المساعد الشخصي الرقمي

مشاهدة النسخة كاملة : عيال زوجي وأنا...ساعدوووني



شمس أبوظبي
20/02/2006, 12:42 AM
سلام عليكم بنات..
شخبــــــــــــــــــــــ ــــــــــــاركم
انا متزوجة مطلق وعنده عيال .. اكبر عياله عمره 9 سنوات واللي بعده عمره 7 سنوات والبنت الصغيرة عمرها 5 سنوات .. المهم العيال عايشين في لبنان .. لأن زوجي لبناني.. في إجازة نصف السنه يعني شهر 1 كانو عندنا 3 اسابع .. ما أعرف كيف اتعامل معاهم.. الولد الكبير كل مرة أحاول أكون طيبة معاه لكنه ما يعطيني فرصة .. ما يدانيني.. حتى الصغير قام يقلده.. لكنه ارحم.. والبنت الصغيرة كل ما شافتني انا وابوها مع بعض في الصالة او حتى في غرفة النوم تقعد بينا وانا اطفش منها .. اقول يمكن يغارون مني لآني خذت مكان امهم مع ان زوجي صار له مطلق 5 سنوات.. حاولت اضبط أعصابي لكني أخاف افقدها وزورجي يزعل مني .. مع اني احبهم كثير ..
بنـــــــــــــــــــــــ ـــات بليز خبروني كيف اتعامل معاهم.. واللي عندها خبرة بليز تساعدني..

اسيرة قلبه
20/02/2006, 12:54 AM
امممم

حاولي تشترين لهم العاب واشتري لهم بلاي ستيشن اذا جوا عندك ينبسطون ويلهون معه

وطلعيهم انتي وزوجك اتوقع بهالطريقة يبدون يحبونك لأنك كسبتيهم بتعاملك معهم

مهما كان هذولي اطفال مايعرفون اذا انتي طيبه والا لا وتحبينهم

الاطفال نقطة ضعفهم الالعاب والملاهي والتمشيات والكلام الحلو

وبكذا بتشوفينهم يحبوووونك وانا متأكدة هذي طريقة حلوة بصراحة

شمس أبوظبي
20/02/2006, 01:17 AM
يوم كانو عندنا كنت تقريبا" كل يوم اطلعهم أنا وأبوهم ومرات انا بروحي مدينه الالعاب .. بس الولد الكبير يقهرني دوم وزوجي يقول فترة وتعدي مع ان اخوانه احسن عنه انا قلت يمكن لأنه الكبير وحاقد علي... واشتريت لهم بلاي ستيشن.. لكنه والله يلوع بي وهالصيف بيغثني وبيقعد معانا كل الصيف الله يعيني.. ومشكورة اختي اسيرة قلبه..

سـوكـره
20/02/2006, 03:48 AM
هلا يا قلبي .. شخبارك
شوفي حبيبتي ترى طبيعي الي يسويه الكبير لانه أغلب الاطفال الي بعمره يكون اساس حياتهم ( العناد) يعني يستمتع انه يعاندك لانه يحس بأنه كذا رجال
انا عندي اخوي نفس الشيء ويسوي نفس الي تقولين عنه.. لكن صدقيني تقدرين تكسبينه بأنك تدخلين له من المجال الي يحبه .. يعني مثلاً اغلب الأولاد الي بعمره يحبون يلعبون مباريات حاولي تجيبين بلي ستيشن وتلعبين معاه حتى لو كان هالشيء ما يعجبك بس تنازلي مره لكسبه ولا تحطين في بالك انه ممكن يكونون يكرهونك لأنك زوجة أبوهم لانه هم اطفال يعني نادرأ ما يكون عندهم وعي على مثل هالأمور
والبنت الصغيره طبيعي الي تسويه لانه البنت بطبيعتها تحتاج للاحتواء والحنان فدايم تحب تكون وسطكم فأنتي حاولي انك تخلينها معاكم لين ماتنام وافرضي عليهم انهم ينامون بدري يعني بالكثير 10 وهم بالفراش ويصير بعدها ممكن تقعدي انتي وزوجك على راحتكم من غير تدخل أحد
والله يعينك من جد الأطفال مشكلتهم مشكله بس تأكدي ان شاء الله انه ربي راح يكتب لك الأجر في كل الي تسوينه
تحيــاتي

امراتيه
20/02/2006, 06:41 AM
حاولي تكسبينهم البنت دلليها بالالعاب
حتى الولد المتوسط
الكبير لما ابويروح امسكي اظربي علقي من ريوله هههههههههههه امزح لا شوفي اجلسي معاه بروحك كلمي قوليله ليش ما تحبني انا ما سويتلك شي خدي واعطي معاه في الكلام والله بيكون في صفج

