح نفطر قولي انت احرجتني قدامهم ليه تسوي كذا شلون تبيني اروح لهم

مالي وجه

خليه يراضيك ويحس بغلطته الله يسامحه

قولي ماتسوى علينا سلطه تفشلني عشانها

والله يرزقك بالذريه الصالحه بهالليلة الفضيله يارب وصدقيني مارح انساك من الدعاء بإذن الله



شكرا حبيبتي... أنا قررات إني ما أروح بيت أخوه بعد وبكمل باقي الشهر في بيت أبويي.. خلاص احراج

*~جميلة~*
13/10/2006, 03:07 AM
حبيبتى والله هو مهتم بيكى والدليل انو سأل علكى اتسحرتى ولا لآ لو انتى مش هماه فعلا مكنشى سأل عنك ز هو شويه كدة وهيروق وهيصلحك هو تلقى اتحرج من مرات اخو وهى موصياه فتنرفز متزعليش انتى بس صدقينى شويه وهيصلحك بس الرجال كرمتهم ديما زى مبنقول فى مصر <بتنقح عليهم> وخصوصا فى الاعتراف بخطئهم
ويش الفايده مهتم والا مو مهتم.. أهمشي الاحترام..
الرجال ما يشوفون نفسهم ورجولتهم إلا بهالطريقة:(

*~جميلة~*
13/10/2006, 03:08 AM
مرحبا اختي الله يسامحه بس المهم انتي بيني زعلج وخليه يحس بغلطته ويراضيج يوم اتشوفينه صيحتي ترا دمعه الحرمه ماتهون ع الريال
شكراً غاليتي وهاللي راح أسويه ما راح اسكت عن حقي بسهولة....

*~جميلة~*
13/10/2006, 03:10 AM
حبيبتي هدي اعصابج ولا تضايقين عمرك

هو كان صايم وما تعررفين الشيطان اللعين

انتي كوني احسن عنه وبينيله انك مب زعلانه منه بس لما تهدا الامور كلمي قوليله ليش جي سوه وانه هو كلمك وانتي نايمه يعني ما صحاج من نومج

والله يبعد عنكم كل شر امين
ما راح اسامحه ...
هذي مو أول مرة يفشلني بس هالمرة زادت عاد....

SweeM
13/10/2006, 03:14 AM
عزيزتي عادي الرجال كذا يوم يزعلون ما يعرفون احد

واذا اتنرفزوا استغفر الله من نرفزتهم ترفع الضغط

اهو حا سانك زعلانه واخايف عليك بس ماوده يعتذر

الرجل عمره ما يحط نفسه انه غلطان دايما المرأه

لا تكبرين المسأله علشان سلطة

روحي تسحري الحين علشان البيبي اللي ببطنك لانك لو ما تسحرتي انتي اللي بتتعبي وهو ما بيخشر شئ

ولو تعبتي لا قدر الله يقول لك انا ما قلت لك لا تكليني انا سألت قلت تبغي اكل وانتي قلتي لا

طنشيه ولا تكلميه اليوم وبس

وبكره كلميه بجفاء شويه ولا تكبري السالفه ولا تدخلي الشياطين بينكم تراهم يفرحوا لو شافوا بني ادم زعلانين من بعض


وان شاء الله تعود المياه لمجاريه

مجنونة زماني
13/10/2006, 04:34 AM
اختي العزيزة دعينا من زوجك
و دعينا من ذاك الموقف
و دعينا نقف عند هذه العبارة
لايمكنني أن أفضفض لأحد عنها أحس بالهواء ينقص حولي كلما مر يوما علي..
أحس بالوحدة أحس أن لا صاحب لي أحس إني منبوذة ولا أدري لما. تعبت يا ربي وفهمت أن الدنيا ليست بسعادتي ولكني مقصرة في ديني،

اختي في ايه للأسف لا اذكرها تصف نفس الكلام
ضيق الدنيا بالانسان بما رحبت ..
ان الله ان احب انسان ابتلاه
و ان الله ان نسيه عبده تناساه الله .
اختي ان كان عزك و حترامك للناس اقدر و مهم . في عزك و احترامك امام الله اهم و اعظم

غالبا عندما يقع الانسان بمشكله نتوجه اليه بالقول عد الى الله فتأخذه العزة بالأثم و ينكر على نفسه الخطأ .. ليس بالمقصدون ان الانسان في مثل حالك عاصي او غيره لا والله .. و لكن لربما ابتعدتي عن الاستغفار و كثرت الصغائر حتى اهلكت كاهلك دون ان تشعري .. فعودي الى الله و لا عز لنا الا بالاسلام ..

اختي حبيبتي عودي الى منزل اخيه و انتي تقولين اللهم اني عدت ها هنا فعوضني خيرا . و اجلبي معك طبق يبيض الويه

و ابتسمي في وجهه زوجك و قولي له انت اهنتني و احرجتني دون ان تسمعني فسامحك الله لا لك و لكن ليغفر الله لي . و قولي في نفسك اللهم عوضني خيرا

و اكثري الاستغفار و اكثري من الطاعات .. و اصبري و احمدي الله لاني لا ارى حمدا على المصائب فحمدي الله على القليل قبل الكثير .. و في الضراء قبل السراء ..

فلا رزق لمن لا يشكر الله و يحمده ..


و ارجوا ان تتقبليه بسعه صدر ..

fnoora
13/10/2006, 09:02 AM
حبيبي الله يعينج
وانتي حاولي اتبينيله انج زعلانه مثل ماقالو البنات بس لاتكبرين الموضوع زياده عن حده

والله يرزقج بالذريه الصالحه انشاءالله

أسماء زكي الدين
13/10/2006, 09:58 AM
يا حياتي والله قلبي وجعني عليك ... والواحد لما يكون مهموم بيحس بأي شيء أضعاف خصيصا لو من الزوج لأنه بيكون أقرب الناس لينا


لكن يا غالية لن أقول لك هونيها ولا عديها ولا ... لكن لا تكبريها زيادة حطي له حد علشان ما يتجرأ ويكررها تاني ...

روحي عند أهلك (بعد استئذانه) قولي له إنك تبي تروحي كم يوم تهدي فيها أعصابك واقضي كم يوم ... وقولي لأخواته إنك زعلتي وإنه أحرجك لإني شايفة إن كلهن حسوا بيك بدليل إنهم جوك يطيبوا خاطرك ...


بعد أيام لن يتذكروا ... ما حصل بيني وبين زوجي قدام أخواته وإخوانه صدقيني كانت حتى أمه ما بتسكت له ما في غير أخت له واحدة هي اللي كانت تحرق لي دمي ليس لؤم منها لكن بتحب تستظرف ,,, ومزاح ثقيل ... وأحيانا لو ما تدخلت ممكن تعدي أبسط من اللي بيحصل ...

علشان كده باقول لك لا تشيلي همهم ... ولما ترجعي سوي لهم طبق كبير باختيارك ... وفهمي زوجك ما يقول لك تاني أي شيء وانت نايمة ... يا يتصل بيك بعدي يقول لك وأنت صاحية تماما ...


بعد ما يمر الموضوع ... إن شاء الله واتصل بيك يقولك ترجعي تقولي له: تيجي بنفسك تاخدني من بيت أهلي وتجيب معاك هدية تصالحني بيها ... لا تفتكري إنها ستقلل من شأنك لو قلتيها بالعكس هذا أنت بتتشرطي وبينفذ شروطك ...

ربنا يصلح لك أمورك كلها ويهديه وينولك كل اللي في بالك ...

حبيبة حمو
13/10/2006, 07:28 PM
يا حبيبتي انا اقول بيني زعلك له.. ولا تعطينه وجه في الكلام.. هم دايم كذا قدام اهلهم بذات ... وبعدين بيني له ان مشاكلكم تصير في البيت... واذا كان في راسه هواش يخليه في البيت مو قدام الله وخلقه...
ودمتي بكل الود

اختك حبيبة حمو :clap:

*~جميلة~*
14/10/2006, 12:28 AM
اهو حا سانك زعلانه واخايف عليك بس ماوده يعتذر


بالضبط ... هذا هو جبتيهــا.. المشكلة إن الرجال يظن نفسه لمن يعتذر بيفقد رجولته!!


