المساعد الشخصي الرقمي

مشاهدة النسخة كاملة : للي بيسافروا شو خذتي للسفر وشو باقي وناوية تاخذيه تعالوا نستفيد من بعض



ღ رآقيهـ ღ‏
13/06/2006, 07:31 AM
السلام عليكم ورحمة الله وبركاته

اخواتي الغاليات عارفين ان خلاص الصيف قرب وكثير يجهزون للسفر

فممكن كل وحده تدخل تقولنا شو خذت للحين للسفر وشو الاشياء الي ناوية تاخذها عشان نستفيد من خبرات بعض

انا بقول عن نفسي للحين شو الاشياء الي بتاخذوها للسفر

عبايتين اسلاميات

شيل

نظارة طبية

مكواه صغيره بحجم الكف عشان ما اتورط

فيشه كهرباء

ملقط خخخ

بناطلين أقمشة صيفية ... لاني رايحة ماليزيا يعني حر ورطوبة على حسب الي سمعته

توبات

ملابس داخلية

فوط صحية للايام العادية وفوط صحية للدورة تحسبا لأي أزمة

كميرا ديجتال

شاحن الجوال

الجهاز الصغير الي فيه القرآن قرأة واستماع

سجاده

مشط شعر هههه

اممممم غير الغرش الصغيرة لجل الجسم والشامبو ورغوة الوجه وفرشاة الاسنان ومعجون اصغر حجم

هذي الاشياء الي أتذكرها الحين

ويا ريت كل وحده تكتبلنا الاشياء الي بتاخذها عشان نستفيد من بعض ولا ننسى شي

وكل وحده تكتب لنا تاريخ سفرها والبلد الي بتسافره

انا ان شاء الله التاريخ 13 شهر 7 لماليزيا

بإنتظار مشاركاتكم ودردشتكم

ام حمووود
13/06/2006, 07:34 AM
انا بروح سنغافورا ان شاء الله بس لين الحين ما حددنا الموعد اول ما احدد بحط اغراضي وبكتب شو حطيت

ღ رآقيهـ ღ‏
13/06/2006, 08:05 AM
ام حمووود

هلا الغالية

تروحي وترجعي بالسلامة ان شاء الله

وان شاء الله تستانسي برحلتك

طيب شو الاشياء الي حاطه ببالك تاخذيها عشان نستفيد منك

visitor
13/06/2006, 08:57 AM
السلام عليكم,
انا عن نفسي السنة الي فاتت زرت ماليزيا السنة الماضية, وممكن اعطي بعض النصائح الي ممكن تكون مفيدة....
-كواية صغيرة
-غسالة صغيرة اذا كنتوا عائلة كبيرة ومطولين هناك
-شراشف نظيفة لان بعض المنتجعات فرشهم قديم او فية ريحة كتمة
-عباية قصيرة شوي عشان ما تتوسخ
-عباية نظيفة ومرتبة للمطار
-شيل عدد 2 تحسبا لضياع او تلف الشيلة

ღ رآقيهـ ღ‏
13/06/2006, 02:21 PM
فديتك فعلا الاشياء الي ذكرتيها روعة

انا باقلي أروح أخيطلي عباه حليوه ساده للعاصمة والمطار ان شاء الله

يلا وين بنات عروس ما فيه احد منكم بيسافر بالصيف

دراعه
14/06/2006, 03:55 AM
مافي سفره للاسف بس حبيت افيدكم:)

اذا كنتي مطوله في السفر خذي معك استشوار
فرشاه ومعجون
خيط اسنان
ابره وخيط للطوارىء ومقص ههههههههههه بدل ماتقطعين الخيط بضروسك
ماكينة حلاقه طبعا اذا كنتي مطوله ولو اني متأكده بتحتاجينها من اول ماتطبين المطار هههههههه

ღ رآقيهـ ღ‏
17/06/2006, 05:19 AM
دراعه

تسلمين حبيبتي على الاشياء الروعة ان شاء الله أكيد باخذ الاشيء الي قلتيها لي وما بنساها

وان شاء الله تسافرين بأقرب فرصة

جزاك الله كل خير عمري

بس وين باقي البنات توقعت الموضوع بتكون علهي ردود اكثر واحنا بالصيف هههه

يلا بإنتظار باقي العرايس ووان شاء الله نستفيد من بعض

ريم81
17/06/2006, 09:41 AM
هلا بالمسافرات الحلوات

انا ان شاء الله بسافر على أول 7


بسير ماليزا او تركيا و بعدين بسير الاردن للعلاج


اهم شي يا بنات لا تاخذون معاكم لبس وايد لأنكم ما بتغيرون كل يوم

انا في شهر العسل جذت كل جهازي

و تلعوزت


الحين باخذلي جم قطعة 4 أو 5 و عباه وحدة - طبعا الثياب الثانيه للحجاب تنانير طوال و شيل و توبات و ما دري شو

لأني في تركيا إو ماليزيا ما بلبس عباه


و طبعا كل الأشياء إللي قالت عنها ملاك


بس ترى لو بتنزلون في فندق 5 نجوم ما لتحتاجون ابرة و خيط وصوابين هالأشياء لأنها كلها بتكون موجودة

و سشوار بعد

بس بو شعركم كشه مثلي خذو استشواركم لأنه إللي عندهم وايد ضعيف

مرموم
17/06/2006, 12:26 PM
السلام عليكم ورحمة الله وبركاته

عجبني الموضوع :)

بالنسبة لي...آخذ مكواة...لأنها ضروري...

عندي Boiler...صغير..آخذه و معاه أكياس شاي و العلب الصغيرة من حليب أبو قوس...لأنه أنا كييفة شاي...علشان براحتي في أي وقت أعمل...

صحيح الفندق فيه فوط...بس دايما آخذ فوطة معي...

الفوط النسائية...ضروري...لني مش عارفة البلد اللي بتروحيها فيها النوع اللي تحبيه أو لأ...

و طبعا أشيائك اليومية...من صابون و فوشاة و معجون...

أحب آخذ شبشب البيت معايا علشان أكون براحتي في الفندق...

و أحلى شيء تاخذي كام من قميص نوم جداد...ما شافهم زوجك عليكي من قبل...علشان يكون تغيير حلو..كل ليلة تلبسي قميص جديد :)

ما تنسي لبس الصلاة...بدل ما تعملي زيي...كل شوية علشان أصلي ألبس الجلباب و الحجاب من أول و جديد...

هذا اللي أتذكره الحين :)

ღ رآقيهـ ღ‏
17/06/2006, 01:53 PM
ريم81

يا الدبة ولا تقولين انكم مفكرة بماليزيا

زعلتيني منك

خليها بنص سبعه عشان اشوفك هناك

تسلمين الغالية على نصايحك

وأنا بعد متعودة اخذلي 4 لبسات بالكثير لاني أكيد باخذلي لبس من هناك يعني اروح خفيفة وارجع ثقيلة خخخخخخخخ

يلا أترياج عالمسن

*^*

وعليكم السلام الغلا

كيفك ان شاء الله طيبة

يعني يا عسل ردك بصراحة كافي ووافي وروعة جدا

نبهتيني لاشياء كنت غافلة عنها

ان شاء الله باخذ الاشياء ايل قلتيلي عليها

لكن ما يمنع نشوف بقية الردود الحلوة من الغاليات

الامان
17/06/2006, 06:01 PM
مشكوره اختي malaak على هالموضوع الرائع و المفيد
ان شاء الله مسافره بتاريخ16/7 الى استراليا و ماليزيا لمدة 33 يوم
بننزل مطار ماليزيا ترانزيت في فندق المطار لمدة 13 ساعة وبعدها بنطير لاستراليا لمدة 21 يوم وبعدين بنرجع الى ماليزيا.
بالنسبة لتجهيزاتي للسفر :عن نفسي ما سويت لنفسي أي شيء سوى شرائي قماش عشان آخذه للخياط يفصلي قمصان طويله لاني دورت في الاسواق وتعبت ما لقيت قمصان واسعه وطويله.
الاولوية دائما تكون لبنتي وولدي اخذت لهم ملابس شتوية لاستراليا و ملابس صيفية لماليزيا وملابس للسباحة .يعني تفكيري الاول والاخير كله في الملابس وبعد الانتهاء منها بكمل باقي الاغراض وبخبركم عنها.

ღ رآقيهـ ღ‏
18/06/2006, 09:14 AM
تسلمين قلبي على الرد

ان شاء الله تلقي لعيالك كل اللبس الحلو

تروحي وترجعي بالسلامة

ويلا نتريا الاشياخ الي بتاخذينها للسفر

*^*

ها بنات وين باقي الردود حتى لو عندكم اقتراحات حابين تقولوها لنا لا تبخلوا علينا

قلب الفجيره
18/06/2006, 12:47 PM
اهم شي الشراشف

أم المهند
18/06/2006, 01:09 PM
هلا ملوكة تسلمين عالموضوع الحلو زيك


الغالية أنا وبعلي إن شاء الله ناويين على تونس والمغرب بس لسه ما حجزنا مروحين على نهايات شهر يوليو بحول الله ..


وأكيد الأشياء اللي باخذها ما فاتتكم وأضيف سجادة الصلاة ضرورية كم جزء من القرآن الكريم حجم بكف اليد .. تي شيرتات 5 مع بناطلين خفيفة .. عباة ضرورية 2 وحدة مسكرة بالكامل ووحدة مفتوحة من الأمام .. تنورتين مع قمصان عريضة وطويلة شوي في حال ما لبست عباية .. مكواة بالفعل ضرورية .. 3 شيل مو ضروري تكون راقية بل عملية .. + ملابس نوم مثل ما قالت مشرفتنا مرموم جديدة وما سبق إن زوجي شافها عدد 4 + فوطتين لي وله + حصير ( بساط ) + بطانية وفرش للسرير والوسادات لأني بصراحة حتى لو سكنت فندق خمس نجوم أتقزز من فرشهم والإحتياط واجب أفرشهم فوق الأساس+ جلوس + حمرة + بلاشر زيتوني + كحل وماسكرا + بودرة مضغوطة ماركة ماك + كريم إسكن وايتننينج كواقي شمسي أحبه وايد ومفعوله عجيب + كريم واقي ضد الحشرات لأن بشرتي مرة تتحسس ..

لي عودة إذا تذكرت شي

ღ رآقيهـ ღ‏
18/06/2006, 01:23 PM
ياي فديتها بنت بلادي انا

كذا الردود والا فلا

تسلمين عمري وان شاء الله بإنتظارك رحلة ممتعة بربوع بلاد المغرب العربي

يلا واذا تذكرتي شي لا تنسي تكتبيه لنا اوكي عمري

*^*

ها وين باقي البنوتات ونصائحهم

العائدات
18/06/2006, 01:48 PM
هاي للحلوات المسافرات في بقاع الأرض
غالباً لما اسافر نروح لمنطقة أبها ومن كثر مانروح اشترينا فلة هناك علشان كذا الفلة مجهزة من الى مايحتاج آخذ معاي غير الكاميرا الديجتال علشان اصور المناظر المرة روووووووووووووووووووووووو وووووعة وملابسي
اما سالفة السفرة كم يوم او اسبوع هذي من زمان عنها لأننا نطخها شهرين وثلاثة لما يرن جرس الحصة الأولى بعدين نفكر نرجع من حلاة الجو والأمطار







سفرة سعيدة لجميع العضوات

ღ رآقيهـ ღ‏
18/06/2006, 06:10 PM
العائدات

كثير نسمع عن حلاوة ابها ان شاء الله تجينا فرصة ونروحها

تسلمي الغالية عالرد

ملكة من ليبيا
18/06/2006, 09:02 PM
السلام عليكم

شكرا لاختى كاتبت هدا الموضوع وشكرا للبنات على ردودهم المفيدة ......

انا مسافرة باذن الله فى نهاية هدا الشهر او فى بداية الشهر القادم (ماحددنا اليوم ) ادعولى انى اوصل بالسلامة ان شاء الله

انا مامسافرة اجازة بل انا راجعة الى بلادى ( مشتاقة لها موت) ورافعة كل شى خخخخخخخخ
انا رحت الى ماليزيا السنة الماضية اجازة ..............
واو ما شاء الله ماليزيا حلوة ان شاء الله يستمتعون الى بيروحوا لها ....

الحمد لله البنات ماقصروا ......
عندى نصيحة اقولها لكل المسافرين الى ماليزيا ان لازم يرفعون معاهم ملابس شتوية ( ما كثير بس شى واحد) لانهم ممكن يزورون الملاهى الى فوق الجبل و المكان هذا بارد .........

شكرا

ღ رآقيهـ ღ‏
19/06/2006, 10:02 AM
ملكة من ليبيا

فعلا حبيبتي لازم لبستين على الاقل شوي ثقال للبرد بجنتغ لانها بارده

RoOoOmy
19/06/2006, 11:59 AM
malaak اخاف اشارك معام واشتهي السفر ولسه باقي كثيـــــــــــــــر على سفرتنا

ღ رآقيهـ ღ‏
19/06/2006, 03:10 PM
رومي

يلا عاد بلا دلع هههههههههههههههه


انا جيت اركض لما شفتي رومي راده على الموضوع

وبالاخير تقولي ما بتردي

عشان خاطر الكوفي ردي علي

Kind_Heart
19/06/2006, 03:20 PM
ما شاء الله البنات ما قصرن
من ناحية الاغراض احلى شي الواحد يروح خفيف يرجع ثقيل ...
اهم شي الاساسيات مثل قالو خواتي ما قصرن...
اهم شي قمصان النوم

بصراحه شوقتوني لماليزيا وخاصه جنتغ الجو روعه والملاهي اروع ....
انا انشاء بروح تايلند على بدايه الشهر الياي....

