المساعد الشخصي الرقمي

مشاهدة النسخة كاملة : لا تستغربوا.....لا شيء مستحيل



غزلان
04/02/2003, 12:46 AM
لقيت هالسلفه في أحد المنتديات وحبيت انقللكم ايها

وللأسف مستويه في بلادنا:mad:


لا تستغربوا ... لا شيء مستحيل في الدنيا





اليوم : الثلاثاء
التارخ: 19/11/2002
المكان: كلية التقنيه العليا بالامارات تحديدا" بأبوظبى (البنات)
الزمان : الساعه 7,5 مســـــــــاء"(المغرب)

هندي يغتصب فتاة سنه أخيره فى الكليه..........:mad::confused:

وهو المفروض حسب اختيار المدير والطاقم الادارى والتعلميى الموجود فى الكليه يجب ان يكون الموضوع سرا" ولكن اللى صار ما احد يرضى به .... ولا احد يقدر يكتم عليه والحلو ان المجرم قبض عليه من قبل اولياء اومور البنت وهذا اللى يمكن انه يردع الهنود الباقين فى الكليه ما بطول عليكم وبدخل فى الموضوع ...

الحدث كما حدث........... (على قولتهم)

حنا فى الكليه لنا دوامين الصباحى من الساعه 5و8 الى 5و12 صباحا" وبعدها يبدا دوامنا حنا المسائى من الساعه 5و12 الى 5و5 مساء"
والبنت من طلاب المسائى يعنى معنا (بدون ذكر اسماء)

بس البنت هذى تدرس اخر سنه فى الكليه يعنى دبلوم عالى وكان عندها تسليم بروجيت وعشان كذا كان لازم انها تتاخر فى الكليه لانه مطلوب منها بكره اول الدوام ......وما كان جدامها الا انها تتاخر الى الوقت اعلاه لكى تنهى الموضوع اللى بيدها وتقريبن كانت لحالها يعنى كان فى بنات ولكن فى الكلاسات اللى موجوده تحت ومثل ما تعرفون الكليه كبيييييييييييره وجديده وفيها اماكن كثيره للخش والدس ... المهم .... تعطل عليها الكمبيوتر واحتاجت للى رجل تكنشن (رجل خبره كمبيوتر) وللاسف الموظفون الموجودين من الجنسيه الهنديه وهم مسئولين عن الكمبيوتر البنت مسكينه تبغا احد يساعدها تخلص والهندى الخسيس استفرس فيها لانها لحالها وضامن انها لو تصارخ من هنا لغاية بكره ما حد بيرد عليها الحرامى سوا شغله وانحاش والا اب البنت واخوها جايين فى وجهه ... الولد شاف الهندى يركض وركض وراها وهو ما يعرف الموضوع الاب دخل الصف اللى طلع منه الهندى وتخيلوا وش اللى شافه ..... بنته مرميه على الارض من غير ولا قطعة ملابس عرياااااااااانه (ربى كما خلقتنى ) الاب يركض فى الغرفه يدور ملابس البنت ويجمعها يريد يسترها والبنت حتى مو قادره ترفع جسمها من الارض وفوق هذا وذاك البنت جسمها مقطع من اظافر الهندى (دليل المقاومه) ولكن ما قدرت عليه المهم..... جاب الولد الهندى وشاف اخته وحالتها وحالة الاب وماقصر فى الهندى كفخه لين ما قال بس وسلموه الشرطه .......
البنت خلاص ما عدنا نشوفها ولا نعرف عنها اى حاجه يا حرام تخرجها بعد4 شهور وكذا يصير فيها الله يصبرها ويساعد اهلها ..........

