المساعد الشخصي الرقمي

مشاهدة النسخة كاملة : السفر بدون ونااااسه وضحك مايسوى .....



سحر2005
05/08/2006, 02:41 AM
هلااااااااااا حبوبات كل انسان طبعا يواجه مواقف كثيره في سفره ابي من كل وحده تقو ل لنا اطرف المواقف الي صارت لها في سفرتها والمواقف المضحكه:dd: :dd: :dd: انا راح اقول موااااااقفي اذا شجعتوني ولقيت اقبال من البنات الحلوات يالله نبدا ء
يالله عاااااااد شجعوني :clap: :clap: :clap: :clap: :clap: :clap: :clap: :clap: :clap:

فتاة الجبال
05/08/2006, 09:54 AM
يلااااااا ياعسل قولي وانا بعدك

سحر2005
05/08/2006, 02:00 PM
هذا مره ياطويلات العمر كنت في تركيا طبعا والغطاء هناك مستغرب عندهم وكنت في متحف ايا صوفيا وكان بالصدفه لرحله مدرسيه لاطفال تقريبا بالصف الاول والثاني والثالث وكنت طالع للدور الثاني وكان مكان يشبه الكهف ومظلم شويه هههههه بعدين الله لايوريكم من يوم مااشافوني والا هاااااات ياصراخ وكل وحاد منهم يمسك ببلوزه زميله من الخوف بصرررررررراحه انا تفشلت كل هذا خافو مني لاني لابسه نقاب واسود في اسود بس بجد موقف مضحك ههههههههههههههههه انا قلت حشا يحسبوني هههههه شبح طالع لهم من الكهف والله تميت طول اليووووم اضحك انا وزوجي هههههههههههه صدق عجايب

يالله ياويل الي تدخل ماتكتب تعليق انا اوريكم هههه امزح
يالله عاد

بنوووتة فتفوووتة
05/08/2006, 03:00 PM
هههههههههههههههه انا صار لي مثل موقفك اختي سحر2005 لكن الفرق اني كنت في ماليزيا ومروا جنبي شلة شباب مو عرب .. قاموا يعايروني (نينجااااااااا) عشان نقابي :)

سحر2005
05/08/2006, 03:26 PM
ههههههههههههههههههههههههه ههههههههههههههههههههههههه هههههههههههههههههههه

سحر2005
06/08/2006, 01:06 AM
والله زعلتووووووووووني 30 قراء ولا رد ماهقيتها منكم حبيايبي

فتاة الجبال
06/08/2006, 11:14 AM
مره كنت تعبانه حيل ورحت اتمشى في الغردقة وأختي عطتني مفتاح غرفة النوم في العصر

ومارجعت من التمشية الا الساعة 1 في الليل يعني مره تعبانه وطلبت مني المفتاح قلت لهامو عندي والمشكلة دورت المفتاح في شنطتي وقلت لها مالقيته وجلسنا بره ساعه كاملة واسمعي التعليقات وين راح المفتاح ونادينا صاحب الفندق يفتح لنا طلع المفتاح عنده خربان وانقهرنا حاولوا لين لقيوا المفتاح ودخلنا وشويه فتحت شنطتي لقيت المفتاح قدامي ومت ضحك واختي نفسها تقتلني ههههههههههههههه وبدانا بالضحك من جد موقف حلو ومضحك

سحر2005
06/08/2006, 02:01 PM
هههههههههههههههههه صدق تعب السفرررررر غير
الله يوفقك فتاة انك رديتي علي

سحر2005
07/08/2006, 05:00 PM
واله يااااااااحلوات انكم زعلتوني اللي تدخل تكتب لو تعليق بسيط

مشتاقة لقطر
12/08/2006, 11:37 AM
انا باقول ..

لج

رحت لندن قبل اسبوعين تقريبا ..

ويوم كنا نتسوق .. انا واخوي اختي تعبت قعدت .. على كرسي من هذول اللي بالشوارع .. وقالت كملو ورجعو لي ..

بس رحنا .. واحنا مارين الجهة الثانية .. اشوف واحد شايب .. مع شنطته .. استغفر الله ربي العظيم .. من هذول اللي بدون بيوت يسمونهم مشردين .ز قاعد حذاها ..



بس

كملنا نتسوق انا واخوي ..

بس اخوي كلمها بالتلفون .. وقالها عبي الكرت مال الموقف مال السيارة .. عشان بنتاخر شوي ..

قامت عبت الكرت .. بفلوس لساعة ثانية .. وعودت نفس المكان ..


يوم رجعنا السيارة ..

مالها مزاج . ساكته سالناها ..

ما فيه شي ؟؟؟؟؟؟


المهم بعدين مع السوالف ..

قالت ما تدرون ..

يوم رجعت ..

من تعبئة الكرت ..

الا قام المشرد .. وصرخ على الكرسي من وراها ..

what`s matter of this girl ?? take around and come here ?? take arround and come here؟؟

(( بالعربي ))

((اشبلاها هذي البنت تاخذ لفة وترجع هنيه ..؟؟ وتاخذ لفو ثانية وترجع هنيه ؟؟ ))

ويصرخ باخر صوته على الكرسي .. وراح ؟.


بس هي تيبست مكانها ..

يوم قالت لنا السالفة متنا من الضحك .. عليها ..

هو حليله .. الظاهر مكان النوم ماله .. وهي تعدت عليه ..


او خاف الناس اذا شافوها حذاه .. يقولون انه هو معاها .. وما يعطونه مساعدة ؟؟


بس

بس صارت هالجملة .. كود .. بالبيت عشان نناديها .. ؟؟

واتس ماتر اف ذيس جيرل .. تيك اراوند اند كوم هير .. تيك اراوند اند كوم هير ..


ويعد باقول .. لكم موقف ثاني ..


في شهر 3 رحت تايلاند ..

ووخواتي ما يحبون الاماكن السياحية .. يحبون التسوق بس ..

المهم انا اصريت الا نروح شنغ ماي مالت الافيال .. والورد .. وهالسوالف ..

بس بصراحة توقيتنا للسفرة غلط .. مليون بالمية ..

قطر وبوظبي ابرد من تايلاند شهر 3 ..

متنا حر ..

عاد مشوارنا كان .. الصبح ..

المهم خذنا في ذاك اليوم .. لفة ... من استعراض الثعابين .. واستعراض القرود بمكان ثاني ... وحديقة الاوركيد او الورد . بمكان ثالث ..

واخر شي رحنا .. مكان الافيال .. ابي اصور هناك .. <<<<<< الاخت تموووووت على التصوير ..

بس يوم جينا واصلة الساعة 12 الظهر ..

والشعب اللي معاي .. اللي هم 2 خواتي .. واخوي .. وريلي .. ميتيتن من التعب ..

وقاعدين على الكراسي ..
وانا النشيطة ادور وافتر مع المرشدة وتشرح لي ..


بس .. اقول لهم تعالو شوفوهم يسبحون الافيال .. وانا احب اشوف اشيا غريبة ..

قالو لي ..

عندنا حديقة الحيوان بقطر .. قريب ما اقرب منها غير الله ..
يابتنا اخر الدنيا تدخلينا اياها ..

مت من الضحك ..


بس اللي يضحك ..

انهم كانو نا ويين يتسووقون بعد ما نخلص ..

بس بطلو بعد هالرحلة السياحية .. اللي كلش ما امتعتهم ..

قالو ما نبي نشوف الاستعراض اللي بيسوونه .. ولا نبي نركب .. على ظهورهم ..

وصرخت اختي نفسها يالله بنروح .. دبلتي كبودنا بهالحر .. قلت زين . وخبرت المرشدة انا نبي نرجع ..