روحي تسحري الحين علشان البيبي اللي ببطنك لانك لو ما تسحرتي انتي اللي بتتعبيالحمد لله .. مافيني بيبي يا لوليتا.. أنا أتمنى الحمل.. وأحاتي متى أحمل (هذا قصدي)

دعواتك غاليتي...... وربش كريـم

*~جميلة~*
14/10/2006, 12:40 AM
اختي العزيزة دعينا من زوجك
و دعينا من ذاك الموقف
و دعينا نقف عند هذه العبارة
لايمكنني أن أفضفض لأحد عنها أحس بالهواء ينقص حولي كلما مر يوما علي..
أحس بالوحدة أحس أن لا صاحب لي أحس إني منبوذة ولا أدري لما. تعبت يا ربي وفهمت أن الدنيا ليست بسعادتي ولكني مقصرة في ديني،

اختي في ايه للأسف لا اذكرها تصف نفس الكلام
ضيق الدنيا بالانسان بما رحبت ..
ان الله ان احب انسان ابتلاه
و ان الله ان نسيه عبده تناساه الله .
اختي ان كان عزك و حترامك للناس اقدر و مهم . في عزك و احترامك امام الله اهم و اعظم

غالبا عندما يقع الانسان بمشكله نتوجه اليه بالقول عد الى الله فتأخذه العزة بالأثم و ينكر على نفسه الخطأ .. ليس بالمقصدون ان الانسان في مثل حالك عاصي او غيره لا والله .. و لكن لربما ابتعدتي عن الاستغفار و كثرت الصغائر حتى اهلكت كاهلك دون ان تشعري .. فعودي الى الله و لا عز لنا الا بالاسلام ..

اختي حبيبتي عودي الى منزل اخيه و انتي تقولين اللهم اني عدت ها هنا فعوضني خيرا . و اجلبي معك طبق يبيض الويه

و ابتسمي في وجهه زوجك و قولي له انت اهنتني و احرجتني دون ان تسمعني فسامحك الله لا لك و لكن ليغفر الله لي . و قولي في نفسك اللهم عوضني خيرا

و اكثري الاستغفار و اكثري من الطاعات .. و اصبري و احمدي الله لاني لا ارى حمدا على المصائب فحمدي الله على القليل قبل الكثير .. و في الضراء قبل السراء ..

فلا رزق لمن لا يشكر الله و يحمده ..


و ارجوا ان تتقبليه بسعه صدر ..
لما لا تقبل كلامك ..... بالعكس أنت لم تقولي كلاماً خطأ.....
ولكن ما قلتيه ...... هذا كله ...... وأنا أبكي .... وأنا متضايقة أفكر فيه ... وأحس أن ما يحصل لي هو قد يكون رحمة من ربي؛ لأن وبكل بساطة المصائب تذكر الانسان بربه، وتوقظه من غفلة، وتنوره إن كان قد عميَ بعض الوقت......
والدليــل على قولي أني كتبت العبارة:

ربي إن كان عذابي في الدنيا تطهيراً لمعاصي فأنا راضية ولكن يا ربي الهمني صبراً من عندك ولا تجعل اليأس يسري في نفسي الضعيفة واجعلني قوية سخر لي ما يجعلني من عبادك التقاة الراضين

أختــاه أنا لا أزكي نفسي... أبداً..... ولكن أعلم أني انسانه ضعيفة حقيرة.. أمام ربٍ رحيــــــم لطيف... يعطف على العبد حتى لو كان عاصٍ متمرد فاسد .... لذا كتبت ما كتبت ......
الانسان أعرف بمن هو..... أنا لست من التقاة بل أتمنى وإن كنت مقصرة كثيراً في السعي لذلك..

ومسألة أرجع وأراضيـه ..... قد يرتاح ويحبني.. ويراني الجميــع بأعينهم كبيرة ... لكن الأكيد أن زوجي راح يتساهل بالموضوع (الله يهداه) ... ويكرر السالفة والدليل إن هذي مو أول مرة (وإن كانت أقساها)، وللعلم كنت في كل مرة أصبر......

لكِ كل الشكر حبيبتي:)

*~جميلة~*
14/10/2006, 12:47 AM
حبيبي الله يعينج
وانتي حاولي اتبينيله انج زعلانه مثل ماقالو البنات بس لاتكبرين الموضوع زياده عن حده

والله يرزقج بالذريه الصالحه انشاءالله
شكراً حبيبتي على الدعوات:)

غاليتي .... مو فاهمه شلون ما أكبر الموضوع؟ يعني قصدش إني أشتكي لأهلي عن السالفة، أو أدخل أحد؟؟؟ إذا هذا قصدك فمستحيــل أسويها..... اليوم رحت بيت أبوي وكل شي طبيعي بفضل الله ... وما حسست أحد بالموضوع أساسـاً؛ مع إني أمس بطول الليل لين الصبح كنت أفكر...


وأكرر هذي مو أول مرة..... من جديه لازم يحس بالخطأ وما في طريقة غير إني أزعــل....... هذا اللي أشوفه!

وشكراً للمرور والتعقيب والدعاء(f)

*~جميلة~*
14/10/2006, 12:54 AM
لما ترجعي سوي لهم طبق كبير باختيارك ... وفهمي زوجك ما يقول لك تاني أي شيء وانت نايمة ... يا يتصل بيك بعدي يقول لك وأنت صاحية تماما ...


بعد ما يمر الموضوع ... إن شاء الله واتصل بيك يقولك ترجعي تقولي له: تيجي بنفسك تاخدني من بيت أهلي وتجيب معاك هدية تصالحني بيها ... لا تفتكري إنها ستقلل من شأنك لو قلتيها بالعكس هذا أنت بتتشرطي وبينفذ شروطك ...

ربنا يصلح لك أمورك كلها ويهديه وينولك كل اللي في بالك ...

كلامك يا أسماء الغالية عين العقل... واضح إنك انسانه فاهمة ولك خبرة:)
وعلى فكرة عندي أخت زوجي نفس أخت زوجك تقريباً.....


حبيبتي ما يصلح أجلس كم يوم في بيت أهلي؛ لأنهم راح يحسون بالمشكلة وتكبر .. لأنهم ما يرضون علي بلمرة.... مدللـه!!<<<< طبعاً هي مشكلة ثانية:)


ومشكورة يا الغالية على دعائك الصادق....

*~جميلة~*
14/10/2006, 12:55 AM
يا حبيبتي انا اقول بيني زعلك له.. ولا تعطينه وجه في الكلام.. هم دايم كذا قدام اهلهم بذات ... وبعدين بيني له ان مشاكلكم تصير في البيت... واذا كان في راسه هواش يخليه في البيت مو قدام الله وخلقه...
ودمتي بكل الود

اختك حبيبة حمو :clap:
وهذا اللي سويته... شكراً حبيبتي لاحساسك الجميـل:)

ولا تنسيني من دعواتك

Miss . Me
14/10/2006, 01:18 AM
حبيبتي ,

لحظة غضب وموقف كلنا نمر فيه سواء مع اهلنا او مع ازواجنا او مع صديقاتنا

ووتلقينه هو متندم اكثر منك , بس طبيعة الانثى تختلف عن طبيعة الذكر

حبيبتي ,

لما قالك ( وقال لي بدل ما أنتي جالسه اهني بلا معني قومي طلعي روحي المحاضرة!

هذااكبر دليل انك شاغله باله ومهتم فيك ...

(بصيغة مو لطيفة)

اما الصيغه اللي مو لطيفه هذي لانه يحاول مايوضح لك انه مهتم لك يعني يكابررر بالعربي ..!! وهذي طبيعة اغلب الازواج


,


اشوي اتصل يسألني إذا اتسحرت .. وقلت ليه شبعانه (مع أني ما اتفطرت شي) وقال اوكي وسكر السماعه


وهذا ايضآ اثبات ثاني ان زوجك متضايق ومهتم فيك وينتظرك تبدين بالموضوع .. بتقولين ليه هو مايبدا !!!

لان المشكله ياحبيبتي كل واحد منكم يشوف ان له الحق فيها ,

وماتقدرين تقولين هو غلطان ولا اانتي غلطانه

عشان كذا ياحبيبتي

ارتاااحي وخوذي نفسسس عمييييييييق وابتسمي

لان زوجك يحبك , وهذا شي واضح من كلامك ,


على فكره

كلامك واسلوبك اللي بالدعاء مره اعجبتني ,

الله يسعدك

*~جميلة~*
14/10/2006, 01:29 AM
حبيبتي ,

لحظة غضب وموقف كلنا نمر فيه سواء مع اهلنا او مع ازواجنا او مع صديقاتنا

ووتلقينه هو متندم اكثر منك , بس طبيعة الانثى تختلف عن طبيعة الذكر

حبيبتي ,

لما قالك ( وقال لي بدل ما أنتي جالسه اهني بلا معني قومي طلعي روحي المحاضرة!

هذااكبر دليل انك شاغله باله ومهتم فيك ...

(بصيغة مو لطيفة)

اما الصيغه اللي مو لطيفه هذي لانه يحاول مايوضح لك انه مهتم لك يعني يكابررر بالعربي ..!! وهذي طبيعة اغلب الازواج


,


اشوي اتصل يسألني إذا اتسحرت .. وقلت ليه شبعانه (مع أني ما اتفطرت شي) وقال اوكي وسكر السماعه


وهذا ايضآ اثبات ثاني ان زوجك متضايق ومهتم فيك وينتظرك تبدين بالموضوع .. بتقولين ليه هو مايبدا !!!

