المساعد الشخصي الرقمي

مشاهدة النسخة كاملة : فيينا (النمسااااااااااااااااااا ااا) بسرعه وعاجل



وهج الغرام
01/06/2006, 04:33 PM
ممكن تفيدوني بمعلومات ونصايح عن فيينا لاني بروح لها في شهر 7 وابي اعرف الاسواق والمجمعات اللي فيها وكيف تعامل شعبها وهل امان فيها والا لا وفيها خليجيين واجد ووش احلى شي فيهل وغاليه والا وسط ............

تكفون حطوا كل المعلومات اللي عندكم عن فيينا وزلامسي حلوه لان حاجزين فيها 5 ليالي وفيها سوق ........

وبسالكم اقدر اروح المانيا بالقطار من زلامسي

madori
01/06/2006, 10:39 PM
والله اختي راحت في شهر العسل والصراحه مدحتها وايد وقالت عنها انها وايد حلوه وشعبها طيب وفي حاله

om shahd
02/06/2006, 01:04 PM
- 1 -
المواصلات

قد تكون صعبة بعض الشيء على الاخوة والاخوات اللي ما جرب التنقل بوسائل النقل ( الترام والباص ومترو الانفاق ) لكنها والله اسهل ما في فيينا لأن هذه المدينة صنعت خصيصا للسياح اللي اعدادهم بالملايين !!



وفيينا لا يمكن انك تضيع فيها لعدة اسباب اولها انها مليانه بالاشارات والاسهم اللي موضوعة لتسهيل مهمة السياح في كل مكان وثانيا انك لما تسأل اي واحد راح يدلك لأنهم عارفين انك سائح محترم فلوسك في مخباك وجاي تفيدهم وثالثا انك مهما تضيع لا سمح الله وفي اسوأ الاحوال تقدر تتصل على شركة تاكسي تعطيهم اسم الشارع اللي انت فيه وتطلب تاكسي يجيك وتخليه يرجعك الى المكان اللي تبيه ...
من ارقام شركات التاكسي 60160 و40400





- 2 -
المطاعم

كثير من الاخوة كانت مشكلة الاكل كبيرة عندهم
اخواني محلات السوبر ماركت مثل billa و zielpunkt و spar اكثر منها ما في في فيينا ادخل وشف اللي تبي وخذ اللي تبي واسأل عن اللي ماتبي (اقصد خنزير)
ومحلات الاكل السريع التركية اللي يبيعون فيها شاورما (كباب) منتشرة ايضا
ماكدونالدز موجود بكثرة وبرجركينج له ايضا فروع في فيينا
اذا كنت ناوي تطبخ في البيت .. تقدر تشتري مقاضيك من المحلات الثلاث billa و zielpunkt و spar
واقدر ادلكم على سوق شرقي كبير وقريب واسعاره مناسبة جدا اسمه ناش ماركت موجود فوق محطة المترو
kettenbrükengasse المحطة هذه واقعة على المترو 4 الاخضر ( ترا هذا المترو اهداء من حكومة السعودية للنمسا!! ) وهي المحطة التالية تماما لمحطة كارلز بلاتز في وسط البلد واللي يتقاطع عندها مترو 1و2و4
بالنسبة للمطاعم العربية اللي تعتبر هنا فخمة غااااالية مثل مطعم اللورد الواقع عند محطة المترو شتوبنتور
المترو البرتقالي وهي المحطة التالية مباشرة لمحطة ستيفانز بلاتز وهو واقع على شارع من اهم شوارع فينا وهو الرينج وما يضيع ..وهناك مطعم البترا وهذا منافسهم والاثنين مو مناسبين للأكل لقلة الجودة مقارنة بالمبالغ اللي يطلبونها ولكن مناسبين للسهر في جو شرقي طربي لمن يرغب في هذه الاجواء (وصراحة شيشتهم رهيبة)

