المساعد الشخصي الرقمي

مشاهدة النسخة كاملة : ساعدوني الله يخليكم



دلوعة العين1
26/09/2006, 05:29 AM
بسم الله الرحمن الرحيم
السلام عليكم والرحمه
الصراحه ان من اشد المعجبين في منتداكم وخاصة هالقسم لهسبب ماتردد اني اكتب مشكلتي اني اعرف انكم راح تساعدوني ,,
انا عمري 17 قبل سنتين حبيت ولد عمي وكان هو مشترك بنفس المنتدى اللي انا مشتركه فيه كنت دوم يوم العب ويااه احس انه يبادلني نفس الشعور الين ماطرش لي رساله وقال ضيفيني ((وياريت اني ما ضفته)) المهم انا ماقدرت امسك عمري وصارحته بحبي اتجااه وهو كان يقول حتى انا احبج و....و....,وبعد جم يوم يقولي انتي من صدقج تحبيني ؟؟! وانتي ....وانتي,صرت لما اشووفه اون لاين في المسن افرح واستانس وايد ,وبعد جم شهر صاااار متعلق فيني بشكل انا للحين مستغربته ان كان الحب من طرفي بس ,بعد ما خلص دراسته حب يكملها في السعودية يوم سافر انقطعت علاقتي وياااه وبعدها بجم اسبوع تعرفت على واااحد عن طريق المنتدى وهو دووم كان يرسلي رسايل ويترجاني أني اضيفه ألين ماقلت خلاص بضيفه وبعرف شو سالفته عقب وحذفه, وعقبها ضفته وتم ينكلم يتكلم يعني سوالف عادية وفجأه احس عمري مرره سرت احبه صج صج حبيته , يوم كنت اكلمه في المسن دوم يطرش لي رقمه ويطرش ويطرش ويقول مستحيل العلاقة بس في المسن رحت ردت عليه قتله :انبله عادي, وعقبها كنت اريده في سالفه ضروريه والنت يومها كان مقطووع ((للحين اتمنى ان هاللحظه ترد وما اسويها))اتصلت فيه وكلمته بس في الشغله اللي كنت اريده اقوله اياه ,وعقبها طرش له مسج عسب مايتصل علي ونسيت ماامسح المسج راحت امي شافت الرقم واتصلت ورد هو ودار حديث بينهم وعقبها اخويه اشتكى عليه بالمغفر وكانت هالفتره فترة امتحانات هو عاد السنه وانا نحجت بنسبة مقبوول والله العظيم اني احبه حب ما تتخيلونه وهو بعد للحين يحبني والمهم سافر ورديت وقبل جم اسبووع يوم دشيت المسن حصلت ولد عمي يقولي مشتااق ...و....و....., واليووم الثاني حصلت هذا اللي احبه هو دوم يقولي انتي تعبيني وانتي وانتي
وانا والله اني احبه ((نحن حطينا عهد ان انا ويااه نكمل الين النهائه )) بس هو الحين يحسبني اني متجاهلته واايد واني صرت مااحبه,
المشكله الثالثه ان ولد خالي خاطبني من زماان بس انا ما اعرف شئ وانا مستحيل اخذ هذا ان في عيووب الدنيا كلها انا ماعرفت بالسالفه غير يود رديت من السعودية ويت امي قالتلي :انه خطبج ورديت عليها وقتلها: مستحيل اخذه ردت وقالت: لا مو على كيفج بتاخذينه غصب عنج .

