المساعد الشخصي الرقمي

مشاهدة النسخة كاملة : زوجي بيتزوج علي@@@@@@



زوييينة
05/10/2006, 11:11 AM
اليوم زوجي قالي بتزوج عليك بعين قويييييييييييييية:eek: قلت له ليش انت مو مرتاح معاي ؟ شو ناقصك ؟ليش هذا القرار؟ قالي والله انا احبك وما فيها شي اذا اتزوجت كل الرياييل متزوجين اثنين ثلاثة اش معنى انا!!!
وانت في بيتك معززة مكرمة وتدرين اني ما احب الظلم وبعدل بينكم فلا تخافين من هذه الناحية
وطلبت منه يطلقني لاني ما ابغي اعيش معاه بموووووووووووووووووت كل يوم الف مرة وخصوصا اني غيووورة جدا وبعدي صغيرة 25 سنة:sad: فلييييييييش يتزوج؟ وانا مريحاه والبي له كل طلباته
دخيييلكم قلولي ايش اسوي لاني ارتبكت وما عدت اعرف افكر ما بقا لي شي على الجنون تكفوووووووون ساعدوني بدعاء او نصيحة انتظركم
المعذذذذذذذذذذذذذذذذذذذذذ بة:confused: :confused: :confused:

الحلوه نعناعة
05/10/2006, 01:15 PM
أول مبروك عليج الشهر ...

والله ما ادري شو اقولج يا اختى ...الله يهدي بالج ...

بس لا تكبرين الموضوع ترا الريال اذا يبا يعرس بيعرس,,

جبال الهيمالايا
05/10/2006, 01:18 PM
ربنا يكون في عونك ويصبرك وان شاء الله تكون نزوه له وابتلاء ليك وتعدي بسلام
واهم حاجه تمسكي بكتاب الله جيدا والصلاه وادعي ربنا في هذا الشهر الفضيل وربنا يسخره ليك باذن الله
ويالف بين قلوبكم ويجعلكم اسعد زوجين في الدنيا والاخره

سحر2005
05/10/2006, 01:20 PM
حبيبتي طيبي اساليه عن السبب وكم صار لكم متزوجين وعندكم عياااال عيوني سوووري بس صددددددددددق شي يقهرررررررررررررررررررررر ر

ورد جـــوري
05/10/2006, 01:29 PM
ربنا يكون في عونك ويصبرك وان شاء الله تكون نزوه له وابتلاء ليك وتعدي بسلام
واهم حاجه تمسكي بكتاب الله جيدا والصلاه وادعي ربنا في هذا الشهر الفضيل وربنا يسخره ليك باذن الله
ويالف بين قلوبكم ويجعلكم اسعد زوجين في الدنيا والاخره


اوافق الاخت الرأي

و اكيد لازم تعرفين السبب،، يمكن بعد ماتعرفين السبب

تحاولين تصلحين في العلاقة الزوجية و يعدل عن فكرة الزواااج

زوييينة
05/10/2006, 06:06 PM
شكرا لكل من ردت على موضوعي واقل لكم اني ما عندي عيال وقررت اني اتم في بيتي بس انا وهو كل واحد في حاله بس وي هذا بس عشان ما اطلق ويشمتون في الناس والله كريم

غداري
05/10/2006, 06:25 PM
الله يكون في عونج يارب

منبع الروح
05/10/2006, 06:53 PM
لاحول ولاقوة الابالله

الله يعينج حبيبتي

حاولي انج تتقربين منه اكثر وتكسرين الروتين وتاخذين له هدايا وتغيرين حياتج 100 درجه ان شاءالله يغير رايه

feedback
05/10/2006, 09:19 PM
لاحول ولاقوة الا بالله


الله يهديه ويعنيج يا اختي؟؟

fnoora
05/10/2006, 09:26 PM
لاحول ولاقوه الا بالله
الله يعينج اختي بس شنو السبب اللي يخليه يتزوج عليج
بس مثل ماقالت الاخت تمسكي بكتاب الله والقرآن الكريم والله يهديه لج انشاءالله

زوييينة
05/10/2006, 09:32 PM
اامين حبيبتي

ملاك الورد
05/10/2006, 09:43 PM
الله يهديه وذكريه بالنعمة اللي هو فيها ولا يتبطر مب كل اللي متزوجين اثنين وثلاث مرتاحين

الحين قضاياهم واصلة المحاكم .. ادعي ربج وان شاء الله يغير رايه ..

hodhod123
05/10/2006, 09:59 PM
شكرا لكل من ردت على موضوعي واقل لكم اني ما عندي عيال وقررت اني اتم في بيتي بس انا وهو كل واحد في حاله بس وي هذا بس عشان ما اطلق ويشمتون في الناس والله كريم
الله يعينك يا أختي
استغفر الله العظيم
مصيبة اهون من مصيبة
يعاشر إمرأة بالحلال أحسن ما يكون كل يوم مع وحدة
المهم لازم تحتضنيه
و تحسسيه ان ما له غيرك بالدنيا
و أن صدرك و من قبله قلبك مفتوح إله
يسمع ألمه و شكواه و يبكي عليه و يرتاح
لا إلاه إلا الله
مالهم الرجال إنجنوا؟
أنا قاطعة عهد على نفسي أن اشترط على " عريس الغفلة " عدم التزوج بثانية
ربي يعينك و يصبرك
" و الذين إن أصابتهم مصيبة قالوا إنا لله و إنا إليه راجعون "
استودعكي الله الذي لا تضيع ودائعه

عروس مصر
05/10/2006, 10:29 PM
يمكن بيكون يهزر معاكى

جريحة
05/10/2006, 10:30 PM
الله يصبر قلبك ويهديه انشاءالله الريايل طماعين وعيونهم زايغه والله يكون في عونك


http://www.r15r.com/data/media/112/WRD0115.JPG

*درب المحبه*
05/10/2006, 10:34 PM
حبيبتي الله يعينج
شوفي انتي خلج عظم فالبلعوم
مو تروحين بيت هلج

