المساعد الشخصي الرقمي

مشاهدة النسخة كاملة : قيس وليلى يعودون بصوره اخرى مهم مهم جداجدا



حسناء الخليج
05/02/2003, 05:53 AM
(l)السلام عليكم ورحمة الله وبركاته(l)
اخواتي الفاضلات ....كيفكم انا اول مره اشارك في هذا المنتدى الرائع والجميل :oولو قعدت حتى بكره وانا امدح فيه ماوفيته حقه وانتم النور كله :o
وهذا المنتدى مايوصف لان فعلا ساعدني كثير وارجوا انكم تعتبروني صديقه لكم:o
حبيت مشاركتي في هذا القسم اني اساعد صديقتي المقربه والغاليه وما ابغى اطول عليكم واقولكم وشي المشكله:(
بدت مشكلتها في النت تعرفت في الماسنجر على واحد :confused:وكانت ماتعرف شي بالنت وهذا كان يساعدها ويعلمها لكن مع مر الايام حس في ميل لها وكانت هي ماتعطيه وجه لكن مع مر الايام حست انها تحبه وشوي شوي حتى حبوا بعض لدرجة ان كل واحد مايقدر يستغني عن الثاني هو يتمنى اليوم اللي يتقدم فيه لها لكن المشكله:(ان صديقتي من احدى دول الخليج وهو من برا الخليج وتعرفون صعبه اهلها يوافقون على جنسيه ثانيه والسبب الثاني انه عايش بالغربه وعلى قد حاله واحنا مجتمعنا فيه غلاء المهور وهم بديرتهم مهر البنت ارخص من عندنا المهم مرت تقريبا 6شهور على حبهم وطلب منها رقم جوالها بحكم ان صديقتي ماتدخل كل يوم النت لانها بالكليه وامتحانات رفضت في البدايه لكن مع الضغط وافقت وعطته واستمرت علاقتهم واصبح كل واحد مايقدر يترك الثاني دقيقه وحده هي تساعده وتقومه لعمله وهو يشجعها بدراستها لدرجه صارت متفوقه ويشجعها اكثر من اهلها وابوها اللي مايعرف اي سنه هي المهم جاء يوم واضطر انه يرجع لديرته وفاتح صديقتي انه لازم يتزوج بنت عمه حسب تقاليد عايلتهم صديقتي حزنت كثيير وقعد يقولها انه مراح يستغني عنها ابداوراح ينتظرها لو بعد حين:eek:لحد مالظروف تساعد ويجي يتقدم لها فاتفقت هي واياه بمجرد مايسافر يقطعون العلاقه اللي بينهم وافقوا على كذا جاء يوم السفر وقعدت صديقتي تبكي هي واياه بمجرد ماوصل هناك دق لها تلفون واليوم الثاني اخذ جوال واخذ يرسل لها مسج وراء الثاني لكن صديقتي ماردت عليه لكن هو اخذ يعلق بالرن لحد ماردت وقالت له خلاص مو اتفقنا انك اذا تزوجت ينتهي كل شي قال والله ماقدرت استغني عنك صديقتي شكت بالموضوع الواحد اذا جاء يعرس يتحمس للزواج وشافت منوه مافي اي حماس فقررت انها تصارحه في الموضوع وخاصه انه كم مره يبغى يقولها شي لكن يترددفقالت له صارحني بكل شي عن حياتك فقالها انه في بداية تعرفهم حب يساعدها على النت لكن مع مر الاياح حبها وهو متزوج وعنده اولاد وتزوج بدري يكبرها بخمس سنوات انصدمت صديقتي لكن اللي خفف عليها انه قالها لازم اتزوج ولكن ضميرها عذبها وقعدت في حاله يرثى لها حاولت معها وفعلا قعدت كم يوم لكن ماقدرت وخاصه انه يرسله باليوم 20مسج وحبه لحد الحين بقلبها لانه تتذكر كيف كان يساعدها اكثر من اهلها انا حسيت من كلام صديقتي انه فعلا صادق في حبه لها وخاصه انه ماطلب لاصوره ولا مقابله كان يبغى يساعدها وقالها مراح يتركها حتى يضمن مستقبلها وخاصه انه ساعدته يوم كان في الغربه المهم مرت الايام تقريبا سنه ورجع لديرتها واستمرت العلاقه اكثر من قبل كل واحد فيهم مايقدر يصبر عن الثاني جاتني مره وهي تبكي ماهي عارفه وش تسوي ضميرها يعذبها ولا قادره تتركه شجعتها قامت قفلت جوالها عشان شوي شوي حتى تنساه لكن قام ودق على تلفون البيت الخاص فيها وهو يبكي ويترجاها انها ماتتركه وانه راح يسوي المستحيل عشان يقهر الظروف صديقتي تاثرت فعلا فيه والى الان وهي مستمره معاه ويحاولون انهم يلقون حل لحالتهم هو يبغى يتقدم لكن اهلها راح يرفضون لان الجنسيه تختلف ولا راح يرضون انها تكون الزوجه الثانيه صديقتي صراحه ماتعوض لانها متفمه جدا جدا فاكيد ان زوجته فيها نقص وحصله بصديقتي وانا بذلت جهدي ونصحتها والى الان احاول معهالانهاترفض اي خاطب يجيها بحجة ان قلبها مراح يحب غيره وهو كل شوي رسائل ومكالمات حتى بوقت الدوام يدق عليها شدة انه مايقدر على فراقها وقت الاكل والشرب :s
ياجماعة الخير اسفه على التطويل لكن ابغاكم تساعدوني بحل المشكله وتعطوني رايكم في الموضوع لعل الله يهدي صديقتي ويهديه ويكتب مافيه الخير للجميع وشكرا لكم ولا تنسون عطوني الحل والاراء تهمني (l)

