المساعد الشخصي الرقمي

مشاهدة النسخة كاملة : مشورع مفيد و هايدخلك ربح



kokey
06/08/2006, 09:15 PM
اخواتى ايه رايكم فى مشروع حلو اكيد كلنا عندنا ملابس قديمة و طبعا احنا استعملنا لملابسنا يكون استعمال جيد فايه رايكم لو نعمل مشروع مع بعض نلم فيه الملابس و الاحذية و الطرح و كل شىء حاسين ان احنا مش هانلبسه تانى وننظفه و نبيعه بسعر اقل و كاننا هانعمل سوق للمستعمل بس الاشياء التى تكون استعمالها جيد و بهذه الفكرة هانقدر نكسب مال بدل ما لبسنا مركون فى الدواليب و فى نفس الوقت ناس غيرنا ممكن تلبس كويس باسعالر قليلة
الى تحب تساعدنى تفكر معايا ازاى ممكن نعمل هذا المشروع على فكرة انا اختكم شيرين من مصر و انا مهندسة ديكور

fankash
06/08/2006, 09:20 PM
هى الفكرة حلوة
وانا كمان من مصر
بس يترى كان ليكى تجربة قبل كدة
وان شاء الله اكون معاكى

kokey
06/08/2006, 10:51 PM
و الله دى اول تجربة ليا و نفسى تنجح بس عاوزة اخواتى و اصدقائى فى المنتدى يساعدونى حتى نستطيع تنفيذ هذه الفكرة

fankash
07/08/2006, 01:45 AM
انا فى انتظارك
وان شاء الله يكون تعاون خير

أسيرة القمر
07/08/2006, 04:29 AM
هذا المشروووووووع عندنا في السعوديه فاااااااااااااااشل

أسيرة القمر
07/08/2006, 04:29 AM
هذا المشروووووووع عندنا في السعوديه فاااااااااااااااشل

kokey
07/08/2006, 04:52 PM
[ALIGN=center] الى اختى اسيرة القمر شكرا على تشجيعك لى على العموم انتى جيبتى ليا نوع من الاحباط ربنا يسامحك

kokey
07/08/2006, 04:53 PM
[ALIGN=center] الى اختى اسيرة القمر شكرا على تشجيعك لى على العموم انتى جيبتى ليا نوع من الاحباط ربنا يسامحك

fankash
07/08/2006, 07:29 PM
لااااااااااااااااااااا يا شرين
اللى عايز ينجح ميحطش كلام غيره فى دماغه
انتى بدام ناوية تنجحى ان شاء الله هتنجحى
ومش لازم اللى يفشل فى السعودية يفشل فى مصر
والدليل
مثلا بيكون فى محلين بيبعوا نفس البضائع
احدهم يكسب والاخر يخسر
دى بتكون حاجة من عند ربنا وتوفيق منه
استمرى
وربنا يوفقك ان شاء الله

@ قطعة سكر @
08/08/2006, 03:41 AM
انا مع كلام fankash

مش ضروري مشروع ما نجح في مكان نقول لا خلاص ما راح ينجح في مكان ثاني

توكلي على الله اختي شيرين

وربنا يوفقك

.white Rose.
08/08/2006, 12:32 PM
قبل ما تبدأين المشروع
اسالي كل اللي حولك من اهل وصديقات وزميلات
هل ممكن انهم بيلبسو ملابس مستعملة
وجوووفي شنو اجاباتهم

إذا قالو (نعم) توكلي على الله
واذا قالو (لا) نصيحيتي تفكرين في مشروع غيره

واتمنى ما تزعلين من رايي

fankash
08/08/2006, 10:47 PM
رئيك صح ياويت روز
بس المشروع مش معمول لصديقتها بس
انا اتمنى ان المشروع ده بالذات بدام هيكون باسعار قليلة اكيد لازم يكون لطبقة معينة وهى الطبقة اللى نتقدرش تدفع فى اللبس ب 800 و 1000ج