وبعدين لا تخلينه
طول الوقت اشغليه
يمكن يغير رايه

عاشقة شانيل
06/10/2006, 11:47 AM
توك صغيره 25 وبيتزوج عليك؟؟
أجل لا صرتي 40 ولا 50 وش بيسوي؟؟
ماادري هو يا واحد من الاثنين يا اما شايف له شوفه
يا ناقصه شي ومايبي يقولك
الله يعينك ويرد عقله

دفء الجليد
06/10/2006, 12:22 PM
اختي الغاليه الله يصبر قلبج ان شاء الله ويريحيج من كل هم

بس اللي ابي اقوله لج ...ترى الريال اذا بغى يتزوج بيتزوج سواء طلبتي الطلاق ولا لا

ادعي ربج انه يسخره لج في هالشهر الفضيل ....وان تزوج حطي في بالج انه طبق شرع الله مثنى وثلاث ورباع ...

وهونيها عليج بهالشيء

qshark
06/10/2006, 01:32 PM
حبيبتي الله يعينج
شوفي انتي خلج عظم فالبلعوم
مو تروحين بيت هلج

وبعدين لا تخلينه
طول الوقت اشغليه
يمكن يغير رايه


والله فكره وانتي حاولي بعد انج تغيرين اللوك 100% علشان يشوفج وحده ثانيه ويعدل عن راااااااايه

والله باتزوج حرام وانتي بعدج صغيره والله عورتي قلبي فديت قلبج :sad: :sad: :sad: :sad:

الروح
06/10/2006, 07:36 PM
انتي الزوجه الاولى ولا الثانيه ؟ حاسه انك الثانيه :)

om rahaf 2009
06/10/2006, 08:26 PM
حسبي الله ونعم الوكيل

كل الرجال عيونهم فارغة تبي اللي يخرقها لهم

أوراق الخريف
06/10/2006, 08:32 PM
http://tinypic.com/izm0ax.gifhttp://tinypic.com/izm0ax.gifhttp://tinypic.com/izm0ax.gif

السلام عليكم ورحمة الله وبركاته..

عزيزتي اذا رحتي المحكمه وقالتي للقاضي ابغيه يطلقني وسالج عن السبب وقلتيله بيتزوج عليي محد بيوقف في صفج وبقولج القاضي الاسلام حلل 4 وما دام انه مقتدر فحلال عليه..

عزيزتي استعيذي من الشيطان.. وهونيها وان شاء الله تهون.. مرات زوجي يقولي نفس الكلام بس يمزح ومرات احسه جد.. الرياييل جذيه يحبون ينوعون عطيه الي يبغيه وحاولي تغيرين الروتين لان الريال يمل من الروتين وقومي باهتمامات الزايده وسوي الي يحبه وباذن الله ما يسر خاطرج الا الطيب.. يفضل بالحلال عن انه يتكلم من وراج مع وحده ويكون كل شي بالحرام.. فكري من هالناحيه..

وربي يهونها عليج حبيبتي..

وشكرا..

http://tinypic.com/jfaoo4.gif

غلا زايد
06/10/2006, 08:40 PM
الغاليه قولليه اذا تزووجت اهم اهم شئ تعدل

وتراه الزواج من 2 مسوليه وبيتين صدق تعب

الله يصبرج الغاليه

@ green apple @
06/10/2006, 08:43 PM
ربنا يهديهولك

ويحنن قلبة عليكى

ويبعد عنكم كل شر

عروس الشارجة
06/10/2006, 08:50 PM
الله يعينج اختي

نازو
07/10/2006, 12:57 AM
حبيبتي لا تطلبين أبد الطلاق من أجل هذا الموضوع ...

أكثر الرجال يحبون يلعوزون زوجاتهم أو يلعبون بأعصابهم فيهددونهم بالزواج الثاني ليل نهار ، وتلاقينهم أصلا غير جادين ولا قادرين على مسئوليات البيت الثاني .. يعني مجرد كلام وبس .. أو أنه يبى يعرف قدره عندك يعني يتغلا وبس ..

لكن إذا كان صدق جاد .. دوري على الأسباب الحقيقية وراء رغبته ، لازم تكون هناك أسباب ، حاولي قد ما تقدرين تكشفينها وتسدين الخلل ، وإذا عجزت تراه يمكن تكون هناك وحدة ثانية هو متعرف عليها ، أو يمكن يكون زوجك من الرجال اللي ما تكفيه وحده في تحصين نفسه ..

ومادام زوجك يحبك وأنت مرتاحة وإياه فلا تفكرين أبد في الطلاق وتهدمين بيتك بيديك مهما صار ، محد راح يكون الخسران غيرك ، ومثلك عارف العوانس والمطلقات ماليين البيوت ويتعرضون لفتن ما يعلمها إلا الله ، والظفر بالزوج الصالح في هذا الزمن يشبه المعجزات ، فلا تفرطي فيه وتخسري كل شيء في لحظة غضب أو غيرة واصبري فإن الله مع الصابرين واحتسبي أجرك عند الله ..

نسرونة
07/10/2006, 01:11 AM
اكرر ردي في موضوع اخر
لكل زوجة ثانية


مع كرهي
اكرهك اكرهك اكرهك

و لكل زوجة اولى
قلبي معك

نازو
07/10/2006, 02:12 AM
الأخت العزيزة نسرونة :

لا الزوجة الأولى بينفعها قلبك ..

ولا الزوجة الثانية بيضرها كرهك ..

وإنما تقاس الأمور بمقياس الله العادل الرحيم ..

يقول الله تعالى :

"ما كان لمؤمن أو مؤمنة إذا قضى الله ورسوله أمرا أن يكون لهم الخيرة من أمرهم"..

فأنا أريد ..

وأنت تريد ..

