المساعد الشخصي الرقمي

مشاهدة النسخة كاملة : الصكوك الوطنيه



أم العروس
29/06/2006, 05:03 PM
اريد حد منكم اشترك في الصكوك الوطنيه ب الامارات

منو ربح فيها ومتى وكيفوكم دفع

كل شي اريد اعرفه على العام
وشكرا

نهى الحلوة
29/06/2006, 07:04 PM
أنا اشتركت في الصكوك.. تروحي على الاماكن اللي تبيعها وهي:
* الأنصاري للصرافة
* مصرف الإمارات الإسلامي
* الفردان للصرافة
* الإمارات للصرافة
وفي أماكن كثير كمان..
لما تروحي خذي معك أي شي يثبت شخصيتك (رخصة قيادة - بطاقة عمل- ...) وهناك بيعطوكي طلب عشان تمليه.. لكن أظن أنه الطلبات كلها بالإنجليزي.. وبتحددي كم المبلغ اللي بتوديعه.. يعني إذا كان مثلاً 5000 درهم بيكون لك 500 صك لأنه كل صك بعشرة دراهم.. ولما تخلصي بيعطوكي إيصال وبعد أسبوع بيبعثولك شهادة الصكوك على البريد (لازم تكتبي البريد في الطلب لأنه الطريقة الوحيدة عشان يبعثولك الصكوك) وفي الشهادة بيكتبولك أرقام الصكوك تبدأ من ...وتنتهي ب... وكل أول سبت من كل شهر في سحب وبيبعثوا على موباليلك مسج إذا فزتي ان شاء الله والجوائز هي
* جائزة المليون درهم
* 2 جائزة 100.000 درهم
* 5 جوائز 50.000 درهم
* 10 جوائز 10.000 درهم
وغيرها جوائز كثير ..
أنا اشتريت قبل 3 أسابيع يعني السبت الجاي أول سحب راح أدخل فيه.. ادعي لي :)
على فكرة في معلومات اكثر في موقعهم:
www.nationalbonds.ae

يا رب أكون المليونيرة السبت الجاي وأنتي مليونيرة الشهر الجاي :)

jafa
29/06/2006, 07:06 PM
اريد حد منكم اشترك في الصكوك الوطنيه ب الامارات

منو ربح فيها ومتى وكيفوكم دفع

كل شي اريد اعرفه على العام
وشكرا


هلا اختي أنا اشتركت فيها وأول مرة
أقل شيء تدفعين 100درهم واذا تبين أكثر عادي والسحب يكون أول سبت من بداية كل شهر
واذا عندج اي استفسار ثاني انا بالخدمة
واختنا نهى الحلوة ما قصرت

أم العروس
02/07/2006, 09:55 PM
مشكوره يااختي نهى الحلوةوالاختjafa

أم العروس
02/07/2006, 09:55 PM
مشكوره يااختي نهى الحلوةوالاختjafa

Miss Kiwi
13/07/2006, 07:45 AM
هالصكوك حلال ولا فيها شبهه ياليت اتفيدوني لاني ابا اخذ منها ؟؟؟؟؟؟؟؟؟؟؟؟؟؟؟؟؟؟

نهى الحلوة
13/07/2006, 03:12 PM
حبيبتي ادخلي الموقع الخاص فيهم بتلاقي الفتوى الخاصة بهم.. ان شاء الله حلال..

بدون_عقل
25/12/2006, 11:16 PM
يعني في فايده تنزلي و لا بس اتريا الفوز \لو صار؟؟؟

بدون_عقل
25/12/2006, 11:21 PM
يعني في فايده تنزلي و لا بس اتريا الفوز \لو صار؟؟؟

Miss Cavalli
26/12/2006, 05:57 PM
اعتقد انه قمار و الله اعلم .... اسالو احسن ..لنه فيه وايد شك ..

عروسة خالد العمادي
02/02/2007, 02:52 AM
أنا اليوم أشتريت بـــ 150 درهم يعني 15 صك والله يكون فالعون.
حبيبتي مو غمار ولا شي. لأنج وقت ما تطلبين فلوسج يردونهم لج لكن الغمار خسارة الفلوسسسسس

عروسة خالد العمادي
02/02/2007, 02:53 AM
أنا اليوم أشتريت بـــ 150 درهم يعني 15 صك والله يكون فالعون.
حبيبتي مو غمار ولا شي. لأنج وقت ما تطلبين فلوسج يردونهم لج لكن الغمار خسارة الفلوسسسسس

الثلج الأزرق
02/02/2007, 11:12 AM
انا شاريه ب1000 درهم وربحت مره 250

يعني عدد اسهمي الحين 125 يعني 1250 درهم

lura
02/02/2007, 06:23 PM
انا بعد شرت حقي وحق ريلي
واول سحب حصلنا 100 باسم ريلي والسحب الاخير حصلت باسمي 500

وان شاء الله السحب الياي المليون :) :) :)

وبعد اشتريت بعيدية عيالي حقهم وباساميهم

وان شاء الله يكون حلال

بنت_ العرب
02/02/2007, 07:06 PM
قريت الكتاااالوج الصكوك حلااال مكتوب والله اعلم

بنت زايد
02/02/2007, 07:23 PM
انا بعد اشتريت ب 1000 ..

ولين الحين حصلت 100 درهم..