وهناك كافيتيريا صغيرة ذات اجواء شرقية ( شيشة ومشاريب عربية ) في مجمع كاقران التجاري ( دوناو بليكس ) الواقع على محطة كاقران kagran اخر محطات ال u1 ويوجد مطعم ايراني ممتاز واسعاره مقبولة في شوتنتور u2 ونصيحة بمطعم عربي فخم جدا واسعاره رخيييصة اسمه الجبره ويقدم ايضا شيشة في محطة فين ميتته (لاند شتراسه)u3 ,u4
اما مقاهي رخيصة فهي كثيرة ومنتشرة ايضا وتحس انك قاعد في مصر او تونس لأن معظم روادها واصحابها من هاتين الجنسيتين ويوجد فيها جميعا دش عربي وشيشة في الغالب سعرها 2 يورو وكل يوم عندهم طبخة عربية او اكثر وسعرهم معقول ايضا ولا انصح اطلاقا بأخذ العوائل الى المقاهي العربية لأن كلها شباب ..تقدر تاخذ اكل من عندهم وتروح تاكل في المكان اللي ساكنه ...ومن اراد اي معلومة عن المقاهي العربية سواءا عناوين او ايها الاصلح لعائلة اذا احد مصر واسعار الاكل انا مستعد اتكلم عنها بالتفصيل الممل .
مطاعم اخرى fridays على شارع الرينج ايضا وقريب من الهيلتون والشارع السياحي والمطعم الهندي في الشفيدن بلاتز u1 وu4 والمطاعم الصينية في كل ركن من فينا موجودة .




-
3 -
التسوق

بشكل عام البضائع غالية ومن اشهر الاسواق والشوارع والمحلات
الشوارع ( كيرتنر شتراسه ) او شارع السياح الذي يبدأ من محطة كارلز بلاتز u1,u2,u4 مرورا بمحطة ستيفانزبلاتز u1 ,u3 وانتهاءا بمحطة شفيدن بلاتز u1 ,u4
ماريا هيلفر شتراسه ويبدأ من مجطة فيستبانهوف u3,u6 مرورا بمحطتي زيجلر جاسه ونوي باوجاسه u3
مايدلنجر هاوبت شتراسه ويبدأ عند المحطة نيدرهوف شتراسه u6 وينتهي عند محطة فيلاديلفيا بروكي u6

المجمعات التجارية
شوبينج سيتي سنتر سود وهذا مجمع ضخم فيه كل شيء ويبيله يوم كامل دوران ويااالله تخلص منه وهذا برا فينا ولكنه قريب! ما عليك الا التوجه الى محطة المترو فيلاديلفيا بروكي u6 ومن هناك تأخذ الترام الاصفر الوحيد في فيينا واسمه لوكال بان الى ان تسمع كلمة شوبينج سيتي سنتر ولا تنسى شراء التذكرة من الترام لأنه المجمع خارج فينا وشراء تذكرة احسن من الغرامه !! وممكن تروح له ايضا بنفس الترام اللي يمر ايضا من محطة كارلز بلاتز u1u2u4 ولكن المسافه من هناك بتاخذ اكثر من 25 دقيقة
جازو ميتر وهو مجمع تجاري ضخم ايضا يضم العديد من محلات الكافي شوب والمطاعم اضافة الى الملابس والسينما وغيرها وهو على محطة مترو جازوميتر u3
دوناو بليكس وهو عبارة عن مجمعين مرتبطين بجسر ويقع على اخر ال u1 على محطة كاقران وفيه محلات كافي شوب ومطاعم اضافة الى السينما ( سيني بليكس ) وكما اسلفت فيه ايضا كافيتريا عربية للوجبات السريعه والشيشة وايضا احد فروع برجركينج
ميلينيوم سيتي وهو مجمع عالي جدا وجميل والذهاب اليه فسحة حلوة ايضا ويقع على محطة المترو هاندل سكي على u6
المحلات h&m ,, c&a منتشرة في كل الاسواق واسعارهم مناسبة ..زارا, نيويوركر, وسبريجفيلدر اسعارهم معقولة وجميعهم في ماريا هيلفر شتراسه .





- 4 -
أماكن سياحية

انصح بالذهاب اليها مثل مدينه العاب البراتر ( ماحد يعرف من الاعضاء ان الساقية اللي فيها عمرها 130 سنه ومن اثار فيينا!! ) براتر شتيرن u1 : وقصر شونبرون محطة شونبرون u4: ومغارة هتلر:: والاوبرا u1u2u4 كارلز بلاتز:و جزيرة الدانوب u1 دوناوانسيل : و برج الدانوب في نفس المنطقة .