وبس اول ما اقامو كلهم .. اختي قبل الاخير .. وانا اخر وحدة ..

وهي مغمضة عين .. ومفتحة عين .. وهي تمشي ..

الا تضرب في لوحة فيها سهم لتحديد الاتجاه ..

وصرخت ذيك الصرخة اللي ما بعدها صرخة ..

بس الحمدالله ما جات بعينها .. في جبهتها فلعة بسيطة ..

تقول عقب.. يوم تقول السالفة .. صرت اشوف .. افيال تدور حول راسي ..

مو عصافير .. مثل اللي بتوم جيري .. لا صدم شي ..


وكل ما قالت السالفة امووووووووت عليها من الضحك ..


ورجعنا معاها تذكار الفلعة .. الصغير ة ..


وبس .. مواقف وايد ..


باخبركم يوم اتذكر ..


يالله همتكم بنات ..

ونسونا ..

سحر2005
12/08/2006, 03:54 PM
حبيبتي والله مشتاقه لقطر واخيرا احد تحرك
الله يعطيك الففففففففففففففففففففففف ففففففففففففففففففففففففف ففففففففففففففففففففففففف ففف
عاااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااافيه
والله يخلي ايامك كلها ضحك في ضحك
يارب

سحر2005
12/08/2006, 09:17 PM
معقوووووووووووووووووووووو ووووووووووووووووووووووووو ل بنات مافي مشاركات ليه الموضوع ماعجبكم!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!

omrawan
13/08/2006, 01:50 AM
انا نفس الموقف سار معاية في تركيا في انطاليا عاد مافي سياح عرب إلا نادرا
عاد اول سنة رحنا بحجابنا الأسود كان معانا صاحب زوجي وزوجته راحو رجالنا يسبحون في البحر قدامنا ورحنا بعدهم عشان معانا اطفالنا تأخرنا عليهم شوية المهم واحنا مقبلين على الشاطي إلا بنت صغيرة عمرها يمكن خمسه سنوات بس شافتنا وهاك صياح خلت الناس كلها تطالع فينا هم من غير يطالعون فينا المشكله امها وابوها كانو في البحر واحترنا نجي البحر او نرجع كانت مررررة خايفة وتصايح والخلق يطالعون بس صراحة شي يضحك بعدين صرت ما اروح تركيا إلا بحجاب بيج نفس الحجاب اللي البسة بس الفرق في اللون

سحر2005
13/08/2006, 02:03 AM
ههههههههههه صح والله

عيون
13/08/2006, 02:48 PM
هلا اختي سحر ....مشكورة على هالفكرة الحلوة
واحنا بمصر قلت لزوجي خاطري نروح للنيل نتمشى شوي ...ورحنا شوي الا يتنا بنت تبيع ورد عمرها يمكن 14 سنةوتتوسل لنا وتدعي لنا علشان نشتري منها ..والنبي تشتروا مني والنبي ان شاء الله تتجوزو بعض (على بالها مخطوبين تونا ولا حبايب نتقابل عالنيل ههه)....والي خلاني انفجر من الضحك انها قالت لزوجي اشتري مني ان شاء الله يطلعلك شعر يارب هو زوجي شعره شفاف من قدام ههههههههههه ماقدرت امسك نفسي اشترينا منها الور د وراحت تركض كن البلدية جت وزوجي عصب وحرم ينزل من غير ما يلبس كاب هههههههه وانا ميتة ضحك .ورحعنا الفندق على طول

سحر2005
13/08/2006, 03:36 PM
حبيبتي عيووووووون الله يعطيك الفففففف عافيه فعلا مصر اللي ينزل فيهاااااا لازم وغصب يضحك ذكرتيني انا مره بنت عمرهاكذا 9 سنين جايه تشحذ بخان الخليلي خلت زوجي يناااااااااااقز ههههههههههههههههههههههههه هههههههه وانا ميته من الضحك
ليييييييش








قاعد البنت تغدغه وتقرصه مع جوانبه عشان يضحك ويعطيها النصيب وانا فاطسه عليم من الضحك ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههه والله موقف ماراح انساه عندهم اساليب في الشحاذه غرررررررررررررريب وشكرا حبيباتي


فتفوته
فتاة الجبال
ام روان
مشتاقه لقطر
عيون
على تفاعلكم معي الله يعطيكم الفففففففففففففففففف عافيه

عذب القوافي
14/08/2006, 09:35 AM
خوووووش موضوع

عذب القوافي
14/08/2006, 09:36 AM
خوووووش موضوع:clap:

سحر2005
14/08/2006, 04:46 PM
يالله عاااااااااااااااااااااااا ااااااااااد نبي مشاركات

سحر2005
15/08/2006, 03:26 PM
ووووووووووووووووووووووووو ووووووووووووووووووووووووو وووين الحلوات

ღ رآقيهـ ღ‏
15/08/2006, 06:17 PM
عيون

صراحة كله كوم وموقف زوجك كوم ضحكني من الخاطر وأنا متضايقة خخخخخخخخخخخ

تدرين زوجي نفس زوجك شعره من قدام خفيف وامبينه شوي البلاوي بس لو صارله ها الموقف أتوقع بيكفخها وانا بموت ضحك
ههههههههههه

شجعتوني اروح مصر شكلها وناسه

سحر2005
15/08/2006, 07:02 PM
ههههههههههههههههههههههههه هههههههه
صدق اللي بخاطره يضحك يروووووووووح مصر

رشة مطر
16/08/2006, 12:29 AM
بلندن طلعنا من الفندق نبي تكسي لا باركت فيهم جان ارفع ايدي اليمين واطق اصبع اناديه

ما وعيت اللا هلي يايني تقول دب اشكبره ويه حمر وشعره ابيض ونركب التكسي مع الاهل

والله يا خواتي اهو حرك السياره قام يحذف فينا يمين ويسار اللي فطسنا اني رقعت راسي

براس اللي يمي حتى قلناله ينزلنا خذا الفلوس بنقوله اخذ الباجي جان يحذفهم بوجيهنا

اثاري السبه انا ليش رفعت ايدي وناديته هذي الحركه تتسوا بس عزكم الله للكلاب عندهم

اي راسي للحين الفلعه تعورني.

سحر2005
16/08/2006, 02:57 AM
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههه
الله ياخذ ابليسك رشه مطر من جد ضحكيتي زين ماسوى فيكم حادث بسم الله عليكم كان قلب فليم هندي ههههههههههههههههههههههههه ههههههههههههههههههههههههه ههههههههههههههههه

رشة مطر
16/08/2006, 04:44 AM
حبيبتي والله تسلمين يعل انشا الله دوم هههههههههاي والموضوع وايد حلو

سحر2005
16/08/2006, 04:47 AM
ثانكس حبيبتي ؤشه كلك ذوووووووووووووووووووووووو ووووووووووووووووووووووووق ياعسل

ღ رآقيهـ ღ‏
16/08/2006, 08:09 AM
رشة مطر

زين جات على الفلع من الذبح ههههههههههههههههههههههههه هه

بسمات و ضحكات
30/08/2006, 01:49 AM
أنا راح اقول لكم عن موقف صار لنا في ماليزيا

كانت آخر ليلة في السفره كنا في جنتينغ نزلنا السوق واشترينا كستنه (أبو فروه)

ورجعنا الفندق قلت الى زوجي خلينا ناكل الكستنه قال لأ خليه ناكله بكره في الطائرة

وانا اقول لأ آكل هذا الحين وبكره تشتري غيره ماوافق المهم خليته وطلعنا يوم ثاني من الصبح

من جينتينغ الى كوالالمبور ثم المطار وانا حاطه كيس الكستن في حظني انتظر بس اركب الطائره

