المساعد الشخصي الرقمي

مشاهدة النسخة كاملة : خطيبي زعلان مني ,,



منى عمري
10/10/2006, 02:25 AM
السلااام عليكم ورحمة الله وبركاته ,,



اليوم اقصد الليله ,,
زعل مني خطيبي (ريلي)
المشكله انه انا وعدته على شي
وخلفت بوعدي له
ادري غلطااااانه ومليووون غلطانه
بس ش وسايو كيف ارضيه
حاولت معاه مارضى
كله يرمسني من ورى خاطره
المشكله انه الزعله صارت بينا قبل لا ينام :sad:

وحبيبي نام وهو زعلان مني

حاولت معاه بمسجات
بس كل مسجاته عتااااااب وتذحب


شو اسوي ,,؟!
كيف ارضيه ,,

والله احبه


اريد نصايحكم
بس بليز بسررررررررررررررررعه

algaleela
10/10/2006, 02:37 AM
حبيبتي بودي اساعدك بس معليش على اللقافه اش سبب الزعل عشان البنات يفيدونك لو بمسج اعتذار عن السبب وممكن ما تكوني غلطانه هو غلطان بس من حبك له خفتي يزعل وزعل بدل ما تزعلين ....

لاكن يا قمر باساعدك بها الرساله المسروقه من النت من زماااااااااان وان شاء الله تعيد المياه لمجاريه وبالتوفيق حبيبتي وحاسه فيك والله .....


تفضلي وارسلي له ها الرساله ولو انها طويله لكن ارسليها (( مسج ))

وردي لي خبر ...



حياتي ومهجة قلبي
حبيبي الغالي يامن جعلته يحكم قلبي
ويتامر على فؤادي حياتي
اتعلم انني زرعت حبنا الطاهر ورويته بماء الاخلاص
وشمس الوفاء...
اتعلم ان حبي في بداية نشا، فيا عزيزي
لا تقتل تلك الريحان التي تعطر حبنا
لا تطيل هجرك
فانا اريد ان ترافقني في كل حياتي
اريد ان اجعلك امامي
اجعل شعاع وجهك نورا لظلمات حياتي
وعيناك انيس وحدتي
حبيبي لو حاولت ان اوصف لك ما بقلبي
من حب لنفذت جميع اوراق العالم
فيا حبيبي انت بالنسبة لي كل شيء في حياتي
انت عمري ومستقبلي وحاضري واحلامي،
فانا وانت ياحبيبي جسدان في روح واحدة،
وثق ثقة تامة انني لا استطيع مخاصمتك
او الابتعاد عنك اتعلم لماذا؟؟؟؟؟
لانك نفسي
ومن يستطيع ان يستغنى عن نفسه
فــــــــــــــــــلا تــــــــحــــــــرمــــن ي مـــن حنـــــانــــــــك


............................

ان شاء الله استفدتي وادعي لي بالذريه الصالحه ودمتي ياعسل ...

وارسليها وبعدين لاترسلين غيرها ولا تكلمينه وراااااح يحترق مسكين ....وصدقيني بعدين يتأسف واسمعي نصيحتي ...

والله يجزاك خير ويسعدكم ويتمم زواجكم بالخير ....يارب

منى عمري
10/10/2006, 02:47 AM
فديتج اخيته تسلمين على فكرتج الحلوه ,,


بالنسبه لسبب الزعل ,,

هوه قالي كذا مره من قبل انه مايحبني اكلم حد في التلفونفي وقت متأخر
يعني لو يدق ويحصل عندي خط ,, مابيعيبه
وانا وعدته انه مابرمس حد غيره في هالوقت
المشكله انه خالتي اتصلت فيني في موضوع ظروري وهوه يعرفه ,,
بس زعل ,,,,,,,,,,,,, وانا بعد غلطانه انا وعدته
والحين يت وماوفيت بوعدي ,,,,

بس مسجات طرشت واايد كلها مسجات اعتذار وندم من الخاااااطر

المشكله انه رقد وهو زعلان مني وانا مش متعوده على هالشي

بتريا صلاة الفجر وبدق اوعيه مثل مامعودتنه
وبعد بوعيه على دوامه ,
حتى لو زعلان مني
المهم عندي اني احبه
والمسج بكتبه الحين في تلفوني
وبعد مااوعيه الصبح
بطرشه له ,,
وبشوفه يدق لي وهو مروح الدوام في الطريج ولا لا ,,



تسلمين على كل شي

maksorat_alkhateer
10/10/2006, 02:51 AM
الله يبعد عنكم كل حزن وزعل وهم


ان شاء الله تقدرين تراضينه

ويرضى عنج ان شااااااااء الله

:)