اتمنى لجميع المسافرين رحله سعيده وعوده حميده

ألمـــاسه
20/06/2006, 03:56 AM
ماشاءالله عليكم

أنا مجهزه أغراضي من الحين وعبيت ثلاث شناط:bigsmile:

ويقولولي لاتكثرين بس ماني قادره أنقص شي أخاف أحتاج شي ويالله يالله وضغطت عالعفش وصارت شنطتين كبار

ويسلمووووووو ملوكه عالموضوع

ღ رآقيهـ ღ‏
20/06/2006, 11:02 AM
تسلموا حبيباتي على الردود الحلوة

ألمـــاسه

زعلتيني منك بصراحة

الحين 3 شنط متروسة أغراض ولا تقوليلي شو هي الاغراض عشان نستفيد منك ؟؟

أم المهند
20/06/2006, 11:28 AM
أنا جيت ملوكة

ما شاء الله تفاعل طيب .. حبت أخبركم للي بيروح لماليزيا بما إن أختكم المصون راحت السنة الماضية بعض المعلومات البسيطة عنها والتحذيرية والطريفة ..

1- في كوالالمبور منطقة يعيش بها سكان بوذيون وفي هالمنطقة جبل كبير بداخله متحف والوصول للجبل عن طريق الدرج تعرفون كم درجة تقريبا حوالي 100 وإحتمال أكثر .. يا بنات أنصحكم ما تروحون ولو رحتوا بتلعنوا اليوم والفضول اللي خلاكم تطلعون ذيك الدرج .. أعتقد البعض يعرف إيش أٌقصد للي سبق وإنهم راحوا .. بتشوفون قرود صغيرة مدربة للسرقة ما تصدق تشوف كيس في أياديكم تقوم تسرقه فإنتبهوا .. هذا غير التعب الكبير من جراء طلوع الدرج ..

2- لا تاكلوا أي شي وإنتوا رايحين على الكاميرون هايلاند لأن الطريق لفنادق المنطقة ملتوي على مسافة مئات الكيلومترات يعني راح ترجعون اللي ببطنكم وإسألوا المجرب ههههههههه ..

3- البرد جدا قارص في الكاميرون هايلاند زهبوا ملابس الشتاء وبرد يعني برد مو برد اللي ببلاد الخليج فاهمين ؟؟

4- للي رايح للكاميرون ما عندهم مطاعم أبد إلا مطعم واحد يقدم أكل هندي تقليدي ببهاراتهم المشهورة الحريفة ، وكذلك مطاعم الفنادق اللي هناك أكلهم هندي بحت فحاولوا تشتروا سناكس من النهار لأن بالليل ظلمة حتى لو بوجود الإنارة بسبب إرتفاع الضباب الحلو الخيالي الرهيب تنعدم الرؤية يا بنات بجد .


نتمنى لكم رحلة سعيدة والسموحة ..

lovelebaby
20/06/2006, 12:57 PM
هلا بجميع الأخوات كلهم ومشكورة ياملاك على الموضوع والله من جد الكل قاعد يستفيد انا مسافرة بعدك ياملاك بيوم انا مسافرة ماليزيا تاريخ 15 شهر 7 يوم السبت يالله ياملاك نتقابل هناك في ماليزيا ههههههههههههه ان شاء الله باذن الله وان شاء الله يوصل كل مسافر بسلامة ويرجع بسلامة إلى سالم غانم انا باخد معايا كم بنطلون وباخد بلايز اكمامها قصيرة وعباتي راح تكون ملونة
واخد معايا شمسيا ليا ولبابا ولاختي وبس نحنا الثلاث مسافرين ونظارتي معايا بس انا كنت ابغى اسال سوال ممكن اخد معايا واقي للشمس عشان احد في وجهي قبل ماطلع انو كل صحباتي قالولي خدي معاكي واقي شمس ولاراح تسمري
تحياتي لكم
الطفل المحبوب

ღ رآقيهـ ღ‏
20/06/2006, 03:58 PM
فديتكم الغاليات والله كثير أستانس بردودكم وتواجدكم بالموضوع عساني ما انحرم منكم يا رب

lovelebaby

والله ما أدري الغالية انا أي شي احطه على بشرتي بسرعه تتحسس فعشان كذا ما احط واقي شمس أساسا

ان شاء الله الي عندها معلومات تفيدك يا الغالية

وبإنتظار باقي الردود من الحلوات

اخت بالله
21/06/2006, 07:48 PM
هلا ملاك
انا مسافره في اخر شهر 6 ان شاء الله
بس انا مسافره مع زوجي و اولادي الاربعه
بتعرفي اللي بتسافر مع اولادها
بيكون تحضيرها للسفر غير

الله يعيني عليهم
موضوعك مفيد
وانا من هلا بحضر اغراض السفر

أم غايه
21/06/2006, 08:32 PM
السلام عليكم
شخباركم يابنات
هذه السنة انشاءالله ناويه أسافر بروح سويسرا وفرنسا وألمانيا لكن على تا ريخ 1/8 اذا الله راد وبعدين بكتب لكم شو الاشياء اللي باخذها اوكى لاني بطلع

غــ عمري ــلا
22/06/2006, 12:47 AM
ماشاء الله
الاغلبيه ناوين يروحوا ماليزيا
ونحن بعد ان شاء الله يمكن بنروح ماليزيا واذا ما سرنا ماليزيا يمكن يا المغرب ومن المغرب الى
اسبانيا

بس بالنسبه للاغرض بعدنا للحني ما جهزنا شئ بكل صراحه
نتريا لين ابوي يرد من تالسفر الله يرجعه بالسلامه يا رب
فالحين يمكن بعد يومين بنسير انا و خواتي
نتشرى ملابس حق السفره
وان شاء الله خير يا رب


واهم شئ طبعا
الكوايه
خيط وابره (( احتياط))
ملابس واتمنى ما تكون بيضا خاصة البنطلون او التنوره
وسمعت وحده من خواتي تقول يمكن بتلبس تنورتها البيضا بس حق المطار يا للرده او لما بنطلع من هني

واكثر من عبايه
وكم شيله ملونه وسود بعد
وميك اب (( خفيف))
غرشتين عطر
واكسسوارات بسيطه تكون خفيفه
واقي للشمس
وباخذ بعد الماسك حق البشره
ويمكن باخذ بعد الخلطه اللي حق الويه
ههههههههههه
وهذيلا اللي في بالي حاليا
بس بنات بغيت اسئلكن اللي سافرت لماليزيا كيف جوهم يسمر ولا لا

لان احيانا لما نسافر مكان احسني وايد اسمر
خاصة لما نسير العمره
والله يوفق الجميع يا رب
دمتم بود

ღ رآقيهـ ღ‏
22/06/2006, 01:38 PM
:salam: اخت بالله

الله يعينك والله أنا من غير أطفال وشوي متلخبطة بالاغراض الي أخذهم خخخ

تسلمي على المرور والرد حياتي

*^*

أم غايه

وعليكم السلام الغالية

تروحي وترجعي بالسلامة ان شاء الله

ويلا ننتظر الاغراض الي بشنطتك حبيبتي

*^*

غــ عمري ــلا

فديت الي بيروحوا ماليزيا

اشوف فعلا الدنيا كلها ها الصيف ماليزيا

مشكورة عمري على الاغراض الي كتبتيهم والله لا يحرمني من تواصلكم

يلا بإنتظار باقي المشاركات

مجنونة قطر
22/06/2006, 02:35 PM
ملاك ...


انشالله بتستانسين في ماليزيا وايد حلوه ...



ادا انتوا من ممدنين العود والبخور مثلنا اخدوا لكم مدخن وو الولاعه الخاصه بالفحم ...


ولاتنسون سجادة الصلاه ... وكيمرا الفيديو ...



اييييه


واخدي لج لبتون احتياط وسكر مكعبات(قند) عشان اول ماتقومون من وم العصر .. لانهم مايحطون الا كم حبه ...

ღ رآقيهـ ღ‏
22/06/2006, 02:47 PM
فديت احلى مجنونه انا

على فكرة انا انتظر تكتبيلنا مواقفك بموضوع lwi lwi عن الحمل عجزت وانا أدخل واشوفك ما رديتي


وتسلمي على النصائح وان شاء الله باخذلي الي قلتي عليه يا قمر


ويلا بإنتظار باقي الردود

اوبرا
22/06/2006, 03:30 PM
هلا

نحن بنسير ماليزيا و تايلاند

لين الحين اخذت كمن بلوزة صيفيات طبعا
و ثلاث تنانيير
4 بناطلين

بالاضافة للبلايز الموجود عندي ..طبعا باختار المناسبات منهن


ملابس داخلية
قمصان نوم جديدية (بيبي دول ) عدد 6



فصلت لين الحين 3 عبي جداد ..مايبتهم لين الحين ..الله يعلم كيف يطلعن ..طبعا ديزاينات مختلفة ( اطقم )
بالاضافة للعبي الموجودة عندي + عباة سادة

عدد 2 اسكارفات ازرق + واحد بني

و اهم شئ نظارتي اللي ما استغني عنها
و كريم لويس ويدمر ( واقي الشمس + مزيل العرق )
مكياجي 0 طبعا باشيل و ياية الاشياء الضرورية منه + عطور
و المكواه

و مثل ما قالو بعض الاخوات ..الحليب الرنبو + شاي ليبتون …ما استغني عنهم ..و بالاخص في السفر يدق عليه و يوم نطلب من الفندق شاي ..ما يعجبني شاهيهم و الحليب يوم ينضاف عليه يستوي بايخ





اليوم ان شاء الله باروح ابن بطوطة او مول الامارات …علشان اشتري لي شنطة للمكياج و المستحضرات الشخصية ..ان شاء الله احصل طقم حلو

و جوتي رياضي و انتو بكرامة ..تدرون في السفر نمشي وايد ..و انا عاد اريولي اموت منها في السفر ..علشان جي باخذ لي ماركة ممتازة علشان يعمر عندي الجوتي !!






و للموضوع بقيه ان شاء الله اذا اخذ اغراض جديده

ღ رآقيهـ ღ‏
22/06/2006, 03:35 PM
واااااااااااااااااو يا أوبرا ردك يجنن

تسلمين الغالية وانا بعد ختذلي جوتي مريح من كلاركس عشان ما اتعب بالمشي وأقوم اطلب استراحات بالطلعة طلو الوقت خخخخخخخخخخخخخخ يا حلاتي وأنا بالكعب خطوتين واجلس اريح خخخخخخخ

وانا نفس الشي خيطت عباه وحده وطلعت اوكي

والثاني بعدها بتجهز بعد 10 أيام تقريبا

الله يعين خايفة تطلع مو شي وأتورط

وخذتلي شنطة مكياج روعة من ماركس سبنسر بس الحين قاطعت خخخخخخخ تو الناس

يلا ان شاء لاله الباقي يردوا علينا

سعادة الدنيا
22/06/2006, 03:37 PM
أهم شي آخذه وياي اذا سافرت شنطة الأدوية.

ღ رآقيهـ ღ‏
22/06/2006, 03:43 PM
صدقتي الغالية وايد مهمه

اوبرا
23/06/2006, 12:59 AM
هلا

رحت اليوم مول الامارات

و ياريتني مارحت ...زحمة بينفجر المركز + تصوير مال التلفزيون بنص المركز

و ما استمتعت بالتسوق

ياربي دبي على كثر المراكز اللي فيها و كلها فل

المهم بغيت اشتري جوتي رياضة بس الاغلب و هو المنتشر حاليا الموديلات اللي تكون مسطحة وايد من تحت ..و الله ما اعرف شو يسمونها ( مب خبيرة في امور الرياضة 9

و الديزاينات اللي تعجبني تكون مخلصة

و ترددت ..لاني بجوتي الرياضة راح اطل قصيرة ..هذه نقطة

بالاضافة الى ان العباة بتم تسحب لانه جوتي الرياضة واطي


بس مازلت احتاج لجوتي رياضة علشان اريح اريولي ...كله و لا ريولي

المهم شورو عليه من أي محل اشتري و أي ماركة

لاني اليوم بالفعل دار راسي من الزحمة



اختي ملاك خبريني اشقايل شنطة المكياج اللي لقيتيها في مارك سبنسر

لاني تدرين سرت بعد دابنهامز ...قلت يمكن احصل عندهم شنطة مكياج

و الله يخليج اللي لقيتها عندهم موليه ما تنفع

صغيرة و سعرها بالتنزيلات عشرين درهم لا و بعد الوانها مب حلوة

انا ابا شنطة كشخة و كواليتي عشان اتم عندي لفترة طويلة

عاد قلت هب سايرة أي مركز توبة حشى من الزحمة ..و قلت جان ما اسير جمعية الاتحاد قسم الشنط يمكن احصل نوعية goo quality
بلا لف في المراكز و لوعة جبد من هالمزاحم


و كنت ابا امر كارفور ة اشتري كواية ضغيرة و غوري صغير .. بس ما قدرت !!