حسناء الخليج
05/02/2003, 05:55 AM
انا جعلناكم شعوبا وقبائل لتعارفوا:)

مناوي2003
05/02/2003, 06:17 AM
انا انصحها انها تتركه وتحاول تنساه لانه صعب تتزوجه وتكون الزوجه الثانية واهلها ما راح يواافقون وخلها تتزوج وتشوف حالها أحسن

صدقني اهوا ما راح يقدر يستغني عنها زوجته الأولى

مهروووووه
05/02/2003, 07:03 AM
يتكم الملقــــــــــــــــــــ ـــــــــــــــــــــــــ ــــوفه مهروووووووووه:p
انا بصراحه مع اني طايحه في نفس مشكلة ربيعتج
بس صدقيني صلاة الاستخاره هي الحل والوحيد..
واللي فيه الخير ربي بيقدمه
وهو صراحه من كلامج باين انهم ما يرومون يستغنون عن بعض..
بس والله لو ربي كاتب انهم يتيمعون بيستوي ولو شو صار..واذا العكس والله لو يرمسون بعض العمر كله ما بيتيمعون..
وخليها تشغل عمرها باي شي عشان تحاول تنسى شوي هالشي اللي ماخذ كل وقتها وتفكيرها والله يهديها ويهدينا جميعا..
وسلمـــــــــــــــــــــ ي عليــــــــها وايد..



واتمنى اني اقنعتج ولو بشي بسيط اختي الغاليه..
والمفروض هي يوم عرفت انه متزوج وعنده عيال لازم تحاول انها تبتعد لانها بهاي الطريقة بتفرق بين ريال وحرمته ام عياله..هو صح يوم ياها اكيد لانه لقى فيها الشي اللي ما لقاه في حرمته بس حتى ولو (اللي يحب لازم يضحي حق اللي يحبه ولو على حساب نفسه)
وهي لازم تحاول انها ترد علاقة الريال بحرمته ولها الف خير من الله وصدقيني هي بترتاح..
اسمحي لي على كلام وثرثرتي الزايده شرات الحريم..
بس بعد لا تنسى صلاة الاستخاره..



بس هــــــــــــــــــــــا عقب ما تصلي الاستخاره ابى اعرف الرد منج ضــــــــــــــــــــــــ ـــــــروري والله...لاني ابى اقولج شي مهم وايـــــــــــــــــد..

<<<<<<<<اللي يشوف كلامها يقول عيوز عمرها 71 وهي وحليلها عمرها 17 :p
ويزاج الله الف خير اختي(حسنـــــــــــــاء الخليج):cool:

الام الحنون
05/02/2003, 07:44 PM
وعزيزتي والله كلى اسف لما قلتيه عن صديقتك .. لان مهما سنكتب ,,, لن نصل الى ماتريده هي ويريده هو ..... اسمحيلي ان اقول اولاً لازم تكون قويه وتتحمل بعد هذا الذي خان نفسه وزوجته واولادة واخيراً خان المسكينه التي مدت يدها البضاء لهذا الوغد ...... ساعدها على عيني وراسنا ها نحن في معظم المنتديات يساعد بعضنا البعض ... وهل يعقل اموت حباً بمشرف ركن البرامج والكمبيوتر ... ها هو يساعدنا لفهم اشياء كثيره لايعرف بها لاابي ولاامي ..... لكن هو اراد ان يطيح بها ,,,
الافضل لها (( طبعاً وليس له لانه له غرض هو وحدة يرمي اليه )) ان تتركه تغير رقم الجوال والبيت بعدت طرق او تضع جهاز للرقم السري في خطها الخاص وتغير رقم الجوال .............هذا اول شيء تقوم به .....
واعلمها ان نيته ليس الزواج وهو يعرف ويؤمن بان اهلك لان يوافقوا على الزواج لكن يريد ان تتمسكِ به لاغراضه والمنفعة التي يجنيها ورائك ِ ,,,
عزيزتي ليس عيب ان ابوك لايعرف انك باي صف لانه يحدث كثيراً لان أبانا واجدادنا لايعرفون مسميات المراحل كثيراً .....
وانه يساعدك اكثر من اهلك لانك انتِ منغلقه عن اهلك ولم تطلبي منهم المساعدة ولم تُدلي بخصوصياتك كما فعلتي معاه ..........
عاملي اهلك مثل معاملتك لهذا الشاب ستجدين منهم اهتمام بمواضيعك وتسألتك ... وشيء بديهي حتى انا لو اطلعتيني على اسرارك ومشاكلكِ ساتعاطف معكِ واهتم بكِ ولن استغنى عن انسان احتاج الى وها انا امراة
ولو كنت رجلٌ هل سيحصل نفس الى صار اذن الغلط منكِ انتِ تفهمين كل من يساعدكِ ويقف بجانبك انه حبيب ,,,,,,,,,,,,,
غاليتي الحل بيدك ساعدي نفسك اشغلي تفكيرك غير هذا الموضوع قربي اهلك منكِ اثيري اهتمامهم عزلتكِ عن اهلك هي التي تجعلكِ تحسين بانهم ليسو مهتمين بكِ ............. ولا تنسي الصلاة في وقتها ,,,, والدعاء في جوف الليل ,, وصلاة الوتر .. بهذا سينشرح صدركِ للحل وسترتاحين من هذا الهم ..والله انكِ فيما بعد وبعد مرور سنين ستلاحظين انه امراً تافه بالنسبه لأشياء اخرى اعظم واكبر ,,,,
ومن قال لكِ بأن العالم توقف عند هذا الحد ....... بل هناك الرجال الاتقيى اصحاب مناصب عُليا في الاخلاق ولهم من الدنيا نصيب ,,,,,
اطلبي الله العلي القدير ان يرزقكِ الزوج الصالح وليس عيب ان تدعوا الفتاة بذالك فهو جائز الدعاء بهذا ......توبي الى الله فاالله يفرح بتوبة العبد .. ويعطيه ما يريد ..اتركيه حباً في الله يعوضكِ الله ..

M_rose_M
05/02/2003, 08:04 PM
حبيبتي الله عرفوه بالعقل ومشكله صاحبتك باينه من الاساس انها مبينه على غلط ولما يكون الاساس مو قوي ومو صحيح سهل كتييييييير انه يتهدم بسرعه هي في البدايه حيكون صعب عليها تنساه علشان كل شيء في البدايه صعب بس لازم تسيبه علشان هي دحين لابسه نظارة اسمها الحب ومو مخليها تشوف الطريق الصحيح بس لما تنسى صدقيني حتشوف نفسها انها عملت الصح والله معاك

عروس بحرينية
05/02/2003, 09:40 PM
السلام عليكم ورحمة الله وبركاته
صديقتك مراهقة ومن الطبيعي ان تتصرف المراهقات بمثل هذه التصرفات اذكر اني منذ فترة تعرفت على شخص اردني مد لي يد الصداقة و الاخوة التي اراد ان يحولها الي يد المحب الولهان لكني لم اسمح له هل تعرفين لماذا ؟؟؟؟؟؟لانه محتال بدأت القصة باسم الصداقة ثم اراد ان يبتزني يعن يطلب مني مساعادات مادية و ان اساعد في احضاره للخليج ليس من اجل الحب والاخوة بل من اجل المال القصد من ما قلته يجب عليها الا تمنح الثقة لمن لا يستحقها الله يهديها و هذي ان شاء الله مسألة و مرحلة ستنتهي فعليها ان تهتم بمستقبلها وشكرا

حسناء الخليج
06/02/2003, 02:12 AM
مرحبا اخواتي العزيزات

اشكركم على تجاوبكم للمشكله

اختي مناوي2003..هلافيك اختي ... انا قلت لها انه راح يرجع لزوجته الاولى لكنه هو مايحب زوجتة اصلا فهو يتصل بها في اوقات عودته من العمل حتى هي تقول الوقت اللي تتوقع فيه انه قاعد مع زوجته واعياله يكلمها حتى باخر الليل وين زوجته عنه تقول ...؟؟؟!!! اشلون تتركة وتنساه وهو ويقعد معها اكثر من قعدته مع زوجته ؟؟



اختي الام الحنون شرفتي الموضوع بالرد عليه عزيزتي ...كلامك سليم وصح ميه بالميه لكن هي تبي نهايه سعيده ماتدري وش تسوي تبي حل تقنع فيه اهلها عشان ترتبط به هو مستعد على كلامه لكن هو خايف بعد من ردة فعل اهلها وهي متاكده انه اهلها مراح يرضون وتبي حل عشان تخلص ماساتها هي ماتبي تتركه متعلقه فيه لدرجه ماتتصورين ...... الله يهديها :( وانا ياما نصحتها انها تغير الرقم وتسوي كل الطرق اللي انتي قلتيها بس تقول حتى حاولت لكن ماتقدر تقول اصبح جزء من حياتها .. وهو بعد :mad: يخليها تتعلق فيه زيادة لانه يقول انه اصلا ماعاش تجربها اسمها حب حتى مع زوجته ماعاشها الا معها هي وهي برضوه اول حب في حياتها وماتقدر تستغني عنه ....واللي تبيه الحين حل يرضيها هي الله يهديها ... :(........