لان المشكله ياحبيبتي كل واحد منكم يشوف ان له الحق فيها ,

وماتقدرين تقولين هو غلطان ولا اانتي غلطانه

عشان كذا ياحبيبتي

ارتاااحي وخوذي نفسسس عمييييييييق وابتسمي

لان زوجك يحبك , وهذا شي واضح من كلامك ,


على فكره

كلامك واسلوبك اللي بالدعاء مره اعجبتني ,

الله يسعدك
ترى ما أقدر أنكر كلامك يا الغاليـة.. لأني مقتنعه إنه يحاول بس بطريقته.. وأنا ألحين زعلانه عليه شويـه علشان بس ما يفكر يسويها مرة ثانية... لأني عن جد انحرجت... يمكن ما أضمن 100% ما يكرر لأن الواحد لمن يعصب ما يحس شنو يقول وشنو يسوي.. بس على الأقل أضمن إنه يحاسب وما يستسهل في الموضوع....



كلامك واسلوبك اللي بالدعاء مره اعجبتني ,
من ذوقك حبيبتي:)


وأشكر لك اهتمامك.. وردكِ المرتب، وأيضاً دعائك لي(f)

قلم انثــى
14/10/2006, 02:23 AM
أختي المسأله بسيطه.....فهوني على نفسكِ.....
كان من الممكن تخليه يمتص الصدمه....وفي وقت الفطور تقولين بس خلاص حقك علي..!

ليش زعلانه ها الكثر صدقيني ما يستاهل الموقف...وصارحي زوجك بابتسامه عريضه...ومن هذي الابتسامه راح تكسرين الحزن..

أختي لا تتمنين الموت..!!!!!! ما يصير لج الموت سهل بس ما تدرين شو بيصير لج بعد الموت..!!

خلي قلبج قوي....وادعي ان الله يرزقج بالذريه الصالحه..

تقبلي خالص الود..
قلم انثـى

^^روز^^
14/10/2006, 05:17 AM
اختي

لاتحااسبين الرجال بلحضة عضب

يمكن هو انحرج لمن سالته مرت اخوة

يعني هونيها وتهون

استغلي العشر الأواخر بالدعاء وقياام الليل

واذا على الصراخ اناااااا ازيد منك يمكن انا زوجي عصبي وماايرحم قدام اهله وراهم واذا صرخ علي قدام اهله على طول اصيح دمعتي تسبق كلاامي

بس يحس انه غلط لأني مثلك مدلله ويدري

الله يصلحهم انشاءالله

الله يكتب لي ولك الحمل ان شاءالله دعواتك في هذاالشهر الفضيل واكثيري من الدعااء بين الأذان والأقامة وفي قياام الليل والسجوود


وصدقيني زوجك حس انه زعلك والدليل اتصل عليج

طميننا عليك

RoOoOmy
14/10/2006, 09:23 AM
الله يهدي النفوس ان شاء الله
يمكن تصرفه معاك قدام اهله هو اللي حاز في نفسك لانه احرجك وهو أكيد غلطان .. وفي نفس الوقت هو انحرج لان زوجة اخوه وصته على السلطة وكأن هو اللي ما جابها
انتي قعدي معاه برواقة وفهميه ان الموقف خلاص صار وانتهى وان اللي صار لا غلطك ولا غلطه
الله مو كاتب لهم عاد ياكلون سلطة ذاك اليوم
الدنيا ما وقفت .. وفيه اكل غير السلطة على السفرة
بس هو غلطان لان صرخ عليك واحرجك قدام القاعدين واكيد حاس بغلطه
اطلبي منه انه مايكرر هالموقف وان احترامه لك قدام الناس شي ضروري .. هذا شي من حقك
بس لا تكبري الموضوع .. حتى لو ما اعتذر لك في وقتها اكيد بيحس بغلطه وكفاية انه اتصل فيك في نفس اليوم عشان يسألك عن السحور
انتي يمكن صايرة حساسة شوي عشان موضوع الحمل والوظيفة
لكن لا تحاتين رحمة ربك العالمين فوق كل شي وان شاء الله الوظيفة والحمل في نفس الشهر
قولي آمين

انا ما الومك لاني لو مكانك بسوي مثلك واكثر يمكن للحين اصيح ( تقولين شلالات دموع )
بس هذي الحياة نتعلم من مواقفها ... وفرصة تتفاهمي مع زوجك وأكيد راح يفهم من هالموقف اشياء كثيرة وماراح يكرره

واهله هم اهلك ... اللي صار صار خلاص
بالتوفيق

أم سـطام
14/10/2006, 09:38 AM
يا عيوني ... و بيني و بينك معاك عذر تزعلين .. من جد احراج ..
بس يا قلبي لا تكبري الموضوع ..

للأسف مو بس زوجك >< الا دايم تصير





.................................................. .............................
.................................................. .............................

http://amst.jeeran.com/a.st29.jpg
300 ريال فقط

eshqman
14/10/2006, 12:39 PM
أختي العزيزة

انا قرأت تقريبا كل الردود

والذي تبين لي انك انسانة فاهمة وواعية:ok:

وانك تحاولين قدر المستطاع ان الموضوع ما يكبر بس مجرد

انك تبين ان زوجك يحس شوي بالموضوع وانه ما يحاول يحرجك مرة ثانية

..........

اهو فعلا اتوقع ان زوجك حاس فيكي بس عادة الرجال معظمهم ما عندهم طريقة

شلون يعبرون عن مشاعرهم خاصة وقت الزعل:ss:

لأن تقدرين تقولين ان عقولهم مثل الأطفال ....هههههههههههههه:dd:

والشي الي تسوينه انا من رأيي انه عين الصواب عشان بس يحس بخطأه

طنشيه فترة

واذا حسيتي انه ما راح يحاول يكلمك

انتي بنفسك كلميه يعني قعدو مع بعض لما يكون مزاجه رايق وأوك وهاديء

وبيني انك كنتي زعلانة من الي صار لكن بدون عصبية وبكل هدوء

وتدلعي شوي

واتوقع انه راح يحس :up:

وبني له ان شكثر كنتي مشتاقة له طول فترة الزعل:shy:

وانك طول الوقت كنتي تفكرين فيه وانك حسيتي انك كنتي بعيدة عنه....الخ

يعني كلام تلينين فيه قلبه

وقولي له (((يعني لمعيه بشوية باليس هههههههههههههههه)))

"انا ماأبغي أزعل منك بس الي صار شوي كان صعب أتحمله

واتمنى انه ما يتكرر وانا واثقة منك انك ماراح تعيدها لأنك تحبني" ومع أبتسامة منك(r)

وان شاء الله راح يحس بخطأه وماراح يعيدها

والله لا يجيب الزعل بينكم ان شاء الله:smile:

ودمتي بمحبة

سحر2005
14/10/2006, 02:02 PM
اسأل الله العظيم رب العرش العظيم ان تهدي النفوس وان تجمع بينهم على خير
اسأل الله العظيم رب العرش العظيم ان تهدي النفوس وان تجمع بينهم على خير

اسأل الله العظيم رب العرش العظيم ان تهدي النفوس وان تجمع بينهم على خير
اسأل الله العظيم رب العرش العظيم ان تهدي النفوس
وان تجمع بينهم على خيراسأل الله العظيم رب العرش العظيم ان تهدي النفوس وان تجمع بينهم على خير

سحر2005
14/10/2006, 02:03 PM
اسأل الله العظيم رب العرش العظيم ان تهدي النفوس وان تجمع بينهم على خير
اسأل الله العظيم رب العرش العظيم ان تهدي النفوس وان تجمع بينهم على خير

اسأل الله العظيم رب العرش العظيم ان تهدي النفوس وان تجمع بينهم على خير
اسأل الله العظيم رب العرش العظيم ان تهدي النفوس
وان تجمع بينهم على خير
اسأل الله العظيم رب العرش العظيم ان تهدي النفوس وان تجمع بينهم على خير

