المساعد الشخصي الرقمي

مشاهدة النسخة كاملة : هالمبلغ هو حيلتي في هالدنيا شسوي فيه !!!!!!!!!



بسمة ملاك
15/09/2006, 08:56 AM
الســلام عليكم ورحة الله وبركاته

اخواتي عندي ماشالله مبلغ وقدره مائة ألف درهم وحابه استثمرهــا محتاره شو اسوي فيهــــــــا وخايفه لو تمت وياي اصرفهاااااااا

ابستفيد الله يفيد كل وحده تدلني \\\\\ لان هالمبلغ هو حيلتي في هالدنياااااا

نوووووف الغالية
15/09/2006, 11:29 AM
حبيبتي سويلج محل أو تجارة في شيء تحبيه وممكن تبدعي فيه

**يتيمة زايد**
15/09/2006, 11:41 AM
اشتري لج عماره وأجريها... وممكن تتبرعين بجزىء

حتى لو كان بسيط عشان الله يوفقج......

بالتوفيق ان شاء الله ........

3afary
15/09/2006, 03:03 PM
اشتري لج عماره وأجريها... وممكن تتبرعين بجزىء

حتى لو كان بسيط عشان الله يوفقج......

بالتوفيق ان شاء الله ........

عماره 100 الف من صدقج ؟؟؟ :gum:
اذا استديو ب نص مليون

دمعة قلب
15/09/2006, 05:24 PM
اممممممممممممم افتحي مطعم (المطعم ماله مو سم معين لربح يعني مو شرات الصوالين او الخياييط )وديريه بنفسج وخليه مميز بنظافته واكله (طبعن ادارة من حرمه يعني المطعم ينجح اميه بالميه)

وردة فل وياسمين
15/09/2006, 07:01 PM
اشتريلج مازدا 3 طن ب 40 الف وخلي احد يدورلج على دريول تقريبا" يدخل2500 او 3000 في الشهر..................... والله يوفقج

3afary
15/09/2006, 08:27 PM
انا مع الاخت ورده فل وياسمين

بسمة ملاك
15/09/2006, 10:50 PM
نوف فكرت في فتح محل بس خايفه اني اخسر

يتيمة زايد أتمنى اشتري عماره اهي فيها الربح المضمون بس المشكله 100,000 ماظن تكفي

هلا اختي عفاري

دمعة بس المطاعم كم تدخل واحس ان المشاريع يبالها راس مال اكبر من 100,000


وردة فل مسموح لي بهالشي ؟؟

بنات الله يوفقكم ويرزقكم كل خيررررررر

بسمة ملاك
16/09/2006, 07:39 AM
وين باقي البنــات ؟ والله يسعــد وينولها كل اللي تتمنــاه اللي ردت علي واللي بتــرد

حنين الشوووق
16/09/2006, 07:53 AM
أنا ياقلبي عندي لك فكره

انك تشتري سياره صغيره حتى لو مستعمله وتشغلي عليها سواق وتخليه يوصل طلبات للمنازل


اي طلبات سواء من مطعم أو محل أو من مكتبه أو أنبوبة غاز وذا كله بعد ماتطبعي كروت

وتحطي فيها رقم السائق وتكتبي في الكرت مثلا (( نوصلك كل ماتحتاجه من أغراض الى بيتك وانت

مرتاح البال))

وبمرور الأيام بإذن الله راح يكثر دخلك وتأخذي سياره ثانيه وثالثه ورابعه وتفتحي أكثر من

مشروع

وهذا ياقلبي اللي اقدر افيدك فيه هو حلو وكمان ساروا الناس مايحبوا المشاوير ودوخة الراس وفيه

راحه لهم إن الاغراض اللي يبونها توصله الى حدهم بدون تعب

يعني يوصلهم سائق التوصيل طلبهم الى حدهم ويعطونه أجرة التوصيل ويمشي وهم مرتاحين

أخر راحه


وبس ياقلبي ذي فكرتي وحبيت افيدك فيها وربي يغدق عليك وعلينا نعمه ومعاها الصحه والعافيه