فنفوشة
08/08/2006, 11:11 PM
انا جاهزة مستعدة انضمن لكم

fankash
10/08/2006, 03:34 AM
المستعدين كتير اهم ياشرين
انتى فين ردك وتعليقك؟؟؟؟؟؟؟

البسم
10/08/2006, 03:49 AM
بالعكس المشروعه فكرة مرة حلووووه

البسم
10/08/2006, 04:09 AM
بالعكس المشروعه فكرة مرة حلووووه

kokey
10/08/2006, 09:09 AM
[ALIGN=center] اخواتى الحلوين شجعتونى كتير و عطتونى الثقة فى مشروعى و طالما كلنا متفقين على المشروع يبقى نبدأ مع بعض كل واحد فينا يجمع لبسه القديم و يجمع فى ورقى رمز لكل قطعة و السعر المطلوب فيها و طبعا السعر هايكون مش عالى لان مثل ما اختنا fankash قالت البس ده هايتباع لطبقة معينة بس عاوزة منكم افكار نعملها علشان نقدر نجمع اللبس و بندا عرضه و افكار لكيفية عرض هذه الملابس و فين يتم عرضها كل واحدة تقول فكرة و احسن فكرة نتفق عليها نعملها علشان يبقى مشروعنا كلنا و نستفيد مع بعض
على فكرة انا حبيت اعمل هذا المشروع لان واحد من الاسباب انى عاوزة اغير نظام لبسى و اتجه الى العباءات و انا كنت بالبس تاييرات و بنطلونات و فى الشتاء بروفرات على بنطلون و عاوزة اعمل هذا المشروع علشان ممكن حد مايقدرش يجيب لبس غالى اهو يلبس مثلنا لبس كويس بسعر قليل و احنا كل واحد فينا يكمل على المبلغ الى هايطلع من ثمن ملابسه و يشترى البس الى يحبه

معايا و ساعدونى و شجعونى و اقلولى نبدأ ازاى
على فكرة انا جتلى رسالة على الخاص من امريكا و فى اخت لينا مشجعة المشروع جدا و بتقول ان عندها لبس كتير مستعمل و كذلك فساتين سواريه لم تلبس الا مرة واحدة
فايه رايكم
حبيبتكم و اختكم شيرين

M!SS Cavalli
10/08/2006, 09:28 AM
هلا وغلا اختي شرين

لاتتحبطين لان المشروع فاشل في الخليج لانهم ماليلبسون ملابس مستعمله مافي امل

بس البلدان الثانيه عليها اقبال

احنى بالخليج بس فساتين السهرات يمكن تشترى لكن الملابس العاديه لا

بس في مصر انا شفت عندكم وااااااااااااااااااايد وسوريا
بالتـــــــــــــــــــــ ـــــــــــــــوفيق

hamida
10/08/2006, 05:26 PM
بسم الله الرحمان الرحيم
اختي مشروعك فكره جميله وليست جديده ففي جميع انحاء العالم موجوده حتى في امريكا تجدي محلات ضخمه تبيع كل شي مستعمل وعليها اقبال شديد وحتى انكي تجدي جميع الأمريكيات الغنيه وعندها قصر وسياره فخمه وعندها المال الكثيروغير محتاجه تجلس امام بيتها وتبيع اي شي تملكه ولكن استغنت عنه ولا تريد ان تستعمله حتى الملابس الأحذيه لعب اولادها وملابسهم ادوات كهربائيه ومنزليه واثاث وبسعرزهيد جدا جدا لا يذكر ولا يجوزلها ذلك الا بترخيص حكومي ولمدة يومين فقط وهذا شئ يعجني واعتقد انه من شكر للنعم فالفكره الهدف منها عدم رمي الملابس المستعمله في المهملات وقد تكون في حاله ممتازه او حتى عليها النمره وهذا شرعا حرام وفي ناس محتاجين بغض النظر في اي بلد
اختي انا معكي وكنت فعلا محتاجه لمثلك من زمان وربنا يوفق الجميع لما يحب ويرضى

fankash
11/08/2006, 12:54 AM
طيب واله كويس ياجماعة الفكرة عليها اقبال
بس ياريت حد يفكر
احنا كل واحدة فينا فى بلد
ازاى نجمع الهدوم فى مكان واحد