#روحـ مغليها#
10/10/2006, 02:57 AM
الله يهديه لك يااااااارب

انتي ارسلي عليه قولي والله ماراح انام ولا راح يجيني نوم الى ان اشوفك راضي علي
واذا غلطت فاانا اعرف غلطتي بس ابي منك السماح

وانشاء يارب يرضي عليك

منى عمري
10/10/2006, 03:03 AM
مشكورات خواتي

وانشاء الهل يرضى عليه
والله انا النوم فارق اعيوني
معني تعباااااااااانه وكنت نعسانه
بس من بعد الزعله ,,
مااريد غير رضاه
والحين اتريا باقي ساعه
وبدق عليه متعلله (( وقت الصلاه))
علشان اوعيه يصلي

والله يهدي النفوس يارب

والله هاذي عين وصابتنا ,,
بسم الله علينا يارب


والله يبعد الزعل عليكم

algaleela
10/10/2006, 03:04 AM
منى عمري الله يسعدك يارب ويريح بالك ويجعلكم اوفى زوجين واسعد الناس على كل حال ولا تزعلين ولا ابي ازعلك منه لكن ماله حق يزعل ...وانتي ماغلطتي ياعيني ...ولا تعوديه كثير على هالحركات خصوصا انك مانتي مسويه شيء يزعل اوكي مافي مشكله اذا كنتي تكلمين ودق عليك استأذني من اللي تكلمينها وقولي لها بادق عليك كمان شوي وكلمي خطيبك وبعدين ارجعي كلميها مو معقول كل ما كلمك احد من اهلك اوصديقاتك خصوصا اذا كان للضروره يزعل ...

حبيبتي الرجال زي الطفل الصغير دلعيه تكسبيه بس لاتعوديه على شيء انتي مانتي راضيه عليه لانه ماراح يبطل العاده هذي وكمان راح تسبب لكم مشاكل كبيره خصوصا لو استمر بعد الزواج كذا ...

فانا اقلك نعم حبيه ودلعيه وشيليه بعد شيل و عاى العين واراس ...طول ماهو معك ممتاز وشايلك وانتي ماغلطتي ...واذا اغلطتي برضوا تأسفي ...ما فيها شي...بالعكس الاحترام والتقدير واجب بين الزوجين ويزيد المحبه ...

بس اذا غلط انتي كمان خذي موقف بمعنى كان قلتي له الظروف وشرحتيها ...ويومه زعل مثلا خلاص ارسلتي له مسج واحد بس ...وااااااااحد ...وبعدين لا كلمتيه ولا ارسلتي له خليه اذا عاتبك قولي هذا وانت اقرب الناس لي وعارف السبب والظروف وانا اسفه لكن اذا هذا رايك على العين واراس مع السلامه...

والله بعدين يحتااااااااااس وبدل موب هو زعلان وانتي تراضيه كان هو يراضيك ...


على كل حال اسفه طولت عليك ...والحياه تجارب وخبرات نستفيد منها ...

هذي حبيبتي حياتك ومملكتك...وانتي اعلم مني بالظروف فاعذريني ان غلطت او تماديت بالكلام وارأي الاول والاخير لك ..فكل انسان يختلف على الاخر ممكن ينفع معه اسلوبك ..وماينفع اسلوبي ..والعكس صحيح والناس مختلفون ..

اتمنى لك السعاده والهناء والود مع زوجك (( خطيبك )) وان تعود المياه لمجاريها ...

وهذا مجرد رأي ...

ودمتي سالمه ...

اختك الجليله

منى عمري
10/10/2006, 03:13 AM
اختي جليله

إلي قلتيه كله صح ,, ومايزعل

بس كل همي الحين اراضيه
مااعرف ’’
اول ماررمسني حسيته يستهل عليه يعني بس يريد يطفربي
بس بعدين ,,, انصدمت وشرحت له الموقف
وسمعني حتى سألني شو صاير بالموضع ,,

بس بعدين زعل ,,
ليش ..؟!!

ياربي انا شو اسوي ريلي دلوووووووووووع

ومعذبني بدلعه
الحين منو الفروض يدلع انا ولا هو ,



الله يعيني عليه يااااااااااااااااااااارب
ويهدي سره

اغلى من العمر
10/10/2006, 03:33 AM
مااقدر افيدك الا بهالمسجات
وان شاء الله ينحل اللي بينكم :)

ياعمري الدنيا ماتسوى
تنام وخاطرك زعلان
ولابه شي يستاهل
يخلي قلبك يعاني
طلبتك كان لي خاطر
تبعد عنك الأحزان
فديت أعيونك الحلوه
تبسم لو على شاني
أضحي بعمري لعيونك
تنام انته وانا سهران
وانادي جروحك لقلبي
تجي واحد ورى الثاني


-----------------------
ان كان تعذيبي مع الوقت يرضيك
عطني عذاب وخذ بداله سعاده
اهجر بكيفك وزود تحديدك
وانا بدال الهجر احبك زياده
وابكي كل ماحل طاريك
البكى اصبح مع الوقت عاده
مهما حصل منك يازين ماني بناسيك
اسمك نقشته دمع فوق الوساده