ღ رآقيهـ ღ‏
23/06/2006, 05:00 AM
اوبرا

وااااااي نفس الي صارلي تدرين من محل للثاني ادور جوتي رياضي مسطح وبنفس الوقت ستايل دورت ليما تعبت على الي ببالي ما لقيت بالاخير خذت واحد من كلاركس انا الي أحبه فيهم جواتيهم ونعلهم مرييييييييحة وعملية بس عاد وين المشكلة العباه بتنظف شوارع كوالالمبور هههههههه مو عارفة شو اسوي وغير كذا الكعب وايد صعب اني البسه والعباه مستحيل أقصرها ما أحبها قصيرة حيرة والله مو عارفة شو اسوي بس انتي ما شاء الله بدبي عندك وايد اختيارات وأشياء كشخة وكل الماركات الزينة احنا عندنا الاخيتارات محددة مو لهناك

وشنطة المكياج انا ماخذتها لها سنة خذت وحده كبييييييييرة من لايف ستايل بس حسيت الاغراض فيها تتبهدل وتتعفس وكنت ماخذة وحده ايام العرس عباره عن 3 شنط وأحجامها مختلفة وكل حجم يكفي لشي معين ما ادري فهمتي علي والا لا ووحده محصلتها من اريج هدية السنة الي طافت مربعة لونها جيشي فيها كذا قسم وعملية

الحين سالفة العباه الطويلة والجوتي المسطح اشلون بنحلها مو عارفة وظهري ما ابغى ابهدله بالكعوب يكفي طول السنة مبهدل يحليله خله يريح شوي خخخ

اوبرا
23/06/2006, 11:06 AM
مرحبا اختي ملاك

و الله صدقك امر العباة محير وايد يعني نمشي و نحن شايلينها فوق ..مثل الفستان ؟؟!!:think: :no:

اوبرا
23/06/2006, 11:07 AM
اختي ملاك انت من وين ؟؟

و متى بتكونون في ماليزيا ؟؟

نحن بنسير تاريخ 10/7/2006

ღ رآقيهـ ღ‏
23/06/2006, 11:50 AM
اوبرا

هلا الغالية

تصدقين عاد بعد ما كتبتلك الرد عن العباه سرت أنام شوي الا واحلم حلم صحيت أضحك تخيلت اني ماشية بالشارع لابسة جوتي رياضي والعباه طويلة ورافعتها كانها فستان خخخخخخخخخخخخ ,,,,,,,,,,,, عز الله بتجنن بالاخير على موضوع العباه والجوتي

انا من مسقط ورحلتي ان شاء الله بتاريخ 13 _ 7 يعني بعد; بكمن يوم

انا عباتي بتجهز بتاريخ سفرك خخخخخخخ 10 _7

لو حابه نتواصل على المسنجر ارسليلي ايميلك على الخاص :)

أم كرومي
23/06/2006, 01:49 PM
حبيبتي malaak
ما حبيت اشوف موضوعك و ما ارد عليكي خخخخ

اتمنالك سفرة سعيدة و مو تطولين الغيبى علينا ترى بتوحشينا

ماريتا
23/06/2006, 04:50 PM
هلا اختى

نحن كنا مخططين لماليزيا بس الاهل راحوا تايلاند وقالوا حار ورطوبة قلنا اكيد ماليزيا هالشكل

غيرنا وجهتنا لتركياا بشهر ثمانية ان شاءالله

بس بقوولج عن الاشياء اللى خذتها في سفراتي السابقة

عباية وحدة وشيل ملونه وسودة
ملابس داخلية طبعا وايد لاني يوميا ابدلها من التعب والركيض ههههههههه
فوط صحية
روج وسن بلوك وبودر وعطر بارد ونظارة شمسية ومشط وشباصة وسشوار ومنظره صغيره وشنطة يد شوي تكون كبيرة حتى تكفي الاشياء اللى احطها
حبوب بندول وبروفين لوجع الراس والطارئ
كم اكسسوار اكشخ فيهم بس طبعا موذهب
وطبعا ملابس تنانير وبناطلين وقمصان كبيرة ووسيعه وفوطة وصابون وشامبو وفرشاة
هذا اللى اذكرره

ღ رآقيهـ ღ‏
23/06/2006, 05:31 PM
liwliw

وايد عليك يالدبة

حسبالي بتكتبين رد طوله صفحتين خخخخخخخخخخ كلمتين وطلعتي

نردهالك بالافراح

*^*

ماريتا

صدقتي والله وانا بعد من كثر ما قالوا عنها حر قلت ليتني مختارة مكان ثاني غير اسيا

يلا نجرب وان شاء الله مره ثانية مكان احلى

تسلمي الغالية على الاغراض الي كتبتيها والله لا يحرمني من ردودكم وتفاعلكم المميز دوما

حياة الروح
23/06/2006, 06:37 PM
مين الحلوة اللى بتروح ماليزيا 10/7

لانى كمان رايحة بنفس التاريخ...


اما مستلزمات السفر حقتى فهى:

5بنطلونات-5تى شيرتات-2قميص نوم-قمصان قطنية خفيفة علشان قعدة الفندق-شراريب -منشفة-

2ستيانة-وكلوتات طبية اللى استخدام لمرة وحدة-نظارة شمسية-مناديل معطرة-مناديل جيب-

كريم مرطب-جل حمام (بتحجام صغيرة)-مشط-بكل خفيفة-2بالطو مع خمار طويل ونقاب-ليفة-

جل معقم-كحل -2روج-


وفى اشياء مشتركة :

غلاية صغيرة الحجم-براد صغير-ثلاجة قهوة صغيرة-كيس بن وهيل صغير-نعناع ناشف-

بسكويتات منوعة

وسلاااااااااااااااااااااا اااااااااااااااااااااامتك م

أم غايه
24/06/2006, 04:16 PM
السلام عليكم
من يومين كتبت لكم وين بسافر واليوم بخبركم شو الاغراض اللي باخذها وياي
اولا 5 بناطلين 4تنانير مع قمصان وباديات ونعال مريح وملابس داخلية وجاكيت وعباية وحده وخمس بيجاما ت وشيل ملونة تتناسب مع اللبس . ثانيا الشامبو والصابون والمعجون ومزيل العرق والاستشوار والنظارة والمكياج مع واقي الشمس ............
واللحين أغراض غايه 10 بدل 6بيجامات وملابس داخلية مع ملابس السباحة 3 جاكيتات والتوك وجوتي ونعالين وأغراض الحمام واذا نقص شي باخذه من هناك.........
واغراض عبادي10 بدل و5 افرولات 6 بيجامات وصدريات وبامبرز وسيريلاك ومعلابات واغراض الحمام وجاكيتين والقاري وبس اكيد اني ناسبة اشياء ثانيه .............

ღ رآقيهـ ღ‏
24/06/2006, 09:50 PM
واااااااااااااااااااااااا او و الله انكم تونسون الواحد

شو ها الردود الحلوة حبيباتي

والله كثير استفدت منكم واكيد كل البنات الي على وشك سفر استفادوا منكم

وان شاء الله نلقى ردود أكثر والله جزيكم كل الخير يا رب

Bint_Ajman
25/06/2006, 10:59 AM
هلا خواتي والله وايد استفدت منكم

انا عن نفسي ان شاء الله بسير سوريا تاريخ 27 / 7 وبيكون يوم الخميس بعد :)
وعن الأغراض طبعا بعدني ما شريت الا القليل لأنه بعده سفري مطول يعني عندي وقت
بس اكيد نفس كل سفرة باخذ عباه وحدة -- تقريبا 6 شيل حسب اللبس
اما النعول ( عزكم الله ) اخذ حق كل لبس اللون اللي يناسبه وطبعا ما انسى جوتي الرياضة لانه فعلا وايد يريح في السفر وخاصة في المشي وباخذلي كم شنطة ملونة وشنطة متوسطة الحجم
واخذ اكسسوارات بس يعني بسيطة واخذ ساعتين وعطرين ودفتر فيه الاذكار وقران صغير
وشوية مكياج خفيف واهم شي الكحل :)
واخذ دفتر وقلم مادري ليش اللي يشوفني يقولي شو سايرة تدرسين ؟؟؟
وما انسى فوط صحية وملابس داخلية تكفيني وشاحن للموبايل ونظارتين شمسية
واخذ لبس حق الصلاة ومشط وشباصات للشعر وجل للشعر و2 شامبو
والملابس ما اكثر وايد يعني شوية بناطلين وتنانير وقمصان واكثر شي قمصان طويلة
وانا بصراحة اخذ معاي حلاوة او ماكينة براون للضرورة
واخذ علبة بندول وهذا ماعرف انتوا شتسمونه اللاصق مال الجروح الطبي :)
وهذا اللي اتذكر الحين وان شاء الله لي رجعة لو تذكرت شي

والف شكر لج اختي على الموضوع فعلا مفيد ونحتاجه خاصة الحين
لج تحياتي (f)

ღ رآقيهـ ღ‏
25/06/2006, 01:13 PM
Bint_Ajman

وااااااااااااو تسلمين الغالية فعلا ردك شامل ما قصرتي حبيبتي

وإن شاء الله لو تذكرنا شي بعد نضيفه عشان يكون ملف متكامل لحاجيات السفر كلها

مسرة
06/07/2006, 08:43 PM
موضوعك روووعة تسلمييييييييييييييييي

a7laa 3roos
06/07/2006, 09:53 PM
هلا والله
اغراض الحمام من مجاميعه
الاغراض الشخصيه:
مشط .كريمات.سن بلوك.ديودرنت والخ......
بنطلونات.بديات طويله كم من تنوره جاكيتات على حسب جو سويسرا
لان الجو هناك متقلب
نظاره شمسيه جوتي رياضه عشا مااتعب من المشي
سكارفات وشيله 1 عشان المطار
اندر وير ز . سراويل ودلاغات
و ...........؟؟؟؟؟؟؟
اغراض بنوتي
ملابس صوف
جاكيت للبرد القارص هيلااااااااا هوب صوف
ومساكه الظهر الي كانها شنطه يحطون فيها اليهال مدري شو اسمها ....المهم
جوتي ثقيل عشان البررد
قبعات صوف مااشتريت مع انها مهمه ماحصلتها القهررررر
واغراضها من حليب وبسكوت وحفاظات وجدر صغير عشان اكلها هناك وجوله صغيره لان في الفندق مافي مطبخ
وهراسه الاكل وملاعق اطفال
واغراض الرياييل معرفه
وهذا الي اتذكره
مااعرف اذا نسيت شي ولا لأ
وشكراااا

الأماكن المشتاقة
07/07/2006, 05:02 AM
العزيزة ملاك
أنا بعد رايحة إن شاء الله ماليزيا
تاريخ 12 شهر 7 يعني قبلكم بيوم !!
هذه أول مرة أسافر فيها لماليزيا ادعوا لي انبسط !!
أتمنى أشوفك هناك ولو إن لو شفتك ماراح أعرفك خخخخخخخخخخ
إنت بس قولي لي كيف بعرفش وأنا بدور عليش؟؟
قولي لي من ألحين ترى ماراح آخذ معاي لابتوب هناك خخخ
يللا إن شاء الله انبسط وانتي تنبسطي !!
:shy:
امم
أنا بآخذ معاي ماكينة براون للحلاقة وعجينة ميم للشل الشعر وبعد شوية ميك اب
بس ماأدري آخذ معاي لبس للصلاة ولا مافي داعي ..
مشكلتي ماودي أثقل الشنطة !!
يعني كلها شنطة وحدة و صغيرة اللي بآخذها..:sad:

الأماكن المشتاقة
07/07/2006, 05:13 AM
الحلوة اللي بتروح ماليزيا من البحرين على تاريخ 12 شهر 7 الأربعاء الليل الساعة 11 تخبرني :shy:

ღ رآقيهـ ღ‏
07/07/2006, 11:27 AM
السلام عليكم ورحمة الله وبركاته

هلا و الله باحل البنات توقعت خلاص الموضوع نسيتوه خهخخخ

و الله كثير افدتوني بس أنا للحين السن بلوك ما اخذته

ان شاء الله بروح بكرا اكمل باقي الاغراض

الأماكن المشتاقة

الغالية طيب اكتبيلي برنامجكم والفنادق يمكن نلتقي بأحد الفنادق

فيه وحده بالمنتدى طلع واحد من الفنادق الي بتسكنها انا حاجزة فيه بنفس الأيام ويمكن انتي نفس الشي بعد

يلا انتظر ردك

الأماكن المشتاقة
07/07/2006, 11:55 AM
هلا حبييبتي ملاك
والله لسه ماحجزنا الفنادق بس اتصور بنروح أول شي طبعا كوالالمبور يمكن شيراتون أو هيلتون مدري والله على الأهل شيختارون..
بس إنت وين حاجزة ؟؟
طيب إنت من وين علشان لما أشوف جماعة من بلادش أتحرى يمكن تكوني إنت ههههه
لو عرفت قبل أكيد برد عليش يا شيخة العرايس :salam:
كلميني عن حالش علشان أعرفش يوم أشوفش (})

اوبرا
08/07/2006, 10:17 PM
هلا

نحن الليلة طيارتنا على كوالامبور ..تم تقديم تاريخ السفر
لانه المفروض نطير بتاريخ 10

المهم بننزل في فندق الخيول الذهبية 4 ايام

و باخذ اللابتوب

بالنسبة للشنطة اندحقت ؟؟؟ّّّ:sad: :cry: من كثر الاغراض

مع اني حاولت اني اخفف و اطلع الاشياء اللي ممكن استغني عنها

الله يعين على المشاري .. لازم اشتري شنطة ثانية

بس انا كنت حاطة في بالي هالسنة ما اكثر من المشاي و احاول احط كل اللي بشتريه في شنطتي

وهج الغرام
09/07/2006, 01:17 AM
اوبرا اهنيك على هالفندق الرووووووعه الخيول الذهبيه

فندق راااااااااااااااااااااااا ااقي بمعنى الكلمه انا مادخلته بس مرينا عليه بالقارب يوم كنا في السوق المائي اللي جنب الفندق روووووووووعه لايفوتكم لاتنسون تروحون وتذكروني وانتوا في القارب لان بتصير فيكم حركه حلوه وانتوا في القارب ..........خلوها مفاجئه

مسرة
09/07/2006, 03:07 PM
أغراض العبادة::
********
-مصحف (القران الكريم)
-سجادة صلاة
-تفسير القران
-كتب نافعة للقراءة
-بوصلة للقبلة
-ساعة منبه (ساعة الفجر بها مواقيت الصلوات حول العالم)
-شرشف صلاة (للنساء)



