المساعد الشخصي الرقمي

مشاهدة النسخة كاملة : محتاجه شغاله وخايفه منهم ؟؟؟؟؟ ساعدوني



المحتاره
17/01/2003, 10:25 PM
السلام عليكم ورحمة الله
مشكلتي اني ولاول مره احتاج شغاله وانا خايفه منهم ومن كثر ما نسمع عنهم احس في البدايه قايمه والحمد لله ببيتي وزوجي ولكن بعد ما صار عندي ثلاث اطفال يادوب الحق على شغل البيت والاطفال واحس فعلا اني محتاجتهم فهل تويدوني


ارجوكم اللي جربتهم تساعدني في كيفية التعامل معهم اول يوم يدخلون فيه البيت ومشكورات اخواتي

بنت_الامارات
21/01/2003, 03:55 AM
هلا ومرحباااااااااااااااااااا ...

http://www.reemonline.com/images/images/monarch_group_md_clr.gif

اختي الكريمه .. مش مهم من وين جنسيته بس المهم المعمله الزينه ماتضربيه ولا تصيحين عليهااااااااا بدووووووون سبب حرام لازم تحببينه فيج وفي اولاداج .. وتحس انهااااااا في بيته وتكرمينه ماتخلينه ماحتااااااااااجه شي وبذلك تكسرين عينه وتعرف انج احسنتي معاملة
وماتشيل في قلبهااااا عليج حقد وكراهيه .. وصدقين بالطيب تكسبينه
لانهاااااااااا في نهاااااااااااايه انسااااااااااانه مش جااااااااااااااااااااااام د ..
وبعدين الاندوانسيه زينه ونظيفه والفلبينيه والله والله احسن وحده في النظاااااافه وترتيب من جد .......واتمنى اكون افدتج ........;);)
http://www.reemonline.com/images/images/monarch_group_md_clr.gif
WIDTH=400 HEIGHT=350

سر1ب
27/01/2003, 04:35 AM
السلام عليكم ورحمة الله وبركاته
اظن إني اكثر وحدة عندها خبرة بالنسبة للشغالات وعانيت منهم الكثير جدا المهم .
أختي عليك أولا أن تلزميها بالحجاب والملابس الساتره من أول يوم حتى لو رفضت أجبريها لأنها ستتعود مع الأيام مع المعاملة الطيبة وتأديب الأطفال عند اللعب معها أي لايتطاولن عليها
وناديها بإسمها لاتقولي لها شغالة
وضعي في بالك إنه من يتقي الله يجعل له مخرجا وعليك بالدعاء أن يكفيك شرها

توته الصغيرونة
27/01/2003, 06:11 PM
مرحباااا ....

بصراحة مع انواع الخادمات اللواتي قدمن الى منزلنا ... شفت الاندونسية
الافضل ...
والصراحة الخادمات شئ ضروري اذا كانت الام تعمل ... عشان تقدر تتفرغ لزوجها واطفالها ...
اختاريها اندونسية مسلمة وتكون كبيرة في السن شوي مو كثيررررر لان الصغيرة يمكن تتمرد ( :D ) ...
وفعلا المعاملة الطيبة ... واشعارها بانها بين اهلها .. وعدم الاستعلاء عليها .. له اثر طيب عليها ....

ولا ننسى ايضاااااا ...

ان انت اكرمت الكريم ملكته .. وان انت اكرمت اللئيم تمردااااا ... :(

تحياتي

تووووووتة

^SwEeTa^
28/01/2003, 03:43 AM
http://www.capricorn007.com/1236/bflyline.gif اختي الغاليه اذا تبين نصيحتي .. احسن شي تسوينه انج تييبين خادمه ما اشتغلت من قبل .. يعني فرش ... و علميها على ايدج انتي .. علشان تضمنين انها ما تكون متعلمه الشغل غير النظيف .. لأنج ما تضمنين هي وين كانت مشتغله .. ممكن الناس اللي كانت عندهم مش نظاف ...

و احسن جنسيه .. هي الهنديه .. لأن الهنديه اذا تعلمت على النظافة من اول شي راح تكون نظيفه .. بس على شرط تكون متعلمه على ايدج انتي ... و الهنديه معروف عنها انها حنونه خصوصا ان عندج اطفال ...


اما الاندونيسية و الفلبينيه .. الله يكافينا الشر ... صحيح ان شغلهم زين لكن حقودات ... و قاسيات على الاطفال ... و يايين علشان يتزوجون .. مو علشان يشتغلون بالبيوت ..:mad:

يعني عليج بالهنديه .. و اذا كنتي خايفه انها تكون هندوسيه .. طلبيها من منطقه اسمها (كيرلا) .. لأن خادمات هالمنطقه مؤدبات و مكسورات و منهم المسلمات .. و حتى لو كانت مسيحيه فلها قابليه للاسلام .. و هذي خادمة خالتي كانت مسيحيه و اسلمت السنة اللي فاتت ...