----------------------------------------------------------

لو قسى كل هالعالم
ادري بقلبك حنون


بس لو قسى قلبك وين بكل هالعالم اروح؟؟

-------------------------------------------

منى عمري
10/10/2006, 03:36 AM
اختي ,, اغلى من العمر ,,

تسلمين على المسجات الحلوه

عيبني هالمسج ,,

ياعمري الدنيا ماتسوى
تنام وخاطرك زعلان
ولابه شي يستاهل
يخلي قلبك يعاني
طلبتك كان لي خاطر
تبعد عنك الأحزان
فديت أعيونك الحلوه
تبسم لو على شاني
أضحي بعمري لعيونك
تنام انته وانا سهران
وانادي جروحك لقلبي
تجي واحد ورى الثاني


كلمات فيصل اليامي



اختيه المشكله انه يوم اني سألته حبيبي زعلان..؟!
يقولي لااااا ليش ازعل ماشي يزعل


بس خلااااص مابقى شي وبقومه وبسمع صوته ,,

b6b6
10/10/2006, 03:37 AM
مرحبا الغالية ....

في البداية أنا حبيت أبين لج غلطة بسيطة إنتي إرتكبتيها ...
وهي .. إنج وعدتي زوجج إنج ما تتكلمين في التليفون في وقت متأخر...
كان من المفترض إنه يوم يكلمج ويطلب منج هذا الطلب إنتي إتين وبإسلوب حلو إتقولينلة ...( حاضر يا عيوني و إن شاء الله ما بتشوف إلا الشي إلي يسرك) وبعدين إتقولينله بس في حالة إتصلوا فيه الأهل و إتحددين له خالاتي أو عماتي .. بناتهم ... خواتي و إخواني أنا لازم أرد عليهن يمكن محتايين شي ظروري الإنسان ما يدري شو يستوي فأنا لازم أرد عليهن وأكيد إنت ما بترضى بهالشي إن يتمن يتصلن و أنا ما أرد ويمكن يخافن علي و يحاتوني....

و ريلج كان غلطان في زعله منج ... صحيح إنتي وعدتيه بس فوق هذا هذي خالتج وهو لازم يتفهم هذا الشي دام هو يعرف الموضوع إلي هي إتكلمج فيه...
و صدقيني هذا ممكن يعطيج شعور بعدم الثقة فيج ....مستقبلا...و هذا أكبر غلط..
نصيحتي لج حبوبه .. علمي زوجج اسلوب الحياة أو المعاملة إلي إنتي إتحبينها و إلي عشتي و إتعودتي عليها .. لا تقولين بصبر و بتحمل ... قوليله هذا الشي أحبه وهذا لا ولكن بإسلوب حلو بحيث ما يقدر يردج ... لكن إذا عودتيه إنج تآخذين أوامر منه وإتنفذينها وبس وهذا الشي ما يرضي هوى نفسج فيوم من الأيام بتنفجرين ... الحل في إيدج و الخيط موجود لو إنقطع صعب يرجع ..
علمية إسلوب الحوار والصراحة في الكلام ...

و أخيرا أنا ما أبا أزيد الطين بله ..بس حبيت أنبهج لهذا التصرف إلي صدر و بشكل غلط من الطرفين منج ومنه و إنتي أحينه لا إتبينين إنج إنتي الغلطانه ....

قوليله هذا الكلام : حبيبي وقرة عيني ( ....فلان ...)
لعلي وعدتك بشيء أنت تكرهه ونفسي لا تحب أن تفعله لأجلك ...
و لكن .. هناك ما أريدك أن تعلمه .. و لا أريد أن أسر به إلى نفسي و أريدك أن تشاركني فيه
أنت تعجبني و الأجمل فيك حسن تدبيرك للأمور صرامتك وتفهمك ...
الحياة تمضي وكلها عقبات و مواقف إما حزينة أو جميلة ...
والشخص فينا يحب أن يفضي ما بقلبه إلى غيره أو يسدي له معروفا ...
وكما قيل الأقربون اولى بالمعروف ....
إني لك سمعا وطاعة ونفسي لما تريد قنوعة و لكن ألا تظن أن من حق أهلي علي أن يسألوا عني أو يحدثونني فيما يظونونه خيرا لي .. يشاركونني أفراحهم وحزانهم و أشاركهم همومهم وآراءهم ..
و إن تأخر الوقت من الليل ...
إنك إخترتني من بين بنات آدم زوجة وخليلة لك و أما لأبناءك ووثقت و سعدت بإختيارك فتحمل أهلي هذه الفترة البسيطة التي ستنتهي حتى تغلق علي بابك و نعيش بالعش زوجين و أرعى في المستقبل فراخك...و أبين لهم ما تحب وما لا تحب ... و أنفذ لك كل مطالبك ...