رنين2009
16/09/2006, 08:26 AM
ممكن اختي تشتري اسهم وممكن تفتحي محل كوفي شوب او محل نت اوتشتري وتتاجري زي التاجرات اللي في المنتدى تشتري بمبلغ بسيط وتتاجري فيه وانتي بيتك وهيك بتعبي وقتك وتبيعي بالسعر اللي تبيه وتشغلي وقتك

رنين2009
16/09/2006, 08:28 AM
:sad: :sad:

ممكن اختي تشتري اسهم وممكن تفتحي محل كوفي شوب او محل نت اوتشتري وتتاجري زي التاجرات اللي في المنتدى تشتري بمبلغ بسيط وتتاجري فيه وانتي بيتك وهيك بتعبي وقتك وتبيعي بالسعر اللي تبيه وتشغلي وقتك او ممكن تشتري بيت صغير وتاجريه :clap: :clap:

أم القوقو
16/09/2006, 08:29 AM
الصراحه ما اعرف بس حبيت ادعي لك الله يوفقك

لا تنسين تستخيرين اذا نويتي على اي شي

al7looa
16/09/2006, 10:59 AM
الله يوفقج انشالله

ROSE3ROOS
16/09/2006, 11:10 AM
والله يختي ما اعرف شنو الي داير عندكم من مشاريع بس المعروف ان في شغلات مثل الاكل ماتتغير يعني مثلا الخياطة مو كل الناس يخيطون لا والي يخيطون بس للعروس او المناسبات

وعلشان جذي انا اقولج خليج مع الموسم يعني على وجه المدارس تاجري بالمستلزمات الدراسيه على وجه العيد بالبخور والعبي والملافع
وكذااالك

واعذرينين يمكن ما فدتج
بس نصيحه اذا الله هداج لمشروع والله يوفقج فيه نصيحه لا تحطين كل الي حيلتج فيه .
والله يوفقج يارب

**يتيمة زايد**
16/09/2006, 05:51 PM
عماره 100 الف من صدقج ؟؟؟ :gum:
اذا استديو ب نص مليون


أنا أقصد يا أختي الكريمه عماره على قد الحال
علة الاقل فيها كم شقه تستفيدين من وراها

feedback
16/09/2006, 06:18 PM
انا بخبرج اختي في مشروع ناجح مليون بالميه وانا شفت وسألت والكل يمدحه ومضمونه اكيد هو انج تشترين سياره صغيره على قد الحال او باص صغير وتأجرينه على البنات اللي ساكنيين في الضواحي يوديهم اشغالهم او الجامعه وحتى الكليه الكل يدور ويبا هالشي وفي الشهر مضمون 3000 درهم اذا كان الباص واذا سياره يكون عالشخص 500 درهم واسألي بنفسج واذا تبين اي مساعده اطلبيني عالخاص وان شاء الله افيدج والله يكتبلج الخير


انا شخصيا اذا عندي هالمبلغ من دون تردد ابسوي هالمشروع

أم ذياب المهيري
16/09/2006, 06:39 PM
فكرة حنين الشوق وايد حلوة ترا .. انا من زمان فكرت فيها واقول ياليت لو في شركة اتييب سواق يوصل اغراض البيت وقت مانبا ..لاني مااقدر اطلع وماعندي حد ممكن اييبلي شي اذا ريلي راقد او مش موجود

بسمة ملاك
17/09/2006, 08:40 AM
حنين الشوق ورنين 2009 وام القوقو والحلوه وروسي 2006 الله يسعدكم وينولكم كل اللي تتمنونه في هالدنيا ويبعد عنكم كل شر باذن الله

بسمة ملاك
17/09/2006, 08:43 AM
يتيمة زايد اذا شي عمارة بهالسعر ماراح اتردد وبشتريها وان شالله القى

اختي feedback

بطرشلج رساله على الخاص

ام ذياب المهيري ويتيمة زايد والاخت feedback الله يوفقكم ويرزقكم كل خير من اوسع ابوابه