فجر الخيول
14/10/2006, 07:36 PM
ياعمري ياحبيبتي معاك حق الموقف مو حلو
لكن تبغي الحق ولاتزعلين مني
انتي الغلطانه ايه حبيبتي
الرجال تربوا على الصوت العالي وانه كلمته واحده وووو
وماتربوا انهم يدلعون ويقولون كلام حلو
وهذا المفروض اول شيء تحاولين تغيرينه بزوجك
يعني لما عصب كان حاولتي تمسكي اعصابك وتطولي بالك وتكلمينه بهداوه خلاص طول بالك ولاتزعل معليش ماسمعتك
واذا حده واصله قولي اقوم الحين اجيبها ولاتزعل المهم حاولي تهدينه قدام الناس وبيني انه مو من عاده زوجك يعاملك كذا وحاولي تلطفي الجو
وبعدين بينك وبينه لما تجلسون كلميه بهداوه انه مايصير تصيح على وتعصب قدام الناس انا نور عليك وروح قلبك بدل ماتدلعني قدام الناس تعصب علي
من وهالكلام الي يخليه يتجرا انه يدلعك ويحترمك ويبطل يعصب عليك
ثانيا هو مره متضايق انه عصب عليك
والدليل بيحاول انه يكلمك بس مايبغى يبين كان لما اتصل كان اخذتي معاه بالكلام يهمك تعرف
طيب لو قلت لك بطني فاضي من الفطور مااكلت شيء عشان نور عيوني ظلم الدنيا بعيوني اليوم ايش ارايك فيه
مافي غيرك نور عيوني ياخذ لي حقي منه
من هالكلام الي يخليه يتجرا ويكلمك ويعتذر
موتسدين نفسه وتقولين شبعانه كانه تقول اسكت ومابغاك تكلمني وكثر ربي خيرك
حبييبتي ماقول دلعيه اقول حبيه
كلميه بحب حسسيه بحبك
عشان هو كمان يحبك ويحسسك بحبه ووقتها مستحيل يقول لك كذا
هذا اذا ماقال لك المره الجايه عمري جبتي السلطه
خلاص ارتاحي اطلع انا اجيبها
هههههههههه خيالاتها قووويه
معليش عمري انا رديت وماشفت ردود البنات كنت مستعجله شوي

فجر الخيول
14/10/2006, 07:46 PM
حبيبتي قرات بردود البنات انه تزعلين منه حبييبتي قبل ماتسوين الي يقولونه بقول لك شي
انتي يوم نسيتي السلطه هو ايش سوى بالاول على طول زعل منك وشوفي نتيجه الزعل
طبعا انتي مابتعصبين بس كل واحد له طريقته بالزعل والي الثاني مايحبها وكنتي تتمنى لو تفاهم معاك بالحسنى بيكون افضل
نفس الشيء قوليه لنفسك
عوديه على الهدوء والتفاهم
وخلي الزعل اخر الحلول او لشيء كبير يسوى انه تزعلين قلب رجالك وحبيبك وابوعيالك

ملاك الورد
14/10/2006, 09:17 PM
غاليتي جميلة الحياة فيها الحلو والمر
ولازم الواحد يذوق الاثنين عشان يحس بطعم ومعنى الآخر ...

انتي غيري نظرتج لنفسج والظروف اللي حواليج ولزوجج ..
دايما اكرر ان النظرة المتشائمة ترجعنا آلاف الخطوات للخلف

الحياة الزوجية فيها شدة ورخاء ما في زوجة بهالدنيا ما صرخ عليها زوجها
او زعل منها او احرجها والرياييل هذا طبعهم واكيد الزوجة تصرخ وتعصب
على زوجها بلحظة غضب او حتى بدون سبب .. هذي الحياة الزوجية شدة ورخاء ..

والحين اللي صار صار ارميه ورا ظهرج .. وباجر حضريلهم احلى طبق وازين صحن
لا تحرجين زوجج بالعكس خليه يفتخر فيج وبشغلج جدامهم .. واذا رجعتوا لشقتكم
اخذي بيده وتسامحي منه مب عيب ان الحرمة تعتذر من زوجها حتى لو هو الغلطان
بالعكس تكبرين بعينه اكثر .. وان قدرتي سويله طبخه حلوة او حفلة صغيره او هاتيله هدية ..
لاتنتظرين هو ايي لحد عندج في رياييل كبرياءهم يمنعهم من هالشيء فكوني
انتي السباقة للصلح ...

وبالنسبة لظروفج الاخرى فيا قلبي كلنا نعاني منها وما في انسان يخلى من هالظروف
بس شو بتسوين مالج غير الدعاء والتوكل على رب العالمين ولا تخلين هالامور تعيق
حياتج ترا كلها دنيا زائلة وفانية مب ماخذين منها شيء فليش نتكدر بهمومها ؟؟!!

ما عليج من شيء وعيشي حياتج مفرفشة مهما كانت ظروفج الانسان يعيش مرة وحدة...

*~جميلة~*
14/10/2006, 10:40 PM
أختي المسأله بسيطه.....فهوني على نفسكِ.....
كان من الممكن تخليه يمتص الصدمه....وفي وقت الفطور تقولين بس خلاص حقك علي..!

ليش زعلانه ها الكثر صدقيني ما يستاهل الموقف...وصارحي زوجك بابتسامه عريضه...ومن هذي الابتسامه راح تكسرين الحزن..

أختي لا تتمنين الموت..!!!!!! ما يصير لج الموت سهل بس ما تدرين شو بيصير لج بعد الموت..!!

خلي قلبج قوي....وادعي ان الله يرزقج بالذريه الصالحه..

تقبلي خالص الود..
قلم انثـى
يا قلم أنثى كلامك صح .. بس في حال إذا كانت هذي أول مرة يسويها... زوجي الله يهداه دايماً يسويها .. وأني كم مرة جلست وفهمته إن ما لا داعي نتهاوش أو نصارخ على بعض أمام أحد.. لأن الناس ما تخلي وتنقل السالفــة وتكبرها وتصير بلبلة ووو .. غير إن هالشي يفقدني احترامهم لي
... وأسباب كثيرة...
وهو بصراحــة يقتنع تماماً بكلامي، وسبحان الله (أبو طبع ما يجوز عن طبعه)!!!!
فشنو الحل؟؟ إني أهد المكان وابيـن زعلي علشان يحس بالموضوع ويحسب غير هلمرة ألف حساب....


الله يهدي أزواجنـا ومشكورة حبيبتي على الاهتمام والنصيحة:)

*~جميلة~*
14/10/2006, 10:44 PM
اختي

لاتحااسبين الرجال بلحضة عضب

يمكن هو انحرج لمن سالته مرت اخوة

يعني هونيها وتهون

استغلي العشر الأواخر بالدعاء وقياام الليل

واذا على الصراخ اناااااا ازيد منك يمكن انا زوجي عصبي وماايرحم قدام اهله وراهم واذا صرخ علي قدام اهله على طول اصيح دمعتي تسبق كلاامي

بس يحس انه غلط لأني مثلك مدللـه ويدري

الله يصلحهم انشاءالله

الله يكتب لي ولك الحمل ان شاءالله دعواتك في هذاالشهر الفضيل واكثيري من الدعااء بين الأذان والأقامة وفي قياام الليل والسجوود


وصدقيني زوجك حس انه زعلك والدليل اتصل عليج

طميننا عليك
مشكورة حبيبتي .... الحمد لله الأمور هدأت... وهو حاس بغلطته .... بس مو راضي يعترف بشكل مباشــر..... ويلف ويدور ويجيب سوالف غير!


بس المهم عندي هو احساسه بأهمية الموضــوع...

*~جميلة~*
14/10/2006, 10:46 PM
الله يهدي النفوس ان شاء الله
يمكن تصرفه معاك قدام اهله هو اللي حاز في نفسك لانه احرجك وهو أكيد غلطان .. وفي نفس الوقت هو انحرج لان زوجة اخوه وصته على السلطة وكأن هو اللي ما جابها
انتي قعدي معاه برواقة وفهميه ان الموقف خلاص صار وانتهى وان اللي صار لا غلطك ولا غلطه
الله مو كاتب لهم عاد ياكلون سلطة ذاك اليوم
الدنيا ما وقفت .. وفيه اكل غير السلطة على السفرة
بس هو غلطان لان صرخ عليك واحرجك قدام القاعدين واكيد حاس بغلطه
اطلبي منه انه مايكرر هالموقف وان احترامه لك قدام الناس شي ضروري .. هذا شي من حقك
بس لا تكبري الموضوع .. حتى لو ما اعتذر لك في وقتها اكيد بيحس بغلطه وكفاية انه اتصل فيك في نفس اليوم عشان يسألك عن السحور
انتي يمكن صايرة حساسة شوي عشان موضوع الحمل والوظيفة
لكن لا تحاتين رحمة ربك العالمين فوق كل شي وان شاء الله الوظيفة والحمل في نفس الشهر
قولي آمين

انا ما الومك لاني لو مكانك بسوي مثلك واكثر يمكن للحين اصيح ( تقولين شلالات دموع )
بس هذي الحياة نتعلم من مواقفها ... وفرصة تتفاهمي مع زوجك وأكيد راح يفهم من هالموقف اشياء كثيرة وماراح يكرره

واهله هم اهلك ... اللي صار صار خلاص
بالتوفيقما شاء الله يا الغاليـة ردش ريحني كثيــــــر ، أحس نفسي جالسه أقرأ كلامي مو كلام أحد ثاني... حسيتي فيني عدل:) مشكورة:)

*~جميلة~*
14/10/2006, 10:48 PM
يا عيوني ... و بيني و بينك معاك عذر تزعلين .. من جد احراج ..
بس يا قلبي لا تكبري الموضوع ..

للأسف مو بس زوجك >< الا دايم تصير

الله يهدي أزواجنـا يا رب بحق هذي الليالي العظيمــة...

