المساعد الشخصي الرقمي

مشاهدة النسخة كاملة : ودي احمل :(



غبيشه
20/09/2006, 08:47 AM
:sad: السلا عليكم ورحة الله وبركاته
انا توني داخله ال 19 ومتزوجه من 3 اشهر .. ادري بتقولون بعدج صغيره ومستعيله على شو ..
بس انا زوجي من النوع اللي يموووت في شي اسمه يهاااال .. بدون ما يقولي انا اشوف فيه هالشي .. يوم يشوف عيال خواته ايوون بيتنا يستااانس ويستانس على حشرتهم .. يعني حنون لابعد الحدود .. هو ولا مره بين لي انه زعلان او حزين لاني ما حملت بس انا اشوف الحزن وخيبة الامل في عيونه خصوصا الشهر اللي طاف يوم سرنا نحلل اذا في حمل ولا لا .. لاني كنت احس بآلام فالبطن وساعات دوره بس ماكانت اعراض حمل للاسف وصابت زوجي مثل خيبة الامل ..
ومره قالي يااالله يارب تحملين هالشهر قلتله انشالله يارب في اشوفك وايد مستعيل جان يقولي والله خاطري في بيبي وتعرفين الريال ما ايوده الا البيبي .. ماعرف ليش هذي الكلمه خوفتني خصوصا انه مره ذكرني بسالفه قالي اياها في شهر العسل .. في واحد يعرفه كان متزوج من تقريبا 20 سنه ويحب زوجته وزوجته نفس الشي تحبه بس ما يابوا عيال .. مع انهم راحوا للدكتور وجيكوا على كل شي بس ماكان فيهم شي .. اتفقوا على انهم ينفصلون بهدوء قالو يمكن مالله كاتب لنا انه نيب عيال انا وانت .. واكل واحد راح في دربه هي تزوجت ويابت ولد وهو نفس الشي تزوج وياب ولد .. سالت زوجي قلتله انزين هو يحبها كيف انفصل عنها يعني خلاص مات الحب ؟ قالي لا مامات بس دام الواحد شاف انه مافي نصيب العيال بينهم خلاص ماله داعي لهالحياه كل واحد يشوف دربه .. تميت ساكته ودعيت في قلبي اني احمل باسرع ما يكون .. تخيلو افكر فالحمل وانا بعدني في شهر العسل مامر على زواجنا 15 يوم .. المهم اني ذكرت هالسالفه وانا الحين خايفه معن زوجي الحمدالله يعاملني باحسن معامله وبكل حب واحترام وحنان ومب مقصر عليه بشي .. بس الحرمه يوم تعرف ان ريلها يحب شي تبا تحققله هالحلم باسرع ما يكون عشان تسعده وتخليه يحبها اكثر واكثر ..
خبروني يا بنات شو هي الوسائل اللي تساعد على حدوث الحمل ؟؟ سوري يمكن يكون السؤال شوي محرج بس اباكم تفيدوني .. ادر ي ان هذا بيد الله بس بعد الواحد لازم يسوي شي عالاقل يريح ضميره ..

انا احاول اني اداوم على حبة الفولك اسيد قالولي وايد زينه وتهيأ الرحم للحمل .. خبرووني في بعد في اشياء ثانيه ممكن اسويها غير الحبوب ؟؟ اي تمرين ممكن اسويه بعد الاتصال الجنسي يساعد الرحم على التخصيب .. ساعدوني يا بنااات بليييز الله يرزق كل متزوجه بالذريه الصالحه ..


ادعووولي دخيييلكم والله محتاااجه لدعاويكم .. اللي ما عندها خبره في هالسوالف عالاقل تكتبلي دعوه ان الله يرزقني هالذريه ..

ويزاكم الله خير ..