سحايب دبي
17/09/2006, 09:01 AM
بسمة ملاك

ممكن تشوفين لج وحده من الاهل مثلا تشاركح و تفتحون فيه صالون صغير

الصوالين هاليومين ماشي شغلهم عدل

و لا تسوين لج تجاره معينه
يعني تشترين شي مش موجود في الاسواق و تبيعينه على البنات و شوي شوي بتربحين شي بسيط بس بعد فتره بتلاحظين انه هالمبلغ بدى يكبر و يكبر شوي شوي

في فكره انا شفت وايدين مسوينها و ما شاء الله يربحون منها وايد

شفتي هالبنايات اليديده اللي تنبني الحين
يسيرون و يحجزون المحلات اللي فيها

و عقب ما تجهز البنايه

يدغعون عربونها و يحجزونها و يحطون ارقامهم عليها للاجار
و يوم ايي حد يبا ياجر يرفعون عليه سعر اجار المحل مثلا اذا ماخذينه باربعين يقولون له لو تباه ادفع خمسين و لا خمس و خمسين خلو عشان تاخذه

و وايديدن يكونون محتايين و يدفعون

بس انا اشوف الرياييل لهم مجالات اكثر في التجاره

جربي تستشيرين حد من اخوانج يمكن يقدرون يفيدونج


كل التوفيق

بسمة ملاك
17/09/2006, 01:45 PM
سحايب دبي فديتج كلامج سليم 100% ةفعلا ماشي احسن من الرياييل في الاستشارات التجاريه بس صدقيني سئلت ومالقيت حل وللحين محتاره وهالمبلغ هو حيلتي في هالدنيااااااا \\\\\\ فكرة العمارة وارده وبحطها في بالي

الله يسعدج ويوفقج وين ماتروحين ياااااااااارب

فديتكم يابنات بلادي ماتقصرووووووووووووووون ابد

LuLu1
21/09/2006, 11:48 PM
بالتوفيق ان شاء الله
وايا كان المشروع استخيري رب العالمين
والله يوفقك في الدارين

بسمة ملاك
23/09/2006, 07:07 PM
تسلمين لولو ويوفقج

$$رمش العين$$
04/10/2006, 06:53 AM
السلام عليكم ورحمة الله وبركاته
عزيزتي لو كنت انا مكانج جان مزهبه الشنطه ومسااااااااافره
على بانكوووك لان فعلاا اعرف حريم ما شاء الله عليهن وبالتوفيق من الله
يشترووون بضايع تقليد ماركات من الدرجه الاولى يعني ممتاز وياخذون كميه تكون مقبوله من الكل
من شنط وما اسكارفات وسعات وااايد اشياء تكون رووووووعه وتكون موظه يديده ويبعونها ف البلاد بسعر رهييييييب
فكررررررررري ونفس الوقت تكون لج اجازه هناك وتقريبا ما يبالها للسفره لبانكوك غير 15 الف منها للتذكره ومنها للاغراض ...........
وبالتوفيييق الغاليه

روح الغرام
04/10/2006, 07:29 PM
الله يوفقج اختي ويسر لج امرج
اذا بغيتي راي تراني مع راي اختي feedback
مشروعها ممتاز

ملكني غلاك
06/10/2006, 02:43 AM
الله يوفقك
ويرزقك بالحلال

عطور فواحه
07/10/2006, 11:57 PM
عزيزتي دامك عايشه بالامارات ليش تحتاري ...؟
تقدرين تبدين في مشروع صغير وبعدين تتوسعين فيه بعد ما تتعودين ع التجارة
روحي السوق الصيني في دبي .. اختاريلج بضاعة تناسبج مثلا شغلات الديكور الداخلي
أو مفارش الاسرة ( كفرات ) وافتحيلج محل في موقع حلو ..وبعدين ضيفي شغلات أرقى.
تراه والباقي على الله سبحانه مصرف الأرزاق
(f) (f) (f) (f) (f) (f) (f) (f)

أم سـطام
10/10/2006, 06:16 AM
شوفي يالغاليه انا ما بقولك مشروع

لكن اذا جزمتي على مشروع معين لالا لا لا لا لا لا لالا تحطين كل قروشك فيه

انتبهييييييييييي حطي في بالك احتمال الخساره الله لا يجيبها

بس هذي نصيحتي ....