نظافة شخصية:::::::::::::
*********

-شامبو
-صابون يد وجسم
-ليفه
-فرشة أسنان
-معجون أسنان
-عطر
-شفرات حلاقة
-ماكينة حلاقة
-بطاريات مكينة الحلاقة
-فرشة حلاقة
-فرشة شعر (مشط)
-جل شعر + كريم شعر
-مزيل شعر
-مزيل رائحة العرق
-كريمات مرطبة ( كريمات ضد الشمس)
-قصاص أظافر
-مقص + ملقاط
-أعواد آذان
-منقاش أسنان
-إبرة وخيط
-شبشب حمام
-مسحات طبية
-كماشة شعر (نساء)
-فوط نسائية (نساء)
-مناشف صغيرة
-مناشف كبيرة
-مناديل
-مناديل معطرة
-معطر الجسم
-لابيلو (لتشقق الشفاه)
-غسول منظف للوجه + قطن
-بخاخ منظف للنظارة
-منديل منظف نظارة

أغراض شخصية:
. ***********
-نظارة شمسية
-نظارة طبية
-نظارة سباحة
-أقلام + دفتر مذكرات
-ساعة يد
-كبك + خاتم
-محفظة نقود

احتياطات:

-الجواز صالح 6 أشهر على الأقل
-عنوان وهواتف العائلة أو المعهد (للطلبة في الخارج)
-بطاقة داخل وخارج الحقائب بها اسمك وهاتفك وصندوق بريدك في حال ضياعها
-بطاقة فيزا
-شيكات سياحية
-فيش تحويل فتحات الكهرباء (لعدم توافقه في الدول الأخرى)
-صندوق خاص بالذهب (في اليد)
-صور احتياطية من الجوازات تحفظ في مكان امن في حال الفقد
-إزالة استيكرات وأوراق السفرات السابقة التي على الحقائب
-أدوات دراسية للطالب
-بعض النقد لمصاريف التاكسي وغيرة من عملة البلد المسافر إليها

كماليات::
*****
-مسجل - راديو
-جوال
-شاحن جوال
-كاميرا فيديو
-شاحن الكاميرا والتوصيلات
-كاميرا ديجتال فوتوغرافية
-ذاكرة للكاميرا أو أفلام تحميض
-أشرطة كاميرا الفيديو
-لاب توب
-كاميرا كمبيوتر + فارة + هيدفون (سماعة و مايك)
-شاحن لاب توب
-فلاش ميموري
-وصلة بلوتوث
-أقراص التعريف
-Cd فاضي
-قاموس أطلس الالكتروني(مترجم ) + بطاريات
-كتيب قاموس المورد (احتياطي)
-بلاي ستيشن
-سي دي العاب
-شنطة البلاي ستيشن
-توصيلات البلاي ستيشن
-مفتاح البلاي ستيشن
-مبخرة وعود
-كرسي متنقل
-مكواة 220V
-مظلة ( شمسية )
-رسيفر ديجتال

ملابس شتوي - صيفي::
*******************

-بناطيل جنز
-بناطيل عادي
-قمصان كم طويل
-قمصان كم قصير
-تي شرت
-جاكت
-كرفته
-ملابس داخلية
-ثياب و بيجامات نوم
-قفازات لليدين + شال
-ملابس صوف داخلية
-جوارب (شراب) خفيف وثقيل
-كاب (طربوش)
-غطاء للرأس صوف
-شورت
-ملابس رياضية
-شورت سباحة
-شرشف سرير+ غطاء مخدة
-شنطة كتف
-شنطة يد
-شنطة وسط (على البطن حزام)
-تنوره (نساء)
-بلوزة (نساء)
-غطاء للقدم
-عبايه + طرحة و نقاب
-قمصان نوم (نساء)
-بالطو (نساء)
-جزمه بوت
-جزمه رياضية
-جزمه رسمية
-جزمه مشي
-جزمه ضد الماء والانزلاق
-حذاء مشي
-شباط
-جزمه نسائية

الغذاء::

*******

طبعاً للي ماتلقاه هناك

-تـمـر
-بن
-هيل
-مسمار (قرنفل)
-قرفة
-فناجيل قهوة
-مكسرات
-شابورة
-نعناع جاف
-بعض الاعشاب
-ماء زمزم
-شاهي اخظر
-شاهي احمر
-سكر

اغراض اطفال::
***************

-قصة مسلية في الطائرة
-بعض الحلوى والبسكويت
-لعبة لينشغل بها في الطائرة
-عربية اطفال
-حفائظ اطفال + حليب اطفال
-مملابس تدفئة
-نظارة شمسية + كاب عن الشمس
-غطاء للرأس والإذن والأرجل
-كافولة للمواليد صوف


الإسعاف::
*******
-علبة اسعافات اولية
-مطهر
-مخفض حرارة للاطفال
-مضاد حيوي
-مرهم لدغات البعوض
-دواء السعال
-مسكن الآم (اسبرين – بنادول)
-شاش
-قطن
-مرهم حساسية
-فازلين - فيكس
-منظم القولون
-مزيل احتقان الأنف
-قطرة مطهرة للعين
-العلاجات المستخدمة (للمريض)
-مقياس حرارة
-أدوية المغص والإسهال


لا تنسى خدمة التجوال الدولي

ღ رآقيهـ ღ‏
10/07/2006, 07:07 AM
السلام عليكم ورحمة الله وبركاته

بصراحة إضافاتكم روعة عسى الله يجزيكم كل خير يا رب

مسرة

وينك الغالية من زمان

ما شاء الله عليك جمعتي كل الاشياء المهمة والي الواحد يحتاجها عشان يستانس بسفرته

جزاك الله كل الخير يا رب

بنـ الليالي ـت
10/07/2006, 09:56 PM
بصراحة شهيتتتتتتتتتتتتتتتتتتي مفتوحة للسفر
والله ودي اسافر بس ادعولي انشالله على دبي

ياسلام كلكم راحيين ماليزيا وفي نفس الوقت المفوض تروحوا تتقابلوا في الطيارة وتسولفوا مع بعض لانه الرحلة بطول

كمان انا مارحت ماليزيا بس ادعولي

ღ رآقيهـ ღ‏
11/07/2006, 08:17 AM
إن شاء الله الله ييسرلك روحه لماليزيا يا الغالية

تسلمي على مداخلتك اللطيفة :)

ريم81
11/07/2006, 11:00 AM
الموضوع جدا مهم و انا كل يوم أقرأه


طيب يا بنات انا الحين بسافر 3 أسابيع


و حاسه بعكري دايخة من كثر الأغراض

و الله ما اعرف شو أسوي


يعني إللي رايح وناسه فترة بسيطه مو مشكله

لأنه بينزل في فندق


بس احنا بنستأجر شقه

rose_rose7788
11/07/2006, 11:14 AM
انشاء الله انا بعد ناوية اسير ماليزيا ويا ريلي وولدي علاوي .... الله يخليهم لي انشاء الله ^__^

بس يمكن على اخر شهر 7 .... بس المشكله انه لي الحين ما حجزنا ويقولون انه فل ما شي مكان .... الله يستر

وانشاء الله حظنا يضحك لنا ونسافر ونستانس كم يوم ..... وثانكس على كل هاي الاغراض .... صدق ذكرتوني فيهم ...

على طووووووووووول برنت ..... عسب ارد للسته اذا نسيت اي شي .... ومشكورييييييييييييين حبايبي ما قصرتوا

روووووووووووووووز

ريم81
11/07/2006, 11:30 AM
يا بنات من قراءتي لمشاركانكم

لاجطت انكم وايد تاخذون أغراض الحمام عزكم الله


الغاليات إللي بينزلن في فنادق

خصوصا الخمس نجوم ما كو داعي لكل هالأعراض

كفايه المشط مع فرشاه و معجون الأسنان

أنه الشامبو و البلسم و الشور جل كله موجود و بعد كريم مرطب للجسم

لا توهقون عماركم بكل هالأغراض

ريم81
11/07/2006, 11:37 AM
يا بنات رديت قريت كل الموضوع و الله شهيتوني اروح ماليزيا بس خلاص

انا سافرت السنه و باقيلي سفرة الأردن

بزهب الشنكة اليوم و برد عليكم شو اخذت

ღ رآقيهـ ღ‏
11/07/2006, 02:06 PM
ريم81

فديتكم الغاليات على الردود الحلوة

وبالفعل كلام الريم صح ليش تثقلوا نفسكم بالصابون والشامبو وغيره

انا بعد اخذ معاي بس معجون الاسنان وصابون وجهي فقط

بس الشامبو والشور جل والبلسم كله الفندق يوفره

وإن شاء الله الجميع يستانس

اوبرا
11/07/2006, 08:21 PM
هلا

وصلنا بحمد الله

نحن الحين في كوالالمبور في فندق الخيول الذهبية

صار لنا 3 ايام

و البلاد متروسة من الخليجيين

لين الحين زرنا الاماكن التالية:

مركز التسوق ( الماينز ) روعة و بضائعة متنوعة + توجد به مطاعم عديدة ..طبعا رحنا له بالقارب الصراحة متعة الركوب فيه على جانبي الطريق مناظر خضرا ترد الروح

و اليوم رحنا للحديقة ( الوندر لاند ) الي هي جنب السوق ..لانه البارحة الاحد كانت مغلقة ..تفتح الساعة السادسة

حلوة للي عتده اطفال بيستانسون فيها وايد

و الصبح رحنا على السن وي لاجون ( طبعا مركز التسوق ) فلللللل من العرب الخليجيين


بالنسبة لفندق الخيول الذهبية :

الفندق مش بالمستوى اللي توقعته الصراحة انا و زوجي تفاجانا
الاثاث قديم + الغرفة ملينه غبار + الملاعق و الشوك رايحة و مشمخه و تعبانة بالمرة +خدمات الغرف يتاخرون وايد اذا طلبتو منهم شئ + الحمامات مع السلامة...

و يوم الخميس ان شاء الله سنغادر الى كاميرون هايلاند فندق اكواتيريال ..

ღ رآقيهـ ღ‏
11/07/2006, 09:08 PM
اوبرا

هلا والله الغالية

معقول كل هذا على الفندق

وكل المدح الي نقراه والنصايح ان الجميع يسكنه

بس بشرينا اشلون الجو والتسوق هناك

إن شاء الله مستانسة :)

إستانست كثير بردك عمري

اوبرا
12/07/2006, 06:14 PM
هلا

اختي بالنسبة للجو فهو حار و درجة الحرارة تقريبا 30 الى 31

و التسوق طبعا ممتع في ماليزيا اليوم رحنا مركز كي ال سي سي اللي في الابراج

و فيه مطعم في الدور الرابع اسمه المرجان اكله لذيذ لا تطوفونه


و بالنسبة للفندق كنت مثلج انا منبهره باللي ينكتب عنه و صورة اللي بالمنتديات بس مثل مايقولون التجربة خير برهان

المهم هو قالو بيسون له صيانه و ياعالم متى ؟؟

بس اللي عنده يهال بيستانس على الحديقة الالعاب اللي تابعه للماينس و السوق

ummaram
13/07/2006, 01:27 AM
هلا بالغاليات

شوقوتوووونا للاستعداد للسفر

احنا بعد طالعين ان شاء الله ماليزيا بتاريخ 01/08 لمدة 15 يوم

استفدت كثيرا من القوائم الروووعة اللي عرضتوووها

يعطيكم ألف عافية - ومن مسافرة معانا بنفس المدة ؟

ummaram
13/07/2006, 01:28 AM
هلا بالغاليات :clap:

شوقوتوووونا للاستعداد للسفر:shy:

احنا بعد طالعين ان شاء الله ماليزيا بتاريخ 1/08 لمدة 15 يوم

استفدت كثيرا من القوائم الروووعة اللي عرضتوووها

يعطيكم ألف عافية - :qaq: ومن مسافرة معانا بنفس المدة ؟

المتزنة
15/07/2006, 08:58 AM
اهلين والله تشويق على ماليزيا


أنا إن شاء الله ابروح للإمارات وإذا ماحصل بروح لجدة

تجهيزاتي

مكياج اهم شيومقشر الوجه كلين اند كلير و استشوار وهيتر وشاهي اخضر وطبعا ملابس انا وبنتي وزوجي وعطرين ومناديل معطره واحذية مريحه وعبايتين وشراب اسود عدد 2 وقفازات عدد 2 اخاف يعني تضيع
وشامبو وجل الاستحمام (( انا اخذ معي لاني ماتعجبني حق الفندق موو حلوه صوابينهم ))
ولاب توبي والعاب لبنتي وصح قهوه عربيه لاااااااااازم معي وحصن المسلم الكتيب الصغير

وشباشب للحمام الله يعزكم مااحب للحمام الا الشباشب

وصحن صغير عشان بنتي وملعقه صغيرة واشياء كثييييييييييرة انا ابعبي شنطتين


طبعا إن كانت السفرة داخليه يعني داخل السعوديه بنشحن سيارتنا (( يعني احط فيها اشياء كثيره مثل عربية لبنتي ومشايتها وعزبة كامله تحتوي على فناجيل وكيسان وبساط ))


لاتضحكوووون علي

وشكرا لصاحبة المووووضوع استفدت وذكرتوني اشياء ناسيتها مثل كواية صغيرة

Pink_girl
16/07/2006, 09:00 PM
موضوع حلو واشكر صاحبة الموضوع على طرحة عشان الكل يفيد ويستفيد لانه يمكن نكون ناسين شي وتذكرنا فيه إحدى الاخوات

ان شاء الله بعد 10 ايام بسافر لندن وبرايي الشخصي ان كل بلد لها استعداد خاص حسب طبيعتها
انا عن نفسي اللي جهزت الان

1- يوجد في محلات ساكو شي عجبني مررره اشتريته للسفر وهو مكواه صغيره ومعها في نفس العلبه هيتر (سخان الماء لتحضير الشاي والقهوه ) وكلاهما بحجم صغير ماركة كينوود بسعر 129 ريال تقريباً اشتريته بدون تفكير لانه عجبني

2- اشتريت شنط سفر جديده سامسونايت لانها قويه وتتحمل السحب والشيل والحط في المطارات لانني وجدت شنطي القديمه اصبحت متهالكه