نوووسهUAE
20/02/2006, 07:02 AM
هاذي ردة فعل طبيعيه تجاه زوجة الاب

بس ان شاء الله مع التعود راح يكونون قريبين منج واستغلي فترة الصيف يوم بيكون عندكم
واقعدي مره وياه بروحكم وكلمينه باسلوب حلو

ولا تزعلينهم ابد مهما كانوا هذيلا عياله

والله يسر امورك

الغـــلا كله
20/02/2006, 02:22 PM
حبيبتي هالشي طبيعي واللي يسوونه هالاطفال عادي ... انتي ما تدرين شو بخواطرهم بس اللي يغلب عليهم انهم ماخذين فكرة حرمه الاب الشريره .. اسمحيلي على هالكلمه والدليل على هالشي تصرفاتهم اللي تقولين عليها .. صدقيني تحمليهم شوي وحاولي تاخذين وتعطين وياهم بالرمسه وخاصه الاكبر .. حتى لو صدج مرة ومرتين وثلااث .. بعد استمري لانه لو لان الكبير صدقيني الاصغر بيصيرون نفسه ... اخذيهبالهدوء وحبي اللي اهو يحبه واندمجي وياه وشوفي شو بيصير ؟؟

شمس أبوظبي
21/02/2006, 05:29 PM
مشكورات خواتي وبارك الله فيكن

joree2000
21/02/2006, 10:10 PM
اهبيلن اختي
احمدي ربك ان الكبير موبنت انة ولد والولد سبحان الله عكس البنت ماينبتة مثل البنت البنت دقيقة بكل شئ
الولد بيحب الكلام الزين والمدح والتشجيع فانتي دايم امدحية وشجعية انا عندي اخوية عمرة 11سنة مايمشي ولايسوي شئ الابالمدح
والكلام الزين وبعدبن الولد كل مامدحتية كل ماكانلك كل احترم وترى الولد دايم بيشوفة باذنة مش بعيونة فاهمة
واحاولي انك تمدحينة وتثنين علية قادام ابوه
وعندي لك طريقة اذا جاءك بالصيفية قولي لابوة يدخلة بنادي رياضي عشان ينشغل فية ويتسلى ممكن هو عندة وقت فراغ عشان
كذا هو حاط حرة فيك
والبنات كمان ماقصرو بنصايحهم
اما البنت صغيرة وماتفهم فاممكن تشتريلهاالاعاب وهدايا وبكذا راح تحبك حاولي تنومينها بدري عشان يكون عندك وقت فرغ مع زوجك
دعواتي لك بان ييسر الله لك امورك

أحلى شوريه
24/02/2006, 06:48 AM
أختي إتقي الله فيهم وأنت تزوجتي أبوهم وأنت تعرفين إن عنده أولاد ..
وهم في كل الحالات إصغار وتوهم علي الشقى لاتشقينهم وتسوين فيها زوجة أبو
والله إني أكره موت هالسالفه ..والله يعطيك علي قد نيتك ..

دلوووعة أووي
26/02/2006, 05:18 PM
ايييييييييه!! اللــــــــــــــــــــــ ـــــــــــــه يعينج الصراحة!!
شخصيااا انااا اليهال بشكل عام ماااستطلطفهم...( الي فووق ال3 سنوات) ..و الاولااد اخس و اخسس ..

انا بعطيج الحل اذا كنت في مكانج

مممممم...شوفي حبيبتي..حطي في بالج شي واحد..انهم بيسيروون و بيرجعوون..يعني مش دايمااا موجودين عندج..
اوال شي لازم تكون عندج غرفة لهم ..الاولااد بشكل عاد يحبون البلاي ستيشن و يندمجون و ينطبوون ..و بعد افلام الكرتون..يندمجون فيهاا ..و ممكن بعد تودينهم الحديقة بيلعبون و بيلتهوون ..الزبدة يعني ..لازم تلهينهم عن الافكاار السودا ( انج انتي خذتي ابوهم عنهم) ..
ايضاا عندج اليهال يحبون الفاست فوود و الاكل ..ماك دونلدز و هارديز و هالسوالف..يستانسون عليهاا ..
و عوديهم يرقدون الساعة 8 من الليل ..عشان خلاااص ..تخف المسؤولية عليج ..و بس!! و انصحج..تعاملي معاهم بطبيعتج..لا تعطينهم وايه ولاااا تجسين عليهم ..خلج على طبيعتج ..
و شي ثاني ..هالمشاوير ممكن الخدالمة مع الدريوال يسونهاا ..مش شررط انتي تكونين فوق راسهم على كل مشوار ..
اتمنى اني اكون افدتج