و هذا مو كلامي لحالي كلام واحد من التجار الكبار عندنا يقول لا تحط قروشك كلها في مكان واحد


و ادعي لي

اللافندر
14/10/2006, 09:57 AM
فكرة السايق والسيارة حلوة ..........

ولا تتوقعين يرجع راس مالج في نفس السنة ...

الله يوفقج ومثل ما قالت الاخت / لاااااااااااااااااااااااا اا تحطين راس مالج كله نصيحة من ذهب.

hamida
17/10/2006, 04:17 AM
الله يوفقك
ويرزقك بالحلال

دهن_الــــورد
17/10/2006, 05:59 AM
اريي...افتحي صالون...يروح البيوت...يعني تستاجرين شقه صغيره وتيبين لج عماله ..مب شرط تبتدين بوايد..ابتدي ب مانيكير وباديكير وحلاوه وسشوار...وهالسوالف البسيطه...وفي سايق يوصلهم اي مكان في المنطقه الي انتي فيها...ان شاء الله بتربحين لان الناس قامت تخاف تروح صالونات من السوالف الي تصير...وخاصه اياه الاعياد...الزحمه بتلقين شغل...وفيه ناس ما يقدرون يظهرون من بيوتهم....هااي فكرتي .واذا تبين الكوتيشن ممكن اخبرج كيف......والباجي حطيه في الصكوك الوطنية...يمكن تربحين وفي اي وقت ممكن تاخذين فلوسج...وموفقه...

بنت الدوحة2000
29/10/2006, 09:33 PM
أختي الغالية أول نصيحة بقولها لج لا تركزين على (كم المبلغ اللي عندج عشان تشوفين المشروع اللي يناسب فلوسج)!!!!!

ركزي على انتي شتبين وشنهو طموحج

هاي من نصايح الوليد بن طلال..

وترى 80%من المشروعات الفاشلة بسبب هالشي..........

يعني بداية شنو ميولج شنو الشي اللي يجذبج ؟؟الشي اللي تحسين بحماسة لما تسمعين حد يشتغل فيه؟؟؟

يعني هل هو العقار؟؟

التجارة؟؟

موهبة وممكن تطورينها؟؟؟

أكثر حد بيساعدج هو نفسج...

جاوبي على هالأسئلة واي سؤال حاضرين وما يكون فالج الا طيب

سحرالورد
30/10/2006, 12:12 AM
[ALIGN=center]أختي أنا أنصحج بما أنج عايشه بالامارات تفتحيلج محل حلويات وقتوهات لان هالنوع من المحلات للحين موموجود بكثره عندكم ومطلوب وايد وتيبيلج اي أندونسيات كانوا يشتغلون بمحلات مشابه بالكويت وصدقني وايد بتربحين.:ok: :ok:

بنت الغلا_1986
30/10/2006, 05:41 AM
http://www.3roos.com/forums/showthread.php?t=207519

اقري هالرابط والله يوفقج انشالله المهم تشوفين انتي بشو ممكن تبدعين عشان تخلين هال100 الف 100 مليون وما فيه شي بعيد عن ربج

فجر الخيول
30/10/2006, 09:08 AM
حبيبتي فكره السواق والسياره ممتازه وحلوه
بس انتبهي اول شيء ماتخلينها سايبه يعني مو تقولين روح اشتغل وعطني فلوس نصهم بتروح عليك وانت ياغافل لك الله
انه تربطينها بطالبات مدرسه اوكليه يدعفون لك نهايه كل شهر راتب معين افضل لك
والاهم والاحلى انه لو في حال خسرتي لاقدر الله ماتخسرين راس مالك كله لانه السواق تنقلين كفالته والسياره تبيعينها والحمدلله