تحياتي
_____

http://www.capricorn007.com/1236/bflyline.gif

دفا الكون
29/01/2003, 06:22 AM
بنااااااااااااااااااااات

عندي اقتراح

ليه ماتجيبون شغاله تشتغل من الصباح الى بعد اذان العشاء وبعدين تتوكل على بيتها ....

بهذي الطريقه رااااااااح تضمنون اشياء كثيره

اولاً : اندونيسيه ...

ثانياً : نظيفه

ثالثاً : البيت بيترتب بالكامل ومااظن بتتعبين في صحون العشاء انتي وزوجك واطفالك

وبعدين بتفتكين من لصقتها خلاص انتي لك حياتك المستقره ليه تدخلين غريبه معكم ... تجي تقضي حاجاتك ... وتروح لبيتها وهلها واكيد انها متزوجه وعندها زوجها وماراح تخافين من شئ...

والله عن نفسي افضل هالطريقه ....

واجدها قمة في الروعه ...

والخيار لكم

اختكم :

دفا الكون

^SwEeTa^
29/01/2003, 08:18 AM
http://www.capricorn007.com/6789/flowerline4.gif
السلام عليكم و رحمة الله و بركاته


اختي الغالية دفا الكون ... فكرتج وايد حلوه

لكن .... تقدرين تضمنين ان الشغالة اللي راح تييبينها ... أمينه؟؟؟

يعني تضمنين انها ما تنوقل أغراضج لبرا البيت؟؟؟

يعني بدال ما تخبي الحاجات بين ملابسها وهي عندك في البيت و تنفضح... راح يكون سهل عليها انها تصدر الحاجات برا البيت اول بأول :(

هم مافي فايده مع هالخدم .. تجينهم يمين .. يجونج شمال :(


تحياتي
_____
http://www.capricorn007.com/6789/flowerline4.gif

دفا الكون
29/01/2003, 07:59 PM
تصدقين حبيبتي

^SwEeTa^

لي سنه كامله وانا الحمدلله ماشيه على هالنظام هذا .... تجي الصباح تروح بعد العشاء ...

والف حمد وشكر لك يارب ... انا اللي اعرفها امينه مررررره جايبتها من طرف اهل زوجي وتعرفهم زين .؟....

ياختي هي المسأله صعبه بس يمكن يكون هذا اسلم حل ,,,,,

وانتي انتبهي لها زين ولاتحسسينها انك تشكين فيها بس بمراقبه من بعيد لبعيد

وصدقيني والله بترتاحين من همها .... ولا تلقين احد يراقبك وش تلبسين وشلون تستقبلين زوجك ... اكره والله كذا

فانا اشوف هالطريقه هي المريحه لي ولها ...

وتصدقين انا اعودها وقلت لها من البدايه .... " اذا تبين شئ محتاجه اي شئ اطلبي مني وانا مستعده عليه "

شافت مني الطيبه .... شفت منها الامانه والاخلاص

الف تحيه للجميع

والله يستر علينا منهم يارب العالمين

اختك :

دفا الكون

ملكة النحل
04/02/2003, 10:49 PM
بصراحة كنت دايما أفضل سيلانية (مع أن شغلهم ماكان نظيف)
بس ريلي ماعجبه شغلهم ....,ولزم علي اييب أندونيسية....
كنت خايفة من اللي اسمعه عنهم(السحر-وحبهم للرياييل;))
فاخترت وحدة عمرها 34....يوم وصلت شفتها عجوز(أكبرمن 40)
المهم طلعت طيبة وايد ... الحمدلله زينة ويانا وأحنا بعد نحبها
على فكرة مرات تختارينهم عاساس عمرها مثلا فوق عشرين
تطلع عمرها 15 - 16 ....هيه صدق تصير:)...
المهم في البداية بروحج تعلمينها كل شغلها ....ما تلبس في
البيت غير جلابية (مب ضيجة تبين تقاسيم جسمها;))....يوم
تطلع وياكم لبرا تلبس تنورة قميس او بنطلون مب مشكلة
بس اكيد ماتكون ضيجة......وطبعا ما تستغني عن الحجاب بعد
نسيت أقولكم في ملابس خاصة حق الاندونيسيات في سو ق
الجديم في الشارجة(بيجامات وسيعة) ورخيصة بعد بأقل من 15
وشئ ثاني هو :يفضل تكون حجرة الخدامة برا مب داخل الصالة
ويوم ريلج موجود ماتدش وايد (المكان اللي موجود فيه)....لانها
المفروض خلصت الشغل فيه ... وحاولي ماتعتمدين عليها في
تربية العيال لان هاي عليج انتي ....يوم تسيرون الحديقة تيودهم
شوية مب مشكلة ...