وانا اكتب والله اني تعبااانه وحس عمري اني بعدني على هالسوالف بس ماادري كيف صارت في وقت واااحد احاول انساهم بس مااقدر احس ضميري يأنبني خاصه بأتجااه اللي احبه
فلا تبخلوون على بمساعدكم لي

mira_2
26/09/2006, 05:37 AM
شوفى حبيبتى
انتى حطيتى نفسك فى مشكله واكتر
كل بنت لازم بيجيلها فتره تحس انها محتاجه تحب وتتحب لكن صدقينى الايام بتفوت وكل شيء هايتنسي انتى احسنلك
صلى استخاره وادعى ربنا بان الخير يقربه ليكى والشر يبعده عنك وارضي بقضاء ربنا ايا كان
وحبيبتى ماتعمليش اى حاجه من ورا اهلك انا عرفه ان كلامى ممكن يضايقك لكن ده الصح حاولى تبعدى عن كل حاجه ولو مكتوبلك تكملى مع اللى بتحبيه ده ربنا هايقربه منك ويتقدم رسمى وتكونوا فى النور احسن من اى مشاكل
وحاولى ماتعلقيش اى حد معاكى يعنى قريبك اللى رجع من السعوديه قوليله متاسفه انا نسيت الموضوع وماقدرش اتكلم معاك تانى علشان ماتانبيش نفسك وضميرك وتشيلي ذنب
ربنا معاكى ويوفقك واعذرينى لو كلامى ضايقك

ملاك الورد
26/09/2006, 07:47 AM
أختي دلوعة العين اسمحيلي على صراحتي بس السالفة كلها لعب × لعب

انتي عمرج 17 سنة وللحين ما تعرفين شو هو الحب الحقيقي صدقيني

هالحب اللي تمرين فيه ولا شيء مجرد لعب يوم بتكبرين اكثر بتنسينه

وبتتغير نظرتج لهالامور وبتكونين واعية أكثر ..

انتوا الحين في مرحلة دراسية يعني لازم يكون همكم اكبر من هالسوالف ..

والحب لاحقة عليه بس بالعقل قبل القلب .. انتبهي لدراستج وركزي عليها

واقطعي علاقتج ويا هالشباب ترا ما بيفيدونج في شيء .. ولا تتوقعين حد

يقولج ان اللي تسوينه صح او يسايرج بهالغلط .. ارضي ضميرج تجاه ربج قبل

نفسج او اللي تحبينه ..

al 3zezh
26/09/2006, 09:20 AM
حبيبتي حاسه فيج واعرف كيف حالتج بس لا تعبين عمرج و تشغلين عمرج في شي اسمه الحب انا حبيت اربع سنوات وآخر شي راح و خطب غيري بمعنى الصح ان الحب كلام فاضي والله ...

والله اني لين اليوم اعاني من التجربه الفاشله مع ان الشخص كان وايد يحبني و متعلق فيني بس والله بلحظه وحده نسى العشرة وفكر في نفسه ...

ونصيحتي لج حبيبتي لا تشغلين عمرج في السوالف ولا تخلين حد يبيعج واذا الولد صادق في حبه خليه يتقدم لج و لاطولين معاه في الحب والخرابيط

وصلي الأستخارة والله يوفقج

لا تزعلين من كلامي بس الواحد يستفيد من تجارب غيره


والحب نادر وجوده في هالزمن

مرموم
26/09/2006, 09:49 AM
السلام عليكم ورحمة الله وبركاته

هلا بيكي أختي...

أختي ال MSN عمره ما كان إختبار لحب حقيقي واللا مش حقيقي...

يعني إنتي قاعدة من ورا أهلك تكلمي في شباب...و تحبي هذا و تنسي هذا و ترجعي تحبي الأول...

و قصة طويلة عريضة....و لو واحد ثاني من هذاك المنتدى قال لك ضيفيني بتضيفيه و تعيشي نفس المسلسل ؟

أختي فكري بعقلك شويه...اللي يحب واحد إيش يعمل ؟

ييجي يخطبه من أهله ...صح ؟

إيش فايدة الحب اللي من بعيد لبعيد...و على الماسينجر و على التيليفون...

كل هذا نوع من أنوع الخلوة أختي...و إنتي قاعدة تكسبي سيئات بإيدك...


إستهدي بالله أختي و شيلي من بالك فكرة الحب بهذه الطريقة...و فكري بإيجابية تجاه ابن خالك...لأنه واضح إنه شاريكي...و على الأقل الوحيد اللي عارف قيمتك و قيمة أهلك و جاء خطبك منهم...صح ؟

الله يهديكي و ييسّر لك اللي فيه الخير و الصلاح...