يا جماعه ترى البنت مهوب غلطانه لانها تاخرت ,, البنت ما عندها كمبيوتر فى البيت وغير كذا هى ساكنه فى بنى ياس ومنطقة سكنها تبعد عن الكليه تقريبن نص ساعه .... بالتمام يعنى وين تروح تكمل موضوعها وعندنا فى الكليه اذا يقولون لنا التسليم بكره يعنى بكره خلاص مافى نقاش عزكم الله معلمينا انجليز
وبعدين مهيب اول ولا اخر وحده تتاخر فى الكليه كثيرات يحتاجون الكمبيوتر ويتاخرون ......
لكن الغلطه على الكليه الظاهر انهم نسوا انها كلية بنات على الاقل نريد رقابه وش فيها يعنى لو قعدت معها وحده من الحريم الشرطيات الواقفات يقرقرن تحت ويغازلن الموظفين .....والمفروض انها كلية بنات يعنى يدورون لنا تكنشن حريم مو يترسون الكليه رجاجيل ويقولون خلاص كل وحده مسئوله عن تصرفاتها
وفوق هذا بدال لا يحذرونا من الهنود يقولون لنا لا تطلعون الموضوع بره يعنى لين متى نستر عليكم لين ما يقضون علينا وحده وحده .............
تصدقون ان نص بنات الكليه ما يعرفون عن الموضوع ..... والله يكون فى عونهم واحنا نمشى وانتلفت من الخوف وقبل الدوام بساعه تلاقينا هب طالعين من الكليه الموضوع يوجع لو البنت ما نعرفها كيف والموضوع صاير على اعز واغلى الصديقات

السالفه باتت اكبر من طاقتنا ولا فى ايدينا شى ....... وما نقول غير
((((((((((((((((((((((((((امر الله شق القربه ))))))))))))))))))))))

منقوووووووووول

ابو داحم
04/02/2003, 12:55 AM
الله يحفظ أعراض المسلمين
وهذي من نتائج التهاون

الأموره
04/02/2003, 01:02 AM
هلا اختي غزلان
قريت عن هالحادثه وفعلا شئ مؤسف انه تحصل بجامعاتنا
وبن المشرفين ..المراقبات اللي بالمعامل!!
غريبه تصير مثل هالحادثه بكليه معروفه!!
اشك انها حقيقيه....
يعطيك العافيه على المشاركه..والله يحفظ بنات المسلمين...

أحلى مــــــلاك
04/02/2003, 03:22 AM
انا ما يزيد من قهري الا
اذا قالوا استروا على الموضوع :mad:

الله يكون بعون البنت

شوكولاتة
04/02/2003, 04:19 AM
والله اني حزنت على هالبنت ....... من جد مأساااااااه
لكن الله يعوضها بخير ويبدل مصيبتها بأخير منها ويأخذ لها بحقها من كل ظالم..


الله يستر علينا وعلى جميع المسلمات ويحفظ أعراضنا وأعراضهم




من جد خفت :eek:

بلقيس اليمن
05/02/2003, 02:34 AM
لاحول ولاقوة الا بالله العلي العظيم الله يصبرها ويستر عليها

ويستر علينا وعلى كل بنات المسلمين

نور العاشقين
05/02/2003, 04:32 AM
:(

الله يستر علينا وعلى جميع المؤمنين والمؤمنات

توته الصغيرونة
05/02/2003, 05:53 AM
اعووذ بالله من الشيطان .. جاني اكتئاب والله :confused:

مهروووووه
05/02/2003, 06:38 AM
فديتها هاي المسكينه اتاريها من عندنا..
الله يستر على جميع بنات المسلمين..
والله خوفتوني:confused:





شكلي بنقبر في بيت ابوي..
وبقاطع الكفتيريا اللي اطلب منها لان اللي فيها هنود:p

لا ويقول لي يوم ادق ابى اطلب شخبارك
:confused: اكرهه هالهندي...

والسموحه
اختكم مهرووووووووووووووه;)

بنت الفجيرة
05/02/2003, 02:36 PM
:mad::mad:


:mad:

:mad:





حسبنا الله و نعم الوكيل و لا حول و لا قوة الا بالله

شوق العيوووون
05/02/2003, 08:18 PM
كل هذا وطالبين الستر وين خوفهم على عرض بنات ديرتهم

الله يستر علينا وعلى المؤمنين والمؤمنات

ربي يكون في عون هالمسكينه ويصبر اهلها والله ينتقم من هالوحش

بنت السعودية
05/02/2003, 10:52 PM
[ALIGN=center]

اختي العزيزة غزلان ..