هلا فيك اختي M_rose_M

اشكرك على الرد عزيزتي .... كلامك صحيح .... ومبنيه عل ىالغلط بس هي كلمة اتركه ماتبيها اي شي الا اتركه صعبه انا قلت لها على الاقل اطلبي منه هالطلب اذا كان يعزك خليه يتركك لحالك هو اذا تركها راح تتركه وانا متاكده بسس المشكله هو كل ماله يعلقها فيه زيادة ... مااقول الا الله يهديها :(


حياك الله اختي عروس بحرينيه ... واشكرك على تجاوبك معاي

صديقتي ماهي في سن المراهقه هي فوق العشرين ..... وتدري انه اللي تسويه غلط ببس هي فكرة لو تركته مثلا وجاء واحد وتزوجته غيرة مراح تكون سعيده لانها تريد الحب يكون اساس حياتهم تقول اشلون اقدر افكر بشخص ثاني وهذا بقلبي مستحيل ..... :( مااقول الا الله يستر عليها وعلى بنات المسلمين دنياء واخرة ...

وللمرة المليون اشكركم على تجاوبكم معاي

وياليت تقولون لي رايكم باللي قالته تبي نهايه سعيده (l)

اتمنى تواصلكم على طول

اختكم حسناء الخليج

مناوي2003
06/02/2003, 02:39 AM
والله أختي مادري شقولج بس شوفي رد الأخت لميس كانت كاتبته لأحد الأعضاء وتقريباً نفس مشكلت صديقتك :خلينا نعمل مقارنه بين انك تتركينه او تستمرين معاه ونشوف اي الكفتين ارجح..

لو استمرت معاه..
1. تغضب رب العالمين
2. تخسرين صديقتك
3. تخسرين ثقة أهلك بك لو درو انك انك تكلمينه
4. تشوهين سمعتك
5. احتمال كبير انه يلعب عليك والسبب انك ماتعرفين عنه إلا الي هو يقوله وساعتها وش يفيد الندم؟؟
6. لو فرضنى انه صادق بكلامه وش راح تكون نهاية هالعلاقه وانتي بنفسك تقولين ان اهلك مايزوجونك واحد اكبر منك بـ11 سنه؟؟

اما لو تركتيه..
1. ترضين الله وتكسبين مغفرته
2. تحافظين على صداقتك
3. تحافظين على سمعتك وسمعة اهلك
4. تكبرين بعينه يوم يشوف انك البنت الي تحافظ على نفسها وماترضى بالغلط
5. تعيشين حياتك وبالك مرتاح ماتحاتين وش بيصير معاه ووش بيصير لو دروا اهلك
6. باكر لما يجيك بإذن الله ولد الحلال ماتقعدين تقارنين بينهم وتتعبين قلبك وفكرك
7. لو لاسمح الله ماحصل بينكم نصيب ماتندمين على عمرك الي قضيتيه في علاقه محرمه

هذي مقارنه بسيطه.. اجلسي مع نفسك وحطي نقاط اكثر
شوفي اي الكفتين ارجح.. بعدها احكمي بعقلك قبل قلبك
إسألي الله ان يهديك ويثبت إيمانك
إسأليه ان يدلك على الطريق الصح ويثبت قلبك عليه
توكلي على الله فما خاب من اتكل عليه سبحانه


وقوليلها هالكلام وخلها ترجع لرب العالمين وصدقيني لو تخاف من ربها راح تتركه والمشكله الكبيره انه متزوج يعني ماكو فايده من علاقتها معاه تتركه وتتزوج واحد منها وفيها ومن عمرها أحسن

وانشاءالله تقتنع وتتركه وقولينه شنو يصير معاج

تحياتي :
مناوي2003

الجوهرة
06/02/2003, 01:53 PM
أختي العزيزه/ خنساء الخليج،
هذه المشكلة لو كانت في غير النت والماسنجر هل سوف يكون لها وجود؟؟؟
كثير من الشباب والفتيات يدخلون الشبكه للخير لكن للأسف يواجهون تيارات -حمانا الله منها-
لتتقِ الله وتلجأ للمولى ليعينها على فراقه فهو الحل الأسلم ولاتضيّع عمرها حتى لاتندم،
والحب الحقيقي بعد الزواج،
هذا الشخص لايحب ، بل يريد تجديد شعوره بالحب الذي أصبح باردا وعاديا مع زوجته،
الرجل عندما يردي الزواج يتزوج التي يريدها ولو وقفت الدنيا كلها بوجهه لكن هذا يماطل،
لتتركه ولتستعن بالله ولتغير رقم الموبايل ولاترد عليه أبدا0
حفظنا الله وإياكم من كل سوء ومكروه0

بنت السعودية
08/02/2003, 05:29 PM
اختي العزيزة حسناء الخليج..