3- اشتريت شنطة يد من bhs لانه برايي الشنط العاديه اللي نستخدمها لاتصلح للسفر من شنط شانيل وفندي وقوتشي وغيرها فهي ليست عمليه بالسفر ولكن شنط bhs واسعه من الداخل عشان نحط فيها التذاكر والفوتشرات الخاصه بالفنادق والمفاتيح والجوال والاوراق المهمه وغيرها والاهم من ذلك وخصوصاً للي يسافرون اوربا لايوجد افضل من شنط (bhs) لانها من تحت فيها سحاب اذا فتحتيه تجدين مظلة عن المطر وهي خفيفه لاتشعرين فيها الا اذا فتحتي السحاب اللي تحت في قاع الشنطه

4- سمعت الاخوات العضوات يذكرون كثيراً شنط الماكياج وانا عن نفسي استخدم شنط بلاستيكيه افضل من الاقمشه لانها لاتتسخ واذا اتسخت ممكن غسلها وتجفيفها بسهوله

5- ايضاً يوجد شي اخر في ساكو ايضاً ( لاتفهمون اني مسوقه لمحلات ساكو هاهاهاااا فهي محلات مشهوره بالسعوديه عندنا للاغراض المنزليه من تجهيز كل شي حتى الحدائق المنزليه والحمامات الى ابسط شي ممكن تتخيلين انك تضعينه في المنزل )
المهم اللي كنت بقوله ان عندهم شنطه صغيره فيها افياش كهربا تصلح لجميع دول العالم (الكونيكشن ) اللي يشبك بالكهرباء لتشغيل جميع الاجهزه بالفنادق من غير ماتتعطلين وتطلبين افياش من الفندق وقد يتاخرون عليك وقد تكون غير مناسبه لاحتياجاتك اما بخصوص الشنطه اللي ذكرتها ففيها انواع كثيره من الكونيكشن تصلح لجميع دول العالم وعلى العلبه من الخلف توجد صوره لكل كونيشكن واسم البلد اللي يستخدم فيها

6- شنطه بلاستيكيه فيها لزقات جروح وبنادول والمسكنات الضروريه لحاجة كل شخص اللي معها جيوب انفيه مثلاُ قد يواجه غبار او ظروف جويه سيئه فيكون ماخذ احتياطه او اللي يشكون من المشكلات الصدريه قد تواجههم مشكلات المناطق المرتفعه والضغط الجوي ..... الخ
وكريم واقي من اشعة الشمس وفازلين وفيكس ومثلثات فيكس وفيتامين C

7- لاب توب اذا لزم الامر وكان متوفر واير لس بالفندق او وصلة مودم بالغرف وشاحن اللاب توب -
شاحن الجوال - كاميرا ديجتل فوتو مع الشاحن و2 ميموري كارد احتياط - كاميرا فيديو ديجتل وشاحنها

8- مناديل معطره في الشنطه الشخصيه للانتعاش

9- النظاره الشمسيه

10- ملابس داخليه جديده انا عن نفسي عند السفر اشتري ملابس داخليه جديده

11- بيجامات وقمصان النوم حسب الحاجه ومدة السفر

12- ملابس خفيفه ومريحه وانيقه وكم قطعه ثقيله اذا لزم الامر اذا جا برد وشال شتوي خفيف مو ثقيل مررره يكون عملي فوق الملابس اذا لزم الامر

13- علبه بلاستيكيه فيها سكر اكياس صغيره واكياس شاي ليبتون واكياس نسكافيه 3 في 1 (اقصد الاكياس اللي فيها نسكافيه وسكر ومبيض الموجوده بالسوبرماركت ) وعلب حليب بوني او ابوعلم حسب الرغبه

هذا اليل اذكره ولو تذكرت شي جديد برجع اكتبه

Pink_girl
16/07/2006, 09:01 PM
موضوع حلو واشكر صاحبة الموضوع على طرحة عشان الكل يفيد ويستفيد لانه يمكن نكون ناسين شي وتذكرنا فيه إحدى الاخوات

ان شاء الله بعد 10 ايام بسافر لندن وبرايي الشخصي ان كل بلد لها استعداد خاص حسب طبيعتها
انا عن نفسي اللي جهزت الان

1- يوجد في محلات ساكو شي عجبني مررره اشتريته للسفر وهو مكواه صغيره ومعها في نفس العلبه هيتر (سخان الماء لتحضير الشاي والقهوه ) وكلاهما بحجم صغير ماركة كينوود بسعر 129 ريال تقريباً اشتريته بدون تفكير لانه عجبني

2- اشتريت شنط سفر جديده سامسونايت لانها قويه وتتحمل السحب والشيل والحط في المطارات لانني وجدت شنطي القديمه اصبحت متهالكه

3- اشتريت شنطة يد من bhs لانه برايي الشنط العاديه اللي نستخدمها لاتصلح للسفر من شنط شانيل وفندي وقوتشي وغيرها فهي ليست عمليه بالسفر ولكن شنط bhs واسعه من الداخل عشان نحط فيها التذاكر والفوتشرات الخاصه بالفنادق والمفاتيح والجوال والاوراق المهمه وغيرها والاهم من ذلك وخصوصاً للي يسافرون اوربا لايوجد افضل من شنط (bhs) لانها من تحت فيها سحاب اذا فتحتيه تجدين مظلة عن المطر وهي خفيفه لاتشعرين فيها الا اذا فتحتي السحاب اللي تحت في قاع الشنطه

4- سمعت الاخوات العضوات يذكرون كثيراً شنط الماكياج وانا عن نفسي استخدم شنط بلاستيكيه افضل من الاقمشه لانها لاتتسخ واذا اتسخت ممكن غسلها وتجفيفها بسهوله

5- ايضاً يوجد شي اخر في ساكو ايضاً ( لاتفهمون اني مسوقه لمحلات ساكو هاهاهاااا فهي محلات مشهوره بالسعوديه عندنا للاغراض المنزليه من تجهيز كل شي حتى الحدائق المنزليه والحمامات الى ابسط شي ممكن تتخيلين انك تضعينه في المنزل )
المهم اللي كنت بقوله ان عندهم شنطه صغيره فيها افياش كهربا تصلح لجميع دول العالم (الكونيكشن ) اللي يشبك بالكهرباء لتشغيل جميع الاجهزه بالفنادق من غير ماتتعطلين وتطلبين افياش من الفندق وقد يتاخرون عليك وقد تكون غير مناسبه لاحتياجاتك اما بخصوص الشنطه اللي ذكرتها ففيها انواع كثيره من الكونيكشن تصلح لجميع دول العالم وعلى العلبه من الخلف توجد صوره لكل كونيشكن واسم البلد اللي يستخدم فيها

6- شنطه بلاستيكيه فيها لزقات جروح وبنادول والمسكنات الضروريه لحاجة كل شخص اللي معها جيوب انفيه مثلاُ قد يواجه غبار او ظروف جويه سيئه فيكون ماخذ احتياطه او اللي يشكون من المشكلات الصدريه قد تواجههم مشكلات المناطق المرتفعه والضغط الجوي ..... الخ
وكريم واقي من اشعة الشمس وفازلين وفيكس ومثلثات فيكس وفيتامين C

7- لاب توب اذا لزم الامر وكان متوفر واير لس بالفندق او وصلة مودم بالغرف وشاحن اللاب توب -
شاحن الجوال - كاميرا ديجتل فوتو مع الشاحن و2 ميموري كارد احتياط - كاميرا فيديو ديجتل وشاحنها

8- مناديل معطره في الشنطه الشخصيه للانتعاش

9- النظاره الشمسيه

10- ملابس داخليه جديده انا عن نفسي عند السفر اشتري ملابس داخليه جديده

11- بيجامات وقمصان النوم حسب الحاجه ومدة السفر

12- ملابس خفيفه ومريحه وانيقه وكم قطعه ثقيله اذا لزم الامر اذا جا برد وشال شتوي خفيف مو ثقيل مررره يكون عملي فوق الملابس اذا لزم الامر

13- علبه بلاستيكيه فيها سكر اكياس صغيره واكياس شاي ليبتون واكياس نسكافيه 3 في 1 (اقصد الاكياس اللي فيها نسكافيه وسكر ومبيض الموجوده بالسوبرماركت ) وعلب حليب بوني او ابوعلم حسب الرغبه

هذا اليل اذكره ولو تذكرت شي جديد برجع اكتبه

اوبرا
20/07/2006, 04:55 PM
اختي ملاك وينك

ليكون سويتيها و سافرتي على ماليزيا


نحن الحين حاليا في العاصمة كوالالمبور في فندق ريجينت

المخمليه
24/07/2006, 08:27 PM
مرحبا بنااات اشلونكم

الموضووع رااائع جدا وفادني كثييييير

من ناحيه السفر انا رحت قبل العام ماليزيا حليييوه بس جوها موب حلوو ابد انا شارده من الحر والرطوبه واروح للحر لا وقلت تووبه ما اكررها ابد

والعام لبنان حلوه وجوها حلووو بس ما فيها شي وما توقعتها كذا توقعتها ارقى من كذ

وهالسنه اذا الله ارااد بروح باريس وهذي الروحه لثالث مره طبعا مو ورى بعض بصراااحه اوروبا وبس اللي تبي تسافر لا تروح الا اوروبا روووعه من كل النوااحي


اذا الله كتب رايحه بعد 10 ايام تقريبا طبعا ما بعد جهزت شنطتي بس الوكااد اذا جهزتها بقولكم
ويش باخذ معي من غرااض

اما ماليزيا توبه ان رحت لها مره ثانييه

وتحياتي لصاحبه الموضوع لانه رووعه وتسلموون

بـــاريــس
01/08/2006, 04:25 AM
بدخل اقول شي واحد وبكمل بعدين
خذوا الاوراق الي تنحط فوق التواليت زي حقات الطيارة فيه منهم عند الكترو

ღ رآقيهـ ღ‏
07/08/2006, 05:09 PM
هلا والله فيكم بنات

انا سافرت ورجعت وكثير استفدت من الامور الي كتبتوها لي

واتمنى الكل يكتب عشان الباقي يستفيد

وأشكر المشرفة على تثبيت الموضوع :)

شفـاافة
08/08/2006, 02:48 AM
السلالالالالالام عليكم ورحمة الله ،،،

حمدلله ع السلامه ملالاك إن شاء الله استانستي بسفرتج وهل في اشياء نقصج بالسفر يمكن نستفيد نحن ،، ومن ناحيتي طبعيتنا باجر بسااااااااافر ،، ومتوجهه ألى فرنساا ،، وبقعد فيها اسبوعين ،،

وللحين مارتبت أغراضي عدل ،، الا حطيت باخذ معاي 8 بناطلين وتنوره وحده للكشتات ،، وباخذ معاي بدلتين راقية لأنه هناك بتكون في عزومات لمعارفنا في فرنسا ،،
باخذ 3 عبايات ،، وحده مسكره وراقية للمطار ،، وثنتين عاديات وحده مفتوحه وثانيه مسكره للكشتات ،،
كثرت من الملابس الداخليه ،، فوط صحيه :( لأنه الدوره راح تجيني اول ايام السفره مو شيييييييييي كلش ،، الله يعين ،،

3 شيل ملونه واختي مكثره من الشيل الملوونه بستغلهااااا لوول ،، ممم وبخصوص الادوات الشخصيه طبعا فرشاه ومعجون ، وشامبووي الخاص ان شاء الله احصل منه في فرنساااا لانه ارخص من هني ،، بالامارات يبيعونه ب55 وهناك ب30 درهم فقط ،، بشتري منه كميه وهو من شركة روياال عجيب عدل شعري ،، المهم وباخذ مرطب وشنطة مكياجي الخفيفه الي فيها بودرة المضغوطه
و كحل العيوون كذا لون ،، وقلوسات اشياء خفيفه ،، ممممم شو بعد هي شريت من كارفور القطع الواقيه من المرحاض خذيت 3 اكياسوكل كيس فيه 10 حبه ، عشان استخدمه انا مع اخواني لو طلعنا برا بالملاهي والاماكن هذي ،، مممممم وشو بعد ايه صح ماقلت عن البديات باخذ تقريبا على قد البناطلين ،، وطبعا سشواري العزيز لووووول الي مانقدر نستغنى عنه ،، وشوي اكسسورات وساعتي ونضارتي الطبيه عشان اجوف عدل لوول ،، وبعد شو بس هذا الي انا بصراحه باحتاجه ،، وطبعا صح المشط والقباضات للشعر ، وبس هذي الاشياء الي احتهاا ،، والشغلات الثانيه كلها ع أمي ،،،،،، وشكراااا

ღ رآقيهـ ღ‏
08/08/2006, 08:10 AM
وعليكم السلام ورحمة الله وبركاته

شفـاافة

هلا حبيبتي الحمد لله استانست بالسفر تغيير جو ووناسة

وحلوه الاغراض الي ذكرتيها

بس كتبتي

القطع الواقيه من المرحاض خذيت 3 اكياسوكل كيس فيه 10 حبه

انا أدور شي ممكن أستخدمه بالاماكن العامه يفيد التعقيم لو اظطريت يعني استخدم حمامات عامه

lamar20
26/03/2007, 01:35 PM
ماشاء موضوع روعة ..... وان شاء الله كل الي سافروا يستانسون بسفرتهم

واكياس للحمام ( وانتو بكرامة ) من وين تشترونها لانه دايم احط مناديل على التواليت >>>>>>

زوجها دايم يقولها بطلي وسوسة :angry:

وبالنسبة لماليزيا ان شاء الله بنروحها على نهاية الصيفية :gum: وعموما استفدت كثير من

تجهيزاتكم :clap:

حبيبه رائد
08/04/2007, 12:13 PM
مسااااااااااااااااااء الخير صبايا

موووووووووووووووووووووووو ضوع حلووووووووووووو ومفيد للكل

بالنسبة لمستلزمات سفرتي :::

ملابس داخليه
بنطلون جينز وكم بلوزة
فستان ناعم
بيجام للنوم
روب حمام

كاميرا
شنطه صغيره (مقص اظافر + مبرد+ كريم لليدين + مرطب شفايف +عطر )
جزمه رياضه + صندل
مستحضرات لأستحمام(شامبو +غسول جسم + ليفه+فرشه اسنان + معجون)

سجاده للصلاه مع حرام الصلاه
قران

امممممممممممممممممم بس تقريبااا

وبالنسبه الى اكياس الحمام .................. وين يبعونها هذه
ممكن تخبرونا ....................