ويفعل الله مايريد ..

والأمور كلها تجري بقدر الله ..

وباختياره ..

وحده ..

~~زورقـــ~~
07/10/2006, 03:09 AM
واااااااااااااااااااااااا ااااااااااااااي

شنو هالريااايل

الصرااحه يقهروون مايملي عينهم شي

انا كل يوم اشوف الفريه وانقهر واحتررر


حبيبتي يمكن زوجج يتغشمر
انا اسمع الحريم دايم يقولون ريايلهم يمزحون هالمرج الثقيل السخيف بعد :(

ادعي ربج بهالشهر الفضيل


انا مو متزوجه ولله الحمد
بس لو تزوجت وقالي ريلي جذيه
بقووله طلقني
وبدعي عليه ربي يشللللللللله

خخخخخخخخخخخخخخخخخخخخخ

Um_3boody
07/10/2006, 10:09 AM
الله يسوي لج الي فيه الخير والصلاح ويهدي سرج ويصلح زوجج انشاء وانت توج صغيره علي الهم ومشاكل الزوجه الثانيه

eshqman
07/10/2006, 11:27 AM
عزيزتي

انا ممكن أعطيكي

فكرة

انك تبينين له وتقولين له :

انه اذا خذ الزوجة الثانية راح يتعب

وتصير له مبدال مشكلة وحدة في اليوم راح تصير له مشاكل وايد في اليوم

ولازما يعدل بينكم يعني انه ليله وترك يكون عند كل وحدة فيكم

ويسمع مشاكل كل وحدة

وحنتها

وعوار الراس

ومصاريف دبل (((ترى هذا الشي يخوف الريال أكثر شي* الفلوس*)))

وشدراه ان الي بياخذها ما تكون وحده السانها طويل

يعني ما يرتاح معاها

ليش يبلش بنات الناس ويبلش روحه ويبلشش معاه

حاولي تفهميه انها مسؤولية كبيرة راح تصير على راس

يعني خوفيه من الموضوع

وفهميه ان قبل انه ما يقدم على هالموضوع خله يسأل ناس متزوجين أكثر من زوجة

ويشوف شلون ماشية أحوالهم

انا متأكدة 100% راح يقولون مو مرتاحين

وانتي حاولي انك تريحينه أكثر وتكونين معاه أكثر

كزوجة وصديقة وأخت وكل شي في حياته

والله ولي التوفيق

eshqman
07/10/2006, 11:30 AM
عزيزتي

انا ممكن أعطيكي

فكرة يعني نفس الخطة

انك تبينين له وتقولين له :

انه اذا خذ الزوجة الثانية راح يتعب

وتصير له مبدال مشكلة وحدة في اليوم راح تصير له مشاكل وايد في اليوم

ولازما يعدل بينكم يعني انه ليله وترك يكون عند كل وحدة فيكم

ويسمع مشاكل كل وحدة

وحنتها

وعوار الراس

ومصاريف دبل (((ترى هذا الشي يخوف الريال أكثر شي* الفلوس*)))

وشدراه ان الي بياخذها ما تكون وحده السانها طويل

يعني ما يرتاح معاها

ليش يبلش بنات الناس ويبلش روحه ويبلشش معاه

حاولي تفهميه انها مسؤولية كبيرة راح تصير على راس

يعني خوفيه من الموضوع

وفهميه ان قبل انه ما يقدم على هالموضوع خله يسأل ناس متزوجين أكثر من زوجة

ويشوف شلون ماشية أحوالهم

انا متأكدة 100% راح يقولون مو مرتاحين

وانتي حاولي انك تريحينه أكثر وتكونين معاه أكثر

كزوجة وصديقة وأخت وكل شي في حياته

والله ولي التوفيق

عطر المملكة
07/10/2006, 02:57 PM
والله هذا شرع الله يعدد افضل من انه يروح للحرام
محنا افضل من امهات المؤمنين
انا مع التعدد خاصه اذا كان بالبلد عنوووسه مطلقات ارامل خاصه الامرات عددهم قليل جدا والاجانب ببلدهم اكثر انا نفسي انقهر اذا الامراتي ماشوفه ببلده لازم يتزوجون بدال الثنتين اربع من بنات بلدهم ويجيبون عيال كثييير لازم تزيد نسبة سكان الامراتيين الاصليين

missing
07/10/2006, 03:04 PM
اختي الله يعينج ...........وبعدين من قال ان الزواج الثاني والثالث حل للعنوسه......

يعني يبني بيت !!!! ويهدم الاول ..............ان لله وانا اليه لراجعون...

بس انتي اختي صبري والله معاج ........

أوراق الخريف
07/10/2006, 03:19 PM
أختي missing بس حبيت اصحح الايه هي: ان لله وان اليه راجعون ليس لراجعون..

لب لفواد
07/10/2006, 03:40 PM
شو هالموضة ليديدة لازم الريال يعرس وتكون عندة وحدة وثنتين عشان يحس برجوالتة..............
شو ذنبها الحرمة الي تظحي بكل شي في حياتها عشان ترضي ريلها ليش الريال ما يقدر هاشي وفي ليلة يبيع حرمتة ................
الي يقهر في الموضوع أنة الأخت صاحبت المشكلة صغيرة عمرها 25 سنة يعني ليش يعرس أب أفهم .................
الله يعينج يا ختية الكلام وياهم ظايع والريال أذا عزم على هاشي ماشي ايردة ...................