مشكلة صديقتك مشكلة ملايين البنات للاسف ..

والحل بيد صديقتك وبس ..لانه مهما انتي قلتي لها او حنا حاولنا نساعدها

مانقدر نوصل لقلبها ومشاعرها ..

صحيح هي وجهت مشارعرها بالطريقة الخطأ ومن الصعب الاصلاح الا ان ارادت هي ذلك..

ومشكلتنا يالبنات اننا عاطفيات زيادة عن اللزوم ..ونصدق اي كلمة تنقال

وصديقتك اهلها كانوا سبب في مشكلتها باهمالهم لها ..وعلى قولتك ان والدها مايعرف هي باي مرحلة وهل هذا يعقل؟؟

فلقت اليد الحنونة الي انتشلتها من احزانها..

بس هذا الشاب الظاهر يعاني من مشاكل مثل صديقتك ..وكل واحد فيهم

فضل الهروب من مشاكله بطريقته فهي بحثت عن شخص وهو ايضا

لقا الانسانة الي يتحدث معها ..ويقضي وقت بلا مسؤولية..

اهم شي لازم صديقتك تعرف ان هذا الشخص خااااااائن بالعربي الفصيح

لان مافي رجل زين يخون مرته ام عياله ..والشرع حلل له اربع

هذا شاب مثل غيره من ملايين الشباب غرضه التسلية بس بطريقته

طبعا بتقولون لي كيف يتسلى وهو يهتم فيها ويراعيها..

بقولكم طبعا بيراعيها ويهتم فيها ..لانه لو مااهتم فيها بتخليه وتتركه

حنا ماندري وش بالقلوب لكن اي شي يبنى على خطأ فهو خطأ

وقولي لها ..مو المشكلة اننا نخطئ لكن المشكلة اننا نستمر في الخطأ

وانا ارجو لصديقتك التوفيق والهداية ولازم تعرف انه مافي سعادة تبني

على غلط وعلى تعاسة الاخرين

وتحياتي

سر1ب
10/02/2003, 08:38 AM
السلام عليكم ورحمة الله وبركاته

لقد قدمو ا الأخوات ماهو مفيد وفيه مصلحة جزاهم الله خير الجزاء وجعلهم مفاتيح خير بإذن الله تعالى
ولكن لفت نظري كلمه وهي يريد يتزوج لعل زوجته الأولى فيها نقص هذه النظرة العوام والأمهات والأباء كثيرا .

أريد أقل لماذا هذه النظره بأن لابد أن يكون عيب في الزوجة الأولى هذه نظريه خاطئةبل العكس ممكن الرجل يعيش في قمة السعادة مع زوجته الأولى ويتزوج من أخرى ليس شرط أن هناك مايكدر صفو حياته .

nonay
14/02/2003, 04:23 AM
ليس كل مايتمناه المرء يدركه ........

عزيزتي حسناءالخليج لازم تفهمين صديقتك ان هذا الشي مقدر ومكتوب لهاوانها اهي ماتقدر تغير المكتوب وانه اذا كان مكتوب لها انها تتزوج هذا الشخص راح تتزوجه ........

بعدين لازم تفهمينها انها وشلون تعطي ثقتها لواحد خاين خان زوجته واولاده وشلون انه في هذا سن ويفكر هذا تفكير ........:eek:
اسمحيلي انا اعتقد انه مايفكر هذا تفكير غير المراهقين او الناس المريضين نفسياالي يعانون من النقص........خليها تحكم على الموضوع بعقلها مو بعواطفهاوتلجاء الى الله فهو علام الغيوب سبحانه.......

وسلامت قلبك......

حسناء الخليج
21/02/2003, 04:11 AM
:Dوش اخباركم ان شاء الله بخير
احب اقولكم وش اخر الاخبار صديقتي تقول خلاص ماقدر استغني عنه وهو بعد بس عطاها محاظره طويله عن انها لاتترك اي واحد وترفض اللي يتقدم لها واسبب هو لانه اولا راح يطالب بالجنسيه ولا واول مايحصله مستعد يتخلى عن العالم كله عشانها حتى لو كانت ام العيال بس يبغى الجنسيه والخبر الثاني ان بنت عمتها اخذت واحد من نفس دسرته بس متجنس وهذا الامر شجعهم كثير وخلى عندهم امل كبير
وانا صراحه اقولكم حبهم غريب ماعمري شفت مثله احس انهم بياخذون بعض بس كيف مادري الله يكتب مافيه الخير واعلمكم وش يصير اول باول والف شكر;)

عروسه بس صغيره
22/02/2003, 07:11 AM
أختي حسناء الخليج صرااااحه الشيء اللي بينهم لازم ينتهي لأنه بدء بداااايه غلط !!!!
ولو كنت ماكان اهلها لرفضت وانا شوفي بنت ومو عاد رجل وليه كلمتي
فهمتي عليه وياريت انها تحاول تنساااه وتدعوا رب العباد بأن يغفرلها
وتحاول تشوف نصيبها في شباب ديرتها

وياجماعة الخير انا اعتبر الموضوع هذااا فيه مجاهره بالمعصيه

واللي يسوي شي غلط يستر ويغطي عليه
اذا كان الله ساتر عليهم

بس ما اقول الا الله الهادي

اختك ....