أتمنى إنه يتفهم ...بس أرجوج لا إتبينين إنج غلطانه و إتمين ترسلين له وايد مسجات إعتذار ...

إرسليله هذا الكلام إلي كتبته لج وقوليله في آخر المسج ....

( لن أذوق غمضا حتى ترضى )...


و سلامتج الغالية والله يحفظج و يسهل أمرج ....و يزيدكم حب و يجعل زوجج قرة عين لج ..

SweeM
10/10/2006, 05:46 AM
انا مع الاخت جليله
كلاهمها صح وكلام اختي ب6 ب6 صح بعد

والله يهديه وان شاء الله تعود المياه إلى مجاريها

منى عمري
10/10/2006, 06:14 AM
عيت على وقت الصلاه وسويت إلي يرضي ربي ويرضيه

وعيته على وقت دوامه وبعد حتى في الزعل انا اداري عليه واريد مصلحته

بس في المرتين ,, كان يرمسني ببرود كبييييييييييييييييييييييي ير

والحين مالي غير مسج اختي (جليله)
وبرقد وبريح عمري
ناوي يكبر السالفه ويزعل زياده
خل يزعل
ناوي يغير الموضوع ويرمسني
اهلا وسهلااا


بس انا خلااااص تعبت
وبروح ارقد


لو هوه مش حاس فيه
انا حاسه بنفسي اني تعبانه


تسلمون على الردود ومالشاركات

والله يجزاكم خير

منى عمري
10/10/2006, 06:31 AM
مسج اختي جليله ..........

نفذت فكرتج اختي جليله وطرشت المسج إلي قلتي عليه ,,


وبعد ماوصله المسج الوسايط ..

طرش لي مسج ,,, (انا رايح الدوام تأمرين بشي..؟))

ليش طرش لي مسج معنه معودني يكلمني طول الدرب ....؟!!

المهم انا رديت عليه بمسج ,,

((درب السلامه .. والله يحفظك ويرعاك ...
دير بالك ع روحك ولا تسرع))



بــــــــــــــــــــــــ ـــــس



بس قلبي يعورني
ولهت عليه



شو اسوي يا بنات قولولي
كيف اتعامل مع الموقف

:sad:

أسماء زكي الدين
10/10/2006, 06:56 AM
لي عودة

شمـس و قمـر
10/10/2006, 09:13 AM
اووووووووف.. منى عمري.. اتاري خطيبك دلووووووووووووووع !!

انا رح اعطيك قصة من تجربتي الخاصة في الخطوبة.. ما بعرف اذا تقدر تفيدك..
بس اسمعي حبوبة..
كان خطيبي زعلان.. كلمته وبعثتلو مسج.. بس رده كان بااااااااااااااااارد ثلج..
وانا مع اني ما اتحمل هذه الحركات.. بس رديت برضو ببرود..
وبقيت طول اليوم ما هاتفتو ولا بعثت اي مسج... ولا هو كمان >>>>>> عاملين مقاطعة يعني...
في الليل.. بعث لي مسج يقول انو زعلان لاني تجاهلتو وما كلمتو واني بعدت عنه في هذا اليوم..
انا عاد شو قلت:
" ردك لي كان بارد.. لذا انا فهمت انك مو طايقني ولا بدك تحكيني..وانا ما احب ازعجك او اسبب لك اي ضيق..
ومع انه صعب علي كتير من غيرك.. بس كان لازم اتحمل اذا هالشي يريحك.."

عاد هو تراجع قوااااااااااام في كلامو.. وصار يراضيني ويخبرني اني مو ممكن اكون ازعاج باي شكل..
مع اني بعرف ومتاكدة اني مو ازعاج له.. بس صدقت الموقف وتصرفت حسبه >>> بدافع الدلع..
يعني قلبت الموقف عليه.. وخليت الكرة في ملعبه حتى تكون المبادرة منه..
وهذا الموقف الوحيد اللي كان هيك بيننا.. من بعدها تعلمنا ما نرجع لهذه المواقف ابداً..

ما بعرف شو العبرة في القصة.. اللي ممكن تساعدك في موقفك مع خطيبك الان..
يعني ما اقدر اقولك عاملي بالمثل.. لان يمكن ردة فعل خطيبك تكون غير.. وتعمل مشكلة اكبر..

انا رح افكر بعد شوي وارجعلك >>>>> كلامها ما بيخلص...