موري2
11/08/2006, 02:33 AM
يبقي لازم كل واحدة عندها ملابس عايزة تبيعها تعرض صورها و اللي عايزة تشتري تراسل صاحبت الصور على الخاص
بس يا ترا الناس اللي هتشتري ملابس رخيصه مثلا زينا كدة في مصر انا مثلا عايزة اشتري ملابس و يكون سعرها حلو اروح ادفع ادها مرتين جمارك
ولا ايه رايك لان ممكن مثلا فستان عجبنى و من برا مصر
قولولي ايكم ايه ؟

حلومه^^
11/08/2006, 02:53 AM
آنا رايي من راي إختي pink-pixy ..
ما اعتقد في احد يشتري ملابس مستعمله.. الا اذا كانت ملابس سهره..
اقولج على شي اذا عندج ملابس سهره اجريها وبتربحين منها.. خصوصا اذا كان فستان عرس أو خطوبه...

وبالتوفيق انشالله:salam:

kokey
11/08/2006, 01:04 PM
اخواتى انا شايفة ان طالما المشروع عليه اقبال يبقى نعمل مشروع باسمنا كلنا و نجمع الملابس فى مكان واحد و انا احبز ان المكان ده يكون فى محافظة القاهرة نفسها لانى متاكدة ان هناك مشروعنا هاينجح و نختار عضوة من القاهرة نفسها تبقى مسؤلة على المشروع ونشحن كل ملابسنا فى مكان واحد

أسماء زكي الدين
11/08/2006, 02:56 PM
المشوع ممكن ينجح في مصر بشكل ممتاذ لأن عندنا غلابة كتير وليهم نفس برضه لكن في بلاد كتيرة ما ينفعش فيها زي السعودية والإمارات ودول الخليج عموما

حبيبتي توكلي على الله .. انا مصرية لكني مش في مصر .. أنا مقيمة في إسلام آباد ...

kokey
11/08/2006, 07:03 PM
اخواتى الموضوع بدأ يكبر معانا و بدأنا نتحمس عاوزين نفكر ازاى نجمع الملابس و فين
على فكرة انا غيرت اسم المستخدم الخاص بى من شيرين الى كوكى علشان تعرفى تبعتوا ردكم لميين
مستنية ارائكم و تشجيعكم
اختكم شيرين

kokey
11/08/2006, 07:25 PM
اخواتى الموضوع بدأ يكبر معانا و بدأنا نتحمس عاوزين نفكر ازاى نجمع الملابس و فين
على فكرة انا غيرت اسم المستخدم الخاص بى من شيرين الى كوكى علشان تعرفى تبعتوا ردكم لميين
مستنية ارائكم و تشجيعكم
اختكم شيرين

عيون_الورد
11/08/2006, 11:24 PM
حلوو المشروع تعرفون ليش

مثلا انا اشتري تي شيرت والبسه مره مرتين وخلاص اركنه في الدولاب خخخ
ولا اشتري تي شيرت البسه مره وحده لانه ما يناسبني

الجنط والاكسسورات

kokey
15/08/2006, 09:35 PM
فين اخواتى و اصدقائى غيبتوا عليا ليه انا مستنياكم ومستنية افكاركم