حسناء الخليج
22/02/2003, 08:00 AM
اشكرك ياختي عروسه على ابداء رايك وان شاء الله ربي يهديها ويكتب مافيه الخير للجميع :) والف شكر...

دللوعة
22/02/2003, 10:16 PM
والله ناسف ان يكون هذا هو هم بنات الاسلام:( :( :( :( الله يفرج الهموم

الصمت الحزين
23/02/2003, 08:48 PM
مسالخير


مشكلة صديقتنا هي مشكلة معظم البنات في هاليومين
وانا شخصيا مريت بهذي المشكلة
مسنجر... تلفونات... ماسيجات... وغرام.. وغزل.. وتشجيع...
ويدخل في صميم حياتك... ويعرف كل متطاباتك واحتياجاتك..
وكل اللي تتمنيه تلقيه.. الحنان..والود.. والحب.. والتفهم.. ... الخ
وبدأت افكر انه هالانسان هو كل حياتي
وانه هو الوحيد اللي يعرف كي يرضيني ويرضي غروري
...
...
...
وغرقت في بحر الحب اللي ماله قرار
واسودت الدنيا في وجهي وكانت حياتي على وشك الانتهاء لمن ادركت اني ما اقدر انهي قصة حبي بالنهاية السعيدة اللي اتمنيتها
...
..
...
وقررت اني ابعد
بس كان صعب جدا
صعب اني ادوس قلبي برجلي
واصعب علية اني اذبح نفسي
..
..
..
المهم
ياما بكيت.. وياما مرضت.. وياما اضربت عن الاكل..
بس كان عندي هدف
اني ابعد
وعشان اوصل لهدفي كافحت واخذت وقت
سنة كاملة
..
..
والأهم اني وصلت في الاخير
وصحيت لنفسي
ورجعت اعيش حياتي اللي اتوقفت لمدة سنتين تقريبا
والاهم من دا كله
اني ما اتوقفت عن الدعاء ولا لحظة
كنت اطلب من الله انه يخرجه من قلبي
والحمد لله
خرج اخيرا
..
..
..
الله يعيين صديقتك
وحاولي تساعديها ولا تضغطي عليها
لأنه الضغط يسبب انفجار
ساعديها بهدوء وبالنصيحة


تحياتي

حسناء الخليج
24/02/2003, 02:43 AM
تسلمين والله الصمت الحزين وان شاء ربي يهدي صديقتي لما فيه الخير ويوفقنا لرضاه واشكرك على نصيحتك وراح اكون نعم الصديقه باذن الله والف شكر لك:)

هيتومي
25/02/2003, 02:03 PM
السلام عليكم
اقول اصلا صديقتك هاذي ماتبي حل بس تبي تسوي دوشه
بعدين شنهو ما اقدر :mad:
ليه تضيف رجال من البدايه على الماسنجر
قوليلها تصير زيي مااقبل الا بنات ;)
الحمد لله ماعمري قد جربت هاذي الامور وان شاء الله دوم
وانا ماتعجبني اللي ماتحكم عقلها تحسين انها مادري كيف ؟
وقوليلها ان الرجال خونه ( عاد مو كلهم :rolleyes: ) وهذا الخائن الاكبر
يقص عليها ومرته شكلها من النوع اللي على نياته ولاتدري شسالفه
وكيف يخليها ضميرها ان تفسد حياة زوجته وعياله ماعندها رحمه ؟
يعني لو كانت هي مكان مرته بترضى ان زوجها يسوي كذه ( اعوذ بالله )
لو كنت مكان مرته كان عطيته كم طراق يصحيه :mad:
بعدين هو لازم يقول انه مايحب مرته عشان ماتتركه لانه اكيد انها بتغار ( هذا وجه احد يغار عليه ؟ )
وقولي لصديقتك لو استمرت كذه فعلى الدنيا السلام
وبتشوف انها بعد تبكي دموع من دم .