*~جميلة~*
14/10/2006, 10:51 PM
أختي العزيزة

انا قرأت تقريبا كل الردود

والذي تبين لي انك انسانة فاهمة وواعية:ok:

وانك تحاولين قدر المستطاع ان الموضوع ما يكبر بس مجرد

انك تبين ان زوجك يحس شوي بالموضوع وانه ما يحاول يحرجك مرة ثانية

..........

اهو فعلا اتوقع ان زوجك حاس فيكي بس عادة الرجال معظمهم ما عندهم طريقة

شلون يعبرون عن مشاعرهم خاصة وقت الزعل:ss:

لأن تقدرين تقولين ان عقولهم مثل الأطفال ....هههههههههههههه:dd:

والشي الي تسوينه انا من رأيي انه عين الصواب عشان بس يحس بخطأه

طنشيه فترة

واذا حسيتي انه ما راح يحاول يكلمك

انتي بنفسك كلميه يعني قعدو مع بعض لما يكون مزاجه رايق وأوك وهاديء

وبيني انك كنتي زعلانة من الي صار لكن بدون عصبية وبكل هدوء

وتدلعي شوي

واتوقع انه راح يحس :up:

وبني له ان شكثر كنتي مشتاقة له طول فترة الزعل:shy:

وانك طول الوقت كنتي تفكرين فيه وانك حسيتي انك كنتي بعيدة عنه....الخ

يعني كلام تلينين فيه قلبه

وقولي له (((يعني لمعيه بشوية باليس هههههههههههههههه)))

"انا ماأبغي أزعل منك بس الي صار شوي كان صعب أتحمله

واتمنى انه ما يتكرر وانا واثقة منك انك ماراح تعيدها لأنك تحبني" ومع أبتسامة منك(r)

وان شاء الله راح يحس بخطأه وماراح يعيدها

والله لا يجيب الزعل بينكم ان شاء الله:smile:

ودمتي بمحبة
غاليتي :) ردكِ أعجبني كثيراً(f)
مشــكورة يا الغاليـة على النصائح الثمينة... وهذا اللي طبقته بالفعل :)
والحمد لله ألحيـن الأمور هاديــه ...

*~جميلة~*
14/10/2006, 10:52 PM
اسأل الله العظيم رب العرش العظيم ان تهدي النفوس وان تجمع بينهم على خير
اسأل الله العظيم رب العرش العظيم ان تهدي النفوس وان تجمع بينهم على خير

اسأل الله العظيم رب العرش العظيم ان تهدي النفوس وان تجمع بينهم على خير
اسأل الله العظيم رب العرش العظيم ان تهدي النفوس
وان تجمع بينهم على خيراسأل الله العظيم رب العرش العظيم ان تهدي النفوس وان تجمع بينهم على خير
شكراً أخيــة على احساسك الجميل ودعواتك:)
الله يسعدك .....

*~جميلة~*
14/10/2006, 11:07 PM
حبيبتي قرات بردود البنات انه تزعلين منه حبييبتي قبل ماتسوين الي يقولونه بقول لك شي
انتي يوم نسيتي السلطه هو ايش سوى بالاول على طول زعل منك وشوفي نتيجه الزعل
طبعا انتي مابتعصبين بس كل واحد له طريقته بالزعل والي الثاني مايحبها وكنتي تتمنى لو تفاهم معاك بالحسنى بيكون افضل
نفس الشيء قوليه لنفسك
عوديه على الهدوء والتفاهم
وخلي الزعل اخر الحلول او لشيء كبير يسوى انه تزعلين قلب رجالك وحبيبك وابوعيالك
غاليتي أنا أتفق معكِ أني لابد أن أتصرف معه بحب وحكمة، لكن كما قلت في ردودي السابقة، أنها ليست بالمرة الأولى، وكم من المرات جلست وأقنعته بأن يحترمني أمام الناس، وإذا عنده شي علي، يحاجيني أني وبس وما لا داعي أحد يدري أو يسمع... بس هو يقتنع بالكلام في نفس الوقت وبعدها يزيـد!!!! يعني ما نفع أسلوب الهدوء وياه، فبالتالي شنو الحــل؟

تخيلي معاي..
أنكِ تحبين انسان وتسترين عليــه وتعرفين شنو عيوبه ولمن أحد من أهله يحكي قدامك عن عيوبـه( وإنتِ فعلاً واثقة إنها عيوب فيه) بس تجلسين تدافعين عنــه وما ترضين...
وهالشخص بلحظة يجي ويفشلك معاهم والواضح إنك مو غلطانه أصلاً ... شنو ... بتصبرين؟؟؟

ما أظــن... أني جلست صابرة فترة .... وهو جالس يصارخ وأنا سكت، حاولت ابيـن أني مو راضية، لأني نزلت راسي وكان باين على وجهي الصدمة والفشيلة .... بعدها ما رضيت على نفسي تنهان أكثر .. هم أني عندي احساس وكرامـة... مباشرة قمت ... وما رضيت آكل حتى لو كنتِ صايــمه...

أتمنى تكونين فهمتِ كلامي.. وأتمنى آلاقي رد إلك:)

*~جميلة~*
14/10/2006, 11:15 PM
غاليتي جميلة الحياة فيها الحلو والمر
ولازم الواحد يذوق الاثنين عشان يحس بطعم ومعنى الآخر ...

انتي غيري نظرتج لنفسج والظروف اللي حواليج ولزوجج ..
دايما اكرر ان النظرة المتشائمة ترجعنا آلاف الخطوات للخلف

الحياة الزوجية فيها شدة ورخاء ما في زوجة بهالدنيا ما صرخ عليها زوجها
او زعل منها او احرجها والرياييل هذا طبعهم واكيد الزوجة تصرخ وتعصب
على زوجها بلحظة غضب او حتى بدون سبب .. هذي الحياة الزوجية شدة ورخاء ..

والحين اللي صار صار ارميه ورا ظهرج .. وباجر حضريلهم احلى طبق وازين صحن
لا تحرجين زوجج بالعكس خليه يفتخر فيج وبشغلج جدامهم ..

وبالنسبة لظروفج الاخرى فيا قلبي كلنا نعاني منها وما في انسان يخلى من هالظروف
بس شو بتسوين مالج غير الدعاء والتوكل على رب العالمين ولا تخلين هالامور تعيق
حياتج ترا كلها دنيا زائلة وفانية مب ماخذين منها شيء فليش نتكدر بهمومها ؟؟!!

ما عليج من شيء وعيشي حياتج مفرفشة مهما كانت ظروفج الانسان يعيش مرة وحدة...
كلامك صحيح وبصراحــة استفدت من تواجدك غاليتي :) مشكورة ...

فجر الخيول
15/10/2006, 01:09 AM
ياعمري انا لي ردين مو رد والاهم اقري الاول

business_girl
15/10/2006, 01:26 AM
موقف صعب والله

وحاسه باللي صار فيج .. ومن حقج تزعلين

والبنات ماشاءالله ما قصروا

والله يهدي زوجج يارب

قطريه كوول
15/10/2006, 01:40 AM
هلا حبيبتي ترا عادي هذي المشاكل تصير بكل بيت بس الايام تمر وتنسين ولاتفكرين وااايد بهالموضوع ولاتقللين من قدر نفسك

*~جميلة~*
15/10/2006, 02:00 PM
ياعمري انا لي ردين مو رد والاهم اقري الاول
شفتهم يا فجر اثنينهم :)

*~جميلة~*
15/10/2006, 02:03 PM
موقف صعب والله

وحاسه باللي صار فيج .. ومن حقج تزعلين

والبنات ماشاءالله ما قصروا

والله يهدي زوجج يارب
شكراً يا بزنز... الحمد لله الأمور هديت ألحيــن
شوفي لي وظيفة عندك(r)

*~جميلة~*
15/10/2006, 02:04 PM
هلا حبيبتي ترا عادي هذي المشاكل تصير بكل بيت بس الايام تمر وتنسين ولاتفكرين وااايد بهالموضوع ولاتقللين من قدر نفسك
شكراً قطرية :) الله يسعدك :)

دلوعة جعلان
15/10/2006, 02:10 PM
حبيبتي كل ما يزعلج ابكي وبيني له انك بنت وله كرامة وانك تحبيه ف نفس الوقت بس مو بسلطة هي الي تخليه يحرجك وبعدين دلعيه بليله حلوه عشان تنسون الي صار بينكم كشخي وتمكيجي وترسي الغرفه والحمام شموع وورود وعبارات حب وهيام خليه يذوب فيج عشان كل مازعلتي منه ما تهوني عليه يرد ويبوس لج حتى ريولج

كناري
15/10/2006, 02:20 PM
اختي هو اتصل سألك تسحرتي علشان اذا ما تسحرتي يجيب سحور يتسحر معك... يعني قلبه عليكي.
مهتم فيك بس بطريقه غير مباشره
ولما قلتي له شبعانه فكر انو مابدك تتسحري معه ف ارتفع ضغطه وقال اوكي وسكر....
حسها مش حلوه بحقه.
المهم....
طنشيه و انا لو مكانك راح اروح بيت اخوه عادي واتعامل مع كل اهله عادي بس هو لا .. بطنشه ، خليه ينقهر... ولا كأنه موجود ، واذا تكلمت معه بتكلم معه كأني بتكلم مع اي شخص عادي..
ماعلينا..
لا تبكي قدام الرجال ، يصير أقوى عليكي بعدين.
اختي مجنونة زماني،، الايه اللي قصدتيها هي ((ومن يعرض عن ذكري فإن له معيشةً ضنكا،، ونحشره يوم القيامة أعمى)) ..........