تحياتي لكم وربي يوفق الجميع بالسفر .............. نوقطه

3athra
21/05/2007, 05:53 PM
اتمنى انكم تذكرون تجهيزات البيبي لان ماني عارفة شنو آخذ حق ولدي

asma9999
02/07/2007, 03:46 PM
تسلمين علي الموضوع ويعطيج العافيه....
اختي مسره تسلمين ذكرتيني بكل الاغراض اللي كنت ناسيتها

ღ رآقيهـ ღ‏
02/07/2007, 04:05 PM
تسلمون حبيباتي على الافادة وان شاء الله اتمنى سفرة سعيدة وممتعه للجميع

شاكرة الجميع على التعاون

مزروعيه
03/07/2007, 08:57 AM
أختي malaak...ما خبرتينا وين معزمه اتسافرين السنه...؟؟
وبالنسبه للأخوات اللي طلبوا وين ينباع أكياس الوقايه من المرحاض...بتحصلونها في كارفور وين قسم الشنط للسفر وأغراض السفر..
وانتي يا اختي malaak...سوي مثلي انا لما اسافر أو حتى اكون في البلاد اخليه دايما في الهاند باق..
(المناديل المعقمه)..كرمج الله يوم ادخل الحمام أطلع منديل وأمسح المرحاض...
وأنا السنه ان شاء الله ناويه اسافر لتايلاند...بتاريخ 7/7/2007
والاشياء اللي ذكروها خواتي...يعني الاشياء المهمه اخذها معايه...
وأخذ بعد دله عشان الشاي حليب (الكرك) انا ما اصبر عنه...ومعاه ابريق بالكهرباء..
وكم غرشة جبن جلاسات اتعرفون بنقعد شهر ان شاء الله.. وتايلاند ما عندهم نوعية هذا الجبن اللي بالجلاسات...وأغراض للبنوتات.. يعني اشل كل شي معايه من هنيه..يكون ما احتاج الا أشياء بسيطه من هناك...وسلامتكم..

ღ رآقيهـ ღ‏
03/07/2007, 10:30 AM
مزروعيه

هلا حبيبتي شاكره لك مرورك العطر والمعلومات الحلوة انا ما حصلت ها المناديل فخليت اعتمادي على المناديل المعقمة من ديتول وها السوالف بس ان شاء الله بروح اشوفهم مره ثانية بقسم السفر مثل ما ذكرتي

انا ها السنة ما في سفر لاني حامل ادعيلي الله يسهل علي الولادة يا رب :)

وان شاء الله الجميع يستفيد من الموضوع يا عسل

اتمنى لك سفره سعيده ان شاء الله

ام بسمة )):::::
03/07/2007, 12:53 PM
انا بصراحة لما سافرت العام سيلانيكا اول ما فكرت في ساعة حك اوقات الصلاة وعلشان اعرف القبلة وين + سجادة للصلاة ثاني شي وديت وياي ألعاب حك ولدي وألوان ودفاتر للتلوين ، وبعدين الأشياء العادية

OMAZOOZ111
03/07/2007, 02:31 PM
[SIZE="6"]حبايبي الأغراض والملابس تختلف اذا كانت العايله صغيره او كبيره يعني ا\ا كان فيه اطفال صغار لازم تكون ملابسهم كثيره عشان بيحتاجون غيارات كثير ولو انك تحطين كل بنطلون معاة القميص او التيشيرت الخاص فيه تكون مرتبه اكثر وسهله - الملابس الداخليه - الشرابات - البكل والشباصات حق البنات - الأحذيه - حزام البنطلون .
اذا كانوا كبار ماراح تحتاجي غيارات بكثر الصغار .
لاتنسي علاج للمغص احسن ياكثر ماينمغص الصغار - بندول
مقص للأضافر - مكره وابره - مكوى صغير -
بالنسبه لك ( حطي في شنطتك واقي الشمس - الملقط - كحل - بودره - مزيل العرق - معطر الجسم كريم- وعطر)
ملابس خارجيه وداخليه لك.
شراشف خفيفه لتغطية السرر والغطى - سجاده للصلاه
عبايه مرتبه حق الخرجات وشيله او اشارب مرتب
مناشف الحمام - وحذاء اي كلام للحمام عشان ماترجعين فيه مره ثانيه -
الكميرات ( الفيديو - --------
الشاحن حق الجوال والكاميرات
ونصيحه اذا وصلتم للديره اللي تبغونها اشتروا شرايح الجوال من عندهم وخلوا حقتكم للضروره اذا بغيتم تطمنون اهلكم في بلادكم
هذي كل اللي عندي ويمكن فيه اشياء نسيتها السموحه


اخيراً اتمنى لكم قضاء وقت حلو في سفركم ولا تنسوا اذا رجعتم تكتبون لنا اللي
مر فيكم واش سويتم في سفرتكم


ادعوا لي ان سفرتي تكون ممتعه واقضي اجازه سعيده لأني انشاءالله مسافره مصر يوم الخميس 20/6 يوافق 5/7/2007
والـــــــــــــــى القــــــــــــــــاء انشــــــــــــــــــــــ ــــــــــــــــاء الله [/SIZE :Zd_bye_3:

OMAZOOZ111
03/07/2007, 02:39 PM
نسيت اقول لكم لاتنسوا بخاخ الديتول والمناديل المعقمه عشان اذا احتجتوها وخصوصاص الأطفال
لوااحتاج الأمر الى استخدام الحمام اكرمكم الله وانتم في الطريق عند قضاء مشاويركم
اوا حتى لما تسكنوا في مكان الأقامه:cry:


:happy1: :happy1: :happy1: :happy1:

¤*~Caramella~*¤
04/07/2007, 04:47 PM
اني مسافرة ماليزيا انشالله على السبت المغرب بروح البحرين والرحلة الفجر

للحين ماجهزت الشنطه وبس اجهزها بقول ليكم ويش حطيت

بس اهم شي اشتريت الاقمصه الطويله والبنطلونات
اخذت تقريبا 5 اقمصه طويله بس مشكلها نص كم يعني لازم بلوزه تحت كم
و اخذت 5 بناطلين معاها

والشيلات الملونه

اواخذت نعال للبحر وجوتي رياضة لاااازم وباقي الصندل الرياضي
احتياط

ومتورطه على كريم واقي عن الشمس
والحين بروح ارتب الشنطه
وراجعه ليكم

ღ رآقيهـ ღ‏
04/07/2007, 06:21 PM
شاكرة لكم تواصلكم حبيباتي وان شاء الله الكل يستفيد واتمنى سفره سعيدة للجميع

مزروعيه
04/07/2007, 07:46 PM
malaak..........الله يسهل عليج الولاده واتقومين بالسلامه ان شاء الله...
وادعوا لي ان الله يسهل علينا السفر...ويحمينا من كل شر...واتكون رحله سعيده ان شاء الله..
ولي عوده بإذن الله بعد الـسفر..

ღ رآقيهـ ღ‏
05/07/2007, 02:30 PM
مزروعيه

آآآآآآآآآآآآآآآآآآآآآآآآآ آآآآمين يا رب العالمين فرحتني دعوتك الغالية ان شاء الله يا رب تتسهل على الجميع اموره

كيف تجهيزاتك للسفر ان شاء الله قربتي تخلصي منها وانصحك تخصصي ورقة كل ما تتذكري شي تكتبيه عشان وقت ترتبين الشنط ما تنسين شي ابدا وتتورطين وعشان تكون سفرتك حلوة ان شاء الله

يلا ننتظر تجهيزاتك وننتظر تقريرك بعد ما ترجعي من السفر ان شاء الله جننتوني اقول لزوجي خاطري اسافر خخخخخخخ ان شاء الله بعد الولادة

وان شاء الله الكل يستفيد من الموضوع

*العنا*
05/07/2007, 11:52 PM
يعطيك العافية اختي على الموضوع وفعلا مفيد ..

وعن نفسي اتمنى باقي الاخوات يفيدونا وانا بكتب الاغراض اللي باخذها معاي بعد يومين او ثلاث

بالكثير .

لان بفكر وبرجع ارد عليك ..

ღ رآقيهـ ღ‏
08/07/2007, 01:33 AM
بإنتظارك غاليتي

بسبوسه قطر
18/07/2007, 12:59 AM
حبيباتي انا بروح فرنسا بس عقب شهر ان شاء الله اذا جهزت اغراضي بقولكم

سي يو لين ذاك الوقت
الله الله بالردود الحلوه

غدووورة
19/07/2007, 04:50 PM
هلا حبيباتي
والله الموضوع وايد مفيد

انا بسافر على تاريخ 3-8-2007
اول شيء بنطلع من مسقط على مطار قطر ترانزيت
وبعدين من قطر الي تايلند لمدة 7 ايام
وبعدين من تايلند الى استراليا اول شيء ملبورن وبعدين سيدني وبعدين برزبن وجولد كوست
في كل مدينة راح نقعد 6 ايام
واخر شيء من برزبن على طول الى سنغافورة
وبعدين من سنغافورة الى قطر ترانزيت واخر شيء بنرد السلطنة على تاريخ 24-8

الاغراض اللي باخدهم معاي

الكاميرا مع الشاحن
فرشاة الاسنان والمعجون
فرشاة الشعر مع المقابض
الشامبو الخاص بالشعر الاحمر مع البلسم
مزيل المكياج والتونر والكلنسر وغسول الوجة
لابيلو للشفايف
كريم البعوض
كلينكس معقم
لوشن للجسم
مقص الاظافر مع المبرد
الغسول للمنطقة الحميمه
الادوية الخاصة من بندول والبلاستر للجروح ودواء الزكام وحرقة المعدة وفيكس
العدسات مع المحلول والنظارة الطبية
كتب او مجلات لان الرحلة طويلة
i pod
كريم لليد والجسم
فوط صحية
جوارب وملابس ثقيلة حق استراليا
اكسسوارات خفيفة والموبايل والشاحن
مكياج خفيف
جوتي رياضي
وطبعا اخر شيء ما ننسى المصلى و اللحاف الخاص للصلاة

ღ رآقيهـ ღ‏
01/08/2007, 05:43 AM
تسلمون حبيباتي على الاضافات الرائعة

تروحوا وترجعوا بالسلامة وبأنتظار قصصكم بالسفر ان شاء الله

واتمنى الي عندها اضافات تفيد فيها باقي الاخوات :)

وسفرة ممتعه للجميع ان شاء الله

فرحه عمري
01/08/2007, 04:36 PM
اهلين خواتي و موضوعكم فعلا رووعه
انا وحده احب السفر و الحمد لله تقريبا كل سنه اسافر الا اذا كنت حامل هههههههه
و مع الخبره لاحظت انه حجم الجنطه ينكمش و عرفت لروحي بالسفر شنو اخذ ...طبعا اكثر واحد مستانس بهالموضوع هو زوجي خخخخخخخخخ

نجي للاغراض : طبعا اول شي سجاده صلاه و ثوب صلاه لي

الملابس صراحه ما اكثر ** بنطلونات 3 ( جينز - بيج - اسود )
***البلايز يعني 5- 7 و اختار اللي اقدر ابدلهم مع كم بنطلون يعنى
تمشي عالجينز الاسود و راح تلاحظين انه ستايل الملابس تغير
مع تغير لون البنطلون
** تنورتين للمطار مع انه غالبا تنوره جينز
** ملافع ملونه للبدلات
** 3-4 سوتيان و 6-7 ملابس داخليه
* 2 جوتي عملي واحد اساسي و الثاني احتياط مع جنطه و حده

نظافه شخصيه: ** شاور جل معطر /شامبو /ديوترانت / فرشاه و معجون اسنان / فوط استحمام / فوط صحيه احتاط اذا كان موعدها قريب / فوط استعمال يومي و كثر منها لانها تغني عن غسيل الملابس الداخليه لانها بصراحه ماتنشف بسرعه بالفندق / قصاصه اظافر


مستلزمات اساسيه : بنادول / مكواه سفر / شحن موبايل / سشوار / كلبسات شعر /
شنطه اكسسوارت للملابس خخخخخخ كم خاتم و ساعه و قلاده ههههههه /
شنطه مكياج و كمان اشياء اساسيه و الون طبيعيه
ان شاء الله ما نسيت شي

اذا في احد رايح بوكيت و تايلند على تاريخ 15 / 8/2007
يبلغني بليييييييييييز
و اول مره اجرب طيران الاتحاد

ღ رآقيهـ ღ‏
02/08/2007, 09:27 AM
تسلمي حبيبتي على القائمة المفيدة وان شاء الله الكل يستفيد منها وبإنتظار باقي التجهيزات

جورى قطر
02/08/2007, 12:39 PM
تسلمين حبيبتى على الموضوع :flower:

وانا بسافر باجر بمشيئة الله تعالى للاردن عندى دورة هناك وبطلع من الاردن بروح سوريا

المهم حجزنا بفندق ميريديان فى عمان

الاغراض اللى راااح اخذها معى

5 بنطلونات بالاضافة الى مجموعة من البلايز

قمصان نوم لازم

بجامات ملونة

تنانير حق المطار والطلعات الرسمية

عبايتين

شنطتين ونعالين اعزكم الله

نظارة شمسية

ومكياج
ادوات النظافة والاستحمام

استشوار

عطورات وكريمات ودهن العود ما استغنى عنه

وشاحن جوال

وعدسات ملونة

طبعا بالاضافة الى كتيبات دينية

واكسسورات

بس هذى هى اغراضى تقريبا اللى جهزتها,, واذا تذكرت شى راااح اخبركم

ღ رآقيهـ ღ‏
02/08/2007, 01:10 PM
تسلمي حبيبتي على القائمة المفيدة وان شاء الله الكل يستفيد منها وبإنتظار باقي التجهيزات

عروس الدوحه
02/08/2007, 07:34 PM
بقولج على السرريع اخذ معاي فقط جوتي ريااضه لاني تبت بعد ماسافرت اكثر من دووله ولانه هناك مانستخدم سيارة كل مشي فتبت وجوتي ريااضه افضل جوووتي للسفر وللمطار خصوصا اذا كانت سفرة ترانزيت وبعيدة

واخذ معاي عبايه وشيلتين
و4بواطلين و4قمصاان طويله الكويتيه نفس الجلاباب
وطبعا ملابس دااخليه
وعطر واحد ويكون بارد وصغير
وشنطه وحده كبيرة للمطار لاني بالسفر اخاف اخذ معاي شنطه وانا اتمشي او طالعه من كثر بوقاات
شاحن جوال
مشط
برنووص لازم مااحب اتلحف اللي بالفندق لو 10نجووووووووووووم
مزيل عرق
وطبعا فرشاة وعجون وشامبو وصابون والخ نظاافه شخصيه
عدساتي طبيه +محلول
قلم ودفتر صغير


هاي اللي في باالي

ღ رآقيهـ ღ‏
03/08/2007, 11:15 AM
تسلمي حبيبتي على القائمة المفيدة وان شاء الله الكل يستفيد منها وبإنتظار باقي التجهيزات

ياراالرياض
06/08/2007, 10:13 PM
انا بسافر الاسبوع الجاي دبي..