اما عن المجاهره بالمعصيه فلاارى الامر كذلك لان هاذي مشكله وتبيلها
نصيحة وحل لكن شكلها ماتبي حل على كيفها بعد تندم قمنا بواجبنا وانتهينا لو صار لها شئ مهو ذنبنا:p
ويا حسناء الخليج لا تساندينها بقولك ماشفت زي حبهم
شكل صديقتك قصت عليك بعد .
:(

حسناء الخليج
27/02/2003, 04:59 AM
اشكرك ياخت هتومي على ابداء رايك والحب يجي من الله بس للاسف صديقتي طاحت في حب خطا وانا مانكر هالشي هذا

هي تبي تتزوجه بس كيف يتقدم وهو غريب عن البلد بالاضافه انه متزوج لكن خلاص طاحت في مرض الحب مالها الا تقبل فيه كذا بس اذا تقدم لاهلها من وين عرفها او وشلون جاهم من هالناحيه صعبه شوي لكن ربي يفرجها ويستر عليها لكن ياخت الحب مو عيب لو وضع على حدود
وانا عارفه ان الحب اللي مثل كذا يزول وباطل بس وش نسوي في زمانا هذا لانه حب هش حب جسدي شهواني فقط لايقوم على اساس متين فلا عجب ان يتهاوى ويسقط بسرعه ااما الحب الصادق فياتي بعد الزواج

لكن ربي يكتب لهم مافيه الخير وانا صراحه اتمنى ان زوجته تطيح عليه وتصيده لان صديقتي كان عندها اراده تتركه لكن للاسف ظل وراها لحد ماتعلقت فيه ولا هي قادره تتركه

على العموم اشكرك على ابداء رايك واسال الله التوفيق والهدايد والستر على بنات المسلمين....:(

الام الحنون
03/03/2003, 01:32 AM
حسناء الخليج صديقتك تتعامى عن الواقع ولاتريد حل ,, هذا مافهمه منك لانها تمهد لكي يأتي هذا الشاب لخطبتها وكأنك تعينيها بخطط كي يتقدم فأنا اذكركِ أن الزمن لم يتغير ولكن شهواتنا وأهوآنا تغيرة واصبحنا نسخرها للجسد فقط ونقول حب قيس وليلى اي يحب يعصُى فيه الخالق ويقدر حسب مايريد العبد ولا كما يريد اله تعالى .. والله لو اجتمعة الانس والجن على أن تسعد وتؤلف بين قلوب تلاقة بالحرام لما قدرت .. وهل ترضى صديقتك بعد ان تتزوجه يصبوا الى غيرها بغر الجنسية اقصد يريدها من اجل الجنسية ولكن جاءت وحدة ذا مال وسلطة وتجيب له الجنسية في يوم وليلة بس يتزوجها طبعاً راح يرمي صدقتك ويقبل بصاحبة السلطة وبعد فترة يتركهم جميعاً ويذهب لزوجته ام عياله وبنت بلده ... وتموت من المرض الى جاها من وراء العذاب الى قدرتُ على نفسها وكانت تسعى لتحقيقة .. اقول وبلله المستعان الرجوع الى رب العباد هو الحل دعيها تخلص في الاعمال الحسنة تكثر الاستغفار تصوم والله الزواج ليس فستان وطرحة واول ليلة وسفر وكلام حب وغزل زي ماهي فاهمة .. الزواج مسئولية خالية تماماً من الاحلام والخيال البناتي الى نشوفه هلحين .. وما قول الا الله يهديها ويصلحها ... هذه معصية ولابد ان تتوب من هذا الذنب وتتحقق التوبه الا بالاقلاع عن الذنب فضرر تركة افضل من ضرر الارطباط به وستذكر ما نقول (( وبعدين راح تكون اضحوكه بين الناس )) بانها تزوجة اجنبي والله العلم من وين جابته وكلام الناس راح يموت ابوها وامها من القهر ويسخطون عليها وما احد راح يثق فيها ابد ...

حسناء الخليج
03/03/2003, 02:44 AM
اشكرك ياختي على ردك وان شاء الله ربي يهديها ويصلحها ويصلح بنات المسلمين جميعا ويهديهم......

العروس الهاربة
03/03/2003, 02:57 AM
عزيزتي حسناء الخليج

صدقيني احس بصديقتك تماما لأني مريت بتجربة شبيهه والله يغفرلنا اجمعين ووالله العظيم الواحد ما يحب انه يجاهر بالمعصية لكن يمكن تجربته تقنع اللي غيره ويقدر يكفر بها على الأقل عن اللي قبل .

ما ابي اطول عليك بس بعرض عليك حكايتي :