طرشولي مسج وطرشولي ورقة مثل شيك بس المشكلة ضاعت الورقة..
هل اقدر احصل عالامية بدون هاي الورقة؟

الثلج الأزرق
02/02/2007, 08:06 PM
انا بعد اشتريت ب 1000 ..

ولين الحين حصلت 100 درهم..

طرشولي مسج وطرشولي ورقة مثل شيك بس المشكلة ضاعت الورقة..
هل اقدر احصل عالامية بدون هاي الورقة؟

الغاليه الجائزة ينزل لج على الاسهم يعني تزيد عدد اسهمج على طول وتصير 1100...

بنت زايد
02/02/2007, 08:18 PM
الغاليه الجائزة ينزل لج على الاسهم يعني تزيد عدد اسهمج على طول وتصير 1100...


مشكورة يا الغالية

القلوب الدافيه
03/02/2007, 08:36 PM
ونا بعد اشك فيها لانها مثل اليانصيب

قوارير
05/02/2007, 01:46 PM
اليانصيب و القمار

لما تشترون التذكره
تروح عليكم فلوسكم

بس هذا مثل الاستثمار

تشترون الصكوك وهي مثل الاسهم
ويستثمرونها لكم في مشاريع حلال
وتنزل لكم فايده سنويه عليها

و في سحب
سواء فزتوا او ما فزتوا
حقكم محفوظ بالصكوك
يعني متى ما طلبتوها رجعولكم فلوسكم

zanoubia
31/10/2007, 05:57 PM
يابنات .... انا داخلة فيهم.... وسمعت فتوى من الدكتور احمد الحداد... ودكتور ثاني نسيت اسمه بيجي يوم الجمعة 11 الصبح على قناة دبي انها بها شبهة وانا خايفة ...

سجلات
31/10/2007, 08:49 PM
انا اشتركت في الصكوك من سنة ولا فزت ولا مرة يعني فلوسي جاعدة على الفاضي ولا انصح احد بدخولها لانها تعتمد على الحظ بس وشغلي فلوسش في مكان يرد عليش ربح شهري على الاقل مثل الودايع او محفظة البوم بدبي

zanoubia
01/11/2007, 08:16 AM
حبيبتي سجلات..ممكن تعطيني فكرة على محفظة البوم بدبي

وعد الروح
01/11/2007, 02:40 PM
شوالمحفظه وايد اسمع بها

اما عن صكوك دخلت ب 100 درهم وربحت 100 درهم

دهن عود 2008
01/11/2007, 10:11 PM
عزيزتي أنا أو امي دخلنا بمبلغ 40000 درهم و ربحنا كذا مره ب 100 درهم و مرات ب 200 درهم و الحمدلله صارلنا سنه مشتركين و تقريبا الفوز بمعدل كل شهرين و الحين بتنزل لنا أرباح السنة الأولى.ز و لكن سمعنا إنها فيها شبهة و فكرنا نسحبهم الحين..

و الله اعلم..

zanoubia
02/11/2007, 06:31 PM
يابنات الشيخ محمد سلطان العلماء اليوم يقول ان فيها شبهة ..شو نسوي نسحبهم والله يعوضنا خير...من ترك شيئا لله عوضه الله

fire lily
02/11/2007, 07:59 PM
بالتوفيق ان شاء الله

شمسة المهيري
02/11/2007, 11:27 PM
انا اشتريت .........................بعد

شيماء الامارات
05/11/2007, 03:17 PM
انا شاركت قبل كم شهر وطرشولي مسج اني ربحت






100 درهم
الحمد لله على كل حال
هههههههه
عقبال ما اربح المليون ان شاء الله

غياهب السكون
05/11/2007, 04:26 PM
انا قريت فتوى لأحد المشايخ المختصين بالاقتصاد الاسلامي تفيد بأن الصكوك الوطنية حرام وهي تشبه اليانصيب ..

برنسيس مول
05/11/2007, 08:55 PM
معقول لاتخوفوني لاني مشتركه فيهم

.: سـنيوريتا :.
08/11/2007, 06:40 PM
وأنا زوجي مشترك ب 7000 درهم من 3 شهور تقريباً وما ربح شي..

وولدي مشترك ب3000 درهم من شهر وربح فيها 100 درهم

طمنوني الله يخليكم.. حلال وألا حراااام؟

juliet&rambo
09/11/2007, 09:16 AM
بالنسبه لي انا .. ما حطيت في بالي اني اربح ولا اخسر.. بس سؤال .. متى المفروض اني احصل الارباح؟؟

وشو عن محفظة البوم دبي؟؟؟ في حد يقدر يفيدنا؟؟؟؟

وبارك الله فيكن خواتي ... على التحري والبحث.. ما اريد اي شبه او حرام في بيزاتي ..

ما ادري هل اسحب فلوسي؟ ولا استمر في شراء الصكوك؟؟؟؟؟

zanoubia
09/11/2007, 10:14 AM
يابنات قررت اسحبهم بادن الله ... لان شيوخ موثوق فيهم .... زي الدكتور محمد سلطان العلماء...والدكتور احمد الحداد...وشيوخ اخرين يجيو باداعة القران الكريم ..... مايبيحون الدخول فيهم ومن ترك شيئا لله عوضه الله خيرل منه...