شوشيتا
26/09/2006, 02:01 PM
صدقيني اختي الغاليه دلوعه رضى الله سبحانه وتعالى هو اللي يوفق الامور

والعلاقات هذي دمااار وخراب ... وانتي في سن مشاعرج تكون مندفعة والكلام المعسول يؤثر عليج بسهوووله


اتمنى لج التوفيق والله يبعدج عن غضبه ويفرج عنج قريب يا رب

SHREEFA
26/09/2006, 03:03 PM
ما شاء الله
كل هذا حب روميو وجوليت
اللي يحب من صدق يحب ويعشق انسان واحد فقط
ولايفكر يخونه حتى لو مسج بالماسنجر

وبعدج صغيره انتبهي لدراستج
ومستقبلج وخافي الله في نفسج وفي الشباب

واللي صادق معاج يتقدم لج ويخطبج رسمي
وانا اقولج هالكلام مو لكي تهربين من المنتدى ولكن كلام صادق نابع لك من القلب


دمتم سالمين
اختكم شريفة

سحابة وفا
26/09/2006, 03:18 PM
هلا دلوعة العين..
إسمحيلي لكن هاذي العلاقة أتبئلها بالفشل.. لأنها في الأساس غلط...
إنتي حطيتي نفسج في متاهات.. يعني الماسنجر عمره ماكان دليل على صدق النية,, يمكن يلعب معاج.. مثل ماطلب إنج تضيفينه.. يمكن ضايف كمن بنيه من المنتدى نفسه...وقاعد يلعب بالحبلين مافي حبيبتي ضمانات.. والشاب لما يشوف إن البنيه متهاونه.. يقول كيف آخذ هاذي إلي ماصانت عمرها.. يعني مثل ماحبتني أنا.. أكيد راح تحب غيري بسهولة..
وهاذي مشكلة... لما كل واحد يطلب إيميل الثاني.. تنجرفين وماتعرفين يسارج من يمينج...
شوفي حبيبتي.. إذا هو صادق النيه يتقدملج.. إنتي مش وايد صغيره.. بالعكس يمكن نصنفه سن زواج.. إنتي في هاذي الحالة بتعرفين إذا يحبج ولا لأ.. الشباب ما تنفع معاهم إلا لغة الجد.. بعدين إذا دبر.. يعني هو كان من الأساس يلعب...
وبعدين إنتي بعدج في سن المراهقة,.. وهذا سن تخبط..
قوي صلتج بربج.. وإدعي الله يثبتج.. وراج مستقبل ودراسة.. عيشي حياتج كل شي في وقته.. وصدقيني إذا خليته ونيتج كانت إنج ترضين ربج.. الله يعوضج بواحد أحسن من بمليون مره..
وحتى ولدج عمج.. لاتكلمينه.. علشان ماتتعلقين ولا هو يتعلق في أوهام...
وإسمحيلي إذا كنت شوي عنيفة.. بس كله علشان مصلحتج..
وتحياتي...

موري2
26/09/2006, 03:59 PM
اللي بيحبك بجد هو اللي يجى لباب بيتكم و تعرفي انه شاريكى و عايزك بجد تشاركيه حياته
و على فكرة انتى لسا صغيرة و في سن مراهقة و دااااااااااااااااااااايما هتلاقي مشاعرك متقلبه في السن دة و دة طبيعى و مش هتستقري على حال أبدا
ليا اخت أصغر منى كانت برضه تحب واحد و لما اتقدم لها خطيبها اللي هى مخطوباله الحين كانت تعيط و تسوط في البيت و تقول أكرهه مش عايزاه و تقوله كلام يجرح لدرجه انها قالتله في مرة انا بكرهك و مش عايزاك و متفكرش انى احبك في يوم من الآيام و ظلت سنتين على ها الحال و ظل الولد اللي عايز يخطبها وراها و مصمم يخطبها علشان بيحبها مع انها متكلمتش معاه من قبل بس هو بيحبها و شاريها لحد ما فعلا اتخطبوا و الحمد لله تحب خطيبها الحين حب اييييييييييييييه مقولكيش طبعا بعد ما كانت تكرهه الاول
اعرفي انك لسا صغيرة بس و مشاعرك متغيره في السن دة و الللي تحسي بيه الحين مش حب و عمر الحب الحقيقي ما بيجى بالشكل دة و لو عايزة تتأكدى من كلامى دى
ابعتى للي بتحبيه و قوليه تعالى اخطبنى علشان في عريس حتى لو بالكدب و هتلاقيه بيتهرب و طلعلك مليون عذر