علشان آكله المهم وصلنا المطار الا تصير المفاجأه الطائره راحت كانت الساعه 2 الليل واحنا رحنا

المطار 2 الظهر و زوجي على طول عصب وانا ميته ضحك اقول لو خليتني آكل الكستنه البارحه

أحسن مُصر الا آكله في الطائره وهذي الطائره راحت عنا وبعدها رجعنا الفندق وانا طول الطريق

أضحك وزوجي معصب والتاكسي مستغرب :shy:

سحر2005
30/08/2006, 02:24 AM
بسمااات الله يعطيك العافيه حبيبتي فعلاااااا ه موقف حلووووووووووو زيك

الشرقيه حياتي
31/08/2006, 01:38 AM
ههههههههههههه خوش مواقف
انا والله للحين مذكر اي موقف ,, بس لما يخطر ببالي اي موقف بقول لكم ,,

سحر2005
31/08/2006, 01:54 AM
حياااااااااك حبيبتي الشرقيه نورتينا

عروس و بس
31/08/2006, 02:05 AM
هلا اختي سحر ....مشكورة على هالفكرة الحلوة
واحنا بمصر قلت لزوجي خاطري نروح للنيل نتمشى شوي ...ورحنا شوي الا يتنا بنت تبيع ورد عمرها يمكن 14 سنةوتتوسل لنا وتدعي لنا علشان نشتري منها ..والنبي تشتروا مني والنبي ان شاء الله تتجوزو بعض (على بالها مخطوبين تونا ولا حبايب نتقابل عالنيل ههه)....والي خلاني انفجر من الضحك انها قالت لزوجي اشتري مني ان شاء الله يطلعلك شعر يارب هو زوجي شعره شفاف من قدام ههههههههههه ماقدرت امسك نفسي اشترينا منها الور د وراحت تركض كن البلدية جت وزوجي عصب وحرم ينزل من غير ما يلبس كاب هههههههه وانا ميتة ضحك .ورحعنا الفندق على طول
هذي من جد تموت ضحك
يعطيك العافية

سحر2005
03/09/2006, 02:18 PM
جعل ايامكم كلها ضحك في ضحك ياااااااااااااااارب

وحدانيه
08/09/2006, 03:59 PM
مرحبا بنات الصراحه خوووش موضوع يعطيج العافيه ...


الموقف صار حق بنت عمتي وهي اخت زوجي في نفس الوقت .. السفره كانت مع زوجها وانا وزوجي يعني كنا 4
المهم كانت رحلتنا الى تايلند وفي مطار الدوحه تاخرت الرحله الى ساعه ونص تقريبا وبعدها طرنا بالسلامه الي بانكوك واحنا مضبطين السفره على ان نزل الى مطار بانكوك وننطر ساعه وبعدها ناخذ طياره ثانيه الى جزيرة بوكت على طول واللي صار ان تاخرت الطياره يعني على طول اول مانزلنا من الطياره صرنا نركض على الطياره الثانيه وطبعا الشباب اسرع منا في المشي هم اسبقونا عشان انلحق .. وانا وبنت عمتي ورااااهم متاخرين ونمشي بسرعه ... وفجأه االا بنت عمتي تزلق على الخفيف شبهه طيحه انا احسبها دار راسها ولا شي لان قاعدين 7ساعات في الطياره وانا هني مت عليها من الضحك ... وشوي وماسلمت وطاحت مره ثانيه طيحه عدله ريل جدام وريل وره انا مامسكت نفسي انفقعت عليها من الضحك وبالصدفه اخوها اللي هو زوجي التفت وشافها.. ولا وريلها بعد يبي يشوووف وين وصلنا في المشي وشاف طيحتها وتمينا نضحك عليها ... والاحراج ان في ناس توهم نازلين من الطياره ورانا وشافوها ...


اااااااااه يمكن ماتخيلون الموقف مثل ماهو بس لاني شفته ماقدر انساه

وبعد عندي لكم موقف ثاني .. برجع اقولكم ايه ان شاء الله بس بشوووف رايكم

ღ رآقيهـ ღ‏
08/09/2006, 04:03 PM
خخخخخخخخخ يحليلها و الله وتضحكون بعد

خخخخخخخخخخخ

اتخيل خطوه وطااااااااااااخ خطوه وطااااااااااااااااخ

وحدانيه
08/09/2006, 04:06 PM
هههههههاااي اي والله على طول اقولج ماسلمت توها واقفه من الطيحه الاولى الا تزلق مره ثانيه

سحر2005
08/09/2006, 04:13 PM
مرحبا بنات الصراحه خوووش موضوع يعطيج العافيه ...


الموقف صار حق بنت عمتي وهي اخت زوجي في نفس الوقت .. السفره كانت مع زوجها وانا وزوجي يعني كنا 4
المهم كانت رحلتنا الى تايلند وفي مطار الدوحه تاخرت الرحله الى ساعه ونص تقريبا وبعدها طرنا بالسلامه الي بانكوك واحنا مضبطين السفره على ان نزل الى مطار بانكوك وننطر ساعه وبعدها ناخذ طياره ثانيه الى جزيرة بوكت على طول واللي صار ان تاخرت الطياره يعني على طول اول مانزلنا من الطياره صرنا نركض على الطياره الثانيه وطبعا الشباب اسرع منا في المشي هم اسبقونا عشان انلحق .. وانا وبنت عمتي ورااااهم متاخرين ونمشي بسرعه ... وفجأه االا بنت عمتي تزلق على الخفيف شبهه طيحه انا احسبها دار راسها ولا شي لان قاعدين 7ساعات في الطياره وانا هني مت عليها من الضحك ... وشوي وماسلمت وطاحت مره ثانيه طيحه عدله ريل جدام وريل وره انا مامسكت نفسي انفقعت عليها من الضحك وبالصدفه اخوها اللي هو زوجي التفت وشافها.. ولا وريلها بعد يبي يشوووف وين وصلنا في المشي وشاف طيحتها وتمينا نضحك عليها ... والاحراج ان في ناس توهم نازلين من الطياره ورانا وشافوها ...


اااااااااه يمكن ماتخيلون الموقف مثل ماهو بس لاني شفته ماقدر انساه

وبعد عندي لكم موقف ثاني .. برجع اقولكم ايه ان شاء الله بس بشوووف رايكم


ههههههههههههههههههههههههه هههههههههه من جد من جد ضححححححححححححححكت من كل قلب ي الله يوفقك :clap: :clap: :clap: :clap: :clap: :clap: :clap: :clap: :clap: ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههه

وحدانيه
09/09/2006, 02:15 PM
وعندي لكم موقف ثاني في نفس السفره كنا رايحين رحله الى حديقة الزهور في شنغماي .. وكنا

نتمشى ونشوف الورود وانواعها.. وزوجي كان لاهي بالتصوير وانا اتمشى ..واخت زوجي وريلها كانو

جدامنا يتمشون في الممرات وفجأه وفي احد الممرات في نهايته سمعو صوت كلاب بوليسيه ..بس صوت ماشافوه بعد

اقولكم ركضوا ركيض اسرع من عدنان ولينا ماحسو بعمرهم من الخوف وهما ميتين من الضحك على عمرهم

ولحمدلله ان الكلاب حاطينهم في قفص ومربوطين ولا وحاطين لافته فيها (( احنا غير مسؤولين لو صار لكم اي شي ))

ههههههههههههههههههههههههه هههههههههههه صج كان موقف منساه

سحر2005
09/09/2006, 09:44 PM
وووووووووووحدانه من جد سفرررررررررتكم مغامرات خخخخخخخخخخخخخخخخخخخخخخخخ

وحدانيه
09/09/2006, 09:55 PM
ايه والله يا سحر 2005 مغامرات ...