ونقطة الثالثة : لاتبخلي عليها أبدا منلي تحتاجها (الصابون-الاكل
أغراض العيد)
...الرابعة: لا تتحمليا فوق طافتها...
الخامسة: خليج حذرة منها خاصة في البداية

الام الحنون
13/02/2003, 09:01 AM
اخواتي وبناتي صح الان اصبح مجتمعاتنا تعج بالخدم .... وانا مثلكم ودي اجيب خادمة بس في اخر لحظة ابطل ...
لكن انا اقول مو مهم وشتكون الجنسية ولكن التقوى والصلاة هي المهم ...
لانه من صلح دينه صلحت سريرته ...
عوديها على الصلاة وقراءت القران وعلميها العربيه قراءتً وكتابً لكي تتعرف على الدين الاسلامي الصحيح ..
لاتخافي عزيزتي لن تأخذ من وقتك الكثير وثقي تماماً ستخدمك بكل صدق واخلاص .. والاجر الكبير لكي وليس لها فالله هو خير من يجازي ...
انتبهي على اطفالك ليترعرعوا على صوتك الدافي ..ليناموا على ريحة صدركِ الحنون .... ليعلمهم انتِ .....
انتِ الام عزيزتي وليس هي .... وأعانني الله وأعانكم على تربيت فلاذات اكبادنا ...

moon14
26/03/2003, 12:40 AM
اختي العزيزه المحتاره انا انصحج اندونيسيه
لان انا عندي وحده قمه بالنظافه وعندهن طريقه حلوه حيل بتصفيد الملابس بس اهم شي اتقي الله بمعاملتها وعامليها كانها اختج ولا تخلين الجهال يتلفظون عليها بالفاظ مو زينه واهم شي تشتريلها الملابس والمنضفات من (صابون. شامبو ......)وراح تكون لج امينه مطيعه انا عندي من سنه ولا اشتكت ةلا زعات لاني اراعي ربي فيها

ست الدلال
22/06/2003, 12:38 AM
يا خواتي

ما أنصح أبدا بالأندونيسيات

حتى لو كان ظاهرها أنها رائعة وفنانة وتحبج

البلاوي كلها من تحت لتحت

وأخبث منهن ماشي.. حتى لو أظهرت براءتها

أم أنوار
22/06/2003, 01:23 AM
والله يا أختي العزيزه بما انك في البيت ما تشتغلين أنصحك ما تجيبين شغاله تجعد لك مثل العله في قلبك لا تقدري تلبسي على كيفك لزوجك وأولادك ولا راح تاخذي راحتك حتى بالكلام جيبي لك شغاله مؤقته يعني تجيك من الصبح لحد الظهر بس تنظف و تغسل وتكوي وإذا شاطره بالطبخ تخليها تساعدك بس وفي وقت العزايم تقولي لها تتأخر شوي وتزيديها بالراتب

صدقيني الحرمه مالها غير بيتها وريلها وانتي خدميهم بنفسك وبترتاحي من شي أسمه تنظيف وغسيل وكوي ترا هذا اللي يتعب من شغل البيت بس:up:

قارئة
16/07/2003, 04:46 AM
اختي .. نصيحة سمعتها من اخت مجربة..
الكل كان يلاحظها ان حظها يكسر صخر .. ما في مرة جابت شغالة ما طلعت زينة
.. ولما سألناها عن السبب تتوقعين شو كان الرد والسر..؟
قالت .. انا بعد ما اروح المكتب واختار شغالة اصلي استخارة .. فاذا كانت زينة توصل وتتيسر اموري معاها .. واذا مب زينة ما توصل البلاد وتتعرقل الاجراءات.. وسبحانك يا رب.. تقول تطلع لي أسباب من تحت الأرض بحيث تمنع وصول الشغالة اذا كانت مب زينة..
نصيحة غالية اتمنى تفيدكم..
تحياتي

Dm3ah
16/07/2003, 05:44 PM
انا افضل تجيبين خدامه مو مشتغله بمكان ثاني سواء هنديه او فلبينيه او غير ذالك

وتعلمينها انتي بنفسج ولا احد يتدخل فيها
وهم شي انها ما تطلع برا البيت او تمسك سماعه التلفون وانتي دربيها على البيت وراح اتعود وتريحج من المشاكل وانتي ترتاحين وراح تحب البيت والاطفال
اسالي مجربه عندي خادمه ست سنوات والحمد لله ما شفت منها حاجه تشتغل ولا اقصر معاها طبعا واكرمها ولا اضايقها
والحمد لله مريحتني

والله يخليها لي يارب

اختج
دمعه :smile:

swib
16/07/2003, 09:06 PM
انا اختى عندها خادمة تأتى صباحا و تنصرف فى المغرب.......لاننا لا نحب اقامة الخادمات معنا