مجنونة زماني
26/09/2006, 09:50 PM
الله يستر عليج ..
و الله يهديج

باجر بتكبرين و بتفهمين عدل ما يفيد الكلام ..

فأنها لا تعمى الابصار و لكن تعمى القلوب في الصدور ..

و لو شو قلت ما اظن بتفهمين عليه

شي واحد بس اللي بقوله غلط في غلط صح حلو بس غلط .. كل اللي تسوينه غلط

غداري
26/09/2006, 09:59 PM
اختي انقطعي عن الكلام مع اي واحد فيهم وفهميهم انج بتنتبهين لدراستج وهذا الصح وبعد ماتخلصين اللي يبيج يتقدم لج من اهلج والله يوفقج

dohaniah
26/09/2006, 10:03 PM
اختي اتقي الله في نفسج وفي اهلج الي اوثقوا فيج
اسمحيلي على صراحتي ولاتزعلين
هذا مو حب ولا شي هذا كله لعب وطيش المراهقه
انتي الحين حتى ماتجاوزتي المراهقه والمراهقه تحسسج انج فتاه عايشه في قصه حب عظيمه وانج تقدرين تسوين اي شي لمجرد الحب
على حسب كلامج ان ولد عمج سافر وانتي كنتي تحبينه ويوم ماعاد تشوفيينه نسيت كل معنى حب ودخل واحد لاتعرفينه ولا يعرفج ودردشتي معاه وشي طبيعي انج تحسين انج تحبينه لان عطاج من الكلام الحلو والمعسول وكلام الحب والغرام والهميان وحبيتيه وانا متأكده لو تركج ودخل واحد ثالث وكلمج راح تحبينه لان هاي مو حب هاي وهم في وهم
احنا يوم كنا مراهقات كنا نفسج انا لدرجه المراهقه اي واحد اشوفه في التلفزيون احبه بس سرعان مايزول الحب لان مراهقه في مراهقه
صدقيني لكبرتي وصار عندج عيال بتحسفين على الي التسوينه
واذا على قولتج ان انتي تحبينه واهو يحبج ليش ماتقولين يجي يتقدم لج ويخطبج ولا اهو مجرد حب في المسنجر بسسسسسسس
انا متأكده انه بيتهرب منج وبيشرد
اهلج يحبونج ويبون مصلحتج

دلوعة العين1
27/09/2006, 04:04 AM
مشكووورين حبايب قلبي والله
وخاصه على صراحتكم اللي كان خاطري اسمعها من زمااان
ربي لايحرمني منكم

سحابة وفا
27/09/2006, 11:15 PM
هلا مره ثانية دلوعة العين...
وأنا فعلاً أشكركج على تقبلج صراحتنا نحن خواتج بصدر رحب..
وأتمنى من قلبي إنج تعملين بنصايحنا...

وتحياتي العطرة...

نوووسهUAE
27/09/2006, 11:32 PM
علشان جيه انا اكره المنتديات المختلطه خاصة قسم الالعاب والترفيه

وخاصة يوم المنتديات تتبع لمدارس واغلب الاعضاء صغااار

وفي قسم الالعاب اشوف البنات والاولاد وايد ياخذون راحتهم في الردود

وووايد اسمع سوالف ظهرت من ورا هالمنتديات

بس الانسان عنده عقل يفرق بين الصح والخطا

الكاسكو
28/09/2006, 12:15 AM
انا مع الاخت مرموم بارك الله فيج عالرد 0