سحر2005
09/09/2006, 10:06 PM
الله يهنيكم يارب بسفراتكم انا مره كنت شهر عسل في ماليزيا خخخخخخ ماقدر اكتب من الضحك الا ابو الشباب ناسي لايحط في شنطته حزام مع اني اناهمجهزه شنطته بس ما قالي انه طبعه يلبس حزام <<عروس جديد خخخخخخخخخخ المهم نزلنا ندور حزام على طول بنفس يووووووووووم وصولنا اا خخخخخخخخخخخخخخخخخخخخخخخخخ خخخ والبنطلون كل شوي الا وينزل خخخخ
وهو مسكين حالته حاله ماسكه ومره يعفطه وتقصر من تحت وهو طويل صاااااااار شكله يفطس من الضحك خخخخخخخخخخخخخخخخخخخخخخخخخ خخخخخخخ والله يابنات الا شوي وانسدح بالشارع من الضحك عليه


هههههههههههههههههههه
اشوووف ردودكم وراح احط مواقفي الكثيره يالله كل وحده تحط موقف عاااااااد

وحدانيه
09/09/2006, 10:27 PM
ههههههههههه صج مشاكل الصراحه الوحده ساعات تنسى اشياء مهمه من السرعه او من الشطه

سحر2005
10/09/2006, 03:45 PM
وحدانيه وكل البنااااااااااااااااااااا اااااااااااااااااات الف شكررررررررررررر على مروركم

وحدانيه
10/09/2006, 09:51 PM
العفو حاااضرين

مشتاقة لقطر
21/09/2006, 05:04 AM
ضكتوني .. والله .. كل موقف احلى من الثاني ..


الله يهنيكم يارب بسفراتكم انا مره كنت شهر عسل في ماليزيا خخخخخخ ماقدر اكتب من الضحك الا ابو الشباب ناسي لايحط في شنطته حزام مع اني اناهمجهزه شنطته بس ما قالي انه طبعه يلبس حزام <<عروس جديد خخخخخخخخخخ المهم نزلنا ندور حزام على طول بنفس يووووووووووم وصولنا اا خخخخخخخخخخخخخخخخخخخخخخخخخ خخخ والبنطلون كل شوي الا وينزل خخخخ
وهو مسكين حالته حاله ماسكه ومره يعفطه وتقصر من تحت وهو طويل صاااااااار شكله يفطس من الضحك خخخخخخخخخخخخخخخخخخخخخخخخخ خخخخخخخ والله يابنات الا شوي وانسدح بالشارع من الضحك عليه


هههههههههههههههههههه
اشوووف ردودكم وراح احط مواقفي الكثيره يالله كل وحده تحط موقف عاااااااد
ههههههههههههههههههههههههه ههههههههههههههههههههههههه هه


ههههههههههههههههههههههههه ههههههههههههههههههههههههه هه




ههههههههههههههههههههههههه ههههههههههههههههههههههههه هه

من قلب .. والله ..متخيلته .. والله لان ولدي تصير له هالحركة .. خخخخخخخخ


بللللللللللللللللللل اهو شعوره انه برستيجه اخترب من البداية .. جدامج ..


ههههههههههههههههههههههههه هههههههه والله ماني قادرة اكمل من الضحك ..


كملي كملي ياسحر .. شكلج عندج مواقف ولا احلى ..

احسج نفسي .. حق ضحك على طول .. وحلاتها لو معاي حد من خواتي ..



الا على طاري اللبس ..
ريلي واخوي كانو مسافري ن معانا تايلاند شهر 3 ..وخواتي ثنتين .. بعد ..

بس يوم بننتقل من بانكوك لشانغ ماي بالطيارة ..

ريلي كان اليوم اللي قبلها ما خذ له شورت .. ذكرني بهاي مال كورة القدم ..

المهم

انا محترة عليه .. ذاك اليوم .. بس

لبس ونزلت انا مع خواتي قبل ..

والا هو نازل بالشورت والفانيلة .. والدلاغ اللي قريب الركبة ..وجوتي رياضة . ابلفيت انه مطقم ..

بس مت من الضحك .. وخواتي يسكتوني .. وانا مافيه .. خخخخخخخخخخخخ .. ككككككككككك

المهم ..

كان يمشي جدامي ..
ومدري اشقال لي يبي يغيضني بغشمرة .. يتطنز علي ..

عاد عطيته كلمة .. تاريخية .. اخوي وخواتي لليوم يتذكرونها .

قلت له بس ناقصك كورة .. وتركض بالمطار .. خخخخخخخخخخخخخخخخخخخخ

ما شالله اللبس كامل ..مال الرياضة .. كله ولا الدلاغ اللي لين الركبة ..

فديته والله لو يدري بيذبحني بيقطع عني النت .... خخخخخخخخخخخ

UMMAHA
21/09/2006, 08:53 AM
مشتاقه القطر
وحدانيه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههه
ههههههههههههههههههههههههه ههههههه
ههههههههههههههههههههههههه هههههههههههههه
موتوني من الضحك عيوني صات تدمع من الضحك وزوجي نايم ويسمع ضحكي الله يستر لايصحى من النوووووم

UMMAHA
21/09/2006, 08:55 AM
:bigsmile: :bigsmile: :bigsmile: :bigsmile: :bigsmile: :bigsmile: مشتاقه القطر
وحدانيه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههه
ههههههههههههههههههههههههه ههههههه
ههههههههههههههههههههههههه هههههههههههههه
موتوني من الضحك عيوني صات تدمع من الضحك وزوجي نايم ويسمع ضحكي الله يستر لايصحى من النوووووم:dd: :dd: :dd: :dd: :dd: :dd: :dd: :dd: :dd: :handup:

ღ رآقيهـ ღ‏
21/09/2006, 12:56 PM
مشتاقة لقطر

وااااااااااااااااااي مو متخيلة كله صوب والدلاغ الي للركب صوب ههههههههههههههههههههههه


الله يعينك لو منك اصيح مو اضحك ههههههههههههههههههههههههه ه


موقفك حلو يا عسل

سحر2005
21/09/2006, 04:38 PM
يالله بنات عطووووووووونا مواقفكم عاااااااااااااااااااااااا اااااد

سحر2005
06/10/2006, 03:19 PM
يالله حبيباتي انتظررركم

بسمة طفلي
10/10/2006, 03:08 AM
مشكورا مواقفكم وايد حلوه

مو ناقصك الا كوره وتلب في المطار

مشتاقة لقطر موتيني من الضحك صدق موقف

بغدادية
10/10/2006, 04:08 AM
السلام عليكم
غاليتي سحر2005
بصراحة موقف رهيب متت من الضحك
مشكورة عيوني على هل الموضوع الحلو

كل القصص حلوة مشكورات خواتي
انا لو تذكرت شيء راح اكتبها لكم

تحياتي
بغدادية

سحر2005
10/10/2006, 02:17 PM
هلا واغلا باختلى انشاء الله تتذكرين مواقفك الحلوه وجعل حياتك دوووووم حلو في حلو

سحر2005
10/10/2006, 02:29 PM
ضكتوني .. والله .. كل موقف احلى من الثاني ..


ههههههههههههههههههههههههه ههههههههههههههههههههههههه هه


ههههههههههههههههههههههههه ههههههههههههههههههههههههه هه




ههههههههههههههههههههههههه ههههههههههههههههههههههههه هه

من قلب .. والله ..متخيلته .. والله لان ولدي تصير له هالحركة .. خخخخخخخخ


بللللللللللللللللللل اهو شعوره انه برستيجه اخترب من البداية .. جدامج ..


ههههههههههههههههههههههههه هههههههه والله ماني قادرة اكمل من الضحك ..