عذبةالروح
31/10/2006, 01:33 PM
ما بقولج سوي مطعم ولا كافتيريا

بس خفايف الاكل الشعبي بكشك باي مول

شفتي ايام المعارض..نشوف كشكات لقيمات وخبز الرقاق بجبن او اي شي غيره

شغله خفيفه ومش متكررة نهائيا بمولاتنا

والاقبال على هالسوالف مضمون باذن الله

الكشك ما اتوقع ايجاره هاك الزود بس اختاري له موقع حلو وطباخ نظيف والاغراض
توفيرها سهل...وعقب ممكن اطورينه وتزيدين الاصناف

هذي فكرتي وان شاءالله تتوفقين

Ba6ranah
04/06/2007, 07:53 PM
انا كانت عندي 100,000

ودخلت في الأسهم والحمدلله

الله وفقني واستون 350,000

واتمنالج التوفيق

lura
07/06/2007, 06:51 PM
نصايح البنات حلوة
اولها السيارة مع السايق

وبعدها توصيل الطلبات واحس هاذي بنتفع معاج في المنتديات بدل شركات التوصيل

وثالث شي البناية تقدرين تشترينها عن طريق البنوك الاسلامية
تدفعين 25 % من سعر البناية يعني اذا عندج 100 خي عمارة في حدود 400 او 500

والباقي يندفع عن طريق الايجارات

وانا اقول مثل يعض الاخوان اللي قالوا
لا تدفعين كل فلوسج في مشروع واحد

وفي نصيحة مني
عندج الصكوك الوطنية منها تنزل ارباح كل سنة وغير الجوائز اللي تنزلها كل شهر

وانتي حرة في اختيارج

نور ناصر
08/06/2007, 10:44 PM
ماشاء الله البنات ماقصرو معك كل فكره احلى من الثانيه والله يرزقك

سمنة غنم
23/10/2007, 03:47 PM
يمنع عرض تشغيل الاموال بين العضوات باي شكل من الاشكال ..... المشرفه

بسمة ملاك
24/10/2007, 02:40 PM
الله يسعدكم يابنـــــــــات دنيا وآخره

fire lily
26/10/2007, 02:01 PM
اشتري لج عماره وأجريها... وممكن تتبرعين بجزىء

حتى لو كان بسيط عشان الله يوفقج......

بالتوفيق ان شاء الله ........



هههههههههههههه
الاخت قالت مية الف

شلون تشتري عماره أبي افهم ؟؟؟



المهم أختي تفكيرج سليم ان تخافين تفسفسين المية الف


بس ما نعرف وضعج شو وشو ممكن تسوين عشان نقترح أقتراحات

$:ام حمد:$
29/10/2007, 12:03 AM
مرحبا ,,,,,,,,,,,,,,,, اختي انا اقول لج لو تشترين بضاعة من جبل على كونتينر كله ملابس جاهزة وتصدرينها الى مصر او سوريا وتبيعينها بتربحين اضعاف المبلغ اللى عندج بس دوريلج موزع ثقة في البلد اللى راح تصدرين الهم البضاعة ...................

الثلاثينية
29/10/2007, 09:23 PM
اختي انا حطيت مبلغ 100.000

في محفظة عقارية استثمارية

يدخل لي ربح منها شهري من 6000 الى 7000

دوري شي مشابه وفكي عمرج من المشاريع

بسمة ملاك
30/10/2007, 01:09 AM
هلا خواتي انا استثمرت جزء من المبلغ ويا الاخت قمر الامارات والباقي طارررررررررررررررررر واتريا القى بيزات بعد بطرشهم لقمرالامارات اكتشفت انها افضل وارقى استثمـــــار للامانه

fire lily
31/10/2007, 04:25 PM
انا بخبرج اختي في مشروع ناجح مليون بالميه وانا شفت وسألت والكل يمدحه ومضمونه اكيد هو انج تشترين سياره صغيره على قد الحال او باص صغير وتأجرينه على البنات اللي ساكنيين في الضواحي يوديهم اشغالهم او الجامعه وحتى الكليه الكل يدور ويبا هالشي وفي الشهر مضمون 3000 درهم اذا كان الباص واذا سياره يكون عالشخص 500 درهم واسألي بنفسج واذا تبين اي مساعده اطلبيني عالخاص وان شاء الله افيدج والله يكتبلج الخير