لمده 10 ايام..في تاريخ10-8-2007
في عز الصيف...

وبنسكن في فندق 5 نجوم..وش الاشياء الي تنصحوني اخذها..؟

مع العلم اني انا وزوجي وطفل عمر ست سنوات...

واتمنى لكم سفرا سعيدا...

وتروحون وتردون لنا بسلامه...

ღ رآقيهـ ღ‏
06/08/2007, 10:30 PM
ياراالرياض

حبيبتي رحلة موفقة ان شاء الله

لو ترجعين لصفحات الموضوع بتلقين قوائم حلوة بالاغراض الي تحتاجينها بالسفر ان شاء الله :)

وبالنسبة لابنك الله يحفظه شوفي ها الموضوعين ان شاء الله يفيدونك بالاغراض الي تحتاجينها للاطفال للاخت الدمشقية

http://www.3roos.com/forums/showthread.php?t=255089

وهذا موضوع ثاني بعد

للاخت أنجل ايز

http://www.3roos.com/forums/showthread.php?t=255584

(( ام الغلا ))
07/08/2007, 07:52 AM
السلام عليكم
انا عن نفسي راح اروح اوروبا (فرنسا ، زيلامسي ، سويسرا ، ميونخ) جولة لمدة 3 اسابيع
واللي جهزته ـ بدل مستورة طبعا لاني ما راح البس العباه (بلايز طويله وبناطلين واسعه وشيل
ـ عطور وكريمات وشامبو وصابون وفرشاه ومعجون وفوط صحيه ومكينه حلاقة وادوات خياطة
ـ مكواه طبعا واستشوار
ـ غوري لاني سمعت وايد ناس يقولون ان الفنادق اللي مافيها رشاشات الحمام (اعزكم الله) يستخدمون غوري الغرفة
ـ ملابس داخلية وقمصان نوم لاني متزوجه وساعه بسيطه حق اليد (لاني وديت ساعه الماس وانسرقت في ماليزيا)
ـ كحل وقلوس لونه طبيعي ، مظله صغيرة لان الحين تبتدي الامطار
ـ دلاغات وحذائين رياضة (اعزكم الله)
ـ قباضات شعر احتياطية لان كم انكسرت قباضتي واتوهق
ـ سجادة ويلال صلاة وقران صغير وجهاز يدل على مواقيت الصلاة
وووووووووووووووبسسسسسسسسس سس
ان شاء استفدتوا

فرحه عمري
08/08/2007, 06:43 AM
بنات نصيحه مجربه للي يسافرون اوروبا و استراليا ( مثل حالاتي خخخخخخ)

وايد يتأذون بخصوص الطهاره بالحمام و بعطيك هالنصيحه

اذا تعرفون علبه العصار الموجوده في شامبوات الصبغ المنزلي مثل لوريال و فيفا كولور !!انا انظفها و متى ما احتجتها اعبيها بالماي و استخدمها بدل علب الماي المعدني و غيره لأنها بصراحه تدمر الملابس و ماتوصل للمكان ( انتو عارفين قصدي) اما علبه العصار هذي تقدرين تضغطين عليها و تتحكمين بدفع الماي ( ما استغنى عنها حتى بالمطارات )
اللي بيروحون اميركا او انجلترا خليها فاضيه لا تعبينها إلا و قت الحاجه

و بعد اذا جنطتك ضاعت لا سمح الله ما تتوهقين ( عن سابق تجربه )

و نصيحه ثانيه لما تنسقين الجناط لا تخصصين جنطه معينه لك لاااااااااااااا انسي ..حاولي توزعين ملابسك و اقصد البدلات بس .....يعني كم بدله و ملفع في جنطه زوجك و كم بدله في جنطه اولادك اذا رايحين معاك اما المكياج و الملابس الداخليه و خلافه خليها بجنطتك لانه مثل هالاغراض متوفره في كل الدول الا ملابسنا لأنه صعبه تلاقي ملابس حلوه و محتشمه في نفس الوقت لانه بصراحه ما عندهم

فرحه عمري
08/08/2007, 06:50 AM
ريم 81
كلامك صح كل الفنادق 5 نجوم متوفره فيها اغراض الحمام يعني ممكن نستغنى عن الصابون بس الشامبو ما اعتقد

مسره
الله يعين اللي بيشيل جنطتك انتي بتسافرين ولا بتهاجرين ههههههههههه

فرحه عمري
08/08/2007, 07:18 AM
اتمنى انكم تذكرون تجهيزات البيبي لان ماني عارفة شنو آخذ حق ولدي

يعتمد اختى على عمر البيبي و الدوله اللي بتسافرين لها ؟؟

في اشياء استخدمتها لبنتي لما كانت صغيره و هي
@@ صدريه اكل تلاقينها عند Mother Careعباره عن مجموعه من 10 صدريات بس نوعيه الاستخدام مره وحده يعني بس تخلصين تحذفينها لا غسيل و لا بطيخ و نوعيتها صحيح انها ورق بس ما تتشرب الماي

@@ علب الكلينكس المعقمه ( مو شرط ديتول ) فظيييييييعه و ما استغني عنها خصوصا للاطفال اللي يعرفون ياكلون و استخدمها لتنظيف اليدين فقط ( لانها تنشف الوجهه ) وقت الوجبات و تنفع تدبرين فيها امورك لما تلاقين حمام تغسلين

@@ جنطه للطياره و ضروري تحسبين عدد ساعات الطيران صح و تضيفي كم ساعه للمطار حتى الوصول للفندق عشان :
1- تقدرين عدد الرضعات ( اذا طفل يعتمد عالرضعه ) و حطي احتياط زياده ....رضعات البيبي كنت احط 3/4 كميه الماي من ماي ساخن و اخليه لما يدفى و بعدين و قت الرضعه اطلب من المضيفه تكمل عليه ماي ساخن للحد المطلوب ( بس احتياط اخذي مطاره ماي ساخن ) و لا تنطرين لما البيبي يحس بالجوع يعني انتي ادري بوقت رضعاته سويها قبل عشان ما يصيح و تتأذين معاه

2- عده غياره الحفاظ و زيدي من عدد الحفاظات على حسب تقديرك ( انا كل ساعتين اغير الحفاظ حتى لو ناشفه طبعا اذا وسخه اغيرها على طول ....لأنه في ناس تنطر لما تتملى الحفاظ يدوب تغيرها )

3- ملابس غيار احتياط اذا اتسخت الملابس بالطياره

4- اذا الطفل ياكل ضروري تجهزي له و جبه بالبيت و ممكن يسخنونها بالطياره ( من 4- 18 شهر ) او تاخذي سندويتشات للكبير

5- بالاضافه للاشياء اللي ذكرتها فوق

ملابس المطار للبيبي ضروري تكون كم طويل و بنطلون طويل و جرابات.. لان الطياره باااااارده داخل و اذا عندك غطى افضل احتياط لانهم ينامون بالطياره

باقي جنطه السفر يعتمد على المده و الدوله و لا تنغري في دول اوروبا لانه ممكن تكون موجه حر في 15\7 الى 10\8 يعني اخذي كم بدله صيفي

اما دول شرق اسيا حتى لو انها حااااره إلا ان التاكسي فرييييييزر يعني اخذي جاكيت ربيعي خفيف عشان ما ياخذ برد يركب بعد الحر و العرق بجو بارد
و ان شالله فدنا و استفدنا

ღ رآقيهـ ღ‏
30/10/2007, 08:06 AM
تسلمون

مسرة
02/06/2008, 06:39 AM
ارفع الموضوع لاهميته والان موسم السفر

المسالمه
02/06/2008, 10:19 AM
ممممم

اخذت عبايتن

كاوتش (للمشي)

مضله عشان لو صادفنا امطاااار

بناطيل جينز وتيشرتااات

باقيلي ....


نظاره شمسيه


غلاية مويه

مكوى صغير

هاي ماما
03/06/2008, 07:17 AM
اسمعوا ياطويلات العمر انا مسافره على اسكتلندا في شهر 8
وبما اني عارفه البلد كويس باخذ نفس اللي اخذه كل مره
بناطلين جينز....تي شيرتات.........وبناطلين كلاسيك وجاكيت كلاسيك طويل.....وجاكيت للمطر....وبوت ...وملابس داخليه بعدد ايام الرحله........ومشط......واهم شي البيجامات وقمصان النوم تكون جديده ...اشتريها واحطها بالشنطه على طول....وملقط وادوات المكياج ........وبس والباقي لو احتجت شي اشتري من هناك
بس اذا كنتوا نازلين فندق 5نجوم ماتحتاجون سشوار او ادوات خياطه او مقص ولا حتى شبشب لانه الفندق يقير لك الشبشب يوميا مع المناشف ........بس لو كان 5نجوم
وللمعلومه حاولوا تسافروون باقل كميه من الاشياء وترجعون باكثر مايمكن هذي سياستي بالسفر......انا عندي ثلاث اطفال واشافر بالثلاث اسابيع واكثر طبعا دائما لاوروبا ولا اخذ اكثر من شنطتين متوسط وحقيبة يد ..........

ღ رآقيهـ ღ‏
03/06/2008, 12:14 PM
مشكوراااااااااااات حبيباتي على الردود الحلوة والمفيدة

هاي ماما ما شاء الله 3عيال وشنطيتن كثير حلو ممكن تساعدينا كيف تجهزي شنطة الاطفال انا اطلع 5 دقايق شنطة ولدي مليانه ما اعرف كيف انظم ها السالفة

FαѕнїΘиїѕтα
03/06/2008, 12:27 PM
انا مسافره تاريخ 29-6 ماشي باقي

للأسف للحين مافصلت عبايه ولا شي
احس مالي نفس مب متحمسه وايد للسفر ههههههههههه :sm179:

بس اذا فصلت وياني مزاج :think:
ناويه افصل عبايتين او ثلاث " طقم " بس مايكون واايد يعني Over لا شي بسيط وطبعن بتكون العبي مسكره
و عبايه سااااده وحده مسكره بعد و عليها اي شيله البسها مع الاكسسوارات طبعن انا احب التزم في السفر لو برع البلاد ولا داخل البلاد انا ملتزمه بعبايتي وشيلتي ;) ترى مب قصدي شي كل واحد وحر اوكيـه

بالنسبــة للمطـــار روحه ورجعه :-

بلبس عبايه مفتوحه
و بلبس تنوره :sm229: بس ماحدت اي قماش .. يمكن جينز يمكن .. مب اكيد


جهزت للحين

:21_209:

---------------------------------------------------------
1- الاكسسوارات الوان مختلفه ..
2- الميــك - آب .. لازم يكون معايه ( الكحل: أزرق و الأسود والأخضر و الأبيض ) و القلوس و بلاشر الطبيعي من ماركــة بينيفت .. ما احب اكوون وايد Over والمسكارا طبعا
و البودره : انا طبيعتي الحمدالله ما استخدم البودره وايد بس حطيتهاا احطيات بس جذي و عدساتي الطبيه الملونه

3- خذت 4 جينزات (2 سكيني و 2 عاديات) (تحت العبايه)
4- 6 تي شيرتات سبورتيه لانها بتكون تحت العبايه و ماتنبان شي
5- المظلــة ( يمكن انصادف امطار )
6- نظارة شمسيـه
7- كيمرتي و الـpattery
8- SunBlock من ProZone يبعون في الصيدليات وايد وااايد زين وطبـي الدكتوره عطتني منـه
9- المناكيـر : الوان واشكال
10 - i pod و السماعه
11- عطرين فرنسيـه : 1- صن سيت من اسكادا و شيلمر بلاك من جيرلاين
12- عطر عربي : 1- عطر عود الشمس
13- لوشن لليد
14- كلينكس ديتول خذت 2 منهن حجم كبار
15- 4 شنط يد كبار مختلفه الوانهن
16 - لابت -توب + شنطته
17 - 2 قباضات كبار خخخ انا كنت باخذ بس وحده عقب تذكرت موقفي يوم انكسرت وتندمت ههه
18- فراش حق السرير خذت واحد بس
19 - موبايل + الشاحن + المحول
20 - البخور (لاتضحكون ههههه :21_186: ما اقدر استغنى عنه)
21 - عطر للفراش
22 - جل معـقم اسمــه Dail بنات بوظبي اللي يبونه بيحصلونه في كـارفور