كملي كملي ياسحر .. شكلج عندج مواقف ولا احلى ..

احسج نفسي .. حق ضحك على طول .. وحلاتها لو معاي حد من خواتي ..



الا على طاري اللبس ..
ريلي واخوي كانو مسافري ن معانا تايلاند شهر 3 ..وخواتي ثنتين .. بعد ..

بس يوم بننتقل من بانكوك لشانغ ماي بالطيارة ..

ريلي كان اليوم اللي قبلها ما خذ له شورت .. ذكرني بهاي مال كورة القدم ..

المهم

انا محترة عليه .. ذاك اليوم .. بس

لبس ونزلت انا مع خواتي قبل ..

والا هو نازل بالشورت والفانيلة .. والدلاغ اللي قريب الركبة ..وجوتي رياضة . ابلفيت انه مطقم ..

بس مت من الضحك .. وخواتي يسكتوني .. وانا مافيه .. خخخخخخخخخخخخ .. ككككككككككك

المهم ..

كان يمشي جدامي ..
ومدري اشقال لي يبي يغيضني بغشمرة .. يتطنز علي ..

عاد عطيته كلمة .. تاريخية .. اخوي وخواتي لليوم يتذكرونها .

قلت له بس ناقصك كورة .. وتركض بالمطار .. خخخخخخخخخخخخخخخخخخخخ

ما شالله اللبس كامل ..مال الرياضة .. كله ولا الدلاغ اللي لين الركبة ..

فديته والله لو يدري بيذبحني بيقطع عني النت .... خخخخخخخخخخخ
ههههههههههههه اما لعب الكوره بالمطار ههههههه شي
الله يخليكم لبعض ويخلي حياتك كله ضحححك بضحك يارب نورتي المووووضوع عيوني

مشتاقة لقطر
14/10/2006, 06:17 AM
:bigsmile: :bigsmile: :bigsmile: :bigsmile: :bigsmile: :bigsmile: مشتاقه القطر
وحدانيه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههه
ههههههههههههههههههههههههه ههههههه
ههههههههههههههههههههههههه هههههههههههههه
موتوني من الضحك عيوني صات تدمع من الضحك وزوجي نايم ويسمع ضحكي الله يستر لايصحى من النوووووم:dd: :dd: :dd: :dd: :dd: :dd: :dd: :dd: :dd: :handup:


مشتاقة لقطر

وااااااااااااااااااي مو متخيلة كله صوب والدلاغ الي للركب صوب ههههههههههههههههههههههه


الله يعينك لو منك اصيح مو اضحك ههههههههههههههههههههههههه ه


موقفك حلو يا عسل


مشكورا مواقفكم وايد حلوه

مو ناقصك الا كوره وتلب في المطار

مشتاقة لقطر موتيني من الضحك صدق موقف


ههههههههههههه اما لعب الكوره بالمطار ههههههه شي
الله يخليكم لبعض ويخلي حياتك كله ضحححك بضحك يارب نورتي المووووضوع عيوني


فديتكم الغاليات ؟؟

هذا وانتو ما شفتوه ..

اش عاد لو شفتوه ..

فديته حبيبي .. ما يدري عني ..وش اكتب ههههههههههههههههه

يالله في بالي مواقف وايدة ..

اخرها ..

يوم كنت بماليزيا شهر 8..
جينا تعبانين .. وحالتنا بالسفر حالة لازم مع الاذان الفجر اقوم لو ايش صار؟؟ حتى لو توني نايمة ساعتين بس .. وما فيه نوم خلاص البس وانزل ..

المهم ..
ذاك اليوم بالذات انا اللي ما رضيت اروح وياهم بينانج ..ابي انام ..

لين الساعة 11 ..قامت الطيبة تلبست وخلصت .. كنا ساكنين فندق ((اوانا ..))يعني لازم نروح بالباص لين التلفريك .. او بتاكسي ..

المهم قمت .. واتصلت لهم قالو لي احنا بنرجع .. قلت لهم كيفكم انا باروح .. الدنيا امان ..

بس نزلت انطر الباص .. لان جدول الباص كل ساعة يمر ... وانا نزلتي كانت على جيته حول عشر دقاياق ويوصل .. بس انطر انطر ..

الا شوي اشوف عند اللفة المقابلة لنا الباص ..رايح .. خاطري اركض من القهر ..
ترى طلع فيه كراسي خاصة يمر صوبهم .. وياخذ اللي فيهم ..

وانا مشيخة عمري .. خخخخخ قاعدة عند باب الفندق ..

بس نطرت قريب 50 دقيق محترة ومفتشلة ..
والا خواتي جايين مع ريل اختي ..
قالو ليش ما رحتي للحين والكل يضحك علي ..

بس ما فيه الا اروح .. ورحت وتحسفت عقب ..تسوقت المكان كله .. واكلت مرتين وانا بروحي ..
ودرت صوب الالعاب ..وتمللت ..

بس ريلي مسوي عرس .. اتصل فيني حول 20 مرة لاحد يبوقني والا يسوي فيني شي .. وما شرفو الحبايب الا الساعة 7 ونص بالليل .. وانا من الساعة 1 بروحي ..

بس تادبت .. خخخخخخخخخخ

سحر2005
14/10/2006, 01:52 PM
مششششششششششتاقه تعلمي تناااامين ههههههههههههههههههههههههه ههههه
تبهذلتي لوحدك لو رايحه معهم مووووو احسن اختي
ههههههههههههههههههههههههه ههههه
صددددددددددق مواقفك رووووووووعه زي صااحبتهم تسلمين ياعيوني ......

العيون العسلى
15/10/2006, 05:28 AM
,,

,,



موضوع رائع حبيبتى وان شالله لما ارد من السفر احكيلكم (f)


حياتى ينقل لركن انت تســأل عن السياحه ونحن نجيـب (f)


,,


,,

RoOoOmy
15/10/2006, 09:53 AM
سوالفكم تهبل والله يا بنات

صمت المقابر
15/10/2006, 10:21 AM
هههههههههههههههههه حلوه المواقف
شجعوتني اكتب موقف صار معي

هذا وانا بمصر كنت بمطعم ايطالي مع اهلي اللي بسفينه ثابته على النيل اللي صار انه بعد ما خلصنا قال لنا الجرسون تحلون قلنا لا مره شبعانين واصر الا نحلي وقال بجيب لكم الحلى وشوفو شكله اكيد بتحلون وراح يجيب الحلى وكان يمر بالصينيه على كل واحد من الاهل ويوريه الحلى لين جا دوري بيوريني الحلى كان 3 صحون واحد ايسكريم والثاني سوفليه تشوكليت والثالث كريم كراميل شوي ما اشوف الا انكب علي انا صرخت و غمضت عيوني من هول المصيبه وما قدرت اشوف وش صار قلت الحين راح البرستيج شوي ولا اسمع كل الي فالمطعم يضحكون واخوي الصغير يقول يا ذكيه افتحي عيونك ونزلي يدينك وافتح عيوني ولا طلع الحلى بلاستك حق العرض طبق الاصل عن الحلى اللي يسونه

ღ رآقيهـ ღ‏
15/10/2006, 01:39 PM
مشتاقة لقطر

تدرين شو المشكلة

أحيانا الحريم يسوون فيها كرامة وعناد يعني للولا العناد كان ما رحتي بروحج تتسوقين بس سبحان الله ها العناد بالحريم غريب خخخخخخ

*^*


صمت المقابر

ههههههههههههههههههههههههه هههههههههههههه موقفك بجد يضحك مو قادرة اتخيل بس صراحة فشلة خخخخخخخخخخخخ

تسلمين يا عسل على الموقف الرائع

سحر2005
18/10/2006, 01:24 PM
ملاك الف شكر حبيبتي لى مرورك

سحر2005
08/11/2006, 12:05 AM
الف شكر

مشتاقة لقطر
25/11/2006, 10:27 PM
للرفع

ووويينكم بنات



الموضوع حلو



تذكرت موقف


بس

عيزانة اكتبه الحين

بارجع لكم عقب


عشان تشجعوني

سحر2005
28/11/2006, 01:06 PM
الف شكر مشتاقه انتظر موووووقفك ياحلوه

ايوت
02/12/2006, 02:12 PM
والله مواقفكم تموووت من الضحك

على سالفه الشحاذين بمصر .. احنا بعد جتنا وحده تبيع ورد واتقول اشتري ورد يا بيه بشلن يا بيه ..