لو كانت هذي السالفة حقيقة ترا مصيبة واي احد يسكت على هالوضع

شيطان اخرس اليوم بنت راح شرفها بكرة ثنتين وثلاث الله لايقوله

والي اعرفه ان كلياتكم مافيها اختلاط يعني بس كلية بنات

تقدرين تقولين لي ليه العاملين رجال ..والمدرسين رجال؟؟

وايش الفايدة ..حصل الاختلاط ..

والا تعتبرون الانجليز والهنود مو رجال؟؟:mad:

يا اهل الخير شرف البنات مو هين..والمفروض من المسؤولين يغيرون هالنظام..

وبالنسبة للمدرسين الحل الافضل انهم يعطون دروسهم عند طريق الشبكة التلفزيونية..

وان كان التطبيق لا بد عملي استبدلوهم باستاذات اضمن لكم..

كلامي هذا من خوف وحرص على جميع بنات المسلمين

والله يشهد وش كثر هالسالفة ازعجتني والمتني..:confused:

فالي ما احب ان يصير لي مااحب انه يصير لاي وحدة من بنات جنسي

وحفظ الله الجميع..

تحياتي ام خالد

غزلان
06/02/2003, 12:33 AM
حبيبتي ام خالد هذي الكليه موجوده في الإمارات ولها عدة افرع في الدوله
زين واللي فيها مدرسين اجانب وهنود ومدرسات بعد اجنبيات


وهذا مب بس في كليات التقنيه لا حتى جامعات الدوله كلها فيها دكاتره واساتذه عادي يشرحون للطالبات وجه لوجه


وهذا يا حبيبتي توضيح لج عشان النظام اللي في الإمارات مب نفس النظام اللي في السعوديه


وعلى فكره عندنا في الإمارات فرع لجامعه الإمام محمد بن سعود الدكتور يشرح للطلبه وينقل للطالبات عبر التلفزيونون وبنهم مايك للنقاش

والله يستر علينا وعلى اخواتنا المسلمات

شمايل22
06/02/2003, 12:45 AM
استغفر الله وصلت الجرأة حتى في الحرم الجامعي :mad:
اللهم استر نساء المسلمين

الدلوعة دلال
06/02/2003, 12:28 PM
بصراحة اذا السالفة صج فمصيييييييييييبة
واي مصييييبة
بس انا ما فهمت اشلون يسمحون للابو و الاخو دخول الكلية يعني انا اعرف ان الدخول ممنوع للما عندهم البطاقات (الطالبات المدرسين والعمال) ولاهم صحيح الكلية كبيرة بش الاصوات تنسمع يعني صراخ ومقاومة الكل بيسع
وموضوع ثاني كييف هال الهندي سوا سواته وبغى يشرد ترى قوم التكنشن معروفين وكل واحد يدخل كلاس يصلح كومبيوتر بينكتب هذا في التقرير وبعدين بيبان انه هو الي كان مع البنية

ولاهم كيف البنت سارت تطلب مساعدة بروحها
ترى يوم نبي حد او مساعدة نسير في مع ربيعاتنا

وليش ما كانت تشتغل في المكتبة يعني مكان مضمون

انا مو قصدي اقول ان كلامج مب صج بس يمكن السالفة مب جذي وحرام نتكلم عن بنات الناس من غير سبب (حتى لو في سبب ) المفروض نستر على بنات الناس
والحين انتي صج ما سميتي البنت


بس الي صار ان كل بنات التقنيه صارو في دائرة الشك


بس اتفق معاج انه الي يدخل كلاسات البنات لازم يدخلون مع السكيوريتي


مع اني مب في الكلية (في جامعة زايد)
بس النظام نفسه

وعشان جذي حسيت القصة مب كاملة

يمكن تكون البنية وهي ما شية تخرطفت وطاحت وقاعدة في البيت زعلانة عشان بتروح عليها السمستر

او اي شي ثاني


مع فائق احترمي

Taamy74
06/02/2003, 12:55 PM
أختي غزلان تتذكرين البنت اللى أعتدوا عليها في الشارقة وصار بعدها تغير نظام مواعيد الدراسة بحيث ان البنات دوامهم صار بعد الطلاب بساعة طبعا هذا كان بعد الأحتجاجات اللي صارت والمقالات اللي انكتبت في الجرايد.. على هذا الاساس لازم م تنتشر السالفة اكثر من محيط النت .. والله يعطيك العافية..