المساعد الشخصي الرقمي

مشاهدة النسخة كاملة : مخطوبة وخطيبي يماطل في الزواج



الهوى الجنوبي
10/02/2006, 01:51 PM
بسم الله الرحمن الرحيم
لو سمحتوا أبغى نصيحتكم لي أنا محتاره أنا مخطوبة من سنه تقريبا ومن المفترض أن زواجي يكون الصيفية هاذي ولكن خطيبي يماطل مع العلم أنه حالته الماديه جيدة بالنسبه للشباب لكن ما أدري ليش يتحجج بأشياء غير واقعية مع العلم بأنه مش صغير في سنه حيث أننا أعمارنا سوا 28 سنه وشقته جاهزه لكن ماأدري أيش فيه

نوارهـ
10/02/2006, 03:33 PM
هلا اختي الهوى الجنوبي
لاتستعجلين على شي وكل تاخيره فيها خيره
انا اعرف وحده نفسك تملكت وظلت سنه كامله ماتكلم بالزواج مع انه يقدر ومافي شي ناقصه
بس بعدها جا لاهلها وحدد موعد الزواج والحين متزوجه من شهرين تقريباً
كل شي بوقته حلو ويمكن عنده ظروف انتي ماتعرفينها وبس:shy:

اسيرة قلبه
10/02/2006, 03:59 PM
الله يعينك يالغالية

خلي اهلك يحددون الموعد مع اهله لأن كلام الاهل يحسم الموضوع

ولاتبينين له انك متشفقه على الزواج تعرفين تفكير الرجال خلي الموضوع بين الاهل افضل

والله يوفقك يارب ويسهل امورك ونشوفك عروس قريب بأذن الله

رومانسية للأبد
10/02/2006, 04:13 PM
أنا رايي من رأي ::::

أسيرة قلبك

لازم أهلك يكون لهم كلمة في الموضوع

وعمركم ألحين 28 سنة

يعني واااااايد مناسب

ومن خلال طرح هذا الطلب على أهل زوجك فسيتم بالتالي

عرض سبب تأخير ابنهم لزواجه

مرموم
10/02/2006, 04:22 PM
السلام عليكم و رحمة الله و بركاته

هلا بيكي أختي...

أختي إنتي لوحدك ما راح تقدري تحلي المشكلة..

أهلك يكلموا أهله و يحددوا الموضوع و يحددوا يوم الفرح...بنات الناس مو لعبة...

و يشوفوا شو هي أعذاره...

و إن شاء الله خير و تبشرينا قريب :)

لب لفواد
10/02/2006, 04:24 PM
كل تاخيره فيها خيره

نوووسهUAE
10/02/2006, 04:26 PM
السلام عليكم ورحمة الله وبركاته

رايي من راي الاخوات

لازم الاهل يتكلموا بالموضوع

انفينيتي
10/02/2006, 04:36 PM
أحسن شي تكلمينه للمرة الأخيرة
ولو لقيتي نفس النتيجه، رمسي أهلج
يتدخلون عشان يرمسونه هو وأهله
ولا تخافين من زعله مدام هو مب هامنه
عمرج اللي ممكن يضيع وانتي تتريين
حضرته يحدد الموعد

لو بايع وما يبا، احسن من الانتظار على
الفاضي...............البنت هي اللي عمرها
يضيع....الريال لو عمره فوق التسعين حتى
يلقى اللي بتاخذه.....

وأنا أعرف وحدة معرفة شخصية سكتت
على تأجيل ريلها (مالجين) للعرس وتموا
3 سنين وبعدين طلقها (يكافأها على صبرها)
وعقب فترة تزوج عربية وافدة والبنت لين اليوم
في بيت اهلها وما عرست وطافت الثلاثين والندم
معذبنها

والنصيب بإيدين رب العالمين مب بإيدين
عبد من عباده بس الواحده ما يضيع عمره بسبب وهم
أو وعود كاذبه......والله يوفقج ويفرج همج

مجنونة مصطفى
10/02/2006, 07:00 PM
حبيبتي المفترض تخلين الرجال هم اللي يتكلمون في هذا الموضوع ويحددون الوقت للزواج حتى لا تتعبين نفسج اذا انت سالتي خطيبج

والله يوفقج

Dubai Baby
10/02/2006, 08:33 PM
يمكن لان دوم معاج او دايما يشوفج و يكلمج فمش متحمس للزواج

احرميه منج لفتره و خليه يتلهف لج و للزواج منج عشان تتمون دايما مع بعض

الغالية22
10/02/2006, 10:00 PM
اختي لاني منج احاول اغرية حق اشياء واخلية يتلهف على الزواج وبعد احاول اخلية ما يجوفني لفترة وصدقيني بيحدد موعد للزواج

شماامي
11/02/2006, 01:14 PM
يمكن ظروف ثانيه مو شرط ماديه ..

ماعليه تحملي شوي ترى الصبر زين ..

وبعدين انتي اساليه ليش متماطل جذي ..شوفي شو ظروفه يمكن يفتح لج قلبه ويقولج...

سحايب دبي
11/02/2006, 01:33 PM
دام الموضوع في فترة الخطبه

اتوقع الأهل وحدهم يقدرون يحددون الملكه

انتي مش حلوه تقوليله يالله حدد الزواج

ترى يمكن يبي ياخذ راحته في التفكير لي يفتنع

الله يوفقج

جوان الجزيرة
11/02/2006, 10:03 PM
وسعي صدرك متى ماربك قدر بتتزوجين-ا قرئي سورة الرحمن ويس

الهوى الجنوبي
18/02/2006, 03:28 PM
السلام عليكم ..أحب أشكرأخواني وأخواتي العزيزات
اللي أفادوني بنصايحهم
وإن شاء الله أستفيد منها
وبالنسبه للأخوات اللي يقولون أحرميه من شوفتك .. أنا ما أشوفه نهائي بس أكلمه لأن عندنا عادات وتقاليد تمنع الشي هذا