كنت على علاقه بواحد شبه قريب يعني نعرفهم من بعيد كان عنده كذا شغله في مدينتنا ومن هنا لعبت المصادفات الدور حتى تعرفنا على بعض وانا والله العظيم من احرص الناس واهلي محافظين جدا
المهم طبعا الشيطان ييسر مثل هذي الامور ، وبعد 2 سنتين عرفت انه كان مرتبط بوحده عاطفيا وانه له معها 7 سنين يحبها وتحبه بس بعد ما عرفني بعد عنها شوي وصارت علاقته بها مو مثل اول طبعا انصدمت وحسيت ان الدنيا دارت بي بس الحب اعمى وحبي له صورلي كل عيوبه حسنات فمثلا قلت اهو لو كان يحبها اكثر مني كان لاحظت هالشي لانه مهتم فيني مررررررة وطول الوقت معي اذا يوم ما سمع صوتي يصير كنه بينجن وانا بعد دموعي تسبقني وهو كان يبرر استمرار علاقته بها انه نوع من الالتزام لانه خطبها من اهلها ويجري بالمعاملة لانها مهي سعودية وهذا صحيح .
المهم طلعت معاملته وصار لازم يتزوجها والكل اهلي واهله عارفين انه خاطب بس يوم عرفته كان قاطع علاقته بيها وانا والله ما كنت ادري عن الموضوع بس بعدين عرفت انه هو اللي كنت اسمع انه يبي وحده معينه ويحبها .
اللي صار اننا اتفقنا ننهي علاقتنا وتزوج ومرت الامور في الاول عادي وبعد فترة زادت لهفتي عليه وصرت اتمنى اسمع صوته وفي ذيك الفترة صار هو يحاول يتصل ويرجع العلاقه ورجعنا سنتين وكنت بيني وبين نفسي اسألها اللي يخلي واحد مثله يعاف حبيبته الاولي اللي حارب الدنيا وكل اهله عشانها واللي هي زوجته حاليا وام بنته يخليه يعافني ويبيعني بعد بس رغم كذا كنت ماني قويه كفاية حتى اتخذ القرار وخاصة اني كنت اصارحه بمخاوفي وشكوكي وكان يلقى لها الحجج والمبررات الكافية .
بعد تقريبا 8 سنوات من العلاقة بدأ الحب يخفت من جهته بشكل واضح وطبعا كانت خلال ذيك الفترة علاقته بزوجته شبه زفت ما كان يحس بها ابدا وكنت انا اشجعه على التواصل معها وابين له ان المرأه بكلمتين حلوة ممكن تتفاعل معه بس هو كان يصور نفسه انها انسانه لا تهتم به ولا بمشاعره وانا كبرت على مسأله العاطفة وانا صار كل همها البيت والأولاد وهو ولا شي عندها حتى انها ما تغار عليه وطبعا هو الاخ مو معطيها فرصه والله لو تفتح فمها بيت ابوها يستناها <<<<<<<< كذا كان يقولها طبعا

وفي الاخير اكتشفت انه على علاقة ببنت ثانية والعلاقة في تطور مستمر وهو الان واقع لشوشته مثل ما يقولوا معها له معها تقريبا 3 سنين او اقل ويستمر السيناريو ومسلسل العلاقات

وانا من سنتين وعليها قطعت علاقتي بيه وهو طبعا كان يترجاني انه يخطبني بس انا ما كنت راضية بحكم المعرفة اللي بين العائلتين وانه زوجته وش تقول واهلي واهله والحين هو يعيش قصة حب جديدة انا طبعا وزوجته نعرف تفاصيلها ونعرف نهايتها بعد

ادري طولت عليكم بس اللي ابي اوصله من الحكاية ان الرجااااال يحبووون ايه بس مو من قلبهم الحب عندهم مصلحة هم في فترة الحب يحبون انفسهم لانهم ما يبون يعذبون نفسهم بالفراق بس متى ما قدروا انهم يبعدوا صدقيني وقوليلي لصديقتك انه ما راح يتردد في البعد هو الحين ما يجي على باله بس عمر الحب عندهم قصير هذا اولا

وثانيا ان المسألة يبيلها شوية عقل ولجووووء الى الله تعالى فوالله اعرف واحده تركها خطيبها وهي تموت فيه ووكلت امرها لله وصارت تصلي كل يوم في جوف الليل وتدعي ان الله يطلعه من قلبها ويعوضها خير والله ماشالله حياتها الحين من اروع ما يكون الحمدلله

الدنيا يا اخواتي قصيرة والواحد فيها لازم يتعلم ويستفيد وهي عاجلا ام اجلا رح تنتهي قصة الحب سواء انتهت بالزواج او بالفراق النهاية في نظري وحده لان الحياة ليست دايما حلوة وحتى اللي تزوجوا اللي يحبوهم وصلوا لنفس النتيجة هذا في احسن الحالات ولا الاغلبية تكون نهايتهم مثل نهاية زوجة الاخ اللي قلتلكم عليه وانا وغيري وغيرها

اتمنى يكون المعنى وصل والله سبحانه وتعالي ما يضيع حق اللي يعمل خير بيلقاه واللي يعمل شر بيلقاه وسلامتكم



:o :o :o :o :o :o

حسناء الخليج
03/03/2003, 03:33 AM
اشكرك اختي العروس وربي يكتب مافيه الخير وانا اايدك الرجال ةواحد واكبر دليل خيانته لزوجته وعلى قولتك الحب اعمى


المفروض يوم درت انه متزوج اتركته بس ربي يهديها ويصلحها وانا صراحه اقولها نصايحكم بس وش اسوي سوينا اللي علينا ةوالباقي عليها هي

والرجال مثل ماقلتي مايعرفون الحب ابد:mad: ياعمري الحريم على نياتهم
واشكرك مره اخرى وان شاء الله الكل يستفيد