بصراحـــه هاذا اللي جهزتـه انا احب اتجهز قبل السفر بشـهر لأني انا وايد اخاف انسى اشياء بس الحيــن باقيلنا 23 او 24 يوم ... تقريبا ً


شووفوا حبـيـبـاتـي كل بنت لازم تاخذ معاها اغراضها الخاصه :wink:
بس انا ماذكرتهم لأنه شي طـبـيـعي مانستغنـه عنه انا اللي ذكرتهم وجهزتهم
الاساسيات طبعا ... و الاغراض الخاصه طبعا لازم اخذها بما اني ماذكرت ولا وحده منهم

ღ رآقيهـ ღ‏
03/06/2008, 07:28 PM
مشكورات الغاليات ما قصرتو

ننتظر باقي المشاركات

غروب11
04/06/2008, 12:02 AM
هلا الغاليات ابا اسال الاطفال شو تلبسونهم في الطيارة يعني بنت 5سنين وولد 8 يلبسون شي ثقيل عشان الطيارة بارده ؟؟؟؟ سوري اول مرة اسافر خبروني بلييييييييييييز

FαѕнїΘиїѕтα
04/06/2008, 07:24 AM
هلا انشالله اقدر افيـدج غروب11

البنت : لبسيها جينز طويل و قميص طويل بتشوفين اشياء وايد حلووه عند h&m و - بيبي شوب اللي في جمعية أبوظبي التعاونــيــه في نادي السياحي
الولد : بعد جينز عند Bhs

وفي بعــــــــــــد سبلاش منزلين اشياء روعه حق البنات من ماركــة ms و حق الاولاد بعد اسعارهم جدا معقوله ورخييييييييييصـــــــه يعني تاخذين مثلا قميص ومع جاكيت بس اب 179 جذي و البناطلين على 100 وشي بس

بتلاقــــبـــن واايــــــــــــد اشياء عندهم روعــه من غير اللي ذكرتهم تقدرين تروحين بوظبي مول او مرينا مول
عندهم محلات اطفال رووعـــه و اسعارهم لا باس ... لاغالي و لا رخيص اسعارهم جدا ّ ( عاديــه)


بس شوفي ( الجــيــنــز ) حق المطار ولا اروع انا يوم اسافر اللبس جينز بس حق المطار ...

دلوعة بودي
11/06/2008, 08:00 PM
أنا حابه أشارك في الموضوع أنا رايحة على مليزيا تاريخ 11/7/2008
وراح أقعد فيها 12 يوم بروح جنتنج وبعدين بينانق وبعدها كوالا لمبور

والأغراض إلي بخذها معاي

مزيل العرق - معجون أسنان وفرشاة - مشط -كلينك للشنطة- وكلينكس مرطب-عطر وكريم بدي لوشن- عدة خياطة حجم صغير- أدوية ولزق جروح- كريم- شامبو وصابون-سجادة صلاة- وقرأن-شاحن موبايل- الكامير والشاحن- شنطة مكياج- مكينة براون- حلاوة وعلك للشتطة- كيرفري- بطانية صغيرة أحتياط- أكياس سكر ولبتون وأبو قوس وشوكلاة- عبايتين وحدة سادة وحدة فيها شغل خفيف- شيل ملونه - كواية صغيرة-بناطلين- قمصان كويتيه- ملابس داخلية- قمصان نوم- بجامات- فوط- واقي الشمس- ساعة يد وشوية اكسسوارات- شباصات للشعر- أعواد للأذن- أعواد الأسنان-جوتي سبورة-وجوتي عملي-فيكس-شنطة يد كبيرة شوي علشان تشيل أغراض كثيرة- عدة الأظافر-جل للتعقيم

هذا كل إلي أتذكرة وإذا في شي ناقصني بنات بليز نبهوني وشكرا على الموضوع الجميل والمميز




http://www.3roos.com/uploaded2008/148973/21206745791.gif

هايمه بذاتى
18/06/2008, 09:22 AM
موضوع مره رووووووووووعهـ .. تسلم ايد اللى حطتهـ


ان شاء الله انا مسافره بشهر 7


يمكن نروح اسبانيا ويمكن نروح سوريا ولبنان .. لسه ماحددنا مع ابو الشباب ..


بس اول ماابد ارتب للرحله .. ان شاء الله اعلمكم ..


ييعنى لى رجعه .. معكم ..

قمة الأحساس والذوق
19/06/2008, 04:42 AM
بنات صباح الخير انا ابي اروح للبنان محتاره مدري شو اخذا معي بظبط لاني عروسه

قمة الأحساس والذوق
19/06/2008, 04:47 AM
بنات صباح الخير انا ابي اروح للبنان محتاره مدري شو اخذا معي بظبط لاني عروسه

سما الدوحة
20/06/2008, 06:21 PM
الموضوع راااااااائع


وانا استفد منه


جزاكم الله خيرا


:)

مهـا
21/06/2008, 11:06 PM
يعطيكم العااااااااااااااافيه

شموووووع حواء
22/06/2008, 09:25 AM
مشكوره .............................. ...............مشكوره
مشكوره... ......مشكوره.................. ....مشكوره.........مشكوره
مشكوره.............مشكوره..... ....... ..مشكوره............... مشكوره
مشكوره........................ مشكوره ............................مش كوره
مشكوره... .............................. ................... .....مشكوره
مشكوره. .............................. ................... ...مشكوره
مشكوره....................... ........................ مشكوره
مشكوره........................ ...............مشكوره
مشكوره................ ................مشكوره
مشكوره............. ..........مشكوره
مشكوره.......... .......مشكوره
مشكوره.....مشكوره
مشكوره

شموووووع حواء
22/06/2008, 09:28 AM
اية صح بقولكم لا تنسووووووووووون التالي


علاج للاسهال او الامساك

دوا للصداع والغازات

دوا للمغص او الغثيان

كريم واقي من الشمس


سجادة صلاة

مقلم اظافر

شنطة قوية وذات جودة عالية للمشي في الشوارع علشان ما تنقطع عليك


كريم فولترين للشد العضلي والم الظهر وخلافه

بائعة الوووورد
22/06/2008, 10:43 AM
مشكووووووووووووووره حبيبتتتتتتتتتتتتتتي
مثل ماقلتم ماشاءالله مابقيتم بخلي الموضوع بالمفضله يوم اسافر اشيك عليه:poster_dev:
مرسسسسسسسسسسسسسسي
:groupwave:
اختكم بائعة الووورد

AnwaR FatY
22/06/2008, 12:24 PM
1- ساعة يد
2- خواتم
3- جينزات << ليلحين ما حددت كم واحد
4- تي شيرتات كت << عن الحر
5- نظارة شمسيـه
6- سن بلوك من نيفيا
7- المناكيـر
8 - MP4 و السماعه والشاحن
9- عطر
10- لوشن فازلين لليد
11- كلينكس صغار للشنطة
12 - جل معـقم بيور سوفت
13- دفتر صغير وقلم << احتياط
14- الفوط الصحية << أهم شي
15- شوز سبورت اضافي
16- جوارب
17- عباية ثانية << غير عن اللي بكون لابستها
18- شيلات
19- فازلين بزيت اللوز الحلو << للشفايف وقت النوم
20- مرطب شفايف من QV
21- طبعاً التلفون بالشاحن
22- شور جل واللوفة
23- اسكينول و قطن << صايرة ما استغني عنهم
24- شامبو وكريم ومشط وشباصات
25- منتجات هيمالايا المخصصة للسفر << حجمها صغير وبشنطة حلوة
مكونة من غسول نيم - عبوة فواكه منعشة - جل تنظيف الوجه - مقشر المشمش - كريم العناية بالقدمين - المرطب

أممممم

هاي اللي جاي عبالي الحين

هذلين اللي أني باخذهم وياي

أمي الله يحفظها بتتكفل بالباقي << أكيد شنطتج ما بتكفي شي غير << ما صارت سفرة كم اسبوع

وسي يو

camberlight
23/06/2008, 05:41 PM
عاد أنا بسافر أيطاليا لمدة اسبوعين انشالله وبديت ارتب شنطتي وشنطة زوجي.... أنا خذيتلي قمصان طويله عدد 10تقريبا مع توبات ايادي طويله لاني ما البس عبايه في السفر وبناطلين, وخذت كمن سكارف على الوان البسات خخخخ أحب التغيير وايد يعني اكرر البسه مرتين بس... وجوتي رياضي من غير الي لابستنه لون ثاني ودلاغات وملابس داخليه طبعا لكل يوم طقم وفوط صحيه يوميه .... اممم سشواري لازم ويايه وبقية كريماتي ومكياجي .....مممم خلوني اتذكر ممم ايوه قمصان نوم عدد 4 عشان ندلع شوي :) و4 بيجامات قطنيه للنوم والخمده خخخخخ.....وبس ورحله ممتعه لي ولكم انشالله عااااااااااد بخبركم عن السفره يوم برجع ...بااااااااااي

الخوافي
24/06/2008, 02:57 PM
انا أنشالله بروح استراليا بس لين أحين ماتحددت السفره

لنه الأجازه كله أعراس عندنا ماشالله يمكن بعد العيد أو شهر واحد

لنه الضروف أحين ماتسمح عشان الأعراس وبعدين اول 8 ريلي عليه دوره في أمريكا يعني ماعرف مته

أنتي أختي رايحه ماليزيا

أنصحج تخذين جواتي سبورت

انا يوم رحت كنت ماخذه كله كعب وتلعوزت

وخذي عباه مسكره وكثري من البناطلين طبعن تتحت العباه

أدويه لنه وااايد ضروريه

اذا عندج أطفال خذي لهم حليب وبمبرز لنه مايتوفر نفس النوعيه

وتروحين وتردين بسلامه

camberlight
24/06/2008, 10:46 PM
أختي الخوافي ما انصحج تسيرين استراليا في شهر واحد لانه بيكون عندهم صيف وحر وما بتسانسين قضي شهر واحد هنيه يكون الجو روعه في الامارات .... نصيحه لو بتسيرين استراليا سيري شهر 6 او 7 او 8 يكون عندهم برررررد روعه وشلي وياج ملابس صوفي شتويه وجاكيتات ترا درجة الحراره 14 او 15 ....لا تنسين هم عكسنا يوم عندهم صيف احنا شتاء والعكس وربي يحفظج ..

ذيبة قطر
25/06/2008, 05:18 PM
انا ان شاء الله بروح الصين وتايلاند 29-7 وبقعد هناك شهر واكثر حاجة افكر فيها اكل عيالي بنتي عمرها سنتين وولدي اربع سنوات الله يحفظهم خصوصا ان معدتهم وايد حساسة ومب اي اكلة تناسبهم ووايد احاتي اجهزة التفتيش في المطار انها تاثر على الاكل اللي بوديه معاي اتمنى اي وحدة مرت معاها نفس المعاناة تفيدني

احب عيمان
28/06/2008, 04:47 PM
من وين تشترون قمصان طويل؟؟

انا اللي احصله ما يعيبني .. اخر شي قمت اخذلي تنانير قصار البسهم فوق النطلون و قميص خخخخخ

ام فطومهـ
28/06/2008, 05:04 PM
انا بساافر ماليزيا 12-7 ان شاء الله .. بس خاايفة بنتي تلعوزني هناك لانها بعدها صغيرة

- عباتين

- شيل

- اغراض الطفلة

- شامبو - صابون - فوطة

- مكواة صغيرة

- حذاء رياضي

- ملابس داخلية

- بنطلونات جينز وقمصة طوال كم قصير

ملابس شتوية لـ منطقة جينيتغ في ماليزيا لانها باردة

وانصح اي وحدة بتسير ماليزيا لمنطقة genting تااخذ معاها ملابس شتوية لانها المنطقة مرتفعة وبااردة

اما المناطق الثانية عادي رطوبة

امممم هذا الي يه على بالي

ومشكورة اختي عـ الطرح

ام فطومهـ
28/06/2008, 05:07 PM
من وين تشترون قمصان طويل؟؟

انا اللي احصله ما يعيبني .. اخر شي قمت اخذلي تنانير قصار البسهم فوق النطلون و قميص خخخخخ

هلا اختي ..

جوفي تعرفين دبنهاامز انا ذاك اليوم سرت وحصلت لي قمصان طوال روعة وحلوين لاني دورت ونفسج ماااحصلت وماايعيبووني دخلت دبنهامز تقريبا خذيت لي 5 قمصان

:)

جورى الشرقيه
29/06/2008, 12:16 PM
الله يعطكم الصحه و العافيه حبيباتى ومشكورات وماقصرتوا

ღ رآقيهـ ღ‏
30/06/2008, 12:09 AM
تسلمون حبيباتي والله كثير افدتونا وان شاء الله الكل يستفيد

الزمان
30/06/2008, 01:24 PM
(o)يسلمووووووووووووووووووو

قلب البتول
21/06/2010, 11:47 PM
تسلمين على هالموضوع الرائع

ღ رآقيهـ ღ‏
25/06/2010, 11:35 AM
(o)يسلمووووووووووووووووووو


ربي يسلمك عيوني

اشكرك ع المرور والرد

super moni
23/11/2010, 03:32 PM
يسلموووو




و تروحين وترجعين بالسلامة .;)

زهرة اللبلاب
13/12/2010, 01:20 AM
لاتنسو الادويه وشاحن الجوال

ღ رآقيهـ ღ‏
31/01/2011, 04:00 PM
اشكركم حبيباتي ع التقييم والمرور الحلو

غّدُوِشّۂ
02/02/2011, 09:11 AM
انا عن نفسي بساااافر فرنسا بااريس
علني اسنه الي فاتت رحت لها بس اعجبتني
يسلمووو