عاد قام زوجي اخذه هالجمله لصقه بلسانه .. من يصير شئ قالي بشلن يا بيه بشلن يا سيتي هانم ..

اي ومرة كنا رايحين ماجيك لاند بمصر ..

في لعبه تخوف سريعه وااايد .. وزوجي من النوع اللي ما يتحمل .. وكان لابس كاب .. مغطي شعره الخفيف خخخخخخخخخخخ هههههههههه بعدين اللعبه توديج فوق ومره وحده تنزلج تحت تخرع .. عاد انا مت من الخرقه لصقت فيه .. ومن زود سرعتها طار الكاب .. والا اهو هادني وقاعد يدور الكاب .. عشان يغطي شعره .. وانا ميته من الخوف ابي اتلصق فيه عشان ما اطيح وهو يحاتي الكاب ؟؟ ههههههههههههههههه


بعد يوم رحنا الاهرامات ركبنا جمل هو قدام وانا وراه ( قيس وليلى في الصحراء) خخخخخخ
بعدين قالنا الريال يالله انت انزل اركب على الخيل وخلها ابروحها عالجمل ....
اهوا ركب عالخيل وتميت بروحي عالجمل .. وانا اشوفه متضايق ومتفشل ؟؟ اسأله اشفيك ؟؟ يأشر لي تحت هههههههههههههههههههههه اقول له في شئ ؟؟ يالله بسبقك انا بوصل قبلك واهوا مو مهتم ؟؟؟

بعدين يوم نزلنا الا يقولي ترى البانطلون انفتك من تحت ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههه

انا ما مسكت نفسي من الضحك ؟؟ بس تم طول النهار ميود مكان الشق ؟؟ خخخخخخخخخخ

بعد عندي مواقف وااايد تضحك صارت لنا .. بس اخاف يذبحني زوجي قاعده اعلق عليه ؟؟ بعد عمري .. ههههههههههههههههههههههههه ههههههههههههههههههههههههه ههههههههههههههه

ايوت
02/12/2006, 02:14 PM
والله مواقفكم تموووت من الضحك

على سالفه الشحاذين بمصر .. احنا بعد جتنا وحده تبيع ورد واتقول اشتري ورد يا بيه بشلن يا بيه ..

عاد قام زوجي اخذه هالجمله لصقه بلسانه .. من يصير شئ قالي بشلن يا بيه بشلن يا سيتي هانم ..

اي ومرة كنا رايحين ماجيك لاند بمصر ..

في لعبه تخوف سريعه وااايد .. وزوجي من النوع اللي ما يتحمل .. وكان لابس كاب .. مغطي شعره الخفيف خخخخخخخخخخخ هههههههههه بعدين اللعبه توديج فوق ومره وحده تنزلج تحت تخرع .. عاد انا مت من الخرقه لصقت فيه .. ومن زود سرعتها طار الكاب .. والا اهو هادني وقاعد يدور الكاب .. عشان يغطي شعره .. وانا ميته من الخوف ابي اتلصق فيه عشان ما اطيح وهو يحاتي الكاب ؟؟ ههههههههههههههههه:angry:


بعد يوم رحنا الاهرامات ركبنا جمل هو قدام وانا وراه ( قيس وليلى في الصحراء) خخخخخخ
بعدين قالنا الريال يالله انت انزل اركب على الخيل وخلها ابروحها عالجمل ....
اهوا ركب عالخيل وتميت بروحي عالجمل .. وانا اشوفه متضايق ومتفشل ؟؟ اسأله اشفيك ؟؟ يأشر لي تحت هههههههههههههههههههههه اقول له في شئ ؟؟ يالله بسبقك انا بوصل قبلك واهوا مو مهتم ؟؟؟ والصعيدي يقوله يالله انت ابن الصحراء مالك خايف ؟؟

بعدين يوم نزلنا الا يقولي ترى البانطلون انشق من تحت :qaq: :confused: ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههه

انا ما مسكت نفسي من الضحك ؟؟ بس تم طول النهار ميود مكان الشق ؟؟ خخخخخخخخخخ

بعد عندي مواقف وااايد تضحك صارت لنا .. بس اخاف يذبحني زوجي قاعده اعلق عليه ؟؟ بعد عمري ..:gum: ههههههههههههههههههههههههه ههههههههههههههههههههههههه ههههههههههههههه

سحر2005
03/12/2006, 02:50 PM
الف شكررررررررررررررر حبيبتي ايوت على مواقفكم الحلوه وياجعل ايامكم كلها هناء في هناء يارب
الف شكر
عيوني ماقصرتي

ريوف نجد
04/12/2006, 02:42 AM
صمت المقابر ههههههههههههههههههههههههه ههه

حلو الموقف ههههههههههههههههههههههههه ههههههههههههه بس ما تسوا عليك

سحر2005
06/12/2006, 10:41 PM
الف شكر حبوبات عالمرور الرووووعه

asma9999
08/12/2006, 01:06 PM
ونحنا نتمشي في سوق المانيا شيبه لاابس نعال من النعول الطوال مال المهرجين وحاط الخشم المدور مال المهرجين ووكل ما يمر شخص يقلد مشيته وكل ما ييقلد حد يطيح الخشم مرت عيوز ويالس يقلد مشيتها اول ماشفته مت من الضحك عقب مرت حرمه لاابسه بدله وتبين من هذيل البزنس وومن وشكلها وايد جاده وتمشي بسرعه وهو يقلدها اونه يركض ويقلد مشيتها ههههههههههههه يوم شافها الشيبه صدت رجع مكانه ركض وطاح الخشم هههههههههه ومستغربه تشووف كل اللي في السوق يطالعونها وميتين ضحك وهي مسكينه مب عارفه شو السالفه ههههه ......هذاك اليوم كاااان تحفه..... والله موااقف

سحر2005
09/12/2006, 09:56 AM
هههههههههههههههههه
اسماء
موقفك
رووووووووووووووووعه
ياي وين ذا المهرج احسه كيووووووووت

شواقي
19/12/2006, 08:09 AM
والله مواقفكم اتضحك ومواقف حلوه وماتنسي
وبخبرك عن سفرتنا لبولندا كانت سفره واااااايدحلوه كنت انا وخواتي وريل اختي واخوي وزوجته

وصار ويانا موقف ايموت من الضحك الله ايسلمكم كنا ننتظر القطار على اساس انروح مدينه ثانيه والقطار يوقف 15 دقيقه ويحرك واحنا واقفين فوق انشم هواء وانشوف الجو حضرتنا وصل القطار

ماسمعنا الاخوي ايقول ركض على القطار ابسرعه بيحرك وكل واحد ايشيل شنطته وركض واول ماوصلنا الاحرك القطااار قفططططططططططططه ومتنا قهره تمينا نضحك على اعمرنا المهم تمينا ن

نتظر القطار ساعه ونص واول ماوصل ماصدقنا مره ثانيه ركض كل وحده اتشيل شنطته وتركض واول ماوصلنا عند باب القطار اخوي وريل اختي قالول خلوا الشنط واركبوا القطار احنا بندخل

