المساعد الشخصي الرقمي

مشاهدة النسخة كاملة : يابنات منو تعرف لون فضي وذهبي حلو؟؟؟



maryam5
21/06/2006, 08:26 AM
السلام عليكم ورحمة الله وبركاته،،،

حبيباتي بنات المنتدى منو منكم تعرف لون ذهبي وفضي حلو؟؟؟ وأي ماركة؟؟؟

لني جربت كثير وبصراحة اللون ما يطلع حلو؟؟؟ مثل ماك عندهم ذهبي وفضي طايح في جبدي كله يطيح ما يثبت على العين ويتقطع مع أن لونهم روووووووووووووووووعة وخصوصاً لما تحطينهم على يدج لكن على العين ما عجبني كلش.

حتى ميكاج makeup for ever نفس الحالة بودرتهم اللي فيها لمعة تتقطع واطيح وما تثبت. حتى رحت لمحلهم اللي في الرويال بلازا وسألتهم قالت لي حطي وياها شوي ماي، لكن تصير باهته وما يطلع لونها حلو مثل من غير ماي واللي ما اطول واطيح...

مدري هي الماركات فيها علة والا جفوني تتهاوش مع الظلال...<<<<<<<<<< خخخخخخخخخخخخخ

ياريت اللي تعرف تدلني واللي يعافيكم....

وكشكووووووووووووووووووووو رين مقدماً.....

مجنونة قطر
21/06/2006, 04:43 PM
اول ماقريت موضوعج بغيت اقولج عن فور ايفر بس شكله ما عاجبج

انشالله البنات بيفيدونج


بس باقولج لين جيتي بتحطين مال فور ايفر حطي بطريقة التربيت
مب بالمسح

لانج ادا مسحتيه على عينج ما ببيبن اللون ..

maryam5
21/06/2006, 06:24 PM
فديت قلبج مجنونة على ردج

فورايفر واااااايد حلوة لكن اطيح بسرعة هي وماك وبعد فترة تبين باهتة مدري ليش تعقدت منهم بصراحة.

بجرب اليوم بطريقة التربيت وبشوف، فديتج الألوان ما عليها كلام لكن المشكلة في اللي يحط اللون على العين (اللي هي انا طبعاً)...

ياربي شاسوي...!!!!

الجوهرة
21/06/2006, 06:27 PM
كنت ابي اقول لك عن فور ايفر

جربي نيبو

رخيص وروعه

3ro0o0s
21/06/2006, 10:50 PM
امممم ليش ما تجربين ال long lasting eye shadow
هذا اكيد بيثبت وفي نفس الوقت تقدرين تستعملينه وتحطين عليه اي بودره اي شدو عاديه

visitor
23/06/2006, 06:42 PM
جربي نوبا تلقين الست عند مكياجي انا عجبنى حيل اللون الذهبي مالهم

مزروعيه
24/06/2006, 02:38 PM
كون اني خبيرة مكياج حبيت افيدج باللي استخدمه لزبوناتي..

عندج كريولان الذهبي والفضي رهيب للمناسبات يدوم فتره طويله..

وكل الخبيرات يستخدمونه..

وتحياتي لج..

سفيرة فوق العاده
25/06/2006, 09:27 AM
عزيزتي تأكدي من استعمال الألوان بشكل صحيح

ممكن تشرحين اكثر شلون تستعملينهم وكيفية وضع كريم الأساس؟؟



سفيرة فوق العاده

maryam5
25/06/2006, 03:55 PM
مشكوووورييييييييين على مروركم...

انا استخدمت ماركات وايد لكن لين الحين ما لقيت اللون الحلو واللي يثبت.

بالنسبة لاستخدامي سفيرة للظل عادي: احطه على عيوني مثلاً ميكب فور ايفر جربت حطيته من غير ماي وبماي عطاني نفس النتيجة.
من غير ماي اول ما اطه حلو شوي والا يتنثر على ويهي وجربت حطيته بماي ثبت بالأول لكن لما جف يطيح.

روووووووز شنو ال long lasting eye shadow ياريت تقولين لي اي ماركة ومن وين اشتريه؟؟؟

مزروعية ما لقيت من كريولان كل ما اروح ما القى عندهم هاللونين كله مخلص!!!
ممكن مزروعية تطرشين لي طريقة المكياج الدخاني؟؟؟
انا مشكلتي أبي اخلي اللون يطلع مثل الضباب لكن ما يصير معاي لني ما اعرف اشلون الطريقة؟؟؟ بليز عليمني اشلون اسوي الميكاج الدخاني وشنو احلى فرشة كم رقمها وأي ماركة تعطي نتيجة حلوة للمكياج الدخاني.

سفيرة هلا حبيبتي - كريم الاساس احطه عادي استخدم اساس بن ناي او ماك، عادي احطه على ويهي لكن القى الظل البودرة ما يثبن كله يطيح؟؟؟ إذا عندج طريقة تثبت الظل قوليها فديتج

مدري ليش ما يثبت الظل البودرة وخصوصاً ميكب فور ايفر...

اللي تعرف ياريت تساعدني!!!!!!!!

ومشكورييييييييييييييييين يا احلى بنات في احلى منتدى

كوكو شانيل
25/06/2006, 07:03 PM
حبوبه حطي كونسيلر على عينج كامله

الجفن الثايت والمتحرك

واذا ماعندج هالات لاتحطين تحت العين

وعقب بلشي في الشدو


جربي هالطريقة وشرط ماراح يتنثر شي من الظل

Maithany
21/07/2006, 07:26 AM
جربي الفضي والذهبي من ماركة بناي وبتدعين لي

roxie
21/07/2006, 10:01 AM
حبيبتي انتي عندج مشكلة مع الشدو المتناثر loose ولا المضغوط العادي؟
اذا كانت مشكلتج المنتاثر جربي تبللين الفرشة بشوية ماي او محلول عدسات.. ولا تستخدمين فرشاة شعر استخدمي اسفنجة احسن لانها تشل شدو اكثر ..

شو اسامي شدوات ماك اللي عندج؟؟

غـالـيـه
23/07/2006, 02:54 PM
اختي مريم
الطريقه الصحيحه للحصول على اللون المطلوب
هو انج تحطين طبقه من الشدو باسفنجه مبلوله... وعقبها تحطين من نفس الشدو او لمعه بالفرشاه او بالاسفنجه ويكون الشدو بودره او ناشف
وحطي كميه كبيره ووزعيه بسخاء .. لان ابعض منها يكتفي بمسحه بسيطه بس.... يعني افركي اللون من قللللللللللللب
وحطي لمعه (ماك - ستار بودر -شارمل )
باصبع يدج وحطيه بلمسه خفيييفه

واذا تبين لووووون جنه فلاشاااات

كريولا الفضي الكريمي

اتمنى اني افدتج

تحياتي


غاليه

بنت كنافه
23/07/2006, 02:57 PM
يمكن لانج تحطين بودره بعد كريم الاساس في العين
عسب شي ما يثبت
استعملي بريم برايم للعيون من عندهم
ولا تحطي عليه بودره
حطي الشادو على طول وراح يثبت ان شاء الله