المساعد الشخصي الرقمي

مشاهدة النسخة كاملة : مشكلتي صعبة عاد حلوها لي



بسومة
09/02/2003, 10:03 PM
السلام عليكم


أول شي أقول لكم أنا وايد نفسيتي تعبانة من هذي المشكلة و إهية:
أنا أحس إن أمي ما تحبني بل تكرهني وايد أنا أحس بهذي الشعور من أول ما دخلت الصف الرابع لأن ألحض إن أمي اتحب أخوي و خواتي أكثر مني لأن خواتي أو إخوي لما إطلبون منها شي إتروح مثل الصاروخ علشان إتييبة لهم أما أنا لما أسألها ما تيبلي هذي الشي مثلا لما إخوي إقولها إنة يبي إفلوس تعطية ( 10 ) دينار أما أنا دينار وايد علي فأنا أحس إني يوم من الأيام راح أترك البيت و أنتحر لكن أنا أحب أبوي أكثر من حياتي كلها لأن إحبني وايد و أنا بعد و لما أكون غلطانة ينصحني و كلمني أما أمي فهي تضربني كأني إبهيمة ما عندي شعور لدرجة أن لما يضربوني أكون صلبة مثل الصخر ما عندي إحساس و ألحين أبوي سافر مكة و خلاني ما عندي جدار يحميني فألحين أمي إمنعت عني الفلوس لأن إخوي تسلف مني و خلصو فلوسي ولما طلبت منها قالت وين وديتي الفلوس طبعا كذبت عليها علشان أخوي ما يطيح في العقاب لأنة مبذر وايد فألحين أنا أطلب منه إفلوس يعطيني الإذن الصمخة و يمشي .



:confused: فشاسوي :confused:



:( ساعدوني :(



:confused: أرجوكم :confused:



:( إلقولي حل :(



إختكم المنجرحة :

الام الحنون
10/02/2003, 02:27 AM
بسومة غاليتي كما اقول دائماً الام فقبها يسع اكبر عدد ممكن من الاولاد ولاتفرق بين اولاادها من ناحية الحب ....... لكن هناك سوى تفاهم بينك وبينها وقليل من الصراحة مع قليل من اهتمامك بها وكثير من السمع والطاعة سيكون هناك تفاهم بينكم ...
الانتحار هو الذنب العظيم الذي سيكون بصمة سوداء على نفسك واهلك
والخسران الوحيد انتِ .....
فكيف تعيشين في العذاب الدنيوي والاخروي .....
حبيبتي الصلاة مفتاح الراحة النفسية ...... الدعاء في جوف الليل ، امك لم تنصحك وتضربك لشيء مهم وقصده التربيه فقط وليس هدفها العداوة او الحقد عليك ....
اما انها تعطي اخوانك اكثر يمكن تعرف عيالها منهم الي تكفيه العشرة ومنهم الى يكفيه الريال ... والبنت طبعاً تكون اكثر وقتها بالبيت ما تصرف مثل الولد ...
وانتِ تقولين انك خايفة على اخوك من العقاب عشان هو استلف منك وخلاص فلوسك ...معناتها انها تعاقب اخوك عند الخطاء ,,,,,,,,
صغيرتي الام هي الحب الحقيقي وهي الاحساس المرهف هي الدمعة التي تنهمر من أجل ابنأئها ... تخسر شبابها وعمرها وصحتها من أجلكم ...
وستعرفين ذلك عندما تتزوجين .....
حبيبتي تقربي اليها واجعلي طاعتها نصب عينيك اجعليها الحب الذي يسعدك وابحثي بجميع الطرق على اسعادها ...... واحرصي على الصلاة والدعاء .....

الجوهرة
10/02/2003, 02:37 AM
الغاليه بسومه/
أولا السلام عليكم ورحمة الله،
ثانيا مثل ماقالت اختنا الغالية الأم الحنون ، مافي ام تكره اعيالها،
ممكن تكون قاسيه عليهم،
يمكن انتِ الكبيره لذلك اهي تبيج اتكونين القدوة لأخواتج،
بسومه،،
باسألج سؤال0000 هل صارحتِ الوالده باللي في خاطرج؟
قولي لها بهدوء ومحبه ( يمه أنا أحبج وايد وعامليني كأني أختج وصديقتج وأنا بعد،
وفعلا قولي لها كل شئ،
أحيانا مانختار الوقت المناسب عزيزتي وهذي غلط،
بكره الوقفه اكثري من الدعاء،
وبعده العيد دايما كوني بشوشه ، يمكن فيه امور صغيره نغفل عنها واهي السبب في نفور الناس منا،
أتمنى لكِ كل الحب والدلال في ظل والديكِ

(l):)(g) (f) (k) (y)

بسومة
12/02/2003, 10:08 PM
السلام عليكم
أشكر الصديقتين ( الأم الحنون و الجوهرة ) على إهتمامكم في مشكلتي و طبعا باجرب نصايحكم و الله معاي.
________________

إختكم:

رسين
17/02/2003, 06:10 PM
لااخت بسومه ..مافيه ام تكره بنتها بس يمكن امك تعتبرك الكبيره وتزعل لم تغلطين:mad: :mad: بس تذكري الجنه تحت اقدام الامهات ولا تزعلين منها وقومي ببره وطاعتها;) ;)

بسومة
18/02/2003, 06:41 PM
السلام عليكم
بس أنا مب الإكبيرة أخوي أكبر مني بعدين أنا الثانية و خواتي 2 إيون بعدي فليش إتفرق بيني و بين أخوي و هو أكبر مني؟


:( إختكم الحزينة:

حوااااء
19/02/2003, 04:48 PM
السلام عليكم ورحمة الله وبركاته
مرحبا بسومه
قريت موضوعج وبصراحه كسرتي خاطري

تعرفين ليش

لنج مخليه للشيطان مكان عندج

تعوذي من الشيطان يا بنت الحلال

ترى هذي امج ومهما سوت تبقى امج وتبقى اتحبج

وصدقيني اكيد هي عندها شي او انها سمعت سوالف بنات وخافت عليج
وما عرفت كيف تتصرف بانها تحميج

يا بنت الحلال شوفي مصايب الناس تهون عليج مصيبتج مع انها هب مصيبه


شوفي ادعي رب العالمين
وحاولي انج تتقربين من امج
وصدقيني راح ترتاحين وخلي ايمانج بالله قوي

دعواتي لج بالتوفيق وان شاءالله
علاقتج مع امج اتكون علاقه صداقه
قولي امين

اختج في الله
حوااااء

عروسه بس صغيره
22/02/2003, 08:00 AM
ياحياتي
المشكله هذه كنت عايشتها انا اقولك بصراحه مافي ام تكره
ممكن تقسى لخوفها عليك
والوااااضح انك في سن المررراهقه
وهذا السن شعور طبيعي فيه انه يحس الواااحد انه مكروووه ومحد يحبه
بس صدقيني
امك ثم امك ثم امك
مهما سوت ومهما فعلت
والله يصبركي
وحاولي تشغلين وقتك وما تردين عليها بصوت عالي وكليميها بأدب وأحترام
وحسسيها انك كبيره وعاقله
ويعتمد عليك
أختك..............
وأتمنى ان كلامي خفيف عليك....

حسناء الخليج
25/02/2003, 06:54 AM
:) السلام عليكم ورحمة الله وبركاته:


اختي بسومه مثل ماقالولك اخواتي جزاهم الله الف خير مافيه ام تكره بنتها مهما كان ....

اولا اشكري الله ان عندك ام لان فيه غيرك يتمنى ينطق كلمة ماما وانتي ربي يطول بعمرها يكفي انها موجوده بجانبك وصدقيني اول ماتصير عندك مشكله هي راح توقف بجنبك ولا راح تخليك بالعكس هي تحبك واجد والايام راح تثبت هالشي واول مايصير موقف مفرح لك اول وحده راح تبكي من الفرح هي الام
فاقولك بريها ولا تزعلينها قبل مايجي اليوم تندمين فيه وربي يحفظها لك ويخليها يارب




وارجوا ان اكون قد افدتك...:cool:

روح الأمل
26/02/2003, 01:28 PM
الغالية بسومة..

والله أنا كنت نفسج ويمكن أخس,, كنت وايد اتحسس من الوالدة الله يرحمها.. وكنت أموت في أبوي واعتبره المنقذ لي.. كنت يوم المعلمه تقول مافي أم تكره بنتها أقول في قلبي ((إلا أنا)).. بس بعد ما توفت عرفت ان كلامي كان كله غلط :(

الله يرحمها..

ترا ماحد في هالدنيا بيكون أحن عليج من أمج.. صدقيني ان قست عليج هذا كله لأنها تحبج وتبيج تكونين احسن بنت..

صدقيني بتحسين فيها يوم تصيرين أم.. أنا بعدني مخطوبه بس من اختي وبناتها عرفت ليش كانت الوالده الله يرحمها تعصب علي.. مرات اشوف اختي تعصب على بناتها بعدين تقعد مضايجه ومتكدره لأنها قست عليهم بس ما تبينلهم هالشي..

حاولي تبينين لأمج انج تحبينها.. دلكي ريولها يوم تكون تعبانه.. اذا كانت تشتغل في المطبخ قوليلها يمه ارتاحي انا بقوم عنج.. اذا تعدلت قوليلها انها محلوه :) صدقيني كل الناس تأثر فيهم الكلمه الحلوه ولو ما بينوا.. في العيد أو من فتره لفترة اهديها باقة ورد او هديه أو بطاقة تهنئه في المناسبات.. وانتي الأدرى أمج شو تحب (عطور/ أقمشه/ خاتم ذهب/ ورد/ أدوات تأثيث بسيطه .. إلخ) شي يعجبها وعلى قد ميزانيتج..

ممكن تقعدين وياها وتقولين لها ان ربيعتج تعبانه ودايماً تصيح وتقول ان امها ما تحبها.. وقوليلها شو انصحها؟ وهي وبطريقه غير مباشره بتبررلج معاملتها لج.. ويمكن تنتبه ان هالنقطه ممكن تكون مضايقتج..

اختي بسومه.. امج قبل ما تتزوج كانت مثلج بنت صغيره.. وتزوجت وخلفت.. وفرحت فيكم يوم انولدتوا.. وأكيد بتزعل عليج يوم تتزوجين وتخلينها.. فخليها تذكرج بالخير.. واغتنمي وجودها وياج.. وعامليها مثل ما تحبين بناتج يعاملونج..

الله يخليكم لبعض.. ويحببج لقلبها وبحببها لقلبج.. اللهم آمين

سحايب خير
26/02/2003, 02:02 PM
:Dبسومة أعيوني ,,,,,

تبين النصيحة الليزر :Dد


أسمعي أسبي رضا أمج وحاولي أنك تكسبين رضاااااها أشتري لها


هدية حلوه وكل يوم صبحي في وجها وسلامي عليهااااااا :D



وحاولي تنفذين اللي تقوله بأي طريقه ,,,,,,,

وشوفي النتيجة