*~جميلة~*
15/10/2006, 10:49 PM
حبيبتي كل ما يزعلج ابكي وبيني له انك بنت وله كرامة وانك تحبيه ف نفس الوقت بس مو بسلطة هي الي تخليه يحرجك وبعدين دلعيه بليله حلوه عشان تنسون الي صار بينكم كشخي وتمكيجي وترسي الغرفه والحمام شموع وورود وعبارات حب وهيام خليه يذوب فيج عشان كل مازعلتي منه ما تهوني عليه يرد ويبوس لج حتى ريولج
شكراً الغاليـة على النصائح الثمينة، وإنشاء الله راح أطبقها:o

*~جميلة~*
15/10/2006, 10:55 PM
اختي هو اتصل سألك تسحرتي علشان اذا ما تسحرتي يجيب سحور يتسحر معك... يعني قلبه عليكي.
مهتم فيك بس بطريقه غير مباشره
ولما قلتي له شبعانه فكر انو مابدك تتسحري معه ف ارتفع ضغطه وقال اوكي وسكر....
حسها مش حلوه بحقه.
المهم....
طنشيه و انا لو مكانك راح اروح بيت اخوه عادي واتعامل مع كل اهله عادي بس هو لا .. بطنشه ، خليه ينقهر... ولا كأنه موجود ، واذا تكلمت معه بتكلم معه كأني بتكلم مع اي شخص عادي..
ماعلينا..
لا تبكي قدام الرجال ، يصير أقوى عليكي بعدين.
اختي مجنونة زماني،، الايه اللي قصدتيها هي ((ومن يعرض عن ذكري فإن له معيشةً ضنكا،، ونحشره يوم القيامة أعمى)) ..........
أختي كناري مشكورة على المرور..

وأنا بالفعل ما بكيت قدامه؛ بس أنا يبين على وجهي إذا أبكي.. يعني وجهي يتغير كلياً!

وإن شاء الله بيت أخوه بحاول أروح مع إني متفشله، البداية صعبه وبعدين بتهون السالفة!


دعواتــكم:)

SweeM
16/10/2006, 03:07 PM
جميله اذا انحل موضوعك وان شاء الله يكون انحل

نبغي نعرف كيف تصرفتي

علشان نستفيد لو لا قدر الله انحطينا بنفس الموقف

ويارب تكون احوالك الحين احسن

والله يرزقك بالذريه الصالحه

خالة سارة
16/10/2006, 10:27 PM
يالله ماعرف شو اقول لكى الله يزيل عنك الحزن

ضياء النور
17/10/2006, 12:07 AM
الله يعينك وصبرك

فجر الخيول
18/10/2006, 04:23 AM
حبيبتي طالما هذه مو اول مره وطالما تناقشتوا بكذا وماطلعتي بنتيجه لازم تشوفين حل ثاني
وبنفس الوقت موالخرجه من البيت
انتي قبل ماتخرجين فكري فيها وحاسبيها من كل النواحي عشان تخرجي وانتي مقتنعه او تجلسي وانتي مقتنعه
لو خرجتي من البيت اسوا الحلول بتصير انه لوضع يصير اسوا من كذا ويعاند اكثر ومايجي يراضيكي ويشوف انك خرجتي على شيء مايسوى ويقول هي الي خرجت هي الي ترجع وبما اني مو غلطان محد له كلمه علي
ووقتها مخيره تلمينها وترجعين لرجالك او ان تعاندين ويوقف عند حده ويراضيكي ويقول الله حق او انه كل واحد لاقدر الله يروح بحاله
اذا انتي حسيتي انه وصلتي لها لمرحله وتبينها كذا اقول لك الله معاك روحي لبيت اهلك
وممكن تصير احسن الحلول انه من تروحين بيت اهلك ثاني يوم وهو جاي ومرضيك ومراااضيك وماخذ بخاطرك وانتي قلتيها هذا طبع فيه يعني بعدها بكم يوم وهو راجع لطبعه طيب وبعدها تزعلين وترجعين بيت اهلك او انه تحاولين بحل ثاني وهو اذا ماخرجتي المره الثانيه بيرجع بيعيدها
مثل ماقلت لك ماتروحين لبيت اهلك الا في الكبيره لانه مابعد هذا الحل حل
والحين ايش هو الحل
خليك بمكانه وسويتي له حركه عصبت فيه وجاكي بالهداوه وفهمك انا ماحب كذا ولاتسوين كذا
بس الطبع غلاب وعدتيها تحبين انه على طول يقول لك بيت اهلك ولاتحبين انه يشد عليك شوي
انتي بعد سوي نفس اشيء
بس قبل ماتسوين كذا جربتي تهدينه لما يعصب عليك قدا الناس ذكريه وحاولي تطفي نار غضبه وتلطفين الجو يعني الله يهديك طول بالك لاتعصب حقك علي
وبعد لو انتي من النوع المزوح والضحوك ممكن تقولين لاتعصب علي كذا فشلتني قدام الناس
يعني حاولي ترطبين الجو
رجع عادها مره ثانيه
برضو نفس الرد بس بين كلامك وجهي كلمه بنبره حاده ايش فيك لاتعصب علي بشويش مصار الا الخير ان شاء الله يعني من هذا الكلام
وبعد كذا بينك وبينه قولي له والله ترى صرت اتفشل اروح عند اهلك لما تعصب علي تحز بخاطري
الحين بدل ماتقول لي كلمتين حلوه قدامهم ترفع من قيمتي بينهم تهزئني
ولاتقللين من قيمته بينهم مثل مايقولون البنات طنشيه ولاتردين عليه هذا بيخليه ينقهر ويحقد ويمكن يعاندك ويعصب اكثر
ولاتبينين قدام الناس انك تاثرتي مثل ماقلت لك ابلعيها وخذيها بالمزح والضحك وبينك وبينه طلعي البكا وقولي ترى حزت بخاطري وقهرتني ولايغرك ضحكي وربي انها جلست بقلبي


اخر اخر اخر حل انه تتضايقي وتسوي مثل مسويتي وليش قلت اخر حل لانه لما يشوفك بالعاده تتحملين وتضحكين وتسولفين ومره كذا انهزيتي وثرت فيك بيعرف انه فعلا قوووويه وبيحس فيها
ووقتها نشوف اذا تروحين بيت اهلك او لا
اختي اذا هذا طبعه الله يعينك عليه
راح تتعبي لما تغيريه ولازم تفهمي الكل انه زوجك عصبي وانه مايحس بنفسه لما يعصب عشان نوعا ما يكون اسهل الموقف عليك حاولي بين الكلام تقولين بشكل غير مباشر انه زوجك عصبي

وسامحيني تاخرت بالرد بس لانه سافرت مكه وماكان فيه اتصال وبالي والله كان واياك وهذا انا اول ماتوفر اتصال كلمتك

*~جميلة~*
19/10/2006, 09:16 PM
جميله اذا انحل موضوعك وان شاء الله يكون انحل

نبغي نعرف كيف تصرفتي

علشان نستفيد لو لا قدر الله انحطينا بنفس الموقف

ويارب تكون احوالك الحين احسن

والله يرزقك بالذريه الصالحه
مرحباً لوليتا..

الموضوع الحمد لله انحل وما طول.. ومثل ما قالوا كثير من الأخوات إن الرجال كان مفتشل من زوجة أخوه، وسوه اللي سواه علشان يعدل الفشيلة... بس هو حس إن غلط، وحاول بطريقته يغطي الموضوع..

أنا اللي سويته. إن من يقول شي .. أرد عليه : علشان تخبر أهلك؟؟ يعني حسسته بالغلط عدل.... وبعد كم يوم رحت اتفطر في بيت أخوه. بعد ما أخوه قال لي تعالي... يعني حسسته وحسست الكل إني ما أرضى على نفسي... بس ألحيـن صار الموضوع عادي وطبيعي.. الحمد لله:)

*~جميلة~*
19/10/2006, 09:18 PM
الأخـوات: خالة سارة وضياء النور، شاكرة لكم مروركم ودعواتكم:)

*~جميلة~*
19/10/2006, 09:51 PM
حبيبتي طالما هذه مو اول مره وطالما تناقشتوا بكذا وماطلعتي بنتيجه لازم تشوفين حل ثاني
وبنفس الوقت موالخرجه من البيت
انتي قبل ماتخرجين فكري فيها وحاسبيها من كل النواحي عشان تخرجي وانتي مقتنعه او تجلسي وانتي مقتنعه

يا هلا فجر الخيول:)
أنا ما خرجت من بيت زوجي! بالعكس أنا رحت لبيته.. أنا خرجت من بيت أخوه.. بقصد أني ما أبغي أبكي قدامــه. وهم فاهميـن هالشي..