زوييينة
14/10/2006, 09:56 AM
شكرا لكل من لمروركم الطيب
ااااااااااااااااااااخر الاخبار
^
^
^
^
^
^
^
^
^
^
^
^
^
^
^
^
^
^
^
^
^
^
زوجي قلي انه يبي يسافر لمدة خمسة ايام قبل العيد لانه في اجتماع في الاردن للمطوعين وانا شاااااااااااااااااااكة في الامر وخااااااااااااااايفة بس كيف ممكن اخليه ما يسافر؟والله صرت مثل المجنونة مو عارفة شو اسوي كل شوي اطلب الطلاق
ارجوووووووووووووووكم ادعوا لي بظهر الغيب انه ما يسافروما يتزوج علي

صلصوحه
14/10/2006, 12:13 PM
ان شاء الله يغير رايه

ومايعرس عليج

* بنت الكبيسي *
14/10/2006, 06:22 PM
اختي نصيحتي انج تطلقين صج ابغض الشي عند الله الطلااااااااااااااااااااا اق :(

لكن الصراحه انتي غيوره واذا تزوج حياتج بتتحول ماساااااااااااااااه الصراحه

فتطلقي احسن لج وله انج تتعذبين طول حياتج :)

انتي الحين فكرة الزواج مو عاجبتج بعد عقب مايتزوج ويروح لزوجته اليديده شنو بتسوين

وانتي توج صغيره وله عندج اعيال منه فالطلاق هو الحل الوحيد :(

" شهد العسل "
15/10/2006, 05:00 AM
يالغاليه الله يعينج وان شاء الله نزوه ...

بس حبيبتي مو شرط في سبب ناس وااااااااايد عنده زوجه مثالية ويتزوج عليها وهو ماعنده سبب عيال وعنده وحرمه تسوى 10 ريايل عنده مافي شي ناقصه بس يبي ايجرب .. انا اعرف وحدة زوجها حتى يدها يحبها يقول ساميحني انتي مافيج عيب بس ربي كاتب هخطوة لي ....
بس قولي حسبي الله ونعم الوكيل ..... وكلى امرج لله ........

الله يعينج ويصبر قلبج .. بس اذا قدرتي يوم زواجه تروحين العمرة احسن لنفسيتج ...
والله قلوبنا معاج :(

حبيبة حمو
15/10/2006, 07:04 PM
حسبي الله ونعم الوكيل فيه


ودمتي بكل الود


حبيبة حمو .....

قطريه كوول
15/10/2006, 07:26 PM
ان شاء الله تحملين هالشهر ويفرح بحملج ويغير رايه عن الزواج

كريستالة قطر
15/10/2006, 07:35 PM
لا حول ولا قوة إلا بالله

كثري من الدعاء في هذا الشهر المبارك

وربي يهديه لج إن شاء الله وتطلع مزحة ثقيلة دم منه إن شاء الله ياااااااااارب ..

~~زورقـــ~~
16/10/2006, 12:48 AM
حسبي الله على كل رجال يغث مرته ويتزوج عليها بدوون سبب
والله لا يوفق كل مره تتزوج واحد عنده عيال ومره وتهدم بيتهم

واولهم ابو مباارك يعله ماايتهنا ولا يربح :(

<<<متأثره بمسلسل الفريه

كل يوم ابجي وياا ام مباارك :(

نازو
16/10/2006, 02:05 AM
اختي نصيحتي انج تطلقين صج ابغض الشي عند الله الطلااااااااااااااااااااا اق :(

لكن الصراحه انتي غيوره واذا تزوج حياتج بتتحول ماساااااااااااااااه الصراحه

فتطلقي احسن لج وله انج تتعذبين طول حياتج :)

انتي الحين فكرة الزواج مو عاجبتج بعد عقب مايتزوج ويروح لزوجته اليديده شنو بتسوين

وانتي توج صغيره وله عندج اعيال منه فالطلاق هو الحل الوحيد :(

اتقي الله يا أختي وحرام عليك هذا اللي تقولييييينه ..

كل وحدة عندها نصيحة طلاق توفرها حق نفسها أحسن ..

يمكن تحتاجها في يوم من الأيام ..

Om_3li1
16/10/2006, 03:45 AM
حسبي الله على كل رجال يغث مرته ويتزوج عليها بدوون سبب
والله لا يوفق كل مره تتزوج واحد عنده عيال ومره وتهدم بيتهم

واولهم ابو مباارك يعله ماايتهنا ولا يربح :(

<<<متأثره بمسلسل الفريه

كل يوم ابجي وياا ام مباارك :(

اسكتي يا خويتى ابروحى منقهرة منها ودوم ادعى ع حصوه وع بو مبارك واليوم صحت من خاطرى يوم شفتها ترقص له وتصيح تخيلت ريلى بداله اتصلت له وعصبت عليه قالي بلاج اللى يقول انا المعرس قالي بتسكرين ولا اشل عنج التلفزيون وحلف عليج ما تشوفينة خير شر حشرتينا تراج
جان احط لسانى بحلجى ما فية ترانى ابا اشوف الاحداث

يا خويتى شوفي شو راح تسوى ام امبارك وسوي مثلها :gum:

qshark
16/10/2006, 10:21 AM
اسكتي يا خويتى ابروحى منقهرة منها ودوم ادعى ع حصوه وع بو مبارك واليوم صحت من خاطرى يوم شفتها ترقص له وتصيح تخيلت ريلى بداله اتصلت له وعصبت عليه قالي بلاج اللى يقول انا المعرس قالي بتسكرين ولا اشل عنج التلفزيون وحلف عليج ما تشوفينة خير شر حشرتينا تراج
جان احط لسانى بحلجى ما فية ترانى ابا اشوف الاحداث

يا خويتى شوفي شو راح تسوى ام امبارك وسوي مثلها :gum:


والله ذبحتوني من الضحك الله يغربل بليسكم

منقهره انا بعد من حصوه الخايسه مع ويهاا ولا هو بعد

الروح
16/10/2006, 07:41 PM
ام علي هههههههههههههههههههههههه

Om Nouf
16/10/2006, 07:58 PM
قلبي معاج والله .. انا ما اعرف ظروفج وما اعرف التقصير من وين او الغلط من وين بس هي مثل ما قالوا البنات كتبة الله اذا صارت ومالج يد فيها لازم تحتسبين عند رب العالمين وترضين عشان الله يآجرج انشالله ..