ام محمد&
20/09/2006, 09:14 AM
هلا الغالية لا تفكرين وان شاء الله الله بيرزقج بالعيال الصالحين بعدج انتي اصغيرة لا تستعيلين علي العيال عيشي حياتج ويا ريلج لانة هاي الايام ما تعود يوم ايون اليهال واستعمالي عسل طبيعي علي ريج والله يوفقج ان شاء الله وفية وحدة خبرتني بعد ما تخلص الجماع اسندي اريولج علي الجدار ولا تتغسيلين علي طول وان شاء الله بصير حمل

قمري*_* السعيد
20/09/2006, 09:22 AM
هلا أختي

أسأل الله العلي القدير السميع المجيب أن العيد السنة يكون عندك عيدين

وتحملين ويريح بالك ويرزقك الذرية الصالحة

صراحة أنا مش مخطوبة ولا متزوجة لكن بقولك على أشياء لا تقطعينها أبدا

داومي ع الاستفغار ... داومي ع الاستغفار ... داومي ع الاستغفار ...

" قلت استغفروا ربكم إنه كان غفارا ، يرسل السماء عليكم مدرارا ،

ويمددكم بأموال وبنين ويجعل لكم جنات ويجعل لكم أنهارا "

لا تستهينين فيه في كل لحظة وكل وقت فاضية مشغولة لسانك ما يسكت عن الاستغفار

رددي الدعاء وكرريه وألحي بالدعاء على الله لأنه يحب العبد اللحوح

تصدقي بنية شفائك إذا كنت تعانين من شي " داووا مرضاكم بالصدقة "

ورددي آية " رب لا تذرني فردا وأنت خير الوارثين "

" رب هب لي من لدنك ذرية طيبة إنك سميع الدعاء "

وبعد سمعت أن الحالة النفسية لها دور كبير جدا إذا بتمين تفكرين وتراقبين الوضع رح تتعبين

وما في حمل بنفسية تعبانة ودوم تفكر سمعت هذا الكلام من دكتورة قالته لوحدة قريبتي


وأخيرا لا تنسينا من صالح دعائك

نور عيوني
20/09/2006, 09:27 AM
الله يرزقك حبيبتي بالذريه الصالحه والولد الي تفرحين فيه ويسعد قلب زوجك

وحدة غير
20/09/2006, 09:28 AM
حبيبتي توج ثلاثة اشهر وتقولين خيبة امل ... حرام الهم اللي انتي معيشة نفسج فيه ... ناس سنوات وماحملوا لان ربج مو كاتب لهم ...
انا عندي صديقة سنة ونص وماحملت هي سليمة وزوجها سلمين راجعو ا كذا دكتورة وأكدت هالكلام ... في النهاية طلع فيها التهاب ... تعالجت منه وبعد شهر حملت ... روحي لاخصائية نساء وولادة ... اذا هالموضوع شاغلج وايد ... وانشاء الله هي تطمنج ...

الله بيرزقج حبيبتي بالذرية الصالحة ...

bent el ba7rain
20/09/2006, 10:07 AM
انا مع البنات حبيبتي توه الناس عليج بس لاتخلين الموضوع في بالج وايدوتحاتين ترى النفسية لها دور.

**ام عبادي القمر**
20/09/2006, 10:07 AM
حبيبيتي مستعيلة على شنو توج 3 شهور انا ماحملت الا بعد سنة وعشرة شهور تو الناس وحالتج ماتستدعي الى دكتورة لان بتقول لج مانسوي تحاليل الا اذ الوحدة كملت سنة وماحملت اهني الواحد يحاتي تعوذي من ابليس والصراحة لا تزعلين مني المفروض زوجك مايقول لك سالفة صديقة واحس انة قاصد ان يقولها لج وان الريال مايودة لا اليهال شنو هالحجي .
كل شي بيد رب العالمين سبحانة توكلي على الله .