انا شخصيا اذا عندي هالمبلغ من دون تردد ابسوي هالمشروع

فكره حلوه

وتقدرين تجيبين سواقه مره عشان توصل الحريم وبالتوفيق

ورديت مره عالبنت الي قالت عن العماره وقلت لها ما يصير


بس طلع ان البنك ممكن يعطيج ضمان بالمشروع وتقدرين تشترين عقار صغيييير يعني عماره صغيره طابقين أو 3 وووو البنك يدفع لج السعر بس ياخذون من الارباح او من راتبج .. بس المشروع ما راح يعطيج ربحه الا اذا خلصت الاقساط ذيك الساعه بتكونين مرتاحه...
ونصيحه روحي بنك اسلامي

ديمة000
31/10/2007, 04:40 PM
زوجي جاي الامرات بكره ومعاه كميه من مسك الطهاره وهذا المسك اصلي وعليه طلب واجد اذا حابه تاخذين منه عدد وهذا بدون ماتدفعين شحن وانا ارسلك زبايني من الامارات

الي لها رغبه تراسلني بس ياليت بسرعه

zanoubia
31/10/2007, 05:51 PM
الله يوفقك عزيزتي مع مشوعك ويوفق قمر اىمارات

سجلات
31/10/2007, 09:03 PM
انا ما انصح اي وحدة انها ادش اي مشروع لان المشاريع مش بالسهولة الي نتوقعها المشروع يريدلة واحد فاضي ويقف على كل خطوة في المشروع واحنا بنات وهذا صعب علينا وازواجنا مب فاضين لأفكارنا بس ممكن انصحش بمحفظة البوم العقارية بدبي هذي المحفظة ترد عليش شهريا بين خمسة الف وستة ونص يعني في السنة تقريبا سبعين الف وانا مشتركة معاهم من سنة والحمدلله فكيت نفسي من هم المشاريع وخسارتها الفادحة

oxford
15/11/2007, 04:06 AM
فكرة السواق احسن شي وهي انك تاخذين سيارة فان وتوصلين الطالبات لمدارسهم

انا واختي سوينا كذا بعد وفاة الوالد والوالده الله يرحمهم بحيث حنا كنا متخرجات وجالسين بالبيت

يعني طول الصبح الين بعد العصر والسواق فاضي

ففكرنا نخلي السواق يوصل اختنا المتزوجه وعيالها وبنت خالتي وصديقتها للمدارس والكليه

وناخذ منهم في الشهر 250 للشخص الواحد

والحمد لله قدرنا نمشي حالنا مع هالمبلغ بحيث ان الرصيد حق الوالد كان مجمد الين يبتّون فيه المحكمه

وعشنا على هالحال قرابة 6 الى 7 شهور وما احتجنا لحد

الشاهد في الموضوع افتحي لك محل توصيل للمشاوير الخاصة تراها ماشية عندنا بالشرقية في السعودية بحيث اغلب المستفيدين هم الطالبات في الصبح اللي اهلهم مايقدرون يوصلونهم

وبعد العصر والليل للحريم حق الفرفره بالسوق هههههههه

وربي يوفق يالغاليه ويزيد ربحك اكثر واكثر

sweety_zozo
15/11/2007, 09:14 AM
السلام عليكم

ممكن اختي تستفدين عن طريق مؤسسة محمد بن راشد لدعم مشاريع الشباب من خلال تاخذين من عندهم رحصة تجارية ومكتب كبداية مشروع لان هذا كلة ما بيكلف وايد لان المكاتب اسعارها مناسبه والرخصه بتكون ببلاش اذا خذتي مكتب عندهم واذا كان موقعج مب عندهم ما بيكلف اكثر عن 5000 بس الرخصة التجارية لمدة 3 سنوات انا اختي وايد مستفيده منهم والله