لو خرجتي من البيت اسوا الحلول بتصير انه لوضع يصير اسوا من كذا ويعاند اكثر ومايجي يراضيكي ويشوف انك خرجتي على شيء مايسوى ويقول هي الي خرجت هي الي ترجع وبما اني مو غلطان محد له كلمه علي

ووقتها مخيره تلمينها وترجعين لرجالك او ان تعاندين ويوقف عند حده ويراضيكي ويقول الله حق او انه كل واحد لاقدر الله يروح بحاله
اذا انتي حسيتي انه وصلتي لها لمرحله وتبينها كذا اقول لك الله معاك روحي لبيت اهلك
وممكن تصير احسن الحلول انه من تروحين بيت اهلك ثاني يوم وهو جاي ومرضيك ومراااضيك وماخذ بخاطرك وانتي قلتيها هذا طبع فيه يعني بعدها بكم يوم وهو راجع لطبعه طيب وبعدها تزعلين وترجعين بيت اهلك او انه تحاولين بحل ثاني وهو اذا ماخرجتي المره الثانيه بيرجع بيعيدها
مثل ماقلت لك ماتروحين لبيت اهلك الا في الكبيره لانه مابعد هذا الحل حل
أنا أتفق معاكِ إن الخروج من بيت الزوج أسوأ الحلول.. بس مثل ما وضحت لك أنا خرجت من بيت أخوه.. ولسبب الاحراج ..
وزوجي بهالطريقة حس إنه فشلني بالفعل، وعلى كلام أخواته هو أكل من صحني شوي وبسرعة قام جاء البيت.. بس أنا حزتها كنت بالغرفة الثانيـة، وما أبغي يتكلم ويايي مباشرة..
تأكدي لو جلست يعني أقول ليه كرر وكلمرة صارخ علي قدام أهلك وأحرجني لأني ما أحس وعندي الشي عادي، وما عندي كرامة بعد!! مو صح؟
أنا لو أتنازل يعني مو بس راح يكرر، راح يتمادى، وبيقول إني ما أحس.. وبياخذ راحته وبيفشلني حتى قدام الغريب.. لكن لمن أحسسه إني انسانة لي كرامة وعزة، راح ياخذ حسابه المرات الجـاية أكثر... وطبعاً مو كل الرجال نفس بعض، يعني مو كل رجل يصلح له هالأسلوب أو ذاك، وأنا زوجته من زمان، يعني أعرف شي اللي يصلح له بالضبط.. وأنا كتبت اللي كتبته علشان أفضفض لأني كنت تعبانه... وكنت محتاجة لبعض نصايحكم ودعواتكم:)


والحين ايش هو الحل
خليك بمكانه وسويتي له حركه عصبت فيه وجاكي بالهداوه وفهمك انا ماحب كذا ولاتسوين كذا
بس الطبع غلاب وعدتيها تحبين انه على طول يقول لك بيت اهلك ولاتحبين انه يشد عليك شوي
انتي بعد سوي نفس اشيء
بس قبل ماتسوين كذا جربتي تهدينه لما يعصب عليك قدا الناس ذكريه وحاولي تطفي نار غضبه وتلطفين الجو يعني الله يهديك طول بالك لاتعصب حقك علي
وبعد لو انتي من النوع المزوح والضحوك ممكن تقولين لاتعصب علي كذا فشلتني قدام الناس
يعني حاولي ترطبين الجو
رجع عادها مره ثانيه
برضو نفس الرد بس بين كلامك وجهي كلمه بنبره حاده ايش فيك لاتعصب علي بشويش مصار الا الخير ان شاء الله يعني من هذا الكلام
وبعد كذا بينك وبينه قولي له والله ترى صرت اتفشل اروح عند اهلك لما تعصب علي تحز بخاطري
الحين بدل ماتقول لي كلمتين حلوه قدامهم ترفع من قيمتي بينهم تهزئني
ولاتقللين من قيمته بينهم مثل مايقولون البنات طنشيه ولاتردين عليه هذا بيخليه ينقهر ويحقد ويمكن يعاندك ويعصب اكثر
ولاتبينين قدام الناس انك تاثرتي مثل ماقلت لك ابلعيها وخذيها بالمزح والضحك وبينك وبينه طلعي البكا وقولي ترى حزت بخاطري وقهرتني ولايغرك ضحكي وربي انها جلست بقلبي
الحـل يا الغالية اللي قلتِ عليه جربته كثيـر، أنا من النوع اللي تقدرين تقوليـن عنه (باردة أعصاب)، بس لمن يتكرر الشي وقتها ما أستحمل وأحسس الآخريـن إني مو سهلة.. يعني أنا مو عصبيـة وتصرفي تقدرين تقوليـن مثل التمثيلية اللي أقصد من وراها إني أحسس اللي قاعدين إني ما أرضى على نفسي، ولمن زوجي يغلط علي، فهذا ما يعني إني أرضى.. ومثل ما قلت إني حاولت أبرأ نفسي بس هو طافـش..ومستحيـل يهدأ بأي أسلوب.. أنا عارفته...


اخر اخر اخر حل انه تتضايقي وتسوي مثل مسويتي وليش قلت اخر حل لانه لما يشوفك بالعاده تتحملين وتضحكين وتسولفين ومره كذا انهزيتي وثرت فيك بيعرف انه فعلا قوووويه وبيحس فيها
ووقتها نشوف اذا تروحين بيت اهلك او لا
اختي اذا هذا طبعه الله يعينك عليه
راح تتعبي لما تغيريه ولازم تفهمي الكل انه زوجك عصبي وانه مايحس بنفسه لما يعصب عشان نوعا ما يكون اسهل الموقف عليك حاولي بين الكلام تقولين بشكل غير مباشر انه زوجك عصبي
كلامك صحيح.. الرجـال يحب يشوف زوجته قويـة، والحمد لله ترى زوجي شايف إني قوية لمن سويت جديه.. ولو جلست لحس إني ضعيفة وهو اللي قادر...
مثل ما قلتِ لك كل رجل له طريقة خاصـة......


ولكِ كل الشكر يا الغاليــة على الاهتمام بموضوعي:) دعواتكِ:)

rدلوعة باباتها
20/10/2006, 02:34 PM
جميلة حبيبتي


والله ادري الي سواه مو شي سهل خاصة انه يهينج جدام الكل .. و هل شي طبعا محد يرضى فيييه ..


فدييتج لج الحق تزعلين .. بس حبيبتي تره لاتكبرييين المسئلة ... يعني اني ابغي اموووت و الدنيا ماتخلي احد في حالة و و و ...

دوووم شوفي مشاكل الناس تهون عليج مصيبتج .. انتي الي معور قلبج انه الكل يه راضاج الا اهووو ..و انه شلون تجرا يهيينج قدامهم .. و طبعا من حقج و هل شي يجرح بس مو لدرجة الواحد ييئس و يكره الدنيا و مافيها ..

فدييتج الدنيا لحظات ... منها لحظات سعادة و الم و حزن و وووو ... نفسيتها متقوولبه على حسب اللحظات الي نمر فيها بس الفرق بينا احنا المؤمنين و غيرنا من الناس انه احنا دووم نتصبر و نخلي المسائل حتى لكبيره تهووون ...


انتي الحين هونيها و تهون و قوليله بهداوة ... توقعتك بتحس بالي سويته فيني و بتعتذر بس لانه انت زوجي و انا زوجتك مابينا كرامة ... من جذي انا يايه ابي اعاتبك على شي ... بتعصب علي بيني و بينك ميخالف ... بس قدام الناس المفروض انت ماترضاها علي .. يعني شيسوه تفشلني قدام الكل على سلطة؟ ابذمتك مو احنا اكبر من جذي ... كنت تقدر تخلي الوضع عادي و بعدين بيني و بينك تحاسبني ...