روح البحرين
20/09/2006, 10:12 AM
هلا اختي غيبشه

الله يرزقج بالذريه الصالحه ويفرح قلبج وقلب ريلج

والله لا يغيره عليج

اكثري من الدعاء اختي وتذكري مايصير شي الا بوقته لانه مكتوب

اختج

روح البحرين

زوجة راشد
20/09/2006, 10:24 AM
الله يرزقج ويفرح قلبج وقلب ريلج

ومثل ما قالت اختى قمري الحزين داومي عالاستغفار ....... وبعدين لا تيلسين اتحاتين واتوسوسين ترا والله النفسيه تلعب دور في الحمل او عدمه .... تاكدي متى ما اراد ربج الشي يستوى فلحظه


وانشالله ما يمر هالشهر الا انتى حامل

مرموم
20/09/2006, 10:28 AM
السلام عليكم ورحمة الله وبركاته

أختي نقلت موضوعك بركن المتأخرات في الحمل...

الله يرزقك من فضله العظيم يا رب...

ريحانة القدس
20/09/2006, 11:58 AM
ربنا يرزقك الذريه الصالحه عاجلا غير اجلا يا رب ..
بس طولي بالك وتوكلي على الله وان شالله خير.....

دموووع تبتسم
27/09/2006, 02:43 AM
اللــــــــــــه يرزقــــــــــــــك بالذريــــــــــــــــه الصالحـــــــــــــــــه

اللهـــــــــــــــــم آميــــــــــــــــن

محبه لله الواحد 444
27/09/2006, 11:26 PM
حبيبتى انتى صغيورة خالص ثقى بالله حبيبتى
ربنا يرزقك اللهم امين
وشاهدى موضوعى
http://www.3roos.com/forums/showthread.php?p=2713061#post2713061

منبع الروح
01/10/2006, 03:54 PM
اذا انتي 3 شهور عيل انا شهرين

وخاطرنا في ياهل

الله يرزقج ويرزقني ويرزق الكل ان شاءالله الذريه الصالحه

RoOoOmy
02/10/2006, 09:16 AM
اختي 3 شهور وشاغل بالك الحمل .. انتي لسة في شهر العسل ومو شرط ان كلام زوجك يقصد فيه شي من اللي في بالك
لا تخافي والله لايغير عليكم .. الحالة النفسية وكثر التفكير له دور
عيشي حياتك وان شاء الله تحملي قريب
ناس صار لها 10 سنين واكثر وصابرة فمابالك بشهور قليلة
الله يرزقك ويرزق كل بنات المنتدى

Aryam
02/10/2006, 09:25 AM
حرام عليج شاله الهم وأنتي متزوجة من 3 شهور بس....!!!! صدقيني كلما فكرتي وتعبتي نفسيتج ما بيصير الحمل.....ونصيحة نصيحة توا الناس على الدكاترة، حرام تلعبين في عمرج ويمكن يكون مافيج شي والعلاج اللي ماله داعي هو اللي يجيب لج المشاكل.......

بعدين منو قال أن العيال هم اللي يمسكون الريل؟؟؟!! اسمحي لي بس تفكير قديم جدا، ياما رياييل عندهم درزن عيال بس ما يخصه فيهم ولا في أمهم....

مايمدحني لقب
02/10/2006, 09:54 AM
اللــــــــــــه يرزقــــــــــــــك بالذريــــــــــــــــه الصالحـــــــــــــــــه