اسيرة قلبه
10/10/2006, 10:00 AM
http://www.3roos.com/up3/asoorah.gif


ينقل لركن قضايا وحلول



http://www.3roos.com/up3/asoorahe.gif







تـــجــــمع لبنات التقويم (اللي حاطين تقوووووويم اسنان) (http://www.3roos.com/forums/showthread.php?t=197798)

طريقة السينامووووووون وبالصووور (http://www.3roos.com/forums/showthread.php?t=201575)

العسوووووووله
10/10/2006, 10:11 AM
بصراحة انه اؤيد كلام الاخت جليلة والاخت طبطب على كلامهم وتصرفهم الروعه
وكنت باقولك ارسليلة باقة رود على دوامه او على بيتهم الصبح تقوليله فيها
" ان زعلت بارضيك وكل عمري فداك .. والزعل مزعله يا الغالي عليك "
لكن الحين ولانه كبرها
خلاص خلك على موقفك وخلي ردودك له حتى بالمسجات مختصره وبارده
ترى والله بالنهاية بتندمين اذا ما اتخدتي موقف من الحين
كوني غاليه عشان يغليك
والله يسعدك يا عمري

عذب القوافي
10/10/2006, 10:15 AM
لا

بسيطة ان شاء الله

الموضوع ما يستاهل

بس انتي عطيه وقت وبروحة بيرضه ويطخ....

الله يهنيكم ببعض

لولو بحر مكنون
10/10/2006, 10:18 AM
اختي نصيحتي لج إنج ما تطرشين له زياده
وخلي روتينج عادي ولا كأنه شي مستوي
في نوع من الرياييل يوم تسكتين عنهم يهدون بروحهم
لكن إذا تميتي تذكرينه طول الوقت وتسالينه إذا هو زعلان وإلا
بيتم على حاله ويمكن يزيد بعد

خلي الأمور عاديه وكلميه عادي
وإذا حسيتي انه يكلمج ببرود .. صارحيه بالموضوع
قوليله أنج اعتذار واعتذرتي وسويتي كل إلي تقدرين عليه
وفهميه انه الموضوع ما يحتاج هذا كله
وقوليله انا كنت مضطرة اتصرف جيه لأمر طارىء
وإلا أنا عمري ما بخالف شورك ولا يرضيني هالشي

وتحملي تنهون المشكله بدون ما تناقشونها وتطلعون لها حل
صدقيني إذا خليتي الأمور معلقه وتغاضيتي عنها
بترد تطلع لج في المستقبل وبتستويلج مشكله أكبر

والله يهديه إن شاء الله لج ويبعد المشاكل من بينكم

al 3zezh
10/10/2006, 10:20 AM
شو صار معاج بشرينا

و ما عليج منه شكله دلوووووع صح

و ان شاء الله يرضى عليج و انتي الله يهديج

جان كلمتي خالتج بتلفون البيت دامج وعتيه

المهم العتي واللوم ما يفيد الحين بس دامج اتحبينه

لازم تتحملينه و يرضى عليج بعد الي اتسوينه

والله يوفقج يارب

fnoora
10/10/2006, 10:23 AM
البنات ماقصرو

والله يبعد الزعل انشاءالله

ويهنيج ويتمم عليج السعاده ويرزقج بالذري الصالحه انشاءالله

اللهم اميــــــــــــــــن

qshark
10/10/2006, 11:50 AM
طمنينا عليج شو صار معاج احنا في الانتظار

منى عمري
10/10/2006, 12:09 PM
ضشكرااا لك من كان هنا وحب يفجر همي شوي ,,


مسجات ماطرش لي ولا حتى اطسل
معنه معودني يكلمني كل مايلاقي فرصه في شغله ومسجات من بينا على طوووول


المهم هنيه انا طرشت له مسج من الساعه 11 ونص
والحين الساعه 1 .. ولا حس ولا خبر من صوبه



المهم انا مابدق ولا بطرش مسج
بخيه جذيه لين مايرضى بروحه
احبه ,, بس مابعق عمري عليه

غلطت بس ماكفرت عشان يقاطعني



المهم ,,,

تسلمون على كل مشاركاتكم وردودكم
والله يجزاكم خير

العسوووووووله
10/10/2006, 01:27 PM
كفو عليك احنا معاك وخلك على موقفك
وانا متأكده اهو بيرجع يصالحك
بس عاد لا تكونين عجوله
اوكي يا عمري خلاص انه بادلعك بداله :)

نوووسهUAE
10/10/2006, 01:35 PM
ان شاء الله بعد الفطووور

بيكلمج وهو مستانس

وكلامي من كلام لولو بحر مكنون

أميرة البجع
10/10/2006, 02:00 PM
أهلين إختي منى عمري..