ZeNa New LQQK
26/02/2006, 06:08 PM
ربنا يهديلك الاولاد و يباركلك في زوجك
بس لاحظي ان الولد الكبير تقريبا في سن المراهقة فعشان كدا هو صعب
و بالاضافة انه شايف انك واخده مكان امه إلي هو اكثر واحد عاش معها من الاولاد
تعاوني انت و زوجك على كسب ودهم و ربنا المعين

دموع حائره
04/03/2006, 08:31 AM
حبيبتي كل شي بأجره وعامليهم مثل عيالج انا من رايي شركيهم في نوادي بالصيف وخذي لهم العاب وخلي يكون عندهم صداقات يعني اذا جيرانكم عندهم يهال خليهم يلعبون معاهم وهذا اللي عندي بس اهم شي لاتقسين عليهم والأولاد طبيعتهم الاعناد والله يعينج ومأجوره انشالله

ريحانة القلوب
04/03/2006, 10:21 AM
هذي تصرفات أطفال عادية صدقيني وهم ما قصدينك انتي بالذات الأولاد وما أدراك ما الأولاد وخاصة في هالسن يطلعو نخل وبجذوعها في الراس بس بالين وبالمدح وبوسه من هنية وهناك بتكسبي ودهم وبتكسبي أنهم يسمعو الكلام.
بس صدقيني هم ما قاصدين يعملو هالحركات عليك لأنك زوجة أبوهم .
بعطيك مثل واسمحي لي بهالمثل بس ممكن يفيدك أنا سفرت شغالتي الآولانية والي كانت مربية لي عيالي وأولادي يحبوها وجبت وحده جديده طلعو لها روحها لحد ما هم تأقلمو معاها وهي تأقلمت معاهم .
الأطفال عادة يميلو كل الميل للي يدلعهم ويقول لهم كلام حلو وكلام تشجيعي.
انتي يوم بتشوفي البنت جالسة تسوي شي وقفي معاها وقولي الله شو هالحلوة جالسة اتسوي وميلي عليها وبوسيها وروحي عنها صدقيني بعدين أبروحها بتجي أتقولك أنا سويت كذا وبسوي كذا .

دنياي عذابي
05/03/2006, 06:02 AM
أهم شئ انج تحسين انهم عيالح ويمونون
وفيه طرق كثيرة لجذب اولها الاشياء الي هم يحبونها
قربيهم منج وعامليهم كأنهم عيالج
والله يسخرهم لج

برا الطابور
05/03/2006, 06:15 AM
اول شي اختي ادعو الله انو يساعدك انشاء الله ويعينك على البلوه

ثانياً / لا تخافين حبيبتي الأطفال مشاعرهم متبدله في هالفترات .. لو كنتي زينه معاهم صدقيني بيحبونك

حاولي تستقطبين نقاط ضعفهم تداريهم بدون تصنع حاولي دايم يشوفونك تضحكين .. معاهم . لاتحاولين تنتقدينهم

حتى لو صار واحد فيهم سوى شغله غلط .. قولي له خلاص .. لا تخاف انا ماراح اعلم ابوك يعني حاولي تستقطبينهم بهالشكل

بس اصحي تزعليهم .. اول من بيوقف ضدك زوجك ..

لان بالأول والأخير هم عياله .. اي نعم انتي زوجته بس بالنهايه انتي بنت الناس وهم عياله ..

حطي هالنقطه بمخك ..

والله يعينك عليهم

ام حتومه
06/03/2006, 11:18 AM
http://www.asmilies.com/smiliespic/FAWASEL/003.gif ]


اختى الغاليه وفقك الله وهناك والعيال صدقينى ماهم هم مساكين مالهم ذنب في اى شى

بعدين انتى حطى نفسك مكانهم لو انتى في جهه وعيالك في جهه لاسمح الله بربك ماودك ان الله يحطهم في زوجه اب طيبه وتراعى الله فيهم


مساكين الاطفال هم ضحيه الطلاق هم من يدفعون الثمن


اختى الغاليه ثقي تمام ان معاملتك لهم سبب لرزقك با الاطفال وانشاء الله ربي يعطيك على نيتك ويهدي قلوبهم لك



يمى قصص موثره بكينا عشانه من الاطفال ضحيه الطلاق وزوجه الاب المتسلطه لالالالالالالا


اي موقف يصير لك حطى في بالك لو عيالي كذا التصرف الصح ماهو ؟؟؟؟؟ وسوي الى يرضى ربك وضميرك

انا حاسه انك طيبه كثير ماراح تظلمينهم وانك تحبينهم لو ماتحبينهم ماكان سالتى كيف اكسبهم

الله يوفقك ويرزقك كتاكيت مثلك يارب


واخيرا تكفين لاتنقطع اخبارهم بشرينا اول بااول عن علاقتك معاهم انشاء الله تتطور من احسن لاحسن


http://www.asmilies.com/smiliespic/FAWASEL/003.gif ]