المهم انا اشوف ان من اكبر مشكلاتنا كحريم ان ما عندنا شي يشغلنا .. هذا يخلي كل سلوك من الرجل يأثر فينا بشكل مضاعف .. اهتمي بنفسك وبلبسج وجمالج .. اشغلي وقتج بالعباده وبالعلاقات الاجتماعيه لأن علاقتنا بالله سبحانه وتعالى وبعده بأهلنا هي اهم شي في الحياه ويجي بعدها الشغل او الهوايه اللي تريح اعصابج وتعدل مزاجج..

خليها على الله اختي وتوكلي وسلمي امرج له ومثل ما قلتلج ترى هالله هالله بنفسج ما حد بينفعج اذا اهملتي نفسج وضيعتي شبابج .. فكري في حالج كانسانه لج حياتج وطموحاتج مو كزوجه وبس ..

الله يخفف عنج ويهديه بمشيئته ...

طائر الحب
16/10/2006, 08:55 PM
أختي العزيزة

أرجو أن تقرأي كلامي بعناية ::

نصيحة حاولي تكوني معه في كل مكان حتى اذا ناوي يسافر روحي معه

لا تتركيه ولا تخلي وحده غيرك تاخده منك لأنك أنتي زوجته ..

صح الرجال مثل ما قالن الاخوات عيونهم فارغه بس انتي الوحيدة الي بتقدري تحافظي عليه

او تتركيه لوحده تانية تاخده منك !!!

وعندي فكرة اتمنى تكون مفيدة ::

هو مقرر يزوج ومتخد القرار اوكيه..

وطالما هو يعترف انه بيحبك وبدو يتزوج من باب تطبيق الشرع على اصوله ..

( وانا لست مع هالرأي ) !!!

اطلبي منه انك انتي الي تختاري له الزوجه على شان تعرفي اذا هو ناوي يزوج وحده تانية عامل معها

علاقة حب او مجرد زوجه أخرى ..

اذا وافق ساعتها بيكون مجرد شعور عابر وملأ للفراغ الي عنده وحلها بسيط ..

واذا رفض معناها هو مفكر بوحده تانية وعلى علاقة معها ..

وهون بيكون حل تاني ..

لا تتسرعي و نصيحة لا تفكري بالطلاق لمجرد كلمة عابرة وحاربي لاخر لحظة ..

انتظر ردك و اتمنى تخبريه بالفكرة هي ونشوف بعدين ..

دمتم في حفظ الله ورعايته بخير

أخوكم طائر الحب


http://www.up-books.com/up/uploads/ff038b7293.gif

only1way
16/10/2006, 09:37 PM
كلميه فهميه ان الزواج بثانيه او ثالثه لازم يكون له سبب واجهيه كلمي اهلج واهله سوي اي شي بس لا تحطين ايد على ايد

خالة سارة
16/10/2006, 09:40 PM
الله يصبرك وبصراحة اصعب شى لم الزوج يتزوج على حرمتها وهى موب مقصرة

~~زورقـــ~~
18/10/2006, 11:08 PM
واااااااااااااي ياااام علي
وربي انا رااح على رمضاان وانا ادعي عليهم
استغفر الله فتنوونه بسسس

بس صج صج تقهرررررررررررررر
وهالحصوووه
عمـــن يعميـــــها
بنت ابليس
جذي بناات اعوذ بالله
المره مربيتج يعل ماايرباالج بنت تطلع مثلج <<<<قصدهاا حصووه

بس مااعليج الله فووقهم


يااختي انا اصلا معقده وهالمسلسل عقدني زوود
اذا بو مبااارك هالشيفه لقي وحده تحبه وتمووت فيه وتلااحقه وهوو ويهه يأسي وجيكر وحاالته لله اكيد كل الرياايل بيلااقون حريم بعد تموت عليهم


وااي يمه يمه يمه

يعلي مااحر مره ولا انحر من مره
وكل اخوااتي وبنات المسلمين

:(

Mola_88
19/10/2006, 06:05 PM
هقولك ايه ربنا يهديه ليكي وحاولي مش تهدي بيتك اذا كنتي بتحبي حاولي تحافظي عليه وتبعدي عنه الفكره دي خليكي ليه صديقة وحاولي تدوري ايه اللي ناقص عندك ممكن يكون بيبحث عن التغيير الراجل بطبعه بيزهق لما بيكون في صورة موحدة لحياته وعلاقتة بزوجتة ابحثي عن الغيير والتجديد في علاقتك
ربنا يكون في عونك صعب جدا تستحملي يشركك في حد
اكثري من الدعاء فالدعاء يغير القدر ربنا يسعدك مع زوجك ويسخر لك قلبه



انا انثي ولدت ومعي قرار اعدامي ولم اري باب محكمتي ولم اري وجه حكامي

rدلوعة باباتها
19/10/2006, 06:52 PM
لا تعليق...


هذي اعذار يجيبها الرجال عادتا يوم ماعندنه مبررر ....


و لو كان يحب مافكر ياخذ غيرج ... يعني ماعرف شاقولج بس لو انا منج ماترضاها على نفسي ... و اتخلى عنه قبل لا يفكر يحط وحده على راسي .. خاصه اذا كنت متاكده اني مو مقصره معاه ابشي

عطر المملكة
20/10/2006, 08:42 PM
زوينه او مزيونه مو انتي الزوجه الثانيه!