..غابات فيينا ... حديقة الورود .. كاتيدرائية ستيفانز في ستيفانز بلاتز u3u1 .. والمتاحف الكثييييييرة الموجودة بمنطقة فولكس تياتر u2u3 ( شارع المتاحف ) ... ومنطقة نسيها الاخوة هي الكالين بيرج وهي جبل يطل على فينا وتكشف فيه فيينا وفيه العديد من المطاعم والكافي شوب واوتيل وقصر قديم وهو من اجمل مناطق فينا ولأجله غنت اسمهان ليالي الؤنس في فيينا .. ويمكنكم الذهاب اليه بباص يكون عند اخر محطات ال u4 واللي اسمها هايليجن شتادت ( معناها البلد المقدس يعني فلسطين ) وفعلا انصح جميع السياح بهذه الرحلة الرائعة للكالين بيرج ..
ولا انسى الشارع السياحي وطريق الرينج في منتصف المدينة وزيارة حديقة موزارت والمطاعم والكافي شوبس المحيطة بالمنطقة وغيرها


منقوووووووووووووووووووووو ووووووووووووول

عروس الجنة555
02/06/2006, 01:41 PM
انا رحت في شهر العسل بصراحة روعة وشعبها كلن بحالة فانا افضل اللي ايروح اول مرة يروح عن طريق السياحة وبمواصلات خاصة مو مع جروب وبالنسبة للأسواق غالية شويات مو شوي وبشكل عام فينا غالية وراح تحصلين اكثر شي عرب وخليجين في فيينا وزالامسي روووعة ورومانسية في الليل خاصة لو كنتي ساكنة في فندق جراند مطل على البحيرة وتنامين باليل وانتي فاتحة البلكونة لان الجو بارد باليل بس انا ابي انصحج بعد تروحين منطقة سازبورج فيها مغارة ثلج في أعلى الجبل صح تتعبين على ما توصلين لانه ما ينفع وسيلة مواصلات لازم تروحين مشي تعب تعب بس سبحان الله لما توصلين تنسين التعب ودرجة الحرارة في المغارة تحت الصفر وكل المغارة ثلوج طبيعية مو اصطناعية ابدا تحسين كأنج في الاسكيمو وطبعا لا زم تدخلين وانتي لابسة ملابس ثقيلة جداً لانه ما راح تستحملين البرد وأول ما تطلعين من المغارة تغيرين وتلبسين اخف لانه الجو حار شوي بس صدقين المغارة روعة طبعا احنا ما كنا نعرف عنها بس عشان احنا رايحين مع برنامج سياحي خاص وبامكانج تسألين سائق التكسي اللي يقوم بالجولة وبالنسبة للغة هم يتكلمون الالمانية اكثر ونادر من تحصلين يتكلم انجليزي الا السياحة فيها عرب واذا بغيتي تروحين ويا السياحة اطلبي السائق اجنبي والله عن تجربة لانه اول مرة كان الئق مصري بس حسيت ما له خلق اما الاجنبي يحاول على قد ما يقدر يوريج بلاده من شرقها لغربها

عروس الجنة555
02/06/2006, 01:48 PM
وبغيت اضيف شي انه في فينا مغارة هتلر وفيها معتدات هتلر خاصة بالحرب العالمية الثانية والسجون التي كان يسجن فيها الاسرى وحديقة الملكة ومتحف الفنون لاشهر الرسامين العالمين وانصحج انج تسكنين في فندق ايروب لانه بوسط شارع المشاه وفيها بعد ثالث اقدم كنيسة في العالم وفي رحلة على الباخرة في نهر الدانوب وفي منطقة سازبورج مغارة الملح لا تفوتين ها الرحلة وتلفريك بعد روعه