أم بلقيس
17/11/2007, 11:22 PM
ممكن تفتحين لج مطعم او محل خياطه تجيبين لج فلبينيه

الغالية جواهر
17/11/2007, 11:36 PM
احسن شي انج اتحطين المبلغ وديعة في بنك او مصرف اسلامي واعتقد بان على المبالغ بيطلع لج مبلغ 10.000 درهم في السنة ، صح المبلغ اشوي بس حلو وانتي بتكونين مطمئنة بانه ما بيضيع من ايدج

ملامح انثى
21/11/2007, 01:11 AM
انصحك ما تحطي كل الفلوس دفعه وحده في مشروع..
فيكون مصيرك مرتبط معاه...
شغلي نصفه فقط...
ما ييسر تشترين شقه و تؤجرينها؟
او شيء لك فيه ربح مضمون حتى لو قليل.. الله يوفقك..

حياة رائعة
21/11/2007, 01:51 AM
اعملى مشروع لا يشترط فيه موسم للربح
لكن قبل البدا فيه لازم يكون عندك فكرة كاملة عن المشروع عشان لو موظفة تركتك ما تحتاسى وتحسى انك مزنوقة وتدورى على موظفة
ممكن تاجرى مكان للرياضة والرشاقة ساونا والعاب تخسيس وحمام مغربى وحمامات كريم للوجه ومكياج وتخصصى مكان صغير للاكسسورات والمكياج ويكون سعر مميز لكل عضوة بتيجى المحل
وتحطى اسعار مخفضة فى البداية عشان تكسبى عضوات اكتر واكتر
ويكون الديكور مميز
وكل عضوة تيجى للمحل عندك اعملى لها كرت عضوية
واعملى دعاية فى مجلة نسائية مثلا او بين الصديقات والجيران وعبر الانتر نت
وباذن الله موفقة

ام_احمد
21/11/2007, 06:22 PM
والله ما اعرف شو اقولج

الله يوفقج انشالله

بسمة ملاك
22/11/2007, 11:20 AM
مشكورات خواتي افكاركم من ذهب الله يحفظكن

سمنة غنم
23/11/2007, 03:57 PM
اختي فيه واحد يستثمرهم لك وبكل امانه

ام هزاع200
24/11/2007, 01:14 AM
اختي انا حطيت مبلغ 100.000

في محفظة عقارية استثمارية

يدخل لي ربح منها شهري من 6000 الى 7000

دوري شي مشابه وفكي عمرج من المشاريع

هلا اختي :yes:حابه بس اتشرح لي عن محفظة عقارية استثمارية وين مكانها واذا حظيت 50000 كم بوصل الربح لي...:21_95:

بسمة ملاك
25/11/2007, 07:56 PM
مشكورات خواتي لقيت احسن استثمار عند الاخت قمر الامارات

برنسيس مول
02/12/2007, 03:13 AM
موفقه اختي

Xtreem
04/12/2007, 04:08 AM
اختي انا حطيت مبلغ 100.000

في محفظة عقارية استثمارية

يدخل لي ربح منها شهري من 6000 الى 7000

دوري شي مشابه وفكي عمرج من المشاريع


اهلين اختي هل ممكن اشترك في محفظة عقارية وانا سعودية ؟ وكيف؟ واذا ممكن تدليني على محافظ عقارية ؟وهل هي نفس المحافظ الاستثمارية للاسهم؟

فيافي2005
04/12/2007, 10:57 AM
الله ايسر لج غناتى

ririsar
02/02/2008, 11:19 PM
هااااى

الرجاء احترام قوانين الركن .. المشرفة

doooo
03/02/2008, 03:31 AM
حبيبتي اشتري ارض واتركيها ترى الأراضي كل سنة تزيد بالآف عادي حتى لوخارج نطاق العمران على اساس المية الف ماتكفي بس احرصي على الصك واتركيها سنة اوسنين تجين تبيعين وتلاقين سعرها طااااااااااار وإسألي اي احد متخصص بالعقار وتشوفي كلامي صح

انا حلوة
03/02/2008, 10:47 AM
مشكورات خواتي لقيت احسن استثمار عند الاخت قمر الامارات

بناء على هذا الرد من صاحبة الموضوع سوف يتم اغلاق الموضوع ..