اللهـــــــــــــــــم آميــــــــــــــــن
-انا لي صديقه تزوجه وهي بعمرك تماما تاخرت عن الحمل-------يعني نفس قصتك---------
وخافت صديقتي
لان زوجها كان متزوج قبلها لكن بسبب امه طلاقها
-وصار بينها وبين امه مشاكل كبيره
ولما قالت لامها بصراحه راحت عند امراه تعالج بالاعشاب لكن لاجدوى
ولما صار لها سنتين حملت ورزقها الله ببنت مثل القمر والان هي حامل
----لاتستعجلي على رزقك
اذ استعجلتي يكتب الله زواله
------------اما انا فحملت من اول زواج لكن اجهضت على الشهر الثالث
وبعد ثلاثة اشهر حملت وسقطت على اربعة اشهر
ولاني انا و زوجي مستعجلين على الحمل بسبب المشاكل التي محاوطتنا
وايضا حبه للاولاد
شوفي ماكتب الله
-------ماكل حمله ثابته
--وانتي بعد صغيره والله لاحقه على عوار الراس
افرحي بشبابك الحين واستمتعي وخلي كل يوم بحياتك وحيات زوجك وناسه
ولا تبنوها على المستقبل المجهول
انتم عيال اليوم
--------عندي احساس بانك سوف تحملين 100ب100
ودمتي سالمه

عبير 2006
02/10/2006, 09:12 PM
مسالخير حبيبتي

قلت استغفروا ربكم إنه كان غفارا ، يرسل السماء عليكم مدرارا ،

ويمددكم بأموال وبنين ويجعل لكم جنات ويجعل لكم أنهارا "


فعلا الاستغفار بالدرجه الاولى

بعد عندي نصيحه بعد الاتصال لاتقومين بسرعه خليكي نايمه على الاقل نص ساعه

والله يرزقك بالذريه يارب

الاسطورية
02/10/2006, 09:28 PM
توج 3 شهور شوي شوي نطري على جسمج شوي وبعدين في اوضاع لجماع الحمل يفضل تتخذينها باختصار تنامين على ظهرج وقت الجماع وبعد الانتهاء ظلي رافعه ريلج فتره ولا تقومين يعني 5 دقايق جذي

وان شاءاله تحملين

ورده n
06/01/2009, 01:42 AM
اختي العزيزه غبيشه بقولك نصيحه من قلب يتمنالك الخير عيشي حياتك ووسعي صدرك والله توك في شهر العسل ترا هالايام هاذي ماترجع انسي ولاتفكرين في الحمال الحين بكره مع الايام تلقين نفسك حامل بدون اي شي اغتنمي هاالايام وسافري انتي وزوجك وغيري جو وعيشي كل لحضه مع زوجك وانتي مبسوطه تر ا بتندمين بعدين انك ضيعتي هالفرصه مثل ماندمت من كثر ما ضيعت هاالايام بالتفكير والنفسيه التعبانه نصيحه من اخت تمتعي وفليها واطلعي وتمشي انتي وزوجك مثل ماقتلك انا نفس عمرك تقريبا تزوجت 18سنه وضليت اخذ مانع الا ان كملت ثمانيه شهور وبعدين ثلاث شهور حملت ومات النونو في بطني والحمد لله على كل حال والحين لي سته شهور وما صار حمل والله يرزقني ويعوض على عيشي حياتك في السنه الاولى من حياتك وتوكلي على الله واتمنالك التوفيق والحمل العاجل لكي ولي وجميع الاخوات ااااااااااااامين يارب العالمين ادعولي يا اخوات ولكم بالمثل .

neeevooo
06/01/2009, 02:00 PM
يا حبيبتى ريحى بالك شوى لان النفسيه تلعب دور كبير
واتجهى الى الله عز وجلو وان شاء الله ماراح يخيب املك فيه ابدا احسنى ظنط فى ربك
وادعيه والحى فى الدعاء ان الله يحب العبد الحوح واستغفرى كتيرررررررررررر فاليوم على الاقل الف مرة
وبعد الجماعه خليكى نايمه على ظهرك وارفعى المفعدة على مخده وخليكى نايمه ساعه على ظهرك اوى اكتر
وربى يرزقك ويرزقنى ويرزق كل البنات

دلوووعته
06/01/2009, 02:33 PM
الله يرزقك الذريه الصالحه يارب

تفضلي هذا الموقع بيفيدك في تحديد ايام التبويض عند

مُخَطِط الحمل (http://go.3roos.com/sLScDCdMZM6)