حكاية روح عاشقة
24/10/2007, 02:04 AM
شرين فكرتك اكتر من رائعة وفعلا موجودة في مصر بشكل كبير انا بشوف ناس بتبيع لبس مستعمل في شارع 26يوليو في وسط البلد وكمان شارع طلعت حرب بس تعرفوا لو اتنين مننا اتفقوا يفتحوا محل ونجمع اللبس ده ونيعه بجد هنقدر نحقق ربح مادى كبير
لانى اللبس ده بيكون عليه اقبال شديد من طبقة معينة خصوصا بقي اللبس المستورد من الخليج زى ماقالت اختنا عيون الورد بتلبس التى شيرت مرة وا 2 بالكتير ف اللبس يعتبر جديد بحالته وده هيكون عليه اقبال اكتر واكتر
انا هشترك معاكوا الموضوع عجبنى اوى اوى
اختكم اميرة

مناليزا
24/10/2007, 04:26 PM
المشرووع ان شاء الله ينجح لأنه اتعمل في مصر قبل كدة كتيير و نجح
بس انا رأيي اننا نبدأ بالناس الي في مصر و لمّا الموضوع يمشي نبدأ نخلّي الناس اللي من برّا مصر يبعتولنا

مناليزا
24/10/2007, 04:30 PM
ايه رأيك يا كوكي نبيع اللبس ده للمحلات اللي في شارع 26 يوليو زي ما قالت اختي حكاية روح
و همّه يزودّوا على سعره أو لأ همّه حرّيين و يبيعوه بمعرفتهم

بس عايزيين حد يتبرع و يروح يسألهم يرضو أصحاب المحلات دي يشترو مننا
و بعد كدة كل وحدة من كل محافظة تبعت في السوبر جت لمندوبه معينة في القاهرة و المندوبه دي تروح تبيعو لأصحاب المحلات و تبعت الفلوس تاني لأصحاب اللبس بطريقة معينة يتفقوا عليها

اييه رأيكم؟؟؟

انا حلوة
26/10/2007, 08:01 AM
السلام عليكم

بالتوفيق حبيباتي في مشروعكم

و اللبس المستعمل له ناس يشترونه في كل مكان

و كنت مشرفه على معرض من المعارض الخيرية في قطر و كان هناك قسم خاص للمستعمل و فعلا لم يستمر طويلا حتى فرغ اكثر من 90% من المعروضات

و كان هناك معرض خيري ايضا يختص بكل ما هو مستعمل و ايضا كان الاقبال راااااائع و الناس فرحانيين و هالمشروعين في " قطر "

خططوا للمشروع بشكل مناسب و صحيح و اختاروا المكان بدقة و توكلوا على الله

من أهداف المشروع التي تتعدى الربح المادي للبائع .... :
ادخال الفرح و السرور للمحتاجين من ذوي الدخل المحدود ....<<< الا يذكرك بقول الرسول عليه الصلاة و السلام " احب الاعمال الى الله سرور ادخلته على بيت مسلم او قلب مسلم " ؟؟؟؟؟


بالتوفيق

JOODY-HH
27/10/2007, 11:39 AM
طيب ليه ماتتبرعين فيها للفقراء احسن

مناليزا
31/10/2007, 02:51 AM
ايه يا كوكي و يا بنات يا متحمسيين؟؟؟!!!!!!

المشرووع مات و هو في المهد ؟؟؟

ياريت يبقى في حماس اكتر :(

زهرة نور
07/04/2009, 09:24 PM
هل نفذتي الفكرة وهل نجحت ام لا
ارجو الرد لان نسي كنت اعمل كده بحجم اكبر....
زهرة نور

جنوني0000
09/04/2009, 04:28 AM
مووووفقة حبيبتي واهم شي حددي اهداف للمشروع
وامشي عليها مع الاتكال على الله
وعلى نياتكم ترزقون وفي ناس كثير بالسعودية
يبيعون كمان الاثاث والاجهزة
الله يوفقك ياقمر

rababroby
09/07/2009, 03:44 PM
السلام عليكم شيرين عارفه ان الموضوع مكتوب من سنتين مثلا بس حابه اعرف وصلتى لايه لآنى بفكر فى نفس المشروع وياريت تكونى بتفتحى وتقرى رسالتى