الشنط وانا وخواتي ركض كل وحده تبي تحجز لها كرسي اول مادخلنا كانوا مجموعة بنات وشباب يصرخووون واحنا ماندري شو السالفه ههههههههههههههههه:dd::dd::dd: شفنهم ايصرخون وينزلون من القطار

احنا على نياتنا نركض وراهم على بالنا القطار في شي اتريهم ايطالعونا ويصرخوناعلينا اينادونا (بن لادن):mad2: وهم يتكلمون بالبولندي واحنا مو مفهمين شو يقولون فا اخوي يفهم عليهم وياي اخوي ميت من

الضحك علينا سالنه اشفيهم يقولون هم ايسووون فيكم حركات انهم خايفين منكم وانتوا تركضون وراهم ههههههههههههههههههههههههه ههههههههههههههههههههههههه ههههههههههه:eek2::eek2: والله نكته

موتونا من الضحك والموقف الثاني في القطار بعد محطينا الشنط ابي اكلم ريلي علشان اطمنه والبطاقة في الشنطه والشنط فوق في الرفوف الي فوق الكراسي اول ماوقفت على الكرسي

علشان افتح الشنطه ماحسيت الا انا من قلبه على راسي والكرسي فوووووووووووووق :pain:خخخخخخخخخخخخخخخخخخخخخه ههههههههههههههههههههههههه ههههههههههههههههههه وكلهم يضحكون علي صراحه مواقف اتموووت من الضحك


وعندي موقف ثاني انشاء الله بعدين بكتبلكم ايه

سحر2005
26/12/2006, 02:38 PM
اختي شواقي والله قصتك تححححححفه الف شكر اختي

Maithany
01/01/2007, 09:13 AM
هههه والله مواقف مضحكه

دانة الكويتية
01/01/2007, 03:24 PM
انا من المواقف الطريفة هي:
في سنة 2006
الدولة النمسا
المدينة فينا
المكان المطار
اول ما نزلنا من الطيارة وخرجنا من الجوازات رحنا على السير حتى ناخذ جناطنا وكانت عددها 6 ثلاث منهم ماوصلوا لفينا ( جنطة خواني وجنطة ابوي وجنطة الاكل ) طبعا الحمندلله مو جنطتي لان لو ضاعت جنطتي وجناط خواتي او امي راح تصير مشكلة من وين نحصل لنا هدوم وحجابات واحنا بدولة اجنبية .
طبعا الموقف محزن بس بنفس الوقت يضحك اخواني واوبوي عصبوا واول ماوصلنا الفندق انزلوا يدورون لهم امحل يشترون ملابس لمن للاسف مالقوا ولامحل فاتح لان كان يوم السبت يوم اجازتهم وثاني يوم اوصلت جناطهم بس الحمدلله ان معاهم ملابس النوم لان كنا بايتين ليلة في الاردن ترانزيت .

camberlight
01/01/2007, 06:24 PM
سلااااااام اختي....

الموقف الي صارلي انا في تركيا في عيد الفطر الماضي كنت حاطه حناء في ايدي وانا وريلي نتمشى الا كل ساعه واشوف حد يطالع ايدي ويطالعون باستغراب كل ما امشي شوي اشوف حد يطالع يدي وفي ناس كانوا يشوفون باستغراب وحد منهم كانوا يجزووون ويسووون حركات بويهم وقلت توبه اسافر بلاد اجنبيه واحط حناء في ايدي ههههههههههههههههه مللوني وهم يطالعون خلوني احس كأني مخلوق غريب ههههههههههههههه...

سحر2005
30/04/2007, 12:13 AM
دانة الكويتية

camberlight


الف شكر لعرض مواقفكم الحلوه خواتي
والله يديم عليكم السعاده يارب

سحر2005
18/05/2007, 11:59 PM
camberlight
تركيا شي ثاني دايم يطالعون الخلجيات وكاننا مخلوقات غريب ه ههههههههههههههههههههههههه هههه

fatma
19/05/2007, 04:32 PM
هههههههه سوالف والله يا بنات

سحر2005
15/08/2007, 04:42 PM
يالله عاد اللحين تونا رااجعين من السفر وروني شطارطتكم ومواقفكم وانا راح اكتب بس انتظروني شوووي ارتاح من تعب السفر

مشتاقة لقطر
23/08/2007, 11:01 PM
يالله ياسحر وينك انا هالسنة ما سافرت

بس باتذكر مواقف قديمة .. وباكتب

سحر2005
30/08/2007, 07:46 PM
الله يسلمكم حبيباتي

سحر2005
08/09/2007, 07:08 AM
laaمششششششششششتاقه الف شكر عالقصه الروووعه موتيني ضحك

سحر2005
09/09/2007, 06:55 AM
ihhhهاا حبيباتي وييييييييييينكم

ღ الفلسطينية ღ
09/09/2007, 11:05 AM
والله انا سافرت وعمري خمس سنين وما في مواقف مضحكه عندي بس كل الي صار معي انو لازم احط بالطياره الحزام بس انا عياااط ما بدي احطو والكل يسايس فيه وانا ابدا ما بدي احطو كانو يحطو غصبن عني

فنفوشة
09/09/2007, 11:08 AM
مرة بدبي

كنت مساافرة مع اخوي ومرته وبنته الصغيرة

دقينا على روم سيرفس جان نقول نبي اوتي
قال اوك جان نسكر التليفون
جان اخوي يقعد يغني آه يالأوتي يالأوتي يالأوتي آه يالأوتي يالأوتي يالأتي جان يطق الباب فتح الباب اخوي خذا الأوتي جان يروح الهندي جان يقعد يغني اخوي واهو عند الباب جان يلقى واحد توه طالع من غرفته شاف اخوي واهو يغني آه يالأوتي جان اخوي يركض داخل الغرفة قال بنقعد طول السفرة اهني ما راح نطلع من الغرفة لوووووووووووووووووووووووو وول

سحر2005
09/09/2007, 10:19 PM
hgt /hgt a;vvvvvvvvvvvvالف شكر عالمروووور

سحر2005
17/09/2007, 01:14 PM
hgالف شككككككككككككككر عالبمورووو

سحر2005
06/11/2007, 11:32 AM
فنفوشه الف شككككككككككرعالقصه الروووعه

سحر2005
24/11/2007, 01:39 PM
الف شكر على المرور الراااقي

سحر2005
06/01/2008, 03:55 PM
حبيباتي والله نورتوا الموووضوع تسلمون على المرور الرووووووووووعه زيكم

سحر2005
03/02/2008, 04:26 PM
يسسسسسسسسلمو للكل عالمرور النايس

سحر2005
02/03/2008, 02:58 PM
الله يخليكم الف شكر لمروركم

سحر2005
06/07/2008, 09:01 AM
شكرا لمروركم

شموخي ذباح }..
11/07/2008, 09:41 AM
مواقف السفر عجييييييييييييييييبه ,,

ღ روح الحب ღ
14/07/2008, 12:34 AM
قريت الموضوع كللللللللللله

والله المواقف عجيييييييييييبه

لو عندي شي بقولكم ما اذكر موقف معين الحين

نشمية بنت سونيته
18/07/2008, 12:40 AM
ههه ذكرتوني لما كنت في شهر العسل فبل 5 سنين

سرنا أنا ريلي ل سنغاقورة طبعا أول مرة المهم طلعنا من البيت أنا بعبايتي وهوببدلة الجو كان صحو