اتمنى ماتكرر هل موقف .. و تحس بالي سويته فيني


و بجذي انتي بترتاحين انه طلعتي كل الي في خاطرج مو كاتمه و منفجره و هو بيستوعب .. لكن انه تكتمين و تنطرين اييج ... يمكن اهو حاس انه اهو مو غلطان لانه قالج عن السلطة و انتي نسيتي .. حبيبتي اين كان الانسان يغلط مو مايغلط بس تعودي ووالله هل شي بيسهل عليج وايد و سئليني انا .. اي شي في قلبج قوليه لا تكتمينه لانه النفسية تتعب وايد جذي


انا كنت كتووم لدرجة ماتتصورينها و محد تأذه غيري فنصيحتي لج اذا لج حق قولي بالتفاهم و الحوار مو بالصياح و الكآبه


طمنيني عليج

&][قـصايد][&
20/10/2006, 02:41 PM
الغاليه هونيها وتهون جد

انسي كل شيء صار

وانتي أسكتي مول لاترمسين ماعليج منه الرياييل جذي

أكيد كان معصب

والله يسعدكم يارب

فجر الخيول
21/10/2006, 06:24 AM
طيب حبيبتي بالتوفيق والله يسهل عليك مبين عليك مو سهله يابنت وماتحتاجين نصايح
الله يديم عليكم الحب ويوفق بينكم

فشفاشه
21/10/2006, 06:52 AM
حبيبتي انا حاسه بالغصه والله الي فيك
بس ودي اقولك شي اولا الدنيا فيها مشاكل اكبر من كذا
اذا استمريتي على هذه الحساسيه بتنهارين على طول
طيب الحمدلله ان عائلة زوجك وقفوا معك ولا تنسين موقف زوجك بصراحه انا ما الومه يعني تخيلي احد يوصيك بشغله واذا طلبها ما حصلها والي خلى زوجك يعاتبك بقوه قدامهم يمكن لانك قلتي انك ما علمتني فحس انهم يمكن يشكون فيه انه ما جا بها بالفعل فحس بفشيله وقهر
بس عادي لا تكبرين السالفه حاولي ترجعين زي اول ومن رايي اذا بتاخذين فيه
اول شي صالحيه ايه نعم صالحيه لانك اذا صالحتيه بيفشل منك يعني بيقول انا ازاعلها وهي تراضيني وبكذا تقدرين تكلمينه وتقولين المفروض ما تهاوشني قدامهم وصدقيني بستحي من الي سواه وترى الدنيا كذا خُلق الانسان في كبد يعني انتي تتمنين الموت عشان موضوع سلطه احمدي ربك فيه زوجات والله يضربونهم ازواجهم ومع ذلك صابرين ولا زم تحاولين تهدين المواقف يعني ليش من الفطور ما كلتي
ترى الدنيا مهب على كيفك حاولي تتكيفين معها اصلا ما فيه احد مرتاح صدقيني
واستغفري ربك لاتتمنين الموت ادعي ربك بان يفرج همك وخلاص الي صار صار يعني موقف وانتهى صحيح انه ياثر على النفسيه شوي بس حاولي انك ما تفكرين فيه دايم عشان ما يكبر
والله يوسع صدرك وان شاء الله تبشرينا بانه راضاك ووداك المطعم بعد هههههههههه

*~جميلة~*
22/10/2006, 02:23 AM
جميلة حبيبتي


والله ادري الي سواه مو شي سهل خاصة انه يهينج جدام الكل .. و هل شي طبعا محد يرضى فيييه ..


فدييتج لج الحق تزعلين .. بس حبيبتي تره لاتكبرييين المسئلة ... يعني اني ابغي اموووت و الدنيا ماتخلي احد في حالة و و و ...

دوووم شوفي مشاكل الناس تهون عليج مصيبتج .. انتي الي معور قلبج انه الكل يه راضاج الا اهووو ..و انه شلون تجرا يهيينج قدامهم .. و طبعا من حقج و هل شي يجرح بس مو لدرجة الواحد ييئس و يكره الدنيا و مافيها ..

فدييتج الدنيا لحظات ... منها لحظات سعادة و الم و حزن و وووو ... نفسيتها متقوولبه على حسب اللحظات الي نمر فيها بس الفرق بينا احنا المؤمنين و غيرنا من الناس انه احنا دووم نتصبر و نخلي المسائل حتى لكبيره تهووون ...


انتي الحين هونيها و تهون و قوليله بهداوة ... توقعتك بتحس بالي سويته فيني و بتعتذر بس لانه انت زوجي و انا زوجتك مابينا كرامة ... من جذي انا يايه ابي اعاتبك على شي ... بتعصب علي بيني و بينك ميخالف ... بس قدام الناس المفروض انت ماترضاها علي .. يعني شيسوه تفشلني قدام الكل على سلطة؟ ابذمتك مو احنا اكبر من جذي ... كنت تقدر تخلي الوضع عادي و بعدين بيني و بينك تحاسبني ...


اتمنى ماتكرر هل موقف .. و تحس بالي سويته فيني


و بجذي انتي بترتاحين انه طلعتي كل الي في خاطرج مو كاتمه و منفجره و هو بيستوعب .. لكن انه تكتمين و تنطرين اييج ... يمكن اهو حاس انه اهو مو غلطان لانه قالج عن السلطة و انتي نسيتي .. حبيبتي اين كان الانسان يغلط مو مايغلط بس تعودي ووالله هل شي بيسهل عليج وايد و سئليني انا .. اي شي في قلبج قوليه لا تكتمينه لانه النفسية تتعب وايد جذي


انا كنت كتووم لدرجة ماتتصورينها و محد تأذه غيري فنصيحتي لج اذا لج حق قولي بالتفاهم و الحوار مو بالصياح و الكآبه


طمنيني عليج
شكراً حبيبتي.. كلامك صحيح:)
والحمد لله أنا ما كلمته وأنا أصيح...

*~جميلة~*
22/10/2006, 07:35 AM
[قـصايد][&']الغاليه هونيها وتهون جد

انسي كل شيء صار

وانتي أسكتي مول لاترمسين ماعليج منه الرياييل جذي

أكيد كان معصب

والله يسعدكم يارب
مشكورة يا الغاليـة ويسعدنا ربي ويسعدك:)

*~جميلة~*
22/10/2006, 07:37 AM
طيب حبيبتي بالتوفيق والله يسهل عليك مبين عليك مو سهله يابنت وماتحتاجين نصايح
الله يديم عليكم الحب ويوفق بينكم
غاليتي فجر الخيول .. مشكورة على الدعوه الجميلة:)
وبعديـن ما في أحد ما يحتاج للنصيحة، بس كل رجل طبيعته غير، صح:)

على العموم شاكرة لش اهتمامك بموضوعي(f)

*~جميلة~*
22/10/2006, 07:39 AM
حبيبتي انا حاسه بالغصه والله الي فيك
بس ودي اقولك شي اولا الدنيا فيها مشاكل اكبر من كذا
اذا استمريتي على هذه الحساسيه بتنهارين على طول
طيب الحمدلله ان عائلة زوجك وقفوا معك ولا تنسين موقف زوجك بصراحه انا ما الومه يعني تخيلي احد يوصيك بشغله واذا طلبها ما حصلها والي خلى زوجك يعاتبك بقوه قدامهم يمكن لانك قلتي انك ما علمتني فحس انهم يمكن يشكون فيه انه ما جا بها بالفعل فحس بفشيله وقهر
بس عادي لا تكبرين السالفه حاولي ترجعين زي اول ومن رايي اذا بتاخذين فيه
اول شي صالحيه ايه نعم صالحيه لانك اذا صالحتيه بيفشل منك يعني بيقول انا ازاعلها وهي تراضيني وبكذا تقدرين تكلمينه وتقولين المفروض ما تهاوشني قدامهم وصدقيني بستحي من الي سواه وترى الدنيا كذا خُلق الانسان في كبد يعني انتي تتمنين الموت عشان موضوع سلطه احمدي ربك فيه زوجات والله يضربونهم ازواجهم ومع ذلك صابرين ولا زم تحاولين تهدين المواقف يعني ليش من الفطور ما كلتي
ترى الدنيا مهب على كيفك حاولي تتكيفين معها اصلا ما فيه احد مرتاح صدقيني
واستغفري ربك لاتتمنين الموت ادعي ربك بان يفرج همك وخلاص الي صار صار يعني موقف وانتهى صحيح انه ياثر على النفسيه شوي بس حاولي انك ما تفكرين فيه دايم عشان ما يكبر
والله يوسع صدرك وان شاء الله تبشرينا بانه راضاك ووداك المطعم بعد هههههههههه
مشكورة يا الغاليـة وبصراحـة استفدت من كلامك:)

الغـــلا كله
22/10/2006, 10:26 AM
الله يعينج الغاليه ..

*~جميلة~*
22/10/2006, 10:11 PM
الله يعينج الغاليه ..
شكــراً

عروس للابد
31/10/2006, 01:34 PM
<<ومن اعرض عن ذكري فان له معيشة ضنكا ونحشره يوم القيمة اعمى >>

من طريقة كلامج وضيقج الشديد وانغلاق ابواب الدنيا في وجهكك اقول لك اخيه راجعي نفسك
قد تكونين قصرتي في دينك او في حق والديك او والديه او اخطاتي في حق احدهم وهذا عقاب من الله فارجعي لله وتوبي اليه واكثري الدعاء

اللهم اشرح صدرها ويسر عبادك لها وحببها في زوجها وحببه فيها وادم المودة بينهما واستر عنها عيوبه واسترعنه عيوبها اللهم امييين