بإذن الله يروح الزعل بينكم..وأنا كلامي من كلام البنات..خلاص إنتي

سويتي اللي عليج وحاولتي تراضينه بشتى الطرق...وإنتي أساسا

ماغلطتي..شو يعني أكلم خالتي نص الليل..وصدقيني هو مش زعلان منج

بس يتغلى وطريقتج في التمادي لإرضاءه بتخليه يتعوّد على هالتصرف

لذلك بما إنج ماغلطتي ومع هذا إعتذرتي ومافاد معاه،لا تتمادين بالاعتذار

أمسكي عمرج شوي مهما كنتي تحبينه،لأن بعد الزواج بيتعوّد على الزعل

لأتفه الأسباب..ولا تعودينه انج تعتذرين على أشياء ما أخطأتي فيها..

الله يوفقج يارب،ويسعدج..آمين

سحر2005
10/10/2006, 02:11 PM
مرحبا الغالية ....

في البداية أنا حبيت أبين لج غلطة بسيطة إنتي إرتكبتيها ...
وهي .. إنج وعدتي زوجج إنج ما تتكلمين في التليفون في وقت متأخر...
كان من المفترض إنه يوم يكلمج ويطلب منج هذا الطلب إنتي إتين وبإسلوب حلو إتقولينلة ...( حاضر يا عيوني و إن شاء الله ما بتشوف إلا الشي إلي يسرك) وبعدين إتقولينله بس في حالة إتصلوا فيه الأهل و إتحددين له خالاتي أو عماتي .. بناتهم ... خواتي و إخواني أنا لازم أرد عليهن يمكن محتايين شي ظروري الإنسان ما يدري شو يستوي فأنا لازم أرد عليهن وأكيد إنت ما بترضى بهالشي إن يتمن يتصلن و أنا ما أرد ويمكن يخافن علي و يحاتوني....

و ريلج كان غلطان في زعله منج ... صحيح إنتي وعدتيه بس فوق هذا هذي خالتج وهو لازم يتفهم هذا الشي دام هو يعرف الموضوع إلي هي إتكلمج فيه...
و صدقيني هذا ممكن يعطيج شعور بعدم الثقة فيج ....مستقبلا...و هذا أكبر غلط..
نصيحتي لج حبوبه .. علمي زوجج اسلوب الحياة أو المعاملة إلي إنتي إتحبينها و إلي عشتي و إتعودتي عليها .. لا تقولين بصبر و بتحمل ... قوليله هذا الشي أحبه وهذا لا ولكن بإسلوب حلو بحيث ما يقدر يردج ... لكن إذا عودتيه إنج تآخذين أوامر منه وإتنفذينها وبس وهذا الشي ما يرضي هوى نفسج فيوم من الأيام بتنفجرين ... الحل في إيدج و الخيط موجود لو إنقطع صعب يرجع ..
علمية إسلوب الحوار والصراحة في الكلام ...

و أخيرا أنا ما أبا أزيد الطين بله ..بس حبيت أنبهج لهذا التصرف إلي صدر و بشكل غلط من الطرفين منج ومنه و إنتي أحينه لا إتبينين إنج إنتي الغلطانه ....

قوليله هذا الكلام : حبيبي وقرة عيني ( ....فلان ...)
لعلي وعدتك بشيء أنت تكرهه ونفسي لا تحب أن تفعله لأجلك ...
و لكن .. هناك ما أريدك أن تعلمه .. و لا أريد أن أسر به إلى نفسي و أريدك أن تشاركني فيه
أنت تعجبني و الأجمل فيك حسن تدبيرك للأمور صرامتك وتفهمك ...
الحياة تمضي وكلها عقبات و مواقف إما حزينة أو جميلة ...
والشخص فينا يحب أن يفضي ما بقلبه إلى غيره أو يسدي له معروفا ...
وكما قيل الأقربون اولى بالمعروف ....
إني لك سمعا وطاعة ونفسي لما تريد قنوعة و لكن ألا تظن أن من حق أهلي علي أن يسألوا عني أو يحدثونني فيما يظونونه خيرا لي .. يشاركونني أفراحهم وحزانهم و أشاركهم همومهم وآراءهم ..
و إن تأخر الوقت من الليل ...
إنك إخترتني من بين بنات آدم زوجة وخليلة لك و أما لأبناءك ووثقت و سعدت بإختيارك فتحمل أهلي هذه الفترة البسيطة التي ستنتهي حتى تغلق علي بابك و نعيش بالعش زوجين و أرعى في المستقبل فراخك...و أبين لهم ما تحب وما لا تحب ... و أنفذ لك كل مطالبك ...

أتمنى إنه يتفهم ...بس أرجوج لا إتبينين إنج غلطانه و إتمين ترسلين له وايد مسجات إعتذار ...

إرسليله هذا الكلام إلي كتبته لج وقوليله في آخر المسج ....

( لن أذوق غمضا حتى ترضى )...


و سلامتج الغالية والله يحفظج و يسهل أمرج ....و يزيدكم حب و يجعل زوجج قرة عين لج ..


:clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :yes: :yes: :yes: :yes: :yes: :yes: :yes: :yes: :yes:

نوووسهUAE
10/10/2006, 03:59 PM
ترا عادي الريايييل اللي يحبون حريمهم

واايد يدلعون ويتغلون ويزعلوون من اي شيء
فاستحملي

curly_girly
10/10/2006, 05:57 PM
Rabna yefarag hamek we yes3ed albeq enty we kol el muslemat

غداري
10/10/2006, 06:03 PM
ها شنو اخر الاخبار رضى لو للحين؟؟

algaleela
10/10/2006, 08:25 PM
كفو عليك احنا معاك وخلك على موقفك
وانا متأكده اهو بيرجع يصالحك
بس عاد لا تكونين عجوله
اوكي يا عمري خلاص انه بادلعك بداله :)
(r) (r) (r) :flower:


ما عليك خليك على موقفك لاترسلين له ولا تكلمينه وياليت تقفلين جوالك يومين ...يكون افضل بعدها راح بفهم ان الاحساس والمشاعر غاليه .... (( ومن تغلى يخلى ......لو هو بالحيل غاااااااالي ))

فاهمه حياتي ...وياليت تهدين نفسك لاتخافين بندلعك انا واختي عسوووووووووله .....:yes:

Miss_AbuDhabi
10/10/2006, 08:57 PM
ما عليج لا تضايقيـــن هوو بس يبا يتغلا ويدلع بيرد وبيتصـــلبج


الله يخليكم لي بعض

uae team
10/10/2006, 09:02 PM
طمنينا شو صار.؟

(ام الغالين)
10/10/2006, 10:19 PM
طبع ريلج نفس ريلي بس انتي خليج على رايج
الظاهر هذي اول زعله بينكم وماعرفتي طبعه اذا زعل
انتي سويتي الي علليج هو بروحه بيهدى وبيتصلج
الله يهدي سرج

طمنينا

#روحـ مغليها#
11/10/2006, 02:39 AM
بشرينا عسى تراضيتو

ماعليك انتي ماغلطتي

وكلام جليله صح ميه الميه

الله يوفقكم ويدي سركم

^^روز^^
11/10/2006, 03:57 AM
لاتعودينة يمشي كلمته عليج

صدقيني انا عودته والحين تعوود كل شي بكلمته ومايغير اللي براسه الا اذا زعلت عليه

ملاك الورد
11/10/2006, 06:39 AM
حركاااااااااااااات هااااااااااا :shy: انا اتوقع انه يتغلى عليج الرياييل يحبون هالحركات

والدلع .. عاد المشكلة ان هم يتحملون نحن ما نتحمل قلوبنا ارهيفه هههههههههههههههههه

انتي لا تحنين على راسه كل شوي اطرشيله ماسج وهو متضايق تراهم ما يحبون جذي

خليه فترة وبروحه بيهدا وبيسأل عنج .... ولا تنسين تبشرينا :shy:

اغلى من العمر
11/10/2006, 06:39 AM
انتي سويتي اللي عليكي وارسلتي وراضيتي وتأسفتي وهوا عاجبه الحال

اللحين خليه ولا ترسلين شي وهوا بيفكر باللي صار وراح يرجع بنفسه ويكلمك

زي اغنية ياطبطب وادلع يايقول ان انا اتغيرت عليه
انا ازعل اولع ماهو همه انا ازاي ارضيه

منى عمري
11/10/2006, 09:50 AM
شـــــــــــــــــــكــــ ـــــــــــــــــــــــــ را لكم خواتي بنات عروس

الحمد الله البارحه تراضيت ويا ريلي ,,

والسالفه ومافيها

الحبيب يدلع ,,,
هوه يدلع وانا اتولع ,.,


الله يهديه ,,
وهاذي كانت اول زعله بينا
والله يبعد الزعل انشاااااء الله
مابقى شي على العرس لو بيتم يعذبني بالتغلي
الله يعني لين 3 شهور


المهم الحمد الله كل امورنا تمااااااااااااااااااااااا اااااااااااااام




ولا تحرموني من دعاويكم

والله يجزاكم ألف خير

العسوووووووله
11/10/2006, 10:04 AM
الحمدلله الحمدلله الحمدلله
اخيرا يا منى عمري ويا هالدلوع
يالله يا حبيبتي الله يوفقك انشالله ويسعدك
بس لا تنسين تآخذين بالنصايح
لكن الله لا يجيب الزعل مره ثانيه

qshark
11/10/2006, 10:11 AM
الحمدلله الحمدلله الحمدلله
اخيرا يا منى عمري ويا هالدلوع
يالله يا حبيبتي الله يوفقك انشالله ويسعدك
بس لا تنسين تآخذين بالنصايح
لكن الله لا يجيب الزعل مره ثانيه

شمعه جلاس قطر
11/10/2006, 10:17 AM
طولي بالج .. والله يهداه لج ان شاء الله
موفقه باذن الله