هذي بعض ردودك سابقه بموقع اخر بموضوع هل تحبين لزوجك زوجة اخرى!!!
ردك:1-انا الزوجة الثانية والبنت مو في ايدها تقبل او ترفض رجل متزوج لان هذا نصيب . وبالنسبة لي اذا الرجل فكر انو يتزوج وحدة اخرى فساطلب الطلاق لاني غيووورة جدااااااااااااااا واذا بتقولولي ليش انت تقبلين على غيرك مالا تقبليه على نفسك بقلكم ان الاولى كانت موافقة ولو علمت انها بتطلق بسببي كان رفضتو ولا ابني سعادتي على تعاست غيري والله يخلي كل وحدة زوجها ويسعدها يا رب

(هو في وحده خاصه الاولى ترضى انه يتزوج عليها؟؟؟ اكيد بيقول انها راضيه وبيخليها تقول انا راضيه غصب علشان خايفه على اولادها شوفي الحين انتي نفس السالفه بيقول للثالثه ان انتي نفسك راضيه
كما تدين تدان )

ردك 2 -سامحيني لازم تحدفي عبارة تقرف لان السوريات والمصريات والمغربيات مسلمات عربيات وليش يتزوجوهم بالذات لانهم حلوات ويريحون رجالهم وكوني متاكدة اي مراة يتزوج عليها زوجها فالغلط منها اكيد فيها نقص يبي الرجل يعوضه مع مراة غيرها والكمال لله وسامحوني على صراحتي


سبحان الله
(الحين انتي الان الغلط منك واكيد فيك نقص وهو يبي يعوضه عند غيرك عليها هذا كلامك انتي نفسك وينهم الحلوات اللي يريحون رجالهم؟؟؟)

تحلله لنفسها وترضاها لنفسها وتحرمه على غيرهاوماترضى
ليه وافقتي على المتزوج ولا لانه امراتي خليجي ؟؟؟
لو انه من جنسيتك المغربي متزوج رفضتيه بس لانه خليجي توافقين على طووول
ومعروف السبب ليه توافقون

بس هنا الان زوجك معه حق انه يتزوج الثالثه السبب انتي عارفته وذكرتيه والشرع معه

على فكره انا مع التعدد لاسباب ذكرتها سابقا لمشكلة العنوسة والمطلقات والارامل وغيره في البلد نفسه

camellia
20/10/2006, 08:57 PM
الله يفرج همج وكربتج ياختي

بس تبين رايي؟؟ طنشيه واسفهيه وعيشي حياتج وقوليله اذا تبي تتزوج طلقني وقوليها وانتي واثقه ورافعه راسج

وقوليله الف واحد يتمناني واذا انت ماتعرف قدري وتبي تتزوج علي بس لان ربعك متزوجين اكثر من وحدة

فانت اصلا ما تستاهلني لانك تبي تكسر قلبي بس عشان مضهرك قدام ربعك فروح تزوج وطلقني وخل ربعك ينفعونك

لاتذلين نفسج وصدقيني ذيك الحزة بيعرف قدرج ليش تتحملين عشان من؟؟ عشانه هو اللي ماعرف قدرج ويبي يتزوج عشان ربعه!!!! وانتي ماعندج عيال تضحين عشانهم صدقيني بيركض وراج

#روحـ مغليها#
20/10/2006, 11:15 PM
الله يكون في عونك
ويصرف زوجك عن الزواج ويجعلك قرة عين له
اللهم اااميييييييييين
والله يااختى الحين مافي يدك غير الدعاء ولاتنسين ان الدعاء في هذه الايام باذن الله
مستجاب وايضآ الصدقه تصدقي بنية
وحاولي انها تكون مخفيه

كلميه وحاولي فيه قولي انك ماتحملين انك تشوفينه مع زوجه ثانيه والله يهديه

~~زورقـــ~~
20/10/2006, 11:32 PM
:eek:

:eek:

:eek:



الزوجـــه الثــــانيه !!



صج عاااااااااد

:eek:

ولما تزوجتيه الاولي كانت على ذمتــــه ؟؟؟


:eek:
:eek:
:eek:

dfleure
21/10/2006, 02:17 PM
والله لمن قريت الموضوع حسيت بغصة في قلبي تراه انا بعد خبرني انه بتزوج علي بعد مع انا تزوجته مطلق وعنده عيال وانا عمري 22 سنة ويبي يتزوج علي وش اسوي وقلت له انت كيف بتوفق مابيني وبين عيالك قالي مالك خص هذا بيني وبين ظميري والله انا غيورة جدااااااااااااااااااااااا ااا مع العلم اني مريحته وما ينقصه اي شي الا يقول هذا شرع ربي وليش احرم نفسي من شي احله ربي مع العلم انه في اول زواجنا تزوج علي مرتين كنت توني عروس ولا تشوفون الحسرة الي كانت بقلبي لكن الله اراد انهم ما تحملو العيشة وياه وطلقهم ورجع لي وانا صبرت لاني مااكان في وسعي اطلب الطلاق لاني كنت توني متزوجة والحين بعد يبي يتزوج علية وش اعمل .....تعبت من التفكير تبت من الالم هو خبرني انه ماراح يخبرني متى زواجه لين مايحطني قدام امر الواقع ترى صعب حتى بالتفكير انه بتزوج يالله
ماادري وش اسوي

زوييينة
28/10/2006, 05:27 PM
اولا اعتذر لتاخري في الاجابة وشكرا لكل البنات على الردود
rدلوعة باباتها: شكرا لمرورك حبيبتي بس انا متاكدة انه زوجي يحبني وهذا مو بالكلام مواقف كثيييير اكدت لي هذا الشي ومو كل رجل يتزوج على زوجته معناه انه ما يحبها
بالنسبة ل عطر المملكة :ما راح ارد عليك في مثل يقوووول :اذا تكلم السفيه فخير الاجابة عنه السكوت
qtr221: اسعدني مرورك والله هذا اللي انا بسويه بس من باب التهديد وشكرا لدعائك لي
ســمــو الــحــب!! : اسعدني مرورك فعلا الصدقة ترد بلاوي
~~زورقـــ~~ : شكرا لمرورك اييييوة انا زوجة ثانية واتزوجته والاولى على ذمته وليييييش مندهشة؟؟؟؟؟؟؟؟؟؟
dfleure: الله يكون بعونك حبيبتي والله ما عرفت اش نقول ليك المهم خليك انت مزيانة معاه والله يعوضك خير

