المساعد الشخصي الرقمي

مشاهدة النسخة كاملة : هل سمعتوا عن عضوية ال RCI العالميه.. للسفر؟؟



meeeera
17/07/2006, 05:56 PM
قوه بنات... شخباركم وشمسويين حبيباتي....
فديتكم بغيت اسألكم عن شي وبنفس الوقت اقولكم عن برنامج جديد (عندنا بقطر)
مادري اذا سامعين عنه قبل؟؟؟؟

المهم بدخل فالموضوع على طول......
سمعتوا عن برنامج ال RCI ؟؟؟؟؟
هو عباره عن شركه تعطيج اربعين سنه تقدرين تتملكين فيها شقه او منتجع في اي دوله تبينها.... مثل مصر مثلا.....
وتبقى الشقه مكتوبه باسمج لمده اربعين سنه وبعدها ينفك العقد... المهم من خلال هذا العرض اللي راح يخلونج تتملكين الشقه بمبلغ مو كثير تقريبا 74 الف ريال... تقدرين تروحين كل سنه وتنزلين بنفس الشقه اللي باسمج في نفس الدوله اما اذا مابغيتي تروحين كل سنه نفس الدوله توفرلج هالخدمه انج تحجزين بأي فندق او شاليه بأي دوله من دول العالم مقابل سعر رمزي جدا وهو 750 ريال قطري للاسبوع.....
يعني كأنج رايحه اي دوله وشايله شقتج معاج.....وطبعا كل الفنادق والمنتجعات اللي داخله ضمن هالعرض هي فنادق 5 نجوم!!!!


المهم انا عطيتكم نبذه عن هالبرنامج لاني صراحه شاركت فيه ... وانشالله راح اجربه هالسنه ورايحه على المانيا...
الحلو فيه انج كأنج ماتدفعين شي حق السكن لان already مدفوع لاني صراحه كل سنه لمن اسافر ادفه تقريبا عالسكن والتذاكر مالا يقل عن 30 الف لشخصين !!!!!!
فلما احسبها كل سفره 30 الف!!!!! هالطريقه اوفر لي بوااااااااااااايد



ياليت اللي تعرف شي عن هالبرنامج تقولي عن تجربتها .... واي اسئله حبيباتي انا حاضره....
:shy:

بـــاريــس
17/07/2006, 09:30 PM
حبيبتي هذا برنامج الشير تايم

انعرض علينا مرتين

مرة بدبي وكان سعره غالي شوي

وانعرض بمصر وكان سعره مرة حلو ورخيص

بس زوجي مارضى

وخلاصة البرنامج ان لك اسبوع او اسبوعين كل سنه تسكنين فيهم باي مكان في العالم

RoOoOmy
18/07/2006, 10:31 AM
في السعودية يتصيدون الناس في المجمعات
ونفس الشي في البحرين
خلاصة الكلام كله نصب في نصب خاصة اللي عندنا في السعودية وعن تجربة احد اقربائي
ولا احب اخاطر بهالطريقة

meeeera
18/07/2006, 11:40 AM
تسلمون عالمرور حبيباتي...
بس صح كلامكم في شركات وايد تنصب ويعطونج منتجعات وهميه!!!!
لكن اللي انا اقولكم عنه هو خدمه عالميه معروفه على مستوى العالم ولهم موقع عالنت وكاتالوج والسنه انا انشالله مسافره عليهم.....
وعقب ماجرب بقولكم اذا اوكي ولا لأ :)

دراعه
18/07/2006, 11:44 AM
انتي جربي وبعدين نحكم مع اني ما احبذ هذي الطريقه لكن انتي جربي :)

RoOoOmy
18/07/2006, 11:45 AM
بالتوفيق اختي meeeera يمكن الوضع يختلف مع الشركة اللي انتي تعاملتي معاها
لكن انا اتكلم عن شركات ثانية وكمبدأ وفكرة ما يعجبني

عليهم كلام كثير ... ان شاء الله تنبسطون في السفر وترجعي تحكي لينا