لولو بحر مكنون
11/10/2006, 12:15 PM
والله من خاطري استانست .. حتى يالسه أكتب الحين وانا شاقه الحلج :bigsmile:
الله يهنيكم ويسعدكم .. ويتمم أموركم على خير إن شاء الله

منى عمري
11/10/2006, 12:45 PM
تسلمون خواتي
وهذا من طيبكم وحبك لي
الله يخليكم ويسعدكم




لو اخبركم شو العقاب إلي عطاني اياه والله ماتصدقون
بس استحي اقوله ,,,, روماااااااااااااااانسي مووووت



بس والله حببني فيه زيااااااااااااااااااده

همسه شوق
11/10/2006, 04:54 PM
الـــلــه يوفقكم ويهنيييييييييييكم ويجمعكم علي الخير ان شاء الله
اهم شي تراضيتوووا

الغلا55
11/10/2006, 05:43 PM
صج والله ان ستانست لج والله يووووفقج مع زرجج ....

والله يوفقكم ولا يجيب الزعل بينكم ...

اللهم آمييييييييين ...

والله ويوفق الجميع يارب

SweeM
11/10/2006, 06:21 PM
الحمد لله ان المياه عادت لمجاريها..

عزيزتي في بدايه الحياه الزوجيه ومع بداية الارتباط راح تواجهين مشاكل صغيره وتافهه..

لكن آن ذاك انتي تتوقعين انها كبيره وبعد ما تتخطيها تعرفي انها كانت تافهه وتضحكين عليها..

والسبب اختلاف الطبع بينك وبينه واختلاف المنشأ والتربيه ..

وعلشان كذا في بدايه اترباطكم راح تحسين بصعوبه في التعامل معاه..

وممكن لا قدر الله تصير مشاكل وخلافات صغيره لا تنظري لها بانها مشاكل كبيره

ولكن انظري لها من ناحيه اخرى وهي اكتساف طبعه ومعرفه شخصيته

علشان لما تتزوجي وتستقرون في بيت واحد تعرفين اسلوبه عدل

وانصحك بعد م ترك المشاكل من بدون حل

الافضل حل سوء التفاهم سريعا مثل ما سويتي انتي

حتى لوماغلطتي عليه قولي له

مع اني ما غلطت عليك لكن باقول لك اسفه

يعني لا ينام زوجك وهو زعلان منك ابدا..



وما حصل من زوجك وشفتيه دلع اهو دلع مع كبر راس امكن والله اعلم

ولكن زوجي يوم يزعل واروح اتأسف له ما يرضى بسرعه وكنت اتعذب ببداية حياتي مثلك

ولكن بعدين عرفت انه لو زعل يبي يقعد مع نفسه ويراجع اموره ويفكر بهدوء

والرجل لو سامحك على غلطه لا ترجعين تفتحين الموضوع مره ثانيه لانهم ما يحبون هذا الطبع

هذه بعض المعلومات البسيطه اللي اكتستبتها في خبرتي الضئيله بالحياة الزوجيه


والله يوفقكم ولا يجيب الزعل بينكم ...

ويجمعكم على خير ان شاء الله ..

اللهم آمييييييييين ...

والله ويوفق الجميع يارب

غداري
11/10/2006, 09:01 PM
صج والله تراضيتو

الله يهنيكم ان شالله ويخليكم لبعض

نسرونة
11/10/2006, 09:44 PM
كلللللللللللللللللللللللل لللوش
بس جد دلوع
الله يخليلك اياه
و تتهنو في بعض

kareena22
03/11/2006, 12:03 AM
لولولوليييييييييييييييييي ييييييييييييييييييييييييي ييييييييييييييييييييييييي ييييييييييييييييييييييش
الحمدالله انكم تراضيتوا,كنت خايفة انك ماتردين
انحرقت اعصابي
انا للحين مانخطبت ,بس احس اني مالي خلق هالدلع والحركات
اذا صار لي زي هالموقف ببين له موقفي وعذري وهو بكيفه يرضى ولا لا لاني ماغلطت وهو مب بزر لازم يفهم
بس احس انا غلط ,الرجال لازم لهم مداراة وانا وحدة مررررررررررررررة سيدة(قلبنا ابو هنود)
المهم حبيبتي الله يوفقك ويسعدك ومنكم نستفيد

#روحـ مغليها#
03/11/2006, 03:52 AM
الحمد الله انك ترضيتو
والله يوفقكم

xALIAx
10/08/2008, 08:45 PM
ادري ان الموضوع جديم >.< بس حبيت اقول

انا طبقت كلام الجليله وبطبط وخذت من كلام كل وحده وطرشته .. وماشالله كلامهن صدق ..

حتى هوه روحه قال انه الكلام الي فالمسنج عيبني ... ^_^ ..

الله يخلينا لبعض يارب