وهج الغرام
02/06/2006, 04:24 PM
تسلمون على المرور والافادات

ترانيم قطر
02/06/2006, 07:05 PM
تروحين وترجعين بالسلامه


وان شاء الله المووضع هذا يفديك


والبنات ماقصرو

http://www.3roos.com/forums/showthread.php?t=127337

وهج الغرام
02/06/2006, 11:34 PM
يسلمو ترانيم قطر على المرور

وهج الغرام
06/06/2006, 07:39 PM
بنات وش احلى شي اقدر اشتريه من فيينا واميونيخ وروما وفينيسيا ومش موجود بالخليج

وهج الغرام
14/06/2006, 04:25 PM
وينكم يابنات ليه ماتردون معقوله محد راح فيينا والمانيا

ROSE3ROOS
14/06/2006, 04:33 PM
وهج الغارم مدري ليش حاسه اني اعرفج اذا انتي صج الي في بالي فاقولج

شلونج يا ام فهد .
واذا مو ام فهد حياج وبعد بقولج شلونج يا الغاليه

وبنسبه للمعلومات ماااشاء الله البنات مااقصرو يعطيهم العافيه ورحله سعيده ان شاء الله ناطرينج ترجعين بالسلامه وتكتبيلنا عن رحلتج.
وحياج عندي انا بالمانيا .

noora qatar
14/06/2006, 04:36 PM
بنات نبي بعد معلومات عنها اشلون يتعاملون بالدولار ولا اليورو

وهج الغرام
19/06/2006, 06:55 PM
هلا عيوني روز انا مو ام فهد بس بعد اقولك فرصه حلوه

بعدين انتي عايشه بالمانيا والا سياحه وانتي من قطر ..........................

وو
شلون سوق المانيا اوووووووووووووكي ؟؟ ووش احلى المجمعات فيها

•°lشمــــوخl•°
20/06/2006, 02:21 AM
هلا اختي..
اول شي بالنسبة حق زالامسسي..5 ايام اشوفها وااايد..لانها طبيعة وبـــس<<للأمانه انا مارحت زلامسي بس عرفت من كلام الناس
ممكن تقللون الايام في زلامسي..وتخلون كمن يوم في منطقة سالزبرغ..تبعد عن فيينا بس ساعتين بالسيارة
الصراحة واايد حلوة..واذا بتروحون لها ..لازم تروحون قصــر الهلبروون((قلعة الماي))..هذي قلعة لملك يعشق الماي بشكل مش طبيعي...تصميم القلعة كلها عبارة عن نوافير في كل مكان وبحيرات..ويحب يسوي مقالب للضيوف اللي يجونه القصر بالماي..وطبعا هالمقالب بتصير فيكم ^___^<<<نصيييييحة لانها رووووعة للاطفال والكبار.
وبالنسبة لفيينا حلوة وامان...والاسواق عندج ماريا سترييت..وشارع المشاه الصراحة وااايد حلو..وذا بتكون في فندق الراديسين ساس او الماريوت تقدرون تروحون لشارع المشاه مشي..يعني بيكون قريب من الفنادق اللي ذكرتها..
واي استفسار انا حاظرة..

وهج الغرام
20/06/2006, 11:50 PM
هلا شموخ تسلمين يالغاليه بالنسبه للسكن بيكون في راديسين ساس .............

ROSE3ROOS
21/06/2006, 03:15 PM
انا عايشه بألمانيه والاسوق حلوة ولكن الي عندكم احلى .

وهج الغرام
21/06/2006, 06:11 PM
روز انتي قطريه ..............وحابه اعرف اذا مافيها ازعاج انتي ليه عايشه بالمانيا ؟؟؟؟؟؟؟

حابه اتعرف عليك عشان اذا جيت المانيا ازورك ................

وهج الغرام
05/07/2006, 02:37 PM
يابنات بسالكم تكفيني في فيينا وميونيخ لمده 25 يوم 30,000

اتمنى تردون علي باسرع وقت لاني مسافره الاسبوع الجاي

وهج الغرام
07/07/2006, 03:06 PM
وينكم ليه ماتردون علي

وهج الغرام
09/07/2006, 01:34 AM
يابنااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااااااااااااات

وينكم ردوا علي بصييييييييييييييييييييييي ييييييييح من الحره