ثلاجه
28/10/2006, 06:51 PM
اذا انتي من اجل الاطفال زين اني شكو 4شهور متزوجه وكل يوم والثاني يلمحلي يقوللي الله محلل اربعه واني عمري 20سنه وهو عمره 36سنه وطبعا اني ةالله جميله ماأمدحلكم بنفسي نضافه واخلاق وجمال اشيطلب بعد عايشه في دوامة مشاكل يوميا انسامه يوم بعد يوم بيزيد الجرح عندي

بس الضاهر زواج هذه الايام وايد فاشل

والحمدلله على كل شئ

ثلاجه
28/10/2006, 06:52 PM
:sad: :cry: :cry: :cry: :cry: :cry: :cry: :cry: اذا انتي من اجل الاطفال زين اني شكو 4شهور متزوجه وكل يوم والثاني يلمحلي يقوللي الله محلل اربعه واني عمري 20سنه وهو عمره 36سنه وطبعا اني ةالله جميله ماأمدحلكم بنفسي نضافه واخلاق وجمال اشيطلب بعد عايشه في دوامة مشاكل يوميا انسامه يوم بعد يوم بيزيد الجرح عندي

بس الضاهر زواج هذه الايام وايد فاشل

والحمدلله على كل شئ

زوييينة
28/10/2006, 09:21 PM
يتزوج عليك بعد 4 اشهر زواج :rolleyes: صدق ما يستحي انت توك عرووووووسة بدل ما يهنيكي ويدلعك يروووح يتزوووج:eek: قهرررررررررررررر
شو اقول غير الله يعيني ويعينك على ما ابتلانا :confused:

alex_bride
28/10/2006, 09:37 PM
انا عرفت خطيبي من الاول ان اي كلام في الموضوع ده بجد او بهزار هيلاقي حاجه متعجبوش مني
قلتله يهزر في كل حاجه تخطر على باله الا الموضوع ده ولو لا قدر الله لاي سبب كان لزم الامر فلازم يطلقني ( بعد الشر ) الاول ، وكنت هكتب الشرط ده في عقد الزواج بس خفت امصخها ، صحيح احنا لسه ما دخلنا بس هو عرف طبعي الحمدلله ولو سمع عن اي واحد اتجوز مره تانيه بدون سبب، لازم يعيب عليه ادامي يعني كانه بيسمعني رايه لانه خايف مني هههههههه ، ولو جه سيرة الموضوع ده ببصله بس بطرف عيني نظره قويه ، وشه يصفر ويقولي بتبصيلي ليه انا مالي بيهم انا مش زيهم
هههههههههه ، هما الرجاله كده مش بيجوا الا بالعين الحمره يا بنات ، الحمدلله انا وجوزي بنموت في بعض وربنا يتمم علينا و يملي بيتنا كله حب وسعاده ولكل البنات ، قولوا اميييييييين

زوييينة
28/10/2006, 11:11 PM
ااامين الله يسعدكم ويهنيكم مع بعض

عروس للابد
29/10/2006, 12:18 PM
دامج انتي الزوجة الثانية وجذي مقهورة عيل شو كان شعور زوجته الاولى

حب لاخيك ما تحبه لنفسك خلي الريال ايطبق الشرع يمكن العنوسة تخف شوي

وبعدين ما تعرفين يمكن زواجه يخليه يحبج اكثر ويقول زوجتي عاقل ما شاء الله عليها

والي الله كاتبه يا اختي راح ايصير وما عليج من بعض الاخوات هداهم الله بنصيحة الطلاق لانها

اصلا لو كانت بمكانج راح تتقبضبه بريولها وايدينها

وانتي اذا تبغين الطلاق من البداية ماكنت بتوافقين على رجل متزوج

اتكلي على الله اخيه والنصيحة بجمل

زوييينة
29/10/2006, 01:16 PM
شكرا عروس للابد على النصيحة والله بس الحين حسيت اش كثر المراة تعاني من زواج زوجها او تفكيره بالموضوع قبل ما اتزوج ما كان يخطر على بالي الزواج من رجل متزوج ابداااااااا بس سبحان الله كتب لي هذا الزواج والحمد لله والحييين بس حسيت بالزوجة الاولى الله يعينها يااا رب ويخليها لولادها لو رجع بي الزمان لورى وكان بايدي اختار ما اخترت الزواج من متزوج كان تميت عانس احسن لي بس في قرارة نفسي اقول انا اصلا خدته وهو متزوج ليش الحين اعترض ؟ بس الغييييرة في كل مراة وما اقدر امنع هذا الشعور او اشيله من قلبي

غداري
29/10/2006, 02:20 PM
الله يعينك ويعين زوجته الاولى بعد

qmr
29/10/2006, 02:37 PM
بصراحة اختي في الله انا كنت متعاطفه معاكي جدا اول الموضوع
وكنت هكتبلك رائ شخصي خاص بيا
لكن ما ينفعش لما عرفت انك الزوجه الثانية
زي ما اخذتيه من حضن زوجته الاولي
كان لازم تعرفي ان في واحده هتاخده منك

واخيرا ربنا معاكي

qmr
29/10/2006, 02:47 PM
بصراحة اختي في الله انا كنت متعاطفه معاكي جدا اول الموضوع
وكنت هكتبلك رائ شخصي خاص بيا
لكن ما ينفعش لما عرفت انك الزوجه الثانية
زي ما اخذتيه من حضن زوجته الاولي
كان لازم تعرفي ان في واحده هتاخده منك

واخيرا ربنا معاكي

~~زورقـــ~~
29/10/2006, 03:44 PM
مندهششششششششششششه :think:

سبحان الله على طبع ابن آدم

حب لاخيك ماتحب لنفسك يااختي

لانج رضيتي تاخذينه من زوجته الاولي وعيااله

ومورااضيه تاخذه منج وحده ثاانيه

عادي دام رضيتي تكوني الثاانيه توقعي ثالثه وراابعه

وانا قلتلج رااي لما ارسلتي لي على الخاااص
وهذاني اقوله لج مره ثاانيه لانج رديتي على هنيه
وكان الامر عاادي!!!!!