و رحنا حديقة الحيوانات المهم وإحن فيها فجأة تجمعت الغيوم وها يا مطر بصراحة ماشاء الله ما شفت شراته في بوظبي وعاد لازم نرد الفندق ولازم نمر بالشارع عاد عباتي كلها ماي شكلي وااااااااااايد غلط كان وشيلتي كلها ماي بصراحة من الحديقة لين الفندق وريلي يضحك علي
واليوم اللي بعده عاد نشمية تتفلسف طلعت ولبست معطف المطر خايفة الجو عاد جوهم عنيد الدنيا حر وإنذبحت في المعطف

نشمية بنت سونيته
18/07/2008, 12:52 AM
وتذكرت موقف ثاني

سرت ماليزيا ومشتريه الله يعزكم صندل طبي تعرفون المشي

ونفس الشي أمطار يااااي ومن زود المشي انا وريلي في كوالامبور الصندل مالي تقطع هههههههه وناسة :)

ماشي فسخت ويالسة أعكز لين الفندق طبعا مستوية موفي للأجانب واللي يتبسم أعرفه يعيب بس ساعته كنت أصيح بداخلي من الفشلة
ونفس الشي في تايلند دخلنا الملاهي وعاد أنا أريد اجرب كل شيء ركبت القطار مال الماي لاول مرة في حياتي
وما كنت عارفة إني الحفلة هاي بتصير
المهم ركبنا ولا القطار ينزل في الماي بسرعة عجيبة ماشاء الله تبارك الرحمن والماي كله على عبايتي يااااااااسلاااااااااام بصراحة كنت شايفة طلاب المدارس يضحكون علي وأنا بصيح
وفي ماليزيا بعد دخلنا حديقة الحيوانات وتعرفون هناك الحيوانات شوي ما خذه راحتها هناك أول ما دخلت شفت طير كبير يمشي جدامي عاد أنا تروعت قات ها بينط علي وأمشي خايفة إلا الريال ( الطير نفسه) متعود مشى وصد عني ويطالع الناس ولا على باله ومر واحد ثاني بعد نفس الشيء سبحان الخالق

سحر2005
24/09/2008, 07:17 PM
شااااكر ه مروركم حبااايبي

الجمال لوني
24/09/2008, 08:07 PM
ههههههههههههههههههههههههه هههه ذكرتوني ياكثر مواقفي المضحكه
المهم كنا رايحين ماليزيا ونا مطيرتن عيوني من هالزين اللي عندهم ..ماامشي خطوتين الا ونا طايحه من جد احس نفسي كني طفل توه بادي تعلم المشي ..عاد ر جعنا الرياض واخوي يقول لاخواني يقل كلمالتفت عليها القاها ساجده ههههههههههههههههه كل شوي طايحه

سحر2005
25/09/2008, 05:51 AM
ههههههههههههههههههههههههه هههه ذكرتوني ياكثر مواقفي المضحكه
المهم كنا رايحين ماليزيا ونا مطيرتن عيوني من هالزين اللي عندهم ..ماامشي خطوتين الا ونا طايحه من جد احس نفسي كني طفل توه بادي تعلم المشي ..عاد ر جعنا الرياض واخوي يقول لاخواني يقل كلمالتفت عليها القاها ساجده ههههههههههههههههه كل شوي طايحه

iiiههههههههههههههههههههههه ههههههههههههههههههههههه فطعتى قلبي من الضحك الله يونسك دنيا وااخره

سحر2005
28/09/2008, 06:35 PM
شااااكر ه مروركم حبااايبي

**بنت التميمي**
29/09/2008, 08:02 PM
ههههههههه والله مواقفكم كلها مضحكة ويعطيكم العافية
ومشكوووووووووورة اختي على الموضوع

سحر2005
18/10/2008, 07:23 AM
شااااكر ه مروركم حبااايبي

سحر2005
20/10/2008, 07:34 AM
شااااكر ه مروركم حبااايبي

سحر2005
18/11/2008, 11:00 AM
شااااكر ه مروركم حبااايبي

سحر2005
05/01/2009, 12:00 AM
شاااكره مروركم

الغامدية2007
08/01/2009, 03:50 PM
انا في ماليزيا رحنى لحديقة الحيوان وشافونى مجموعة ومعاهم اطفال وقامت وحدة وتقول للاطفال الى معاها يويو وتوي بيدينها حركات انى وحش لاني متنقبة والله نقاب موصغير وطالعت فيها وهزيت لها راسئ ومسحت على وجهى بيدي والله استحت وناظرت الارض مارفعت راسها

سحر2005
09/01/2009, 12:41 PM
نهههههههههههههه الغامديه شااكره مرورك وانا بالمثل افتخر بنقابي اذا ساافرت لاي دوله

سحر2005
09/01/2009, 07:47 PM
شاااكره مروركم

سحر2005
14/11/2009, 08:01 AM
اب اب

سحر2005
22/11/2009, 01:09 PM
اب اب

سحر2005
29/11/2009, 03:00 PM
شااااكره مروركم يالغوالي

قلب البتول
22/06/2010, 12:15 AM
تسلمين على هالموضوع الرائع

فهدونه
22/06/2010, 09:23 AM
من المواقف المضحكة ههههه في الطيارة من البداية مع هالبزران المهم (وأنتوا بكرامة) شليت الحفاضة عن ولدي بابدلها ألا ماعطها بولة طويلة تخيلوا وين ؟؟؟؟؟؟؟؟؟ في شنطتي ..الجوازات و الأغراض كلها راحت في عينها ههههههه الناس أتشوف أفلام و تستانس و آنة أنشف هالبيلان:mad: الموقف الثاني قاعد في الكرسي اللي في الطرف الجهة الثانية شيبة خايس أجنبي طينة ما عندة ألا (الترجيع ) والله قرفني في رحلتي ما غير لاعت جبدي و لا كلت شي و زوجي ميت من الضحك ههههههه:'(الموقف الثالث والله يصلح حق طاش ما طاش أتخيلون في حد أيضيع في الطيارة ؟؟؟ولدي ضاع !!!!!!!!!!!يبي الحمام و ما دل كرسية وين؟؟؟الحمدلله و الشكر!!!!!:rolleyes:أذا تبون المواقف ما أعتقد حد عندة كثري :thumbs_up:سوري لوعت جبدكم سامحوني بس السوالف الحلوة بعدين.....

خجول الورد ماينلام
22/06/2010, 11:34 AM
من المواقف المضحكة ههههه في الطيارة من البداية مع هالبزران المهم (وأنتوا بكرامة) شليت الحفاضة عن ولدي بابدلها ألا ماعطها بولة طويلة تخيلوا وين ؟؟؟؟؟؟؟؟؟ في شنطتي ..الجوازات و الأغراض كلها راحت في عينها ههههههه الناس أتشوف أفلام و تستانس و آنة أنشف هالبيلان:mad: الموقف الثاني قاعد في الكرسي اللي في الطرف الجهة الثانية شيبة خايس أجنبي طينة ما عندة ألا (الترجيع ) والله قرفني في رحلتي ما غير لاعت جبدي و لا كلت شي و زوجي ميت من الضحك ههههههه:'(الموقف الثالث والله يصلح حق طاش ما طاش أتخيلون في حد أيضيع في الطيارة ؟؟؟ولدي ضاع !!!!!!!!!!!يبي الحمام و ما دل كرسية وين؟؟؟الحمدلله و الشكر!!!!!:rolleyes:أذا تبون المواقف ما أعتقد حد عندة كثري :thumbs_up:سوري لوعت جبدكم سامحوني بس السوالف الحلوة بعدين.....


http://www.9ll9.com/up/uploads/f0d4ea0265.gif (http://go.3roos.com/c3aoWtpwfHe)
ههههههههههههههههههههههه
يعطيك العاااافيه ..تسلمين يالغلاااا..