مثل مااخذتيه بالحلااااااااال ومووومسويه غلط على قوولتج

خليه ياخذ غيرج بالحلاااال الرجال ماسوي شي غللط

واختصاار عشان ماتقولين اتشمت فيج <<<لانها قالت لي على الخاص :rolleyes:
يباا انا ماعرفج ولا بيني وبينج شي
عشان اتشمت ولا تطنزز بس الحق ينقال
وانتي عرضتي الموضوع وتبين راينا وهذا رااينا

انا كنت متعاطفه معاج واايد لكن الحين تغير الوضع 180 درجه

وعلي فكره الرياايل اذا بغوا يتزوجون مايشااورون احد

الله يعيـــنج


والله يووفقج
ويخلي لج زوجج انتي وزوجته الاولي وعيااله
والثاالثه جاانه عرس

الله يخليه لكم كلكم ويحبكم كلكم ياارب
:bigsmile:

الروح
29/10/2006, 07:11 PM
انتي الزوجه الاولى ولا الثانيه ؟ حاسه انك الثانيه :)

يعني طلع احساسي صح :clap:

زوييينة
29/10/2006, 08:11 PM
غداري : شكرا على مرورك والله يعين الجميع
qmr : شكرا لمرورك الحلو
~~زورقـــ~~: اما انتي مصختيها الصراحة ورايك انتي بالذات ما ابيه:gum:

JUST ONE LOVE
29/10/2006, 08:26 PM
اختي احسن حل سوي نفسك مطنشه .. واذا قام يزيد ويعيد في الكلام قولي له تزوج من ماسكك

جذي راح يحس بغلطه ويتقرب منك اكثر

زوييينة
29/10/2006, 08:27 PM
الروح : شكرا لمرورك اللي ما منه فايدة(n) وحاستك السادسة خليها تنفعك في اشياء ثااااانية:shy:

زوييينة
29/10/2006, 08:28 PM
JUST ONE LOVE: شكرا لمرورك الطيب والله هذا اللي انا مسوياه الحين

~~زورقـــ~~
29/10/2006, 09:14 PM
ماشاااااااااااء الله عليك اسلوووووب الله يهنيك فيه

وخليك كذا


وتبين الصدق ماتستااهلي دعائي لك يااحساافه بس

وعلى فكره انتي الى ارسلتي لى على الخااص
لان ماعندك جرأه تقولي للبنات انك الثاانيه وهذا كلامج ترا
انا ماامصختها انتي الى مصختيها كل شوي مرسله لي

عجييييييييييييييييبه اسلوووب تعييييييييييس



:)

سويتي2
29/10/2006, 09:29 PM
الغالية مو لازم يكوز فيج نقص او كبيرة او العكس السالفة ان اللي نشوفه بره من مغريات ولبس الحريم صار الريال ما عنده قناعة باللي عنده صار يحب التغيير بس صدقيني احنا اليوم في عهد غير العهد اللي الرجل مسموح له يتزوج 3او4 حريم يفكرون ان السالفة بتدوم ما يعرفون ان الثمن غالي وصدقيني انا ما انصحج تطلبين الطلاق حتى لو عمرج 18 سنة خليج عاقلة وهو راح يندم بس ما راح يعلن الندم لان كبريائه ما يسمحله وانت راح تتفرجين وادعيله بالهداية وزين انه خبرج ما سواها من وراج بس تاكدي ان السالفة مو سالفة زواج ممكن يبى يعرف كيف ردت فعلج عالعموم لا تطلبين الطلاق وان الله مع الصابرين

ماتهاااب
29/10/2006, 09:40 PM
اختي صاحبه المشكله

بعيد عن مشكلتك استغرب اسلوبك بالرد على البنات

كل وحدة ماهو عاجبك ردها وتعلقين باسلوب ماادري وش اقول عنه

طيب وش حادك تطلبين مساعدتهم اذا هم مايعجبونك

شي غريب

عيون بوظبي
29/10/2006, 10:46 PM
بصراحه الله يعينج

بس مب على شي ..

الله يعينج على ردج الي تردين به على البنات ...

(اتوقع اييني من الحب جانب انا بعد )

ياختي خلي لسانج حلو مع الناس بتكبرين بنظر ريلج وبتفرضين حبه واحترامه بعد ...

عطر المملكة
30/10/2006, 03:45 AM
لاني قلت الحقيقه!!!
اللي تستحق ان نتعاطف معها هي الاولى الصابره ولست انت
وحسني اسلوبك لان اسلوبك اسلوب وقح

أم سليمان
30/10/2006, 06:38 AM
لاحول ولاقوه الا بالله ....تتوقعين احد يتعاطف معك وانتي تردين على البنات بهالاسلوب ؟؟!!!!

على العموم ...انا رايي اذا اسلوبك كا فماينلام زوجك لاعرس عليك

الروح
30/10/2006, 06:58 AM
بنااااااااااات انا قلت شي غلط؟؟؟
حسبي الله ونعم الوكيل فيك
ليه انتي زعلانه لاني حسيت انك الثانيه؟ هذي اهانه لك يعني ولا ايش؟؟؟ وش فيها الزوجه الثانيه او الرابعه؟؟؟
فعلا اسلوب (n)
والله من حقه دام انتي كذا وهذا سبب قوي بعد انه يتزوج عليك :ok:

مرموم
30/10/2006, 08:49 AM
السلام عليكم ورحمة الله وبركاته

بعض الردود خرجت عن حدود الأدب أخواتي...

الموضوع يغلق...